وهذا الجزء السادس عشر بنزله لعيونكم يعني مابقي غير الجزء الاخير
الجزء السادس عشر
ريم افتحت عيونها ببطأ
الدكتور:حمدلله على السلامه
ريم بتعب:انا وين
الدكتور ببتسامه:انتي في المستشفى
ريم:ليه
الدكتور:ارتاحي الحين
ريم ردت غمضت عيونها
خالد متوجه لغرفة ريم بيعرف وش صار معها
خالد ببتسامه:طمني وش صار معها
سيف:لا ابشرك فتحت عيونها وتكلمت
خالد ابتسم وقال:ياربي لك الحمد ومتى بطلونها لغرفتها
سيف:بخليها هناء لساعتين للتأكد بعدين بنقلها
خالد:تعبناك معنا
سيف ببتسامه:ولو هذا واجبنا
خالد دق على زياد وبلغه بالخبر
+++
رنيم ماسكه في يدها باقة ورد كبيره وام ريم معها
ام ريم:يابنت امشي زين لا تطحين
رنيم تضحك:خالتي اخاف انتي الي يطيح
ام ريم:خلي عنك الكلام وامشي تأخرنا
وصلو غرفت ريم وطقو الباب ودخلو
كان سيف مشغول بمتابعة الجهاز الي يقيس ضغط ريم
رنيم ببتسامه:لا اليوم حصان
ريم ابتسمت بتعب
رنيم تطالع في سيف وقالت:هذا وش جايبه عندك ورى مايطس يخلينا ناخذ راحتنا
سيف سفها وكمل شغله
ام ريم:عيب استحي
رنيم:خالتي استحي من هذا والله مايدري انا وش اقول يمكن يحسبني امدح فيه
ريم بتعب:رنيم انطمي
رنيم توجه الكلام لسيف:انت فيه معلوم عربي
سيف ببتسامه:فيه معلوم
رنيم اضحكت وقالت:ماهو هين يعرف عربي
ريم ودها تقوم تذبحها
سيف بعد ماخلص من ريم قال ببتسامه:لا الحمدلله ضغطك تمام
ريم بتعب:مشكور دكتور
سيف طلع من الغرفه ورنيم تطالع فيه
رنيم:يتكلم سعودي
ريم بقهر:لانه سعودي
رنيم افتشلت وقالت:واخزياه سعودي
ريم:عشان مره ثانيه تمسكين لسانك
++++
خالد:اشوفك من طلعت من عند ريم وانت تضحك خير
سيف ببتسامه:بنت مع ام ريم تكلمني على بالها اني اجنبي
خالد ضحك وقال:ماهم متعودين على عيون زرق مع بياض مثلك
سيف يجلس على الكرسي:تتطنز حظرتك
خالد ببتسامه:انا ادري عنها اكيد عميا والا انت شكلك شكل اجنبي
سيف ببتسامه:يمكن
خالد ببتسامه:اكيد بنت خالتها
سيف:بلغت اهلك ان ريم قامت بالسلامه
خالد:قلت لزياد انها صحت من الغيبوبه
سيف:ياخي اخوك هذا غريب احيانا اقول يحب ريم واحيانا اقول مايطيقها
خالد ببتسامه:تدري لو يدري انك دكتور ريم ذبحك وذبحني معك
سيف ببتسامه:الحين هذا جزانا
خالد:هو قالي من المشرف على حالتها قلتله دكتوره
سيف ضحك وقال:وانا اشوفه اذا صادفني طالع من غرفتها بياكلني بنظراته
خالد:لا زين انها جت على نظرات
+++++
زياد طلع من الشركه للمستشفى
زياد يدخل:السلام عليكم
ام ريم:وعليكم السلام
رنيم تطالع زياد بعجاب
زياد قرب من ريم وقال:الحمدلله على السلامه
ريم:...........
