منتديات قصايد ليل - عرض مشاركة واحدة - غراميات مجنونه :: قصه عن البويات :: سعوديه .. جريئه .. واقعيه ومميزه

07-07-2011

الفصل الثاني \يعني انا الحين بويا ..

اليوم التالي بالكولج ..
هنا ونور توهم طالعين من محل اللوكرات ( استئجار الخزانات )
نور ويرن جوالها : هذي روعه (وترد : الو هلا روعه .. اي احنا بمحل اللوكرات .. انتو وين .. طيب ننتظرك باي
(وتجي روعه : هلا والله (وتسلم عليهم )
نور كانت لابسه بلوزه زرقاء ساده وضيقه ع جسمها وتنورتها ميدي قصيره وتشوز ازرق ستايل وشعرها باف ورابطته ذيل حصان وفيونكه كبيره ومكياج خفيف قلوس وماسكار زرقاء وبلاشور
هنا كانت لابسه بلوزه من بلايز الاولاد تبع المباريات نفس بلوزه نادي الهلال وشعرها سبايكي ونظاره شمسيه سودا مغطيه نص وجهها وطالع شكلها شيي واول ماشافتها روعه استغربت وخقت على ستايلها
روعه: واوووو ستايكم خطيررر اليوم وانت ياهشوم بدعت
هشوم: هههههه من ذوقك والله .. بس بما اننا كلنا اتفقنا نلبس ازرق بمناسبه فوز الهلال قلت مافي احلا من بلوزه فريق الهلال
روعه: هههه وربي مااحلا منك .. صاير اطلق بويا
هنا وروعه مافهموا عليها ..
روعه: بسألكم سؤال يقرقع بقلبي
نور: اسألي
روعه: الحين نور الليدي الخاصه فيك هشوم ..
نور ومافهمتها بس قالت: انا وهشوم خوات وبس
هنا: واكثر من خوات بعد .. احنا نعرف بعض من زماان احنا خوات وصديقات ..
روعه وتطمنت: حلوو يلا اعرفكم ع الشـله .. (( ويروحون للسـاحـه الداخليــه مكان شلتــهم وكانت الشـله كبيره تقريــبــا عشـريــن بـنــت .. وكلهم كيوتات (مش بويات)
واول ماشافوا هشوم انبهروا من ستايله وخصوصا السبايكي .. ))
بنت من الشله: هشوووم شيي يالبى السبايكي ممكن المس شعرك
هشوم: لالا .. توني مسويته مالي خلق احد يلمس شعري
البنت: بليز بليز
هشوم : لايكثر ..
البنات: هههههههه (( طبعا الشله كلهم لابسين ازرق وصايرين مميزين )
البنت: افااا هشووومي كذا فشلتني (ومسويه زعلانه )
هشوم: لاتزعلين ياروحي بس مااحب حد يلمس شعري
البنت: يؤيؤيؤ انا روحك من قدي رضيت من هالكلمه
البنات: واووووو ( وتصفيق حااار )
جنا: هييي انتي لايكثر هااه
البنت: وي وي جنووون عارفه حدودي
البنات: واوووووو (وتصفيق .. وطبعا كل هالسوالف والضحك تصير بالساحه الداخليه وقدام الامن والوضع طبيعي
وكانت هنا جالسه وبينها بنتين كيوت ويسولفون معها .. اما نور كانت جالسه بزوايه وملااانه ع الاخر ومحد معطيها وجـه ..

