منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

08-09-2011

في جــــــــــــــــده ....

عبدالله جالس في مكتبه ودخل حسين وسلم وجلس على ما ينتهي عبدالله من توقيع الأوراق شافت السكرتير يجمع الأوراق ويطلع

عبدالله : وش فيك
حسين : سالفتك مع عيال عمي
عبدالله ( سند نفسه على الكرسي) : قلت لك لا تتدخل
حسين (ضرب على الطاولة بعصبيه) : وش ما أتدخل أشوف الخطأ وأسكت يعني
عبدالله (ببرود واهو يلعب بقلمه) : وش الغلط
حسين : تبي ترفع قضية عدم تكافئ لأنهم أقل منا
عبدالله : هذي الحقيقة
حسين : ما تتذكر قول الله تعالي {فَإِذَا نُفِخَ فِي الصُّورِ فَلا أَنسَابَ بَيْنَهُمْ يَوْمَئِذٍ وَلا يَتَسَاءلُونَ}
عبدالله : ....................
حسين : يا عبدالله النسب ما يفيدك ويشفع لك عند الله يوم تواجهه وينادي الله بين الناس هذا فلان بن فلان من كان له حق فيأت إلى حقه
عبدالله : حق من
حسين : حق عذاري وسليمان تبي تفرقهم ما سمعت قول قال ابن عباس لا يفتخرون بالأنساب في الآخرة كما يفتخرون بها في الدنيا، ولا يتساءلون فيها كما يتساءلون في الدنيا؛ من أي قبيلة أنت ولا من أي نسب ولا يتعارفون لهول ما أذهلهم وعن ابن عباس أن ذلك في النفخة الأولى حين يصعق من في السموات ومن في الأرض إلا من شاء الله فلا أنساب بينهم يومئذ ولا يتساءلون ( شاف عبدالله ساكت قرر يكمل ) يؤخذ بيد العبد أو الأمة يوم القيامة فينصب على رؤوس الأولين والآخرين ثم ينادي مناد: هذا فلان بن فلان، من كان له حق فليأت إلى حقه؛ فتفرح المرأة أن يدور لها الحق على أبيها أو على زوجها أو على أخيها أو على ابنها؛ ثم قرأ ابن مسعود: "فلا أنساب بينهم يومئذ ولا يتساءلون" فيقول الرب سبحانه وتعالى (آت هؤلاء حقوقهم) فيقول: يا رب قد فنيت الدنيا فمن أين أوتيهم؛ فيقول الرب للملائكة: (خذوا من حسناته فأعطوا كل إنسان بقدر طلبته) فإن كان وليا لله فضلت من حسناته مثقال حبة من خردل فيضاعفها الله تعالى حتى يدخله بها الجنة
عبدالله (نزل نظره للطاولة وحط القلم) : ....................
حسين (وقف) : يا عبدالله الرسول صلى الله عليه وسلم حرص على أنا ما نظلم وقال في حديث له ( اتق دعوة المظلوم ، فإنها ليس بينها وبين الله حجاب ) وقال بعد ( يا عبادي ، إني حرمت الظلم على نفسي ، وجعلته بينكم محرما فلا تظالموا ) أنت إنسان تمشي على سنة الرسول وعلى اللي وصلى عليه صلى الله عليه وسلم ليه تطيع جدتي وخالي في طلبهم وتغض البصر عن اللي وصانا الرسول عليه (( فإنَّه من يعش منكم فسيرى اختلافاً كثيراً، فعليكم بسنَّتي وسنَّة الخلفاء المهديين الراشدين ))
عبدالله (وقف) : حسين بس
حسين : على راحتك بس تذكر وش قلت لك وفكر وعمي تعرف بحقيقة مرضه الله يشفيه ويحسن خاتمته وجدتي حرمه كبيره يعني لو ربي أخذ أمانتهم أنت بتبقى مع عذاري لوحدك بهذاك الوقت بتطلقها (انتبه لنظرت عبدالله له) أيه لا تطالعني كذا بتطلقها لان اللي أخذت عذاري عشانهم صاروا تحت التراب ماتوا يعني أنت مو أحسن منهم هم اندفنوا تحت التراب وأنت دفنت عمرك بحياتك مع عذاري يالله سلام
عبدالله ( يشوف حسين يطلع رفع التلفون) : لا تدخل علي احد وألغي كل المواعيد

