العمر لحظه
:
البارت الثامن والثلاثون ...
:
:
:
بعد ما مر أسبوع على الاحداث واهل مشاري بيرجعون الامارات علشان خطبة نواف ومشعل اللي صار له أسبوع كل ما يدخل الواتس اب يشوف اخر ظهور لها يوم عرس راشد وحمده ومن بعده ما دخلت الواتس ولا حتى السناب وكان وايد متضايق يبا يعرف اخبارها وهواف وايد زعلان من مشعل ورده الغير متوقع مب قادر يواجهه الحقيقه ويشبك الاخوان مع بعض ولا يبا يلين لفيصل انه يعرف عشان فيصل ما يتمادى بزود ماعرف كيف يساعد اخوه ويبري البنت لكن شاف ان لازم مشعل يقعد وع نفسه ويراجع حساباته ويقرر مع نفسه شنو يبي...
:
في بيت بو راشد كانت قاعده تسولف مع ابوها اللي قرر يفتح الموضوع وياها وهو يقول : المزن اليوم بيون العرب يشوفونج عشان الخطبه ..
بفضول سالت : بابا انا ما قتلك انى صغيره على العرس ومابا عرس
حسم الموضوع بجديه وهو يقول: خلااااص يا مزون انا كلمت العرب وعطيتهم كلمتي وماني راد فيها ...
استحت لكن قالت بحيا: منوووو هذيل العرب يا بويه ...
رد عليها : هل الكويت ولد بو مشاري ...
انصدمت صدمه ماتوقعتها وقالت : كويتي ؟؟!!!
طالعها بطرف عينه احمد وقال: عيه نعم كويتي شو بلاه الكويتي احسن عن مية الف واحد ...
ردت بصدمه: لا مب القصد هم ونعم والله فيهم وفي معرفتهم بس اقصد اني بروح الكويت وبعيش فالكويت يا ابويه بعيد عنكم وعن هلي بحس بغربه وانته تدري ما اتاقلم بسررررعه ..
ابتسم وهو يقول: تتعودين بعد ما تحبين نواف وتتعلقينه ...
ابتسمت بحيا وهي تقول: ابوووويه خلاااص عاد لاتحرجني...
ضحك عليها وعلى ويههها المحمر ...
اما هي راحت فوق وكلها احراج ...
اما عند المعاريس فكانوا في دبي يالسين يتمشون ،، حضنها من ورى وهو يقول: يا جمال دبي وانتي فيها زايد حلاها ..
ابتسمت بحيا وهي تقول: اول مره احس انى استحي منك العاده لساني ما يعرف الا يرادد عليك....
باس خدها وضحك وحط كتفه على راسها وهو يقول: ياربي وأخيرا صرتي حلي وحلالي ...
ضحكت بحيا بعد ما حط عينه بعينها وسحبها بقووو لحضنه ...
:
:
بطي كان محروووق من العصبيه بعد ما عرف سالفه الخطبه لف على عمته فاطمه وهو يقولها: عمتي هذا جزاتي الحين تلقفين بنتج لغيري ...
فاطمه تحضنه تهديه: فديتك يا بطي والله انى رمست احمد ولا طاع قال مارد اهل مشاري في شي وانته تعرف معزة مشعل عند احمد ...
بعصبيه قال: انا ما يهمنى انتى وعدتيني ان مزون لي ليش تخلفين بوعدج ليشششش...
تحاول تهديه واطيب خاطره: بطي فديتك اهدا شوي انا لو عليه اخليك تاخذها بس ابوها ...
انصدم يوم عرف ان ابوها اللي رافض وقالها بغصه: ومزنه؟! تباه ؟! ولا ليت الحين تحبني؟!
حاولت ما تجرحه لان ما يهون عليها وهي تقول: تحبك يا حبيبي بس مب بيدها شور ابوها غصباً عنها..
استانس بفرحه انها تحبه وقال : ما دامها تحبني حتى لو خذته يكفي اني في قلبها ،،، مداخله سريعه اسميك اناني تحب نفسك وبس
لف عليها وهو يطالعها وقال: دجى بسم الله من وين ظاهره خليها تحبني لازم تحب نواف يعني .. بروحي متشتتت..
ابتسمت عليه وقلت: عيوني انا احبك بسم الله عليك من تشتييت يا الغالي ..
