البارت الخامس
نفرح ونمرح لا تهمنا سوى اللحظات اللي نعيشها ولا نعلم عما حولنا
وما يشعرون به
خلونا نروح للعبه لما بدت تمشي
دلول بخوف:علي قلهم يوقفونها
علي:تحلمين محد قالك اركبي
دلول:يالخايس خلاص هونت
علي:هههه فات الاوان
دلول مع نزلة قطار الموت بسرعه تتمسك في علي وبصرخ:ااااااااا يممممممممممه
علي وحمد وماجد ميتين ضحك ويصارخون بحماس مع الكل
دلول :بموت اشهد ان لا اله ....اااااااا ياربي خلني شهيده
اما بالنسبه لخالد حالته حاله مع المصري
خال بقرف:وخر عني الله يلوع كبدك
المصري وهو يصيح ومتمسك في خالد:انا عاوز بابا... ائئئئئئئئئ.... انا عاوز بابا
خالد:انقلع هناك شايفني ابوك
المصري:ماليش دعوه انا عاوز بابا ويصيح بصوت عالي :ائئئئئئئئئ

***************
في بيت أم عبدالمجيد
أم خليل:وش اخبارك يا وخيتي مع بنت سالم الله يرحمه
أم عبدالمجيد:الجوهره حبوبه مافي مثلها بسم الله عليها
أم خليل :عساه دوم إلا تذكرت على طاري الجوهره
أم عبدالمجيد:عسى ماشر وش تذكرتي
أم خليل:عرفتي أم عبدالله
أم عبدالمجيد:ايه اعرفها وش فيها
أم خليل:كلمتني علشان اكلمك انها تبغى الجوهره لولدها
أم عبدالمجيد :قولي لها ما في نصيب
أم خليل:انت أول اسئلي البنت بعدين ردي
أم عبدالمجيد:أم خليل قلت ما عندا بنات للزواج
أم خليل وما حبت تتدخل:على راحتكم
******************
نزلو من اللعبه وهم يضحكون
دلول وهي جالسه على درج اللعبه:اااااه...يمممه حسبي الله ونعم الوكيل
علي وهو يضحك:محد قالك سوي فيها سوبر مان وقولي بركب
دلول:تعرف تسك ولا اجيك اسكتك
علي:هذا إذا قدرتي توقفين بس
ماجد:ههههه والله حماس
حمد :ايه والله
ماجد :قلت لك اللي مو قد الشي لا يسويه
دلول:والله لو اجيكم لاسويكم شورما
الكل يتطنز ويضحكون على دلول وخالد اللي ما رضى المصري يهده إلا لما جاء ابوه

&&&&&&&&&&&&&&

عبير وهي تتفرج على البزران وهو واقف جنبها
ولما تاكد ان محد يشوفهم:حياتي اشتقت لك
عبير زي العاده لا رد
عبدالمجيد :لا تكفين هالخجل مو وقته ابغى اسمع صوتك تكلمي
عبير:ايش أقول
عبدالمجيد:ما اشتقتي لي
عبير سكتت وما ردت
عبدالمجيد:مو لازم تشتاقين لي اهم شي انا مشتاق لك
عبير :عبدالمجيد لا احد يسمعك
عبدالمجيد:اااه بس لو الظروف غير كان أنتي الحين معاي وما في شي يبعدنا
عبير:خلها على الله
حط عبدالمجيد يده على يدها وضغط عليها ويقول:طالعيني عبوره
عبير:عبدالمجيد ماابغى احد يشوفنا ابعد
عبدالمجيد :ما علي من احد اقولك طالعيني
عبير طالعته وقال لها بكل ثقه:ما في احد راح يأخذك غيري لو تنطبق السماء على الأرض أنتي لي ابغاكي تعرفين هالشي
عبير ابتسمت ونزلت راسها
ابعدو عن بعض بسرعه بعد ما سمعوها
- ايه دلول .......خلاص حبيبتي.... اوكي ...وسكرت جوالها
الجوهره :عسى ما جننوكم
عبير بارتباك:احم... لا ابد
عبدالمجيد:يله انا بروح للشباب مو كل اللعب لهم
الجوهره حمدت ربها انها أول من شافهم وسوت روحها تكلم جوال بصوت عالي علشان ينتبهون بدون ما تحرجهم ومحد يشوفهم و ينفضحون
جاء خالد لجهتهم وجواهر لمى شافته لفت للجهه الثانيه
خالد:انتو هنا
عبير وهي فاهمه أخوها وعارفه المعنى من جيته:ايه نلعب البزران
خالد وهو يطالع الجوهره:زين.... حلو
جات لهم لما شافت خالد وهي بروحها متحلفه فيه وما تطيقه
دلول:أنتي هنا وآنا أدورك وين اللي يقول بستناك
الجوهره وهي ما صدقت تشوفها دلول:تعالي ابغاكي شوي
خالد بلقافه:وين
دلول:يعني ما سمعتها لما قالت تبغاني في شي
خالد:أنتي مين كلمك
الجوهره بكره: سالفه بيني وبينها فيها شي ذي بعد
وراحو وخلو خالد يولي
دلول وهي تكلم الجوهره:مالت على ذا الوجهه يقرف وربي ما اطيقه
الجوهره :هههه وانتي من متى تطيقي احد
وحست براسها يلف ومسكت حديده للعبه من الالعاب
دلول بخوف:جوهره وش فيك حبيبتي
الجوهره :ما في شي بس احس بتعب خفيف يمكن لاني ما كليت شي من الصبح
دلول بغضب:ليش ما كليتي شي أنتي عارفه انك إذا ما كليتي تتعبين اف منك يله نروح نشتري لك عصير أو أي شي
الجوهره:اوكي
وعيون تراقبهم وسمعت الكلام اللي دار
&&&&&&&&&&&&&&