سكر التلفون وجلس على الكرسي وكلام حسين يدور في باله

عبدالله : ظالم كيف تقول أني ظالم وأنا أبي رضاء جدتي وعمي وأبي أفرحهم ( سند ايديه على المكتب ) أنا بنظري اللي أسويه صح وبنظر الكل خطأ يعني أنا قصدي الخير (عقد حواجبه) خير وش يا عبدالله تبي تهدم حياتها وأهي أول خطوه تخطيها في حياتها الزوجية على أساس وش طيب لو أنا طلقتها من سليمان وأخذتها عمي وجدتي مهم دايمين لي والأعمار في أيد الله بس وش بسوي لو راحوا بتم أنا وعذاري وجهي مقابل وجها وأنا مو قادر أتقبلها ( أخذ مفتاحيه وطلع من الشركة شغل الراديو كانت أنشودة) الله يسامحك يا حسين تظن أني ظالم باللي أسوي

سكت عبدالله لما سمع الانشوده ....

الله على الظالم و المظلوم له الله ..

للصحبة عز وقدر واخلاص في العشره *** صاحبتني يا اخوي ماهو لوجه الله
تظلم صديق صدق وياك كل عمره *** الله على الظالم و المظلوم له الله

شلتك في عين الغضى من عسره لليسره *** ما مره فيك اخطيت تذكر يا عبد الله
اللي اشتراك بعمر هذا اهو قدره *** الله على الظالم و المظلوم له الله

تشرب غدير الماي وانا اشرب المره *** هذا المثل بالأمس قالوه خلق الله
جلد مهوب جلدك على الشوب جره *** الله على الظالم و المظلوم له الله

احمل في قلبي جرح من عشرة مره *** طعنتني بالغدر ارحم وخاف الله
انت يدك بالماي وانا على الجمرة *** الله على الظالم والمظلوم له الله

عبدالله (سكر الراديو واهو يردد ) : الله على الظالم و المظلوم له الله

الله على الظالم و المظلوم له الله

المظلوم له الله

المظلوم له الله

الله

الله

--------------------------

في بيت عذاري ........

