06-19-2011
|
#9
|
البارت الحادي عشر
\
/
\
/
(( في بيت بوفهد كان الكل منتظر خبر يطمنهم على عبير .. الا بدخلة بوفهد وعياله ..ويجون حواليهم وكلهم آمل يسمعون
خبر عن اختهم الغاليه بس كان السكوت ابلغ من الكلام ))..*
ام فهد " تبكي" : بوفهد تكلم وشو فيها عبير ؟؟ ليـــــه ساكت ؟؟ عبيـــر صار لها شي ؟؟ تكلم نشف دمي ..
بوفهد "بصوت يذوب الصخر": عبيـــر مـــــاتت ,, مـــــاتت يا ام فهــــد ..
ام فهد : لالالالا "ويغمى عليها.. "
((وكان بكائهم الصوت السائد في بيت بوفهد ))..*
ـــــــــــــــــــــــــــــــ
(( بدأت ايام العزا ثقيله على الكل واليوم يمر بساعاته الطويله كأنه اسبوع ..ام فهد بالمستشفى ..وبوفهد كان مايتكلم الا نادراً))..*
بوفيصل: وكل امرك لله يابوفهد
بوفهد : ونعم بالله ..
بوفيصل : والحين كيف ام فهد ان شاء الله احسن ..؟؟
بوفهد : والله ما اخبي عليك .. حالتها من سيئ إلى أسوء
بوفيصل : لا حول ولا قوه الا بالله ..الله يشفيها ..الا وين تركي محد شافه في أيام العزا ..؟!
بوفهد : تركي سافر الرياض .. حابس نفسه ومايكلم احد ..والله حالته حاله وماقدر يتحمل فراق عبير وانهار ..
بوفيصل : انا لله وانا إليه راجعون .. طيب وعياله وينهم ؟؟
بوفهد : عند ام محمد .. حالهم مايسر لا عدو ولا صديق ..
ــــــــــــــــــــــــــــــــــــــ
((خلصت ايام العزا ..وجا العيد ..بس اي عيـــد وهما فاقدين روحهم ..خلاص البسمه انمسحت من بيت بوفهد ,, الكل ساكت
والكل غرقان في احزانه .. لكن كل حزنهم في كفه وجرح وحزن تركي في كفه ثانيه ..))..*
(( بعد ماطلع بوفهد وعياله واخذوا عبير معهم ..جلس تركي يناظر مكانها ,, ماحب يشوف هالمكان خالي كانت هي نور حياته
تذكر اول مره شافها فيها .. كان يوم ملكتهم لما شافها حسّ انه في عالم ثاني مو مصدق ان هالجمال له لوحده ..حبها وعشقها
من اول نظره ..إلى الأن يتذكر ابتسامتها الخجوله اللي مافارقتها طول حياته معاها ..ماتحمل فكرة انه مارح يشوفها مره ثانيه
تذكر لما كان يصحيها كانت تبتسم له ابتسامه هادئه عذبــــه ..))..*
تركـــي : لآلآلآ ..مستحيـــــل اخليها تروح مني ,،
انا شنو افكر فيه ..عبيـــر مافيها شي ..انا ايش جالس اسوي هنا ..انا لازم اروح لعبير ..اكيد الحين صحت
هي ماتحب تصحى وانا بعيد عنها ..
(( وراح للمستشفى وصل وسمـــع اخر شي من عبدالمحسن " البقى براسكم " ))..*
لالالا .. عبير ليـــه تتركيني لالا ..
