وقام يراقب كيف تحركاتها وكيف قاتمت تحاول تشق ملابسها ومسكها علي والغيره تاكله اكل وخايف عليها في نفس الوقت ومسكها يوسف والمطوع حاول يغض البصر وقال: اسمع اسمع يلي فيها اهدا ولا تكسر لها ظهر ولا تقتلها ولا تيننها( لا تخليها مجنونه) اذا تباني اهدا من قراية القران تعطيني ووعد
هدات ايمان وقال اللي فيها: ووعد شوو !! انا اسمي الجني العاشق رغم ان السحر مرشوش لضرر لكني ماضريتها انا حبيتها وعشقتها وما راح اخليها بسهوله وجه كلامه ليوسف اختك عمرها ما اشتكت من شي ولا بان عليهاا الا من تقدم لها هذا وهو ياشر على علي هنيه عرفتوا ليش هي ترفض الرجال وليش ترفض قربهم وطاري الزواج رغم انك خليتها توافق وهي مب مقتنعه ولا راضيه المهم اني ماقدر اطلع منها
تكلم المطوع وقال: عطيتك الأمان انك ما تضرها ولا احرق بايات الله لين تطلع ..
اللي فيها رد: وعدتك اني ما اطلع ولكني ما اضرها
رد المطوع بهدوء وقال: خلها تعيش حياتها مع زوجها كاي انثني متزوجين هذا شرطي ولا تراني بحرقكك بايات القران وبطلعك منها
ورد اللي فيهاًوقال: اوك اوعدك بس ما يبعدها عني
هز راسه المطوع وقال: طيب انحن نباك تطلع منها ولك اللي يرضيك
رد عليهم: اول طلعوا السحر المرشوش بعدين بطلع انا ما اقدر اطلع الا اذا انفك السحر عنها ولا خروجي منها من دون ماتلقون السحر بيضرها وبتموت لاني مرتبط فيها لاخر العمر
علي بعصبيه وهو يعدل ياقة ثوبه: حسبي الله عليك انته وسحرك واللي مسونه انته شو تبا منا ظهر خلنا نعيش حياتنا
ود عليه بعصبيه: اسكت انا ماحبك ولا ادانيك وهي احساسها من احساسي لاتخليني اقنلها قدام عينك وانته تشوف
طالعه يوسف بعتاب ورد المطوع وقال: كيف نلقى السحر المرشوش تراه اسمه مرشوش يعني نرش وخلص وضرر طلع من نصيبها
رد عليهم: انا قلت لكم ان الحرمه اللي مسوتنه تبا تضر زوجة هذا واشر على يوسف ولكن ماقدرت تضرها لان ايمان هي خطفت على السحر وهي اللي استضرت قاطعه يوسف وقال: من كان مسوي سحر لمرتي ولخواتي
اللي فيها قال: زوجتك الأولى هي سوت السحر ورشته على بيتكم بنفس اليوم اللي حرقت فيه بيتكم كانت راشتنه قدام قسمكم وراشتنه قدام المدخل الرئيسي للصاله وكان النصيب الأكبر لايمان لانها راحت فوق انقذت بنتك واضطرت تخطف من قدام قسمك ولما نزلت هي اللي داست على الباب الرئيسي رغم ان هذا كان مطلعنها وهو ياشر على علي وكمل كلامه فكان السخر من نصيب اختك اكثر اما زوجتك وخواتك الثانيين ما انضروا
يوسف تنهد بضيق وعلي قال بقهر وحرقة يوف: يعل الله ما يرحمها الخايسه اللي سايره في درب الحرام انزين اطلع ولك اللي تباه بس لا تضرها
رد بهدوء: اطلع منها بس بشرط
علي بفرحه : اطلب تم
اللي فيها قال: تموت ورايه
عليً بغصه قال: الله ينطبك وينطب هالحاله سمعني لا تقتلها انا مب مستغني عنها ولف ليوسف بهدوء وبهمس قال بنسير البيت وبنبطل السحر المرشوش وعقب بشوف شو بنسوي وياه لازم شل المطوع ونرش كل الأماكن هز راسه يوسف بصمت
اما المطوع قال: نعطيك وعد ما نضرك وانته عطنا وعد ما تضرنا ولا تضرها
رد بهدوء : اوعدك ما اضرها ولا اخليها تنفعل عليه وطاحت مغمي عليها وقرا عليها المطوع قران وسكت خاف ان يرجع لها ويبهدلها لف عليهم وقال: الموضوع مب سهل يباله مداومه على القراءه بكثره واستمراريه ونحن بنسير البيت المحترق وبنحاول نرش كل دوسات والمخارج بحيث يكون تاثيره عليها خفيف مو قوي الحين هو مستقوي علينا لانه مفعوله يديد ًقوي لازم نتحرك في الأيام اليايه لو الموضوع يطول مب مشكله المهم نخلصها من هالسحر ،، هزوا راسهم بهدوء وضيق وبعد ساعه فتحت عينها وهي طالع المكان وتطالعهم انحرجت يوم شافتهم وقامت وهي تعدل لبسها بهدوء وقالت باحراج: ليش شكلي جي كاني ظاهره من حرب وليش احس قوايه منهاره ومافيني حيل انا شو صار لي ضاربت مع حد ولا طالعه من مصارعه وليش لبسي مبهدل انا فيني شي !!
قام يوسف وحضنها وقال: انتي بخير
هزت راسها باحراج وقالت: سامحوني اكيد شفتوني وانا متبهدله بس ماعرف شو اللي صارلي
يوسف بهدوء: ما صار الا الخير حبيبتي يلا قومي نطلع
وطلعت وطلعوا وراها وركبوا سياره وعلي فضل يوديها شقة مكتوم ويقعد هناك عندها لان الشيخ موصنهم يواضبون عالرقيه والبقره وفي نفس الوقت لازم يعرفون وين سحر المرشوش وعلى أي باب عشان يتخلصون من هالسحر كليا ..
وصلوا شقة مكتوم ونزلوا وقعد وياها هو وويوسف …
:
اما عند مكتوم ولطيفه اللي مروا شهرين على حمالها وشاف كيف وحامها ومتعبنها توه كان داخل الصاله وشاف عوض وحرمته سلم وقعد وسال: وين امي وابويه ولطوف
ضحك عوض اللي محاوط كتوف ريمان ومقربنها له: ساروا العزبه
مكتوم هز راسه وبعدين استوعب قال: شوووو ساروا ولطيفه وياهم!!
ضحك عوض عليه وقال: هيه ابويه شالنها وياه يقول يباها تسير
قاطعه مكتوم وهو يطلع برى ويصفق الباب وراه وصل سيارته وهو بقمة العصبيه من لطيفه وتهورها كيف تروح العزبه والطريق مب سيده ولا مريح وكله رمل وعراقيب اتصل بابوه اللي رد: هلا مكتوم
مكتوم بعصبيه: ابويه ليش شليت لطيفه العزبه تراها ماتروم على الحركة ومب زين لها تمسك درب كله رمول وحصى
قاطعه ابوه باستغراب: بسم الله على عقلك الغالي شو مستوي بك لطيفه في البييت
مكتوم انصدم ووقف السياره بعصبيه وقال: شووو في ذمتك عوض يقول انها وياك..
ضحك بو عوض وقال: يبا يرفع ضغطك ما تشوفه انته ناشب لحرمته في كل مكان حليلها ماتروم تتنفس .
رجع مكتوم سيارته لين البيت ووقف في الكراج وبضحك يخفي فيه قهره من عوض: خله يتهنى يابويه ونزل من سياره وهويتنهد سكر من ابوه من بعد ما سمع ضحكة ابوه عليه نزل وتوجهه لصاله وشاف ريمان تضحك وعوض يحرك حوايبه قرب منه مكتوم بغيظ ولطمه على كتفه وقال بقهر وهو يطالع حرمة عوض: انتي كيف متحمله ريلج تبيني اقتله لج..
نطت ريمان على عوض وهي تسحبه من كتوفه صوبها: لا بسم الله عليه تباني اترمل وباست خده
مكتوم يضحك وقال: اذا هو ياهل انتي ايهل عنه وراح عنهم
وعوض لف عليها وباس خدها: فديت عينج
انحرجت من نظراته وابعدت عنه وهو طوقها بيديه وقال وهو يوقف ويشلها بين ايديه: يقولج غاية المتمني تقنيد راسه وغمز لها ضحكت باحراج من فهمت قصده..
:
اما عند لطوف كانت تأخذ حبوب الفيتامينات وتشرب ماي لفت على صوت الباب وشافت خطواته المتوجهه لها وشلها بين ايدين وهو يحضننها بقووو ويدور فيها وقال: فينننني شوووووووققققققق لو يوزوعونه على الامارات كلها سدهم وزوود
ضحكت بحيا وهي تقول: نزلني حبيبي والله تعبانه توني ماكله ادويتي وحاسة بدوخه ..
مكتوم بطرف عينه: عاد أقول لا يتغلى علينا ولد امه ويلعب فيج وفي نفسيتج شدها لحضنه زود وضرب فكها في كتفه وقالت بالم: اخ يادفش عورت فكي بعد عنها شوي بس لازال لاصق فيها وقال وهو يرفع فكها بيده ويبوسه استحت وهي تقول: مكتوم
عضها على فكها وصرخت بالم زاد عضته ويت تبا تدفره من صدره حاوطها اكثر وثبت ايدينها وقال: انا منوووو!!!
