منتديات قصايد ليل - عرض مشاركة واحدة

06-11-2011

(5)

>><< ذلك هو أنـــــــــــا !!

إنسان مبهم في سماء العشق ...!

كيف لي أن ابتسم و ملاكي بين أحضان إيطاليــــــــــــــا !!

ابتسمت عندما رأيت شمس صوفيا تغرب عن حياتي الجريحة شيئا فشئياً >>><<
" بكل لغات العالم .... و بكل سموفينيات الحيرة

ينطق حاله المتهالك على عش الهجران "

بندر صار يتحسس كل مايشوف نواف مايعرف ليش ؟؟

يمكن لانه يفكر في زينة .....!! و تجرأ و خطبها ....

كيف له أن يستبيح قربها ...؟

ألم يعلم بحرقة العشاق ..؟

"""" كانوا جالسين الشباب في الإستراحة ...""""

بدر ( اخو زينة ) : هاه نواف جاهز تسافر إن شاءلله ؟

نواف بحماس : الله الله وزع بس لاهنت

بدر يبتسم : بوصيك تمر على ابوي توصل له اغراض

نواف : هههههههه وش قالوا لك كم تدفع طيب ..؟

هشام يعيد التوزيع : اصولهاا يانواف لاترحمه ماعليك منه ههههه

بندر يناظر بصمت ،،،.

و سلطان بالقرب من بندر ... يقرأ ملامحه الحزينة ... ويسولفون بصوت خافت

سلطان : اقول

بندر انتبه له : سم

سلطان : وش قصتك يارجال خلاص ماينعرف لك قبل شهر مصدع براسي ماتبي تصير اب مع اني منيب

مستوعب انو فيه سبب يخليك ترفض الابوة خصوصا وانك تحلم من زمان بالابوة ، و يوم خسرت هالولد

مطين عيشتك و عيشتنا

بندر بضيق : يارجال خلها على ربك مدري والله احس اني ملخبط ( وش تبيني اقولك بس يا سلطان وربي انك

اقرب شخص لي ودي اصارحك بس صعبه شوي اصارحك بخيبة بنت عمي )

سلطان : اقولك بندر

بندر تكأ راسه على راس سلطان : سم ولا يكثر تراك ازعجتني ههههه

سلطان : ههه مشكلة اللي مسويين يمونون موب مشكلة المهم انو ولد عمك ذا اللي مسوي مايعرف يوزع

غيره منيب بهضمه احس انه مغرور وفيه شوفة نفس

بندر يبتسم : هو اللي اول مره يشوفه يقول عنه متغطرس بس قلبه من ذهب والله

سلطان : من ذهب براحة امه بس عاد لايشوف الناس حشرات منيب مرتاح له ياخي من تو يناظرني نظرات

مادري وش قصده فيها ...

بندر : يارجال لاتتحسس هو كذا اصلاا ما يحب يخش بسرعه مع الواحد بس صدقني اذا عرفته كفو و فيه

فزعه

سلطان : هههههههه والله لو مايبقى غيره مااتفزعه ، من جد راز عمره ليش يعني عشان منصب ابوه ياشين

البطارى اذا طلعوا بعيال مثل كذا

بندر : ههههههه مو كنك تسب من تو وأنا قامط ام ابو جد العافية لعيونك

سلطان : تقدر تنكر انك تغليني هههههههههه مشكلتك ماتقدر علي

بندر ابتسم : أي وربي انك غالي يالشين

سلطان : احلف بس ششين اجل وش مطيحك علي كل شوي رسمة خشمك تذكرني بناس غالين ههههه ماش يا

بندر سامحني يا صديقي ماضيك طلع مختوم بعلاقات كثيرة هههه

بندر ناظره بحنيه ( نفس الخشم يابشر) : انا اصلا و ش مصبرني عليك غير انك تذكرني بوليفي اللي تلاشى

سلطان يضحك : الظاهر حمى الشعر انتشرت بينكم بتقلدون سلمان كلكم البارح حجرف داق علي الساعة 3

يمكن يقول بسمعك بيت شعر مشكلتكم ما تستغنون عني

بندر : ههههههه حجرف موب صاحي ...

