منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

بعد اسبوع وبعد ماعدت ايام العزاء وبتعب ريما في غرفتهم متمده على سرير نوره ودموعها غرقت المخده
وهي تتذكر نوره وتركي وسوالفهم وايامهم ومقالبهم مع بعض
من زمان كنت طيب....وكنت من صغري حبيب
كنت اظن العاقل اللي مايأذي ... ومايجيه الحزن اوحتى يطوله
كانت امي اللي تقوله ..وكنت اصدق !...يابراءت الطفوله
تجين نرجع الماضي تجين نسولف ونضحك ...على المليان والفاضي
تجين الملمك لعبه وارد اكسرك ثاني ... تجين انسى يوم انتي صرختي فيني انساني
تجين نصيح بس بسكوت ..تجين اصدق اني حي ... تجين (نموت )

ريما قامت من على الفراش على رنه الجرس لبست عبايتها وطلعت كانت تدري امها في المطبخ ورانيا نايمه في غرفه تركي
ريما بصوت مو مسموع :منو ؟؟
:.....................
ريما علت صوتها :منو اللي عند الباب ؟؟؟
:افتحي انا مازن
ريما ومستغربه :منو مازن ؟؟
مازن :ولد عمك اكيد نستوني جيت انا وزهره
ريما شهقت وحطت يدها على فمها :وشنو تبون ؟
مازن :افا يابنت العم كذا الناس يستقبلون ضيوفهم
ريما :اكيد انتو جايين وراكم مصيبه اصلا ماتبون الخير لنا
زهره بتكبر:اقول افتحي بلا كثرت حكي
ريما معصبه :اقول اذلف انت وهافاسخه معك
زهره وهي وصلت حدها :اقول مازن انهنا بما فيه الكفايه
ريما :طريق تودي ماتجيب
ام تركي طلعت من المطبخ على صوت ريما وهي تصارخ :ريما وش فيك تصارخين اللي بالحي سموعك وانت تصارخين ؟؟؟
ريما ماردت على امها لانه لوتعرف انها بدخلهم البيت ظلت امها تناديها وريما ماردت عليها جاءت امها عند الباب
ام تركي :منو عند الباب
ريما ومتسمره عند الباب وتدعي انهم راحو :يمه مافي احد
مازن :انا مازن عمتي افتحي جيت انا وزهره
فتحت ام تركي الباب شافت مازن رافع حواجبه وزهره رافعه خشمها فوق وماتشوف اللي قدامها
مازن :سلام عليكم
زهره :هاي
ريما :شتبون اختصروا
ام تركي تسكت ريما :وعليكم السلام حياكم ياعيالي
ريما وتأشر على زهره :وانت اللي جاي يقول سلام موهاي علم اختك انت هي
مازن التفت على ريما وكله اعجاب بشخصيتها وابتسم :من عيوني يابنت العم
ريما خقت في مكانها على اسلوبه :انا ماني بنت عمك
ام تركي عصبت من اسلوب ريما :ريما وجع هذا ولد عمك وبنت عمك شنو هذا الاستقبال
ريما :على مأظن نسيتي يمه انهم اكلو حقوقنا كل اللي هم فيه مال حرام سمعتوا
زهره :لا زودتها شوف مازن يله نطلع
ام تركي :ماعليكم منها ياعيالي توها بزر
ريما طالعت في امها ودخلت البيت وطلعت غرفتهم وقفلت الباب بقوه لدرجه ان رانيا صحت من قوه الضربه ...
ام تركي دخلتهم ورحبت فيهم ودخلو الصاله وضيفتهم كان مازن متواضع جدا عكس اخته اللي مارضت تشرب قهوه
هي ترفضها بقرف بس ام تركي طولت بالها عليهم علشان تشوف شنو عندهم جايين بعد كل هالسنين وخاصه بعد وفاه تركي ونوره
كان تركي يرفض يدخلون البيت من بعد سفرت ابوهم وزواج زهره وعاشت في بلاد برى
مازن :عظم الله اجركم ياعمتي الخبر جانا متأخر وتونا جينا من السفر
خديجه :اجرنا واجرك
زهره من دون نفس :عظم الله اجركم
خديجه :اجرنا واجركم
مازن :ياعمتي انا جاي اعطيكم خبر بأن لكم ارض عندنا بس الصك عند تركي ونبي تعرفيلنا وين هو حاطه ياريت
خديجه تضحك على خيبتهم :ياوليدي حن مانعرف عن الارض ولانعرف وين الصك اللي تقول عنه
زهره : شفو ياوجهه الفقر الارض لنا وهذا الحرامي اخذ الصك ومانعرف كيف صدقها من المحكمه انها له
يعني يامازن مافيه الا حل واحد بس انكم تتنازلون عنها في حاله ماتعرفون وين الصك
خديجه :اسمعوا انتوا مالكم حق عندنا حنا اللي لنا حق عندكم وسكتنا عنه ليش لان الله هو اللي بيأخذ حقنا منكم
واذا هذا اللي جايين عشانه مافيه شيء راح يفيد من مجيكم
رانيا نزلت وهي كانت لابسه بيجامه وكان شعرها طولان شوي وملعب فيه بعد النوم انزلت من الدرج وهي تتعكز على العكاز
رانيا وهي مانتبهت للموجودين :يمه ليش هذا الصراخ ؟؟؟؟؟
مازن خق على جمال رانيا :هلا اكيد انت رانيا
رانيا انتبهت على مازن :منو انت
وكانت بترجع بس وقفها صوت زهره اللي كانت تقول :هذي المعاقه ههههههههه
رانيا عصبت ولا قدرت انها تسكت :منو اللي معاق ها انتو عيال عمي
مازن ومنبهر بجمال وجسم رانيا :ايه يسلمي الفهمان
رانيا بقرف :الله لايسلم فيك ولا عظمه
زهره وهي رافعه حواجبها بتكبر :قليلات اسلوب ياخوي صدق قرف
رانيا :قرف في عينك واطلعوا برى جايين اكيد تشيكون اذا كان باقي شيء
زهره :هذا حقنا ولاشنو يامازن
رانيا ناظرت مازن مازن خق على شكلها وهي معصبه :براحتهم خليهم على راحتهم
رانيا :اكيد على راحتنا
مازن قعد يناظر رانيا مانتبه الاعلى صوت زهره اخته تقوله يمشون مازن وحس ان رانيا دخلت باله

