02-22-2016
|
|
|
لا تغيب
لا تغيب
نعن أبو طبعك ليه عني تغيب؟...غيبتي أقدر أخليها شهر
أذبحك ريبة تظن إني أخون...تدري بغيابك قاتلني القهر
ما أنام الليل مفتوح الجفون...قلبي من شوقه و الله ما صبر
أعشقك بالحيل والحيل أنقطع...ضمني أرجوك اضناني السهر
خلني أغفى على صدرك وأنام...خلني أشتم عِطرك والزهر
خلني أشكي تباريح الجوى...أنتَ في عيوني ولوحدك قمر
وين أتعوض مثلك يا الحبيب...يا ملاك يطير حاشا مو بشر
زيد أطفي الشوق يحرقني اللهيب...ارسل القبلات على ثغري مطر
سيدي ما أروى من شهدٍ زلال ...لو سقاني الخِل من ريقه دهر
يا الغلا البستان قطوفه دانيه...لي رجاء أقطف لا تبقي ثمر
يا سعد عينٍ تشوفك كل يوم...ما تِمل العين في حُسنك نظر
لو وصِل عُمرك (100) يا جميل...حُسنك الفتان يتحدى الكبر
غيبتك يا سيد لو طالت سنين...والذي أنشاك صابِر أنتظِر
يا هنا قلبي بِعشقك يا جميل...والله اسعدني بذا الحُب القدر
لا تصدقني ترى ما أقدر أغيب...كيف أغيب وأنتَ روحي والبصر؟
للشاعر/ روان بن عبدالإله دشيشه
منقول
|