قريب الفجر وباخر الليل ..
البندري متمدده على السرير وتحس بالم بظهرها .. اكيد السفر والحركه الكثيره تاثر على صحتها وعلى اللي ببطنها .. رفعت عنها الغطاء تحس بحر وانها عرقانه مرره حتى ان شعرها البني لاصق بوجهها من كثر ماهي عرقانه مسكت بطنبها :آآمم آآه يمه ... يمه
كانت تتنفس بصعوبه ومكل شي حولها ضبابي : يمه ..يمه
لكن
صوتها مو واضح ابد مع العوازل والمكيفات ..: يمه آه يمه
بكت : يمه لحقي علي ..
ممافي رد .. سحبت رجلها سحب ..بس مع الاسف رجلها ماتقوى توقف طاحت على الارض البارده وصارت تزحف لحد غرفة امها .. زحفت مثل الطفل الصغير اللي يحبو لامه ...: يمه .. يمه ..
وصلت لعند الغرفه دفت الباب ودخلت .. امها كانت نايييييمه ومستغرقه بالنوم .. رفعت نفسها وهي تشهق لسرير امها وحطت ايدها على كتفها وبصوت ضعيف يادوب يطلع مع انفاسها الضيقه : يمه يمه
ام البندري بكسل : مم
البندري انهارت بكي : يمه تكفين يمه بموت
ام البنري فتحت عيونها عدل : بنو ..؟
البندري : يمه خلاص بموت الحقي علي ..
وطاحت مغمى عليها ..
ام البندري رفعتها بسرعه : يمه البندري ..محممممممممممد مريم ..
رفعتها بقوه لسرير وركضت لعند محمد ومريم : محمد افتح بسرعه البندري بتموت
محمد فتح الباب متخرع : يمه وش فيك
ام البندري ودموعها على خدها : اختك يامحمد اختك بتضيع مننا خذها ل مستشفى بسررعه ..
محمد : وينها ..
ركض لغرفة امه وشكل البندري خوفه كانها جثه لونها اصفر وماتتحرك ..رفعها بسرعه بين ايدينه : مريم جيبي المفتاح بسرعه ..
ام البندري سحبت جلالها الصلاه : خذ غطها بهذا ..
لف الجلاجل عليه وركض بسرعه للكراج وعلى المستشفى على طول ..
%%%%%%%%%%%%
الساعه 2 الظهر
الشمس عاموديه على ارضي المملكه والحراره مرتفعه مره ؟...
ام رائد: بو رائد غريبه راجع بدري من الشغل
بو رائد يصرخ من اعلى راسه : وين ذوق ..؟
ام رائد : عبدالعزيز وراك تصارخ ذوق بغرفتها
بو رائد فتح على ذوق الباب وكانت تحكي مع نواره تلفون ...سحب منها السماعه : من تحاتسين (( من تكلمي ))
ذوق : بابا احك
سكر الخط ومسك ذوق من ايدها بقوه بقوه : انا بربيتس من جديد يا حقير ه
ذوق ماستوعبت وش يصير ..؟
ام رائد: بو رائد وش فيه ...؟ وش صاير ...؟
بو رائد لف ايدها ومسك شعرها : ياقليلة الادب مو انا قلتلتس اتركيه موانا حذرتس منه ..
ذوق بكت : بابا ايدي شعري بابا ...
ام رائد : يا عبدالعزيز تعوذ من الشيطان ايد بنتك ..
بو رائد يصرخ من اعلى صوته : والله لاربيس من جديد شكلي عطيتس وجهك بزياده
ذوق تناظر امها وهي تبكي : بابا ماما ايدي شعري .. ماما شعري آه .. انا وش سويت
بو رائد : انتي ماعرفتيني ياذوق لهاللحين وانا بعلمتس من ابوتس ..
ام رائد تمسك ايد بو رائد : عبدالعزيز اترك البنت بتكسر ايدها ليه كل هذا ..وش هي مسويه ..؟
بو رائد دف امها بقوه : ابعدي لاتوطى بكرشتس ..
و شد شعر ذوق لقدام ثمن لورى بقوه : بتهربي معه ها ... ماعاد الا هي .. ناويه تتركي هنا .. انا اغلطان اللي وثقت فيتس .. وبالاخير سودتي وجهي . الله ياخذتس فضحتينا
ذوق تمسك ايد ابوها تحاول تتخلص من الالم : بابا تكفى شعري بابا ..
جرها من شعرها : كلي تبنس وانثبري هنا ... وين جوالتس وينه ..؟
ذوق: آه بابا خلاص تالمني بابا اتركني
بو رائد رامها على السرير لحد ماضرب راسها بالخشب : آه
ام رائد ركضت لها : ماما ذوق
مشى لعند الالاب توب واخذه وسحب الجوال من الطاوله : ابغى اشوف كيف بتحاتسين حبيبتس
ذوق بكت اكثر : بابا انا ذوق بابا ليه تعمل كذا ..
ام رائد :البنت وش سوت ...
