بعض القصيديحتاج ميك اب وتجميل
حتى يروق للزين في مقلة العين

في ناظري بات الشعر يشتكي الميل
من بعد جاء الحاضر على شلة البين

ان غاب عني شاعر البن والهيل
اصيح في عال الجبال وينكم وين

ياهل الجزاله شعركم بأول الليل
يطربني القاف المزركش على فين

ماني بحالي كافي الشهد والحيل
رحتوا ولاجيتوا على حالي الشين

يشوقني شوق الشقاء واطمر السيل
كأني على طرد اشقر الصقر والزين

لاهزني شاعر وحجمه كما الفيل
اسوق له من صافي الصنف صنفين

سقت العبر والمعرفه واربط الخيل
واقصر عقاله وابخس الوزن طنين

السكب 12

كنت في موقع مع الشعار سعود وعائض من الهيلا وعيسى العنزي نطقطق مع بعض نوسع صدورنا ورحل البعض منهم كان وقتها عندي فراغ ومسنتر في المنتدى ودخلت الموقع وجلست لوحد مثل الحمامه فوق الطوف اقلب راسي وفيه واحد من اخواننا العرب يكتب شعر عربي عاد مااخفيكم سرا فيه نوع من النذاله لكن من النوع الزين قلت خلني انغزه بهذي الحتوته لعل يطلع منه شي نتسلى معاه كتابتها لم تاخذ مني ربما ربع ساعه كان يضع في نصوصه باقات ورد او صور نساء عباره عن ميك اب علما اكره وضع الصور في النصوص
فكان فيه بنت توها جديده مااعرف عنها شي
وأثرها شويعره وعرفت القصد ونطت بحلقي يامال الحصبه وكتبت قصيده تسبني فيها فرديت عليها
بالتي بعنوان ((من وكلك يابنت بالذود عن الناس))