سلطان يناظر بدر اللي من وقت للثاني يختلس له نظرات غامضة : والله اللي موب صاحي ولد عمك ذا

بندر : ترا اسمه بدر للمعلومية يعني

سلطان : بالله عليك تقولي اسمه بدر .. لا تقول بدر ولد سعود الـ.....

بندر يبتسم و يده على راسه : وتلومني فيك خخخخخ

قطع عليهم ارتفاع صوت بدر

بدر : نواف لازم تمر على ابوي بإذن الله بوصيك ..

نواف : أي عمي كلمني يقول انو حجز غصب يبيني امر يعني ههههه

بدر : ابوي عاد زنقة هههههههه ما يمديك تلعب عليه

سلطان يحاكي بندر : ابوي و ابوي هذا من جلسته ماسولف غير ابوي و ابوي هههههه

بندر يناظر سلطان : شكلك انت اللي ودك تتمشكل معه يارجال كبر عقلك

سلطان : يا بندر انت تعرفني منيب بحب المهايطية خير شر

رجع سلطان يناظر بدر و بدر يبادله النظرات

بدر يناظر بندر و سلطان ....

سعود يبي يقطع توتر الموقف : نواف انت بكندا صح

نواف : أي كندا الله يرحم حالكـ خخخخ ... الله يخلف عليك نام بس نام

سعود : هههههه ابك تسيف

حجرف اللي كان سرحان باللاب توب : وش بيوديك لايطاليا بالله << يعني اني عندي سالفه انك في روما خخ

نواف بتريقة : ابد طال عمرك بحترف في الدوري الايطالي بناطح أمبروسيني و مونتيلا وش موديني

يعني بودي اوراق الاخ ابو روز هههههه و بشوف ارواقي و بعثتي اللي عمي ماهوب مرتاح لين اروح لها

هشام : اسم بنتك سياحي يااخي هههههههههههه

بدر يضحك : بالعكس حلو روز حلو أي بكرة يجوني بزارينكم يصفون طوابير يبونهاااا وبشوتهم

واحد ورا الثاني ههههههه

سلطان بصوت خافت : اقولك صدق عنده بنت ذا خخخخخ

بندر يبتسم : وراك مستهين فيه ؟

سلطان : لا بس مو مبين عليه و تعال صدق اسمها روز هههههههه او مهايط

بندر : سلطان وش فيك منيب بخبرك راعي تعليق كذا و مسخره اتق الله

سلطان : اتق الله هاه هههه وإلا لإنه اخوها راح تشتغل دفاع

بندر ناظره نظرة شجية حزينة ( ياناس سلطان اللي يذكرني فيها ) : مو لإنه اخوها ولا شيء بس من جد

احس طيناها

سلطان : أي والله انك صادق يالله انا بروح الساعه 12 اختي ام محمد جاية الرياض بروح عشان اجلس معها

قبل ترجع لعنيزة إن شاءالله

بندر مسك يد سلطان : يا رجال اجلس بس لاحق عليهم

سلطان وهو واقف : لاحق على خشتك انت بإذن الله هههههه بس اختي فوق كل إعتبار معليش لو انه انت

بندر : لا ياقليل الخاتمه ذا و أنا ياما و ياما لطعت زوجاتي كلهن عشانك

سلطان : خخخخخخخ مسيكينة والله زوجتك الاولى اخت ذالمهايطي ( يشر على بدر) ايامك الاخيره معها

معطيها اشكل وبقوة اوما الثانية عاد تنرحم ووبقوة بعد

بندر ترك يدهـ : تدري طس بس

سلطان استأذن و طلع ولا يزال بدر يرمقه بنظراتـ غامضة .....

