تعال والعمر ، توّه مابعد فاتك !
ولا تشك بغلاك ، ولا نقص قدره

معاك : للحب لذة - ساكنه ذاتك !
وحبيبك لحالك اللي ساكن بصدره

فيك الحياة .. وسعادتها .. بضحكاتك !
وانا اللي اشوفك العالم .. على أسره

لو ينكسر خاطري .. تجبره بسماتك !
ومافيه غيرك قدر أصلا ً ، على جبره

القلب موطنك وضلوعي ممراتك
وسوالفك في مدى الافكار منتشره

حبيبي ، احبّ رسمة بسمة شفاتك !
لحالك اللي ؛- تجيب القلب من نظره

ياللي تغيث التباشير ابتساماتك
تسرقني بصوتك :- اللي فارق النبره

حتى تواصيفك / وحتى تحياتك !
ضحكة عيون الزمان وورده وعطره

ما الوم نفسي / تلبّي كل رغباتك !
والنفس ويّاك دون الناس ، منأسره

محبتك بالضمير .. ان سوت سواتك !
ياجعلها ترزق العاشق .. على أجره

شكراً عليك انت .. لـ وصالك وجيّاتك
لو ان قلبي ، عجز يعبر بـ شكره