تركي:لا مافهمتي ياكلبه..بس شاطره انك تقولين فاهمه وفاهم وكلا اشوف العكس..
وشد شعرها زود..
تركي بحقارة:كلبة..
ورفسها على بطنها وطلع وخلها بين دموعها وألمهاا
.
.
.
قبل 15 دقيقة..
خالد:انا بوصلك للبيت..
هيلة:لاتتعب نفسك..
خالد:ولا تعب ولا حاجه..
هيلة:اوكي مو مشكله بس تروح معنا امينة ومياسا..
خالد:لااا انا ابيك انتي بالحالك..
هيلة:اجل اناا اسفة..
خالد:انتي ليه متبين تروحين معاي..تكلمي..
هيلة زلت لسانها:لاني مطقيك..
خالد انصدم من كلمتهااا:!!!!!
.
.
.
اول موصلت من المزرعة..
صعدت فوق وغيرت لبسها ولبست لها قميص نوم باللون البنفسجي..يجي له قطعتين..القطعة الاولى بلوزة تجي رسمه مميزة عند الصدر..والقطعة الثانية عبارة عن كلوت ربط..
صايررر شكلها رهيب بالمره..تعطرت وحطت غلوس خفيف..
ونزلت تحت وشافت ماجد جالس بالصاله..
اقتربت منه وجلست بجنبه..
دااخ على ريحتها التفت لهااا..خق على شكلهاااا..
هتان بمكر:ويش قاعد تطالع؟؟
ماجد بتتنيحه:هه..
هتان مسكت الريموت كنترول وصار تغير في المحطات..
وماجد منزل عيونه عليهاا..ذااب بشكلها وبريحتهاا..
حطت رجل على رجل وبابتسامه:امووت اناا بالمسلسل ذه.. عملت حالها كنها مندمجه بالتلفزيون..وهي تدري انه متووولع فيهاااا..
ابتسمت على خفيف..
وقامت من مكانهاا..وهو منزل عينه عليهاا..
جابت صحن المكسرات ألي فوق الطاولة ورجعت جلست..
هتان مدت له الصحن:تفضل..
ماجد بنظرات حاده:زااد فضلك..
وبعد كم دقيقة ماجد خذ الريموت كنترول وطفاه عليهاا..
هتان تسوي نفسها كنها مندمجه بالمسلسل:لييه طفيته؟؟
ماجد التفت صوبها:ابي اتكلم ويااك..
هتان:طيب انتظر لما ينتهي المسلسل..
ماجد:المسلسل مو طاير..
هتان بملل:اخلص وش عندك..
ماجد بتردد:انتي...انتي قلتي انك تحبين واحد قبل مااتزوجك..
هتاان:.............
ماجد:و...
هتان قاطعته:قال احبه قال..قوول اعشقه..
ماجد انقهر لما قالت له سذا:ومن يكون ذا؟؟
هتان حست انه انقهر وحبت تزود القهر ألي هو فيه:بنيت حلمي معاه..وقلت هو ألي بيكون ابو عيالي..
ماجد والشرار يطلع من عيونه:نعمممم..
هتان:ألي سمعته..بس انت دخلت بالعرض وخربت عليناا حبناا..
ماجد رفع حاجبه:صددق انك قليلة الادب..في وحده متزوجة تقول لزوجها كذا..
هتان بابتسامه سخريه:زوجهاا!! اسكت..اسكت وألي يرحم ولديك بس..أي زواج تتكلم عنه..احناا بنكمل السنه ولحد الان محس اني متزوجه..قال شو قال في وحده متزوجة تقول لزوجهاا كذا....اسكت لتخليني اضحك بس..
ماجد:.........
هتان كملت:وزي مقلت لك انا محس اني متزوجه عشان اقول ولا مقول يمك..وبعدين انت مستحييل تنسيني حبي الاول..
ماجد انقهر من كلامهااا وعطاهاا كف على وجهاااا..
.
.
خالد بنفس صدمته:ماتطقيني!!ليه؟؟
هيلة بتدارك امر:هه..لا موقصدي ان....
خالد قاطعها:بلاا قصدك..اصلناا انا من ملكت عليك وانا احس انك موطايقتني ابد..ليه وافقتي علي من البداية..
هيلة(ألي يسمعه يقول ان الخيار لي):..........
كانت بترد بس..
ابومحمد:يلاا ياخالد انت وصل امينة ومياسا وام تركي..وانا وماجد بسيارة مع هتان وهيلة..
.
.
متصور انه بيرفع يده عليهاا..اوول مره يسويهاا..
ماجد(بس صدق هي اخطئت اجل في احد تقول كذا حق زوجهاا...اففف بس..وانااا ليش افكر فيهااا اروح انام احسن لي من التفكير فيهاااا)
صعد الدرج وتوجه للغرفة بس وعى ان هتان مغيره غرفته..لانهم قبل ينامون بنفس الغرفة..وجاء بيلتفت للغرفة الثانية إلا وهو يسمع شهقاتها ونوحتهااا..كسرت خاطره..
