ياصاحبي عندي رجاء لـــــــــو تكرمت
نفــّـذ رجاء اللي يالغضي مــــنك مظـــلوم
لو جت لك علومي وقالوا انـــا مـــــت
ارجـــــــوك لاتبكي ولانـــفسك تلـــــوم
لني سبب فـــرقـــاك يامــــا تألـــمــــــت
وياما امتلى صدري من احزان وهمــوم
وحالي تردى وصرت انا اطيح لو قمت
واخذ على فراشي لي ايام مـــــــــا اقوم
ولاجيت اقاوم موج حزني وعـــــزمت
غرقت في موج الحزن ما اقـــدر اعـوم
ورغم المـــــــآسي والقهر لازم الصمت
اخــــاف لايشــــمت بــــنا نــــاسٍ رخوم
وكانك عـــلـــيــــنا بــعـــــد موتي تندمت
اسأل يــــــدلونك عـــلى قــــبري القــــوم
دامــــــك علي شوفك وانا حـــــي حرّمت
لايصير قبري من زيارتك مـــــحــــــروم
ومع السلامه ولـــــــو يجي علمـــي ومت
ارجـــــــــوك ولاتبكي ابي تقول مرحوم
|