عذاري تكلم فرح اللي معصبه

عذاري : هههههههههههه
فرح(بعصبيه) : بس بس بقره ضاحكه
عذاري : من قال لك تتدلعين عليه الظاهر المسكن دعا عليك من حرت قلبه يشوفك وبس
فرح : وش بس
عذاري : يعني كان جبرتي بخاطره يوم قال تعالي
فرح (بحياء) : وووووووووووووجع
عذاري : ههههههههههههههههههه
فرح : أنا الغلطانة متصله عليك
عذاري : غلطانة محد عندك غيري أصلا البنات في كلياتهن وأنا فاضيه وأنتي فاضيه
فرح : أيه فاضيه بسبب رجلي
عذاري : احمدي ربك مو كل بس ألتواء بسيط
فرح : اسكتي ذبحني أبوي من الأسئله كيف طحت وليه ما انتبهت وأنا قلبي يضرب من الخوف
عذاري : أمك عرفت
فرح : ههههههههههههه أيه ما قدرت غير أقول لها
عذاري : قلتي لها
فرح : أيه
عذاري : سوت لك شيء
فرح : قرصتني برجلي يا ويلي عورتني
عذاري : ههههههههههههههههه أكيد سألتك
فرح : مو سؤال أسأله وخصوصا صار شيء بينكم وش تحسب أمي أني ورع انا ما اعرف
عذاري : ههههههههههههههههههههههه تحسب ان بنتها هبله
فرح : الهبله أنتي على تبن زين
عذاري : طيب لا تزعلين بسألك محمد ما اتصل
فرح : يتصل يا ويله بذبحه
عذاري : حاقده عليه
فرح : بربك يوم عرسي ماشيه في الممر وأعرج
عذاري : ههههههههههههه تحفه بتكونين
فرح : أنت صدق تحبين ترفعين ضغطي
عذاري : بيني وبينك ليالي قالت أنها اتصلت عليك لان محمد طلبها يبي كلمك والكل يعرف ان عمي من المعارضين بسالفة الشوفه والمكالمات ليه رفضتي تكلمينه لما قالت لك ليالي شنو تتبعين كلام أبوك وأنا اعرف انك ميته تكلمينه
فرح : ههههههههههههههههه عذوره محمد ميت يشوفني ويكلمني وأنا أتغلى
عذاري : أحلى يالقوي تتغلين
فرح : طبعا خليه كذا يموت يشوفني ولا يقدر يطولني
عذاري : طيب شكلي برحم محمد وأكسر راسك
فرح : ما فهمت
عذاري : أفكر نسوي فيك شيء ونخلي محمد يبرد حرته فيك ويشوفك
فرح : هههههههههههههه يا حلوك رحمتي حاله وأنا واللي صار لي زين ما انكسرت رجلي
عذاري : يا قلبي ليه اهو متعمد ولا الحلوه كانت تتدلع
فرح : فديتني دلوعه وش أسوي
عذاري : بيطلعها من عيونك الدلع هذا
فرح : حلاله
عذاري : يمااااااااااااه منها وتقول تتغلى الشوق ذابحك يا بنت إبراهيم
فرح : وهـ وهـ بربك أحد ما يشتاق لمحمد
عذاري : أقول قول هالكلام له يوم تشوفينه
فرح : أستحي منه
عذاري : يعني ودك تشوفينه صح
فرح : كثير كثير بس أبوي وفهد رافضين وخالد عادي عنده يقول هذا زوجك وحلال يشوفك
عذاري : صدق فهد ما شاف وضحه ولا طلب يشوفها خصوصا أن شوفه شرعيه ما شافها
فرح : شوفي أبوي تضايق من اللي سواه فهد وكيف قدر يملك على وضحه ويحطهم قدام الأمر الواقع وزعل أبوي ولا كلمه أبدا حاول فهد يكلمه ويخليه يرضى عنه بس أبوي حس أن فهد صغره قدام خالي باللي سواه
عذاري : وبعدين
فرح : أبوي لعبها صح ولأنه يعرف بحقيقة فهد وشعوره ناحية وضحه شرط عليه شرط عشان يرضى عنه
عذاري : وش
فرح : أن ما يشوف وضحه ولا يتعرض لها ممنوع أن يقابلها يأمرها نسى وضحه وأن زوجته
عذاري (بصدمه) : والله
فرح : أيه حتى وضحه ما تفتح نقابها قدامه كأنه مو محرم لها
عذاري : ما شافها
فرح : لو شافها كان خق أخوي تعرفين الوضحه بسم الله عليها
عذاري : ما شاء الله بس كيف رضى فهد ولا اعترض
فرح : بصراحه غصب اللي يبيه وصار كسر رأسها وملك عليها وش يبي بعد أعتقد أن للحين الفكر اللي في خياله عنها أنها مو حلوه ولا فيها جمال وبدويه
عذاري : ودي يشوفها عشان يموت قهر ويعض أصابعه ندم
فرح : لا لا وش يشوفها هي أصلا ما صارت تزورنا عشان ما تشوفه وبكذا تضطر تنزل نقابها بحضوره مو معقولة تتغطى عنه قدام أمي وأبوي عيب بحقه لو تكرهه أو تزوجته غصب عنها بس ما تقدر تسوي هالحركه قدامهم تقليل من قدره وقدرهم
عذاري : يعني من رجعت ما دخلت بيتكم
فرح : أبدا حتى أغراضها طلبت مني أرسلهم لها بعد ما اجمعهم بيت عمي أبو وليد وأنا اللي أزورها هي لا ما تزورني
عذاري : ما طلب يكلمها
فرح : واهو فاضي تكفيه العفنة اللي يكلمها
عذاري : هذيك البنت اللي قلتي لي أنتي ووضحه عنها للحين يكلمها
فرح : أيه كلمها بس أظن بينهم شيء اكبر من الكلام
عذاري : يعني يلتقون
فرح : أيه أظن يلتقون
عذاري : يا ويله ما يخاف الله يعصيه ويقابل بنت مو محرم له ويكسر قلب وضحه بأفعاله وش يبي اهو
فرح : مدري بس وحاسه أن فهد وراه سر كبير وأفكر أني ابحث
عذاري : تبحثين وش عنده كونان
فرح : يا عذاري والله أنا سمعته أكثر من مره يوم كلمها اهو ما يدري أني اسمعه بس يحبها هالبنت يموت عليها ويطلع يقابلها بس شنو الصلة اللي بينهم مدري بس ما اعتقد أن صله عاديه
عذاري : يمكـ..

