منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

رانيا بالمدرسه وهي مع منيره بالغرفه ويتناقشون على الخطه للتدريس ودخل وقت الانصراف وقطع عليهم جوال رانيا وشافت الرقم دق قلبها وصار وجهها احمر رانيا ارتبكت لانها ماتبي تقول لمنيره انه ناصر علشان ماتحسسها انها خاينه
رانيا بعدت من منيره :الو
ناصر وهو مستمع بصوتها الناعم الهادي :مساء الخير
رانيا باتسامه :مساء النور
ناصر :امركم السايق باقي ماجاء من المزرعه
رانيا :ايه اذا باقي ماجاء مالي غيرك
ناصر انشد صدره لما سمعها تقول مالي غيرك :خلاص بمرك الاول وبعدين امر ريما لاني كلمتها وقالت انها خلصت
رانيا :اوكيه مافيه مشكله
قفل ناصر الجوال وطلع من مكتبه بسرعه يركض للامل الي يدور له مع رانيا ........... رانيا كانت مبسوطه على الاخر تنتظر اتصال ناصر
فهد بالمستشفى مع ريم
الدكتور :جاهز استاذ فهد ................انت شكلك ماتتغذى
فهد :ليش دكتور ؟
الدكتور :انا اقولك من الحين اذا ماجبرت الكسور راح ارجع الجبس
فهد وهو واثق من نفسه :انا صار لي شهر واسبوعين ممد بهالفرشه صرت كسول
الدكتور:يله الحين نشوف تفضل معي
ريم :يله انشالله نخلص
فهد وهو يقوم مع الدكتورللسرير الدكتور يناظر ريم
الدكتور ينادي الممرضه علشان تساعده :ممكن تساعدين زوجك يشيل ملابسه
ريم وهي تافف وتقرب من فهد :يله دكتور
فهد وهو يحس انها متغيره عليه :اذا حاسه انك تعبانه اقعدي الممرضه تساعدني
ريم وهي تفك ازرار ثوبه وتهمس له :مااسمح لاحد يلمسك
الدكتور وهو يجيب اداه علشان يقص الجبس:يله خلاص
ريم وهو شايله ثوب فهد :ايه دكتور تفضل
بدى الدكتور يقص الجبس وفهد يحس بالم بصدره وكتفه ولما وصل الدكتور يقص الجبس اللي عند الكتف تالم فهد بس كتم الالم مايبي يحسس الدكتور انه باقي يتالم وخلصوا فهد حس ان نص وزنه طاح لان الجبس كان ثقيل عليه طول هذي الفتره
الدكتور وهو يمسك كتف فهد ويحركه :كيف تحس الحين ؟
فهد وهو يحس براحه :الحمد لله
الدكتور راح اخلي الممرضه تسويلك مساج علشان تنشط الدوره الدمويه بعدين نسوي اشعه ونشوف
فهد :خلاص اوكيه
طلع الدكتور من وراء الستاره وشاف ريم شايله الثوب وتنتظر
ريم:ها دكتور كيف حالته الحين ؟
الدكتور :الحين نسويله مساج علشان يرتاح اكثر ونسوي اشعه بعدين نقرر اذا جبرت او لا لانه فكينها مستعجل بس شكل زوجك مشالله عليه قوي
ريم وهي تبتسم :انشالله يشفى لانه دكتور تعب من الجبس وهو يتالم منه
الدكتور :لهذه الدرجه الاهتمام !!!!!!