قالت بالم وغياض: مكتوموووه
زاد عضته والمها اكثر وقال: براويج شو بيسوي هالمكتوم…
ضحكت عليه من حست ان شلها ويدور فيها لين قالت:: عمرررري خلاص ياررح لطووف والله تعبت.
نزلها وباسها بكل قوته ارتطم ظهرها في اليدار وقالت بتالم: ظهري والله شكله الحمل هذا ما بيتم مادامك دفش الغالي
عض طرف شفتها بكل قوته وبكت من الألم وما بعد عنها لين صار طعم الدم بشفاته ضحك وقال وهو يبعد: ويحلات ريجج ما دام انه صار فيه سكر زياده وغمز لها وخذا الفوطه وسار الحمام
مسحت دموعها من الألم وهي تضحك على خبال ريلها والله مالومهم يوم يقولون انك زير نسوان سمعت دق باب صاله وطلعت تشوف منو فتحت الباب وشافت فطوم وصباح وحمده ومريوم وبنتها دخل عندها وسلمن عليها وقالت لطوف: والله يا مرحبا بلي ياييني وشلت بنت مريوومً وهي تبووسها وقالت للمريوم وهي تتوجهه تقعد عندهم عالكنب: واي اعشق بنتجج
ضحكت مريوم وقالت: الله يخليج خلي بنتي في حالها لا يتفرس فيها ريلج اعشقيه هو وبسس ترا بروحه يغار عليج من الهوى
حمده بقصد قالت: هيه حتى فكها ما سلم وضحكت باحراج
اما صباح قالت وهي تضحك : حمده يووزي عن البنت تراج تحرجينها
مريم قالت : بتخبرج انتي الله دوم عاقنج في حلج حمده الله يعينج
ضحكت بإحراج وهي ناسيه البوسه والعظه وقالت في خاطرها يارب ما يكون شي من اثار في رقبتيه وخدي يارب ما شافوهن وجاوبت باحراج: هيه والله انا دوم الله مطيحني في لسان حمدوه شو يفكني الحين عساس عمر مقصر معاها وقالت بنذاله: طالعي صدرها وبتعرفين
لفوا الجميع على حمده اللي نست ترفع حلج الكندوره واتبهوا ع صدرها من طاحت الشيله وبانت رقبتها وصدرها انحرجت حمده واستوى ويهها طماطه وقالت باحراج: جب جب
مكتوم اللي ياي قال: ها انحرجتي اشوفج ! تستاهلين الله فوق!! دومج طايحه في خشير الروح مادري شتبينها وقرب منهن وسلم عليهن وحضنهن بعد عنهن وقرب من حبه وشلها وقعدها في حضنه ولف عليهم وقال: انزين بلعتي لسانج بنت سعيد
لطوف انحرجت من جراءتها وحمدوه سكتت باحراج كيف نستهن!!
لطوف ميلت راسها على صدر مكتوم وهو مطوقنها بيديه وقال لهم: شبلاكم تضحكون.
صباح وهي ميته ضحك : الصراحه ول مره اشوف حمدوه مستحيه
باس خد لطيفه وبهمس محد يسمعه غيرها: دومهن يخربن عليه مب ساد ان دكتورتج قالت لا تقربها شهر انتي ودلع حمالج ين خواتي وكملن عليه لكن والله ما اخليج اليوم ولهان ضمها لصدره اكثر ورفع راسه وقال: حمدلله يوم عررفت اختج المستحى لعب بشعر لطيفه الطويل ولاحظ تورد وجنتيها وشاف منوله بنت مريوم يايه صوبهم شلها وباسها وقالت مريوم: ها مكتوم شو شعورك وانته بتصير أبو..
مكتوم بفرحه: والله اني فرحان وعاد امه لطيفه حظي والله بس مستوي غلس يدلع علينا وحارمني من ذوقها!
صباح حمر وييها واستحت وقالت: ياويه استح شوي طور من الفاظك.
مكتوم ضحك وقال: اكثر عن جي مافي تطور شو أقول يعني وضحكك يوم شاف صباح كيف محمره وقالت مريوم: قول قربها وايد ارحم من المعنى العميق
ضحك مكتوم وقال: حمدددوه لا تسكتين شكلج غلط وانتي مسويه عمرج مستحيه وبالعه لسانج
حمده قامت وهي تضحك وقالت: جب اروح لامايه وابويه وايد ابرك وطلعت
مريوم وصباح ضحكن اما فطوم كانت تراسل محمد على الواتس وهو مطنشنها وهذا اللي قاهرنها طلعت من المحادثه وهي تهز ريلها بتوتر
شافت سوير متصله وكلمتها : الحمار اون لاين ومايرد عليه
سفهتها ساره وهاشيء قهرها زوود وقالت من دون ادراك : عساكم ما تردون لفوا عليها الجميع ًوانتبهت على نظراتهم وخصوصا نظرات خالها مكتوم رافع حايبه ويطالعها بعصبيه قالت بربكه: مايرد اقصد ماترد ساره الزفته ..
بحده جاوبها: ادري تقصدينه من صبح تطرشين له مسجات وشكله ساحب عليج وتوترج مب عشان ساره عشان هو بس لاننسين انتي شو سويتي فيه انتي اللي عطيه فرصه يستوعب اللي سويتيه فيه كان بيروح من بين أيدينا بشربة ماي بس الحمدلله ،، سترها الله علينا وبتروح خالتيه وراه تراه ولدها وحيدها وشاح بنظرها عنها يوم لمح لمعة عينها مب قصده يشد عليها بس يباها ترسي على بر والريال مب لعبه عندها..
نطقت صباح بتنهيده: اه ياخويه جانها بتفهم زين..
مكتوم اللي لمح خد صباح من صدت على بنتها بس ما حب يحرجها قال بترقيعه: صباح عدلي شيلتج
صباح عدلت شيلتها وهي مب عارفه شو الموضوع وقالت لبنتها وهي صاده عليها : يعني فديتج محمد شارنج وانتي قاطعها مكتوم عشان ما تصيح فطوم وقال: خلاص يا حرمه شفيج بتعقل فطوم عاقله وبتعقل وبنتج كلن يتمناها وغمز لصباح اللي فهمت عليه وقال بغياض: شكل رياييل خواتي وايد متعطشين اخس عني
ضحكت صباح ولفت على مريم بس شافت شيلتها على رقبتها يعني مب باين منها شي قالت: حويذق مريوم تعرف تصرف نفسها ،، مريوم اللي شافت خد صباح ضحكت وقالت: الكلام لج يا جاره مب لي وضحكوا هي ومكتوم وقالت مريوم: صراحه لو يلست ويا مكتوم انا ادري عقب اني باكلها اطلع باحترامي وايد احسن
نطقت لطوف اللي قالت: هو قاصد يحرجكن عشان تفضن الجو حق الزير سالم بس لاتعطونه مجال
شردت مريم وهي تقول: برقد عياالي أولى من ريلج اللي بيخليني اقرض الناس واطيح فيهم وعقب الله يبليني ما دام الله ساتر عليه اكمل على نفسي واسكت وايد احسن…
لف على صباح اللي قالت: والله ما يتامن حد من شرك انفذ بجلدي وايد احسن روح بالله اروي عطشك بدال ما انته قاعد تخززنا بعيونك وتشوفنا!
مكتوم يضحك بصوت عالي : ههههههههههههه شلي بنتج وراج علميها عطيها دروس وطالع فطوم اللي طلعت وضحك بخبث وطالع لطيفه اللي تطالعه بعين وعين مغمضتنها وقالت بحب: انته حبك سوى فيني بلاوي وطوقته بيديها،، شلها بين ايديه وهويبوس فيها لين وصل الغرفه سكر باب الغرفه بريله وراح لسرير سدحها على سرير وباس شفتها بعمق : يعني حمالج هذا تحسبينه بيكون عايق ينقع كلام دكتوره وكلام الناس ارضي نفسي وايد احسن ..
ضحكت بخجل وهي تقول بحب: اكيد فديتك من حقك عيونيمكتوم بذوبان: زيديها عليه بعد تراني بحلف
لطوف بسرعه: لا دخيلك والله ما تحلف حلفانك وايد ومايوقف ماشاء الله خلاص يابويه انا اعطيك الضوء الأخضر مرحبا بك باي وقت واخسي اقولك لا !
ضحك بحب وباس رقبتها ….
:
عند يوسف وعلي بعد مارقدت ايمان قام يوسف بيطلع عنهم ولف على علي قبل لا يطلع من الباب وقال: اختي ما بوصيك عليها يا علي وانا بروح ويا المطوع باجر وبنرش في البيت كامل
علي : انته هدمت البيت صح
يوسف ماعليه خيره حتى لو هدمته المطوع بي بيرش في كل البيت عاد الحين مالنا حيله ردينا نشطب فيه من اول ويديد ماندري ان فيها سحر وان السحر في البيت بنشوف لعله يرش كل المداخل والمخارج وان شاء الله خير ،، انته بس حط بالك عليها..
علي ابتسم غصب: توصيني على روحي يا يوسف ..
يوسف ربت على كتفه وقال: شده وبتزول يا الغالي
علي: امين وبتنهيده متعبه الحمدلله على قضى رب العالمين ..
يوسف : تصبح على خير وماوصيك تكفى تطمني عليها
علي بهدوء: حاضرين من عيوني ..
