منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

08-09-2011

في احد المجمعات ..

كانت سمر ووضحه وليالي يمشن في المجمع ويدورن على فستان حلو يناسب ملكتها واهي ما يعجبها شيء

ليالي : يا راسي منك
سمر : مو حلو مو حلو
وضحه : سمر هذا 3 مجمع ندخل وسالم وناصر ما قصروا كل مكان نروح له
سمر : طيب وش اسوي يعني آخذ أي شيء وبس
ليالي : ما قلنا كذا بس عاد
سمر (بعصبيه) : كللللللللللله منه كل منه أفففففففف
ليالي : بس بس (ألتفت للوضحه اللي مو صوبهم) وهذي وش فيها تجبست
سمر : وش فيها (ألتفت لمكان اللي نظر الوضحه عليه وشهقت) فهد
ليالي (ألتفت وعقدت حواجبها) : فهد بس من هذي
وضحه (كتفت أيديها وتطالع له ) : الحب
ليالي : وش
وضحه : حبيبته
سمر : يمكن سلمى ولا فرح
وضحه : سلمى ما تلبس كذا وفرح هذي غطاها خفيف وعباتها كلها نقش وشعرها طالع
ليالي : يا جراءته
وضحه : يا وقاحته
سمر : تبين نحرجه ونعلمه انا كشفناه
وضحه (باستهزاء) : لا خليه علي انا اعرف له
ليالي (تراقبها واهي تطلع جوالها) : وش تبين تسوين بتتصلين بعمي
وضحه : هههههههههههههه لا خلي عمي على صوب (فتحت الكاميرا الفيديو ووجهته لفهد والبنت) هذا بيكون كرتي الرابح وبهذا بجيب ورقة طلاقي منه
ليالي وسمر (شهقن) : طلااااااااق
وضحه (تكمل تصوير لفهد الهيمان) : أيه طلاق وش تحسبن اني بشفع له ولا برضى عليه لو دار الزمن بتكون الضربه القويه لي انا وتصوير لخيانته بتكون هي السبيل اني افتك منه واكسره
ليالي : وضحه بس وش تبين تسوين
وضحه (تسكر الكاميرا وتدخل جوالها للشنطه) : بيوصل لأبوي مو بيحضر ملكة خوله اهو وجدي وخليفه بقول شوف فهد وش يسوي وابوي اكيد ما يرضى علي
سمر : بس انتي كذا بتضرين نفسك
وضحه (ألتفتت لها ) : اضر نفسي بطلاق منه
سمر : أيه بطلاقك وحملك لأسم مطلقه بيكون السبب في تركك دراستك
ليالي : صح خالي بيطلقك من هنا وانسى يخليك هنا لحظه بيآخذك للقريه ويرفض تكملين دراسه
سمر : وضحه هدي الامور باقي تقريبا 3 شهور لا تخربين على نفسك (انتبهت للوضحه تنزل راسها) احنا عرفين أن اللي يصير يألم بس مستقبلك أهم شهادتك في يدك بتكون ضمان لك وكذا لو تطلقتي ما تحتاجين لرجال يصرف عليك بتكوني حره مستقله
وضحه (ألتفت لفهد وانتبهت له يمسك يدها) : هيمان الاخ
ليالي (تصر على ضروسها) : قاهرني ولا حاس باللي حوله كأن العالم بس اهو واهي
وضحه (ابتسمت بخبث) : بنات دقائق وراجعه
سمر : وين
وضحه : دقائق بسرعه قبل سالم وناصر يشوفوني

رفعت راسها واتجهت لهم وكلها شموخ وعزة نفس انتبهت لنظرة البنت لها واهي تقرب بعيونها نظرت تساؤل من انتي ما اهتمت وقفت جنب فهد اللي انتبه لظل مغطى في السواد رفع نظره وعقد حواجبه ما عرفها لأنها موشحه بالسواد مستترة من رأسها لأقدامها بس أنصدم لما سمع الصوت صوت يعرفه وقف من الصدمه

