البارحه مرت بروحي مواريك
يالحبيبه اللي حكيها كله بهمس

مدري احبك او اودك او اغليك
ياللي يجيني من غيابك مثل المس

يعني هواجيسي على الدوم تطريك
يكفي عيوني شوفتك ياهوى بس

كل المشاعر في حضورك تلبيك
لبيك ثم لبيك ياخي لو تحس

حتى المنتدى لو له روح يحكيك
ويعلمك كيف انت أقرب من النفس

اني بكل اليوم والعين تبكيك
مابه جديد اليوم مثله مثل امس

جاك القصيد ومانكتب فيه تشكيك
صدق المشاعر مايجي ذكرها لَبس

هذي حياتي كلها بين اياديك
خذهاوعطني من حياتك ولو رمس