مقدر يقسي قلبه اكثر من كذاا..
طق الباب وهي على طول تغطت باللحاف..وهي كاتمه شهقااتها..
دخل واقترب منها..جلس على حافه السرير..
ماجد حط يده فوق اللحاف وبتفهم:هتان...هتاان..
هتان بين دموعها:اطلع براا..
ماجد بتفهم:انتي تبكين؟؟
هتان رفعت وجها عن اللحاف وبنوحه:قلت لك اطلع براا..
ماجد اول مره يشوفها كذا..مسح دموعها بيده..وبحنيه:ليه الحلوو يبكي..ترى مو لايق..
هتان بلا شعور دفنت راسها بصدره وهي تبكي..ماجد ضمها زود إلى صدره..وبحنيه غريبة:خلااص هتاان..خلاص..
وضمهاا زودد وهي تبكي..
.
.
.
كان جالس بالصاله يدرس بنته الاملاء..
لان مابقى لها إلا 4 ايام وتعطل..
تركي مسح على شعرها بحنيه:خلاص خلصناا..
الجوري تمددت:آآآه اخيرا خلصنا..بابا انا جوعانه..
تركي:تونا متغدين في المزرعة"وهو يشوف الساعة"اووف راح الوقت بسررعة..احين الساعة 7 ونصف..
تركي(ويش تسوي فوق الهانم..من مدة وهي فوق..من ضربتها..اففف بس منهاا)
وصعد فوق واتجه لغرفتهاا..
فتح الباب..وشاافها مستلقية على السرير..كسرت خاطره بس قسى قلبه..وحركها من يدهاا بفضاضه:انتي ياخدامه يلا قومي..
دانه:.........
تركي:قوومي ووجع توجعك..
دانه وعت على صوت وبهمس:نعم..
تركي بحده:نعاامه ترفسك..يلاا قومي طبخي"وبزمره"يلااا..
وطلع من غرفتهاا..قامت من سريرها بتعب وهي تحس ان جسمها متكسر لانه لعب بجسمها لعااب..من الضررب..
توجهت للتواليت وغسلت وجها..وهي تشوف جرح فوق شفتها..مطااب جرحها الاولي..
راحت تصلي صلاة المغرب قبل ماتفوتها..مقدرت تغير لبسها تبع المزرعة لان يدها تعورها وجنبهاا..
مشت بشويت ونزلت تحت قبل مايكوفنها على التأخير..
شافته جالس بالصاله يلعب بنته..اقتربت منه
دانه بهدوء غريب:ايش تبي على العشاء؟؟
تركي بدون ميطالعهاا:سوي لنا معكرونة حمراء..
دانه:بالدجاج ولا باللحم ولا بالتونة..
تركي:بالتونة..
دانه بهمس:ان شااء الله..
وراحت للمطبخ..
استغرب من تصرفهاا..كان هادي وتتكلم من دون تذمر زي قبل..
في المطبخ
راحت تقطع البصل والطماطم..وبعد مخلصت
صارت تسوي الحمسه..وعيونها تبكي من ألم جسمها..ضربها ضرب مبرح لدرجه انه ترك اثار على جسمها..
دانه كانت تخاطب ربها في سرهاا(مدري ايش الحظ ألي رماني بحضه ياربي..ويش اسوي ياربي..تعبت من الحيااة تعبت منه ومن كلامه واوامره يحسبني خدامه له..احس اني استيئست بقووة بعد..آآآآه..مدري ويش اسوي معه..هل اعيش معه كني خدامه له وارضى بنصيبي ولا اني اتطلق منه..ياارب ساعدني..)
قاطع سلسلة افكاره صوته وبفضاضه:مستوا..
دانه التفتت له وبهدوء:احين بكب الغداء..
تركي بغرور:عجلي ياخدامه..
دانه بضعف:ابشر..
تركي تعجب اكثر من ضعفها وردهاا..متوقع ان بيجي اليووم ألي بتتكلم معه كذا..
ودقايق إلا استوا العشاء..
وحطت الاكل بالطاولة..
الجوري:ماما قعدي تعشي..
دانه:لا ياقلبي انتي..انا شبعانه..
تركي:!!!!!
الجوري:ايش كلتي ماما..
دانه بابتسامه خفيفه:انتي لكلتي كني اكل..لاتشغلين بالك فياا..
انتظرتهم لين يخلصون من الاكل..ولمت الاغراض بعدها وجلت الصحون وكنست المكان..
تركي بصوت عالي:يااخداامه...ياخدامه..
دانه بآالم:نعم..
تركي بنفس عله صوته:تعاالي..
دانه اقتربت منه:نعم...
تركي:ايش فيك؟؟
دانه(تسئلني ويش فيني يااولد العز):........
تركي بصرامه:انا سئلتك ويش فيك؟؟اتوقع الاجاابة..
دانه:مافيني شيء..
تركي بسخريه:لا حلفي بس..قلت لك ويش فيك؟؟
دانه:لا بس مرهقه شوي..
تركي يبي ينرفزني:ويش مسويه عشان تكونين مرهقة ياحظي..