06-19-2011
|
#10
|
البارت الحادي عشر
((اما عند جواد ..))..*
((بعد مارجع من للبيـــت كااان طول الوقـــت سرحـــان في البنت اللي شافها فجأة ينفتح البـــاب ))..*
شوق : حالو
جـــواد : عيووونه ..
شوق : مي تقول في شبح يطـــلع ففي الليل وياكل الأطفال ... انا حآآآآيفه ..
جـــواد :مي قالت لك هالكلام ..ماعليكي منها ..تكذب عليك ..بعدين انتي شجاعه
شوق : يعني مافيه شبح
جـــواد : لا ياعمري مافيه ..
شوق : امممممم
جـــواد : ايش فيكي ؟؟
شووق : ابي العب
جـــواد :روحي لعبي مع نجود
شوق :نجود ماترضى تعطيني العابها ... تقول اني اكسرهم
جـــواد : طيب انا راح اشتري لك لعبه كبيييييره بعدين
شوق "بفرح ": كبييييييييييره كبر البيت
جـــواد : هههههههه ..كبر البيت
شوق " تناظر لابتوب جواد" :حالو ابي العب في هذا
جـــواد : حبيبي بس هذا مو لعبه
شوق : مابي ابي العب فيه ..
جـــواد " باستسلام " : طيــــب..
(( شغل لها الابتوب وحط لها على لعبه وخلاها تلعب وهو يطالعها وماحس بنفسه الا هوو في سااابع نووومه ))..*
ــــــــــــــــــــــــــــــ
((عند ليــــان ))..*
((وصـــلت البيت الساعه 8 في الليل كان ودها تكلم جود كثيييييير علشان كذا شغلت الابتوب .. بس كالعادة جود مو موجوده
بدأ الشـــك يدخل قلبها ..يمكن جود تركتني ؟؟ يمكن جود كانت تلعب علي .؟؟ والحين ملت مني ؟؟ بس لو انها تركتني
ليه عطتني رقمها ؟؟ اممم ممكن يكون مو رقمها ؟؟.. وقررت تطفي الابتوب الا تم تسجيل دخول مشـــكله ...انتظرت ان جود
هي اللي تبدأ في الكلام بس مافي امل .. ملت من الأنتظار وقررت تبدأ بالكلام)) ..*
آآآآآه :
جود وينـــك لك أسبوعين ماكلمتيني اهون عليكي ؟؟..
مشـــكله ...
.........................
آآآآآآآه :
جود ..انتي موجوده ؟؟ .... شكلك ماتبين تكلميني
مشـــكله ...
نيتبتهخيةنتءختءىثج=ممس
آآآآآآه :
جوووود ايش فيكي ؟؟
كمخكم الغةنخاعل سةت ةم خه ثىوككط
نيةىرؤخخ تميحك
ككءؤنةنؤىتثخ
(( كـــانت شوق تلعب في جهاز خالها وترسل لليان على كيفها وجواااد ناااايم في العسل مو حاس باللي تسويه شوق ,, ليان
عصبت وقررت تتصل على جود وتهزئها ..وفعلاً اتصلت وجواد انتبه ان جواله يرن ورد من دون مايشوف مين المتصل ))..*
جـــواد : الووو
ليــــان : اذا ماتبين تكلميني قولي لا تجلسين تلعبين علي
جـــواد : ميـــن معي ؟؟!!
ليـــــان "بصــدمه " : مو انتي جود ؟
" جواد استوعب الموضوع " : ليــــان ؟
ليـــــان : ايوه ليـــان .. ولا نسيتيني
جـــواد : هـــلا والله ليان بلاك معصبـــه ..؟؟
ليــــان " بعصبيه ": وتسألين بعد شفيني معصبه ... اولاً : لك اسبوعين ماكلمتيني ... ثانياً : صار لي ساعه اكلمك وانتي ماتردين
علي زين
جـــواد " باستغراب" : بس انا توني اكلمك
ليـــان : لآ ..؟؟ آجل مين اللي يكلمني عالمسنجر الحين ..؟؟
(( جواد تذكر شوق ولف عليها ولقاها عافسه جهازه ))..*
جـــواد : شوق شنو تسوين ..؟؟
شوق" وهي تبتسم ارق واعذب ابتسامه ": العب
(( ليان ماتدري ليه تذكرت البنت الصغيره اللي عالبحر ))..*
جـــواد : آسفه ليان بس بنت اختي كانت تلعب بلابتوبي
ليـــان " باستغراب " : كم عمرها بنت اختك ؟
جـــواد : عمرها 5 سنوات ..