قطعت كلامها يوم أنضرب الباب

عذاري : أدخل
سلطان : السلام عليكم
عذاري (أبتسمت) : وعليكم السلام
سلطان : من تكلمين
عذاري : فرح
سلطان : طيب سكري وتعالي جدتي تبيك تحطين الغداء
عذاري (تطالع ساعتها) : بدري
سلطان : وش بدري يالله قومي نزلي وقولي لها
عذاري : طيب بسكر وانزل
سلطان : يالله بايو
عذاري : بايو (رجعت تكلم فرح) فروحه بروح انزل لجدتي اشوفها
فرح : طيب سلمي عليها
عذاري : يوصل وسالفة فهد لازم نكتشفها عشان نعرف هالولد وش مسوي متهور الله يستر لا يكون اللي أفكر فيه حصل
فرح : وش تفكرين فيه
عذاري : بعدين أقول لك ما أبي اتأخر عن جدتي مع السلامة
فرح : مع السلامة
عذاري (لبست الشبشب وعدلت بجامتها) : ياليل جدتي دايم مستعجلة

نزلت السلم بشويش تخطي خطوه خطوه وتطالع للسلم

الجده : وش بلاك تمشين على قشر بيض
عذاري : خليني أعيش الجو يوم أنزل عروس
الجده : جعلك على فمك
عذاري : ياويل حالي أطيح وأصير ثرمه تخيلي أصور مع سليمان وفي شباك في فمي
الجده : وليه تبين تصورين وأنتي فاتحه الكشره تقولين ما صدقت تعرس
عذاري : أيه ما صدقت وبعدين تبين اعنس عندك
الجده : يا جعلك للعافية يعني لو ما اعرستي كان انهبلتي
عذاري : لا فديتك كان ضربت فيوزات عقلي
الجده : اخلصي امشي
عذاري : ياااااااااااااااااويلي منك بعيش بس شوي الله يرحم أيامك يوم يزفونك وأهو يجرونكم تقول يجرون غنم مو حريم
الجده : والله يبي لك قص لسان غنم طيب بشرط على سليمان يسحبك عشان تعرفين الغنم
عذاري (تقرب لجدتها وتجلس جنبها) : وش تقولين له يسحبني يا ليل أنا أسحبه مو يسحبني ما اصدق أشوفه أقول يا لبيه يا عيونك
الجده (خزتها) : خابرتك شفيته مره وحده اللي هي يوم الملكة يوم لبسك الشبكة
عذاري : أبشرك فصفصته لك من فوق لتحت هههههههههههههههههه
الجده (تقرصها بيدها) : تمقلتي فيه متى هاه أعرف البنات يذبحنهن الحياء وأنتي أبدا مغسول بمرق
عذاري : أمش يا مرق يا جده هي نظره بس
الجده : ونظره فصفصتيه
عذاري : وش أسوي شفت شعاع النور المبعث من سليمان وما قدرت أقاوم نظره له
الجده : ههههههههههههههههههه أقول شفتي شعاعه بس في الصالة
عذاري : يس
الجده : وشعاعه جذبك
عذاري : أصلا يجذبني لو أنه بيني وبينه مناطق
الجده : صدقتي صدقتي مناطق ههههههههههههههههههه ( مسكت وجه عذاري ولفتها) تشوفين الشعاع
عذاري : وش شعـ..

صدمه شافته جالس على الكرسي قدام جدتها وجنبه سلطان اللي باين ماسك ضحكته اهو وسليمان وأهي فتحه فمها ولا كملت جملتها

الجده (بهمس لها) : شعاع هاه

عذاري من الصدمه وقفت وركضت للسلم بس سلطان بنذاله وقف قدامها ومسكها ولفها لجهة سليمان الواقف ويبتسم نزلت رأسها وانتبهت للبسها وسكتت ولا رفعت رأسها انتبهت لسليمان واقف قدامها من طرف ثوبه ونعاله اللي ما تشوف غيرهم ولان سلطان ماسكها واهي تحاول تتحرك مستحيه وخجلانه من كلامها وشكلها

سلطان : ما تبين تسلمين
سليمان (مد يده) : كيفك عذاري
عذاري (ضمت ايديها لبعض استحت) : آ آ
سلطان (مد يده ليدها ورفعها لسليمان وباستهبال نعم صوته) : هلا سليمان أنا بخير كيفك أنت
سليمان(مسك يدها وأبتسم) : بخير بشوفتك بخير
سلطان (يكمل وميت وناسه على إحراجها) : دوم
الجده : عذاري وش رأيك في الشعاع المبعث
سلطان (ينعم صوته بحياء) : ما اقدر أقاوم الشعاع

