البارت الاربعون ....الفصل الاول
:
:
:
صوتك طرب (يطرب ) اعماق روحي ويرضيها
و لجلك تثنى غصون الحُب وتفرد رحاها
وشوفك دواء للعين يا غلا من سكن فيها
ياللي تغلاَّ عليها ويحزنك ماها !!
:
:
:
يعد سلام وتوزيع السويتات وسوال عن بعض كانت طالع بسوووم بغصة قلب وايد تغبرت وحلوت وكل شوي تصرط ريجها لاحظت غدير نظراتها وقامت واتجهت لبسمه ومسكتها من ايدها وهي تقول: فديتتج ممكن توديني لشاليه بو راشد سمعت انه بيكون حقنا ننام فيه ..
ابتسمت ولكنها قالت باستغراب: صدق عيل انا سمعت شاليه بابا اللي بيكون حقكم ..
ما علقت كثر ما سحبتها معاها وهي تقول: أقول امشي المهم مكان يضفنا ويلمنا ابتسمت وهي تمشي معاهم وهي في درب طرشت لخوها المسج تبلغه ان المهمه تمت ...
شبكت يدينها بيدين بسوم وهي تقول: صايره حلوه وجميله وايييد ..
ماعلقت على كلامها حست لسانها نربط لما شافت فيصل وااقف قدامهم وهو يضحك انخشت ورى غدير عشان تغطي عمرها ابتسم وكمل مسيره بعد ما دخلوا شاليه بو راشد كان فاضي ومحد فيه ابدا غدير تبا تطلع لان مشعل متفق ويا راشد يخلي الشاليه اليوم لهم وراشد وبو راشد بيروحون شاليه بو فههد والجماعه بيكون لهم شاليه فهد .. قالت غدير عشان تضبط الخطه مع اخوها : صبري بسووم بروح المطبخ بشرب ..
بسوم تحس الشاليه فاضي وقالت: طيب تمام انا بترياج لا تتاخرين ..
غدير: لا ثواني بس ماي وراجعه .
هزت راسها وقعدت تتمشى في الشاليه وهي ماخذه راحتها زياده عن اللزوم اما غدير راحت عند المطبخ وهي تتنافض وقالت له: ياويلك ان ما رضيتها خلاص عاد مصختوها ابتسم وهو يقول: ما عليج ان شاء الله كل شي يصير حسب الأصول وحسب ما انا اريد ....
:
:
:
ايه ابجلس وانتظر وابنتظر وابنتظر !
انت حاجه ياحبيبي تستحق الانتظار
وين اروح وكيف ابنسى واستريح من السهر
دوروا لي قلب ثاني مايحب .. ولايغار
:
:
:
طلع من المطبخ وهو كله امل وتفائل انه اليوم يرضيها ويرجعها له ،، طلع وهو يدور بعيونه عليها تقدم بخطوات سريعه نحو الغرف اللي تحت ما لقاها سمع صوت كعب خطوات نازل من دري فالتوجه لدري وركب بسرعه حتى من كثر خطواته السريعه دعم فيها وكانت بطيح على ظهرها بس مسكها ورفعها له بشكل سريع وهو يتاملها ويتامل عيونها وويها ونحرها وهي نفس شي مبهته فيه تولهت عليه هذا خيال ولا علم وقفّها على حيلها وهو يقول : فديتت قلبن سكنتيه ولا يعرف يعيش بلياج ...
بعدت عنه بسرعهه وهي تشيح بنظرها عنه وتقول: انته شيابك هنيه..
قرب منها وهو يمسك ايديها وقال:بسمممهً تكفييين لازم نتفاهم ما يصير جي كلن في قلبه شقى ليله ،، انا مب مرتاح لازم أتكلم معاج ...
تخطته وهي تنزل تحت وتقول: ليش نسيت اني مع غيرك ولا اذكرك ...
نزل من دري مسرع ولفها صوبه وهو يقول: قص الله لساني اذا عدتها وكررتها انا بس منت محروق من الباقات اللي اشوفها نسير وترد عليج لعلمج انا لين اليوم اعرف انها توصلج ورود ولكن من منو هذا اللي أبا اعرفه....