ليــــان " زاد استغرابها" : وتخلينها تلعب بجهازك ؟؟ ماتخافين تخربه
جـــواد : حــــلآلهآ بدل الجهاز الواحد يفداها عشره
ليـــــان : آهاااا
جـــواد :طيب سكري وانا راح اكلمك عالمسنجر
ليــــان : اوك ... انتظرك
((سكر الجوال وراح لشوق وحملها وجلس يضحكها ))..*
جـــواد : يلا ياقلبي لازم تنامين الحين راح انادي لك دانه
شوق " وهي تتعلق فيه " : لا آخاااف
جـــواد : من شنو تخافين
شوق : من الشبح
جـــواد : بس مافيه اشباح
شوق : مابي
جـــواد : اجل انتي مو شجاعه ولا بطله
شوق : لا آنا شجاعه وبطله
جـــواد : طيب الشجاعه والبطله ماتخاف ..
شوق :بس مي تقول الشبح يخووف
جـــواد " وهو وده يقتل مي " : طيب اذا شفتي شي يخوف تعالي لي بسرررعه ... هااا شرايك
شوق "بتردد ": وانت تخوف الشبح وتضربه
جـــواد : ههههههه اوووكي راح اضربه ...الحين راح انادي لك دانه
(( وينادي دانه ويعطيها شوق ويجلس على الابتوب ))..*
آآآآه :
بدري كان تأخرتي بعد شوي ..شغلي المايك بسرعه عندي لك كلام كثيير
مشـــكله ....
طيب ..
ليـــان : انا بذبجك
جـــواد : ليـــــــــه
ليــــــان :ليه ..تسأليني ليه .. اسبوعين يالظالمه ماذكرتيني فيهم ابــــد ..
جـــواد : كان عندي ظروف ..
ليــــان : شنو هذي الظروف اللي بعدتك عني اسبوعين ... الا قولي مشغوله بالعيد ,, بصراحه هذا احلى عيد مر علي ..
عيال خالي ناموا عندنا ليله العيد ..وخالي اخذنا للرياض وانبسطنا كثييييير وجلسنا فيها 3 ايام تسوقنا ولعبنا ..واليوم رحنا
البحر ومارجعنا الا الساعه 8 قبل ما اكلمك بساعه .. شكلي اهرج لوحدي ..بلاك ساكته ..؟؟
ماقلتي لي شنو سويتي بالعيد ..وشلون استعداداتك للمدرسه ((جواد تذكر الحين انّ بكره يبدأ دوام المدارس ))..*
جـــواد : اممم ماسويت شي عااادي ..
ليـــان: شنوو عادي ..ماسافرتوا ..؟؟ ماطلعتوا ..؟؟
جــــواد "ببرود ": لآ
(( ليـــان خافت ان وضع جود مايسمح لها تسوي هالأشياء فحبت تغير الموضوع ))..*
ليـــان: اممم جود ..وديتي بنت اختك لآمها ..؟؟
جــواد "حس بضيقه ": لآ .. وديتها لآختها ..
ليـــان: كم عمرها اختها ..؟؟
جـــواد : 7 سنوات ..
ليـــان: بعدها صغيييره المفروض وديتيها لآمها ..
جــــواد: يووه خلاااص وديتها لآختها وخلاااص ..
ليـــان: طيب ليه عصبتي ..انا ماقلت شي
جــــواد : خلااااص غيري الموضوع ..
ليـــان: طيب بنت اختك هذي الكبيره ..؟؟
جــــواد " بعصبيــه " : شفيك انتي ماتفهمين قلت لك غيري الموضوع ..