عذاري شهقت وقدرت تفك نفسها وتطلع غرفتها وتسمع ضحكاتهم

سلطان : اجلس أجلس والله أختي تحفه
الجده : ما عاد نازله دام الشعاع اقصد سليمان هنا
الكل : ههههههههههههههههههههههههه
سلطان : لا أنا بصعد بخليها تنزل وتجلس معنا
سليمان : عساك على القوه روح
سلطان (يصعد السلم) : من قلب بس شوفوا إذا ما نزلت بعد دقيقتين افزعوا لي تراني ميت
سليمان والجده : ههههههههههههههههههههههههه

سلطان صعد لغرفتها وشاف الباب مو مسكر قرب وشافها جالسه على طرف السرير وأيديها على قلبها أبتسم

سلطان : ادخل ولا لا
عذاري (بعصبيه وبحياء) : بذبحك
سلطان (يدخل) : هههههههههههههه شكله تحفه شعاع
عذاري (وقفت وبعصبيه) : فرحان فضحتني عنده وش بيقول عني متزوج مهبوله مشفوحه على العرس (دمعت عيونها) موقف باااااااااااااايخ
سلطان (قرب وضمها) : والله ما قصدت بس حبينا نسوي لك مفاجئه
عذاري : ولا تقول انه هنا
سلطان : أنا والله ما دريت عنه لين دخل علي المكتب وسألني عنك قلت حياك شوفها بأي وقت قال حاب اتغدى عندكم إذا ما فيه مانع
عذاري : ما تعرف تتصل تقول نبي نجي
سلطان : حلف ما أقول لك قال بسوي مفاجئه لها أول مره أشوفها
عذاري : مفاجئه هذا سبب صدمه
سلطان : ههههههههههههههههه طيب نزلي
عذاري : وش انزل بعد ما شافني كذا لا
سلطان : عيب الرجال جاي يشوفك بترفضين هذي المره مثل المره اللى فاتت
عذاري : ................................
سلطان (مسك يدها وجلسها وجلس جنبها) : سمعي يا عذاري اليوم عرفت من سليمان أن عبدالله جاء هنا قبل يومين
عذاري (بصدمه) : جاء
سلطان : أيه وقال لسليمان أمور صعب يصدقها العقل
عذاري : وش
سلطان : عبدالله فهم سليمان انك مغصوبه عليه وانك تميلين لعبدالله
عذاري : كذاااااااااااب
سلطان : أنا عارف وأنتي عارفه بس تصرفاتك ورفضك انك تشوفينه بيخليه يشك وكذا عبدالله وصل لمراده يبعدكم عن بعض وممكن يوصل للطلاق
عذاري : يخسي عبدالله
سلطان : خلاص خليك متمسكه في سليمان واهو نعم الرجال
عذاري : طيب بغير بس شوف والله مره ثانيه ما أسامحك على هالموقف السخيف
سلطان : هههههههههههههه توبه بس تتأخرين لان الصلاة باقي عليها ربع ساعة
عذاري : طيب أنزل عشان اغير
سلطان : مع أن شافك في البجامه مدري ليه تغيرين
عذاري (منحرجه من شكلها) : سلطاااااااااااااااااااااااااان
سلطان (يطلع واهو يضحك ونزل لهم تحت غمز لسليمان وجلس جنبه) : حيا الله النسيب
سليمان : يحييك يارب
سلطان (مد يده ) : فنجانك بصب لك قهوه
سليمان (يعطيه الفنجان) : تسلم

مد سليمان يده يبي يأخذ الفنجان بس وقف يوم شاف اللي نزلت سلطان ألتفت للسلم وأبتسم

عذاري (تقرب بحياء) : السلام عليكم
الكل : وعليكم السلام
سليمان (مد يده استحى يسلم قدامها على خدها) : كيفك يا عذاري
عذاري : بخير وأحم أحم انت
سليمان : بخير ( يطالع لها ويده بيدها ما تركها ويحس بنعومتها)

وقف حبيبي واترك العين بالعين
خل الحديث يطول بيني وبينك
خل اليدين اليوم تبقى بالأيدين
واعيش لحظة حب بيني وبينك

عذاري حاولت تسحب يدها بس اهو ماسكها رفعت نظرها له وحست أنها ضاعت بنظرته وأهو حس إن في نظرتها عتاب له

