هذا جزء عشانكم ياحلوين
الجزء الثالث عشر
++++
عبيرفي بيت اهلها وجالسه مع هنادي
عبير بزهق:ملل
هنادي تضحك:من يوم راحت ريم وانتي دايم ملل ملل
عبير بقهر:لان ريم كانت مونستني والحين راحت
هنادي:تصدقين حنين تبيه يطلقها ويرد اميره
عبير بعصبيه:وهي وش دخلها
هنادي:وراك عصبتي
عبيربقهر:مدري ليه عصبت يعني كلام حنين مايخلي الواحد يعصب
هنادي ببتسامه:هذا انتي قلتيها كلام يعني ماهو حقيقه
عبير:يعني انتي ماتعرفين اختك
هنادي:اعرفها وعرف اخوي زياد
عبير بخوف:حنين بتسوي أي شي عشان زياد يطلق ريم
هنادي:لا تخافين اذا زياد يبي ريم محد يجبره يطلقها
زياد ببتسامه:اسمع اسمي
هنادي:غلطان احناء نتكلم في زياد ولد فواز
زياد بسخريه:زياد ولد فواز عنده زوجه اسمها ريم
عبير ببتسامه:شكلك جالس تتسمع فينا
زياد بعد ماجلس جمب هنادي:انت الي كان صوتكم عالي
هنادي وهي قايمه:دقيقه اجيب القهوه
زياد مسكها مع يدها ورد جلسها:لا تجيبين لا قهوه ولا غيره مليت من كثر مشرب
عبير ببتسامه:غريبه اول مره اشوف تضحك من بعد
زياد يقاطعها:لا من بعد ولا من قبل سكري الموضوع
عبير قامة وجلست جمبه ومسكت يده وقالت ببتسامه:المتى تبي تسكره
زياد بقهر:عبير سكري الموضوع
عبير:من غير عصبيه وفكر في حالك والا عاجبك
زياد:عاجبني عندك مانع
عبير:الله يخليك لاتكابر انت تبي ريم فليه ماتردها
زياد بعصبيه:ومن قالك اني ابيها
عبير خافت من عصبيته لكنها لازم تغامر
عبير:نتكلم بصراحه
زياد بقهر:قولي وش عندك
عبير ببتسامه:انت لو ماتحب ريم كان من اول ماطلبت اميره منك الطلاق طلقت ريم لكنك طلقت اميره
حنين بعصبيه:وهذا هو بيطلقها يعني مافرقت
الكل توجه نظره لحنين
عبير بقهر:ومن قالك انه بيطلقها
حنين:انا الي اقوله لانه يبي اميره واميره تبيه
زياد بصوت حاد:ماشاء الله اشوفكن قمتن تقررن عني
حنين وهي تجلس:انا ماقررت عنك لاني ادري انك تحب اميره
هنادي وهي تدخل في الموضوع:لكن من مصلحته ومصلحت اميره انهم يطلقون
زياد بعصبيه:تصدقن انا الغلطان الي جالس معكن
طلع زياد بعد ماتنكت من كلامهن
عبير بقهر:عاجبك الي صار
حنين:اكيد عاجبني
عبيروهي تاخذ عباتها:انا الغلطانه الي جالسه معك
حنين ببتسامه:على راحتك
+++++
بعد مرور خمسه شهور
ريم سجلت في الجامعه مع رنيم وزياد من ذاك اليوم ماعاد اسمعت عنه أي خبر لاهو طلقها ولا ردها وامها دايم تلح عليها تعرف وش صار وفي كل مره تقول سوء تفاهم بس انتي لا تشغلين بالك والا احد عرف بسالفتها الا رنيم اما عبير مازلت على اتصال معها بس عمرها مااسألتها عن زياد ولا عبير تكلمت معها عنه
وحنين كل يوم تدق على اميره تبيها ترد قبل نهاية العده بس اميره ارافضت وقالت اذا كل ماكلمتها بتفتح هالموضوع ياليت ماعاد تدق
هنادي حاياتها مع فهد نفس ماهي صح مافيها مشاكل لكن مافيها دفى الحب الي طول عمرها تحلم فيه
غلا وافقت على ماجد وزاجهم بعد اسبوع
واميره خطبها عادل وافقت لانها بتنسى حياتها مع زياد وزاجهم بعد اسبوعين
دانه حامل في شهرين وفيصل فرح بخبر حملها
زياد على حاله اذا احد جاب له سيرت ريم يسكر الموضوع امه عرضت عليه يتزوج والا يرجع ريم لكنه رفض كل الخيارين وطول وقته في الشركه مايرد الا وقت النوم