(( وقف مذهول هذا اللي كان خايف منه صار .. عبير تركته وراحــــت ,, ماحب يشوف او يكلم اي احد ..كره كل شي حواليه
هم السبب هم اللي خذوا عبير منه ..اخذوا روحـــه .. اخذوا نصفــه الثاني .. كيف راح يعيش ..كيف راح يكمل حياته
من غير روحــــه ..مايدري كيف تحرك من مكانه كل اللي يعرفه انه رافض يواجه الواقع ..قرر انه يروح المكان اللي جمعه
بعبير ..وسافر الرياض .. وعزل نفسه عن الكل حتى عن عياله ..ماحب انه يسمع لأحد ..رافض فكره ان عبير مارح ترجع
لتركـــي ..صار كل يوم يجلس من النوم يدور على عبير مثل المجنون ..في الآخيـــر استسلم وحاول يعيش على ذكراها
حاولوا أهله يطلعونه من الحاله اللي هو فيها ..بس مافي فايده ..وبكذا صــارت الأيام عند تركي متوقفه عند ذكرياته مع عبير
رافض مواجهة المستقبل|||.. ((بدون عبيــــر))..|||
ــــــــــــــــــــــــــــــــــــــ
(( في بيت بوفهد ))..*
((مروا اسبوعين على موت عبير .. بس الحال كما هو عليه وكأن عبير ماتت امس ..اما جواد فكان في عالم ثااااني ماكان
يتكلم مع احد وحتى ليان ماكان يكلمها ابد ..ونادراً مايطلع من غرفته ..مع هذا مانزلت من عينه ولادمعه ..طول الوقت سرحان
الكل حاول يخليه يفرغ اللي بداخله من الحزن بس كل محاولاتهم بائت بالفشل)) ..*
محمد :جواد إلى متى وانت على هالحال ..ارحم حالك شوي ..تراك قطعت قلبي ..
جــــواد : ................
محمد: طيب شرايك نطلع ..؟؟
((جواد يناظر محمد باستغراب ))..*
محمد : لا تخاف ابوي موافق انك تطلع .. هااا شرايك ..نطلع ..؟؟
((هز راسه بمعنى الموافقه ))..*
محمد : خلاص ..جهز نفسك ترى بنروح البحر ..وجو البحر في الصباح جنان ..
(( بعد نصف ساعه كان محمد في السياره وينتظر جواد .. جواد نزل من الدرج وراح تجاه الباب الا يسمع صوت من وراه
كانت شوق من شوي جالسه من النوم ..كانت لابسه بيجامتها الورديه وكان شعرها منسدل على جنبيها على شكل ضفيرتين
وماسكه دبدوبها في ايدها اليسار ))..*
شوق : حالو ..ابغى مويا
جواد راح لها وحملها وراح للمطبخ وشربها مويا ..لما خلصت نزلها
وقال لها : يلا حبيبي روحي نامي ..وراح علشان
يطلع بس تفاجئ بشوق تمسك التيشيرت
شوق : حالو .. وين بتروح .. بروح معاك ..
جــــواد : بس انتي لازم تنامين الحين ..
شوق " والدمعه بعينها ": اروح معاك
جــــواد : حياتي مره ثانيه آخذك معي ..
شوق : لالا ..ابغي اروح معاك ..اروح لماما ..ابغي ماما
جــــواد : خلاص حبيبتي اسكتي وراح اجيب لك حاجه حلوه
شوق : لالالا ..ابغي ماما ..ابغي ماما ..
(( ام محمد سمعتها تبكي وجات لها))..*
ام محمد : شوق حبيبتي تعالي معاي ..
شوق " تعلقت بجواد اكثر": لالالا ..ابغى ماما
((ماقدر جواد يتحمل شوق تبكي))..*
جــــواد : خلاص خليها معي ..
ام محمد : راح تاخذها معك ..؟؟
جــــواد : ايوه ..غيري ملابسها وجهزيها ..يلا شوق روحي علشان تغيرين ملابسك ونروح سوا ,,
شوق "ناظرته بخوف": لا اذا رحت انا ..انت بتروح مثل ماما
ام محمد : خلاص تعال انت معها ..
((لما خلصوا طلعوا لمحمد في السياره))..*
محمد : ليه جبت شوق معك ..؟؟
جــــواد : تعلقت فيني وماحبيت اكسر بخاطرها ..
محمد : على خير ان شاء الله ..
ـــــــــــــــــــــــــــــــــــــــ
(( في بيت ليان ))..*
كانت سهرانه على الابتوب ..
ليـــان : ياربي والله ملل النت مافيه شي جديد ..والخاينه جود لها اسبوعين ماكلمتني .. اممم يمكن تبغاني اتصل عليها ..؟؟
لالا ما اعتقد ولا كان اتصلت هي ..آآآه ودي اكلمها ماتعودت اقطعها كذا ..مدري اتصل عليها ..؟؟ بس اخاف تكون مشغوله
ايوه اكييييييد مشغووله ولا كان كلمتني ...يووووه ياربي ايش اسوي ...