ليـــان: طيب طيب ..هدي اعصابك ..لا يكون خايفه احسد اخـــتك ..
جـــواد "فقد اعصابه ": لآ ماتقدرين تحسدينها تدرين ليه ..لآنها ماتت "وبدأت دموعه تملي عيونه"
آآآه ..خلاااص عبير ماتت ومارح ترجع ..مارح نقدر نشوفها او نكلمها "وصار يبكي كأنه طفل"
آختي ماتت ..عبيييييييييير عبير ..
(( ليـــان انصدمت ماعرفت كيف تواسيها ..او شنو تقول لها ففضلت الصمت ..لما حست انها هدئت ..جواد حس براحه
نفسيه لما بكى ..وكأنه هم وانزاح عنه .. طول فتره العزا ماقدر ينزل دمعه وحده ..بس لما كلم ليان حس انّ بداخله
بركان وتفجر .. قرر جواد يكسر حاجز الصمت بينهم ..))..*
جـــواد: ليان آن آسفه اني فجرت فيكي مدري ايش صار لي ..
ليـــان: لالا انا اللي آسفه ماكنت ادري ..والله اني غبيه ..
جــــواد : ههههههههه .. من زمان انك غبيه توك تدرين ..
ليـــان: لآ والله ..ممم آنا اسفه جود
جــــواد : ولايهمك ..انسي الموضوع .. يلا عن آذنك ..
ليـــان: وين بتروحين بدري .. لآ يكون زعلتي مني
جــــواد : لآ .. مازعلت بس انا تعبانه شوي بروح انام
ليـــان: اممم راح تكلميني بكره ..؟؟
جـــواد : اممم .. بعد ما ارجع من المدرسه ان شاء الله ...
ليـــان: وعــــد ..؟؟
جــــواد : وعــــد ..يلا مع السلامه ..
ليـــان: الله يسلمك حبيبتي ..تصبحين على الف خيير ..
جـــواد: وانتي من آهل الخير غلاي ..
(( بعد ماسكر من ليان نام على السرير وجلس يفكرر .. مايدري كيف وصله التفكير في البنت اللي كانت جالسه
مثل الملاك على البحر وغلب عليه النوم ونآآآم ))..*
..||الساعه وحده ونصف بالليـــل ||..
((جلس جواد على صوت ضرب باب غرفته ..فز من سريره وانقبض قلبه ..راح يفتح الباب شاف وجود
ودانه وام فهد وعندها شوق)).. *
جـــواد : خير شصاير ..
ام فهد : شوق مو.......
جـــواد"ياخذ شوق من ام فهد " : بلاها شوق ..؟؟
جـــواد : شووق حبيبتي فيكي شي ..؟؟
شوق "تــبكي ": الشبـــح ...الشبح
جـــواد : الشبح ..؟؟
ام فهد : صحت من النوم وهي تبكي وتقول الشبح ..الشبح راح ياكلها .. حاولت اخليها تنام بس مهوب راضيه حتى دانه
مسكينه جلست من نومها .. وجلست جود علشان تنيمها جنبها هم موراضيه تنام ..تبغاك انت تقول انت اللي راح تمسك
الشبح ..
جـــواد "تذكر كلام شوق وتبسم" : خلاص روحوا ناموا وانا راح انيمها عندي ..
ام فهد : بس انت عندك مدرسه بكره ..
جـــواد : عادي مو مهم ..المهم شوق ..,يلا انتوا روحوا ناموا وشوق تنام عندي ..
((ويدخل غرفته ونوم شوق على السريروتعلقت فيه وجلسها ))..*
جـــواد : انا مو قلت لك انّ مافيه شبح
شوق: بس .... انا ....شفته ....بعيوني
جـــواد : وين شفتيه ..؟؟
شوق : شفته لماا كنت ناايمه ..
جـــواد : طيب ..انا جنبك الحين ..يلآ نامي واذا جا لك مره ثانيه خبريني علشان اضربه ..
شوق: اممم
جـــواد : ماتبيني اضرب الشبح ..؟؟
شوق: الا ..
جـــواد : طيب حبيبي يلا نامي ..
