(12)
دخل المكتب ودخلت وراه .......
جلس على الكرسي ورجع على ورا شوي(مريح ابوالشباب) وهو يتأمل ساره..
ناصر.. ياربي هالبنت ش سوت فيني ليش حاطها براسي مدري ليش.. معقول اكون احبــ...... لا مستحيل.. طيب شنوا تفسير احساسي لما اشوفها.. وابي اوصل لقلبها وبس.......
قطع تفكيره...ساره : آمر....
ناصر: ياعيني على الصوت الناعم.. لا بس حبيت اقولك انا كيف اشتغل عشان نتفاهم.. وحط ايدنه على الطاوله.. طيب..
ساره : اوكي..
ناصر: اولا.. انا ماحب التأخير.. وثانيا غيري طريقة كلامك معاي,, يعني تكلمي بنفس شوي..وسكت
ساره: ببرود.. وبعد .. في اوامر ثانيه؟؟
ناصر: يابرودها.. لا.. تقدري تروحي..
ساره : التفت له وتكتفت..وناظرت وجهه.. اسمع هذي طريقة كلامي مع الكل حتى المدير .. واذا موعاجبتك شي راجع لك.. وشغلي محد يقدر يتكلم عليه.. وعطته نظرة تحدي..
ناصر: خلاص يبي يقوم ويذبحها.. تتحداني .. مجنونه هاذي تتحداني انا..
ناصر: طيب شكرا على التوضيح..
وطلعت بدون ولا كلمه......
جلست على مكتبها .. يظن اني بموت عليه مثل باقي الموظفات.. شايف نفسه السخيف..
فجأه دخلوا ثلاث موظفات.. سارونه حبيتي شنو يبي منك... شنو قالك .. ياي شكله يجنن.. عذاب....
ساره : اطلعوا برااااااااااااااااا
وخافوا منها وطلعوا لأنها لما تعصب محد يقدر عليها........
ساره.. هذا شنو يبي مني بالضبط,,, مو ناقصه وجع راس ... لو يفرش الأرض ذهب ماعطيته وجه.. لقيت عاد اللي تموت على رجال.. صحيح ان البنات سخيفات... طالعت ساعتها الحمدلله باقي خمس دقايق على البريك .. لازم اطلع مو طايقه اقعد هنا وهالمدري ش سمه موجود(للحين مانطقت اسمه)... رن تلفونها..
ساره : الونعم..
ناصر: مرحبا اخت ساره.. ممكن تجيب لحظه..
ساره : طيب..بدنيا بالأوامر....
دقت الباب ودخلت..
ناصر: وهو يمد لها ملف.. ابيك تراجعين هالملف وتسوين لي تقرير عنه.. وخلال ساعه التقرير يكون عندي.. ونزل صوته وهو يناظرها بنظرة تحدي.. اوكي....
ساره: هذا يتحداني ومتعمد يعطيني شغل وقت البريك.. اوكي في شي ثاني..
ناصر: ولا اعترضت ولا قالت الحين وقت غدا تبي تتحداني وبس..لا شكرا..
طلعت وراحت مكتبها لكن الباب ماسكرته كله ,,,,, رمت الأوراق بأقوى ماعندها,, وجلست على مكتبها وهو تتنفس بقهر..
كان يشوفها.. هذا جزا اللي يتحداني..ههههههه
جات رغد لساره .. سارونه قومي نصلي عشان نطلع نتغدى .. ش رايك نروح لفانا او بابا نواس..
ساره: مابي غدا بصلي وعندي شغل اخلصه ..
رغد : اووف وبعدين معاكي انتي ..
ساره: وهي تتكلم بهدوء رغدوه مالي خلقك.. روحي عني..
طلعت رغد..
ساره فقلت مكتبها وتوضت وصلت الظهر.. بعد الصلاة...
انا ليش اقهر نفسي.. اخلص شغلي واخليه يشوف من يقدر يتحداني مره ثانيه..
راحت المطبخ .. امممم طلع الفراش.. سوت لها نسكافيه طبعا عندها كوب خاص فيها.. وطلعت الا هو بوجهها..
ناصر: يووه ريحة القهوه تجنن شكلها مدمنة قهوه مثلي.. وين راح الفراش؟
ساره: وهي ماشيه.. مدري عنه......
ناصر: طيب ممكن تسوين لي كوفي.. متعمد يبي يقهرها...
ساره: لفت له وودها تكب اللي في يدها على وجهه .. نعم .. ايش.. اعتقد عندك ايدين..
