نورة : يمه ابي اصير قوية انا انهد حيلي بعد الي ار لأبوي وامي واختي هيبة زادت الأمر سوء زيادة وامي وينها اليحن وينها راحت عننا ولا افتكرت ببنتها
شيماء : امك اكييد تحس فيكم بس الصدمة قوية عليها مو قادرة تستحملها
نورة : ما اظن انها اتفكر مثلك لو كذا اتفكر راح اعذرها لكنها اتفكر اني اكذب عليها وراح للظهران عند وليد وهي هناك الحين جالسة ما تحس هالأنسانة ولا تشعر ان مو لنفسها عايشة بس لنا كلنا لازم تعيش امي خلاص شي ماضي وانتهى اختي اهم شي الحين هيبة وديني لها ابي اشوفها ابي اشوف اختي
اسندت شيماء نورة ودتها لغرفة هيبة
في البداية خالد منعهم لكن نورة اصرت وافق خالد
ادخلت نورة وشيماء على هيبة لقوا وليد وعمر جنبها
نورة : وليد اخوي شفت هيبة وش صار فيها
وليد يمسح دمعه اغلطت انها جات عند وليد لكنه مسحها : ايه شفتها نورة جلسي جنبها مو قادر استحمل
عمر لا بس نظارته السوداء وبصوت حزين: خذني معك يا اخوي مو قادر اجلس واشوف هيبة كذا اخر مرة كلمتها نهرتها وقلت لها طلعي فوق لا تجلسين جنبي احس اني انا السبب اني رقيتها فوق خذني معك مو قادر
طلع عمر والوليد من الغرفة
وبقت نورة وشيماء
شيماء : نورة اقري عليها سورة الفاتحة 7 مرات وانفثي عليها بهوا من فمك
نورة : ان شاء الله
تحط نورة ايدها على راس هيبة وتقرا عليها الفاتحة
شيماء : بسم الله الرحمن الرحيم الحمدلله رب العالمين الرحمان الرحيم مالك يوم الدين اياك نعبد واياك نستعين اهدنا الصراط المستقيم صراط الذين انعمت عليهم غير المغضوب عليهم ولا الضالين امين
كررت السورة سبع مرات ومن ثم انفثت عليها
كان فيه واحد جاي بسرعة وقف سيارته قدام بوابة المستشفى ونزل بسرعة وقف عند الأستقبال كان يبكي ومتألم على الي صار لأخته : هيبة خالد الحمد وينها اليوم داخله
الي في الأستقبال : في العناية المركزة روح يمين وامش سيدة وبتشوف الباب قدامك
راح عبدالله بسرعة للعناية المركزة
فتح الباب بقوة الكل كان مندهش او منصدم لقوة فتحت الباب
عبدالله بصوت عالي : وين هيبة أختي وينها قولوا لي وينها
الوليد يروح لأخوه ويسنده بأيده: راح اوديك لها بس اوعدني انك ما تزعجها
عبدالله : أوعدك بس وين غرفتها
الوليد ياخذ أخوه ويوديه للغرفة
دخل عبدالله وشاف نورة وشيماء جنب هيبة
نورة وشيماء يقومون متفاجئين
نورة تنهدر ادموعها من جديد وتحضن أخوها الي ما قدر يستحمل منظر أخته وطاح على الأرض
عبدالله : نورة وش فيها اختي ليه كذا هي مين سوا فيها كذا
نورة : بس يا اخوي لا تعور قلبي كثر ما هو متعور اسكت هيبة ان شاء الله بتقوم وهي بخير بس ادعي لها
عبدالله يمسح ادموعه : نورة اهي اتكلمكم صح يعني ماهي في غيبوبة
نورة : ما احد كلمها غيري وكانت تسأل عن ... عن
عبدالله : قولي مين وش تبي اختي كان لبيتي طلبها
نورة : ما اقدر البي طلبها لأن طلبها مو هنا طلبها في الظهران
شيماء : نورة خلاص كافي قوموا عند اختكم اكييد هي تبيكم حولها
قام عبدالله جنب اختها وحبها في راسها
هيبة كانت تحس بالي حولها لدرجة انها تبي تتكلم لكن تعبانة مو قادرة لكن من اسمعت صوت عبدالله تحملت على روحها وافتحت عينها
عبدالله كان امسكر عينها وجالس يدعي لها ويصيح
ترفع هيبة ايدها وتمسح دمعته من خده
عبدالله يفتح عينه مو امصدق : هيبة انتي تقدرين تشعرين فينا صح
هيبة بصوت متقطع : ل ليه ... ليه ابت..