فهد : وضحه
وضحه : أيه وضحه
البنت (وقفت وبدلع) : حبيبي من هذي
وضحه (قلدت البنت بدلع) : حبيبي من هذي
فهد (انصدم بطريقة كلامها ) : شنو
وضحه : امممم خلاص خلاص انا اقول لها

قربت من البنت ووقفت قدامها واهي تعدل طرحت البنت

وضحه : شوفي يا حلوه انا (التفت لفهد ) وهذا أزواج يعني هازبن أند هيز وايف
البنت (بصدمه) : شنووووو
وضحه (بطريقه مستفزه) : يا حرام انصدمتي ايه ايه زوجي حبيبي عمري حياتي قلبي دنيتي فهودي
البنت (أشرت لنفسها) : وانا
وضحه (ببرود ) : نكره مجرد نكره
فهد (مسك يدها بعصبيه) : وضحه اقصري الشر
وضحه(قربت من وجهه وبنظرة تحدى) : بعدك ما شفت شيء توك يا فهد هذي البدايه والقادم بيكون محطم لك
البنت : فهودي وش تقول ذي
فهد (ألتفت لها) : دارين ما عليك منها هذي مجنونه هذي الوضحه
دارين : هذي الوضحه
وضحه : اسمها دراين ههههههههههه أجل انا ابخص
فهد (هز يدها بعصبيه) : تنكتين
وضحه : تصدق كل اللي يصير نكته بس اسمع هالنكته على (اشرت لها) الهبله هذي في مصرية سمّت بنتها (( دارين )) غارت جارتها البدويه سمت بنتها حنا ابخص
هههههههههههههههههههههههههههه
دارين (دمعت عيونها) : هذي وش تبي يعني هي ما تعرف انا شنو أنا
فهد (يقاطعها) : دارين بس
وضحه (سحبت يدها من فهد وقربت لها) : شوفي هذا فهد كله على بعضه ما يهمني اشبعي فيه اللي ابيه وحصلت عليه وبيكون درس قاسي لفهد
فهد : وش تقصدين
وضحه (قربت له ) : قريب راح تعرف يالله يالعشاق اخليكم سي يو
فهد : وضحه
دارين(جلست تبكي) : ............
فهد (مسك يدها ) : حبيبي بس تعال يخلينا نطلع الناس تطالع لنا
دارين : لا تلمسني
فهد : يوووه حبيبتي والله بفهمك تعالي بس
دارين : هذي تهيني هذي
فهد : تخسى تعالي بس معي خلينا نطلع

طلع فهد ودارين واهو يصر على ضروسه وتوعد فيها اما وضحه كملت التسوق معهم واهي عقلها مع اللي صار وألم في القلب مهما كان صح ما تحبه بس الخيانه مره مره طلعوا من السوق بعد ساعه تقريبا طالعت لساعتها شافت الساعه 8 وفرح قالت ان فهد لازم يروح الشغل الساعه 6 المغرب

وضحه : ليالي ناصر
ليالي : هلا
وضحه : وصلوني لبيت عمتي ام خالد
ناصر : ليه
وضحه : عمتي زعلانه شوي علي لاني ما ازورها وحبيت ازورها
ليالي : تحبين نجي نآخذك متى
وضحه : لا بخلي السواق يوصلني
ناصر : أفا وأنا اخوك متى ما حبيتي اتصلي على ليالي نجي نآخذك
وضحه : الله يرزقك بالخير ياخوي

وصلت بيت عمتها ودخلت بس وقفت مصدومه يوم شافه بيطلع من الباب واهو وقف مصدوم يوم شافها هي تحكمت في اعصابها وتعدت من عنده ودخلت البيت كان عمها وعمتها جالسين وفرح وسلمى ورغد اللي ركضت لها وتضمها

رغد : أشتقت لك كثير اشتقت
وضحه : وانا كثير بعد
الأب : رغد خلينا نسلم على الغاليه كلنا

وضحه قربت وسلمت على الكل انتبهت لفهد اللي دخل وجلس ألتفت لفرح وبنظرة عتاب ردت عليها فرح نظرت استغراب صدت عنه