لفت عليه وهي تطالعه: شكيت فيني انا رغم انك تعرفني من كم سنه ،، شكيت ان سهيل ممكن يكون ولد الأسترالي المعجب فيني ،، شكيت في شرفني اني ممكن أكون خدعتك وتبيني بعدً كل هذا اسامح يا مشعل واناقش وياك الموضوع ،، بالنسبة لي انا ماريد أوضح شي لانه اللي يحب ما يخون لكن انته تشكك في محبتي لك وتشك فيني هذي في حقي كبيرة يا مشعل وكبيرة وايد ،،،،، اما سالفةً الورد اللي تتتكلم عنه توقعتها منك لان محد يعرف رقم غرفتنا الا نحن لكن انته تهمتني انى اخاوي غيرك وين هذا انا ما شفته ولا عرفته انته طلعته لي وعرفتني عليه وانته خليتني اخاويه لكن في واقعي انا وحياتي ما يوجد الا انسان واحد وهو انت لكن للأسف طعنتي بشكك وضعف حبك لي هو اللي خلاك تشكً فيني لا تقولي غيره. يا مشعل غيره شو وانته ما لاحظت عليه أي تغير تجاهك ....
نزل عيونه في الأرض وهو كله ندم على كل كلمه قالها وجرحتها ولين. اليوم ماثره فيها شنو يقول اسف ما راح تنفع...
قرب منها وهو يقوًل: شنو يرضيج يا غاية القلب ...
ابتسمت وهي تطالعه وقالت: يرضيني ؟؟؟ ما يرضيني الا لما الكل يعرف اني ما خنتك ولا شفت عليه شي ... لكن ادري صعب عليك فعشان جي أبا طلاقي يا مشعل ...
انصدم وطالعها وهو يحس ان دقات قلبه بدتتت تتسارع وومكن انها تسمعهن وهي بادلته نظره وقالت: شنو يا مشعل ...
هز راسه بلا وهو يقول: الأيام اللي عشتها بعيد عنج كانت مراوتني الويل وما شفت الا طيفج يراودني تبيني الحين بكل سهوله اتخلى عنج ...
طالعته وهي مكتفه ايدينها: ايه نعم تتخخلى عني بعد ما شوهت صورتي قدام نواف اخوك وبعد ما تلفظت عليه بالفاظ اول مره اسمعها منك وتقولي منو راعي الباقة وانا اتحسبها منك معناته في حد يبا يخرب بينا بس انته مب حاس فيه ،، فيه طرف ثالث قاعد يلعب معانا ع نار هاديه ما اقولك الوردً ما تعجبني لكن ما داخ هو يبا يخرب بينا انا عليه اني اخذ الورد والكرت اعقه في زباله لانه ما يهمني راعيه فلوسه زايده وحاب يهديني ورود ويكتب كلام ومو شرط يحون واحد ممكن تكون وحده ،، ومو شرط واحد يعرفنا يمكن ما نعرفه ولا يعرفنا وفيه ناس مستاجرينه يخربون بينا ...
وقف بصدمه يطالعها ويتامل حركاتها ووكلامها وما قدر ينطق بحرف واحد الا بعد مده من سكووت وقال: انتي صورتي الكلام وحطيتيه يواب عام طبيعي بغار وبثور عليج أبا اعرف صاحب الورد ادا انا ما كانت صاحبه منو صاحبه.. هزت راسها بقل حيله وهي تقول: مادري الجواب ما بتلقاه عندي لاني انا تحسبته من عندك ما دري ان في اطراف ثالثه داخله في الموضوع ....
زفر بضيقه وقرب منها ومسك كتوفها وهو يقول : الغاليه اسمحي لي بس لازم اعرف منو هذا اللي ناوي ع خراب بيتي لازم اعرفه ..
حركت كتًفها بعدم اهتمام ومبالاه وقالت: شي راجع لك فديتك بس انا ما يهمني منو ما دام انى عارفه ان قلبي ما نبض الا لك ...
باسها ع خددها وحضنها بقو وهو ما وده يفرط فيها وهمس لها: وغلاتج لعرفه منو ... بس تكفين ردي لي ...
حست بحنان حضنه ودفء صدره اللي اشتاقت له غمضت عيونها بالم وهي تقول : الله كريم...
:
:
:
اما في جهة ثانيه كانت تكلم بطي وهم واقفين على المسبح وابتسمت وهي تقول: ع قد ما كرهتك حنيت لك وبقووه..
ابتسم بألم: وين الوعود اللي وعدناها بعض نسيتي انج انتى اللي وصلتيني لها الحاله وخليتيني انسان شكاك
ابتسمت وهي تقول: وانا ما خرب حياتي وياك الا الماضي ...
