منتديات قصايد ليل - عرض مشاركة واحدة - ديوان شعراء قبيلة الشرارات / ديوان الشاعر عبدالله بن صبيح الشراري/ -

10-28-2010

بــــلــــســـــم iiجـــــــروحـــــــي

يا صاح لا تسئل عـن الحـال iiياصـاح
مــادام قـلـبـي مـكـتـوي لا iiتـغـمّـه

ايــام راحــت وفيـنـي الـهـم iiمــاراح
خـيّـم عـلـى قلـبـي وأزرى يضـمّـه

احـاول انسـى وغـايـر الـجـرح ذبّــاح
اضحـك وقلبـي منـزوي فيـه iiهـمّـه

كـل مــا اصــد وافتـكـر هــم iiوانــزاح
جتنـي همـوم ٍ فـوق حـدي مطـمّـه

اسهـر طـوال اللـيـل مـانـي بمـرتـاح
وعينـي لذيـذ النـوم سـاعـه تخـمّـه

بعض البشر في شوفته نقض لجراح
بلسـم جروحـك بطيبتـه iiيستلّـمـه

وبعض البشر لا جاك خايلت الاشباح
يحـط فــوق الـجـرح بالـسـر iiسـمّـه

وبعـض البشـر مابيـن جيـه ومــرواح
ماتفـقـده وطـاريــه مـاجـيـت يـمّــه

ارواح تتشابـه وهــي نـفـس iiالارواح
حتـى فصايـل دمـهـم نـفـس دمــه

وتخالفـو .... بطباعـهـم جــد ومــزاح
منهـم حبيـب وبينـهـم مــن iiتـذمّـه

وانـا فقـدت اللـي بعـد وقفتـه iiطــاح
اصـبـر واحــاول مـيـر مافـيـه iiهِـمّـه

لا مــن ذكـرتـه اذكــر العـطـر فـــواح
اشــم ريــح العاطـفـه واستـشـمّـه

اشـوف زولـه كــل مـاغـاب لــي لاح
كـنـي اشـوفـه حــي يـلـوّح iiبكـمّـه

اشـوف نفسـي مـا تهنّـت iiبـالافـراح
كـن الحـزن فينـي عـطـوه iiالمَهـمّـه

لا تسئل عـن الحـال ارجـوك iiياصـاح
لا تنقـض جـروحـي وقلـبـي iiتغـمّـه