ناصر: وقف وهو مستند للجدار.. وقال ببرود.. طيب انا ماعرف اسويه حلو مثلك.. ورفع حواجبه.. ياحلوه,,
ساره: ,,,عطته نظره حقد و,,,, طنشته ومشت,, وسكرت عليها باب المكتب وقعدت تخلص الشغل اللي عطاها اياه..
ناصر: راح لمكتبه وهو يضحك على نفسه.. مو معقول انا .. ليش حاطها براسي مدري.. وهي تفكر اذا سوت كذا بسكت الا بزيد.. الا اعرف سر هالبنت..
قبل ربع ساعه من مدة الوقت اللي حدده عشان تخلص التقرير..
دخلت مكتبه .. وحطت التقرير عليه.. تفضل.. وطلعت..
ناصر: .................. بتذبحني بتذبحني... او انا بذبحها,,,
دق عليها..
ناصر: الو..
ساره: بدون نفس.. نعم..
ناصر: ببرود وهو يضحك .. نعم لله عليك ممكن تجين لحظه..
ساره: ليش؟
ناصر: التقرير فيه خطأ..
ساره: كذاب متى قراه.. ماصار دقيقتين من عطيته اياه..اقوم واشوف ش يبي..
طيب جايه..
ناصر: رجع على ورا زي عادته وحط عيوونه على الباب..
شافها طلعت من مكتبها وجات لعنده
ساره: نعم.. وين الخطأ.....
ناصر: مده لها.. وهو يبتسم.. عيدي التقرير..
ساره: ليشششششش؟
ناصر: هذا الخط مايعجبني .. عيديه وغيري الخط..
ساره: ماراح اعيده .. وبعدين هذا خط الوورد العادي ماغيرت فيه شي.. واذا موعاجبك لا تقراه.. وطلعت من مكتبه..
ناصر: تتحديني ياساره .. نشوف مين يكسر راس الثاني,,,
مر اسبوع على شغل ناصر مع ساره..
وطبعا ناصر كل ماحاول يتحدى ساره اهي تكسره..
اذا عطاها شغل يجيبها مكتبها على اشياء تافههههههه.. غيري الخط اللون.. انزلي سطر.. والخ.. وهي ولا كأنه يقول شي.. لأنها فاهمه عليه بس يبي يتحداها.. وهي تتصرف معاه ببرود.. على قولتها تاخذه على قد عقله..هههههههههههه ودوم تقوله اذا مو عاجبك سويه انت......
الغريب ان ساره تتعامل مع كل الموظفين بنفس الأسلوب وهم عادي... يعاملوها كأنها رجال.. محد يضحك ولا يقول لها كلمه زياده.. وباب مكتبها على طول مسكر..
لا احيان كثيره ماتطلع تتغدا مع البنات تظل بالمكتب.. وكل شغلها من احسن مايكون.. وساعات تظل لبعد الدوام..
بالشركه.. البنات ذايبن على ناصر... وهو مايعطي احد وجه ولا يطلب شغل الا من ساره..
واذا مشت ساره بين الأقسام اللكل يعرف انها هي لأن صوت الكعب يرن بالأرض..وهو من يسمع هالصوت كأنه يطق في قلبه...
اما ناصر.. الموظفات يشوفوه تقول رادار يدور عليه وهو ماشي..
ساره.. كل الموظفين يموتون على جمالها وغرورها اللي زايد جنونهم فيها..
لكن الأثنين مايعطون احد وجه.. اقول لكم ماجمع الا وفق..
ناصر.. هاذي غير البنات.. حتى ماتبي تروح وتجي مثل كل البنات... طيب ليش؟ والمشكله انها مو متزوجه.. واهلها مااتوقع انههم متشددين مررره.. ..
اوووووووه هالبنت بتجيب لي جلطه والمشكله مو قادر اشيلهامن راسي...
طبعا الجو شتا..
والحبيب يتفنن في الكشخه..
يوم السبت لابس بنطلون ابيض وجاكيت اسود وبلوزه لونها اسود فتحتها 7 وحاط له لفاف مخطط بالعرض ابيض واسود.. طبعا البنات بعد ماجا المكتب كلهم فتحوا الأبواب على آخرها.. وكلهم يسووون نفسهم يسألوا ساره عن الشغل وهم جايين يطالعونه.. ساره وناصر فاهمين عليهم.. لكن..
ساره راحت للبنات اللي كانوا مجتمعين في مكتب واحد وقت الغدا..