فارس خطب بنت عمه خلود وهي ردت بالموافقه
ريم بكسل:ابي انام
رنيم تسحب الغطاء عنها:اقول قومي بنروح للسوق عشان نشتري فساتين لملكة فارس
ريم ترفع راسها بكسل:يوه خليه بعد اذانالعشاء
رنيم ببتسامه:لا الحين بعد الاذان بنروح للمشغل
ريم قامت بكسل وراحت تغسل وجها
رنيم سكرت عليها الغرف واخذت جوال ريم ودورت بين لاسماء لحد مالقت اسم زياد
اكتبت له"طلقني لان ولد خالتي بيخطبني" وارسلتها بعدين امسحتها وردت افتحت الباب
ريم ردت بعد مااغسلت وجها وقالت:اذن المغرب
رنيم ببتسامه:لا باقي خمس دقايق
ريم:اجل بنزل اشوف امي
رنيم وهي قايمه:خذيني معك
زياد كان جالس في المكتب وسمع صوت مسج فأخذ الجوال ولما قرى الرساله فقد اعصابه وقال بعصبيه:يعني بكل وقاحه مرسله لي
فهد وهو داخل:وش فيك صوتك عالي
زياد بقهر:مافيني شي
فهد بعد ماجلس:وشلون مافيك شي وانت صوتك واصل لاخر الممر
زياد وهو قايم:قلتلك مافيني شي
فهد ابتسم وقال:طيب وراك قمت
زياد:بطلع
فهد:وين بتروح
زياد وهو طالع :مدري
++++
حنين لهنادي:احسك منتي سعيده
هنادي ببتسامه:ليه ماني سعيده
حنين:عيونك فيها حزن وطول الوقت فكرك شارد
هنادي:يتهألك
حنين بصرار:لا ما يتهيألي انتي فيك شوي قوليلي يمكن اقدر اساعدك
هنادي تجمعت الدموع في عيونها وقالت:وش تبني اقولك عن حياتي الي كلها مشاكل والا عن فهد الي ماخذني تحدي والا الكلام الي يجرح والا ايش بالبضبط
حنين قامت لها وضمتها لصدرها وقالت:كل هذا في قلبك وساكته
هنادي بكت بمرار
+++
اميره بدت تتجهز لزواجه وكل املها ان عادل ينسيها زياد
عهود:اميره وش رايك في هالفستان
اميره بتردد:حلو بس عاري شوي
عهود:واذا عاري انتي بتلبسينه عند زوجك
اميره بخجل:خلاص باخذه
عهود عمرها 23 سنه متزوجه نواف اخو اميره وهي حلوه ومرحه وحبوبه وهي تصير بنت عم نواف يعني اخت عادل
زياد طلع يلف في شوارع الرياض بعدين قرر يدق على ريم
ريم كانت في السوق سمعت صوت جوالها يدق طلعته من شنطتها شافت اسم زياد قلبها بدى ينبض بقوه
رنيم:ليه ماتردين
ريم تحط جوالها على الصامت:مابي ارد
رنيم عرفت انه زياد
معاذ:ليه واقفات يالله امشن
كملو تسوقهم وريم فكرها مشغول مع زياد ودها تعرف ليه داق
زياد دق اكثر من عشرين مره بس ماردت فأرسل رساله قال فيها"بعد يومين انا عندك وبشوف ولد خالتك الي يبيك"
++++
بعد ماهدت هنادي قالت:حنين الله يخليك مابي احد يعرف بالموضوع


حنين:لاتخافين ماراح اقول لحد بس حالك ماينسكت عليه
هنادي بحزن:وش تبيني اسوي اروح اقول لبوفهد مايقولي انه يحبني والا اقول فهد دايم معصب
حنين بتفكير:لا هذا ولا هذا
هنادي:اجل وش اسوي
حنين بخبث:اقلبي عليه اللعبه
هنادي:أي لعبه
حنين ببتسامه:يعني ياحلوه لا تصيرين سلبيه معه حاربيه بنفس سلاحه
هنادي بحيره:كيف يعني
حنين:يعني اثقلي لا تنامين معه بنفس الغرفه واي شي يبيه تعطينه خله يحس بعدك عنه
هنادي بخوف:اخاف يهاوش
حنين:خليه يهاوش ويعصب بعد وانتي خلك على نفس وضعك اياني وياك تخافين وتعطينه الي يبي
هنادي ببتسامه:منتي هينه ماينلام فواز يوم حبك ان كيدهن عضيم
حنين تدفها بقوه:الحين اساعدك وتقولين عني كذا