اشتقتلك وانت ما تسأل ابد فيني
مدري من اللي خذا وقتك ولا جابك
ابيك تبقا معي وتحظن ايديني
تعال عندي امانه واترك غيابك
لوهو بكيفي ابد ما تغيب عن عيني
وانا بعد راح اصير اقرب من اهدابك
يا شمس عمري حرام انك جافيني
البرد عذب خفوقٍ كان يدفابك
ليتك تخلي الجفا وترجع تناديني
واوعدك اني احبك حب يزهابك
واعطيك قلبي ولا ابي منك تعطيني
بس انت خلك معاي واترك غيابك

سلطان(طالع لجدته اللي ابتسمت على شكلهم) : أحــــــــــــــــــم يا عرب أجلسوا
عذاري (سحبت يدها وجلست جنب جدتها) : ........................
سليمان (جلس مكانه وكان مقابل للجده ويقدر يشوف عذاري) : .....................
الجده (همست لعذاري) : شعاااااااااااااااع
عذاري (تحس وجها ولع وإن حرجت) : ..................
سليمان : عذاري
عذاري(طالعت له ونزلت عيونها) : هلا
سليمان : أنا حبيت أتأسف منك قدام أخوك وجدتك أني ما سألت عنك الأيام اللي فاتت
عذاري : مسموح
الجده : يا ولدي لا تتعذر ولا شيء وكل واحد ومشاغله وإحنا مقدرين ظروفك
سلطان : وترى حياك بكل وقت والبيت بيتك
سليمان : يعني مو زعلانه مني
عذاري (بخجل) : الله لا يجيب زعل
سليمان : عذاري ترى أختي أم مشاري عازمتك على العشاء اليوم في بيتها (شافها تطالع لسلطان) لا تحاتين انا قلت لسلطان وعلى الساعه 5 بمر آخذك تجهزي موافقة
عذاري : مثل ما تحب وإذا سلطان وجدتي موافقين
سلطان : وأنا ما أرد أم مشاري روحي الله يهينكم وجدتي بوصلها لبيت خالتي وأمر آخذها بالليل
الكل : أمين
سلطان : قوم بنروح المسجد لو جلسنا ما صلينا مو قيس وليلى ما راح يذكرون شيء
الكل : هههههههههههههههههههههه
سلطان : حضري الغداء على ما نصلي
عذاري (توقف) : حاضر

-----------------------------------------

في بيت عبدالرحمن .... .....