ــــــــــــــــــــــــــ
((عند جواد ومحمد وصلوا للبحر ..نزلوا من السياره ))..*
شوق "بفـــرح": البـــحر ..البحـــر "وتمسك خوالها"
محمد : هههههه طيب طيب ..عرفنا ان هذا البحر ..
جــــواد : ههههه شوق شوفي"ويأشر على العصفور"
شوق "تناظر العصفور وتضحك وتمسك جواد": حالو ..حالو ..ابغى العصفوره ..امسكها لي "وتركض علشان تمسكه" ..
ـــــــــــــــــــــــــــ
((عند لــــــيان ))..*
ليـــان: اوووف ملل ..((ويدق جوالهــا ))..*
غـــلا : هلا ليووونه ..
ليـــان"بملل": شنو عندك متصله هالوقت
غــــلا: كش عليك .. وهذا انا قلت بونسك بعد ..
ليـــان: طيب آسفين ..شنو اللي راح يونسني ...تراني ملااااانه بالمررره
غـــلا: اممم راح نروح البحر ..
ليـــان"بفـــرح ": والـلـه !! متى ؟؟
غـــــلا: الحـــين ..
ليـــان: تنكتين انتي وخشتك ..
غـــــلا: وربي ..من شوي قلنا لأبوي وماتركناه الا لما وافق .. وقال لنا نقول لكم تجهزون ..
ليـــان: بس مافي حد يروح البحر في هذا الوقت ..
غــــلا : هذا المطلوب ياذكيه ..حنا نبغي نروح الحين علشان ناخذ راحتنا ..
ليـــان: ونآآآســـه ..اووكي انا رايحه اصحي اخواني واجهز الوالده ..
غـــــلا : اووك ..حنا نصف ساعه وحنا عندكم ..مع السلامـــه ..
((وراحت ليــان تصحي امهــا)).. *
ليـــان: يمه ..يمه ..
ام عبدالله : هلا يمه ..
ليـــان: صباح الورد يا آحلى ماما ..
ام عبدالله : صباح النور حبيبتي ..خير وش عندك جالسه بدري كذا ..
ليـــان: ابد ..بس غلا من شوي كلمتني وقالت خالي راح ياخذنا للبحر الحين ..
ام عبدالله : الحين !! ..خليه يأجلها للعصر ..
ليـــان: لالا يمه .. الجو الحين جنآآآآن ..وعلشان ناخذ راحتنا اكثر ..
ام عبدالله: خلاص ..انتوا راحوا ..انا ما ابغي اروح ..
ليـــان: لا ..مستحيل اخليك في البيت لوحدك ..يلا يمه علشان خاطري روحي معنا
ام عبدالله : بس انا راح اتعبكم معي .. واخرب وناستكم
ليـــان: يمه ..انتي اصل وناستنا ..والطلعه مارح تصير حلووه الا بوجودك ..يمه الله يخليك روحي معنا ..
ام عبدالله : الله يخليك لي ..
ليـــان: يلا آجل .. بروح اصحي اخواني وارجع اجهزك يالغاليه ..طيب ..
ام عبدالله : ان شاء الله حبيبتي ..
(( وتروح ليـــان تصحي اخوانها وترجع لأمها تجهزها.. .. وبعدها جا خالها وطلعوا للبحر ,, وجلست ليان مع غلا وحلا
وجلسوا يسولفون لما وصلوا البحر ونزلوا اغراضهم وليان ماتركت امها الا لما تأكدت انها مرتاحه وبعدين راحت
تتمشى عالبحر مع بنات خالها وكانوا مررره مبسوطين ..خصوصاً ان البحر مافيه حد ..فكانوا ماخذين راحتهم عالآخــر
ويلعبون ويضحكون وجاو لهم الشباب .... ))..*
عبدالله : كيفكم يابنات الخال ..
غلا وحلا ودلال : الحمــدلله بخير ,,وانت كيفك ..؟؟
عبدالله : الحمدلله ..مشتاقين لكم ..
غلا : مشتاق لنا ولا لـ ميمو ..حدد لو سمحت
عبدالله : هههههه كلكم واحد .. الا وينها مهااااوي ..
دلال: شوفها مسويه نفسها خجلآنه ..متخبيه ورا ليـــان ..