ساره: بلهجة تهديد: اسمعوا كلكم اذا وحده منكم تجيني مكتبي وتستعبط وتخفف دمها بذبحها فامين.. اذا بتجوا عشان تشوفوا براد بيت اللي بمكتب المحاسب روحوا له مكتبه .. اما تجون وتغثوني وتخففون دمكم مافيه فاهمين مو فاضيه لسخافاتكم ؟؟
البنات سكتوا.. وطلعت وسكرت الباب.. لقته واقف مو بعيد طبعا سمع كلامها لأن صوتها كان عالي شوي.. رفعت راسها ومشت ولا كأنها تشوفه.....
بعد الغدا ناداها المدير..
المدير عندنا اجتماع مع مدي شركة ال.....(ناصر)
ساره: بس انا وانت وهو..
المدير : ايه .. ودخل ناصر..
جلس بالكرسي المقابل ساره..
ناصر: السلام عليكم..
ردوا عليه..ساره حطت رجل على رجل.. ومسكت ورقه وقلم.......
ناصر: يطالعها شوي ويكلم المدير شوي...
شوي رن جوال ابواحمد..
ابواحمد : اسمحوا دقيقه بس... وطلع وقف برا المكتب..
ساره : ولا كأنه موجود..
ناصر: هدوء... حب يسوي ازعاج.. قام يطق برجله على الأرض..
ساره : هذا يتحداني.. قامت اهي بعد تطق بس بالكعب اللي صوته اعلى وينرفز؟؟
ناصر: اووف منها الصوت ينرفز... وغلبتني.. بطل يدق.. لكنها مابطلت.. واهو مو قادر على الصوت..
دخل المدير وهي لسة تطق برجولها.. ايييييييي
ساره: والله لأكسر رجلك.. هاذي ثاني مره..
ناصر: عشان تتعلمي تنرفزيني..
طبعا هذا كلام بلغة العيون .. ساره حاقده .. وهو نظرات التحدي..
اثناء الأجتماع..
ناصر: اعتقد ان المده طويله لمشروع مثل هذا...
المدير: وانا بعد.......
ساره: وطالعت ناصر بنظره.. لأ اسمح لي استاذ شركتنا انجزت مشروع قبل شهرين وبميزانيه اقل خلال مده اقصر ... يعني كلام الأستاذ ناصر مو صحيح.......
وناظرته..
ناصر: توي ادري ان اسمي حلو.. اذا نطقت اسمه تنطق الصاد من بين اسنانها وتطلع كأنها تهمس.. شكله الولد خرف..هههههههههههه
ناصر: طيب... كلام الأخت ساره صحيح.. وطقها برجله... المدير مايدري عن الحرب اللي تدور تحت الطاوله...
خلص الأجتماع... طبعا ساره قامت على طول.. اووه نسيت جوالي على الطاوله.. رجعت بتاخذه.. وطرااااااااخ صدمت فيه..
ناصر: طاخ طاخ طاخ قلبه يدق طبول.. شم ريحة عطرها اللي يذوب.. وطرف خشمها لمس ذقنه.......
ساره : رجعت على ورا من الصدمه.. لاحول ش يفكنا منه الحين..
ناصر: آسف عسى ماتعورتي...
ساره: عطته نظره ومشت ... حتى ماردت عليه.......
ناصر: راح لمكتبه.. جوال كان يرن..
ناصر: الو.. كان ولده الي متصل.. بزر ماعنده سالفه........
ساره : رجعت مكتبها.. وكملت شغل ولا همها في شي.........
في الليل....
ناصر كان نايم على ظهره وحاط يده ورا راسه...
انا ليش اسوي كذا.. شنو ابي منها بالضبط...... طيب في بنات ثقيلات بس هذي مو مثلهم فيها شي... اموووت واعرف.. لالا خلاص بكره ماراح اسوي لها شي(ايه كثر منها)
ساره: نايمه على جنب وحاضنه مخدتها ولابسه بيجامه برمودا لونها احمر وابيض..
هذا شنو يبي .. عنده كل بنات الشركه حاطني راسه براسي ليش؟
عشان ماعطيته وجه وطنشته من اول يوم جا.. طيب شنو يبي بالضبط... اوووه مليت منه ... شكلي بقدم استقالتي بكره.. غطت وجهها باللحاف وحاولت تنام..
يوم ثاني..........
راحت مكتبها.... والا هو مع المدير.. سكرت الستاير.. (يقول المثل :اللي على راسه بطحه يتحسسها)
ناصر: حتى ماتبي تشوف وجهي.. طيب طيب .. (هذا قال ماراح يسوي لهاشي .. لكن كلام الليل يمحوه النهار... اووه قلنا امثال واجد اليوم..لا يكثر بس)
المدير : نادى ساره.. ساره. . عندك فلاش ميموري؟
ساره: ايه ...
