11-05-2020
|
|
|
يا قلب لا تسقي عروقك من الياس
يا قلب لا تشكي همومك على الناس
ما كل شخص ( ن ) يعذرك في مصابك
لا تسكب الدمع على خد حساس
لا تحرق أوراق الزهر في عتابك
ولا تضيق الصدر المولع بالانفاس
و لا تقطع عروق ( ن ) بكت عند بابك
يا قلب والله ما بقى بعيني انعاس
يومك شكيت الحب محد ( ن ) درابك
النار ما تحرق سوى رجل من داس
للي كواه الحب يفهم خطابك
قبلك شرب مجنون ليلى من الكاس
و اليوم نفس الكاس تسقي شرابك
يا قلب أعرف معدنك معدن ألماس
توفي لحبيب الروح لو هو رمى بك
يا قلب خلك بالشدايد قوي باس
لا تلتفت للجرح لو هو سطابك
يا قلب لا تسقي عروقك من الياس
وخل الأمل و الصدق دايم زهابك
ما دام طاحت فاسك اليوم بالراس
اعذر جميع الناس و انسى عذابك
|