((مها تضرب دلال على راسها))..*
دلال : آآي يامجرررمه
عبدالله : كيفك مهاااوي ..ان شاء الله بخير
مها"بخــجل " : الحمدلله بخير .. وانت كيفك ..
عبدالله : انا بخــير دام اني شفتك ..
دلال: اقول انت وياها بدون غراميــات لو سمحتوا ..اقول مشعل شوفه يغازل اختك ..
مشعل : عآآآآآدي هذا زوج المستقبل ..
(( مها انحرجت بقووه ومسكت ايد لمى وقامت معها ))..*
حلا : شعوول ليه قلت كذا ..هذا هي انحرجت وقامت ..
مشعل: خخخخخ عادي انا ماقلت شي غلط .. هو زوجها بالمستقبل ..مو كذا يازوج اختي
عبدالله : الا كذا ونص ..يا اخو زوجتي في المستقبل
دلال : هههههههه ول طوووويله ..
ليـــان: ههههههه .. الا شخبارك مع حمد ياغلا ..
غلا "بخجل ": الحمدلله بخير ..
ليـــان: الا ..متى زواجكم .؟؟
غلا: قبل عيد الأضحى بأسبوع ان شاء الله ..
ليـــان: الله يتمم لكم على خير ..
((حمـــد :27 سنه خطيب غلا ,, وصديق مشـــعل..))..*
ـــــــــــــــــــــــــ
((في مكان ثاااني على شاطئ البحر كان جواد يلعب مع شوق ..ومحمد يناظرهم ))..*
شوق : حالو .. حالو ..ابغى اسبح في البحر ..
جــــواد : عنون خالوو انتي ..بس ماعندك ملابس علشان تسبحين ..
شوق : حاااالو ..ابغى اسبح "تأشر على ملابسها" هذي ملابس ..سوف ..سوف
((وتركض عنه وهو يلحقها وهم يضحكون ))..*
ــــــــــــــــــــــــ
((عند ليان )) ..*
((كانوا يسولفون ... ومشعل كل شوي يتخانق مع دلال بس طبعاً عن مزح ... بعدها قاموا كلهم يتكشون ليان لفت أنتباهها البحر
البحر كان شكله مرررره جنااان مع ضوء الشمس قررت انها تجلس شوي ..وهي جالسة طاحت شيلتها على كتفها وصار الهوا
يلعب بشعرها كان شكلها رووعة .. كانت تطالع طيور النورس شلون تطير وتنزل للبحر .. تطالع الغيوم وكانت عايـــشة
في عالم ثاااني ..
في هاللحظة كان جواد وشوق يركظون بجنب المكان اللي فيه ليان)) ..*
جواد : شوق وقفي خلاص تعبـــــت ..
شوق : مابي مابي ابي اسبح ..
جواد انتبه لشخص جالس عالبحر وقرب منه لمن عرف انها بـــنت ..وقام يطالعها وعيونه مارمشت أبد
يطالع في جمالها ..في شعرها .." هــــذي ما أعتقد انها بشر هـــذي ملاك .. عمري ماشفت وحده بهالجمال ياللـــه شقد
حلوووه ..قـــلبه يدق بسرعه وكان يطالعها مو قاددر يشيل عيونه من عليها ..وكــان في عالم ثاني ~ ..
عـــالم ولا آحلـــى منه كـــان يحس انه يعرف هالبنت من قــــبل ..
شوق كانت تطالع خالها والبنت اللي عالبحر
شوق : حالو .. حااااالو
بس جواد ماكان يسمــع شي كان كل تفكيـــره في هالبنت ..مشت شوق لعند البنت ووقفت عندها وقامت تمسح على شعرها
بإيدها الصغيــــره ..
شووق "ببرائه " : شـــعرك طوويل وحلوو ..
ليـــان أنتبهت لها وابتسمت ..جواد شاف أبتسامتها وذاب فيــها أكثر وأكثر
لـــيان : أنتي آحـــلى ..شنو أسمك ياقمر ..؟؟
شوق : شـــوق ..أسمي شوق
ليـــان : ياربي تدنن هالكتكوته .. مع مين جايه ياقلبي ..؟؟
شوق " تأشر على جواد " : مع حالو ..