+++
ردت ريم ورنيم من السوق ودخلن البيت
ريم ترمي نفسها على الكرسي:واخيرا خلصنا
ام فارس:اهم شي جبتن شي حلو
رنيم ببتسامه:لاتخافين علينا جبنالك احلى شي في السوق
ام فارس:يالله ورينا
رنيم بدت تطلع الاغراض وتوري امها وخالتها الفساتين
اما ريم طلعت جوالها وقرت المسج ونصدمت من كلام زياد الي كاتبه فردت عليه بمسج"يعني وانا بعيده ماارتحت من مشاكلك"
+++
خالد لعبير:ياقلبي والله تعبت وانا ادور معك في السوق
عبير بدلع:يعني تبيني اشتري شي ماهو حلو ويضحكون الناس علي
خالد ببتسامه:انتي أي شي يطلع عليك حلو لاتخافين
عبير تمسكه مع يده:خلاص حبيبي بشوف هالمحل ونطلع
خالد بستسلام:امري لله
++++
زياد اول ماسمع صوت المسج فتحه وقراها فدق على طول
ريم شافت اسمه لان الجوال كان في يدها فستأذنت وطلعت
ريم بهدوء:الو
زياد اخذ دقايق ساكت بعدين قال:تبين الطلاق
ريم:ياليت
زياد بعصبيه:طلاق مافيه بعلقك طول عمرك وخلي ولد خالتك يوريني كيف بيتزوجك
ريم بعصبيه:ولد خالتي وش دخله
زياد بنفس العصبيه:انتي ادرى والا ندمتي انك ارسلتيلي
ريم بستغراب:ارسلتلك وش ارسلتلك
زياد:اقول انا ماني فاضي لك اجلس اشرحلك بس حبيت اقولك طلاق لا تحلمين فيه
ريم بقهر:انا وش سويت لك عشان تسوي كل هذا فيني اذا قصدك على طلاقك من اميره فهذا بسبب ضعفك قدام ابوك
زياد وده انها قدامه عشان يذبحها بيده ماعمر احد استفزه مثل هالبنت
زياد بغضب مكتوم:بكره تكوني جاهزه فاهمه قالها بصوت حاد شوي
ريم تبي تقهره:الا مادريت ان اميره باقي على زواجه اسبوعين
زياد حس الدنيا تدور فيه محد قاله هالخبر اميره تكون حليله لغيره
رمى الجوال على المرتبه الي جنبه بقوه حتى ماسكر الخط
ريم سكرت الجوال وهي راضيه عن المكالمه تمام الرضى
رنيم من وراها:من زياد
ريم:ايه وش دراك
رنيم تصرف:لانك قمتي
ريم:تصدقين يقول اني ابي واحد من عيال خالتي
رنيم:وشلون
ريم:مدري كان معصب ويهاوش
رنيم اضحكت بصوت عالي
ريم:وش فيك
رنيم بعد ماوقفت ضحك:انا ارسلت له رساله من جوالك انك تبين واحد من اخواني
ريم بعصبيه:ومن سمح لك الحين وش بيقول عني
رنيم بمكر:ياحلوه انا ارسلت ابي اعرف شي واحد وعرفته
ريم بقهر:وش الي بتعرفينه
رنيم تجلس:يعني لو انك ماتعنين شي له كان ماعصب ولا ثار وثاني شي ابيه يعرف انك تحبين غيره مثله وابيه يشرب من نفس الكاس الي شربكياه
ريم تجلس جمبها:بس أي رجال زوجته تقوله نفس هالكلام اكيد بيعصب
رنيم ببتسامه:وش بنخسراذا مافادت هاللعبه ماراح تضر
ريم بخوف:الله يستر
ام ريم داخله:يالله بسرعه قومن معاذ برى بيوديكن المشغل
++++
فهد رد من الشركه تعبان لان كل الشغل على راسه
دخل الغرفه ورمى شماغه على الاريكه ورمى نفسه على السرير
هنادي اسمعته يوم دخل فقررت تبدى تنفذ كلام حنين اخذت الغطاء الي ماخذته من بدري من الغرفه ودخلت الغرفه الثانيه وقفلت الباب عليها
فهد اخذ فتره مريح على السرير بعدين قام يشوف هنادي وينها طلع وماشافها على فالصاله ولا في المطبخ
راح للغرفه الثانيه شافها مسكره حرك الباب بيفتحه لكن حصله مقفل
طق الباب لكن محد رد عليه قال بعصبيه:هنادي فكي الباب
هنادي:...................
