أتعبني الحلــــــــــم
 

قصيده جميله للشاعر
عطاالله فرحان
* * * * * * * * * *
أتعبني الحلم ليـن الواقـع أنكرنـي
كني مسكت الفرج بيدي وهديتـه



مافيه داعي على فرقـاك تجبرنـي
حتى الجفا منك ولعنـي وحبيتـه



الجرح عـدى زمانـه لاتذكرنـي
هذاك وقـتٍ تعذرتـه وجافيتـه



لوشفت دمع القصايد كان تعذرنـي
تصور إن الشعر يضحك وبكيتـه



ماغيرونـي ياكـود الله يغيـرنـي
كم واحدٍ عنك يبعدنـي ورديتـه



وفيت وأدري وفايـه مايصغرنـي
صوبت يم الهدف لكنـي أخطيتـه



من طار سرب الغلا والشوق طيرني
شف ماعلى الأرض واحد ماتعديته



خذني على صدرك الدافي وسيرنـي
بعض الولع ياخذ الرجال من بيته



أبنشغـل فـي عيونـك لاتدورنـي
ودي بشيٍ أشوفـه مابعـد جيتـه



خليت قلبي معـك والله يصبرنـي
مبطي وأنا أقول قلبي وين خليتـه



نسيت أعلمك طيفك جـا يسهرنـي
بس أنت ماشفتني وشلون ضميتـه



إشتقت لك مابغيتك عـاد تشكرنـي
تغيب والشوق ماعمري تباطيتـه



ماخذ على خاطري والبعد قاهرنـي
مدري شسوي وأنا كل شي سويته



العام يوم الوعد تسبـق وتنطرنـي
مستغرب شلون هالموعد تناسيتـه



وين أنت رايح ولاكنـك معبرنـي
ماكني اللي علـى العالـم تمنيتـه



لاصار هذي علومك راح تخسرني
ماعمر أحد راح من كيفه وناديتـه



عند الكرامه أبيعك وأنت خابرنـي
الله وكيلك ترى كل شـي مريتـه


كانه هجر بالسلامه روح وإهجرني
أخوي لاصـد عنـي ماترجيتـه

* * * * * * * * * * * * * * *

http://islamroses.com/zeenah_images/...5643d1e4f8.gif


الله يعطيك االعافيه
طرح موفق وراقي

ساكون دوما على متصفحك

لك مني الاهتمام والتقدير والاحترام

صح لســانك ولســـانه ..

يعطيك العافيه ع الطرح الـــــــــرائع والقيـــم ...

بــإنتظـــار جديد ك المميــــز ..

كانه هجر بالسلامه روح وإهجرني
أخوي لاصـد عنـي ماترجيتـه



الله الله

يعطيك الف عافية

رووووووووووعة

الله يعطيك العافية

مشكورين على المرور