طلع من عنده وسكر علي الباب ورد داخل شافها متعمقه في نوم دخل الحمام تسبح وتلبس وطلع وصلى العشا وقعد يدعي ربه بعدها طلع للصاله ووشغل سورة البقره وطول عليها دخل الغرفة وسكر الباب قرب منها وحضنها من حس ان جسمها كله ماي نتيجة العرق باس يبهتها وخدها وهو يدعي لها ويتامل وييها كيف تعبان وصار اصفر وشاحب وعيونها كيف تعبانه والسواد كاسنها باس راسها وهو يتمتم بايات قرانيه على راسها فتحت عينها فجاه وقالت: لا تقرا
خاف علي من فتحت عينها وقال بقهر: انت ما قلت ما بتضرها ولا تلعب ويانا
نطقت بهدوء: انته شو تقول ! ليش تكلمني بصيغة ريال!
بلع ريقه وقال بحده: لا تحاول تسوي نفسك ايمان انا عارف انك بتنقض وعدك وعارف انك جذاب من متى الين( الجن)،والدجله يصدقون . بحده ردت وهي ترفع رقبتها له: انا مينونه يعني !!
نطق علي وهو يقول: عبالك بتخوفني ترا والله ماهزيت شعره
مني خوفي على ايمان اكثر منك ليتك تموت ونفتك
ضحكت بخبث وقالت: انته صاحي منو اللي يموت !!
قال بغلاسه: انته !! وبعدين وياك سندرت ( عورت)،روسسنا تراك واشغلتنا الله يشغلك في نفسك انته حق شو ترد لها ما قلت ما بتضرها
نطقت بقهر: وانتوا ماوعدتوني
علي : ما وعدناك بشيء غير ان نحن ما نضرك
نطقت بحده: والحين يوم تقرا عليها ماضريتني يعني تخالف وعدك اخالف ووعدي واقتلها بين عيونك
علي بقهر: والله تخسيي تلمس شعره منها
ضحكت بقهر وقالت: ترا والله اقدر اخليها تصارخ طول اللي ووتعب نفسيتها وتلقاها قدامك تربع وتشق ثيابها واخليها مينونه لك مب صاحيه.
علي استغفرالله في داخله لازم يهدا لازم ما يجادله ولا بتروح من بين ايديه قال بهدوء: خلاص ما بقرى ابعد عنها خلني اكلمها واجحل عيوني بشوفتها..
انتبه على ثقل راسها وعرف ان اغمى عليها باس راسها بحب وهدووء..
بعد ربع ساعه غفى عليها وهو ما زال حاضننها ومقربنها له فتحت عينها بهدوء وهي تحس بصداع ملازمنها وقالت بهدوء: علي !
علي مارد عليها غمضت بتعب وهي تحس ايدها ثقيله لفت عليه بتعب وقالت: علي ! وطبطبت على خده وهي تناديه انتبه عليها بتعب وقال: لبيه عمري فيج شي
ردت عليه وهي تبتسم: لا بس احس اني تعبانه ليش احس كاني مجاهده او طالعه من حرب
باس جبينها وقال: عادي حبيبي ان شاء الله بيخوز عادي لا تحاتين شويت تعب متكسره من سياره ودربها
ابتسمت بخجل وبعدت عنه وهي تقول: علي اسفه انا وايد كنت منضايقه الفتره هذي وخصوصا من
حط صبعه على شفاتها وقال ببتسامه: لا تعتذرين عادي اعتبريني مماسمعت شي ولا شفت شي..
ايمان بضيق: امانة الله عليك تقولي الصدق وشو فيني
تنهد بضيق وقال بتعب: انزين بقولج بس تسمعيني لين الأخير عشان انتي لازم تساعديني
ايمان بخوف : قول
نطق بضيق وقال: انتي متضرره شوي من يوم انحرق بيتكم انتي دستي على سحر كان مسواي لشما ولكم بانكم تكرهون رياييل وكان من نصيبج الأكبر انتي لانج انتي دستيه عليه وتقريبا السحر يعتبر يديد يعني قوي عليج من تيج حالة الضيق او شي خبريني واللي فيج عاشق يعني سمعيني زين هو اللي يلعب بج ويضيق بج ويخليج تفقدين اعصابج ان شاء الله ان نحن نروم عليه من بعد الله سبحان وتعالى ونحرقه بالقران بس الخوف منه انه يلعب فيج قوي عمرج عشاني تكفين ايمان
ميلت راسها على صدره بخوف وقالت: يعني بموت !!
علي شد عليها بزوود: لا، ان شاء الله بسم الله عليج ربي يحفظج فديت قلبج ياروح الروح ..
شدت عليه وتشبثت فيه اكثر وغمضت عيونها بخوف وقالت: خااايفه والله ..
لمها اكثر وقال: ودي اقرى عليج بس واعدينه مانضره
حطت راسها على صدره وبكت بصمت من الخوف ومن الإحساس اللي تحسسه وقالت بهمس صاحبها شهقه: لا تخليني تكفىىى
شدها لحضنه زووود وقال : والله ما بخليج يا روح روحي ومعاليق قلبي انتي .
بكت من حنانه ولمته اكثر وهي تشاهق وتحس روحها بتطلع شد عليها اكثر قالت بضيق: علي تعبااااننه والله احسسس اح احسسس اننن وثقل راسها ومن حس انها بدت تغيب قام يقرا عليها بسرعه بصوت عالي لين حس انها هدت وردت بهدوء: تكفى طلبتك لا تخليني احس بموت من الخوف دقات قلبي وايد متسارعه قرى عليها وقال ايمان حبي لازم تساعديني ان حسيتي بشي قولي لي عشان ماخليه يتحكم فيج ..
هزت راسها وزاد تنفسها وحطت راسها على صدره اكثر ودفنت نفسها اكثر كانها ودها تحس بحنانها وامان صدره يوم يكون لك حضن الحبيب امان كانه لك وطن والوطن امن وامان للمحب والمقيم والزائر وراعي الدار اللي رابي فيها … حب راسها وقعد يلعب بشعرها…
:
عند محمد كان يالس ويا امه ويسولف وياها ويشوف فطوم حارقه الواتس بمسجاتها ومتعمد يراويها ان اون لاين وهو أصلا فاتح على قائمه الواتس ويقراء محادثاتها من برى ويشوفها كيف متنرفزه وخصوصا يوم كتبت له اون لاين وماتشوف محادثتي مع منو لاهي منو اللي شاغلتنك عني كان يضحك على كلامها حس انها متنرفزها نرفزها اكثر يوم طلع من الواتس هنيه انقهرت اكثر كانه يعني طنش محادثتها وهو في الأصل قرا المحادثه كلها من برى وعقب وجه انصاته لامه اللي من صبح قاعده تكلمه ولا يدري هي شو كانت تقول بعدين قالت: شبلاك انته ساهي
ردد عليها: بشو الغاليه ماركزت كنت اشوف واحد من شركة مطرش لي مسج يتحمد لي بسلامه
قاطعته امه: فكنا انته وربعك الحين قولي انته موافق ع اللي قلته لك
مايعرف أصلا هي شو قالت شو يرد عليهاً جان يقول بسرعه: هيه عادي زين كلامج
طالعته امه : شو اللي عادي انته أصلا عقلك مب ويايه اللي ماخذ عقلك كمل محمد عنها وهو يتنهد يتهنىااااااابه جعلني قبلهم بس
فرته بغرشة الماي وقالت: اهبييييي بسم الله عليك انته بتينني والله وربي العالي في سماه يا حمود تعيد هالكلام ثاني مره م يحصل طيب عنبوه تبا تحرن قلبي عليك.
قام من مكانه وباس راس امه وقال بضيق: اهبي والله وانتي ماتهبين الغاليه ربي يسعدج ويسر امورج يا القلب الحنون جعلني ما فقدتج يا غناتي ولا ابكيج ..
ردت امه بضيق: ولا افقدك يا غناتي
دفن راسها في صدرها وحضنها وقام يحب فخوذها وايديها يبا يحس بحضنها ودفاه يبا قلبه اللي يعرف حب امه له عن مل البشر حب الام ما يجازيه حد ولا يساويه مهما سووا ووفعلوا تراهم يحبونا ويخافون علينا بس اللي يختلف هو الأسلوب فقط ولا كلهم نفس المغزا ونفس القصد ونففس الخوف علينا …
:
اما عند شما وبناتها تشوف كيف بناتها وياسر محاوطين يوسف من كل مكان ويحضنونه بحب ويبوسىنه بقوى وتشوفه كيف سرحان حتى اخوه اللي منسدح وحاط ذقنه على كتف يوسف ومدد ريوله على الكنبه وعيونه معانقه التلفزيون ( نفس الصوره اللي في البوست) ،، وشافته رايح بعيد تنهدت بضيق ودها تعرف شو فيه ولكنها ماتقدر منبه عليها من اول مايأ ما تسال عن شي انتبهه على رنة تلفونه ورد بسرعه: هلااا والله بها الصوت
ايمان بخنقه وضيق: هلا فديتك شحالك
يوسف قام من مكانه بسرعه ودخل اقرب غرفه وقفل اللباب وقال بهمس ما يبا شما تسمعه: بخير يعلني افداج انتي بشريني عنج شو صحتج الحين ربج بخير ..