في المجلس مجتمع الأب وضاري وسيف وعبدالرحمن وجراح المعزوم عندهم على الغداء

الأب (يكلم بالجوال) : اها لا خير خير مشكور يا أبو إبراهيم مع السلامة
عبدالرحمن (قرب من أبوه) : بشر
الأب (نزل جواله) : والله
عبدالرحمن : ما وافقت
الأب : ....................
سيف : عبدالرحمن الله يرزقك
عبدالرحمن : وش يرزقني أنا أبيها
جراح : ما تشوف وجه عمي كيف
الأب (حط يدها على كتف ولده) : معليه نصيبك
عبدالرحمن (بصدمه) : رفضت
الأب (طالع له وأبتسم) : مبروك يا عريس
الكل أبتسم وعبدالرحمن يطالع لأبوه
عبدالرحمن : وافقت
الأب : أيه
عبدالرحمن (أبتسم) : احلف
ضاري : وش احلف بيكذب عليك
عبدالرحمن (وقف ) : وافقت سمر وافقت هيااااااااااااااااااااااااااااااااااااااا (اتجه للباب) يماااااااااااااااااااااااااااااااااااااااااه
سيف : انهبل هههههههههههههه
جراح : الحب هههههههههههههههههه
ضاري : أسألوني عنه ههههههههههههههههه
الأب : الله يهنيه يارب
الكل : أمين
عبدالرحمن (يدخل بسرعه ويجلس قدام أبوه) : أبي أملك
الأب : طيب نحدد معهم
عبدالرحمن : لا لا أبي املك مع ضاري
ضاري (بصدمه ) : وشووووووووو
الأب( بصدمه) : أنهبلت باقي يومين يعني يوم الجمعة
عبدالرحمن : والله مالي دخل أبي مع ضاري تبوني أموت أشوفه يملك ويشوفها وأنا أتأخر
الأب : وش تبي يقول عني أتصل وأقول نملك لك معاه وتونا خطبنا
ضاري : هذا اللي يبي يقطع رزقي يا أخي وش دخلك فيني
عبدالرحمن : أموت قهر
جراح : أنت ميت تشوفها
عبدالرحمن : وهـ ميت عليها
الاب (يضربه على كتفه) : استحت على وجهك
عبدالرحمن : خلني اعبر عن شعوري
سيف : عبدالرحمن أعقل وأثقل وش فيك أنهبلت بس
عبدالرحمن : بنهبل لو ما ملكت مع ضاري
ضاري : يا أخي أنسى ضاري ماسك لي ضاري وضاري
عبدالرحمن : لو ما كلمت العم فهد ترى بتصل عليه
جراح : يسويها
عبدالرحمن : أسويها أنا ما صدقت توافق علي تبي أأجل الملكة (باس خشم أبوه) تكفه تكفه كلمه
الأب : من صدق تتكلم
عبدالرحمن : تحسب أضحك وبعدين ملكة خوله وضاري عائليه بينا وبينهم بس عادي ندمج ملكتين مع بعض وبدل تصير الفرحة وحده تكون فرحتين
ضاري : يبه لا تطيعه أخاف تقول لهم ويأجلون الملكة وأنا اعد الأيام
عبدالرحمن : يا أخي عادي يأجلونها يوم أو يومين
ضاري : ولا ساعة ولا دقيقه أذبحك يا عبدالرحمن لو أجلوها
عبدالرحمن : أسمعوا لو ما اتصلت وخليتهم يوافقون انا مع بعض ترى بخطف ضاري يوم الملكه ولا اذبح اللي يبي يملك أصيبه بجلطه كيفك أختار تراني فصلت يا نملك مع بعض يا يحلم يشوف ظفر خوله هاه
الكل : هههههههههههههههههههههههههه
جراح : لا لا هذا قاضي
عبدالرحمن : من زمان يبه أتصل
الأب : عبدالرحمن
عبدالرحمن( أخذ جوال ابوه وأتصل على العم فهد ومده لأبوه) : كلمه
الأب : حسبي الله إبليسك (حط الجوال عند أذنه واهو متفشل) ألو السلام عليكم ... كيفك يا أبو إبراهيم ... اسمع ياخوي والله خجلان منك بس الشكوى لله ... هذا عبدالرحمن من سمع بموافقتكم واهو ناشب بحلقي يقول إلا يملك مع ضاري بيوم واحد .. هههههههههه والله انهبل ما يضحك من صدق لا لا اسمع وش يهدد فيه ....... أيه يهدد يقول أخطف ضاري ولا اجلط الشيخ ولا يشوف ضاري ظفر خوله لو ما ملكنا لهم في يوم واحد ............... هههههههههههههه رافض يأجل وضاري متحلف لو أجلوا الملكة ليذبحه ....... أيه أسمعك اها زين زين الله يجزاك الخير خلاص بكره يسوون التحاليل وبيوم الملكه يطلعن الصبح ... بأذن الله مع السلامة
عبدالرحمن (بفرح) : وااااااااااااااااااااااااااااااااافق
الكل : ههههههههههههههههههههههههههههه
الأب : ألف ألف مبروك يا ولدي
عبدالرحمن : الله يبارك فيك
سيف : الله يبارك لك
عبدالرحمن : تسلم يالغالي
ضاري : مبروك يالعديل
عبدالرحمن : ههههههههههه يبارك فيك يالنسيب
الكل : ههههههههههههههههههههه
جراح : مبروك الله يهنيك
عبدالرحمن : تسلم والفال لك
جراح (ابتسم) : الحمد لله على كل حال
الأب : جراح ما تبي تسوي مثلهم ونخطب لك وتصير 3 أفراح
جراح : لا مالي خاطر في العرس
سيف : جراح لمتى تبي تضل كذا بدون زواج
جراح : يكفيني يوسف بحياتي
ضاري : يوسف الله يخليه لك يارب بس يحتاج أم وأنت تحتاج تنسى المرحومة صار لها 7 سنوات متوفيه
جراح(طالع لدبله في يده) : ما تنسى أم يوسف ولو حولي حريم الدنيا كلها
عبدالرحمن : بس يوسف يبي من يهتم فيه وأنت عارف حالة يوسف شنو
جراح : يوسف الحمد لله رغم حالته انه بخير وبيكون بخير وسالفة الزواج ما أبيها وأختي أم سلطان مهي مقصرة مع ولدي
سيف : أنا أشهد أن أختك أم سلطان تحب يوسف مثل سلطان وسلمان ولا تفرق بينهم بس تعرف أن خلود مو دايم فاضيه وكثير تحاتي حالة يوسف وأمك حرمه كبيره ما تعرف له
جراح : سكروا على الموضوع ويوسف ما عليه شر
الأب (غمز لعياله يسكتون) : اللي فيه الخير ربك يقدمه
الكل : أمين
الأب : عبدالرحمن شوف لنا لغداء ليه تأخروا
عبدالرحمن : تبشر دقايق
جراح (يتأمل دبلته اللي محتفظ فيها من 7 سنوات ولا نزلها من أصبعه) :