وضحه : كيفك يا عمي
الأب : بخير بشوفتك منوره البيت
وضحه : يا عله دوم وعمه كيفك
الأم : بخير لو اني زعلت شوي عليك بس خلاص رضيت
وضحه : أفااا ليه زعلانه
الأم : ما دخلتي بيتنا كأن حرمتي على نفسك دخوله
وضحه : لا والله بس (ألتفت لفهد وبعدها طالعت لعمتها) ظروف
فهد (يفرك في أيديه) : حياالله زوجتي

الكل ألتفت له و أنتبه لنبرة الاستهزاء في صوته بس سكتوا

وضحه : يحييك
فرح (طالعت لوضحه وانتبهت لنظرت التحدي) : .............
الأب : فهد مو عندك استلام
فهد : لا عادي اتصل على أصحابي وأقول بتأخر وانا في ذاك الوقت اللي زوجتي تدخل فيه البيت
الأم : تتعشين عندنا
وضحه : لا اسمحي لي بس مريت اسلم وناصر وليالي بيمروني بعد ربع ساعه يرجعوني للبيت
فهد : لا ما يحتاج انا اوصلك
وضحه : لا
فهد (رفع حاجبه) : وش قلتي
وضحه : لا
فهد : مو بكيفك يا اوصلك يا تنامين هنا اليوم
وضحه (ألتفتت لعمها) : عمي
الأب : فهد أقصر الشر
فهد : ما تروح مع غريب مو كفايه ساكت عنها واهي ساكنه عندهم هناك
وضحه : انا ساكنه في بيت عمتي مو عندهم
فهد : انا خيرتك اختاري
وضحه (كتفت ايديها) : تحدي
فهد(كتف ايديه) : أيه
الأم : بس بس حشى ما تقول زوج وزوجته
وضحه (سكتت ونزلت عيونها ) : ..................
فهد : قلتي زوجتي وناصر مهو محرم لها
الأب : خلاص انا اوصلها واظن هذا ما في اعتراض انا عمها ابو زوجها
فهد (عض على شفايفه وفي نفسه) : قدرتي هالمره بس الجاي اكثر هين يا وضحه
رغد (ببراءه) : وضحه ليه لابسه نقابك مو فهد زوجك وبابا صار يجوز تنزلين نقابك

الكل انصدم ووضحه أكثر وحده ورفعت عيونها لفهد وانتبهت لنظرت الخبث والانتصار في عيونه وفهد تمنى لو يقوم ويحب رأس رغد

فهد : صح (شاف الكل ساكت وكمل) نزلي نقابك انا محرم لك زوجك
وضحه (حست بيغمى عليها) : هاه
فهد : من قال هاه سمع إذا ما تعرفين انا برسم الخدمه انزله

وضحه تلتفت للي حولها بس الكل نزل عيونه كأنه يقول ما نقدر نسوي شيء مدت يدها اللي ترتعش لنقابها وتحس دمعتها في عيونها ما تبي فهد يكسب ويشوفها ما تبي ما تبي يتأمل وجها واهي تحس إن مو حلال له مسكت طرف النقاب و اهي تشوف نظراته لها كلها لهفه يشوف ذاك الوجه القابع خلف النقاب المخفي عنه والغير مسموح له برؤيته ولكن شاء القدر بأن تنتصر وضحه قبل إنزال نقابها سمعوا صوت

: احم احم يا ولد
رغد (نطت ركض لباب ) : خلوووووووووووووووووووووودي
فرح : خاااااالد وميثه
الأم(بفرح) : يالله حيهم
خالد (دخل) : السلام عليكم
فهد عض بقوه على شفايفه واهو يشوف نظرت الوضحه له وكأنها تقول راحت عليك يا فهد نظرت استهزاء بعيونها لفهد وقفت واهي تمر من جنبه تبي تسلم على ميثه

وضحه (بهمس) : تبطي ما توصل للي تبي
فهد (بهمس واهو يصر على ضروسه) : بوصل قريب
وضحه : سي يو يا حبيبي أحنا أبخص أقصد دارين هههههههه

سلم فهد وطلع معصب ما قدر يجلس مقهور كان بينه وبين وضحه شعره بس بيشوف البنت اللي الكل يشهد بجمالها يبي يشوف اللي تحمل مثل عيون الوضحه الواسعه ذات الرموش الطويله ممكن تحمل جمال خلاب قرر يوصل لها وفكر وقدر يوصل لفكره يشوفها غصب عنها ومن غير علم أحد

-------

في جده ..