عبدالله : لا تتكلمين لا تعبين روحك
هيبة تبتسم ابتسامة ملائكية : ليه ابتعدت عننا
عبدالله حس بتأنيب الضمير وبخاطره : كنت اناني بأبتعادي ما فكرت الا بروحي ما فككرت ان فيه خوات لي يحتاجوني لكن امي هي السبب ماراح اسامحك يمه لو صار لأختي شي...... وين اخواني ليه جالسين برا لازم هيبة تحس ان حنا كلنا حواليها لازم
عبدالله يحط ايده على راسها : حبيبتي دقيقة بروح وبجي بس دقيقة
هيبة : لا خلك هنا
طلع عبدالله واجلست نورة اتواسي هيبة راح عبدالله لأخوانه عمر والوليد برا
عبدالله : وليد عمر تعالوا ابوي تعال ممكن
جاء عمر وليد وخالد وادخلوا للغرفة تغطت شيماء
عبدالله : هيبة هذا احنا هنا كلنا جنبك تقوي وردي مثل الأول
هيبة أطالعهم وتحدر دمعه من عينها : من زمان ما شفتكم متجمعين من زمان ما شفت وليد بيننا وعبدالله لا تهدوني يبه لا تتركون بعض خلكم مثل كذا
خالد : هيبة اطمئني كلنا حواليك بس انتي لا تعبين روحك
هيبة : نورة باقي امي وينها
نورة : ...............
خالد : .................
شيماء بخاطرها تقول لازم اتصرف
شيماء : حبيبتي امك ما اقدرت تستحمل شافتك وراحت للبيت وداها ولدي عبدالرحمن لبيتكم
هيبة : عمتي انتي طيبة ما تقدرين تكذبين امي مو هنا قولوا لي تراني اقدر استحمل او ادري انها ما تهتم
وليد عصب : وش تقولين انتي امي ما تهتم لك امي...
خالد : وليد وش تقول اسكت
وليد : ان شاء الله ...حبيبتي هيبة وش تحسين الحين احسن من الأول ولا
هيبة : الحمدلله من شفتكم تحسنت كثير
نورة من الفرح : الحمدلله عساني ما افقدك ان شاء الله
هيبة : يبه أبي ماي ريقي ناشف
خالد : بس ماي تبين صبري
راح خالد ويجيب لبنته ماي
نورة : يبه عطني اياه اشربها
خالد : لا انا الي بشربها الماي وخري اشوي بس
نورة تحس بارتياح : ان شاء الله
خالد : يالله يا قمر بشربك الحين قومي ((عدل خالد هيبة وشربها الماي ((
هيبة : الحمدلله
خالد :هني وعافية
طلع وليد برا الغرفة يطمن الجماعة ان هيبة صحت وهي بخير الحين احسن من الأول
وليد وكأنه يبي يتشفى من الجوهرة : اجديدة هيبة صحت والحين هي بخير
الجوهرة : الحمدلله الحمدلله بدخل اشوفها
وليد : لا اجديدة مليانة الغرفة لين يطلعون دخلوا
الجوهرة : زين ما قلت
منال : يمه هيبة بخير هيبة ارجعت زينة
راحت منال لأخوها سلطان الي كان بعيد عنهم
منال : سلطان سلطان هيبة تحسنت قامت والحين هي تتكلم
سلطان يرفع راسه
منال من الخوف على اخوها : وش فيك سلطان ليه اعيونك حمر ليه تصيح مثل كذا
سلطان : منال هيبة بخير متأكدة هيبة يعني مافيها شي ماهي ميتة صح
