العنود + ياسمين : السلام عليكم
هاجر : وعليكم السلام ورحمة الله وبركات الشمس من وين أشرقت اليوم العنود وياسمين بيتنا حياكم الله
العنود : الله يحييش وش أخبارك وش أخبار نصوري عساه مو أمتعبك
هاجر : الحمدلله وناصر صار رجال يعتمد عليه ولا يا ناصر
ناصر : أجديدة شوفي أيش جابت لي أبلة عنود مع أبلة ياسمين , الله ملابس جديدة خليني أفتح الهدية الكبيرة ( ناصر يفتح الهدية ) الله بلاي ستيشن كل هذا لي
نقز ناصر ولم البنات من جديد وجدته هاجر تصيح من الفرح
العنود : لا يا عمتي لا تبكين
هاجر : والله فرحانة فيكم وطلتكم أهلنا أهلنا ماتذكرونا أما أنتوا تتذكرونا دايم وش أبي اكثر من كذا أحد يهتم بحفيدي ويدخل البهجة عليه ما أبي شي بهذي الدنيا
ياسمين : بس أحنا نبي نبيك مع ناصر
هاجر: الله يخليكم لي ولناصر ويخلي عمه له
العنود: مين عمه
هاجر : رجال يفعل الخير مثلكم له فترة ماجاه بس كان واصل معانا وعذره معه سواء كمل معانا ولا لا يكفي الي سواه معانا
ياسمين بخاطرها : حتى في هذي فيه أحد يشاركنا
العنود : الله يجزاه خير المهم كيف الهدايا يا ناصر
ناصر : بالمررة حلوة شكرا
العنود : لاشكر على واجب
ياسمين : وكيف السكر وياش
هاجر : هد حيلي والله الله يعيني وأربي هالولد زين
العنود : لا إنشاء الله بتربينه وتزوجينه بعد بس ها أنا الي بختارها
ناصر : لا ما أبي أبي أجلس مع أجديدة
هاجر تلم ناصر : يا حبيب أجديدة وحياتها
اعنود : ياعمة نستأذنك الحين لأني بسافر الحين للحسا تامرين على شي
هاجر : مايامر عليكم عدو
ياسمين : سمي ياعمة هذا الظرف
هاجر : ليه أتعبون روحكم يكفي والله طلتكم بالدنيا كلها
العنود : ندري بس لازم يكون معك أفلوس عشان ما تحتاجون لأحد يله سلام عليكم
ياسمين : مع السلامة
وصل ناصر البنات للباب
العنود : مافيه بوسة كبيرة حق الأبلة
ناصر : أفا عليك وهذي بوسة أمممممممممممموه
ياسمين : وأنا ما علي أبي أكبر
ناصر : تعالي اممممممممممممممممممموه
ياسمين : بس خلاص أخر مرة تحبني يله سلام وألبس ملابسك والعب بالكمبيوتر
ناصر : مع السلامة وتعالوا مررة ثانية باي
مشوا البنات ياسمين نزلت العنود بيتهم وهي راحت
شيماء : هلا ببنتي ها نمشي
العنود : أيه يلا
عبدالرحمن : يعني سمحتي لنا
العنود: أيه
مشوا بيت إبراهيم للحسا وعلى طول راحوا بيت يوسف
خلونا نروح بيت ليلى الي كان زايرهم عمهم بو راشد
الساعة 8 المساء
بوراشد : وش أخباركم يا عيال
سلطان : بخير وانت شخبارك ياعمي
بوراشد : بخير ولله الحمد , ,,,,, تدرون ودي أطلعكم الليلة نتعشى
ريم : الله يهديك ياعمي ليه ماقلت من زمان كان ألغين مواعيدنا
بوراشد : التاجرة تتكلم وش عندك أعمال
ريم : ويين عندي الكثير أول شي بنروح بيت خالي يوسف عشان نحط حنا للعرس بكرة
بوراشد يضحك : ومين قال أنكم بتروحون بيت خالكم الحين ومين قال أنكم بتروحون العرس بكرة
ريم :أمي
بوراشد : وش دخل أمك بالسالفة هي الرجال
ريم : لا بس هي المسؤولة عني
بوراد يضحك بأستهزاء: خليها تكون ولية أمرها عشان تصير ولية أمرك
ريم : وليه
بوراشد : أنا ولي امرك وكلامي هو الي بيمشي مافيه روحة
ليلى كانت تسمع الكلام ولا رضت بكلام بو راشد عشان كذا أدخت وهي متغطية
ليلى أمعصبة : ومين أنت عشان تصير ولي أمرها بناتي يروحون المكان الي أرضى لهم أنا ولا أحد له دخل وبعدين حتى لو أنت عمهم مو معناه أنك ولي أمرهم أخوهم ولي أمرهم بس توفى أخوك وصرت ولي أمرهم وأنتوا يابنات لبسواأعبيكم هذا ولد عمكم برا وانت ياسلطان روح معهم
بوراشد : أنتي أتعانديني ولا تخافين بعد
ليلى : جرب سو شي لهم وشوف الي بيجيك
بو راشد : هين ياليلى الأيام بينا وانتوا أحسن لكم لا تطلعون لا يجيكم شي بعد
ليلى : فمان الله أطلع
طلع بوراشد من البيت وهو أمعصب حده
عمر جالس بالسيارة وشاف بو راشد طالع من البيت وهو أمعصب وجالس يسب
عمر : وش فيه هذا أستجن الله يستر
ليلى : ريم أنتبهي لأختك وانت سلطان خلك رجال وقد المسؤولية
سلطان : إنشاء الله يمه
منال : يمه خايفة من عمي يسوي لنا شي