الكل جالس في الصالة تقريبا والهدوء يعم المكان

الجده : وش فيكم كأن الفكره مو عاجبتكم
العمه هيا : يمه كيف تبينا نتقبل نترك جده ونرجع الرياض
الجده : انا ما قلت الكل أحمد يبي قرب عياله واهو يعرف حالته (دمعت عيونها) يبي يكون بينهم بس اهو قاسين
عبدالله (جالس جنبها) : جده إحنا وش قلنا
الجده : وش أسوي قلبي محروق عليه
حسين : جده هم مو قاسين بس راعوا مشاعرهم واللي كان بيصير صدمهم خليتم ما لهم ثقه فينا
حسن : خالي طلب نشتري له بيت في الرياض عشان يكون قريب منهم وفي حال احد حب يسكن معه بيكون البيت عباره عن فيلا كبيره بس بأسم ولده سلطان
عبدالله : عمي حب يكون الأمر سر بينا وأن لو لا سمح الله صار له شيء تسلم الفيلا لسلطان
العمه هيا : وعذاري
عبدالله : عذاري موضوع ثاني ممنوع نتناقش فيه الموضوع ألحين أن الفيلا بيتكون لسلطان
العمه هيا : صعب اترك جده بالوقت هذا زواج البنات والعيال والمدارس على آخر السنه
عبدالله : وأبوي وعمامي نفس الشيء لهذا قررت اسلم حسين مسؤوليه الشركه وبكون انا مع عمي وجدتي في الرياض
احمد : طيب من بيهتم فيكم
عبدالله : الخدم
العمه هيا : وامي
عبدالله : بكون انا عندها لا تحاتون
عامر : وكيف عن زواجنا أنا واحمد
عبدالله : بيكون كل شيء بعد زواجكم على ما احضر البيت عدل ( وقف) أسمحوا لي بطلع مع السلامه
الكل : مع السلامه
حسن (همس لحسين) : وش فيه متغير صاير اهدى
حسين : مدري خايف عليه صاير ساكت اكثر الوقت خلني بروح اشوفه مع السلامه
حسن : طمني عليه بحفظ الله

عبدالله شغل سيارته وطلع من الفيلا متجه للبحر يبي يجلس لوحده وما صدق وصل لها ويختلي في نفسه شغل اغنيه وخلى باب السياره مفتوح بعد ما خلى الصوت عالي وجلس على صخره قرب البحر

كثير من العنا فيني واقول واخفي واكابر
وانا ادري كثير الهم يشيب العمر به بدري
عرفت ان الوفا احلاام
ومع هذا انا صابر
على جور البشر واكثر
ياليتك يازمن تدري
عطيتك يازمن وقتي
ودايم بكلمتي حاضر

