((5))
(.. داء الأنتقـــــــام ..)
ميشــــو
حتى اللحضه التي ثنيت بها ملاك عن الخروج لم أكــن أعرف مالقضيــه ..خاطبتها بمــوده ..
ميشو :ملاك ياعزيزتي لما لتخبريني مالقضيـــه ..
بشقاوة سارا المعتــاده تحدثت ..
سارا :وانا بعد أخبريني وش القضيــــه ..؟!
بدا على مــلاك الســرور ..
ملاك :طيب طيب لاتحرجوني تعرفون أول مره يكــون عنـدي سالفه ..
بغضب شديد تحدثت ضحــى ..
ضحـى :ملاااااااك أخلصي علينا ..
ملاك:بكل أختصار اللي صار أن ضحــى وصلها مسج تهديد من عساف ..
قاطعتها ..
ميشو :رسالة تهـديد اريد رؤيت تلك الرساله ..
اشارت لي ضحــى على هاتفها النقال الذي كان ملقى على الأرض بجـوار حقيبة يدها ..
قرأت الرساله وشاركتني سارا بذالك ...وعلقت ..
سارا :ايش ايش بروك راجـــــع لاااا والله مو وقته عاد يوم خططنا أنا ومــلاك .....
وأنقطــع حديثها بيد مــلاك التي أقفلت فمها ..
ملاك بغباء :لاتسمعــونها ماعنـدها سالفه .. وش رايكـــم اقولكـــم عن الخطــه أحســـــن ...
أستوقفتها ضحــى ..
ضحى :لحضه لحضــه اصلاً من قالك أني أبي أسمــع خططك سارا شيلي أختك واطلعي ...
رغم الطريقه الجافه التي تحدثت بها ضحــى لما تتزحزح ملاك عن موقفها ...
ملاك :احلمي أطلع من هون قبل مأقول خطتي ..
ميشو :لابأس ضحــى دعيها تقول ماعنــدها ..
ملاك :ياعمــري ميشو مأدري ليه صايره هاليوميــن أكن لك عواطف جياشــه ..
وضاعت بهجتها بصرخه من ضحــى .. أدخلت الرعب لقلبي أنا أيضاً ..
ضحــى :ملاااااااااااااك ..
ملاك :طيب أسمعوني من غير ماتقاطعــوني .. عساف يهدد والوالد الغائب راجـــع والمــدرسه نقلت ضحــى .. الظروف اللي تجمعت مره وحــده عليها والمفروض يكــون هالشــيء من سوء حظها لكــن ليش ماتستغل هالظروف لمصلحتها ...تقولون كيف .. بكــل بساطــه أنها تشيل قشهــا وتختفي .. تختفي وين تروح لهالقريه اللي نقلت لهــا ..هاه وش رايكـــــم ..اعرف خطط صــح ..
خطــه غير محبــوكه ينقصها الكثيــر ولكــن بالأخيــر تبقى خطــه .. هذا ماكان يدور بخلدي ولكني لم أفصح عنــــه ..
ضحــى :ملاك أنقعلي عني أنتي وخططك اللي مثل وجهك ...
ملاك بنرفزه :ايه أحسن لاتعجبك خطتي وابقي هنــا لين الذيابه تجمـــــع عليك ...
وخرجـت من الحجره وهي تسب وتشتم بعقولنا الضيقه المتحجره ..سألت ضحـى بعد ان لحقت سارا بشقيقتها ..
ميشو :لمــاذا لم تعجبك خطــة ملاك فهي جيده نوعاً ما وحل مؤقت جيــد ..
ضحــى :من صدقك أنتي تبغيني أهرب اصلاً وش بيقولون عني وين رايحــه لااا أبد هذا ماهو حل ..
جملتها الأخيــره أكدت لي أن هناك صراع يدور داخلها حول خطــة ملاك .. أنسحبت من حجرتها فهي بحاجه للأنفراد بنفسها لتفكر جيــداً ..
دلفت لحجرتي وألقيت بنفسي على الفراش الليلـــه ستحقق أحد أنجــازاتي فقط اذا فعلها فهـــــد وبلغ عن الشقه المشبوهه كما طلبت منـــــه .. واذا تمت المـداهمــه أكون حققت أنتصــاري الثاني عليــه والأول على سوسو ومـالك ..ومازلت أحتفظ له ولعائلته بقائمــه طويله من خطط الأنتقــام .. طويله جداً تنتهــي بنهــاية أخر فـــــرد من عائلة والــدي المتبناه ..
الساعــه التاسعــه مساءً ..
كنت أجلس على مقعـد التسريحه وأمامي العديد من أدوات الزينه ومستحضــرات التجميل .. لم أشعر بخروج سوسو من حجرة تغيـير الملابس الا حينمــــا سألتني ..
سوسو :وش رايك ميشو أهبـــــل مو ..
وبدأت تدور حول نفسهــا ..صحت بأندهاش مصطنـــع ..
ميشو :سوسو أيته الساحــــره تبيدين في غاية الجمــال أنتي فاتنــه ..
سوسو بأحباط :أهم شــي اعجب مشـاري ..
ياللطمـــوح .. أحسدها عليه ..
ميشو :بالتأكـيد ستفعلين ذالك أنظري ألى نفسك بالمـراءه صدقيني سينبهــرك بجمالك ..