قاعده وتذاكر زي عادتها سمعت التلفون
شهد:الو
- يا لبى هالصوت
شهد:مين معي
- معاك الولهان اللي يروح وطي لها الصوت
شهد عرفت انه سخيف وما عنده سالفه:يعني انت ميت علي الحين
- الولهان: وذايب على الأخير ياروحي أنتي
شهد بملل:سمعت صوت القطار من قبل
- الولهان بغباء :ايه
شهد :اسمعه مره ثانيه طوووووووووووووط
سكرت السماعه في وجهه وهي ميته ضحك على غبائه ورجعت تذاكر

***********************
وصلو المطعم وهم يجلسون رن جوالها
دلول :جوهره شوي حبيبتي هذي أمي برد وارجع لك
الجوهره:طيب سلمي لي عليها
دلول :يوصل وطلعت تكلم بعيد عن الازعاج
وهي تنتظر دلول تخاص من مكالمتها
قاعد تشوف جوالها انحط كاس العصير قدامها
الجوهره :رجعتي بسر,,,,,,
رفعت عيونها شافته قدامها
الجوهره بعصبيه:انت
&&&&&&&&&&&

شوق وهي نازله الدرج لقت في الصاله اهلها يتقهون
وتقعد :السلام عليكم
أم فيصل وأبو فيصل وشهد:وعليكم السلام
أم فيصل :اصب لك قهوه يا بنيتي
شوق: ايه يمه
ابو فيصل: وش اخبار الجامعه
شوق :الحمد لله كل شي تمام
ابو فيصل: الحمد لله
أم فيصل وهي تعطيها القهوه :خلصتي اغراضك ولا بعد في اشياء ما شريتيها
شوق:باقي شوي واخلص
أم فيصل :الله يعين
شوق:غريبه شهوده قاعده معانا في العاده مقابله الكتب وما نشوفك إلا على العشاء
شهد :وش أسوي قلت حرام احرمكم من طلتي البهيه طول الوقت
شوق:الحمد لله رأفتي بحالنا ورحمتينا ونزلتي
دخل عليهم :السلام عليكم
الكل :وعليكم السلام
شهد:هلا والله بفصفص
فيصل:و سالفتك كل ما شفتيني فصفص و فصفص والله احس نفسي قرقيعان
شهد:هههه ادلعك يا خوي هذا جزاتي
شوق:ههههههه امحق دلع إذا بغيتي تدلعينه دلعيه فوفتي
فيصل:يعني ينقال دلعك أحسن فوفتي شايفتني قدامك كلب
شهد:هههههه الله يعين اسامه مسكين
فيصل ووده يرفع ضغط شوق:ايه والله أكيد بتدلعه دلع زي وجهها
شوق اللي انحرجت:يبه شف عيالك وش يقولون
ابو فيصل:اتركو اختكم في حالها
وقام يريح في غرفته
شهد وهي تغمز لفيصل علشان يرفعون ضغطها زود
فيصل :تلقينها تدلعه اسوم
شهد:ههههههههه هذا دلع ولا اسم وحده من الربع
والله مسكين يكسر خاطري أصلا إذا سمع اسمه وهي تدلعه بيفكرها تقصد وحده من صديقاتها على الاسم
فيصل:ههههه طاح على شوق ولا احد سمى عليه
شهد:يستأهل هجل ما يلقى إلا شويق أم لسان يأخذها
شوق:يا أنذال انا أختكم تقولون عني كذا
فيصل:مسكين هو بياخذك وهو يظن انه مآخذ ملكة جمال ما بعد شاف شكلك إذا قمتي الصبح
شهد:ههه كأنها دراكولا ولا الساحره في قصص الاطفال
شوق بانفعال:مالت عليكم انتو الاثنيين
قامت راحت غرفتها وهي معصبه من اخوانها
أم فيصل:الله يصلحكم وش فيكم على اختكم
شهد:خليها يمه كل مره هي مستلمتنا خليها تذوق اللي تذوقنا إياه
فيصل :ههههه مسكينه طفشناها
شهد وهي تضرب جبهتها:يووووه نسيت أقول لها تأخذني معاها السوق المره الجايه