عبدالله (في نفسه) : وحشتيني كثير صدق اكابر وصدق اقول ما اهتميت بس هزيتيني يا عذاري خليتي قلبي يشهق بأسمك ويرتعش عند طاريك الله يسامحك يا جده صرت افكر فيها واهوجس فيها وتركت لنفسي حق التفكير فيها وبأنها لي صدقت وبنيت لي احلام ايه كنت أضنها مثل البنات كلهم بس لما شفتها في لندن صدمتني بوجها البريء صدمني ذاك الخجل وذاك الجمال اهتز قلبي لنظرتها لي رغم أن نظرتها لي حقد وكراهيه بس هزتني
(حط ايديه في شعره ورجعه) يضنون اني زعلت وتضايقت وغضبت لما اخذت سليمان عشان جدتي وعمي ولا يعرفون ان كل هذا عشان قلبي اللي أنطعن اللي نزف اللي تألم بفقدانها بعد ما كانت الوحيده على عرشه احب اعصبها لانها قويه شخصيه ما تنكسر عينها احبها بكل حالاتها حتى بغضبها رجعت مراهق معها اعاندها مثل الاطفال في لندن امنع خروجها واحب لما يقولون عبدالله المسؤول قولي له
(أبتسم لما تذكر ملامحها) اذكر ايه يا عذاري اذكر نظرت التحدي لي تعجبني نظرتك واسوي نفسي اني موافق تطلعون بس بشرط انا اروح ما آمن عليكم احس بروحي ترفرف بحضورك وفرح غير طبيعي بقربك ولكن كل هذا تبدد وضاع صار مستحيل لي ممكن لسليمان يا أني اكره هالانسان وانا ما اعرف بس بانه حصل عليك وأنا لا (أنبته ليد على كتفه رفع نظره واستغرب ) حسين
حسين : لحقتك لهنا وفكري مشغول عليك .. وش غيرك من رجعت من لندن متغير
عبدالله (ألتفت للبحر) : ولا شيء
حسين (جلس جنبه) : حبيتها
عبدالله (غمض عيونه وأبتسم) : أنتو السبب
حسين : في شنو
عبدالله : دخلتوها حياتي طلعوها منها طلبتكم ريحوني
حسين : ملكت قلبك
عبدالله (رفع رأسه للسماء) : ملكتني كلي
حسين (أنصدم) : عبدالله
عبدالله : بس لا تتكلم عارف بتقول عبدالله اللي ما تهزه المرأة المدمر تقدر عليه بنت
حسين : عبدالله
عبدالله : انا بشر لي قلب واحساس وعذاري أمراه ما شفت مثلها قوه جمال رقه انوثه كلها على بعضها حلوه
حسين : عبدالله
عبدالله (وقف واتجه للبحر واهو يحس بماء البحر على رجوله ) : لا تتكلم خلني في صمتي
حسين (فضل يسكت ويتابعه وفي نفسه) : يالله يا عبدالله الله يصبر قلبك

سكتوا واهم يسمعون باقي الأغنيه اللي تصور مشاعر وحال عبدالله ...

ولما احتاجتك نفسي كسرت بخاطري وقدري
عطيتك يازمن عمري
عطايا الامس والحاضر
ويوم احتجت لحساسك
طويت بظلمتك فجري
على حمل الاسى مقوى
وىا لي خافق قادر
تراني مكتفي بلحيل
ثقيل الهم في صدري
عسى الايام تنصفني
تعدل حضي والعاثر
تحس بقيمت إحساسي وتحس بوضعي وقدري
كثير من العنى فيني
وقول اخفي واكابر
وانا اخفي كثير الهم يشيب العمر به بدري
عرفت ان الوفا احلاام
ومع هذا انا صابر
على جور البشر واكثر
ياليتك يازمن تدري

---------------

في بيت أبو إبراهيم

اليوم هو يوم السعد للجد سالم اليوم ملكة حبيبته والغاليه بنت المرحومه اليوم يسلمها لشخص يثق فيه ونعم الرجل جالس في المجلس واهو يشوف المهنئين والمعازيم ويشوف ضاري وعبدالرحمن وأبوهم يستقبلون الناس وألتف لعياله وأحفاده اللي قايمين بالعرس وخالد وفيصل اللي رجعوا عشان الملكه ويشوفهم يتهامسون بين بعض أشر لسالم اللي وصل له

سالم : لبيه يا جدي
الجد : بسألك بالله يالسمي وش اللي قاعدين تخططون له
سالم (كتم ضحكته ونزل رأسه) : مكشوفين
الجد (أبتسم) : للي يعرفكم أيه بس اللي ما يعرفكم ما يشك هاه وش
سالم : بقول بس ما تخرب علينا
الجد : وش
سالم : قول تم
الجد (أبتسم) : تم
سالم : قررنا كلنا كلنا ندخل مع ضاري على خوله ونطلع عيونه ولا يوصل لعمتي حتى بالسلام
الجد : هههههههههههههههههههه حرام عليكم
سالم : خلنا أنت قل تم
الجد : بس بتجننون الولد اهو ميت يشوفها ويجلس معها
سالم : صدقني ما راح يقدر لو جاب الدفاع ما نطلع
الجد : طيب اجلس وقول لي ما شاء الله انتوا 10 وش تبون تسوون
سالم (جلس جنبه) : أسمع وش نبي نسوي فيهم