ريم :ايه اكيد
الدكتور وهو يرفع سماعه التلفون :الو لو سمحتي ارسلي الممرضه نجوى فيه مريض عندي يحتاج مساج بسرعه
بعد دقايق جاءت الممرضه ومعها جهاز ودخلت عند فهد ................ فهد وهو ممد على السرير وكان صدره عاري وقعد يناظر الممرضه وهي جايه وضحك على نفسه وهو يفكر ان ريما سوتها مره ثانيه .......... الممرضه قربت على فهد وهي معجبه بجماله
الممرضه بنعومه :ممكن تجلس شوي علشان امد المرهم
فهد :ايه
جلس فهد وهي قعدت تشتغل ولما خلصت المساج قربت منه وهمست له
الممرضه :ممكن رقمك ؟
فهد وهو يبعد منها :وليش ؟
الممرض :علشان نسويلك جلسات تدليك
فهد يبتسم لها :مشكوره ماحتاج زوجتي تسويلي
الممرضه وحست ان فهد عرف تفكيرها :براحتك
وطلعت من الغرفه وريم تناظرها باستغراب وهي تشوفها مسرعه
الدكتور وهو يدخل عند فهد :ها شلون الحين ؟
ريم تناظر فهد وهي تحس انه صار احسن :الحمد لله على السلامه
فهد :الله يسلمك
الدكتور وهو مبسوط :لا الحمد لله باين مشالله انك صرت احسن
فهد يبتسم :خلاص مالله داعي الاشاعات
الدكتور:لا الحرس واجب
فهد وهو يضحك :صدقني دكتور انا مثل السبع
الدكتور :مشالله باين عليك
ريم وهي مفتخره بزوجها :مشالله
فهد لما خلصوا اشاعات واكد الدكتور انه خلاص وصرف له مقويات وفيتامينات وادويه ..........ورجعوا البيت وهم مبسوطين
ريم وهي تفسخ عبايتها :لازم ابشر ابوي
فهد :توقعين يهمه
ريم :اكيد لانه لازم نسوي لك حفله ياعمري
فهد وهو يحرك ايده ويسوي تمارين :شنو لزمتها ؟
ريم :فهد حرام عليك خليني افرح بسلامتك
فهد بشك :اكيد
ريم تقرب منه وتبوس خدوده :ماشتقتلي
فهد يبتسم :اكيد
ريم بفرحه :هههههههه
فهد :جوعان قولي للخدم يحضرون لنا اكل
ريم توقف بنشاط :من عيوني
فهد بملل :تسلم عيونك
راحت الريم وفهد ظل يرقبها بعيونه ويحسها متغيره عليه وهي ليش متقلبه ...
ريما وهم بسياره وراجعين للبيت ناصر يسولف معهم ومبسوط رانيا كانت تسمع وساكته
ناصر :كيف الدوام اليوم ؟
ريما وهي تافف : ناصر بالله عليك هذا سؤال
ناصر مستغرب : ليش التشاؤم ؟
ريما :صار لي موقف الله لا يوريكم ضحك علي اللي يسوى واللي مايسوى
ناصر يبتسم :تصير ريما !!!!
ريما وهي تحكي لهم الموقف .... انفجروا يضحكون رانيا وهي خاقه على ضحكة ناصر اول مره تسمعه يضحك من قلب ....
ناصر وهو يكمل ضحكته :معقوله ماشفتيها
ريما :والله شكيت ليش البنات ساكتين
رانيا وهي تضحك بنعومه :يالله ياريما فصلت ايدك
ريما وهي تحس بالم بيدها :أي والله لو تشوفونها معروفه بالجامعه كأنها اللي يشتركون بااولمبيات
ناصر يضحك :ههههههه سلامات والله يوم مشوق
ريما بعصبيه :هي انت والست اللي جنبي لا تقعدون تشمتون فيني حرام عليكم
رانيا :والله مانشمت بس ....
ناصر قاطعها وهو مبسوط انها تدافع عنه وعنها :وانت رانيا يومك مشوق مثل ريما
رانيا وهي مستحيه :لا عادي كالعاده شغل وكتب وحاله
ناصر حس انها تختصر في كلامها :هذا حال المعلمات
ريما حست بالجو هدى وفكرت تسئل ناصر عن فهد بس خافت ورجعت تسكت لانها متردده تتصل فيه ولما دخلوا كانت مها باستقبالهم وهي تعطي رانيا نظره رانيا شافتها بس طنشت لانها ماتبي تتعب نفسها مع مها وتدخل بمشاكل
رانيا وريما لما دخلو الصاله :سلام عليكم
الخال وخديجه :وعليكم السلام
خديجه :كيف الجامعه ريما
ريما وهي تافف :تجنن تهبل اقطع شعري من حبي لها
عامر :الله كل هذا الحب
ريما :ايه مادريت
خديجه :ريما عن اللقافه وشدي حيلك ابا مجموع يرفع الراس
ريما وهي طالعه لغرفتها :انشالله
رانيا :وانا محد يسال عني
ناصر دخل عليهم :ليش ماسالت عنك !
رانيا التفت على ناصر :مااقصدك بس كله مهتمين بالبزرارين
ناصر يناظرها باعجاب (وانت شنو ) : توها تتدرس انت ماينخاف عليك
عامر :انت كالعاده لاجديد
رانيا تبتسم :والله صرت تعرفني ياخالي
مها دخلت وهي معصبه : شلونك رانيا ؟
رانيا وهي تلم اغراضها :الحمد لله شلونك انت ؟
مها وهي تقعد جنب ناصر :الحمد لله
رانيا راحت لغرفتها ترتاح بعد الشغل والتعب ....
الساعه 9 في الليل