بندر بعد صمت : على فكرة يا خالد ترى أحمد طلع هو هو اللي قلت لي عنه اقصد القضية اللي قفلتها فعلا

احمد نفس الشخص اللي استخدمه فواز للاوراق اللي تخص هبه

خالد بحلق عيونه : متوقع تصدق دايم الشر نابع منه بس تراه معتوه يضيع لا تواخذه

بندر : لا ياشيخ انتبه لنفسك بالله ترى الجماعه ناصيك ههههههه

نواف : بسم الله على اخووووي

بدر بحماس : أي صدق ترى شيكت على الاوراق ياخالد بس فواز شافني والاوراق معي ولا حبيته يمسني مع

نقطة ضعف بينت له اني مو مهتم

بندر : ايووه خلك كذى احسن نطبخ على نار هاديه

قطع الإنسجــــــــــام رنين صوت جوال بـــدر ...

بدر ألقى نظره على الجوالـ

إيليـــانا تتصل بك

( ياليل التبن وش تبي ذا ما اتعضت بعد هوشتنا البارح وقبله وقبله ...؟ )
بدر واعصابه مشدودة : بالاذن شباب ............

و هو طالع كل معالم الضجر تبدو على محياهـ

يقلب جواله يقرأ مسجات إيليانا ....

" من الطرف الآخر "

يبحث في سيارته عن جواله ..... يمين ..يسار ...

تحت المرتبة .... فوقهااا

مالقاه ...

سلطان و ا لتضجر بقوه على محياه : لا إله إلا الله

عصب و هاهو يأخذ الخطى و يرجع بسيارته للإستراحة و مازال يحمد الله لإنه لم يقطع مسافات كثيرة

وقف سيارته ... و فتح الباب ولا طفى السيارة ...

و نزل يلتهم المسافات ...

يمشي بسرعه و التضجر مبين عليه

( من الطرف الآخر )

بدر متضايق و كل هموم الدنيا براسه توه متهاوش مع ايليانا ...لانها تقوله بتطلع تتعشى مع ولد خالتها

اللي يصير دكتور بمستشفى الملك فيصل التخصصي ....

بدر تهاوش معها هوشة كبيرة ... وقفل للتو

و ها هو يتمتم مع نفسه

< استاهل انا اللي جبته لنفسي >

صوت مسج

رفع جواله و شاف المسج المرسل : زينة

ما أن ابتسم إلا أن

ارتطم جسمه بجسم آخر

بدر بعصبية : خير ماتشوف

سلطان بعصبية اشد : انت اللي ما تشوف وين عيونك استغفر الله وخر هناك بس

بدر : وش وخر هناك احترم نفسك ما تعرف كيف تحاكي الرجال

سلطان ابتسم : اقول هناك بس ترا منيب فاضي لك اطلع من راسي

بدر : انا اللي فاضي لك يعني اطلع من مخي انت بعد

بندر و حجرف طلعوا على اصواتهم : وش فيكم يادافع البلاء !

نواف : يالله ياشباب كل واحد يصلح سيارته خخخخخخخخ سليمة

بدر يناظر سلطان بنظرات مريبة : مدري عنه جاي طاير و يصقع خلق الله و ينافخ بعد

سلطان يناظره وماعاد فيه صبر : تدري عاد دام انك مصر اني ناوييك ايه انا ناوييك وش براسكـ

بندر يهدي الوضع : تعوذوا من ابليس شباب خير خير إن شاءالله

بدر بعصبية : أي خير و ذا للحين واقف هنا

سلطان ابتسم بسخرية يقطع الخطى بيدخل : اقول بندر ولا عليك امر دق على جوالي ناسيه بذا شكلي

حجرف مسك بدر : اعصابك يارجال وش فيك عليه طنشه يارجال

بدر : ناقصه انا وربي ماناقصني غير ذا يجي يتهاوش معي

تنهد بحسرة

نواف : لا يبدو انها متقفله معك للآخر

بدر بعصبية : ومتى انفتحت معي اصلاً ...