ام ريم استغربت من حركة ريم لانهم مايدرون انه مطلقها وان كل الي صار لريم بسببه
ام ريم:الله يسلمك
زياد وهو يطالع في ريم:انا بطلع تامرون بشي
ام ريم:سلامتك
طلع زياد من المستشفى ودق على خالد
خالد:هلا
زياد:وينك انت
خالد:في المستشفى
زياد:متى بتطلع ريم
خالد:بسأل سيف وردلك
زياد:سيف وش دخله
خالد توهق وقال:لانه هو يعرف الدكتوره اكثر مني
زياد براحه:خلاص شوف متى ورد علي
خالد:انشاءالل
+++
هنادي بدى بطنها يبرز وصار يضايقها في لبسها
فهد شافها تحوس في ملابسها وجها مكشر
فهد ببتسامه:ليه التكشيره
هنادي بزعل:مافيه شي البسه
فهد يقرب منها:الحين اوديك السوق تشترين الي تبين
هنادي ببتسامه:الله لا يحرمني منك
فهد يضمها:ولا يحرمني منك
++++
اعطى سيف ريم خروج لان صحتها تحسنت
ام ريم:دامك اليوم بتطلعين بنردللشرقيه
ريم:بروح معكم
ام ريم:وشلون تروحين وزوجك


ريم:زياد ط
قطع كلامها زياد وهويقول:ماجهزتي
ريم بتحدي:ماني راده معطك
زياد مسك اعصابه وقال:ماهو هناء في البيت نتفاهم
ريم تصد لمها:يمه مابيه ماني راده معه
ام ريم:عيب هالكلام هذا زوجك
ريم بقهر:لا ماهو زوجي هو طلقني
ام ريم بصدمه:طلقك
ريم:ايه طلقني
ام ريم توجه الكلام لزياد:صدق انت طلقتها
زياد حقد على ريم يعني لازم تقول لمها
زياد:طلقته طلقه وحده ورجعتها
ام ريم بقهر:ريم ماهي لعبه بيدك ياولد طلال لحد هناء كافي
زياد بهدوء:ريم زوجتي ومالها طلعه الا لبيتها
ريم بتحدي:هذا بعدك وياليت تطلقني بالثلاث
زياد احتار كيف يتصرف معها لو امها ماهي موجوده كان عرف يتصرف بس وجود امها مصعب عليه الوضع
ام ريم:قومي اجمعي اغراضك لان ولد خالتك بيجي الحين
ريم ببتسامه:من عيوني
دخل سيف بعد ماطق الباب وحطت ريم لثمه
سيف توهق لان زياد موجود بس هذا واجبه ولازم يأديه
سيف برتباك:السلام عليكم
الكل:وعليك السلام
سيف يطالع في ريم:تحسين بدوخه او تعب
ريم:لا مااحس بشي
سيف:اذا تحسين بشي قولي لان هذا في صالحك
ريم:صدقني مااحس بشي
زياد طول ماسيف يكلم ريم يغبظ يدينه ويفكها
سيف استأذن وطلع
طلع زياد وراه على طول
زياد بقهر:انت دكتور ريم
سيف ببتسامة:ايه
زياد بقهر:وليه ماقلتي
سيف بجد:بصراحه ماقلتلك لانك بتعصب وبتثور ومنته راضي اني اكون دكتورها المباشر ولاني اكثر واحد فاهم لحالتها خبيت عليك
زياد حاول يبتسم وقال:على العموم مشكور
سيف ابتسم له
++++
ريم جهزت اغراضها كلها بمساعدت رنيم
ام ريم:يالله معاذ تحت
طلعو لمعاذ تحت لكن زياد مسك ريم بيدها وقال بصوت واطي:على وين
ريم:مالك دخل
ام ريم:زياد اترك ريم بلاش فضايح
زياد بهدوء:زوجتي وبتروح معي وين الفضايح
ريم بصوت عالي:ماني زوجتك فكني
زياد بغضب:ريم امشي قدامي وانتي ساكته
معاذ تدخل:زياد اتركها ترتاح عندنا وبعدين تعال اخذها
زياد احترم معاذ وتركها وقال بصوت واطي:مردك لي
ريم ببتسامه:هذا بعدك