فيصل:بعد الكلام اللي قلناه اغسلي ايدك ما في آمل تأخذك معها
شهد:والله شكلي بغسلها جد ما ظنتي ترضي بعد المعاير اللي جاها منا
وقعدو يكملون سوالف
********************
قاعد تشوف جوالها انحط كاس العصير قدامها
الجوهره :رجعتي بسر,,,,,,
رفعت عيونها شافته قدامها
الجوهره بعصبيه:انت
حط عصيره وجلس مقابل لها
طلال:اشربي العصير مدامه بارد يكون ألذ
وقفت من مكانها متنرفزه
طلال بلهجة آمر وهو يطالع عصيره:اجلسي
الجوهره:من انت علشان تأمرني
طلال رفع عيونه لها وبصوت هادي:اقولك اجلسي لاجي أجلسك غصب
الجوهره:ماهوب الجوهره اللي تنغصب على شي
خذت شنطتها وجوالها علشان تمشي قام من مكانه بسرعه وسحبها من يدها وجلسها على الكرسي اللي جنب كرسيها وجلس هو على كرسيها وخذا عصيره وحط رجليه على الطاوله
الجوهره:انت تعتقد انك بتثبت شي من حركتك ذي لا والله ما هزيت شعره من راسي
طلال:ومن قالك إني بثبت شي
الجوهره وهي توقف :انا ماني فاضيه لك وخر عن طريقي خلني اروح
طلال:وإذا ما وخرت وش بتسوين
الجوهره:بفضحك وبخلي اللي ما يشتري يتفرج
ضحك بصوت عالي وقام من كرسيه ويده في جيوبه
طلال:ما تسوينها
الجوهره:لا انت ما تعرفني زين اسويها ولا همني احد واسوي اللي اكبر من كذا
طلال وهو يقرب وما بقى بينهم غير مسافه بسيطة وهي في مكانها وما تبغى تبين انها خايفه منه وتحاول تكون قويه
طلال:تدرين ليه انا واثق انك ما تسوينها
تطالعه وتنتظر اجابته
طلال:لانك مستحيل تخلين احد يضر اخوانك حتى لو بشي بسيط وما راح تصرخين وتلمين الناس اللي راحو يظنون انك هنا بإرادتك لان ما في احد يقابل احد غصب في المطعم
وظل يناظرها ويناظر الغضب في عيونها
طلال:صح ولا لا
الجوهره:شفت ناس حقيرين بس أحقر منك ما أظن بشوف
طلال واللي ما عجبه التعليق تقدم لها
الجوهره ما حست على نفسها إلا والجدار وراها
قرب لحد ما بقى بينه مسافه فك لثمتها جات بترفع يدها بس هو اسرع ومسكها ولفها على ظهرها وخلى وجهها مقابله وظل يناظرها ولما جات بتتكلم وبتغلط عليه بيده الثانه حط يده على فمها
طلال:انا لما اتكلم انتي تسكتين وثاني مره لما تتكلمين بغير احترام راح يجيك شي ما يعجبك
هي تطالعه نظرات قهر وحقد
وهو يطالعها كأنه يدور شي في عيونها
طلال وهو يقرب ويهمس في اذنها :الحين بروح ولازم أودعك بس أكيد لنا لقاء ثاني
باسها على خدها ووخر يده عن فمها وراح بسرعه قبل ما ترد
الجوهره:يالحقير ماراح اعديها لك وربي ما اعديها لك يا كلب
تسندت على الطاوله من التعب وجلست على الكرسي ولما شافت العصير اللي جابه لها ضربته لين انكب
وحطت يديها على وجهها:حيوان
بعد لحظات جات دلول معها العصير :الجوهره وش فيك
رفعت يده من وجهها :ما في شي ليه تاخرتي
وهي في نفسها تحمد ربها ان دلول تأخرت
دلولو هي تاشر على العصير المنكب: وش ذا
الجوهره:تاخرتي رحت جبت لنفسي عصير وما انتبهت وكبيته
دلول :أسفه والله تاخرت لاني طلعت من المطعم ادور مكان ما فيه ازعاج وأول ما خلصت رحت جبت عصير وجيت
الجوهره:مو مشكله
دلول وهي تعطيها العصير بدل المنكب:جوجو ترى انا بروح بدري أمي تحن تقول ارجعوا الحين
الجوهره :بدري اقعدو شوي
دلول:والله ان تغسل أمي شراعي
الجوهره:اوكي على راحتك حبيبتي
دلول :خلينا نقوم ندور علوي علشان أروح
الجوهره:يله
وراحو
*****************
خلصو لعب وجاء وقت الطلعه من الملاهي وهم طالعين عبدالمجيد جاء بعد ما كلم تلفون:ماجد انت خل أي احد يوصلكم وانا باخذ السياره
ماجد :ليه
عبدالمجيد وهو ياخذ المفتاح ورايح للسياره مسرع:واحد من ربعي مسوي حادث ورايح له المستشفى
ماجد:طيب بس انتبه وانت تسوق
عبدالمجيد:ان شاء الله وراح
الجوهره:الحين وشلون بروح ناخذ تاكسي
ماجد :ليه تاكسي وحمد موجود
الجوهره:لا لا نركب مع خالد ولا نروح في تاكسي
ماجد وهو يعفس وجهه:مع خالد اموت ولا اركب معه
ريان :حتى انا ماابغى خالد
نوف:ماما ابى انام
نايف :حتى انا
جاء حمد ووقف بسيارته قدامهم وهو يسال:ماجد وش بلاكم وين سيارتكم
ماجد:خذاها عبدالمجيد وراح لخويه مسوي حادث
حمد: خلاص اركبو بوصلكم
الجوهره وهي ما تبغى تبين أي شي من اللي صار هزها ركبت هي وماجد وراء لان طلال كان جنب حمد وحطو ريان بينهم
طلال وهو مستانس انه يقدر يشوفها من المرايه الجانبيه ويبتسم ابتسامات انتصار وتحدي لها وهي تتجاهله وتسوي روحها مو شايفته ومو ملاحظه
نايف:ماما ابغى انام
الجوهره:تعال حبيبي وتخليه ينام في حضنها
ونوف طبعا لازم تقلده:انا بعد
خذاها ماجد:يله نامي اشوف
اما طلال ظل يسولف مع ريان والجوهره منقهره لانه يكلم أخوها هي بروحها تكرهه وما تبغى احد من اخوانها يقرب منه
وصلو البيت نزلو هي شالت نايف وماجد شال نوف وقبل ماتدخل لمحته يطالعها بنظره غريبه لفت وجهها ودخلت وماجد بعد ما شكر حمد لحق اخته
بعد ما تطمنت ان اخوانها في سرايرهم راحت تأخذ شور
طلعت من الحمام وراحت لاخوانها اللي لازم كل يوم تفقدهم قبل ما تنام
دخلت لقتهم نايمين باست كل واحد على راسه وتنهدت وتدعي ربها ما يحرمها منهم وطلعت

---------------------------------
في بيت ثاني رجعو
كل واحد على غرفته إلا خالد وصل خواته وطبعا طلع حق الهياته
أم خالد تدخل بعد بنتها غرفتها:ها وش سويتي
سحر:ما سويت شي
أم خالد:شلون يعني ما سويتي شي
سحر:يعني ما سويت شي
أم خالد بقهر:هجل ليه رايحه دام انك ما سويتي شي
سحر:سلمت عليه رد علي بنفس خايسه ما ادري على شنو عاد
أم خالد:مالت عليك يعني روحتك بدون فايده
سحر:أصلا هالحمد ما دخل مخي ابد ولا هو على هواي
أم خالد:مالت عليك وعلى هوالك وطلعت
ابتسمت سحر وفتحت شنطتها وطلعت الارقام الي جمعتها من الشباب في الملاهي وقالت في نفسها: خلنا نتسلى شوي
ورفعت جوالها على قولتها تتسلى
ماتدري ان يوم لك ويوم عليك أنتي تتسلين اليوم بكره تكونين تسليه لغيرك
اتمنى يعجبكم البارت