منيرة : إبراهيم
إبراهيم : هلا مين
منيرة : انا اختك منيرة
ابرهيم : هلا منيرة كل عام وانتي بخير وش فيك
منيرة : كذا يا ابراهيم تسوي في شيماء حتى لو سوت الي سوت ما تستاهل هي كذا نسيت الي سوته عشانك وهي من دون ام ولا ابو ولا تفرعنت عليها عشانها من دون ظهر ليه كذا اتسوي باوخيتي
ابراهيم حمق وعصب: مين قالك انتي ان انا الغلطان ها
منيرة خافت : ما احد قال يشيماء هي الي قالت السالفة
ابراهيم : وش قالت لك
منيرة : لا يا اخوي مو مهم وش قالت لي المهم انت احسن تعالمك معها
ابراهيم : قولي وش قالت لك لأوريك شي ما شفتيه
منيرة : بقول لك بس انت اول قول لي وش صار بعدها بقول لك كل الي قالته لك وانت احكم
صدق ابراهيم كلام منيرة وبداء بسرد القصة لمنيرة ال يكل ماتسمع شي تفرح وتستانس وتتشقق فرح اخيرا لقت شي على شيماء
في هذي الأثناء كان جوال العنود يدق
الجازي : حبيبتي العنود جوالك
العنود : ها إن شاء الله برد
شافت العنود الرقم واطلعت على الفورمن المكان الي تقام فيه الحفلة
كانت فيه عيون اتلاحق العنود من اطلعت وده يطلع لكن كيف وهي كذا معه
عبدالرحمن : يعقوب وش فيك
يعقوب : ها ما فيني شي انت وش فيك كذا اتخرعني
لينة : احم احم لو سمحتوا ممكن كلكم تسكتون
خالد : مين عطاك الأذن تتكلمين الحين
لينة ::زوجي فيصل عطاني الأذن
خالد : الله الله زوجك ها واول اخواني تتحامين بزوجك
فيصل : يا بو وليد خذ راحتك مالي دخل فيها
لينة : الحين مالي دخل فيها اوريك في البيت
الكل يضحك
عبدالرحمن : اوه الله يعينك يا بو الا جد ابو ايش انت
فيصل : الي تامر فيه انت بس قل
عبدالرحمن : ابو حسام ولا ابو جاسم
لينة : لا هذا ولا هذا خلوني اتكلم
خالد : تفضلي
لينة : عندي لكم خبر بيفرحكم
الجوهرة : خلي يا بنيتي وش فيك تراك تعبتينا ننطرك
لينة : انا (تأشر على بطنها ) انا بصير ام وهذا الي بوريه في البيت بيصير اب
الكل فرح واولهم فيصل
الكل يبارك لفيصل الي ما كان يدري
فيصل : من جدك تتكلمين بصير اب بيكون عندي ملاك منك انتي
قام فيصل وحضن زوجته قدام الكل
خالد : احم احم
فيصل : وش تبي كيفي زوجتي بفلوسي حلالي
خالد : الحين كيفك بس خلاص فيه عزاب
فيصل : أي والله بالبيت انكمل
الكل ضحك
العنود : هلا بناصر هلا بحياتي من زمان عنك بس اوعدك بوديك الملاهي زي ما وعدناك انا وعمتك يا سمين
ناصر : وعد متى
العنود : بأقرب وقت اجي فيه الظهران بجيك
ناصر: اممممممممممه شكرا لك
العنود : لا شكر على واجب والحين تبي شي
ناصر : لا شكر
العنود : انتبه لجدتك ولا تزعجها
ناصر : إن شاء الله مع السلامة
العنود : مع السلامة
راحت العنود لمكان التجمع الي كانوا فيه وارتسمت على شفايفها ابتسامة ليه ماتدري كان الكل فرحان
شيماء يدق جوالها ترد عليه
خليل : السلام عليكم
شيماء من اسمعت صوت ولدها صاحت
خليل : امي ترا بصك يمه ما ابي احد يصيح ردي علي
شيماء : وعليكم السلام كيف حالك يمه
العنود تشوف امها تصيح وتكلم
العنود : يمه مين
شيماء : هذا خلف اهلك كلهم خليل
العنود فرحانة وتناقز : يمه ابي اكلمه ابي اكلمه
الكل يشوف شيماء والعنود مستغرب تسرب خبر خليل انه الي يكلم الكل تجمع على شيماء يبي يعرف و شصاير
شيماء : هذا اهلك كلهم جنبي وحولي يسمعونك تكلم
خليل : حاطه على السبيكر
شيماء : ايه
خليل : ها ياهي فشله المهم السلام عليكم ورحمة الله وبركات
الكل : وعليكم السلام
عبدالرحمن :يالقاطع وينك
يعقوب : عيدك مبارك خلول
العنود : خليل كل عام وانت بخير
خليل : والله ما ادر يوش اقول ابكي ولا افرح تراني فرحان فيكم كثير عسى ربي يجمعكم على الخير وتكون كل ايامكم سعيدة وش اخبارك جدتي
الجوهرة : توك تفتكرني
خليل: انتي الغالية ام لغالي ما عمري نسيتك ولا احد منكم نسيته