المدير: عطيها الأستاذ نبي ننقل ملفات الى جهازه اللاب توب...
ساره : ناظرته.. كان لابس ثوب اسود بدون شماغ وفاتح الأزرار الللي فوق..
رفع حاجبه.. وابتسم بهدوء...
ساره : لحظه..
جابتها وعطتها اياه..........اخذها وهو يطالعها ..
اخذها وراح لكتبه نقل الملفات... وقام بيعطيها اياها.. جا بيدخل مكتبها .. شافها جالسه تكتب ... يالله قد ايش تجنن.. لكن شنو سر هالعدائيه اللي فيها .. والحقد اللي بعيونها.. مع انها شكلها هاديه وحبوبه.....
طبعا كان سرحان... ساره :كانت بتروح لرغد..فتحت الباب.و,,, اووه..وجات عينها بعينه..........ونزلت راسها ورجعت المكتب,,
ناصر: شنو هذا.......نظرة خجل..هالبنت بتجنني.. معقوله.. طيب ليش تسوي كل هذا.......
دق الباب..
ناصر: وهو يمدلها الفلاش.. تفضلي..
ساره: مدت يدها بدون ماتطالع.. ولمست اطراف اصابعها يده.....
ساره.. اووف الحين ش يفكني منه..شكرا..
ناصر: ابتسم بهدوء..العفو وطلع.. جلس على مكتبه.. معقوله اكو حبيتــ... لالا مستحيل .. طيب ليه حسيت برعشه.. اممم يمكن لأن اصابعه كانت بارده,, يمكن ايه,,, كذب على نفسه وصدق....
جا واحد من الموظفين لمكتب ناصر... خلص شغله.. في هالوقت طلعت ساره من مكتبها وانتبه الموظف انه يطالعها..
الموظف: اقول ماله داعي تتعب نفسك معاها .. هاذي وحده قلبها ميت.....
ناصر: تفاجأ من كلامه.. ايش تقول؟؟؟؟؟؟؟؟؟؟؟؟؟
الموظف: اسمع كلنا سوينا مثلك لما جينا الشركه هالبنت تذوب الحجر لكن مستحيل تضحك او تتكلم معاك برا الشغل.. يقولون انها متعقده من الرجال..
ناصر: ليش؟؟؟؟؟؟؟؟
الموظف: قرب لعنده وهو يهمس .. مطلقه.. احنا كنا نتحاشاها عشان المدير من قرايبها لكن لما عرفنا انها مطلقه ومرتين بعد.. قلنا شنو نبي فيها... هههههههه الجوال المستعمل دوم سعره رخيص ههههههه..
ناصر: قام وقف... وبصوت عالي انت ماتستحي على وجهك تقول عنها هالكلام.. اطلع برااا وهو يأشر على الباب..
قام الموظف وهو مستغرب.. ليش يسوي كذا...
ناصر: رمى نفسه على الكرسي .. يعني انتي مثلي.. مسكينه.. لكن ليش منو هالغبي اللي بتكون عنده وحده مثلها ويفرط فيها...
قطع تفكيره.. هي .. ماغيرها.. دخلت المكتب حطت اوراق على مكتبه بقوه وطلعت.. ساره: التقرير.. وطلعت....
ناصر:؟؟؟؟؟؟؟؟؟؟؟؟؟؟؟؟؟؟؟؟؟ انقهر من حركتها.. طيب ياساره يجي وقت البريك واعلمك.......
ساره: يستاهل هذا جزاه ثلاث مرات يضربني برجله...
جا وقت الغدا....... ساره ماطلعت.... وناصر بعد........
الشركه تقريبا صارت فاضيه كلهم طلعوا يتغدوا الا هالأثنين......
ناصر: وهو يقوم .. انا اعلمك ياساره منو ناصر.......دخل مكتبها بدون مايطق الباب........
ساره: وقفت . . انت هيه ليش داخل كذا..
ناصر: وهو يأشر بيده.. انتي على شنو شايفه نفسك هاااا؟؟على شنو؟؟
ساره: تكتفت .. لما اقصر في شغلي او شي تعال حاسبني اما شي ثاني مو حقك تتدخل فيه......
ناصر: شنو شنو ... شوفي انا مليون بنت تتمنى نظره مني و... انتي وهو يأشر عليها.. رافعه خشمك ..... على ولا شي......
ساره: خلاص عصبت.. هذ انتو يالرجال.. اللي تعطيكم وجه قلتو خفيفه واللي ماتعطيكم وجه قلتو عنها معقده ورافعه خشمها... كلكم مو رجال اشباه رجال....روح حق هالمليون بنت واتركني بحالي...