أقتربت مني وربتت على خدي بمحبــه ..
سوسو :وأنتي بعد ياعمــري تهبلين وانتي كذا طبيعيــه تعرفين مالك يمــوت عليك صح أنه دايم يردد انه أكثر شي يعجبــه فيك لون عيــونك وكلامك بالفصحــى بس بالحقيقه هو يمــوت فيك كلك على بعضك ماتصدقين قدايش فرح يوم درى أنك أنتي اللي تبغين تشوفينــه كان بيجــن ..
كلا لم ينح بعــد وقت جنــونه .. تداركت نفــسي وابعــدت التقطيبه عن محياي ورسمــت مكانها أبتســامه مليئه بالرياء ...
سوسو :ياااااي انتبهــي تبتسمــين اليوم لمالك كــذا والله ليروح فيها الولد صح أنها ماتفرق معي راح ولاجــاء بس حرام أمي تحبــه ..يالله ميشو نمشــي ..
بدأ ناقوس الخطر يدق داخلـــــي .. حانت ساعة الصفر ...
ميشو :بالتأكيد هيا ياعزيزتي ..
وبدأت بأرتدأ عباءتــــي .. خرجنا من جناح سوسو كانت تتحدث بأمور مختلفه وأنا أسمعها فقط كنت أهم بنزول السلم حينما أمسكت بذراعي ..
سوسو :لاوين تعالي ننزل بالمصعــد ..
في السيـــاره ..
كنت أقعــد مستمعــه لثرثرات سوسو .. كانت تتحــدث بمــوضوع فتقطــعه لتحدثني عن أخـــر .. لذلك لم اتعجب حينما صرخت فجأه بأسمــي في منتصف حديثها ..
سوسو :ميشوووووو ماراح تصدقنـــي قولي وش صــار ..
ضحكــت بلطف ..
ميشو :ماذا حدث ..
سوسو :تصوري أمــس العصــر وأنا نايمـه ماحسيت الا على باب غرفتي ينطق بالدفاشــه عاد تعرفين انا خبله بعض الأحيــان مقفله ومنها أمس .. وكنت مطنشه اللي برى ماحسيت الا باللي داخل علـــي ..
أصابني رعب كلا يألهــي لايكــون مبارك ..
ميشو :من كــان ..
سوسو :تصوري خلف .. أنا طاح قلبي وماقدرت أفتح فمــي بكلمه وجلست بالسريري زي الهبــلا أحتريه يفتح فمــه وهو جالس يدور بالــغرفه واضح أن عنــده حكــي ومايدري كيف يقوله .. وكان بعض الأحيــان يوصل للباب ويرجــع لنص الغرفه لين فجأه تكلم ...وسألني اذا كنت أعرف وحــده بالجامعه أسمها روبي ..
لم أستطــع كبح ضحكــه كانت تتصاعـد داخلي رغم خطــورة الموقف وجــدته مضحك ...
سوسو :ميشو وش فيك جنيتي ليه الضحك ..
ميشو :لاشيء ياعزيزتي .. ولكني اتساءل اذ كانت المقصــوده روبــي الـ .......
وعدت للضحك وشاركتني سوسو الضحك هذه المــره ..
سوسو :لاعاد وش دعــوي أخوي من وين بيعرف هالتكرونيــه .. اصبري اللحيــن صدق المفروض تضحكين تصدقين يقول تحكــي بالفصحــــى .. شكلها صايره موضه هاليوميــن ..
ازدريت ريقــي بالصعــوبه ..
ميشو :حقـاً هل قال ذالك ..
سوسو :ايه لتحطين فبالك ..
ميشو :كلا .. ولكني كنت أتسأل ماعلاقة شقيقك بـ الروبــي هذه ..
اجابت بعــدم اهتمـام ..
سوسو :يقول بيخطبـــــها ..
بهذه اللحضـه بالذات توقفت بها سيارتنا امـام البنــايه التي تحتــوي الشقه التي سنسهر بها الليله ..
وكمــا ورد بالخطـــه .. صحت بخيبة أمــل ..
ميشو :كلا يألهي كيف حدث ذالك ..
بصيحتي تلك لفت أنتبـاه سوسو التي كانت تصلح زينة عينيها وبيدها مراءه صغيــره بحجم الكف ..
سوسو :وش فيك حبــي ..
ميشو :لأعلم كيف نسيت ذالك .. سوسو يجب علي الذهاب لشقتنا ..
سوسو :ليش حبي وش صـار ..
تظاهرت بالتلعثم والخجل ..
ميشو :كنت قد أشتريت هديه متواضعه لمــالك ولكني نسيت أن أحضــرها ...
سوسو :ياعمري والله ميشو المفروض هو اللي يجيب لك هديه لكن ماعليه أرجعي جيبيها متحمســه مره أشوف ردة فعل مالك لجاء ولقاك متأخره والأحــلى أن جيتي ومعك الهـديه وعرف ليه تأخرتــــــي .. صدق بينهبل أخـوي ..
ثقـــي بي ياعزيزتي ساعــود بالســرعه بالهــديه التي أحملــها لك ولشقيقك ..
..قبلتني مــودعه وغادرت السيــاره ..
|