ايمان: خايفه شوي ومدت النظر وطالعت علي بعيونها ومسكت يده واردفت بس علي والله مب مقصر فيني شالني على كفوف راحه بس طلبتك شل المطوع وخله يعرف السحر وين انا تعبانه ياخوي
يوسف ماحس بنفسه من طلعت منه تنهيده وقال بشبه صوت عال: ليت التعب فيني ولا فيج ي روح يوسف انتي ( في هالوقت شما انصدمت من اللي تسمعه كانت يايه دق الباب عليه عشان تقوله العشا جاهز تعال بس انصدمت من اللي تسمعه وتحرككة الغيره فيها وخنقتها العبره معقوله سر تغيره مره ( حرمه)ثانيه داخله حياته بعدت عن الباب بهدوء لتفتت لياسر اللي تعلق بريولها نزلت بحب وهي تشله وتبوس خده ونزلت منها دمعه وابعدت عن الباب وقالت بحب وهي تبتسم بين دموعها اللي او مره تنزل من عرست وقالت بحب : يلا نجهز العشا نفس كل مره ..
هز راسه وهو متضايق اول مره يشوف شما تبكي مسح دمعتها وباس عينها
مطر بعد انصدم وايد من شاف دموع شما وكيف تحاول تخفيهن ببتسامتها رن تلفون شما وكان احمد ردت بعد ما عدلت صوتها وبانت بحتها: مرحبا يا بوشهاب ..
احمد اللي ميز صوتها: الله يرحبج على فضله شحالج يا ام اشىواق ربج بخير .
ابتسمت وهي تحاول تسيطر على دموعها: بخير يعلك الخير انته شحالك وشحال ساره ربكم بخير..
احمد ببتسامه: كلنا بخير ونعمه الحمدلله فديتج يسرج الحال ،، الا ما قلتي لي شو بلاه صوتج صاير بينج وبين يوسف شي ..
كتمت عبرتها باشد ماعندها ونطقت بمحاوله انها تكون عاديه: لا حشى والله فديته مايظهر منه الا كل خير وانته تعرفه اكثر عني .ياغير جني زجمت وانا مب حاسه بعمري .
وازفرت بثقل بعد ما قال احمد: اشوى خوفتيني عاد كله ولا ماتي مارضى عليج يا ام شوق والله لوقف وياج وقفت المحزم وقت الشدايد افا عليج بس انتي ي بنت حمد..
ابتسمت من طرى ابوها وحست بالفخر وبين ابتسامتها قالت: ماعليك زوود والله يا بوشهاب ..
احمد: وين يوسف اتصل به مايرد.
نطقت بنبره عاديه لكن فيها ضيق وغبنه: هيه عنده مكالمه مهمه وفي خاطرها قالت( اكيد ما بيرد عليك وهو لهفته عليها لهفة انسان ملتقي بروحه الكسره اللي حستها بهالوقت ماقد حستها من قبل ) انتبهت على صوته وهو يقول: شكلج سرحتي فيه من طريناه ما سمعت لج صوت..
ضحكت بخجل وهي تقول: يا بن الحلال اجهز له عشاه وانته متفيق روح عند ساره ابرك لك ..
سكر عنها وهو يضحك..،، جهزت له عشاه ورتبته وشافته طالع والابتسامه ما تفارقه تضايقت منه بس ماحبت تبين سمعت صوته اللي قال: الله الله شو هاالعشا اللي يفتح النفس
ابتسسمت ببرود عكس كل مره وقالت: بالعافية لفت على ياسر ومطر وقالت: يلا حبايبي تعالوا نتعشا قربوا منها وقعد ياسر في حضنها وشوق واشواق على الكرسي اللي عدالها ومطر قرب وقعد عدالهم وسوى نفس شما اللي تتأكل ياسر اخوه وما تاكل قام يسوي نفسها ياكل شىق واشواق ومل شوي يتنهد بضيق اول مره يشوف دموعها لفت عليه شما اللي لاحظت تنهيداته وقالت بهمس: شفيك حبيبي شي يعورك
طالعها وعقب شاح بنظره عنها وقال بهدوء عكس عواصف قلبه: لا بس عندي امتحان باجر واحاتيه
شما ييتسامه: فديتك ما ينخاف عليك يا الغالي شاطر وانته قدها
بوسف اللي يسمع حوارهم ومبتسم خصوصا من عرف ان ايمان عرفت اللي فيها وقاعده تحاول تتجاوب ويا العلاج وهاشيء يريحه وايد ابتسم وقال: افا بوغيث ماحيد تحاتي امتحاناتك اللي عرفته انك وايد مجتهد ودرجاتك تبين هاشيء
طنشه مطر ورد شما وهي تقول ببتسامه: هيه بسم الله عليه فديته مازال مجتهد ودرجاته عاليه
طالعها مطر بنص عين كيف تبتسم ولا كانها مهتمه للكلام اللي سمعته قالت شما: مطررحبيبي كل اكلك ما صكيته تراك ..
ببرود جاوبها: يوم تاكلين باكل ..
يوسف اللي انتبهه ان شما ما كلت قال: ليش حبي ما كلتي
ماقدرت تحط عينها في عينه تحاشت النظر وقالت: ماكله قبل لا تيي
مطر باندفاع: متتتى !!! وانتي من ظهر تحوسين في المطبخ تعابلين ليوسف الاكل اللي يحبه .
بلعت ريقها وبضيق جاوبت: مطر فديتك شفيك انته ناسي يوم سويت سندويجاتكم العصر كلت منهن ..
رفع حاجبه مب عايجنه كلام شما سوت لنا سندويجات وكلنا بس هي ماكلت قام عنهم وقال: يوم انتي شبعانه من سندويجات انا بعد شبعان من السندويج وشل شوف واشواق وراح عنهم فوق..
:
:
اما ياسر مازال قاعد في حضن شما وياكل انتبهت على لمسة يوسف على ايدها ولفت عليه بعد ماسحبتها وقالت بضيق: لا تسالني شفيه لاني ماعرف من شوي كان مافيه الا العافيه يسولف ويضحك ويراجع امتحاناته ..
يوسف اللي استغرب من شما انها سحبة يدها عنه اول مره تسويها من عرسوا تنهد بضيق وهز راسه وقال : تمام انا بشوفه وقام واقف يلحق مطر .
اما شما خذت ياسر بعد ما اكلته راح عنها فوق وهي رتبت السفره وغسلت المواعين وطلعت فوق مالقت يوسف دخلت الحمام تسبحت وتلبست وطلعت بتسير تشوف ياسر لقته متسبح ولابس بجاما ونايم قربت حذاله وشافت شعره فيه ماي خذت الفوطه ونشفت شعرره وقومته وهي تقول: ياسر
تفاجات به يقوم ويحضنها وينفجر بكىىىى طوقت ايديها عليه وهي تقول: شفيك حبيبي
ياسر كان يصيح وقال بشهقه: شما دخيلج لا تخلينا نحن مالنا غيرج!
شما حضنته بحب وهي تقول: بسم الله عليك يا قلبي ليش اخليك والله ماخليكم باذن الله اني عندكم دوم مب يوم انته منو لاعب في راسك
ياسر وهو يشوفها كيف تنشف شعره قال بضيق: انا ادري انج سمعتي صوت يوسف وهو يتكلم في تلفون ولكن نحن نباج حتى لو هو ما يباج .
تضايقت منرملامه وقالت بحب: يابن الناس انتوا عيالي كيف اخلي عيالي ويوسف عنده شوية ضغط مابيني وبينه مشاكل مضغوط في دوامه بما انه دكتور.
ببراءه قال: وشكل هالدكتور حب مريضه عنده ويقولها هالكلام .
قاطعته شما وهي تحس بالغيره من كلام ياسر او من فكرة ان فعلاً في مريضه وانعجب فيها وقالت بضيق وتوتر: لا حبيبي هذا جزء من العلاج وفي خاطرها تقول( والخيبه جان هذا علاج صدق يطلعها من الحاله اللي فيها وتدخل في غرام يوسف انتفض قلبها وبغصه تردد يارب يكون وهم يارب ما يكون حقيقه) لف عليها وقال: يعني مريضه جي يعالجها .
هزت راسها بصمت وهي تداري دموعها وابتسمت باس راسها وحضنها بقو وبتنهيده قال: الحمدلله …
:
اما عند يوسف ومطر كان الجدال مشتد ويوسف بعصبيه قال: أشوف من خطت في ويهك اللحيه وشنب استقويت عليه مب جني اخوك انا واجب احترامي .
مطر بقصد قال: يوسف انا عمري ١٤ سنه مانسيت شما يوم يبتها لنا ونحن صغار كيف اهتمت فينا وربتنا وهي نزعت الخوف منا اللي كنا نحسه منك وخلتنا نحبك وقربتنا منك وعشنا اسره سعيده يحتويها الامن والاستقرار والطمأنينه والاهم من هذ كله الحنان اللي فقدناه من امنا لقيناه في شما ، ابويه الله يرحمه كان يموت عليها ويحب اهتمامها واكثر وحدة متاثره بوفاة ابويه لين اليوم هي شما لان اكثر وقتها كانت ويا ابويه لين اليوم شما مختفظهربكنادير ابويه واغراضه وصوره وتقعد مع نفسها وتختلي وياه وتكلمه كانه يسمعها نعبر له عن شوقها وعن حنينها له ونحن نسمعها من ورى الباب ونبكي اثرت فينا وايد واليوم من يييت قلت لها لا تساليني عن شي ومالي بارض وطول وقتك سرحان وماحسيت بيناتك حولك ولا حسيت بياسر اللي كمل ٨ سنين ويدورالحنيه منك خواتي كلهن يحبن شما ومتاثرات فيها ،، تيي ( تجي) انته اليوم وتقولها والله لاتساليني عن شي ويالس طول الوقت سرحان ومن رن تلفونك قمت نفس المينون دخلت الغرفة وقفلت الباب ومن طلعت شاق الحلج والابتسامة ومب مركز ان شما ما تاكل منو اللي خذت مكان شما في قلبك .
