كل يوم اشوفك انسى به زماني!
والله اني مابيوم انسى معروفك

وقفت في جيتك كل الاماني
مابقى عندي امنيات الا اشوفك

من تعانقنا وعطرك لك خذاني!
ارجف بلهفه وترجف زاد خوفك



لا تخاف وبيع هالدنيا عشاني!
حطني دامي لقيتك وسط جوفك

ينحني لك شعر به جزل المعاني!
وينطرب شاعرك لاغنى حروفك

غصب عني ينطق بـاسمك لساني!
وين ماسجيت تهيضني طيوفك

انت نعمه واحمد الله بك هداني
والله اني لحفظ النعمه واحفوك

انت ماغيرك عن الدنيا عماني!
صار همي شوفك ولمسة كفوفك

من تعانقنا وانا واقف مكاني!
عيد لي اللحظات لا يضيع معروفك