طرت لي تربةٍ حلو ثراها ***** عسى ربي من الغيمه سقاها

طرى لي قبر محمول التهايا ***** آلا ياويـــل روحي واعناها

أزاور قبرها في كل ساعة ***** وصار القبر غالي من غلاها

تزيد أجروح قلبي يوم أجيها ***** وأقبــّـــل رملها ويا حصاها

أكلمها ولا تسمع كلامي ***** ولا تدري بروحي وش لفاها

لفاها هم وهوجاس وعلــّــه ***** وحتى العين خايف من عماها

آلا وشلون نسلى كيف نسلى ***** وجرح الروح مفقودٍ دواها

آلا وشلون ننسى كيف ننسى ***** وروحي زايد فيها شقاها

هي اللي دايماً تتبع رضايا ***** وأنا صافيتها وأتبع رضاها

ولكن القدر لا بدّ منـّـه ***** أقول اللي خلقها هو خذاها

بقى تذكار حبي لرحيله ***** ثبت بالقلب مايرحل معاها

بقى ذكرى عيوني في عيونه ***** حشى لله قلبي مانساها

آلا ياقبر ما والله أنسى ***** وشلون أم الولد تنسى ضناها

آلا ياقبر لاتجرح جسدها ***** طلبتك لاتسبب في غثاها

حسايف جسمها الناعم حسايف ***** حرام الدود يأكل من حشاها

ترفق زينها حذرى دماره ***** آلا ياقبر لا ينفذ حلاها

يقوله من فقد كلّ السعادة ***** على فقدانها يكتب رثاهـا

كتبت اللي جرى لي بالقصيدة ***** لأجل يدري بحالي من قراها

ضاري (يطالع لجراح اللي يتأمل الدبله في يده وفي نفسه) : لهذي الدرجة مو قادر تنساها يا جراح دفنت نفسك وبعز شبابك مع المرحومة اللي حبيتها عوضك الله يوم توفت بولد يوسف بس الصدمة يوم اكتشفت أن يوسف مصاب بمتلازمة داون Down syndrome .. حمدت ربك وشكرته قلت الحمد لله انه من ريحة الغالية ويعوضني عنها لك يوسف ولد روعه قليله حيوي رغم مرضه ينحب بس يكسر الخاطر لحالته الله يعوضك يا جراح
عبدالرحمن (دخل ) : حياكم الغداء
الأب : يالله
الشباب : يالله

(ملاحظه : -- متلازمة داون Down syndrome يسمى أيضاً.. مرض المغولية .. وصف العالم داون قبل مايزيد على المائة عام اطفالا يولدون بملامح مميزة أهمها الأعين المائلة والرأس المستدير الصغير الحجم نسبيا والأيدي القصيره وبعض الملامح الخاصة وما يلبث هؤلا الاطفال ان يظهر تباطؤ في نموهم الحركي والذي يتطور الى صورة من التخلف العقلي وقد عرف المرض كثيرا باسم مرض الطفل المنغولي. ثلث اطفال متلازمة داون لديهم عيب خلقي في القلب وبعضهم لديه عيب خلقي في الجهاز التنفسي والهضمي من المهم ان نعلم جميعا ان المصابين بهذا المرض لديهم الأحتياجات النفسيه والعاطفية التي نحتاجها وانه مع تطور الطب ومع التعليم الخاص يستطيعون ان يعيشوا حياة طبيعيه كما ان التخلف العقلي لديهم يكون طفيفا او متوسطا كما انه نتيجة العناية الطبيه يعيش بعض منهم حتى سن 55-60 سنة)

"""""""""""""""""""""""""""""""""""""""""""""" """" """""""""""

أنـــــــــــتــــــــــــــــــــــــهى البارت ^_^