طلع سلطان و لا يزال يرمق بدر بنظرات غامضة قوية

قطع حبل النظرات المتبادلة رنين صوت بدر

بدر بعصبية : ولعنتين وش تبي ذي بعد منيب فاضي لها مابعد فهمت كلامي يعني ( على باله انها ايليانا)

بدر لا يزال يرمق سلطان بقسوة و إفتراس

اعاد الرنين التصاعد مجدداً .....

سلطان قرب لبندر : ابشرك لقيته يا بندر خلاص لا تدق

بدر القى نظرة على جواله مكالمات لم يرد عليها = 1 زينة

دقت مباشرة

بدر بلا شعور ابتسم : هلاااااااا توهاا الديرة نورت تصدقين يالغلااا

جر الخطى بعيداً عنهم

سلطان القى نظرة على عيون بندر و فهم النظرة التي كست عيون بندر و تغطت بالشجن الفظيع

( بندر يخاطب عيون سلطان ..... هذي الجرح ..هذي الحلم اللي انكسر قبل ان يشتد عودهـ ... هذي العشق

الدامي ...هذي سعادتي اللي ما انكتبت لي ....هذي الأمل اللي بيقضي على جروحي كلها .. هذي اللي جرحتني

و حطمت قلبي يا سلطان )

سلطان طق كتف بندر كمحاولة لمؤازرته لانه الوحيد اللي فهم نظرة بندر .....
-

-

-

-

-

>><< عندما تحتضن الزهور أشواكـ القســـوة ... عندما يختزن العطر الذرات السامة القاتلة ...

عندما تبكي الهمسات المختلجة في ثنايا الروح >>><<<

مضاوي تبرد اضافرها بشموخ : وش فيك فواز منتب طبيعي ..؟

فواز بعد صمت : سلامتك وش بيكون فيني مبسوط على الآخر يعني زوجتي و سجلت باسمي قصرها

ومشغلها

مضاوي : حياتي انتا تدري وش كثر انا واثقة فيكـ ..انت بالنسبة لي اثق فيك يمكن اكثر من أي شخص

فواز و هو يسحب نفس من الزقارة بحرارة : أي شخص يعني اكثر من بدر ولدكـ !!

مضاوي بملامح مندهشة : بدر ولدي وش جاب لجاب انت غير و اهو غير اكيد

فواز : تعبنا من ذالاسطوانة !! ( طفى الزقارة بقهر ) ولدك ذا مدري وش فيه علي !

مضاوي : انت متحسس منه بزياده وإلا اهو عادي معك لا تنسى انك زوج امه فشيء طبيعي ماراح يتقبل الامر

بسهولة

فواز ( يخسى والله بلاك ماتدرين وش حرمني منه حسبي الله عليه حرمني من بنت الــ..... بعد ما كانت

بقبضة يديني .....)

مضاوي : وش قلت ؟

فواز : بايش ( اندهش )

مضاوي : لي ساعة احاكيك

فواز : سوري شردت شوي

مضاوي بدلع : وين شردت وانا معك

فواز يناظرها ( الله يعين عليك بس من جدك تبيني اتغزل فيك بلا ء بشكلك آآآه يا زينة بس قهر بعد ما كانت

قاب قوسين او ادني و اخذ اللي ابيه شرف التبن ذا بدر اللي يحرمني من كل قمر اشوفه سلطة علي سبحان

الله )

فواز : بالطاري كيف بنتك زينة هههه

مضاوي بسخرية : خخخخ قامطة ام العافية و عند ابوها هناك تراجع في مصحات فكة اللي ذلفت عن وجهي

ابي اخذ راحتي معك ياقلبي

فواز يبتسم بقهر (ناظري اقرب مرايه بالله ) : ايه القمر راحت بس شرف اللي اقشر منها

مضاوي : تغار من ولدي يا فواز هههههههه ما توقعتها منك ابد

فواز تنهد : مو غيره بس يعني وتر حياتنا كل شوي هوشة مع زوجته و لا يحترمون مشاعر اهل البيت

مضاوي : أي والله ما تاثر غير البنوته الصغننة بس

فواز بسخرية : وش دعوة تدرون عن عيالكم يالبطرى عاد ذابينهم على المربيات و تقولون تربية و اسس