انتفضً يوسف من كلامه وانصدم من نفسه لهدرجة هو متغير سمع مطر يوم قال: لا وابشرك شما سارت تزقرك( تناديك) عشان تقولك العشاء جاهز وسمعتك تكلمها ياروح يوسف ان شاء الله تأخذ تعبها لان صوتك كان عالي وكلنا سمعناك زين وتراها فشلت في أنها تمسك دموعها لا تمثل دور العاشق لشما خلاص ارحمها هي ماقصرت وياك ولا ويانا ودخل الحمام يتسبح ازفر بضيق يعني هي سمعت المكالمه اووف ياربي الله المستعان تنهد بضيق وقام وطلع من غرفته وتوجه لغرفة ياسر وسمع كلام ياسر لشما وزاد الطين بله يوم سمع شما تقول جزء من العلاج ازفر بضيق وروح لغرفته واتصل بعلي وقاله السالفه وضحكگ علي عليه،، رد يوسف بقهر وعصبيه: ما قلت لك السالفه عشان تضحك يا كلب
علي يضحك: ههههه اااخ منك انا ما قلك لك كلم ايمان بحب
قاطعه يوسف بقهر وعصبيه: زين عيل انا واحد بصارح حرمتيه واللي فيها فيها ..
علي بعصبيه: يوسف
يوسف بعصبيه اكثر منه: انته تفهم ولالا علي بيتي بيخترب وسبه انته
علي بقهر: يوسف انته شبلاك مابا حد يعرف ..
يوسف بقهر سكر في ويييهه وهو يخلل اصبوعه في شعره لف وشاف شما اللي ابتسمت بضيق وقالت بهدوء: مب لازم تبرر شي يا يوسف انا صاحبة شان ما طلبت على أي أساس تحكم ان بيتك بيخترب قاطعها وهو يتوجهه لها بسرعه وحط ايده على شفايفها وقال: وربي مافي حد خذا قلبي غيرج
بعدت عنه بضيق وهي تقول: يابن الحلال ما طلبت منك تبرر انا راضيه وهذا جزء من شغلك وتحركت باتجاه التسريحة ولفت باستغراابً وقالت: الا ايمان وينها !! هي بتبات عند حد ولا لايكون فيها شي وماتبا تخبرني ( وخذت المرطب وهي تحط على ريولها وجسمها) ..
يوسف : عييني من الله خير مافيها شي بس تبا تبات عند فطوم ربيعتها ( يرقع الموضوع)
هزت راسها باطمئنان وبعدها قامت وهي تقول: بروح اشوف فتون ماشفتها اليوم .
نطق بغصه وقال: فتون اتصل نهيان وطلع معاها
حز في خاطرها حتى الاشياء البسيطه قامت ماتعرفهن ابتسمت بتسليك وقالت بهدوء: الله يسعدهم واتجهت لسرير بتنام،، يوسف اللي حس بضيق قرب منها بعدها تراجع وانسدح على السرير وبند الليتات وقرب منها وسحبها بقو لحضنها وطوقها تحت شهقتها المفاجئه تكلم بسرعه: أتمنى ما تفهميني غلط بيي اليوم اللي بوضح لج كل شيء.
::
:
:
بعد مرور ثلاث أيام يابوا المطوع وقرى عالبيت القديم ورشوووا ملححح في جميع مداخل البيييت وبدا المطوع يبطله بماي مقراي عليه ومواضبه البقره وفي هالفتره ايمان وايد تعبت وكانت تصارخ وتباغم وكل ما اشتد العلاج اشتد صراخها وآلامها وبعدها بدى يخف تدريجيا .. وبعد ما مرت الأشهر وقبل رمضان بيوم كانوا الجميع مستعدين لرمضان وانه اقبل عليهم بفرحه ولطوف استوت ثقيله بحمالها دخلت الثامن ونهيان عرسه ثاني يوم العيد .،، ام حمد ماتت وحمد مات وسلامه يتها حاله نفسيه ودخلت مصحه نفسيه وراشد مهره قدرت عليه انها توقف وياه وترده على درب الحق ومبارك كلن وايد متاثر بوفاتهم اللي يت ورى بعض وانهار ووقفت معاه اريام وقفت محب لحبيبه وخذت بيده المهم انه ما ينسى ربه ويلجا للحرام، وراشد بدا يعل بين حريمه بس مازال ما يقرب ثريا بس يروح ينام عندهم عشان حمد ولده وثاني يوم يرجع عند مهوره اللي توه مربي ويابت بنت سمتها لطيفه وهالبنت غيرت راشد وايد تعلق فيها ومبتعد عن كل الطلعات ..
:
ليلة رمضان اول سحور في شقة مكتوم ،، قرب علي منها وباسها: شحالج يا عمري
ايمان بتعب: الحمدلله هالفتره وايد تعبت وخصوصاً يوم خلاص قرر انه يستسلم ويطلع بعد ما ضعف مفعوله
علي يبوس خدها : عمريي والله فديتج يا قلبي يعني الحينرمحد يشاركني فيج
ضحكت بخجل وهي تقلب الدياي وقالت : انته شو من البشر !!
جاوبها بخبث وقال: متفرد مختلف متسيد وباسها بقووو على خدها ضحكت بخجل وقالت: علييي
علي بشوق لمها لصدره زووود: لبيه
بهمس جاوبت: بينحرق دياي ابعد صدرك عن ظهري
لصق فيها زوود وقال بحب : ماقدر انا احبج واعشقج
نقزت على ورى من طش الزيت وضحكت وهي تقول: ياعمي حتى الزيت ما تحمل رومانسيتگ خف علينا يا غالي …
ضحك بغلاسه وبعد عنها رن تلفونه ورد : اوووه اليوم يوسف داق
يوسف بقهر: جب جب داق وبييك وتقول. لحرمتيه موضوع حرمتك خلاص عاد مصخت شهور علاقتنا بارده وبعدين يعني لازم تبين الصدق ترا ربيعك انا هب غريب وهذا شي مب عيب ولا حرام هذا مرض وتعالجت منه وين الغلط..:
:
:
علي بهدوء: يلا انزين بما ان ايمان خفت وايد مستعدين نتكلم ..
يوسف بوناسه: تممم ياينكم ..
سكر عنه..
عند يوسف دخل بلهفه وطوق شما بيديه وقال: باجر رمضان وانا والله ماخنتج وعيني ماعشقت غيرج حرام كل هالبرود اشوفه فيج
لفت وهي تحاول تبتسم : ابد الغالي بالعكس انا لك مثل ما تبا ..
يوسف بضيق وهو يشوف اخوانه وفتون: يلا تلبسوا بنتسحر برى اليوم
شما تبتسم بعتاب وقالت: تسمح لي اقولك حبيبي ولا ممنوع !
قرب منها ولا مس خدودها بطرف اصبوعها وقال بحب: من متى ما بينا رسميه ومنو انا عشان اسمح ولا ما اسمح غصباً عني ارضى ان ما كان بطيب مني انا ازعل لا لمست بصوتج برود وين يوم تقولين حبيبي اكيد بفرح
ابتسمت وباحراج قالت: انا حامل
طوقها بيديه وباس خدها وقال. ترا البنت اللي كنت ارمسها ايمان ماعندي حبيبات ولاخرابيط اذا تبين صراحه وهالموضوع علي متكفل يشرحه لج ممكن اليوم تتفضلين معايه يا غايتي وكل امالي.
ابتسمت باحراج وهي تقول: على هالخشم ( واشرت على خشمها باس خشمها وقال فديتج وفديت خشمج) .. وراحت تبدل وساروا عند علي وبعد سحور تكلم علي : شما ايمان كانت مصابه بسحر قوي وانا رفضت انكم تعرفون مابغيت أقول لحد لين ما عالجناها على اكمل وجه وبذاك اليوم اللي سمعتي فيه يوسف يتكلم قاطعته ببرود السموخه على ما قاطعتك لكن السالفه ادري فيها قالي يعالج مريضه وانه جزء من العلاج لذلك الحين من قلت انها ايمان وهي اخته طاح العتب والحطب وماًبينا شي ابدا …
ابتسم يوسف وعلي حس بالاحراج وكملوا سوالفهم لين اذن الفجر وطلعوا يصلون وكل واحد واح في سيارته …
:
عند مكتوم رجع من صلاة الفجر وشاف لطوف طالعه من الحمام قوب منها وحضنها بشوققق: فديت بنت ابوها ..
طوقته بيديها وقالت: احبك ياروحي
مكتوم حضنها لصدره اكثر : وانا امووت فيج يا لطيفه شو سويتي فيني رفع ذقنها وباس شفتها سريع وقال بحب: غيرتيني من انسان نسونجي الي واحد ما يشوف الا وحده قدامه سحبها لحضنه ولفها بزووود له وهي بادلته الحضن بعد ما باست راسه …
:
:
عند محمد اللي نام عقب صلاه وهو ناسي يكلم فطوم وساحب عليها من عقب العمليه كل ما يقول بكلمها ينسى لين الحين ما كلمها قرر عقب الفطور يروح لها وياخذ بخاطرها..