ناصر: ارتفع ضغطه مليون .. وحس انه بيعطيها كف,,,,, لكن قال في آخر لحظه.. هين ياساره انا اعلمك منو ناصر محمد.......
ساره : ببرود ولا مبالاة.. اقول بلط البحر.......
ناصر: عطاها نظرة حقد وطلع.......
الساعه 5 باق نص ساعه وينتهي الدوام......ناصر قاعد على مكتبه وهو يطق بأصابعه على الطاوله.. ونظراته على مكتب ساره... اخذ ملفات من علي مكتبه وقام..
دق الباب .. ودخل قبل ماترد عليه..
شافته.. اووووووووووف شنو يبي بعد..
حط الملفات بقوه على مكتبها..
ناصر: بأمر.. وهو يأشر على الملفات.. ابيهم بكره الصباح اول مااجي .. مفهوم ورفع حاجب..
ساره: رفعت حاجب.. يحداني جايبهم قبل نص ساعه من نهاية الدوام.. قالت ببرود وهو تطول كلمتها.. ان شــــــــــــــــاءالله اوامر ثانيه استاذ,, وهي تضغط على كلامها.. ناصر .. ببرود..
ناصر: حس ان شب من جوا.. هذي ماتتعب ماتمل.. لا وطلع..
ساره : تتطالع الملفات .. اكثر عشرين ملف.. يبيني اخلصهم الحين.. انا اعلمك من هي بنت ابوعبدالرحمن,,,,,
قربتهم لعندها وبدت تشتغل فيهم......
انتهى الدوام.. جات رغد لمكتبها..
يعني لازم كل يوم نطلع آخرناس.. قومي يلا لانتأخر..
ساره بدون ماتتطالعها.. روحي انتي انا بظل شوي..
رغد : يامجنووووووووونه بكره الخميس .. قومي يلا ...
ساره :تذكرت .. بكره هو مايدوام هنا.. لالا روحي انتي ..
رغد : كيفك يالآله.......
ساره: ههههههههههه..
قام من مكتبه وشافها لسه ماطلعت.. معقوله .. بكره الخميس ..وهي تدري اني ماراح اداوم هنا.. لكن بجي الصباح وبشوف خلصتهم او لا.....(هالولد من يجيب النذاله مدري)
وطلع من الشركه.........
ركب سيارته حط على الfm لقى اغنية تقول..
دوخ الناس بجماله.. حير الدنيا بدلاله..
هاذي حاله ماهي حاله.. سبيه..
اللي ماعنده مشاعر.. واللي خلى القلب حاير..
لاهوحاط ولاهو طاير.. سبيه......
ناصر بأبتسامه. . مستحيل اسبيها بحالها... ومشى..
الشركه صارت تقريبا فاضيه... جو عمال النظافه وخلصوا شغلهم وطلعوا... وساره لسه ماطلعت.. مابقى الا و موظفين الأمن تحت عند الباب..
ساره رن جوالها..
ساره : هلا يمه..
ام عبدالرحمن بخوف: وينك يمه الساعه صارت ثمان الا ربع وماجيتي ...
ساره : كم...... حسبي الله عليك يا... يمه عندي شغل اخلصه واجي...
ام عبدالرحمن : يابنتي ارحمي نفسك اخواتك كلهم جو.. وانتي للحين ماخلصتي..
ساره: اللله ياخذك ياناصر.. طيب يمه اخلص بسرعه واجي..
ام عبدالرحمن : يمه كلمي السواق يجيبك لا تجين في ليموزين في هالوقت..
ساره : ان شاءالله يمه..
ساره :باقي خمسه ملفات.. اخلصهم بسرعه واقوم اروح بيتنا..
ناصر : كان ببيتهم,, ياترى للحين بالشركه,, اذا سوتها.. ياربي هالبنت مطلقه ومعقده من الرجال.. يعني كل اللي كانت تسويه انها تحمي نفسها منهم.. لأن الرجال حاطين ببالهم ان المطلقه سهله.. وانا كنت اظنها شايفه نفسها..
بعد مااخذ له شاور.. لبس بنطلون جينز وبلوزه لونها اخضرزيتي...
ساعتي وينها....... دورها هنا وهنا مالقى شي.,,, اكيد بالشركه ......... اخاف عمال النظافه ياخذوها لازم ارجع اجيبها.. هاذي آخرهديه من امي الله يرحمها.. ونزل يركض وركب سيارته..
ندى ونوره كانوا بالصاله وشافوه ...