نفسية ودينية انتم آخر من يحكي عن التربية

مضاوي : وليش توجه حكيك لي ؟

فواز : بعين إنو تخصصك يالقلب الحنون

مضاوي بشموخ : بطاري التخصص ياليت تشوف لي صديقك الدكتور اللي متخصص باطنية عندي ألالام

فظيعه تجي دقايق بس و تروح من 3 سنوات تقريبا بس الألم اشتد هالأيام مدري ليش ؟ هو صحيح ما يطول

يمكن دقيقة او دقيقتين بس مؤلم لدرجة مقدر اسيطر عليه ابد يقطع بطني قطع

فواز : ما تشوفين شر يالغالية

" دخل يجر اذيال الحزن و الكبرياء المتناثر على خطى ذكرياته "
بدر : السلام

الجميع : وعليكم السلام

بدر : كيفك يمة ..؟ << متجاهل فواز ؟

مضاوي : بخير يايمه انتا كيفك

بدر يناظر فواز : بخير يجعلك بخير إلا وين ام روز ؟ هنا او طلعت

مضاوي دق جوالها و طلعت : دقايق و راجعه بإذن الله تعالى

فواز وقف و بين طوله ....

لا زال يدس بين ثناياه ابتسامة سخرية لاذعة

فواز : ايليانا قصدكـ هههههه طلعت مع ولد خالتها

بدر بقهر كتم على نفسه

و سكت

فواز يبتسم : إلا تتوقع ولد خالتها يلبس ثوب و شماغ

" انشدت عيون بدر "

فواز : لا تستغرب لإن اللي اخذها مشخص بثوب و شماغ يارجال تجنن ولا تنلام والله فيها يا ولد مضاوي و

بعد هي ما ينلامون عليها الـ...

بدر بقلة حيلة عطاه نظرة لائقة : كفوك هذا اصلا مستوى تفكيرك ..شايف رجولك ذي " ضغط بدر على

رجوله بثقل" ... عيونك ما تتجاوزها ابد مع اني ادري ان حكم التفلة بالوجه جلد بس خذ تستاهلها وميب

خسارة فيك يالـ.....

" تفووو عليك من رجال انت و تفكيرك القذر "

طلع بدر و هو معصب و حالته مستعره بجنون ....!!

بدر اتجه و سأل عن بنته قالت له المربية انها نايمة

ما صدق على الله و فتح الباب و طلع يمشي بجنون فظيع

ما يدري ليش ؟؟؟ حصل نفسه عن بندر

بعد ربع ساعه

بندر تنهد : ياخوي لك ساعه لاحس مخي وش فيك قولي طيب عشان افهمك

بدر ساكت ويحس سكاكين بصدره

بندر طق كتف بدر : اذكر الله

بدر : لا إله إلا الله محمد رسول الله

بندر : روق يابوي وقولي وش السالفه ؟ لا تحزن ..انا بالدنيا ذي كلها ماعتقد احد بمثل همي و حزني انا وانت

عارف كل شيء ياخوك

بدر : هههههههههههههههههههههههه ههههههههه

بندر بدهشه : وش اللي يضحكك ؟

بدر بهستيريا : هههههههههههههههههههههههه هههههههههههههههه

بندر بصمت ابتسم

بدر : اضحك على حالنا مره انا اواسيك ومره انت تواسيني وش فيها الدنيا صفت علينا

بندر بألم : قصدك مره اواسيك و مرات تواسيني

بدر تذكر طعونه : بندر شكلي بنضم لك و بطلق بعد

بندر ابتسم بحزن : تركد على بالك ابوي واخوانه بيتركونك

بدر بحزن وإحساس بالغربة : يارجال لا انا مامن ميانة منهم علي على الطالعة و النازلة يقولون اني

....( نسبة لقبيلة امه ) طالع لخوالي بنظرهم انا وبعد لاني متزوج امريكية يعني مامن شرهات علي خخخ