(( وتنام على السرير وهي ماسكه ايد جواد ..وينامون سوا))..*
ـــــــــــــــــــــــــــــــــــ
((في اليوم الثاني ..اول يوم دراسي ,, ام محمد وام فهد صحوا الكل من النوم علشان يستعدون ..والكل كان فيه النوم
والطفش باين عليهم .. حاولوا بكل الطرق انهم يغيبون لكن بوفهد يعرف عياله وحركاتهم ومستحيل يخليهم يغيبون
خاصه محمد وجواد لآنهم طفشّوا بوفهد كل سنه لآزم يعيدونها .. وإذا سألهم ليه يقولون له لآزم علشان تثبت المعلومات اكثر
اما شوق ونجود فرحانين لآنهم بيروحون الروضه ))..*
مي : اوووف لآزم تخربون جمالي الساطع بجلسة الصبح
((هنا جواد تذكر الكلام اللي قالته مي لشوق ))..*
جـــواد : مي انتي ايش قلتي لشوق امس ..؟؟
مي "ارتبكت " : ما ...قلت ....شي
جـــواد : متــــأكده ..؟؟ "ويقرب منها ويمسك آذنها "
مي : آآي ...آآآي
ام محمد : اتركها حرام عليك راح تقطع اذنها ..
جـود : خلـــيه يأدبها ..ويقطع لسانها الطوييل ..
ام محمد : ليه ..ايش سوت بعد ..
جـــواد : مخوفه شوق ..
جود : مو بس شوق ..ونجود بعد.. وماخلتهم ينامون امس..
ام محمد : اجل اذبحها ..
جـــواد : جود ..ليه صاحيه عندك دوام بالكليه ..؟؟
جود : لآ .. بس برووح آخذ الجدول بس مو الحين ..
جـــواد : اجل ليه صاحيه بدري كذا ..؟؟
جود : جالسه اتشمت فيكم هههههههههه
جـــواد : لا والله
مي : جـــواد مو كأنك نسيت شي ..؟؟
جـــواد : شنو ..؟؟
مي "تصــارخ ": آذنــــي
جـــواد : هههههههههههههه نسيت
مي : آآآآي .. اتركني ياوحش راح تخرب جمالي الساطع ..
جـــواد : امممم خليني افكر ..
مي : الله يخليك ..لا تخرب جمالي
جـــواد : قبل كل شي ..قولي اتوب
مي : اتووووووب
جـــواد : خلاااص رحمتك هالمره ولاتعودينها مره ثانيه ,,
((وتركها وراح يفطر ))..*
ــــــــــــــــــــــــــــــــــ
((في بيــــت بوسعد))..*
ام سعد : قلت لك مافي رووحــه للمدرسه يعني مافي روحه ..
يارا: ليــــــــه ..؟؟
ام سعد : تبيني ابقى مع هالعلـــه ..
يارا : يمه فهمي علي
ام سعد : قلت لك مافي روحه ..مزاجي مو رايق له ولبكائه المزعج ...
يارا : اولاً :اسمه محمد .. ثانياً :اهو طول الليل مانام وبكذا راح ينام طول النهار ..واذا جلس عطيه شي ياكله وراح ينام
ثالثاً: محمد مايبكي الا اذا كان جوعان او محتاج لتغيير..
ام سعد : لالا مستحيـــــل ..
يارا : يعني شلون آخذه معي ,..؟؟
ام سعد : اممم اذا كذا روحي بس تاخذينه معك ..
يارا: يمــــــه
ام سعد : هذا اللي عندي ولا مافي روحــــه ..
ــــــــــــــــــــــــــــــــــــــــ
((في بيت ام عبدالله ))..*
(( ليـــان كانت صاحيه من بدري قبل اخوانها زينت لهم الفطور وصحت اخوانها ورفضت يروحون المدرسه الا لما يفطرون ))..*
ــــــــــــــــــــــــــــــــــــ
(( في بيت بوفهـــد ))..*
مي : حبيبي جواد ودني للمدرسه ..
جـــواد : لآ
مي : ليـــه ..؟؟
جـــواد : لآن عندك سواق يوديك ..
