الله سبحانه حباها بالجمال
كامله بالوصف هنياك الحبيب

منتظر هذا الجمال فاق الخيال
هي شريك الروح لابد تستجيب

الف مبروك كان حققت المنال
عالج الجرح بالشعر ماهو بعيب

لا تفرط فيه ..ولا تعطي مجال
أسجنه بالقلب ولعيونك قريب

منتظر ان جاد حظه عال عال
عشقه المجروح تسمع له دبيب

أعسفه عسف المطايا بالحبال
تكمل الفرحه ويرتاح القليب

رشها بالعطر ولا تبخل بمال
لا عشقت البنت عجل لاتغيب

قلبه المجروح يأن بالحال طال
علته فالصدر وحالاته غريب

حاله العشاق في ذا الحب حال
مايداوي حاله العشق الطبيب

السكب 12

هذي كانت رد على الشاعر منتظر
كتب له قصيده يصف خليلتة
ويشكي حاله وضحة الصوره للجميع