زياد تبعهم بالنظر حتى ابتعدو عنه وركب سيارته وتحرك من عند المستشفى
++++
حنين بقهر:انا مدري ليه بيردها ماصدقنا افتكينا منها
هنادي:زوجته ويبيها انت وش دخلك
حنين بعصبيه:اشوفك صافه معها ونسيتي ان اميره بنت خالتك
هنادي:اميره وش دخلها في الموضوع
حنين:نسيتي انها سبب طلاقها
هنادي:لا ماهي السبب لان زياد متزوج ريم او غيرها
حنين وهي تقوم:لا هذي ساحرتكم
+++
فهد يحاول طول الوقت يشغل نفسه يااما في الشركه او مع هنادي مايبي يترك لنفسه فرصه يتذكر ريم
فواز تغيرت معاملته لحنين من بعد طلاق زياد لريم ولان حنين لاهيه في التخطيط لطلاق ريم مانتبهت لتغير فواز
+++++
عبيرببتسامه:خالد تحبني
خالد يمسك يدها:لا مااحبك
عبير تسحب يدها بقوه:طيب فك يدي
خالد مسك يدها بقوه وباسها وقال:انا مااحبك انا اموت فيك
عبير ببتسامه:صدق
خالد بهمس:صدق
عبير تبوسه على خده:وانا امووووووووووووووت فيك
خالد حط يده على قلبه وقال:قلبي قلبي
عبير بدلع:سلامت قلبك
خالد قربها له وقال بحب:انتي بالنسبه لي الهواء الي اتنفسه من غيرك اموت
عبير بحب:بعيد الشر عنك
خالد يضمها لصدر:قربك ينسيني همومي وتعبي
عبير ماردت بالكلام ردت بأفعال تكون ابلغ من الكلام
++++++
زياد من بعد ريم ماراحت عنه مافرقت تفكيره مايدري يحبها والا مجرد تعود
فهد:السلام عليكم
زياد انتبه لفهد:وعليك السلام
فهد بعد ماجلس:الي يشوفك يقول ميت له احد
زياد بعد ماتنهد:تعبت ياخوك تعبت
فهد:كل الي صار فعل يدك ومحد بيحله غيرك
زياد بحيره:كيف احله وانا مدري وش ابي
فهد بجد:ياطلق ريم وريحها وريح نفسك والا ردها
زياد حط راسه بين كفوفه:ليتني اقدر انسى انها سبب طلاقي من اميره
فهد بقهر:انا بفهم متى بتنسى اميره والا بتهدم حياتك عشان حب
زياد رد رفع راسها وقال بجد:تصدق لاقلتلك اني مدري انا احب ريم او اميره احس اني في دوامه
فهد:لانك تحب ريم وتبي تبعد هالحقيقه بحب ماضي انمسح مع الوقت
زياد ببتسامه:تصدق احيانا احس تفهمني اكثر من نفسي
فهد يرد له الابتسامه:من كثر ماني مقابل وجهك
زياد ضحك وقال:قوم اذا ماودك
فهد وهو يقوم:اكيد ماودي اقابل وجهك
زياد ببتسامه:توني ادري انك تكرهني
فهد وهو بيطلع:وش تبي بحبي وعندك من يحبك
زياد ابتسم لفهد وقرر يرجع ريم لحياته من جديد
++++
ريم جتها رساله افتحتها وكانت من زياد
" وحشني صوتك بقوه واحبك داخلي وقلبي صار تحت امرك وانت الي تبيه سوه"
ردت ريم عليه"انا اتعبني تقصيرك معاي "
" تحملتك بمافيه الكفايه
ولا ظني بتحملك ثاني"
زياد قراء الرساله ورد عليها
"ادري جرحتك وشلت بخاطرك مني "
" خسران بعدك وقلبي ضاعت افراحه"
" غلطان ادري وابيك تسامحني"
ريم قرت الرساله ونزلت دموعها غصب عليها تبي تنساه وترتاح من العناء وتبي ترتاح من تجريحه
زياد انتظر وماجاه رساله فدق عليها
ريم شافت رقمه وردت
ريم:..........
