منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

ريما هي وفهد طالعين من عند امه وهم يودعونها ....
فهد :يمه مع السلامه ديري بالك على نور
ام فهد :مع السلامه الله يحفظكم ودير بالك على ريما واذا صار شيء بشرونا
ريما بسحى :مع السلامه خالتي
ام فهد متوجهه للسياره اللي فيها فهد وريما
ام فهد :يمه ديري بالك على نفسك هناك ديار فساد انتبهوا
فهد :يمه انا معها ماراح يصير شيء
ام فهد بضحكه :لاتجون الا وحفيدي بيدكم
فهد يبتسم بمكر وهو يناظر ريما اللي من وقت مااتكلم امه بهالامور تنزل راسها :ان شالله
ريما رفعت عيونها على فهد وتشوف ابتسامته ...
مازن عند ابوه بالمكتب والجو متوتر عندهم
مازن :اليوم نروح واكسر راسها غصب عنها تتزوجني بدال الهايت اللي تبي تتزوجه والا الغراميات مع ناصر محلوه بعينها
يوسف بشموخ :شوف يامازن لا تستعجل هي لك مارح تكون لغيرك غصبا عليها
مازن :واذا رفضت ؟
يوسف بعصبيه :مازن خلاص انا قلت كلمه مااثنيها
مازن ضحك بخبث (جاء من يكسر راسك ):تامر طال عمرك
يوسف :يله مازن خلنا نروح للاجتماع الهيتنا بسالفه رانيوه نفسي اشوفها
مازن :بتشوفها ياهي
يوسف يقاطعه بدون اهتمام :يله لانتاخر
طلع مع ابوه من الكتب وهو مستانس على الاخر ......
ريما وهي داخله بيت خالها وتشوف امها وخالها قاعدين بالحديقه مبسوطين ...
اول ماشافت خديجه بنتها هي وفهد نطت من مكانها وراحت لها لانها افتقدت لها ماتعودت انها تبعد عن عينها
ريما وهي تضم امها :اشتقتيلي يمه ؟
خديجه ودمعه على خدها بس مسحتها علشان ريما لاتنتبه لها :كيف ياملعونه والله لك وحشه
رانيا وهي تناظر من الشباك لما شافت اختها لبست عبايتها ونزلت لها ولقت ناصر جالس مكانه مثل ماتركته
مشت قدامه وقفها صوته
ناصر :وين رايحه لابسه
رانيا بضحكه :بطلع ريما جات
ناصر وقف :وليش جات اليوم
رانيا :اليوم رحلتهم على بريطانيا
ناصر وهو يلوي فمه :انتظري بطلع معك
رانيا وقفت وشافت ناصر حط الشماغ على راسه بدون اهتمام وعدل شعره من تحت الغتره انتبه لرانيا اللي قاعده تناظره
ولما رفع عينه يشوفها لفت وجهها بسرعه عنه
ناصر بخبث :تفضلي
رانيا وانتبهت لنبره صوته :ثانكس
طلعوا مع بعض وهم مقبلين على اهلهم برى ناظرتهم ريما كان شكلهم لايقين على بعض والكل انتبه علىيهم
شافت نظره خالها لهم ونزل عيونه بحسره ريما استغربت ماحبت تدقق وقعدت تناظر امها اللي تستجوب فهد وتساله عن الدراسه هناك
رانيا وناصر :سلام عليكم
رانيا وهي تضم ريما بهمس :ياحيوانه لك وحشه
ريما بابتسامه :ماصدقت افتك منك
رانيا وهي تبعد عنها :كيف الح
ريما قاطعتها :كيفك ؟
رانيا وهي تبتسم :ايه فهمنا
رانيا التفت على فهد اللي يسلم عليه ناصر
رانيا وهي تعدل لثمتها :كيفك فهد ؟
فهد توه ينتبه :الحمد الله كيفك انت ؟
رانيا :الحمد الله
فهد وهو يناظر ساعته :يله نستاذن الطياره باقي لها نصف ساعه
عامر باسف :والله مستعجلين
خديجه وهي تناظر ريما كانها اخر مره تشوفها :الله يحفظكم ديروا بالكم على انفسكم
ريما راحت تضم امها بقوه وعيونها تدمع
وتذكر كل اللي تسويه صح او خطا ولو تدري شنو بيصير لها بعدت عن امها اللي بان عليها الحزن
وسلمت على رانيا اللي بكت بسرعه
ماتحملت ماتركت ريما الا بعد الغصب .. ناصر وهو يمشي مع فهد للسياره ويسمع صوت رانيا وهي تبكي وتوصي ريما على نفسها ...
ريما وهي توجه للسياره من غير ماتناظر وراها تحس لو تلتفت لتقول كل شيء وتعترف على اخر لحظه ركبت السياره وعيونها مغرقه ودها تصرخ وتبكي ..

في المطار ...