طالعها وقال: كرّهتي الناس فيني ...
بعد صمت قالت: الله يعوضك خير يارب ....
جاوبها بامين وراح عنها وراحت هي داخل وتدعي ربها على وجود نواف في حياتها
:
:
في جهه ثانيه زفر بضيقة وهو يقول: اوعدج تتغير حياتنا للافضل ... بس عطيني وقت تكفين اعرف الحقيقه ...
هزت راسها بالإيجاب وهي تقول:بس عالشرط
لف عليها بالهفة: امررررررريني....
ردت بحده: تعيشين ويايه بلا حقوق لين ما تيب الدليل وياك ...
انصدم من جملتها وهو يقول : كييييف غناتي .... شنو تقولين ،،، مستحيل اللي تقولينه يصير ....
ضحكت وهي تقول: لا والله ارد عادي يعني وانا ما رديت كرامتيه قدام أهلك اسفه تعيش معاية سطحي شقلت...
هز راسه بقل حيله ....
:
:
:
بعد ماجهزوا الحفل طلعت شموخ تدور ع سعود عشان تيببه لشاليه وكان الكل متجمع في شاليه حول الطاولات ودخلت معاه لين الكيكة الكبيره وشموع اللي تحاوط صورته اللي ع الكيك .. وتحمدوا له بالسلامه وغنوا له وشغلوا أغاني منوعه وارتبشوا وكانت فيه باقة ورد كبيرة طبيعيه لما خلصوا قص وتصفيق كل واحد قطف منها ورده وعطاها لزوجته انتبه مشعل لفيصل في نفس الوقت انتبه نواف له بعد داخل من الباب وفي ايده باقة ورد وعطاها البشكاره يعطيها لبسمه وطلع برى يبعد نفسه عن شبهات مشعل اتجهه للباقه وشلها والكل كان مشغول بالحفل واتجهه صوبه نواف وقروا الكرت رباعه من يشبهك يا ملاگ انته اللي محلي الدنيا بعيني فر مشعل الباقه واتجهه للباب ولكن مسكه نواف وهو يقول بهمس: لاًتخسر اخوك عسان زوجتك ولا تخسر زوجنك عشان اخوك ولا تخسر اهلك عشانهم هم الاثنين وازن امورك ي خوي ومادامك عرفت بلغ زوجتك وبس وأنسى امر اهلك واخوك حتى ما يصير زعل بينكم ويسمعونها كلام ثاني بسبب ضرابتكم ...
ومسكها من معصمه وطلعوا وركبوا سياره وراحوا البحر لازم يجبر مشعل انه يهدا قبل لا يسوي شي لا يحمد عقباه ونواف مايبا يخسر اخوانه ولا اهله ولا يبي مشعل يخسر زوجته بعد ... فحاول انه يهديه ...
قرب من البحر وهو يقول: ما دام انه هو المعجب السري ويطعني في عرضي اكيددد هو عيل اللي يدقدق عليها بعد ...
عقد حواجبه نواف وقال: شدراك
مشعل : كنت اشوفه بالكويت يدق ومتحرقص ولكن محد كان يرد عليه بس توقعت وحده ثانيه مو مرتي ...كان يتكلم بحرقه وعصبيه ويضرب ايديه ببعض ويروح ويرجع كانه يتريا حد يربي وينافخ كانه افعى ودخان بيطلع من عينه ....
خلاه نواف يهدا شوي صح شي صعب عليه لكن شو بيده. يسوي ما يبا يزيد الطين بله ....
:
:
:
بعد ماهدت نفسية مشعل نواف قاله بحكمه: ما دامك عرفت الصدق رجاءً لا تسيء لاخوك واعتبرها نزوه ولا تخسر اهلك واخوك وعقب امي تسمعك كلام مب زين في حق حرمتك وانته تدري ان امي ما داني مرتك ...
هز راسه بصمت وهو يقول: انا بسكن فالامارات ....
لف عليه نواف وهو يقول : يلا نرجع وشوي رن تلفونه وكانت مزون رد عليها: هلا عمري
ردت عليه اهلين عمري وينك حبيبي
ابتسم وهو يقول: اشتقتي لي يا روحي....
ابتسمت وهي تقول: ايييه والله ...
قالها بحب وهو يشغل السياره: كنت برى ويا مشعل أتكلم وياه الحين بي البيت ...
انتظروا الفصل الثاني والاخير
|