بندر بعجب : بالعكس انت سبحان الله الخالق الناطق نسخة من عمي سعود بكل شيء

بدر بحزن غطى عيونه و حب يقلب الجو مرح : بس عمك سعود بس هههه

بندر ابتسم بألمـ و الذكرى تلسعه : بكل شيء

بدر : ياخوك حنا ما عذبنا غير هالشيء والله يعين

صمت لمدة 5 دقايقـ

وكانت السماء ملبدة بالغيوم منذ العصرية و الآن قد بدأت تمطر

بندر بتردد و حيرة و خجل جمل ملامحه

بندر : بدر

بدر وهو واقف على الشباك يشوف المطر كان فيه رذاذ مطر : ابشرك احسن من اول بكثير

" لا داعي للإستغراب فتلك هي مشاعر العشاق ...تلتقي دوماً و تعرف مهالك رفيقها "
بندر يحس الدمع تحجر بعيونه

و قلبه تسارعت النبضات فيه

بندر : مرتاحه ؟

بدر يناظر بندر : انت مرتاحـ ؟

بندر يناظره بغموض و توتر : لا ترد علي بسؤال

بدر تكأ ظهره : انا اشوف انك انت شخصك المقياس اذا كانت اهي مرتاحه او لا ؟

بندر ( عشقي لها غطي على كل باقي الإحساس ) : الله يجعله

ابتسم بدر: الرياض تجنن بالمطر يا سبحان الله يامطرها غير وربي تعال بالحوش نغير جو

بندر قام : يالله شويات وجايك بروح لدورة المياة وانت بكرامة

بدر : اوكي انا بسبقك الحقني برى إن شاءالله

بندر ابتسم : على خير

طلع بدر ... والحمدلله بعد ما فضفض لبندر خف العبء عن كاهل مشاعرهـ و بشكل ملحوظ ..

و هاهو يجتاح المساحات في حديقة القصر ... تارة يقف أمام النافورة التي صوت خرير ماءها يزيد المساحات

شاعرية و يفرد يديه ليستشعر رذاذ المطر ..

و تارة يشلح " شماغه" ليجعل شعره الأسود الكثيف يستنشق رائحة عبق المطر ...

بكل شاعرية يقف و يستبيح روعة الجو الشاعري ... !

داليا تطل مع الشباك و انصدمت فيه ... تناظر بدر ( ياملحه يجنن والله خساره هالعصلى الامريكية تاخذه ...

بس يالله اذا اهو مبسوط وسعيد وش دخل اهلنا بالموضوع بس والله مو واضح انه سعودي ابد مين يصدق

ان هذا معه بنت عجائب والله )
بدر تذكرهــــــــــــا !!

نعم فهذا الجو الشاعري كفيل أن ينطق مشاعره لتذكره فيها ..!!

شعرها ....وجهها المرهق ... كبريائها المنتثر ...يوم كانت بالمستشفى ,,,

ضغط على جيبه بيطلع جواله عشان يرسل لإبتهال مسج بس مالقى الجوالـ

" من الطرف الآخر "

رنين جوال بدر يبدأ بالتصاعد

بندر و اهو مار انتبه لرنين جوال بدر

بعد إهمال ناظر و لم يعر الرنين اي انتباهـ

نايف : ارحبوا انت هنا هههههههههه لا ياللئيم نذير انشده ويقولي ماعاد فيه احد

بندر ابتسم : توني جيت اصلا ماسرع بطلع إلا بدخلة بدر

حجرف ابتسم : ياهووه يعيش اجواءه الخاصه برا

نايف : امش تعال بنعيشه جو يمكن يحبني خخخخ بعوضه

هاهو رنين جوال بدر يعاود الرنين

نايف : بندر تكفى فكنا من هالجوال ارحم هالمتصل و رد عليه

بندر ابتسم : سبحان الله بدر مايترك عاداته دايما يذب جوالاته

حجرف مسك الجوال و شاته على بندر ....