مي: بس انت اذا أخذتني افضـــــل ..
جـــواد : ليــــه
مي: لآنك حلوو كل البنات يغارون مني لآنك اخوي
جـــواد : لآ والله ..اقول روحي مع السواق ازين لك ..
مي : يلآ ياخوي ياحبيــــب قلبي ..
ريم : جواااد اليوم بـــس
جـــواد : نو نو نو
محمد : خليهم يولون عنك انا راح اوصلك اليوم ..
ريــان : ممكن توصلوني معكم ..
جـــواد : أكيييييييد راح نوصلك معنا ..مافي حد من عيال عبد العزيز يروح مشي للمدرســـه ..
محمد : امسك المفاتيح ..روح شغل السياره ..
ريان "بفرح لآن علاقته تحسنت بأخوانه " : ان شاء الله ..
جـــواد : ايوه هذول الأخـــوان المطيعين ..
ريم : هآآآ ..راح توصلنا ..؟؟
محمد : خلصونا روحوا اركبوا ..
مي: يــــــس .. يحيا العدل
ـــــــــــــــــــــــــــ
((عند يارا .. امها ماخلتها تروح المدرسه الا لمن اخذت محمد الصغير معها ..يارا رافضه انها تنقطع عن المدرسه
لآنها تحب الدراسه كثير .. ودايم تقول في نفسها انها اذا تفوقت في الدراسه ورفعت راس امها وابوها ..يمكن بعد
كذا يهتمون فيها ويحبونها ..كانت تتمنى تحس بحنانهم لو مره وحده في حياتها .. انتبهت يارا انها وصلت للمدرسه
ووقفت محتاره ماتدري ايش تسوي .. المدرسه مستحيل تسمح لها تدخل الطفل مهما كانت الظروف ..هنا تذكرت
صديقتها الوحيده ساره بنت وحده من مستخدمات المدرسه اكبر من يارا بخمس سنوات ..كانت ساره تجي للمدرسه
تساعد امها في الشغل ومع الوقت تعرفت عليها يارا وصاروا صديقات وكل اسرار يارا عندها علشان كذا قررت تودي
الطفل عندها ..وكان بيتهم بجنب المدرسه ))..*
ساره : اهااا ..اجل هذا الطفل اللي ابوك جابه لكم ..
يارا : ايوه
ساره : كم عمره لما جابه لكم .؟؟
يارا : يمكن اسبوع او اقل ..
ساره : طيب ماعرفتي من ابوك شنو قصته ..؟؟
يارا : ابوي ماهمه الا الفلوس اللي يدفعونهم اهله ..
ساره : الظاهران اهله مقتدرين ..بس ليه تاركينه ..
يارا: والله مدري .. ناس غريبه "تناظر محمد " ولآ فيه حد عاقل يترك هالقمر ..
ساره : معاكي حق هالولد يجنن ..ماعمري شفت طفل بجماله وبرائته ..
يارا : هاا حبيبتي تخلينه عندك ..
ساره "تحضن محمد": اكيييد وانا اقدر اقول لا بعد ماشفت هالملاك .. ياقلبي على ضحكته " تلف على يارا" مو كأنك تأخرتي
على المدرسه ..؟؟
يارا : ايه والله .. يلا مع السلامه ..اشوفك نهايه الدوام ..
ـــــــــــــــــــــــ
((عند ليان بعد ما مشوا اخوانها للمدرسه جات عندهم زوجه خالها " ام مشعل " ))..*
ليـــان : تعبتي نفسك ياخاله ..
ام مشعل : لآ تعب ولآشي ..بعدين انا تعودت اجي عندكم كل ماتبدأ الدراسه ..
ليـــان : الله يعطيك الف عافيه ياخاله .. لو الله ثم انتي وخالي كان مدري شنو صار بحالنا ..
ام مشعل : ولو حنا اهل واذا الآهل ما ساعدوا بعض اجل مين بيساعد ...
ليــــان : الا ليـــه غلا وحلا ماجاوا معاكي..؟؟
ام مشعل :ابد بس امس كانوا سهرانين ومن شوي لما طلعت ناموا ..