الجوهرة : انا بخير بس يا وليدي طولت الغيبة
خليل : هانت جديدة ماراح اطول باقي لي فصلين واجيكم دكتور وانتوا صفوا سر ترا الكشف لأول مرة مجاني
في قسم اخر كانت فيه وحدة تسمع الكلام بس مو بأذنها لا بقلبه تحس كل كلمة لها هي وحدها لها هي الجازي
شيماء كها يمه بغيت شي بعد
خليل : ايه طفي السبيكر وابي اكلمك
شيماء : سلم عليهم انزين
خليل : في امان الله كلكم وتراني مشتاق مشتاق مشتاق مع السلامة
شيماء : سم وش فيك
خليل : يمه صدقيني وش فيك
شيماء : مافيني شي انت وش فيك
خليل: يمه احس ان قلبي يعورني من كم يوم اكيد فيك شي
شيماء : سلامة قلبك ما فيني الا العافية انت اهم شي ارجع لي بسرعة ابيك قربي
خليل : يمه وش اخبارها
شيماء تناظر الجازي
الجازي اعرفت ان خليل يتكلم عنها وأشرت لشيماء بضحكة خفيفة
شيماء : الجازي بخير بعيدة عني بس تبتسم
خليل : والله يمه هي بخير وفرحانة
شيماء : ايه ياخليل وانت فكر خلاص بغيرها هي مع زوجها الحين مو لك
خليل : لا يا يمه بعدها ما فيه حد بحيه اهم شي هي مستانسة وفرحانة يكفيني هذ عشان افرح والحين انتي اهتمي بنفسك وبأخواني و أبوي ما أوصيك عليه
شيماء وغصة تجيها : إن شاء الله ياوليد وسلم على ربعك كلهم خلاص
خليل : بشري يالغالية مع السلامة
يعقوب يجيه اتصال ويقوم من مكانه
العنود : بخاطرها : اكيد هذي حنين روح لها روح
يعقوب يشوف العنود وهي اطالعه فهم وش تفكر فيه بس كيف يفهمها والي تكلمه هي هاجر ومستحيل يقول لها أي شي
منيرة : اجل كذا السالفة لا يا اخوي كل الي قلته عكس الي قالتي المهم طلعت انت الغلطان بنظري يوم قالت لي ليه كذ يا شيماء ليه
ابراهيم كانه يشوف الشياطين قدامه يبي يسوي شي لشيماء والحين بعد تتكلم عنه قدام منيرة وبشي شين
قام ابراهيم من مكانه وراح لمكان التجمع شاف شيماء جالسة جنب الجازي يتكلمون
ابراهيم بصوت عالي : قومي عنها انتي الحين
الجازي تقوم خايفة ماتدري وش صاير
مسك ابراهيم يد شيماء بقوة وجرها معه يبي يطلعها برا
شيماء تدفع ابراهيم وتفك يدها


ابراهيم من دون وعي يضرب شيماء كف
هنا الكل سكت من بعد هذا المشهد الكل كره ابراهيم بلحظتها الكل اشفق على شيماء
الجوهرة اول من قام : كسر في يدك ليه تضرب بنتي ها
شيماء جالسة على الأرض تصيح والعنود جاتها بسرعة تواسيها وتلمها
ابراهيم : سألوها وش سوت سألوها كيف خلت راسي بالتراب واخر شي تتقول علي كلام تبي تبري نفسها من السالفة تصير هي الصح لكن لا هي نجسة
الجوهرة : انت النجس اطلع برا المزرعة
طلع ابراهيم بسرعة وركب سيارته
شيماء : يمه عبدالرحمن الحق ابوك لحقه بسرعة لا يصير له شي
الجوهرة : خليه في اللعنة تلعنه الي يمد ايده عليك اقصها لك
منيرة تدش عليهم وكأنها منتصرة انتصار كبير
منيرة : يمه انتي لو تدري وش سوت هذي كان تفلتوا بوجها
عبدالرحمن : انتي سكتي ومالك دخل في امي سمعتي لا يصير شي عمركم كلكم ما شفتوه
هنا الكل خذته عزة نفس
منيرة : يمه هذي امصاحبة رجال وصادوها الهيئة وابراهيم هو الي فكها منهم بعد ما صار وجهه بالتراب هذي المفروض تدفنونها بالحيا ذلتكم وخلتكم كلمة عند الي يسوى والي ما يسوى
شيماء بصوت عالي : بس بس كافي عذاب كافي لأن امي مو هنا تستفردون فيني وينك يا يمه يماه
اطلعت شيماء مسرعة لخارج المزرعة
لكن عبدالرحمن قبل لا يطلع قال كلمته
عبدالرحمن يصارخ : العنود جمانة خديجة طلعوا وانتوا يالكلاب اقسم بالله لو حد تقول على امي شي شوفوا وش بيجيكم لا قربكم ولا نسبكم يشرفنا سمعتوا سمعتوا
طلع عبدالرحمن والكل متفاجئ بالي صار كل الي صار بظرف ساعة لكنه خرب عمران كبير بينهم انتهى الوصال بينهم من بعد كلمة عبدالرحمن اللي راح لحال سبيله لكن الجرح لازال في القلب ينزف