ندى : شوفي اقطع رقبتي اذا ماكان اخوك يحب..
نوره : الحمدلله والشكر.. وكيف عرفتي..
ندى : هنا في مخ مو تنكه... وهي تأشر على راسها..
نوره: الا تنكه مصديه.. وتهاوشوا زي العاده.....
ساره .. وهي تمغط يدها اخيرا خلصت.. بدق على السواق..
طلعت جوالها ......ههههههههههههههي الساعه 8:45 حسبي الله عليك.. ودقت على السواق وقالها انزلي تحت انا قريب,,,
نزلت.. وقفت عند المواقف ... اووف عشر دقيق وهذا ماجا..
كانوا شباب مارين بسياره وشافوها..
توصيله ياحلو.. عطنا وجه ياعسل..
ساره .. اوووف ياربي مالي خلقهم ..
وصاروا يروحوا ويجوا بالمواقف.. والمكان شبه فاضي ... ساره بدت تخاف... وين راحوا موظفين الأمن بعد .. هذا وقتهم... طلعت جوالها بتدق على السواق..
الا واحد من الشباب .. من زمان شغلي البلوتوث .. اقبلي هااا..
ساره : والله انك فاضي.. الو ... وينك..
السواق : ايوا مدام انا يجي لكن هزا شارع سكر.. يجي من شارع تاني وطووووووووووط..
ساره : الو ... الو .. رجعت دقت عليه .. اكيد جواله طفا... ارجع الشركه... خايفه .. وهذول رايحين جايين....
كان جاي .. شاف وحده واقفه.. معقول تكون هي .. مجنونه ,,, للحين ماراحت بيتهم..
في نفس هالوقت..
وبعدين ماراح تقبلين.. ماردت عليه .. نزل واحد منهم.. ساره رجعت على ورا لين لصقت بالجدار...
قرب لعندها .. وهو حاط يده على ذقنه .. اووو ه البنت صاروخ..
ساره : بعد عني لا اصرخ والم عليك الناس..
لالا اروح ملح انا ,,, الصوت يذبح.. ومد ايدينه .. شايفه احد هنا..
ساره: بعد عني ........
مسك يدها يبي يجرها وهو يقول انتو يالبنات ماتجون الا بالقوه...
ساره : بصراخ .. بعدددددددددددددددددددددد
ماحس الا ماحد سحبه وعطاه بوكس..
ساره .. ناصر..... ش للي جابه الحين..
ناصر: وهو يصرخ عليها ارجعي الشركه.......
راحت تركض وهي ماسكه دموعها.. ماتبي تبكي..
ضرب ناصر الشباب اثنينهم وهم طبعا ماقدروا عليه لأن الولد عضلات..
رجعت الشركه ورمت حالها على اقرب كرسي ......
دقايق وجا..
يكلمها بخوف: صار فيك شي..
ساره: لا........ وبعدين محد قالك تعال اتدخل
ناصر: بصراخ.. الحين فوق ماانقذتك تقولين لي هالكلام... وليش هنا في هالوقت المتأخر وماتبين الشباب يتحرشو افيك ؟؟
ساره: وقفت قدامه.. نظراتها خوف قهر ماتدري شنو تحس هالحظه.. احترم نفسك انا مو ميته على رجال...و الشغل اللي حضرتك عطيتني اياه توي مخلصته .. انت سبب كل اللي صار .. ولو صار لي شي بيكون ذنبي برقبتك..
ناصر: حس بالذنب.. صادقه.. قال بهدوء: طيب تحبي اوصلك..
ساره: اروح مشي ولا اركب معاك..
ناصر: طيب اي شي تبين اسويه عشان اعوض لك عن اللي صار..
ساره: قربت لعنده و....................هذا رد اعتباري وطلعت
ناصر: راحت .. وهو مازال تحت تأثير الصدمه....
الجو بارد.. لكن حرارة كفها تذوب الحديد.. كف,, تعطيني كف ياساره.. النار بقلبي براكين.. راح مكتبه واخذ ساعته وراح بيتهم..
ساره : نزلت لقت السواق تحت.. عطته كم تهزيئه ومشوا.......
وصلت بيتهم سلمت على امها وخواتها وراحت غرفتها.. سكرت الباب واتسندت على الباب.. نزلت بشويش.. وبكت بكت...............
ناصر : رجع بيتهم... طبعا ندى شافته.......... ادفع نص عمري اذا ماكان خوك يحب..
نوره : روحي يالفاضيه...وراحت لناصر..
نوره: اخوي انزل اتعشى..