فهد ضرب الباب بقوه برجله ورد لغرفته وقال"خلها الحين وبكره اتفاهم معها"
زياد تعب من كثر الف في الشوارع ودق على فهد يبي احد يتكلم معه
فهد دق جواله واول ماشاف اسم زياد رد بسرعه
فهد:هلا
زياد:نايم
فهد:لا ليه
زياد:خلاص انا تحت بدل ملابسك وانزل لي
فهد اخذ شماغه في يده ونزل بسرعه
هنادي اسمعت الباب يوم تسكر فعرفت ان فهد طلع
فهد يركب السياره:خير وش فيه
زياد ببتسامه:مافيه شي ليه خايف
فهد بقهر:منزلني اخر لليل وتقولي مافيه شي
زياد يحرك سيارته:محتاج اتكلم مع احد مالقيت غيرك
فهد:وانا فاضي لك ماعندي شغله غيرك
زياد بمراره:اميره بتزوج
فهد ابرود:بالطقاق خلها تزوج
زياد بقهر:لانك ماتعرف اميره وش بالنسبالي
فهد بجد:مابي اعرف هي وش بالنسبالك كل الي ابي اعرفه لمتى وانت مسوي بنفسك كذا
زياد يتنهد:تعبت وانا احاول اغير حالي بس ماني قادر
فهد:لانك انت تبي التعب لنفسك
زياد:قولي وش السوي
فهد بمكر:عادي طلق ريم وتزوج وحده ثانيه وابتدي حياتك معها
زياد يصد ناحيته:اطلق ريم لا
فهد ببتسامه:تدري ليه لانك تحبها
زياد بسخريه:انا احب ريم مستحيل
فهد:لا تحبها
زياد:قول غير هالكلام
فهد:أي تحبها وكل الي انت فيه من القهر لانك عارف انك حبيتها غصب عنك وتبي تثبت لنفسك انك تكرها
زياد:انا مااحبها ولا عمري بحبها
فهد:لا انت حبيتها لو ماحبيتها كان من اول يوم اميره اطلبت فيه الطلاق طلقت ريم لعيونها بس انت فضلت ريم على اميره
زياد يحاول ينكر هالحقيقه لانه مايبيها:اميره ماطلبت هالشي وبعدين انت واختك ماعندكم دليل لحبي غير هالشي
فهد ببتسامه: لانها الحقيقه وانت عارف ان اميره سبب طلاقها هو زواجك
زياد يضرب الدركسون بيده وقال:والله مدري انا وش ابي
فهد:اخذها نصيحه الي يبيعك بيعه واشتري الي شراك
زياد بحيره:الكلام سهل بس الفعل صعب
فهد:لا ماهو صعب انت رد ريم وحاول تتقرب منها وتسمح لها تتقرب منك
زياد:بجرب واشوف وش انا خسران كان عندي امل ان اميره ترجع بس الحين خلاص مافيه امل
فهد ببتسامه:اجل ردني البيت بنام
زياد ضحك وقال:تعبتك معي
فهد ببتسامه:ماعليك انا في الخدمه
وصلو البيت
زياد ببتسامه:يالله تفضل روح نام
فهد ينزل:نبي نسمع اخبار زينه
زياد ابتسم وقال:قول يارب
دخل فهد جناحه وتوجه لغرفته وحط راسه ونام
++++
زياد قرر يروح الشرقيه ويحاول يبتدي حياه جديده مع ريم
ريم تناضر شكلها في المرايه:وش رايك شكلي حلو
رنيم ببتسامه:تهبلين
ريم:مدري احس شعري قصير
رنيم:هو قصير بس حلو عليك
ريم:خايفه امي تزعل لاني قصيته
رنيم تقرب منها وتمسك شعرها على ضهرها:ترى ماهو قصير مره شوفي تحت كتوفك
ريم ببتسامه:تحت كتوفي هاه شوفيه زين
رنيم:والله اطول وحده تحت كتوفك بس انتي تحسينه قصير عشانه مقصص طبقات كثيره
ريم:مدري حتى لونه ماهو عاجبني
رنيم:اقول عن الدلع لونه اختيارك
ريم بقهر:كله من اخوك ازعجنا بسرعه بسرعه
رنيم:ايه حطيها في اخوي وبعدين ترى الخصل هذي تروح بسرعه يعني مؤقته
ريم:مدري احس لو اخترت غير هالعنابي احلى
رنيم:اقول تعالي ننام بكره الملكه والا تبينا نصير تعبنات
+++
زياد وصل الشرقيه ونام في فندق عشان الوقت متأخر