ليـــان : اهااا
ـــــــــــــــــــــــ
((في مـــدرسه الآولاد))..*
جـــواد : ياســـــلام حنا الثلاثه في فصل واحد ..لآوالله نجحنا ههههههه
محمد : هههههه هذا احـــلآ شي ..ولآ شوف الشله كلها معنا
جـــواد : خلاااااص انا حاجز لي كرسي للسنه الجايه من الحين ..
محمد : الا قل لخمس سنوات ..
جواد : اي والله اذا معكم مارح نطلع الا وحنا شياب ...
رياض "دخل عرض " : اتخيل اشكالكم وعيالكم هم اللي يدرسونكم والله مصخره ههههههههه
جـــواد : بسم الله ..انت من وين طلعت
رياض : من الآرض ..
جـــواد : زرع مو بني آدم ..
رياض : اشوف معكم شخصيه جديده .. صير مؤدب وعرفنا عليه ..
جـــواد : اولاً انا مؤدب قبل ما اعرفك ..وثانياً هذا مو صديقنا
رياض : اجل ليه جالس معكم ..يا اخي قوم روح هناك هذا المكان مخصص لعصابتنا ..
(( ريان قام بس جواد مسكه وجلسه))..*
جـــواد : يا اخي انت ايش دخلك تطرد على كيفك ..
رياض : الحين تقول انه مو واحد من الربع ..
جـــواد : ايه صحيح مو واحد من الربع بس هو واحد من الأخوان
رياض " مو مستوعب": الأخوااان ..؟؟
جـــواد : رياضو اعرفك على اخوي الصغير ريانو
رياض : اخوووك ..؟؟
جـــواد : ايوه اخوي ..عندك اعتراض ..
رياض: لا ..بس ولا مره سمعتكم تتكلمون عنه ..
جـــواد : صحيح ..وهذا جبناه لك شخصياً ..
محمد : اقول عن الهرج انت وياه .. رياض وين باقي الشله ,..؟؟
رياض : والله مدري علمي علمك .. ((الا يدخلون عليهم ))..*
كميل : اووف بدأت الدراسه ..
نواف : لساتني احس بالآجازة الا فتحت المدرسه ..
اسامه : معاك حق والله ملل ..
نايف : خلاص انجحوا وخلصوا من هم الدراسه ..
اسامه : نايف ياتقول شي زين ولا اسكت ..
كميل : اقول شنو شعوركم وانتوا تعيدون ثالث ..
جـــواد : عآآآآآآدي ..
كميل : ولد عبدالعزيز كل شي عنده عاادي مالت عليك ..
محمد : اقول حدك
كميل : اووه الزعيم هنا ..
ريان "يوقف ": انا استأذن ..
محمد : وين رايح اجلس
ريان : انا ما احب اضايقكم ..
جـــواد : ريان اجلس ..
اسامه :اووه .. وأخــــيراً شفنا اخوكم ريان "ويناظر جواد"
((وتبدأ الحصه الآولى وبدخل عليهم مدرس الفيزياء ))..*
: السلام عليكو
الجميـــع: وعليكم السلام ..
رياض : هلا والله ..كيفك يابو الشباب ..
نواف : كيفك مستر ..
المدرس : واللهي تمام ..انتوا اخباركوا ايه .. كسرتوا عربيه تانيه غير عربيتي .. انا عاوز اعرف انتوا بتعملوا فيا
كِدا ليه انا ..انا عملتلكو حاجه .. حرام عليكو دا انا غلبان ..واللهي كل سنه بصرف الشيئ الفلاني علشان
اصلح العربيه بتعتي ..
: محدش آلك تخلي الأسئله صعبه كدا
المدرس: مين اللي بيتكلم ده ..يعني يأخ عاوزني اضيع الشرح بتاعي على اسئله تفهه ..
:اجل تحمل اللي يجيك ..
المدرس: جواااااااااد !! انت تعمل ايه هنا ..
جـــواد : ادرس وشو اسوي بعد ..