رانيا وتكلم امها بعد ماطلعوا :انتي يمه ليش تدخلينهم البيت وبعدين انتي ليش ماكنت تتكلمين معاي
خديجه وقاعده بحكمه : يابنيتي مايصير نرفع صوتنا عليهم وهم على بساط بيتنا لازم تعلمون الصبر والحكمه
(مازن :عمره 30سنه يشتغل مدير لشركات ابوه اللي لما كبر قعد في البيت وسلم شغله لمازن
وزهره مازن كان داخل البلاد وزهره برى البلاد كان ابيض طويل وجسمه مليان ورياضي وكان
باين من عضلاته كانت عيونه صغار وفكه عريض يغطيه عارض كان خشمه مرفوع شوي كان
اصلع وشخصيته لاباس بها ومعروف انه له سوالف مع البنات وسمعته طايحه بالارض بس ماحد
يسترجي يتكلم عليه بسب نفوذه ونفوذ ابوه وسمعتهم مااحد يقدر يتكلم عليهم )

(زهره :عمرها 31سنه بنت غريبه متكبره بيضاء طويله وضعيفه مره لدرجه ان عيونها جاحظه
وفكها باين وشعرها مقصوص بوي ومطيرته سبايكي وقالبه ولد شخصيتها قويه زي ابوها شايفه
نفسها حتى على صديقتها كانت عمليه ومن وقت ماعطها ابوها الثقه في انها تدير شغله برى
عقلت شوي وتعدل شكلها شوي كأنها سيده اعمال لها علاقات كثيره مع الشباب وحتى وقت
ماتزوجت وسافرت تطلقت بسبب هذي العلاقات الخطأ لانها ماخذه راحتها وراخيه الحبل بزياده
وكانت تتعذر ان اللي يعيشه مجتمعها تخلف وبس )
رانيا تدق الباب على اختها وفتحت الباب وريما كانت ترتب درجها وتلعب في ملابسها وشوي ترتبهم وترد ترميهم
رانيا :ريما خير وش عندك معصبه قومي خلينا ننزل عند امي
ريما بعناد :ماني نازله الحين تكسر كلامي وتدخل هذي المومياء والبودي قارد اللي معها البيت ويتطاولن علينا
راينا :ريما اللي في امي يكفيها لازم نوقف معها موضدها هي ماتبي تطلع ناقصه عقل وتطردهم من البيت
ريما :لا والله الحين موانا قليله الغقل والخاتمه
رانيا :ريما امي في حاجتنا تعرفين امي صبوره فوق ماتتصورين لاحظي شنو تحملت علشانا الله يوفقك اكبري صار عمرك 21سنه وانت بهي العقليه
ريما :ارحميني يالعاقله منو اللي طردهم من البيت
رانيا :انا لانهم زودها امي تخيلي ماتكلمت بأي كلمه
ريما وبدت تقتنع بكلام رانيا واقتنعت في الاخير ونزلت عند امها في الصاله هي ورانيا باست ريما راس امها
ريما بضحكه طفوليه :اسفه يمه طول عمرك حنونه
خديجه وهي تسبح بالمسبحه اللي بيدها :سبحان الله العظيم
ريما :يمه اكلمك ورحمت تركي ونوره حاكيني
خديجه وكأنها مو مصدقه ان نوره وتركي ماتوا :الله يرحمهم
ماتحملت خديجه وهي حابسه دموعها وتمثل القوه قدام بناتها انفجرت تبكي وتنادي تركي ونوره ....... رانيا وريما ماتحملوا الصدمه وصاروا يبكون مع امهم راحو وحضنوها وضموها