[poem=font="simplified arabic,5,purple,normal,normal" bkcolor="transparent" bkimage="" border="double,4,indigo" type=2 line=0 align=center use=ex num="0,black"]
دق جوالي ! هلا ! للحين ما كملـت نومـي=قالت أحسن نام ! أصلا نومة الضالم عبـاده
قلت لا ! لحظه ! قسم بالله شفتك في حلومـي=قالت أدري بك من الأشواق كبرت الوسـاده
قلت بكره لا تقابلنـا تجيـك آخـر علومـي=قالت آنا آخاف لا تنسى ترى النسيان عـاده
قلت كيف انساك وأنتي ليلتي وأطراف يومـي=وانتي اللي في الهوى خذتي على غيرك رياده
المهـم انـا تقابلنـا بحـد آخـر همـومـي=قلت باترك باقي السهـره لقلبـي واجتهـاده
قالت آمر وش تبي قلت احتفالا في قدومـي ؟=قالت اقصد قهوتك قلت ايش ؟ قالت بس ساده
قلت ساده ! قالت ادري بس لا تشر وتومـي=قلت ساده لا نطقتيهـا تجـي سكـر زيـاده
يا دفا الأحساس ليش تكثر عتابـي ولومـي=شف تفاصيل المحبه حـول حبـات القـلاده
الوكاد اني جلست وكانت عيونـي خصومـي=وان طرى لي هاجس الغلطه قتلته في مهـاده
قلت هات ايدك وقالت وين قلت الصبح قومي=قالت أدفع مانت رجال ولكم حـق السيـاده ؟
ابتسمت وقلت طيب عطرك اللي في هدومي ؟=قالت أعتبره حنين الحزن لـدروب السعـاده
بعد ساعه دق جوالي وأنا فـي عـز نومـي=ما رفعته وأعتبـرت النـوم للضالـم عبـاده[/poem]

الموضوع الأصلي : عطرك اللي في هدومي || الكاتب : رفيق الأحزان || المصدر : منتديات قصايد ليل

 

التوقيع: