خالد : امك اغلطت علينا كلنا وياليتها اغلطت بس علينا لا اغلطت على ابوي وامي ومهما صار امي وابوي فوق الكل عشان كذا ماراح اردها خليها تتأدب بالفراق وان شفت انها اتعظت يمكن ارجعها الحين وش جيب هالسالفة لنا ولا تبين تتدلعين بس
هيبة : ما يحق لي ادلع
خالد : لك حقين بعد
راح خالد يجيب اكل لبنته واكلها بيده الفطور اجلسوا اشوي الا الكل جا لهم من جديد واجلسو جنب هيبة وانسوها وشجعوها انها تستعيد قوتها وتقوم
في الخارج شاف خالد اخوه يوسف مع سارة وقمر
يوسف : ها يا اخوي بشر كيف هيبة
خالد:: الحمدلله هيبة احسن بكثير وراح تطلع من المستشفى لكن بتأخذ فترة راحة لمدة يومين زيادة
يوسف تهلل وجهه وكأن هيبة بنته : الحمدلله الحمدلله
في الظهران كانت منيرة توها صاحية من النوم وتبي تبل ريقها بشي تشربه وراحت للمطبخ وقبل لا تدخل اسمعت الجازي اتكلم تليفون
الجازي: يمه وش اسوي ه تسأليني متى بتحملين ومتى بتجيبين اولدي تعبت وش اسوي خايفة تدري اني ما اقدر اجيب اعيال والعيب فيني قولي لي وش اسوي
شيماء: عادي قولي لها انك ما تقدرين اتجيبين اعيال ليه خايفة انتي وش بيصير لك قولي للعالم كله تبين اقول لهم
الجازي : لا لا لا لا تقولين شي ما ابي حد يعرف خليني انا احل هالمشكلة بنفسي
منيرة حاطه ايدها على فمها من الدهشة وبخاطرها : تحرميني من النسل تحرميني من لقب جدة جد انكم ما تستحون حتى في هذي بتاخذونها مني حتى في هذي لكن هين هين ماراح تشوفين غيرالي يسرك تكذبين علي انا مالقيتي غيري
انفتح الباب اشوي انتبهت الجازي وقالت لشيماء مع السلامة خافت ان منيرة اسمعتها
منيرة : السلام عليكم
الجازي متلخبطة ما تدري وش اتسوي : وعليكم السلام ماشاء الله صاحية بدري عمتي من متى انتي هنا
منيرة : امممممم من فترة اقصد تني صاحية قلت خلني اشرب ماي وين مايكم
الجازي: كاهوا قدامك
منيرة : صبي لي كاس
الجازي : ان شاء الله
صبت الجازي لمنيرة كاس ماي
الجازي: تفضلي عمتي روحي للصالة وانا بجيب الفطور نفطر مع بعض
منيرة تبتسم ابتسامة الخبثاء: ان شاء الله لا تصيفين واتفكرين كثير
الجازي بخاطرها : لايكون اسمعت وش بسوي ان اسمعت انا ما قدرت على وليد بقدر على امه
جهزت الجازي الفطور وراحت للصالة عشان تاكلها هي ومنيرة
وهم ياكلون منيرة كانت تبتسم
منيرة : الجازي متى بيشرف حفيدي قلتي
الجازي: قريب ان شاء الله والعلم عند الرحمن
منيرة : متى قلتي
الجازي: العلم....اي حار اي
صبت منيرة الشاي على ايد الجازي
والجازي طاحت على الأرض تصيح وخايفة من منيرة
الجازي تترجا : لالالالالالالالالالالا لا تصبين بس خلاص
منيرة: تكذبين علي تقولين ما حصل نصيب وانتي اساسا عقيم انا تكذبين علي منوا انتي ومنوا انتي تحرميني من الخلف والحفيد
الجازي امغطي شعرها على وجها وجالسة تصيح وتهف على ايدها بعد ما انحرقت بسبب الشاي
منيرة : راح اوريك والله ما اخليك كذا اتسوين فيني انا تكذبين علي وتستعيني بشيماء بعد جد انتوا حقيرين
الجازي ما اقدرت تستحمل واصرخت بوجه منيرة : انتي الحقيرة ما غيرك انتي السوسة خافي ربك هذا مو مني من ربي العقم
منيرة : وتسبيني بعد راح اوريك
تقوم منيرة وتمسك شعر الجازي وتمشعها وتدوس على ايدها المحروقة برجلها والجازي تتضرع وتصيح لكن لا حياة لممن تنادي مين بينجد الجازي
في المستشفى
وليد للتو طالع من اخته سلم عليها ودعها بيروح للظهران
عمر : وليد اجي معك
وليد : ليه تجي معي
عمر : ما ادري بس امي هناك معك
وليد : لا انت اجلس هنا وراك دراستك واختباراتك شد حيلك وامي خلها هناك لين تهدأ الأوضاع وراح يرجع كل شي مثل ما كان
عمر : وانا بجلس جنب مين
عبدالله: عمر بجلس معك ماني رايح خلاص اساسا خلصنا تطبيق والسبت اخر يوم وعندي اجازة بجلس جنبكم فيها