ناصر اللي كان واقف عند النافذه.. رد بدون مايطالعها.. لا مابي شي......
بعد العشا ناصر نزل وشرب قهوه بعدين خذ مخده وحضنها وهو حاط يده مكان كف ساره..........وسرحان... كان الأحساس بالذنب يعذبه...... وبعدين قام راح لغرفته......
ندى : وهي تلكز نوره... ادفع عمري وعمرك وعمر نوافوه اذا ماكان يحب......
نوره : انتي وبعدين معاك ترى زهقتيني ويحب ش فيها يعني.......
ندى: تتوقعي يفكر يتزوجها......
نوره : ان شاء الله. . ليش لا.. اخوك مافي احسن منه ..
ساره : كانت مع خواتها لكن عقلها مو معهم.. انا ش سويت .. ش قلت.. يستاهل محد قاله يحط راسه براسي.. يمكن يسوي مشكله مع المدير....اوووووووه ترى مليت من التفكير فيه.. امم هو حلو ووسيم .. لكن انا مااطيق شي اسمه رجال.....
ناصر رن جواله.. اووف مكالمه خارجيه...
كان شغله اللي في برطانيا.. خلصت اجازته من شهر ولازم يحي اما يدوام او يقدم استقاله.. وعدهم انه يجي بأقرب وقت ممكن.. كلم مكتب سفريات ... الرحله بكره العصر.. ناصر: اووه مافي وقت.......
ساره : كانت تلعب مع لينا.. رن جوالها .. مسج......من مين........
ساره.. انا آسف على الموقف اللي صار.. و اوعدك ماراح اضايقك ابد...
لكن ابيك تعرفين شي واحد.. اني لك بقلبي مكان فوق ماتتصورين..
ساره: جن هذا... معقوله يحبنــ.. لالا مستحيل مافي رجال بالدنيا يحب... كلهم مثل بعض.. لكن نظراته وخوفه علي من شوي.. لالا اكيد يبي يستعرض قدامي..
حست بشي احيا قلبها الميت.. ضربت صدرها لالالا تحس بشي خليك ميت اريح لك.. ماراح اعطيه ذرة امل انه يوصل لي او اني حسيت بشي تجاهه..
ناصر: انا ش سويت.. الحين بتقول ميت عليها.. راح للصادر.. اكيد ارسلتها لها. . يارب ماوصلت.. يارب كل الشبكات تعطلت يارب وما وصلتها..
قطع تفكيره.. صوت مسج في جواله....
كان من ساره: ههههههههههههههههههه.. ضحكتني وانا مالي خلق اضحك.. انت فاكر انك لما تقولي هالكلام راح اموت عليك واعطيك وجه.. لا ياولد الناس.. روح اضحك على المليون بنت اللي قلت عنهم.. مو انا ...........
ناصر: تتحديني,,,,,, ماشي..... راح الأحساس بالذنب..ههههههههههه
يوم ثاني كان يوم خميس.....يعني نصف دوام بس...
ناصر راح الشركه لقى الملفات على مكتبه راجعهم.. خلصتهم كلهم امس .. والله مجنونه.....
باب مكتب ساره كان مسكر........ شوي وطلعت.. سمع صوت كعبها كأنه طبل بقلبه...
مشت وطبعا ولا كأنه موجود.. تعود على لا مبالاتها ..راحت لغرفة الأجهزه ش فيها الطابعه ماتطبع.. اووف مستعجله..
نادت المهندس..
كان واحد لبناني دمه خفيف...
صلحها وناداها ..
ساره : كانت طالعه من مكتبها وهو جاي لها.. هاا الطابعه شغاله..
زاهر: لا خدامه.....
ساره: كان تدري انه يطالعها.. وضحكت....ههههههههههههههه
ناصر: عدل قعدته.. اول مره يشوفها تضحك من جا الشركه ومع منو.. هذا.....
قام...
ساره خلصت طباعه وراحت لمكتبها واول مادخلت في يد مسكت يدها بقوه..
رفعت عينها.. جات عينها بعينه.. وقالت بصوت واطي.. اتركني ش تبي..
ناصر: يتكلم وهو يشد على اسنانه.. ليش تضحكين معاه..
ساره: بتحدي وهي تحاول تفك يدها.. وانت اش دخلك .. من وصاك علي.. لا تكون من بقية اهلي وانا مدري.. اترك يدي........
ناصر: مازال يشد على اسنانه.. راح اكون من اهلك وبتشوفين ماراح اخليك تشوفين حتى النور.......
ساره: هذا شنو يقول.. اتحداك..
