منتديات قصايد ليل - عرض مشاركة واحدة - رواية ياغايتي لو كان لضلوعي لسان قالت تعال ارجوك محتاجة عناق

02-02-2013

بيت رعد
عبدالله جاء وعطى رائد ابره قويه لان خلاص روحه مودعه ومابقيلهم الا هذا الحل وحبوب ثانيه يعطيه اياها
عشان مايصاب بجلطات او انقباضات
ونام رائد بعدها وقالهم يحطون كمادات عليه الين تخف الحراره وبكره بيكون بخير
ودقوا على لين وطمونها وماصدقتهم الين حلفوا بامهم
بعد ساعه
فله سعود
لين عدلت نفسها من جديد ولبست شرشفها وراحت للقصر بعد ماقالت لسعود ومارد عليها الا انه اشر براسه لها
راحت ولقت الكل موجود
سلمت عليهم لهم والجده نادتها تجلس بقربها وجلست تتكلم معها وان مايصير تبكي على كل شي ومن هـ الكلام
الين سحبتها ريم لصاله الثانيه
وكانو يسولفون معاها
لين : اقول مالي شغل مابي العب معاكم
ود : هههههههههههه ليه
لين : تبون تضربون يدي وماقول اي او وجعتني ليش ماحس انا
ريم ومها واسيل ضحكوا بقوه : ههههههههههههه
مها : كانها عارفه بنيتنا هههههههههههههه
ريم : ههههههههههه يالبي بث
اسبل : ههههههههه كانت بتروح يدها
وكملوا سوالف الين موعد العشاء
ومشى العشاء على خير
الساعه 11
لين كانت بتطلع عشان سعود قال لاسيل تطلع عشان يروحون المطار
وقفت عند الباب بتلبس عبايتها
استغربت من وجود شذى بس ماعلقت
قربت منها شذى وكانت ماسكه سيخ حديد مولع من الحراره
عند الشباب بهذا الوقت
عبود : ياخي ابعد عني ابوي موجود قله
مشعل : ابوك مايبي لان جدتي الله يسامحها مارضت
عبود : مالي شغل فيك وتستاهل كل يوم جاي البيت وجدتي تطردك ماتوب
مشعل : ياخي زوجتي ومن حقي ماشفتها الا مره
عبود وقف : روح بس اتمسكن عند جدتي
مشى وجلس عند سعود : حاله مايسر ابد ياسعود
سعود تنهد بضيق : كم باقي على موعد العمليه
عبود : شهر
سعود وقف : والله لو على زعله وعدم رضاه ان يتعالج المرض مو لعبه له
انا برجع بعد اسبوعين واجره لك خلك جاهز
عبود ابتسم : كفوو والله والله يصبرك عليه
سعود بادل الابتسامه : طيب انا ماشي الحين تبي شي
عبود سلم عليه وسعود سلم على الكل وطلع عشان يسلم على امه وامه من الرضاعه وجده وخواته
ووقف عند باب القصر يبي يدخل بس فيه حوار شده انه مايكمل الدخول

بريطانيا
قامت من النوم وهي تحس ظهرها مكسر وناظرت حوالينها ولقت عزوز على مكتبه
قامت تبي تروح تعدل حجابها بس داخت وطاحت على الارض
قام لها مسرع : نوف فيك شي
نوف : راسي يوجعني مره واحس دايخه
عزوز : بلاك الدلع ماكليتي شي وجسمك لازم له تغذيه بنروح الحين المستشفى يعطونك مغذي وبعدها تاكلين مفهوم
نوف ماتكلمت لانها غابت عن الوعي
عزوز توقع هذا الشي شالها وطلع معها للمستشفى

انتهى الجزء العاشر
شذى معقول تشوه وجه لين ؟
سعود موقفه ؟
رائد وموته ؟
عزوز ونوف ؟

انتهى الجزء العاشر