عمر : الحمدلله فيه حد معي
وفي هذي الأثناء كانت ليلى توها جاية مع ريم وسلطان وحمدان
ليلى : السلام عليكم طمنوني كيف هيبة
وليد : الحمدلله بخير الحين
سلموا الشباب على عمتهم
عمر : كيف حالك عمتي
ليلى : بخير
عمركان يطالع ريم ويبي منها شي تشوفه بعينه
لكن ريم ما اعطته وجه وكأن لسان حالها يقول خلاص ماني مثل الي اتفكر انت تغيرت وانا هم تغيرت
مشت ليلى من عند الشباب وادخلت على هيبة
لكن عمر حس بقلبها انفطر وانسلب منه بسبب ريم
عمر انشحب لون وجه ونزل راسه وراح لبيتهم وجلس بالحديقة يشم الهواء
عند العصر كان وليد توه اموقف سيارته قدام عمارتهم
الجازي : خلاص كافي ذبحتوني انتي ولدك كافي ما في قلوبكم رحمه
منيرة : اقل شي انسويه فيكم انتوا وعيلتك انتوا حشرات ما تستاهلون الحياة
الجازي: مو انتي ربي عشان تقولين كذا
منيرة : ولك اللسان تتكلمين فيه شوزفي وش بيجيك
تمسك منيرة الوايرات لتلفزيون وتضرب فيها الجازي الي مالها غير انها اتصارخ
دخا لوليد على مشهد ان الجازي ماسكة الوايرات الي اسحيتها من منيرة بصعوبة لكن هالموقف صار ضدها مو معها
الجازي اجلست تصيح من الألم وتتضرع بوليد وتزجف جهته امسكت برجله : وليد ارحمني طلقني طلقني امك اذبحتني من الطق ما اقدر استحمل خلاص وش تبون فيني انا خلاص انتهيت انا مت انا جثة هامدة خلني احافظ عليها تبي افلوس ابوي يعطيك بس طلقني
منيرة لما شافت ولدها بيضعف ارتفع صوتها واجلست تصيح وتولول عفست شعرها بسرعه : وليد لا تصدقها هذي مو انسان هذي حيوان شوف وش سوت في امك شوف كيف السبتني بالواير شوف الواير عندها وليد امك انهانت في بيتك
اقول لها قولي الحمدلله على عدم انجابك للعيال تقول لي السبب انت مو هي اقول لها لا تكذبين عصبت وطقتني وليد انت جد ما اتجيب اعيال وليد جاوبي كذبها صح هي كذابة
وليد يطالع عيون الجازي وفي لحظة عصب ويركل وجه الجازي برجله اصقعت الجازي بالجدار واجلست تهذي وطلع الدم من اسنانها
منيرة : زين ما سويت فيها تستاهل الي يجيها
الجازي : يمه يمه يمه
وليد : ان رفعتي صوتك على امي شوفي وش بيجيك مو تطقينها لا ارفعي صوتك وشوفي وش بيجيك انتي خادمة هنا لها سمعتي انتي خادمة نومتك في المطبخ كفوك المطبخ ولاتليفون خلاص ممنوع والجوال مسحوب منك وبعد هذا قول يلي مين راح يدافع عنك
الجازي: لالالالالالالا طلقني ما ابيك عفتك ما ابيك
دخل وليد غرفته ومنيرة كملت طق في الجازي
وليد في غرفته يضحك : هههههههههههه تستاهلين عشان تعرفين مين هو العقيم هههههههههه خلني ادخل الحمام احسن لي
في امريكا بعد اسبوعين من خروج هيبة من المستشفى
خليل: معاذ مالي دخل فيك لازم اتذاكر زين ما بقى شي على الأختبارات
معاذ : والله جالس احاول بس تعرف روز ماخذه وقتي كله
خليل: يعني روز هي السبب قسم بالله ان ما تعدلت لأقول لها انك تتعذر فيها
معاذ : لا طالبك ماني ناقص
خليل : اجل خلنا نبدأ انذاكر وهي وش امسويه اتذكر ولا لا
معاذ: ليتني مثلها تدري انا الي اخرب عليها مذاكرتها اتلاقيني اطلب منها طلبات وتقوم هي ما اتقصر وتلبي طلبي
خليل : والنعم فيها طالعه علي
معاذ: وانت صادق لازم اذاكر الفصل هذا اخر فصل لازم اشد حيلي مو معقولة تعب السنين يروح هدر
بدوا الشباب يذاكرون للأختبارات النهائية الي ما بقى لها الا شهرين
تمر الأيام سريعة على ناس وتمر الأيام دهور وقرون على ناس
حنين والجازي يتعذبون يوميا من الوليد
وفوق هذا الجازي تتعذب مرتين او ثلاث او اربع
تتعذب من وليد
تتعذب من منيرة
تتعذب لكون عندها ظهر لكن تخاف تستند عليه
تتعذب من العقم والامه النفسية
الجازي على مر الوقت نست انها انسانة نست انها ضمن العالم البشري
ما درت انها عايشة للحين
تظن انها ماتت من زمان
بعد شهر من الأن