بــعــد نــص ســاعه .. راحــوا هـناء ونــور ع المـحــاضــره .. وكانت محاضره ممله والدكتور جالس يشرح والبنات سوالف وجات المراقبه وخذت الحضور وجلست والبنات ساكتين
مافيه الا هنا ونور يسولفون ولاعليهم
المراقبه وتطالع هنا: انتي ياللي هنـااا
هنا ومطنشتها وتكمل سوالف
المراقبه: وبعدين ياللي هنا
هنا وتطالعها: انتي تكلميني
المراقبه: لااكلم اللي جنبك
هنا وتطنشها
المراقبه: تستهبلين
هنا: وش قصتك معي تكلميني والا لا ؟
المراقبه: ايه اكلمك وتكلمي معي بأدب
هنا: انا للحين ماتكلمت معك لابأدب ولاغيره .. وانتي جالسه من الصبح وتزامرين
المراقبه: وتواقحين بعد اسكتي ازعجتي البنات
هنا: والله مااشوف حد منزعج .. بنات منزعجين
البنات: ............
المراقبه: زين زين تابعي المحاضره وانتي ساكته (وتطلع )
هنا: لايكثر
البنات: هههههههههه
بنت من الكلاس: زين سويتي فيها ملغى ( دمها ثقيل )
هنا: من جد وتزامر بعد
الثانيه: كفوا هشوم اجل بما انك معنا بالكلاس مارح نحاتي شي
هنا: افاا عليكم انا كلا عندي ولابنات كلاسي
الثالثه: يالبييييييه والله بنشد الظهر فيك هشوم
هنا: خذوا راحتكم
البنات (واوووو وتصفيق حااار ..؛؛ طبعا موكل بنات الكلاس شلتين بس اللي ميتين على هشوم ويبون يتلصقون فيه ؛؛
هنا : قومي نور خلينا نطلع من هنا
نور: بس المحاضره ماخلصت
هنا: بناخذ تلخيص من اي حد .. قومي زهق المراقبه وراحت وحضور وحضرنا خلاص قومي
نور: يلا (( ويقومون ويروحون للشـله وهم ماشين بالطريق
نور: هااه هشوم اشوف صرتي جريئه وحتى المراقبه ماخليتيها بحالها
هنا: لا والله هي اللي بدت وبعدين هنا بالكولج لاحظت انو الكل ميت علي ولو اقول نكته تافهه يضحكون خليني اعطيهم جوهم واخذ جووي
نور: اي والله معك حق .. البنات خاقين مع ستايلك الجديد
هنا: وانا مستغله هالشي ( ويرن جوالها: الو هلا اشواق تونا طالعين لاملينا من المحاضره وانحشنا منها .. وين الكافتيرا طيب باي
نور: هااه وينهم
هنا: راحوا الكافتيرا امشي نروح لهم زين راحوا عاد انا مييييته من الجـوع
(( وبالكـافتيــرا .. ))
كانوا البنات جالسين يفطرون ويسولفون ويضحكون ع الرايح والجاي .. واما جنا تطالع هنا بنظرات ماقدرت هنا تفسرها وطنشتها وكملت سوالف مع القروب ..
جنا : هشوم تعال شوي ابيك
هشوم: تبيني وين ؟
جنا: تعال شوي برى الكافتيرا (( ويقومون برى الكافتيرا ويتمشون لحـالـهم .. ))
جنا: وشرايك فيني ؟
هنا\ من اي ناحيه
جنا\ مدري الناحيه اللي تعجبك
هنا: مافيـك زود
جنا واستغربت ردها: وش قصدك ؟
هنا: قصدي ماشي حالك
جنا: بس
هنا: هذا اللي انا شايفته ..
جنا وانحرجت بس مابينت لها وقالت: طيب انتي الحين البويا الوحيده بالشله
هنا( وهي موفاهمتها ): وين المشكله
جنا: لا عادي .. بس لازم كل بويا لها ليدي ..
هنا وتذكرت كلام روعه الصباح بس مافهمتها : طيب وبعدين
جنا\ اممم انا ودي اكون الليدي الخاصه فيك وش رايك ؟
هنا وتوهقت هي موفاهمتها عشان ترد عليها : ....
جنا: وش فيك ساكت
هنا(ليش تكلمني على اني ولد .. شسالفه ): اممم افكر وارد لك خبر
جنا: متى ؟
هنا: اذا فكرت وقررت رديت لك خبر
جنا وعصبت ليه قالت كذا .. الكل ميت عليها ويتمنى لها الرضى وهذي شايفه نفسها : طيب
هنا: خلصتي موضوعك
جنا: هااه
هنا: عندك شي ثاني
جنا: لا
هنا: اجل يلا نروح للشـلـه .. (( ويرجعون وجنا مره متفشـله منــها .. جنا بنت جميله جدا .. بيضا طويله نسبيا طول هشوم تقريبا وشعرها بني فاتح لنص ظهرها
وخشمها طويل وشفايفها صغار وعيونها وساع وجسمها مره حلــوو .. وكل شي فيها حلو ..يعني ماحد يقدر يرفض لها طلب وفوق هذا كله غنيه ودلوعه وبنت عز والكل يتمنى يتعرف عليها
ويتمشى معها .. لانها بأختـصار ملـكـه جمـال .. ؛؛ عشان كذا استغربت رد هشوم لها لانها اول وحده تروح لها وقالت لها هالشي استغربت وبنفس الوقت عصبت وحطتها براسها اكثرواكثر .. ))