[ الشتا برد ] واشتاقه .. واحن له واخافه
والمسـا فيه متغطرس ومتكبر واناني
والليالي فـ الشتا / تقصر ولو طال انتصافه
بـ السوالف والدفا والبرد ما بين المحاني
والحنين اللي مرافيه تهشمها ضفافه
ما لقى في صدري الا , حسرة بين المواني
من يعلم حسرة الأيام لا تشيل الكلافه
ماذبحني غير مونْتها / وتكشيرة زماني
ومن يعلمها الشتا هذا وهب كل ارتجافه
لـ الحنين اللي نصاه العيب بـ عيون الأماني
ومايحس بـ [ برد قلبك ] غير من يسكن شغافه
كل ما خيم عليك البرد . جابتة الثواني
الدفا : ماهو بـ فرو تلبسه ولا لفافه
الدفا : روحك تضمه , من غلا في روح ثاني
والشعر دمع الشتا / بالله وش عذر إنجرافه ؟
لـ اندفق من عين قلبي دمع / ضايقني مكاني !
والزمن لو باعني للضيق ما الحقته حسافه
عادته فـ الناس يرميهم وانا وقتي رماني
ماعلي معي النوايا البيض والطهر وعفافه
والزمن وش عاد لو مرة , مثل غيري نساني
والسهر والشعر الأرعن وأنـت وجسر الرصافه
موطن برد الشتا , سماه : في صدري أغـانــي !
,
|