طالعني بنظره وقال: غالي ومسوويه فيني كل هالسوايا حشى يا بوج مابا الحب منج يوم الا جي خليتني عوف ومجرم وواطي وكل شي مب زبن ..
بزعل قلت: والله انته الزين كله يا الحب...
ابتسم وراح عني …. لوحت له بيدي وانا اوعده اني اعيشه بالسعادة في رواية ما يهون عليه ....
:
:
:
••
- من يبعدهم الله عنك ، لا تحاول إعادتهم إليك ♥.
:
:
:
“تُزهر دائمًا كأن في داخلها فصل ربيع أبدي ����.”
:
:
:
بعد ما مر الوقت ومشعل يكلم غدير بانه تعبان ويبيها تشوف له بسمه يوم تروح وقالها : يعني انا اخوك ما توقفين وياي ...
ودت عليه بعصبيه: واحد يسوي سواتك وبعدين يقول ودي والله اني ارجعها ليه ما شغلت مخك من قبل لا تقول الكلام اللي قلته يا حظي ...
ازفر وهو يقول: والله ماكنت بعقلي كنت معصب وقلت الحجي اللي انا قلته ...
تكلممت بصوت واطي وهي تقول: شوف الفرحه في عيون امك وزوجتك شنو تبيني اسوي الكل ملاحظ عليك توتر وتفليت الاعصاب ...
اردف كلامه ما يهمني شنو قاعد يصير بينهن اللي ابي اعرفه انا الحين ليه صار لها أسبوع ما تدخل لا واتس ولا سناب ...
حركت راسها بلا وهي تقول: لا حول ولا قوة الا بالله العلي العظيم بتخبرك انته شايف نفسك كيف متوتر ومب على بعضك...
هز راسه بايه وهو يكمل كلامه: ايييه عارف نفسي وشايف نفسي اني مب على بعضي بس انتي تعرفين مالي غناة عنها كيف انسسساها انا بس تسرررعت لما تكلمت معاها ....
قامت عنه وهي تقول : الكلام معك ضايع اول شي خلني اعرف أوصل لبسمه وبعدين اقولك شنو بيصير او شنو تسوي وراحت عنه وهي مقهوره منه ....
ااما هو رفع عيونه على نواف اللي توه قايم من النوم وقال: حيه المعرررس ...
ابتسم نواف وهو يقول: يوم احصل الموافقه ذيج الساعه قول عني معرس ...
اما عند بسمه فكان سهيل اخوها ماخذ كل اهتمامها وحطت كل اهتمامها باخوها سهيل وخذا وقتها كله وصارت متعلقه فيه ما تقدر تستغنى عنه ومع انها كانت وايد تفكر بمشعل وقت الليل وخصوصًا وقت النوم �� تقعد تفكر فيه لين ما تنام دخل عليها حامد اخخوها وهو يقول: بسمممه شو يينج وبين ريلج..
ابتسمت وهي تقول: انته الوحيد اللي ملاحظ البيت كله ما همه اللي فيني ...
قعد حامد وهو يقول: لانه اختيارج بس انا تضايقت امس يوم دخلت عليج الحجرة وشفت دموعج ع خدج وانتي نايمه شو فيكم شو صاير بينكم ...
تكلمت وهي تقول: سوء فهم أتمنى انه ينحل بهدوء والسلام وراحة بال ..
حامد يقرب الكرسي منها ويشبك ايدينه وهو يكمل كلامه: واذا ما نحل بهدوء كيف بتتصرفين ممكن اعرف ...
ردت عليه وهي تتلقت يمين وشمال: الانفصال افضل حل اذا لم يكن للهدوء والثقه ان تحل في نقاشتنا فالانفصال افضل ...
عقد حاجبينه وقال/ لا تقكرين بالانفصال ومهما تقابلكم من العواقب فكري ان ممكن طرف ثالث يدخل بينكم يخرب علاقتكم لا تنسين انه متزوج على زوجته وانتي اخبر بكيد الحريم ...
انتفضت لما سمعت شيء هذا من حامد وكأن ها شي فاتها معقوله مرته بتسوي شي تشكك مشعل فيني ...
:
:
يتبع البارت الثامن والثلاثون لم ينتهى بعد انه قيد الكتابه ولكنها جرعة للحماس
|