زياد بشوق:ريم
ريم بهمس:نعم
زياد تنهت وقال:ارحميني
ريم:ارحمني انت
زياد بهدوء:دخيلك لا تعذبيني
ريم بجفى مصتنع:عذابك بيدك تنهيه
زياد:نهايت عذابي قربك
ريم:وعذابي قربك
زياد بهدوء:محتاجلك
ريم: سامحتك مره ولا بيعيدها ثانيه
زياد:اطلبي أي شي الا بعدك عني
ريم:طلبي واحد ماغيره يكفيني ماجاني
زياد:طلاق انسي انا محتاجك
ريم بسخريه:طلاق انساه انت ماهمك الا نفسك يوم شفت حبيبتك طلقتني يوم ابعدت عنك جيت تبيني
زياد:عطيني فرصه اخيره
ريم:لا فرصه ولا غيره خلاص مابينا انتها من يوم زواجي منك ماشفت منك الا التجريح والاهانه واش ابي بعد
زياد:اوعدك ماعاد اجرحك ولا اهينك
ريم بهدوء:زياد رده ماني راده وياليت تطلقني من غير مشاكل
زياد بقهر:انتي ماعندك غير الطلاق
ريم:انت الي بدى ياما تناسيت جروحك لكن انت ابعتني عنك ولا اهتميت لجروحي وتبيني اليوم اسامحك
زياد:كنت اعمى مااشوف الا حب او وهم او تعود لاميره
ريم بعصبيه:مايهمني انت وش كنت لانك ماعاد تعنيني
زياد مل منها وقال:يكون خير
سكر زياد من ريم الي رمت نفسها على السرير وبكت بمراره على فرقها تحبه وهذا سبب عناها
رنيم بعد مادخلت:دامك تحبينه ليه تعذبين نفسك وتعذبينه
ريم من بين شهقاتها:احبه لكن هو دايم مبعدني عنه ومااخذ الا التجريح والاهانه قوليلي لمتى بتحمل
رنيم تضمها:اذا لك نصيب فيه بترديله واذا مالك الزمن كفيل ينسيك جروحك
ريم بحزن:وحبه من ينسينياه
رنيم:زي ماحبيتيه بتنسيه
ريم:ليتني ماعرفته
++++
حنين تكلم اميره:تدرين ان زياد طلق ريم
اميره ابرود:شي مايهمني
حنين بقهر:وشلون مايهمك وين حبك لزياد والا كان كلام
اميره:كنت احب زياد
حنين:وش الي غيرك
اميره:مافيه شي يبقى على حاله
حنين بقهر:انتي الخسرانه
اميره:عمري ماراح اخسر وعندي عادل وبنته
سكرت حنين من اميره مقهوره لانها اذا انجحت في طلاق ريم ماراح تنجح في طلاق اميره
++++
عبير:ندمان
زياد رفع راسه وطالع في عبيروقال بهدوء:ماينفع الندم
عبير اجلست جنبه وقالت:تحبها
زياد:احبها مااحبها ماعاد ينفع
عبيربهدوء:تحبها
زياد بتفكير:احيانا احبها واحيانا لا
عبير: لو اميره خيرتك بينها وبين ريم تختارمن
زياد:لاشفت اميره احبها اكثر من ريم واذا غابت عني احب ريم اكثر
عبير:هذي انانيه
زياد:على العموم كل شي انتهى مالي نصيب معهم
عبير:بتطلق ريم
زياد وهويقوم:هذا طلبها
+++
ريم جتها رساله من زياد مكتوب فيها
"وش مسوي مع غيري ياروحي انت متهني انا مازلت افكر فيك واموت بحبك وطاريك ولكن هذي اطباعي اخبي الحزن بي ماقول"
ريم قرت الرساله ونزلت بدال الدمعه سيل من الدموع
++++