بو رائد : انثبري انتي وانقلي بره بسرعه
ام رائد: ايه وش فيها البنات ليه كل
بورائد سحب ام ذوق من ايدها وطلعها بره الغرفه وطلع هو : انا بوريتس كيف تحبيلتس واحد منحط مثل فيصل ..
ذوق ركضت لعند ابوها : بابا وش فيه ..؟ بابا انا وش سويت ..؟
بو رائد : الله يسود وجهتس مثل ماسودتي وجهي
ذوق تمسك بيد ابوها وهي مقطعه نفسها بكي .. : بابا و
بو رائد رماها بقسوه على الارض : ابعدي الله لايوفقتس ..
سكر الباب وقفله قفلتين بالمفتاح ...: مالتس طلعه من هنا الا على قبرتس
ذوق : بابا ماما ..ماااااااما ... ماما ليه كذا
ام ذوق بانفعال : عبدالعزيز ليه تقفل على بنتك
ذوق تطق الباب : ماما ليه ..؟ بابا ايش فيه ..؟
ام ذوق : افتح لبنتي والله بتنجن وهي تصرخ كذا ..؟
بو ذوق : كلي خراتس بنت وحده ومانتي عارفه تربينها
ام ذوق بتهديد : عبدالعزيز اذا مافتحت هاللحين لي تصرف ثاني
ذوق تسمعهم : ماما تكفين خليه يفتح ليه يسوي معي كذا ..
بو ذوق فتح جواله : شوفي .. شوفي سواد وجه بنتس .. والله لادفنها حياء
ام ذوق خذت الجوال وهي ترتجف وقلبها ناغزها .. شافت مقطع لذوق ترقص مع فيصل وهم قراب مره من بعض ... ومكتوب عنوانه (( فضيحة ذوق الباقي ))
بو رائد: شفتي بعيونتس في بنت متربيه تسوي كذا وهذا المقطع نقطه ببحر من المقاطع المنتشره .. سودت وجهي الله يسود وجهها ... اليوم ماقدر اناظر بالفراش بالمكتب والبركه ببنتتس اللي فضيحتها على كل لسان
ذوق خمنت الا تاكدت انه الفديو اللي صورته مع فيصل ببريطانيا هو اللي يحكي عنه ابوها بس كيف انتشر وفيصل معطيها الاغراض ... اكيد ان عنده نسخه منهم ...
وقفت وهي تصرخ : النذل الحقير
رمت كل الاغراض اللي على التسريحه : كذاااااااب كلب ..
بو رائد : اسمعي من بكره تروحي وتكشفي على بنتك مسودت الوجه
ام ذوق تناظر الباب وتفلت عليه : تفوا عليك يا لقذره ..جد ماعرفنا نربيك
بو رائد : واحد ماندري وينه والله اعلم على ايش خامر والثانيه صايره من بنات الليل بصورها الله يلعنتس ويلعن عيالتس
ذوق بكت اكثر من وراء الباب : لااااااا يمه لا – تحس راسها ثقيل - ..والله كان معنا البنات .. والله ماني وقحه ..
%%%%%%%%%%%%%%%%%%%%%%%%
طلال بالمستشفى يناظر رجله المحروقه والمشوهه (( هذي اخرتك ياطلال مشوهه انت الوسيم اللي البنات ماتقدر ترفض لك طلب من ابتسامتك الجذابه .. وضحكتك الرنانه ... آه ياربي ياليت الندم يرجع اللي فات .... جد الواحد مايعرف قيمة الشي الا اذا فقده ... ياليتني انتبهت للمويه ليه فتحت المويه الحاره بدل البارده كيف مانتبهت كيف .. له من نواره انا من يوم عرفتها وحياتي متلخبطه ... اكرهك ياونواره اكرهك )) غمض عيونه بقوه تخيلها وهي تغمز له ومبتسمه ابتسامته المرحه ..
- غض كف ايده بقوه – الله يلعنك هبلتي فيني .. كيف اهرك وانت مثل الطفله البرياءه اللي تسعد من حولها ..
انفتح الباب دخلت السستر : صباح الخير الزايك النهارده
طلال بدون نفس : مثل كل يوم
السستر حطت الورد على الطاوله اللي بجنبه : وادي احلى ورد
طلال : من مين هالورد ..؟
السستر ترفع الكرت : مش عارفه دي بنوته حلوه وصغيره ادتني اياها والتلي اوصلها الك
طلال يناظر الكرت بطفش
(( انا غلطت يوم اني جيت لك
اسفه شكلي ازعجتك ياستاذ طلال
بس كل ذنبي انك تمشي بعروقي
الله يرجعك بالسلامه لاهلك
مع تحياتي ..
نونو .. مثل ماكنت تحب تناديني ))
طلال عفس الكرت بايده مقهور : ليه ماتنساني ليه ..؟ مع كل اللي سويته وراجعه تسالين ..؟
السستر : اولت ايه يافندم ماسمعتكش ..