منال بأنزعاج من كلمة الموت : فال الله ولا فالك
سلطان : نقدر نشوفها
منال : ايه بس مو الحين ..الحين اخوانها كلهم حولها
سلطان : زين اجل روحي انتي
منال: لا اول شي قوم غسل وجهك كيف بتشوف هيبة وانت كذا
سلطان : ان شاء الله بغسل وجهي بس روحي انتي اشوي
منال : بروح خلاص
راحت منال واتركت اخوها سلطان لوحده
سلطان بخاطره : الحمدلله ما كنت متخيل الحياة من دونك مع مين بلعب ولا مع مين بتغشمر ولا اسوي مسرحيات مافيه غيرك متعود عليك انتي وفي الأخير تطيحين ماراح اسامحك لو صار لك شي ماراح اسامحك بس قومي وشوفي وش بسوي فيك راح العب عليك وراح اعذبك مثل ما عذبتيني وانواع الخوف بسوي لك من اقنعة الا مواقف رعب ((ضحك سلطان كأنه يتخيل كل موقف وهيبة مرعوبة منه )) لا خلاص بشوف خاطرك وما راح ارضى حد يزعلك
بعد ما قامت هيبة وصارت احسن من الأول الكل تطمن والكل شافها وجلس جنبها في الأخير الكل راح بيته وجلس خالد جنبها
نورة نامت عند بيت عمها يوسف وعمر مع اخوانه في بيتهم ناموا
في الظهران كانت منيرة مع الجازي في الصالة يتكلمون ويسولفون
منيرة بمكر : ها يا ابنيتي وش اخبار الحمال ماراح يشرف لنا اوليد جديد ولا ابنية
الجازي العرق يصب من جبينها : لا يا عمتي إلى الحين ما فيه شي
منيرة : كيف ما فيه شي كم لكم متزوجين
الجازي: لنا فترة بس ما صار حمال للحين
منيرة : وشو مو كيفك الأمر هذا ابي اصير جدة ابي اشوف ولد ولدي وما ابيها ابنية ابيه ولد بعد
الجازي: قلت لك ما صار شي لسه وهذا مو بأيدي بأيد الله
منيرة : وش فيك عصبتي انا ما قلت شي
الجازي : لا عصبت ولا شي اساسا ما اقدر اعصب
منيرة : احس فيه شي صاير
الجازي: لا صاير شي ولا شي بس انتي ريحي روحك وقومي نامي انا بنام تامرين شي
منيرة : لا تسلمين
الجازي : هنا افراشك وبطانيتك
منيرة : ايه شفتهم
راحت الجازي تنام ومنيرة نامت ايضا
في اليوم التالي
صحت هيبة وصبحت بوجه ابوها
هيبة : صباح الخير يبه
خالد : صبحك الله بالنور وتسابيح الرحمن
هيبة : اه وش كثر نمت انا
تتعدل هيبة في جلستها
خالد : لا جلسي مثل ما انتي
هيبة : لا يبه تعبت من الجلسة
خالد : لا لازم ترتاحين وش اتفكرينا جماد ما نحس ما نبيك تتعورين من جديد
هيبة : يبه انت تعرف ليه صرت كذا وعشان كذا لا تسون كذا مرة ثانية
خالد : بس هذا تامرين امر والحين جلسي وبجيب لك فطورك بعد اشوي
هيبة : يبه امي بتردها صح
خالد : حبيبتي لا تتكلمين في هالموضوع لأنه ماضي خلاص
هيبة : وان قلت لك عشاني
خالد : راح افكر بس انتي ارتاحي بس تذكري ان امك ما جات لك هنا ولا فكرت انها تجي
هيبة : ...........................