فهد اللي طول الوقت مو على بعضه يعض شفته قدر يطلع من المجلس ويتجه للبيت من الخلف شاف رغد أخته

فهد (أبتسم ) : رغد تعالي
رغد : شوي فهد بلعب مع شوق
فهد : تعالي شوي بكلمك
رغد (تركض له) : هلا
فهد : الله يا حلو فستانك
رغد (تدور حول نفسها) : صدق حلو يعني أحلى من شوق
فهد : انتي احلى من كل البنات بس بطلب منك شيء
رغد : وش
فهد : بسالك وضحه فين
رغد : أمممم شفتها ترقص
فهد : بالصاله
رغد : أيه والكل يقول تهبل في فستانها
فهد : كيف فستانها
رغد : أصفر قصير حتى عمتو خوله قالت لها اول مره تلبسين قصير كذا قالت اغير
فهد : طيب اسمعي انتي قلتي مره تبين بيت عروسه مثل اللي عند شوق
رغد : لا لا ابي اكبر منه
فهد : اكبر منه بس بشرط
رغد : وش
فهد : شفتي المخزن اللي خلف البيت ابي توصلين له وضحه
رغد : وضحه
فهد : أيه
رغد : بس ما ترضى
فهد : أنتي ذكيه وتقدرين وبيت العروسه بكره بيكون عندك
رغد : والله
فهد : والله يالله شاطره رغد روحي
رغد : حاضر (راحت لشوق ) شوق
شوق : هلا
رغد : أسمعي أبي ألعب معك تروحين انتي وتتخبين وانا أدور عليك
شوق : طيب بس لا تغشين وتطالعين
رغد : لا لا بس يالله بسرعه

اتجهت رغد للداخل وانتبهت لوضحه تميل وترقص في الصاله مع البنات فكرت واهي تطالعها وش تسوي وكيف تطلعها وتحصل على البيت ابتسمت بخبث وقربت منها مسكت فستان وضحه من الطرف

وضحه (انتبهت لها ) : هلا رغوده
رغد(ببراءه وعيون دامعه) : وضحه شوق طاحت وتعورت
وضحه : بسم الله عليها وين
رغد : هناك تعالي معي
وضحه : بقول للجوهره أحسن
رغد : لالا الجوهره مو هنا فوق وشوق تبكي تعالي بسرعه تكفين والله اخاف يضربوني ويقولون اني انا السبب
وضحه (تمسح على راسها وتمسك يدها) : ليه يضربونك انتي مالك دخل هي طاحت
رغد (تمشي معها متجهه للمخزن) : ايه هي احنا كنا نلعب وطاحت رجلها فيها دم
وضحه (تسرع) : يا قلبي عليها

وصلت للمخزن وتتلفت حولها

وضحه : فين شوق
رغد (تتلفت ) : كانت هنا لحظه بروح اشوفها وارجع
وضحه (ترفع حاجبها) : وش تشوفها وترجع مو تقول انها هنا
فهد (من واقف ورآها) : ما اكفي انا ( مسكها بيدها قبل تهرب ولفها له وبخبث يبتسم) حيالله وضحـ..
أنصدم لما شافها ما قدر يتحرك ولا قدر يتركها واهو يشوف هذا الجمال غير عن كل البنات اللي شافهن جمال يلفت جمال طاغي بديع سبحان الله بخلقه ووضحه تملكتها نظرت الرعب في عيونها لما شافته قدامها واقف
فهد ( بلع ريقه واهو يتأملها) : أنتي الوضحه

-------------------------------

انتهى البارت هنا