طلال وعيونه مغرقه : وينها ..؟ وين اللي اعطتك الكرت
السستر : دي كانت بتعيط وبينها خرقة من هنا لاني شفتها تمشي لعند البوابه
طلال تنهد (( الله يعلم انك ماتهوني علي واني بنجن علشانك ... ))
%%%%%%%%%%%%%%%%%%%
بنفس المستشفى لكن بجهه ثانيه ..
ام البندري تمشي بسرعه وعبايتها تطير معها : محمد يمه محمد وينها
محمد : يمه مريم وش مجيبكم
مريم : تاخرت علينا وانت ماترد خالتي مارضيت الا تجي
ام البندري : محمد اختك وش فيها .. الجنين صار له شي
محمد بصدمه وعصبيه : يعني كنتي عارفه ان الهبله حامل
ام البندري : ها ا
محمد: الله يسود زوجهها كيف ..؟ كيف تفكر هي مع هذا االمراهق
مريم : محمد وط صوتك حنا بمستشفى ليه الصراخ وبعدين البندري ماغلطت لاسمح الله حامل من زوجها
محمد: والله هذا اللي كنت خايف منه .. انا الغلطان اللي عطيتهم حريه مع بعض
ام البندري : عاد صار اللي صار وهاللحين هي تعبانه ..وماله داعي تحاكيها
محمد : ابغى اعرف وش نقول لناس
مريم : لاحول ولاقوة الا بالله لاحول ولاقوة الا بالله ...
ام البندري بكت : يارب رحمتك بهالصغيره يارب
محمد : وش نفول لناس هاللحين وين اودي وجهي وهذا زوجها من ايام ماحنا بعارفين عنه شي بعد ...
مريم: محمد ..خلاص
ام البندري عصبت : الناس مالها شغل واي احد يتكلم على بنتي اقطعه له لسانه
محمد: حنا عايشين مع الناس مو بغابه
مريم: محمد لاتجنني هي بالحلال وزوجته
ام البندري: الناس ماناخذ منهم الا كثر الكلام والا نسيت يامحمد وش قالوا عني لما قتلت ابوك
محمد تنهد : حسبنا الله ونعم الوكيل الهم اجرني في مصيبتي واخلف لي خيرا منها
ام البندري : هي وينها وش قالوا
محمد : داخل التحاليل من الفجر عاملينها ومابعد توصل يقولوا في خطر على الجنين لازم ترتاح لحد الولاده لان شكلها بتولد بدري بالشهر السابع يعني
مريم وام البندري شهقوا : لاحول ولاقوة الا بالله
محمد: وزوجها الدلخ هذا وينه ..؟ مافي اخبار عنه ..؟
مريم : لا علمنا علمك ..
ام البندري : نبغى ندخل نشوفها
محمد: هي نايمه هاللحين يمه اتركيها ترتاح وبعدين ادخلي شوفيها ..
مريم ابتسمت : هي باي شهر والا ماعرفت
محمد مقهور : الرابع ...
ام البندري : يعني فيه روح
محمد : والله لو مافيه روح كان من زمان منزله
ام البندري خافت على بنتها من اخوها : لا ماتسويها انا عارفتك انت مجرب حرمان الضنى لفتره علشان ماتسويها
محمد: انا بدق على ابو رائد اقوله يمكن يعرف شي عن ولده ..
%%%%%%%%%%%%%%%%%%%%%%
رائد على عينه ربطه .. مغطيه عينه .. : اقولك ماعرف شي ..والله ماعرف كنت مع خويي ياسر
الشرطي : اسمع انكارك هذا ماينفع انتم شباب ليه تدمروا انفسكم بهذا الارهاب
رائد : اي ارهابي ياعمي ان وش لي بهذي السوالف اصلا انا ماحب هذي الحركه
الشرطي : يعني مو راضي تعترف انتم تبع مين ..
رائد شوي يبكي : لاحول والله ماعرف احد حنا كناا رايحين لمصر و
الشرطي يقاطعه : وبعدين معك من اربع ايام وانت ماعندك الا هذا العذر ...
رائد: لاحول ولا قوة الا بالله حسبي الله عليكم حسبي الله عليكم
الشرطي : لا تقعد تتحسب لو تعرف ربك كان ماخنت بلدك و اهلك انت عارف ان
رائد: يوووووه انت بن كلب ماتفهم اقولك ماعرف عن ايش تحكي
الشرطي : حنا نعرف نخليك تحكي يا عسكري خذه لسجن وشممه هواء
رائد: لاااااااا الا الهواء لا .. وش تبيني اقول اقول شي ماعرفه . والله مالي علاقه ..
الشرطي : ياعسكري خذه ..
رائد يحاول يفلت من ايد العسكري بايدينه المربطه : والله مالنا دعوه اقسم لك اني رايح لمصر .. حاكوا ابوي ابغى ابووووي
العسكري : امشي وانت ساكت لو انك تخاف على ابوك كان مامشيت ورى هذي الفئه الظاله ..
رائد بقله حيله : والله ماعرفهم والله انا كنت رايح لمصر
%%%%%%%%%%%%%%%%%%%%
|