((ليان انتبهت للشخص اللي واقف يتأملها وان شيلتها طايحه ورفعتها على شعرها ..في هاللحظة آلتقت عيون جواد بعيونها
وجلس يتأملها أكـــثر وأكثــــر سحرته عيونها))..*
جواد حس على عمره وقال : شوق يلا عمري مشينا ..
وتجي له شوق ويمشون وصورتها مافارقت خياله ..
((ليـــان اللي من سمعت صوته وهي ذايبه تحس ان هالصوت سامعته من قبل ,, بس طردت هالفكرة من راسها وراحت لأهلها
ومحمد وجواد وشوق .. رجعوا للبــــيت ))..*
((وصلت ليــان لهم وشافت عبدالله جالس مع مها وبجنبهم لمــى ..جلست جنبهم وجا وراها مشـــعل ودلال وحلا وغلا ..
جلسوا يسولفون مع بعض وعبدالله لاهي مع مها ))..*
مشـــعل : شباب وصبايا المــــدارس ,, شنو شعوركم بما أن بــــكره آول يوم دراسه ..؟؟!!
عبدالله ومها ولمى ودلال وياسر : لاااااااا لاتذكرنااااا
ياسر : يارجال جبت لي أحباط ..
لمى : جاني هبوط في الضغط ..
مهـــا : جاني عـــسر هضم ..
عبدالله : بسم الله عليكي ان شاء الله لمى ولا انتي
((مها أنحرجت وسكتت)) ..*
لمى : لا واللــــه ان شاء الله انت ..
حـــلا :الحمدلله حنا بالكلـــيه اول اسبـــوع رآآآآحـــه ..
ليـــان : اي والله ..
دلال : بصـــراحه انا بكره مارح اروح المدرسه ..
مشـــعل : ليه عسى ماشر ؟؟!!
دلال : مدري بس ابغى أقلد ليـــان وحلا ,, إذا راحوا انا بروح ..
مشعـــل : اقول دلول بلا هرج وراح تروحين المدرسه غصباً عنك ..
دلال :اووف قدر ظروفي ياشيخ أنا آخر سنه جاني آحباااط ..
عبدالله : هذا لسى مابدئت السنه وجاكي أحباط وشلووون لو بدئت وش راح تقولين ..
((في هاللحظة يرن جوال غـــلا وكــان المتصل حمــــد وترد عليه ))..*
غـــلا : هــلآآآ
حمد :آهليــــن بحبي ..كيفك ..
غــلا "بخجل" :الحمدلله بخير ..وانت كيفك .؟؟
حمد : انا بخير دام اني سمعت صوتك ..
غــلا "وجهها احمرر " :دووم ان شاء الله ..
حمد :دامت انفاسك ,, ياروحي ..انتي وينك الحين ؟؟!!
غــلا : انا في البحر ..
حمد : وليه ماقلتي لي ..؟
غـــلا : مدري
(( وياخذ مشعل منها الجوال ))..*
مشعل : كيفك حميدان
حمـــد : ........
مشـــعل : حمد الووو
(( حمـــد أستوعب انه مشـــعل ))..*
حمـــد : الله ياخذك ..قطعت علي الجووو الرومانس ..
مشعـــل : خخخخخ ... كيفي أختي ..
حمد :اي اختك بس انا زوجهـــا ..
مشــعل : للحين هي مو في بيتك علشان تصير زوجتك
حمــد: المهم انها زوجتي سواء كانت في بيتي ولا لآ ..
مشـــعل : ههههههه طيب وشو تبغي الحين .؟؟
حمـــد : ابغي زوجتي ..
مشعـــل : زوجتك ماتت
حمد: ان شاء الله انت اللي تموت عطني اياها بسرررررعه
(( مشعل يعطي الجوال لــ (غلا ) وقامت عنهم علشان يصفى لها الجو ))..*
ليـــان : والله عليها حركآآآآت هالغلا ..
حـــلا : ال الله يخلف علينا حنا العوانس ..
ليـــان : اي والله وحده مخطوبه وتكلم حبيبها ووحده محجوزه "وتأشر على مها " ..
(( ويمر اليوم بفرح ووناسه وهو آخر يوم من الآجــــازة ))..*
ــــــــــــــــــــــــــــــــــــــ
أنتهى البــــــارت
|
|
|
|
|