::
عند فطوم كانت تقرى قران وتبكي وصلت مرحله شاكه ان محمد فعلا تغير مب هو اللي يحبها ويموت عليها خلصت المصحفه وطرشت له مسج ( من قال اني لا ابوح ؟. - اخبرت ربي كل شيى ..،، ما بكيتك من فراغ كنت في صدري كبير. وماعرفت قيمتگ الا متأخر .. محمد السموحه منككً)وانتظرت رد منه ومالقت اخر شي اقتبست كلام وطرشته له ( من ضيقتي ما عاد يوسعني فضاء… ودي أبين لك .. ظلم هجرك وأشتكي،،لا تعتقد صمتي عن غيابك رضا،،برد المشاعر جمّد أطراف الحكي) . ونامت وهي تدعي الله يالف بين قلوبهم.
:
مر الوقت سريعا ودخل قريب المغرب في بيت عوض كان الكل ملتم علي وحرمته وعوض وحرمته وجميع قرايبهم حتى نايف وحرمته موجودين .. الرياييل فطورهم في الميلس والحريم في صاله الا لطوف اللي كانت ثقيله حمال وتعبانه وقاعده في صاله تشوف ترتيبهم للفطور انتبهت على مكتوم اللي دخل وباين تعب صيام عليه ابتسم بحب ويلس قربها سحب القران ويلس يقرا سمع همسها: وين كنت يا قلبي طالع من اول العصر
ابتسم ورد عليها: سرت اوزع صدقه عن المرحوم .
تذكرته لطيفه بصدمه كيف نسته بهالسهوله وتنهدت بضيق ولف عليها وهو يبتسم: تذكرتيه!
ابتسمت بحب: بصراحه هيه ذكرته الله يرحمه ويحله ويبيحه لكن الحي ابقى من الميت
هز راسه وكمل قراية القران باست كف ايده وكتفه وقالت: بس انته عندي غير والله تراني احبك والله
ابتسم بحب وقال: ادري وواثق في قدراتي انج ناستنه من قبل لا اخذج وهذي ذكرى عابره حتى لو تذكرتيه مايشكل في نفسي غيره لاني انا حاضرج ومستقبلج .
ابتسمت بحب على ههالانسان فاهم عقلها صح..
اذن الاذان وقاموا الجميع يفطرون الا مكتوم وابوه فطروا عند الحريمً والباقي عند رياييل.
ضحكت ايمان بحرج يوم قال مكتوم : انا وحرمتيه بنفطر رواحنا في الطاوله الثانيه لانه اول يوم وأول رمضان لي وياها وراح عند طاوله وحط فطورهم مع بعض وقعد ياكل وياكلها بيده وهي مستانسه بحبه الوحيد لها وكيف متفرد عنهم كلهم عضت صبعه بالغلط وقال بهمس: أي شفيج لهدرجة يوعانه قرمتي صبعي وبغمزه عين ولا سرحانه فيني
استحت لطوف وقال بحده: اييي صلبي عمرج كم مره قتلج لا تستحين قدام اخواني بذبحج والله اغارر ماباهم يشوفون حياج
استحت من شافت عيونه وكملت كلامها: وربي اني مفتوونه فيك …
ضحك وقال: اشلج سيده فووق خلينا نفطر مثل العالم والناس
بحب جاوبته وبدلع رمشتت بعينها وهي تقول: تقدر تقاوم
مكتوم ضحك وقام وبقصد يحرجها شل لطوف بين ايديه اللي انحرجت وقال: فطروا بالعافيه انا بفطر فوق الكل ضحك من فهم قصده وخصوصا نعوم اللي شافت فرحته وقاعده عند بنوتتها الصغيره ام شهر وشوي ، سمتها سما وبعد ما فطروا وخلصوا اتجهوا لصاله وقعدوا يتقهوون ومر الوقت سريعاً واذن العشا وعوض دخل البيت وزقر ريمان وقالها تعالي الغرفه راحت ريمان الغرفة فتحت الباب ومالقته لفت عالصوت باب الحمام قربت منه وهي تقول: لبيه
حاوط خصرها بحب وقال: وييينج عني اليوم ماشفتج
بحيا جاوبت: والله في المطبخ غناتي سىويت لك السويت اللي تحبها شد على خصرها زووووود وتالمت وقالت بهدء: عوض حبيبي
عوض بحب وهو يبوس رقبتها وراص على بطنها بشده والم لفت عليه وهي تمسك كفوفه بيدها وقالت بحب وقلب متشفق: عواضي انا حامل شوي شوي عليه .
بعد عنها متفاجا وقال بحب وصدمه: قولي والله انج حامل
بحيا استحت وهي تقول: والله في شهر الثالث بس توني عرفت
عواضي: غريبه ما توحمتي( تنسيتي) وليش ما قلتي لي
ريمان طوقت ايديها عليه: والله دكتوره تقول مب لازم الوحده تتوحم واذا توحمت عادي في نص الحمال قالت حمل عن حمل يفرق وجسم عن جسم يفرقً
هز واسه بسعاده وقال: الحمدلله أخيرا بيصير عندي بيبي صغير
باست خده وقالت: فديت عمرك احبك
ضحك بحب وقال: وانا اكثررر يارروحييي .وشلها بين ايديه وهو يبوس شفتها ووصلها لين السرير وقالت بهمس : بيدل وبييك
بهمس وحب: ماشي وقت بياذن التراويح وباس رقبتها بحب وعمق ..
:
في صاله فتون ونهيان وعلي وايمان ونايف وهنوده قال بو عوض: مكتوم وعوض وين !
ضحك نهيان وقال: والله ياخذون جرعة حب من حريمهم يابويه
ضحك بوعوض وقال: هيه زين باقي انتوا وهو ياشر على نايف وعلي ونهيان انحرجن البنات زوود وتمن ساكتات وشباب يضحكون..
بعد صلاة تراويح في الحديقه كانت فطوم تكلم احمد وسوير فيديو وهي تقول: خلاص ردوا والله مليت حياتي بدون سوير مب حلوه ..
احمد وهو مطوق ساروه: والله عاد حبيبي انا ما ابدلها بكنوز الدنيا دوري لج على حد
فطوم بتعب: احمد عن سخافه والله مب وقتك خلاص تعالوا فيني ضيقه تهد جبال
ضحك احمد اللي حاط ساروه في حضنه وقال بحب: ونحن شدخلنا بضيقتج عندج محمد روحي خليه يلمج عن ضيم الأيام .. حرقتها الكلمه بس ما بينت ابتسمت وقالت بهدوء: زين عيل اخليكم مع بعض
ابتسمت سوير واحمد قال: زين ودعناج الله ..
تنهدت بضيق والم وهي تفر تلفون عالطاوله حست بحضنه وهو يقول: يخسي الضيق وانا موجود
بردت اطراف ايديها وارتجف جسمها من صوته لفت تبا تستوعب حقيقه ام خيال من شافت عيونه وابتسامته قالت برجفه : محمد
محمد بحب وعيونه معانقه عيونها: لييه يا روحه
فطوم بضيق نزلت عيونها وقالت: يحيك تذكرت ان عندك حرمة مب قطعة اثاث ..
ابتسم بحب وقال: اسفففف وربي كنت أقول بدق لها وبكلمها بس شو اسوي فيج سيطرتي على مخي كامل حتى اني اكلمج في خيالي واناا اتحسب انج واقع
ضحكت باحراج وقالت بغصه: ماترد على مسجاتي ولا على اتصالاتي
سحبها لحضنه وقال: وربي محد شاغلني غيرج بس كنت بادبج شوي تبين لج قرصة اذن..
فطوم وهي بين أحضان صدره قالت بهمس: توقعتك تغيرت من يوم ما بدلوا قلبك.
ضحك محمد بخفوت وقال: ترتهم بدلوا قلبي مب محمد ،، رفع ذقنها وباس يبهتها واسترسل كلامه بمحمد ما شاف ولا عشق غيرجً حبج انتي ومايشوف غيرج .
طوقته بيديها وهي تقول: وربي فيني عتب عليك ودي اخذ بحقي منك بس أخاف عليك ابتسم وكملت كلامها صرت أخاف منك وعليكً ضحك بحب وباس خدها وقال : الغاليه تبقى غاليه وكل شي منها يهون وعلى قلبي مثل العسل حبج في قلبي ما يغيره السنين ولا يمحيه الدهر ترا محمد اللي يحبج مب قلبه.
ابتسمت باحراج ودفنت راسها في صدره طوقها بيديه وهو يتنهد بضيق منها وقال: تراني ضايق أبا اعتذار منج
فطوم رفعت راسها وببراءه قالت: حمود تكفى اللي سويته فيني يسد وزود لازم اعتذر يعني
محمد بضيق: هيه لازم غربلاتج جرمتي فيني مستخسره تعتذرين.
فطوم تضحك وبتصريفه قالت: رمضان انزين
لفها محمد له وقال وهو يعانق عيونه بعيونها: تراني ماطلب حقوقي طلبت اعتذار وبعدين اذا يعني رمضان تراج حرمتي على سنة الله ورسوله …
ابتسمت بحيا وباست خخده وقالت بحيا ماتدري من وين ياها: اسفه فديتك .