ليلى : ماعليكم منه انتوا روحو الحين ويصير خير سلموا على الكل وخاصة الجازي
راحوا البنات للسيارة واركبوا
سلطان : السلام عليكم
عمر : وعليكم السلام
منال : السلام عليكم
عمر : وعليكم السلام ( بخاطره ) باقي أنتي قولي السلام عليكم
ريم : ........... السلام عليكم
عمر على طول : وعليكم السلام كيف حالك ريم
ريم : الحمدلله
عمر بخاطره : وش فيها تقولها من دون نفس هذا جزاتي
ريم بخاطرها : أدري بقسي عليك بس تصبر خلني أشوف مقياس الصبر مالك مقياس ريم
عمر : وش فيه عمك ياسلطان
ريم : مافيه شي أمور عائلية
عمربخاطره: الله يالدنيا الحن أمور عائلية ليتك ماتكلمت وظليتي ساكتة كان أحسن
عمر : خير أمور عائلية
كملوا مشوارهم ونزلهم عمر ببيت يوسف
منال : مشكور عمر ولاتنسى أترجعنا
عمر بخاطره : بعد أرجعكم بعد كلامها بس خلاص هذا أخر مشوار أسويه لكم
عمر : إنشاء الله فمان الله ولا تنسين تحني
منال : أشوف
ريم : أمشي بلا هذرة
أدخلوا البنات مع سلطان بيت خالهم
عمر : وش سويت أنا عشان أتسوي ذا هذا جزاتي أنا
في بيت يوسف
كانوا البنات ملتمين حول الجازي تنكت معها وتحرش بالقول
كلن كان فرحان ومستانس والي خلاها تكمل الفرحة دقت الجرس للبيت
علي : منوا
يعقوب : أنا يعقوب أفتح
علي : يعقوب
سكر السماعة وراح للحريم بالصالة
علي : يمه يمه
سارة جالسة والحنايا أتحني رجلها
سارة : ها وش فيك ماتشوفني مغتلقة بهالحنا
علي : امي يعقوب
سارة :وش فيه ولدي
الكل كان يستمع للكلام وخاصةالعنود الي أكرهت أسمه
علي : توه جاي
سارة وهي متلهفة على ولدها : وينه
علي : توني فاتح الباب له
سارة قامت ونست أن فيه حنا برجلها
والكل يذكرها بس هي مع ولدها
قمر : سارة الحنا
سارة سارت لولدها بسرعة
يعقوب كان ماسك عصا يتكا عليها : السلام عليكم
سارة : وعليكم السلام
لمت سارة ولدها
سارة : الحمدلله على السلامة قرت عيني فيك
يعقوب : الحمدلله على كل شي وين البنات وين عماتي
سارة : عيون عماته دقيقة أسنع لك درب
البنات جالسين يتفرجون من الدريشة على الموقف
سارة : يا بنات وياحريم الي تتغطى تتغطى ولدي بيدخل يسلم على أخته وجدته
دخل يعقوب وأول ماشافته الجازي أرتاعت توها بتقوم وامسكتها لينة جلستها
الجازي : هديني أخوي متعور
لينة : هو بيجيك نسيتي الحنا
الجازي توها مستوعبة : ايه
يعقوب : كاني جيتش وش هالحلا وش هالزين ) حب راس أخته ) حتى برلك خليني أشوف
لينة غطت رجل الجازي : عيب عليك
يعقوب وهو يبتسم : أختي مافيها شي
الجازي : تبي تشوفه
يعقوب : أيه
لينة : بصطرك ترا أن شاف شي
عائشة وغادة : أهليين
قام يعقوب وباس أيادي خواته ,,, وهو جالس كذا يدور على وحدة بس مو لاقيها
يعقوب بخاطره : وينها بسرعة لا أحد يشك ,,أيه كاهي أتسولف مع وحدة ثانية ولا معطتني وجه الكبر لله
سلم يعقوب على الباقي وطلع عند الرجال كلن فرح لقدومه
بالمقابل كان عبدالرحمن جالس مع عمر في الخارج
عمر : عبدالرحمن تحرك بسرعة
عبدالرحمن : وش فيك تكلم
عمر : أختي نورة جالها خاطب وأمي أموافقة وكلن أموافق حتى أنت وافقت لييه مع أنك
عبدالرحمن أمعصب : شتقول أنت خبل أنت مين قال أنا أموافق
عمر : أبوي سأل أبوك وانت قلت له ما أبي أحجز
عبدالرحمن يضرب راسه بيده : أنا أحمار أنا غبي حسبي الله علي ليت ألساني أنقص قبل لا أقوله عمر والله موقصدي أختك تدري فيني أبيها وش بسوي وش بسوي بس لا أن مو زي خليل راح أسوي مصيبة لا أنا بتزوجها غصب عن الي ما يرضى أوريك أنا وش بسوي بس مو الليلة بكرا
عدت الليلة على خير والكل فرحان ومستانس الا عبدالرحمن ونورة وعمر
جاء اليوم الثاني يحمل معاه أجمل معاني الفرح والبهجة
سبحان الله فيه ناس يمش لهم الوقت بسرعة وناس ببطيء
الجازي محيوسة مع الكوافيرا
الجازي : عائشة شوفيها وش سوت
عائشة : مش كذا التسريحة الي نبيها كنا طالبن هذي الصورة فهمتي
الكوافيرا: أجل خلينا نبداء من جديد
الجازي : والله أني خايفة ما أخلص بالوقت المحدد
غادة : حبيبتي حتى لو ماخلصتي أنتي قمر 14
والوليد محيوس مع أعيال عمه الي خذوه المزرعة يسبحونه
وليد : شباب أشوي أشوي
عمر : أفا يا أخوي خلنا أنفركك زين