حجرف : رد شف مين بحكم انك تمون عليه هههه

بندر بإمتعاض : يا رجال خل عنك بعض الهرج بس ( مسك الجوال و شاته على نواف )

بندر : مايبي لها غير نواف هو اللي بروفشنال في ذالامور

طلعوا كلهم بالحوشـ

و نواف بإمتعاض : فاضي لكم سبحان الله دايم انا اللي بوجه الزنقاتـ

اول ماطاحت عينه على الاسم ...

حس بتيارات مشاعر عارمة ... عيونة بتدمع .....

كمية شوق بحجم السماء ....!!

قلبه زادت نبضاته .....

ارد ....او ...لا ....!!!

ما زال يصارع الأشواق إلا أن رست جماح اشواقه على قرار

لا إرادياً تم الرد و الصمت سيد لسانه !

" من الطرف الآخر "

رنين جوال بدر يبدأ بالتصاعد

بندر و اهو مار انتبه لرنين جوال بدر

بعد إهمال ناظر و لم يعر الرنين اي انتباهـ

نايف : ارحبوا انت هنا هههههههههه لا ياللئيم نذير انشده ويقولي ماعاد فيه احد

بندر ابتسم : توني جيت اصلا ماسرع بطلع إلا بدخلة بدر

حجرف ابتسم : ياهووه يعيش اجواءه الخاصه برا

نايف : امش تعال بنعيشه جو يمكن يحبني خخخخ بعوضه

هاهو رنين جوال بدر يعاود الرنين

نايف : بندر تكفى فكنا من هالجوال ارحم هالمتصل و رد عليه

بندر ابتسم : سبحان الله بدر مايترك عاداته دايما يذب جوالاته

حجرف مسك الجوال و شاته على بندر ....

حجرف : رد شف مين بحكم انك تمون عليه هههه

بندر بإمتعاض : يا رجال خل عنك بعض الهرج بس ( مسك الجوال و شاته على نواف )

بندر : مايبي لها غير نواف هو اللي بروفشنال في ذالامور

طلعوا كلهم بالحوشـ

و نواف بإمتعاض : فاضي لكم سبحان الله دايم انا اللي بوجه الزنقاتـ

اول ماطاحت عينه على الاسم ...

حس بتيارات مشاعر عارمة ... عيونة بتدمع .....

كمية شوق بحجم السماء ....!!

قلبه زادت نبضاته .....

ارد ....او ...لا ....!!!

ما زال يصارع الأشواق إلا أن رست جماح اشواقه على قرار

لا إرادياً تم الرد و الصمت سيد لسانه

زينة بحماس و تضجر لانه تأخر بالرد : وش عندهم مسوين ثقل مايردون هاه بدير ههههههههه

( ذاك هو صوت التي قد تعقلت ذاتي بها .. نغمات الرقة تلائم تلك الملاكـ )

" الحمدلله صوتها حيوي و نشيط يارب الحمدلله و الشكر يارب اني احمدك و اش*** يارب "

زينة تناظر الجوالـ و رجعت تحطه باذنها : الوووو بدر يؤ لا تصير نايم بس يؤ نسيت فارق التوقيت بس

وش اسوي فاضية

نواف بهمسات راجفة مبعثرة : معليش بدر بعيد عن الجوالـ و .... ( سكت)

زينة ....

" كثيرة هي صدماتي ...!! كثيرة هي جروحي ...!! كثيرة هي خيباتي !!! "

عندما تنطق الصور الشاعرية ...

عندما تتلون اللوحات الشاعرية

وحدها

هي التي ستنطق بلسان حال نواف

" اتاني صدى صوتها ينتشلني من زحمة التوترات "

ارتجفت اطرافها بذهول

( مين ذا ياربي تستر لا يكون ........!! لا يازينة معقولة تشكين بهمس بندر مو هو وإذا صار اهو طيب)

مهلاً

مهلاً

اجعلي للذكرى من وقتك نصيباً يا زينة

هل تناسيتِ جروحك التي هو مصدرها !

هل و هل و هلـ ؟