محمد شد حضنه بزود عليها وقال بهمس: ما تستاهلين حبي مدام هذا اعتذارج .
فطوم بعصبيه وقهر: حمود انته دور شاره عليه انا استاهل يبت الكلام لنفسي .
ضحك بحب وقال: تستاهلين تيبين لكلام لعمرج ليش !!
طالعته بطرف عينها وقالت بغصه: خلاص محمد ماعدت اتحمل جفاك تكفى والله اسفه والله ماقصدت اذذيك وطاحت بحضنه وهي تشهق ..
حاوطها من خصرها وباس عنقها وقال بهمس: شفيج خلاص والله ااحبج واموت عليج رضيت الا شوي .
حس بقهرها وقال خلاص خلاص وربي رضيت رضى كامل بس عطيني بوسه ..
باست خده وحاوطت رقبته وقالت بهمس: وربي انك ادبتني ادب مابا غيره..
تنهد بضيق وقال: وربي مب قصدي اضايقج بس ان كنتي تبين صدق جروحي بعدها مابرت مب قادر انسى يوم كنتي تدعين عليه بالموت والله للحظه حسيت اني بروح من ايدين امي ماودي تفقدني وانا وحيدها في ذيج اللحظه وايد شليت في خاطري منج ومن بعد العمليه ما بغيت اشوفج الصراحه كنت بنهي كل شي بيني وبينج بسمن بعد ماحلف عمي قررت اادبج على كيفي …
ابتسمت بخجل وبحب قالت بحب : والله كنت أخاف من تهديداتك بصراحه ما كنت أتوقع بتاخذني .
محمد بضحك مصحوب بقهر: ادري كنتي معجبه ببطي وتحبيينه مادري بديتي تميلين له!!
انصدمت منه كيف يعرف ادق تفاصيلها واستحت وايد ما كانت عارفه انه يعرف اان دعاويها عليه من سر اعجابها ببطي اللي بدت تميل له من يوم الدبكه استحت على ويهها يوم حست ان محمد عارف بسولد ويهها وساكت تنهدت بضيق وبعدت عنه وهي تقول باحراج: قرب داخل بتقهوى وبتاكل من الفواله ..
هز راسه بنفي: لا بسير الوقت في رمضان يخطف بسررعه بلف على خوالي بسلم عليهم وعمومتيه وبرد البيت عند امي ..
هزت راسها بتعب وضيق وهي منحرجه من اسلوبها كيف كانت تدعي عليه ابتسم بعد ما باس خدها وقال بحب : خلاص انسي تراني نسيت استودعتج الله وراح عنها .. تمت تطالعه بضيق وكل شوي تتنهد هي حاسه انه محمد ماخذ في خاطره منها وايد وفوق هذا يأ وجبر خاطرها وراح وهي ابدا ثلجه ما تقدر تترجم مشاعرها بألأفعال بس فكرت في نفسها وبكت عشان نفسها واللي سواه محمد فيها وفي قناعة نفسها هي متاكده ان محمد شال في خاطره عليها..
:
:
:
اما عند احمد وسوير كانت طالعه من الحمام وتنشف شعرها ومن ثم دخلت غرفة تبديل ولبسست لبس يدفيها برررد وايد في أمريكا موسم ثلج وبرد يدخل في العظام ويفتته ثقلت اللبس وطلعت للبلكونه وشافته واقف بعكازته حضنته من ورى وهيرتقول بحب: اسميك طويل يا حبيب القلب ماقدر اوصلك ..
ابتسم بحب وهو يمسك ايديها اللي محاوطات خصره وقال بحب: سوير مستانسه !
سوير بحب: هيه والله وايد فوق ما تصور ..
لف عليها وباسها: هانت يا قلب احمد قريب بنرد البلاد ..
سوير بحيا: حمود
لف عليها وهو يطوقها بيديه: لبيه
سوير: احبك وربي الشاهد اموت بدونك على ما قال عيضه قلبي يموت بدونك
احمد يبوس كف ايدها: سم الله عليج من الموووت جعلني فدا صوتج وقربها منه وحضنها زودد وباس رقبتها وهو يخلل اصبوعه في شعرها الكثيف..
:
:
:
بعد مرور أسبوعين وانتصف رمضان وباقي ١٠ أيام ..
في بيت بو نايف كان وقت المغرب هنوده واريام يجهزون السفره في صاله ولطيفه اللي وصلت اخر الثامن وتتمنى يخلص رمضان وتربي كان قاعد عدالها نايف اللي صدق ولهان عليها وقال: شت يا العرس شو يسوي نسيتج بظرف ثاننيه وضحك
ضحكت لطوف بتعب وقالت: هي منو عنده هنوده ويتذكرني
نايف يتحنحن : في هذي صدقتي
لطوف: انزين بشرنا في شي بالدرب ولا ؟
انحرج نايف وبضيق قال: لطوف لاتحرجينها
لطوف انصدمت وقالت ؛ في شي
نايف بتنهيده ضيق : نفسيتها تعبانه من هالموضوع الحين هي تتعالج وان شاء الله ان شهر هذا يضبط عندنا العلاج.
لطوف. بضيق واحراج: سمحلي فديتك والله ما كنت ادري .
ابتسم بضيق وهو يسلك لها ومكتوم عيونه ما قارقت نظرات نايف لهند وخوفه عليها ابتسم بينه وبين نفسه القلب يوم يفز ما يشوف الا محبوبه تقرب من نايف وربت على كتفه وقال: ان شاء الله انه خير انته بس توكل على الله وهو بيسر امورك ربي يحفظكم ويرزقكم
نايف بضيق: امين ياالغالي
دخل مبارك سلم عليهم وقعد بتعب
لف عليه مكتوم وقال: متصوع للدوخه هاه
مبارك منسدح ومدد ريوله ويهمز راسه وقال : ابداً لا تخبر والله لاعبه فيني لعبه هالصوعه اتريا المغرب ياذن ..
ضحك نايف وهو يقول: الله لا يراويك تقول مخدرجي يوم يدوخ
ضحك مبارك عالتعليق وقال : في ذمتي انها تيب راسي .
نطق مكتوم: الله يعينها عيل ارياموه بتروح ملح اان كلمته قبل الفطور
ضحك مبارك واذن الاذان تجمعوا على الطاوله وبدوا يسمون ويدعون بدعاء الفطور ومن ثم بدوا يفطرون ومن بعد الفطور قعدوا في صاله يتقهويون بو سعيد قال لهند: تعالي يا بنتي يمي
استانست هند يت قعدت حذاله واشر لاريام وقالها: تعالي انتي بعد حذالي ضحكت بحيا وهي تقوم وتقعد عداله وقال بحب: انا كتبت لج يا هند سياره من سيايير اللي. تنومسنا فيها امسات في ركض واللي انباعت ٣ مليون وحطيت في حساب كل وحده منكن ٢٥٠ الف وانتي اريام خذيت لج سياره باسمج ولمبارك سياره وحطيت في حسابه ٥٠٠ الف انتن بناتي ولا أبا شي ينقصكن وطلعت لكن بطايق عشان تسحبن اللي تبنه وهذي عيديتيه لكن قبل ريالكن وقبل العيد
انحرجت هند زود واستحت وايد قامت وباست راسه وقالت لطيفه بحب: تستاهل بنت سعيد فديتها اخت الغالي وتستاهل بنت عمر في ذمتيه انه من كريمٍ لمستحق ضحك نايفً وهو ياشر لمكتوم يشوف مبارك كيف يدوخ ولا وياهم وكيف يتنافض ضحك وقال: متعاطي الأخ مب جنها الا دوخه..
ومبارك ولا عندهم يدوخ وينفخ ومب مستوعب اللي يقولونه شوي دخلوا مهره وراشد ولطيفه بنته وحمد وثريا اللي اول ما شافت مكتوم تخبلت عليه وكل شوي تبتسم وهو مب عاطنها وويه قام وقعد عدال لطيفه ،، ولطيفه بغيره قالت: ها الغالي زير النسوان عيونها عليك
ضحك وقال: فديت اللي تغار انا زير نسوان صح بس من عرفتج كلهم صاروا صفر عالشمال واقولج شي بصراحه
لطوف بهمس تبتسم: صوت نهاب القلوب ياولد سعيد. بسمارك الفتان
فاجاها وهو يقول: والله يا لطوف قبلج ان البنات مايعرفن يحكن راسهن بيموتن عليه لكن والله من عرفتج الشاهد الله اني نسيت كل بنات حواء ومازان في عيني الا انتي …
باست خده بحب وقالت: اخافها تسرقك مني
مكتوم: تخسي وانتي ماتخسين غناتي والله لو تسوي لي سحور الدنيا ما بتاخذني عنج ،، قري عليه وحصنيني. دام تخاف عليه هالكثر وتغارين
باست خشمه وطوقت ايديها عليه: الشاهد الله اني رايحه في خرايطها
باس عينها وقال نايف: حوووو يا ويه استح الدنيا رمضان
انحرج مكتوم اللي نسى نفسه وقام عنها عشان ما يضيع ذهنه زياده وقعد عدال عمه
راشد قال: مبارك بس خيستنا بالدوخه …
مبارك يبتسم : وانته شعليك الله يهديك خلنيي ادوخ اقند راسي عقب الصيام..