المدرس: هو انت ايمتى عاوز تخرج من تلته تانوي ..دانا زهئت منك ..
: والله هذي مو مدرسه ابوك
المدرس: يـــالـــــهوي .. محمد برضو ..انتوا ايمتى راح تتخرجوا ..دا نتوا مسببين لي عقده نفسيه ارحموني واخرجوا
"وينتبه لريان " وانت مين يابني دا انا اول مره اشوفك فيها ..!!
ريان : انا ريان عبدالعزيز الـ ........
المدرس: ايـــه .. ايـــه ..ايــه اللي آلتوا دلوئتي ..؟؟ انت تطلع اخوووهم ؟؟!! لآاااا السنه دي انا هنتحر ..
جـــواد : اجل انه اخي العزيز ..
المدرس: انتوا حتموتوني ..جايبين ليكو عضو جديد للعصابه بتعتكو !!
جـــواد : يـــــس
المدرس : يــس في عينك ..
محمد : اقول احتــرم نفسك ..وتكلم مع اخوي باحترام ..
المدرس: ايه رئيك آجي ابوس راسو برضو .؟؟
محمد : المفرووض ..
(( وتمر الحصه باستهبال ..وطبعاً المدرس المصري كانت راح تجيه سكته قلبيه منهم))..*
ــــــــــــــــــــــــــــــــــــــــــــ
(( في بيـــــــت بوفهد ))..*
((دخل جواد البيت ويشوف شوق ونجود ..قفزوا عليه يسلمون ويبوسون فيه ))..*
شوق: حــالو ..انا رحت الروضه اليوم ..وعطتني الأبله حلاوه ..
نجود : وانا بعد عطتني حلويات كثــــار ..واكلنا هندويشه ..
جـــواد : طيب خلوني ادخل وبعدين قولوا اللي تبون ..
شوق: حالوا صار عندي اصدعاء
جـــواد : اصدعاء ..؟؟
شوق : اي اصدعاء وااااااجد ..
نجود : والأبله خلتنا نلعب بالألعاب ..
جـــواد : طيب خلوني اروح اغير ملابس وارجع لكم ..
شوق: اوريك شنو عطتني الأبله ..
جـــواد : طيب اشوفها بعد شوي ..انتوا روحوا الحديقه وانا اجي لكم ..
شوق: اجي معاك انا ..
جـــواد : لآ ..روحي مع نجود الحديقه وراح اجيب لكم حاجات حلووه طيب..يلا بسرعه اشوف مين اللي تسبق الثانيه ..
شوق: انا ..انا
نجود : انا ..
((ويروحون بسرعه للحديقه ويروح جواد غرفته بسررعه قبل مايغيرون رايهم .. مي كانت في الحديقه جالسه سرحانه
وتتأمل .. ماتحس الا بهجوم نجود وشوق ))..*
مي : هي انتوا جنيتوا يلا ادخلوا داخل بسرعه ..
نجود : جواد قال روحوا للحديقه ..
مي : اقول تقلعوا عن وجهي ..
نجود : بكيفنا حنا في حديقه ابوي ..
مي : تعالي اقص لسانك يالنتفه ..
((وتقعد تلاحقها في الحديقه لمن مسكتها))..*
ـــــــــــــــــــــــــــــــــــــ
((في جو بعيد عن جو الشرقيـــه تحت سمـــاء الرياض كان ماسك صوره زوجته وهولازال مومصدق انها فارقته للأبد
... حضن الصورة وامنيته انه يحضن صاحبة الصوره ..كانت حب وحلم حياته ..وام عياله ..وامله في الحياه ))..*
تركي: آآه..ياعبيـــر ..اليوم اول يوم في المدارس ..وينك علشان تشوفين شوق وهي تروح الروضه ,, عبير اشتقت لك كثييييير
ماعد فيني صبر على فراقك ..عبير ليه مأخذتيني معك ..ليه تركتيني وحيــــد ...وانتي وعدتيني انك راح تبقين معي لمن يصير
عمري 100 سنه ... خلاص ارحميني ياعبير وخذيني معك ..
_________________________
انتهى البارت
|
|
|
|
|