ريما وهي جالسه على مقعد الانتظار تنتظر فهد يخلص الاجراءات وكانت تلفت يمين ويسار وطرت فاطمه ببالها ماحاسبتها على المقلب اللي سوته فيها
ورفعت الجوال ودقت عليها بس طلع مغلق ريما بقهر قفلت الجوال ماحست الا باليد اللي ضربت كتفها بقوه
ريما ماالتفت خافت يكون فهد بس ماتوقعت انه يكون بهذه القسوه ماحست الا ضربه ثانيه على راسها
ريما نفس الشيء ماالتفت ماسمعت الا ضحكه يمكن كل المطار سمعوها
ريما التفت بعصبيه :وجع ان شالله يالخايسه
فاطمه تضحك وماسكه بطنها :هاي
ريما :لا هلا ولا مسهلا
فاطمه : من جدك مالتفتي
ريما :وخير شالحركات الجديده ذي
فاطمه :أي حركات المهم انا جيت اودعك واستري ماشفتي منا
ريما وهي تقرصها من غير مااحد ينتبه :ايش تبيني استر واخلي الله لايوفقك ايش سويتي فيني
فاطمه تضحك وتغمز لها وتفرك منطقه القرصه :أي .. كيف البوسه بذمتك ؟ انا عرفت الرقم اللي تحبينه قلت يابنت حطيه شيء حامي
ريما وتضربها :وجع ان شالله من قالك اني لعبتها
فاطمه :علينا هذا فهودي
ماحست ريما الا بصوت فهد اللي استغرب من اللي واقفه معها ... فاطمه وهي خاقه على جمال فهد من قريب
فهد وهو يبعد علشان ريما تاخذ راحتها :انتظرك هناك
ريما بموافقه :طيب
فاطمه قربت من ريما وضمتها بشوق :يالله ياريما كيف بدرس من غيرك والله بفتقدك
ريما بضحكه :وانا بعد راح افتقد لكم
فاطمه تبعد عنها وهي تمسك دمعتها لانها معروف عنها تكره لحظه الوداع ...
ريما سمعت نداء طيارتهم ودعت فاطمه وراحت مع فهد اللي قاعد يناظرها وهي تودع فاطمه ....
رانيا وهي تمسح دموع امها وتطبب عليها من بعد ماراحت ريما وهي تبكي والكل يهدي فيها
رانيا :يمه خلاص كل هذا ماصارت
خديجه وهي تمسح دموعها :والله اني اخطيت لما زوجتها بسرعه
رانيا :نصيبها وخذها بعدين ماراحت مع وحش ماحد قالك راح تروح ماترجع
عامر :يالله ياخديجه وانا اقول اختي القويه وطلعتي خرطي
خديجه تبتسم :الله يوفقها ويصلحها ويبني بيتها
ناصر وهو نازل مع مها وماسك ايدها ... رانيا وهي عينها مانزلت من على مها اللي بان عليها التعب
مها بحزن :ليش ماصحيتوني علشان اودع ريما ؟
رانيا بضحكه وتحس باللي يناظرها :محبينا نزعجك
مها وهي تحس انها اخطت بحق رانيا :يالله منك يارانيا
رانيا راحت لها ومسكت كتفها بدلع :كل الوقت نايمه حشى حامل بفار ماخذه السبات الشتوي
ناصر فقعع يضحك ولكل يناظره :ايه قولي لها
رانيا وهي تبسم لناصر وتقرص خدود مها :بعدين ليش زعلانه تعالي ريما وراحت افتكينا منها
مها بضحكه وتحس ان رانيا تهون عليها :حرام عليك
خديجه رمت رانيا بالمخده بس ناصر مسكها بسرعه لمى شاف رانيا تصد عنها :والله لاوريك حتى واختك مسافره
رانيا بدلع :والله امزح يادمعه مادري اذا تزوجت بتبكين علي كذا اتحدى
ناصر وهو يتنرفز من سالفه زواجها :مستحيل احد يبكي عليك انت
مها :بس خلاص ازعجتوني
رانيا وهي تناظر ناصر بتحدي :هين ياللي ماراح يبكون علي
رانيا راحت مع مها وتركتهم وهم يضحكون عليها ...
خديجه بحزن تناظر ناصر :ناصر ليش مها وجهها مصفر وتعبانه
ناصر :تعرفين تعب الحمل مافيها الا العافيه تونا رايحين المستشفى اليوم
خديجه :الله يهون عليها ويزرقكم بذريه الصالحه
ناصر بزفره :امين
تركهم وخرج بيدور لاحد ينسيه الهم اللي بقلبه ...
ريما وفهد نازلين من المطار وريما تدوخ من كثره المطارات الي مروا فيها
ريما وهي مسكت يد فهد تبيه يوقف عكسه هو اللي متعود :وقف ليش انت تركض
فهد بضحكه :ليش ماتحركين السفر يبيله جري
ريما :هههههه والله تعبت
فهد وهو ياشرلها على كرسي تقعد عليه .. راحت ريما وسوت اللي قالها فهد وشافت شله شباب يناظرونها كان باين عليهم انهم خليجين
واحد منهم كان جاي معهم بنفس الرحله وكان يناظر ريما من وقت ماكانوا بالسعوديه خافت منه ريما لانه كان يناظرها بطريقه غريبه وتخوف
كانت لافته النظر بالحجاب اللي لابسته ويعر ف الناس انها خليجيه وقعدت تتنتظر فهد وهي على احر من الجمر
....:مرحبا
ريما التفت بخوف لان نبره الصوت غريبه عليها :من انت ؟
...:انا اسمي راشد
ريما بعصبيه :راشد ولا ماجد اقلب وجهك
راشد :يابنت هدي نفسك والله انكم يابنات السعوديه نفسكم ماتغيرون
ريما :لو سمحت بعد عن طريقي ابي امر
راشد وهو يمد لها بكرته :تفضلي انا حاضر انا هنا اخدم بنات بلدي
ريما اخذت الكرت منه ورمته بوجهه :لا والله الله يخليك لبنات السعوديه حتى هنا مااذيننا استح على وجهك انا متزوجه
راشد :واذا يعني متزوجه عادي تخلي عن الروتين خلينا اصدقاء عادي
ريما حست انها دقت معه سالفه وخافت ان فهد يشوفها ويفهمها غلط واللي خافت منه صار ..