راشد هز راسه وقال لاريام: تعالي شلي لطيفه وحطيها في حضنه عشان مايدوخ عليها..
ضحك مبارك وقال بقصد: الحين سميتها لطيفه بتطلع على عمتها مردها لك ولامك مابتطلع على عمتها
ضحك راشد بس مهره فهمت ققصده وقالت بقهر لاريام: لاتشلين بنتي صوبه ريلج مريض. مايعرف حتى يرمس
اريام رفعت حاجبها وقالت بقهر: لا فديتج وقربت من راشد وشلت لطيفه وتكهرب راشد من لمستها وصدت عليها وكملت كلامها: مبارك فديته مافي منه اثنين هو يقصد انه عمتها مافي منها اثنين صح حبيبي ولفت على مبارك وهي تعطيه لطيفه.
مبارك مسك لطيفه وباسها على خذها وقال: هيه والله تبطي عظم توصل لعمتها
مكتوم بغيره طالع لطيفه اللي تبتسم وقال بحده : لطوووف
لطوف انتيهت على حدة صوته وقال بغيره: قومي نسيييير البيت خلي عنج رمسة الناس اللي ما يثمنونها
ضحك مبارك وقال: والله قلت صدق لطيفه مافي منها اثنين حظك يوم خذيتها
مكتوم تقدم صوبها ووقف في ويهه نايف اللي قال بتهدية وضع: عين من الله خير يا مكتوم ولد عمها ما يقصد خوفه عليها شرات خواته .
مكتوم بقهر وهو يرص على اسنانه: والله يا مبارك انك مب ريال لو ريال ما تكلم على حرمة على ذمة ريال وانته على ذمتك حرمه شو تبا حرمتيه
مبارك ببرود جاوب: الطير الحر العفيف كلن يبا يصيده والخيل الصعبه لها خيال يروضها ويعلمها الفروسيه ولطيفه سم الله عليها وقطع عليه عمه اللي قال بحده: مبااارك
سكت مبارك احتراما ً لعمه وللطيفه اللي عطته نظرات عتاب ولف لمكتوم وقال: القصد انك فزت بدرة مصونه
مكتوم بعصبيه تقدم له ومسكه من ياقةً ثوبه: مبارك ابعد عنها ولا لك خص فيها سمعتني ولالا
مبارك بهدوء قال: اسسف ما قصدت
بعد عنه مكتوم بعد ما دفره ولف على لطيفه وقال بحده: قومي يلا
قامت بثقل وهي متضايقه ومفتشله منهم باست راس ابوها وامها اللي توها طالعه من المطبخ والشغالات وراها بصحون سويتات قالت : وين تبون
مكتوم بضيق : خلاص عمتيه مالنا قعده بنييكم عقب ان شاء الله
عمته بضيق مسكت ايده وقالت: مكتوم ادري انها حرمتك وتحبها لكن والله مبارك ما يقصد انا سمعت سوالفكم كلها مبارك يشوف لطيفه اخت لا اكثر ولا اقل وان مدحها جدامك تراها مبيضه ويهك وييه ابوها وماعندها خرابيط الزمان هذا وحشيم عن تبع المدانيس ومبارك ولدنا ومربينه ونعرفه اكثر عن عمارنا
زفر بضيق وهذى شوي من كلام عمته وقعد عدال لطيفه وقالوبهمس: بصطرج كف على ضحكج على كلامه ووتبوسمج عليه ولف عنها بضيق وهي تضايقت وقالت بضيق: اسفه
قام عنها وهو زعلان ومتضايق
اما لطوف لعنت نفسها لعان الحين شو يرضيه مكتوم تنهدت بضيق وسكتت اما اريام قعدت عدال خالها مكتوم وقالت بهمس: خالي فديتك
مكتوم كاتم عصبيته: طسي عن ويهي ارياموه والله فيني ضيقه بفجرها فيج تعرفيني يوم اعصب بس لاني محشم عمي وعمتيه طسي عند اللي ما يتسمى
ميلت حلجها بضيق ويزعل واضح: يعني هو ما يباها تراه يباني ويحبني
مكتوم زفر وقال بغيظ: حمار انا ماعرف اقرى اللي بين سطور واللي محذوف من الكلام لف عليها وقال بحده تراني نسونجي سابقاً عارف حركات المياعه وقام واقف وسار قعد عدال لطيفه اللي حست انها بتربي من توتر طالعها بقهر وقال: لا تكلميني
لطوف تحاول ما تبتسم وقالت بجديه: انزين ما كلمتك
مكتوم يضيق: انزين لا تكلميني قلت
سكتت لطوف وازفر بضيق مكتوم بعد ماًكل سويتات سمع راشد اللي قال: لطيفه فيج ولد ولا بنت
لطيفه طالعت مكتوم والتزمت الصمت حس فيها راشد وسكت وقالت مهره : ان كان فيج ولد شى بتسمينه
ماردت لطوف ونطق مكتوم: ممكن ما تدخلين
انصعقت مهره برده وافتشلت اما بو سعيد كتغير للموضوع قال: قوموا اذن العشا وشوي وبياذن تراويح خلونا نلحق على العشا
طلعوا كلهم وتموا الحريم لطوف سارت غرفتها وتوصت وطلعت تصلي شافت اريام ومهره اللي قالت: ريلج شفيه !!
لطوف بهدوء: يوم يعصب لا تكلمون وياه تراه ما يحشم حد اشتروا راحتكم وايد احسن
مهروه بغل : زين سوا بمبارك احسن
اريام بضيق وعصبيه: احترمي نفسج عاد مبارك ما سوى شي انتي ليش ما دانينه!!وطلعت وصفقة الباب وراها ..
:
برى بعد الصلاة بو سعيد مسك مكتوم وهو يكلمه: مكتوم يابويه لا تضيق ولا يضيق لك خاطر يابويه انا عارف عيالي ومربنهم زين مازين ومبارك ما يشوفها الا اخت تراها ،، لو كان يباها بياخذها من قبل لا يعشقها حمد الله يرحمه لكن محد فاز بها الا انت ولازم تصونها.
مكتوم بإخراج: ادري عمي والله بس اغار وقلبي مايبا حد يمدحها بس تراه مغزى كلامه واضح با عمي تراني قبل راعي بنات وااعرف الريال شو يقصد بكلامه..
ضحك عمه وبحزم قال: تضحك في ويهي يعني وانته تقولي عن ماضيك الشريف
ضحك مكتوم بمستحى وقال : هيه والله هذا صدق يا عمي انا نسونجي واعرف الكلام المدسوس بين سطور..
ابتسم عمه وربت على كتفه وقال: انزين يا الغيار لطيفه شذنبها
مكتوم بضيق: قهرتني وهي تتبوسم جنه عايبنها الكلام
عمه ضحك ونايف اللي ياي صوبهم قال: الحريم يحبن المدح ويحبن الكلام المعسول .
مكتوم بضيق قال: تراني ما مقصر لا في القول ولا في الفعل
ضحكوا نايف وعمه ومكتوم بضيق قال: ترا صدق اللي قاعده أقوله والله لا تعبوني
سكت نايف احتراماً له وعمه قال: مكتوم فديتك حط الرحمن بصدرك ولا تضيق ولا تضايق مرره انته اغلى عن الكل ولطيفه نظر عيوني وماارضى انك تزعلها
مكتوم يضحك: عاد انا اللي يسمعكم اصبر عنها ، والله ما اصبر عنها بس بادبها شوي عشان تعرف كييف تضحك قدامهم ..
:
في بيت بو عوض..
نهيان قاعد في صاله ويكلم فتون في تلفون: صدق !!! ضحكتيني والله
فتون بضيق: ليش حبيبي قلت شي يضحك!
نهيان بهدوء: لا بس انتي من داخلج مب مقتنعه صح
فتون تحاول ما تبكي: مقتنعه بس خايفه !
نهيان بضيق: مني !
فتون تنهدت بصوت عالي بمحاوله للارتياح قالت: مب منك أخاف من نفسي أخاف اني اتعلق فيك وعقب تخليني
نهيان بضيق: افاًعليج يا حبيبتي شو هالكلام تراني مقتنع من نفسي شلي الشكوك اللي في راسج
فتون : والله اني خايفه عطني وعد يا قلبي
نهيان بحب: اعطيج قلبي والله مب وعد بس لا تخذلينه
استحت وبنبرة ارتياح: فديت قلبك
ضحك وقال: فديت روحجً يا غناتي يوم العرس بتعرفين
فتون بصدق:ترا كسر القلوب اصعب من مداواتها
نهيان بنرفزه: الحين انا كسرت قلبج
فتون: لا
نهيان بحده : وعدتج بشيء ومانفذته!
فتون:لا
نهيان: تخليت عنج!!
فتون تتنهد: لا
نهيان بعصبيه: انجبي عيل لا عاد اسكع منج كلام يغث فهمتي ولالا
فتون بهدوء: ان شاء الله
نهيان: يلا برايج باي قعدي فكري مع نفسج وتوقعي نهيان شو بيسوي فيج!
فتون بضيق : نهيان انا …. وقاطعها صوت تسكيرة التلفون في ويهها وتنهدت بضيق وتعب وقامت تسوي سحور وايد ابرك لها ..
:
:
:
بعد مرور أيام وقد شاررف رمضان على الرحيل كانت لطوف تعباانه وايد وخصوصًا ان مكتوم زعلان عليها من ذاك اليوم حست بدخوله
|