04-17-2009
|
#1
|
|
|
واهني اللي ورث له مكينه
من منكم اللي ما تمنى يورث له مكينه , ومن منكم اللي ما طلع الديرة ودعبس في بيوتهم القديمة وغرضان أهله لعل وعسى يلقى صندوق الحظ .
وللعيارة واللي يحبون المزح نصيب يحضون به من مغفلي الاشاعات والركض وراء الأوهام
هذه مساجلة بين شويعر وشويعر والأول يملك مكينة عليها صورة أسد والثاني على مكينته صورة فراشة . الشويعر الأول يقول :
[poem=font="simplified arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
أواهنـي اللـي ورث لـه مكيـنـة=أو ليتنـي خيـاط ومحصـل فــود
يوم المكينـة صـارت آلـه ثمينـه=والناس صارت بين ناشد ومنشـود
اللـي لقاهـا مرضييـن والديـنـه=ومن سعد حظه كنه اليـوم مولـود
وراع الفراشه صـاح والله غبينـه=وراحت حياته كلهـا لهـود بلهـود
وراع الاسد يضحك وطابـت سنينـه=من عقب ما هو ضايق الصدر مقرود [/poem]
رد الشويعر الثاني :
[poem=font="simplified arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
راع المكينه فـارق النـوم عينـه =اشاعتـن لعبهـا كــل نـمـرود
لا واهنـي اللـي غنيـه يديـنـه=ماردته سود الليالي عـن الجـود
يمنـاه قـد الاولـه والسميـنـه=ما عاش عيشة قل والدخل محـدود
جده تـرك لبـوه حملـة سفينـه=وعمارتين بمكـة وسـت بالعـود
ولقي بهن في كـل وحـده خزينـة=من عملة الباشا ليا عملة بن سعود
من طلعته فـي عـز ومخيرينـه=بي أم والمارسيدس والرنج موجود
ما امسى عليه الليل نفسه حزينـه=ولا عاش في دنياه بالحمل مضهود[/poem]
|
|
|
|