ناصر: بركاااااااااااااااااااااااااااان ثار جواته.. تتحديني ,,, متأكده..
ساره: ايه ... ترك يدها.. ونزلت عينها..
ناصر: كأنه نار وانطفت.. نظرة خجل بعيونها.. يعني كل هالقسوه قناع مثل ماقلت عشان تحمي نفسها ... طلع من مكتبها
وهو يتذكر قصيده للأمير الشاعر عبدالرحمن بن مساعد......
ماسألتوا صاحب النظره الخجوله..كيف يسهرني وله وجهً صبوح..
كيف يظلمني وله طهر الطفوله... كيف يسكنني وهو دايم يروح..
وكيف انا القى ربيعه في فصوله.. دام كذبه صادق وصدقه مزوح..
له صفات تورد العاشق ذهوله.. مستكين وصامت وكله جموح..
اصعب الأشياء و اكثرها سهوله.. اغمض الأشياء واكثرها وضوح..
سهل تغرم به صعب انك تنوله.. غامض بطبعه وواضح بالجروح..
اسعد بشوفه ولكن مااطوله..كني الوادي وهو اعلى السفوح..
يبتسم لا من ان هم عني حكوا له.. ولا حكوا لي عنه اعماقي تنوح..
لي بقلبه شي لكن مايقوله.. وله بقلبي كل لكني ابوح..
كنه الغيمه وانا ارجي هطوله.. مانزل غيثه ولا برقه يلوح..
ماعرفتوا ليه تسهرني فعوله.. وليه يسكنني وهو دايم يروح..
هو يبيني بس اطباعه خجوله.. ومايبي اغفى وهو وجههه صبوح..
جلس على مكتبه.. نظراتها .. حركاتها كلها تذوبني .. حتى قسوتها وكلامها الجارح. . بعد يعجبني.. هذي البنت اللي اتمناها من زمان .. لكنها جات بوقت متاخر... لكن هي مطلقه.. ضحك.. وانت بعد......رن جواله كانت رسالة تذكير بموعد رحلته لبريطانيا......
مسك الجوال امممممم شنو ارسل... اوكي هذي مناسبه......
رن جوال ساره..
هذي منه ... اووف ش يبي.. كان رابط.. فتحت الرابط.. اغنية راشد الماجد.. توصي شي انا بكره مسافر........
ساره: هههههههههههههههههه.. ضحكني... طيب ياناصر انا اوريك..
دورت بجوالها.. اي هاذي مناسبه جداجدا...... وارسلته له.. طبعا كان الباب نص مفتوح وهو يشوفها........
ارسلت له الرساله.. وعطته نظرة تحدي .. ناداه ابو احمد وقام لمكتبه .. بعد ماخلص شغل مع ابو احمد.. طلع من الشركه وراح لبيتهم..
راح لغرفته عشان يرتب اغراضه.. تذكر رسالة ساره..
فتحها.. رابط.. اكيد اغنيه.. فتح الرابط وقعد يسمع...
اسمعوها معاه......
روحه بلا رده.. مابيك ترجع لي..
ماعدت انفع لك ..وماعاد تنفع لي..
فيك وبلاك النور.. يالعاشق المغرور..
لالا تلف علي وتدور .. اعذرني واسمح لي..
ماعدت انفع لك ..وماعاد تنفع لي..
مابيك تترجى.. احسن لك انساني..
اتعبتني بحبك .. ويكفيني ماجاني..
برتاح انا منك.. وبتركك لأنك...
عايش.. عايش على ظنك.. اعذرني واسمح لي..
ماعدت انفع لك ..وماعاد تنفع لي..
بعيش انا من اليوم.. العمر بلحالي..
لاحب ولاحرمان.. وماجيبك ببالي..
بنساك انا واروح.. فيك الأمل مذبوح..
وماعاد فيني روح.. اعذرني واسمح لي..
ماعدت انفع لك ..وماعاد تنفع لي..
خلصت الأغنيه......... ناصر.ههههههههههههههههههههههههههههههههههههههههههههه هههههههههههههههههههههههههههههههههههه
ندى ونوره كانوا مارين على غرفته وسمعوه يضحك...
ندى: ابيع عمري بالحراج اذا ماكان يحب..
نوره: ماعندك ماعند جدتي......
مجنووووووووووووووووونه.. وتبيني انساها.. كل ماسوت كذا انجينت فيها اكثر..
آآآآآآآه اسمها يذكرني بأعز الناس....حتى اسمها جاي ع الجرح... لالا هاذي ناويه علي...
الوعد اذا جيت ياساره.. اذا جيــــــت..
|
|
|
|
|