03-11-2010
|
|
|
ماأنسى طعونه
أقبـل يلـوّح بالخيـار اللـي أمـرّ مـن الغـيـاب
ويفـلّ كـفٍ مـن شحـوح الوقـت مافيهـا رجـا
أقبل يمـاري بالسنيـن الموحشـة وارض الخـراب
ويطش فـي وجهـي ثمانيـن الـف عـذر ومانجـا
عذره وها فـي صفحـة ايامـي وميـراده سـراب
عـذره قبيـح وفعلـه اقبـح مـن خفافيـش الدجـا
ماطاب جرحه من سنين ولـو كذبـت وقلـت طـاب
أحـس فـي خنجـره كنـه تـوّه بصـدري لـجـا
سترتـه اعـن اعيـون عذالـي برثّـات الثـيـاب
وشافـوه فـي رمشـي مادونـه لاستـار ولاحجـا
واليوم جاني يحسب إن اللـي مضـى مالـه حسـاب
ماهمّـه إلا كيـف ياسـع عـذره حـروف الهـجـا
ماعاش وحشة ليلـةٍ ظلمـا علـى صـوت الذيـاب
وماحـس فـي قلـبٍ وحيـد لغيـر ربـه مالتـجـا
اليوم عوّد فـارس احلامـي علـى صهـوة عتـاب
وحْصـان عشقـه فـي مقابيـل الليالـي مسـرجـا
يظن ابنسى ؟ كيف ابنسى ؟ ويش جابه ؟ ويش جاب؟
وش يطوي الغربه مـع الليـل الطويـل ليـا سجـا
هو مادرا إن القلب من جوره كبر ليـن إن شـاب؟!
وفي ذمتي ما أنسى طعونه لو مشـت سلمـى وأجـا
مـــما راقني
|