 |
منتديات قصايد ليل
(http://www.gsaidlil.com/vb/index.php)
- …»●[مثاليــة أفلاطــون للمجتمـع الواحد]●«…
(http://www.gsaidlil.com/vb/forumdisplay.php?f=5)
- - ماكذبت امي عليـ!!
(http://www.gsaidlil.com/vb/showthread.php?t=3051)
ماكذبت امي عليـ!!
ماكذبت أمي عليّ .. يوم قالت .. ياجنيني ... لاتنام إلا متوضي ... وصل .. لله ركعتين .. واقرالك لو آيتين .. وارفع يديك وتضرع .. بالدعاء .. يشرق النور بجبينك .. ماتجيك أحلام توحش .. وماتقوم الصبح .. مهموم .. وحزين .. ماكذبت أمي عليّ .. يوم قالت .. ياجنيني ... لاتفرط في صلاتك .. ولايغرك حب ذاتك .. ولايبل الريق مسكر .. حتى لو يبست لهاتك .. ياجنيني .. إحرص .. تصلى جماعه .. وكل ساعه .. راقب الله في حياتك .. ماكذبت أمي عليّ .. يوم قالت .. ياجنيني ... لاتصير إنسان جارح .. إضحك بوجه الجميع .. عامل الناس بتسامح .. لاتفرط في حقوقك ... لاتجامل في النصائح .. ولاتثور .. تصير فاضح .. وإن لمست عيب صاحب .. لاتنافق .. ولاتصارح .. وإنتبه من هالنصيحه .. لاتصير إنسان غامض .. ولاتصير إنسان واضح .. .. ماكذبت أمي عليّ .. يوم قالت .. ياجنيني ... إحذر .. أولادك ومالك .. لاتجافيهم وتقسى .. ولاتبالغ في دلالك .. ربهم بالخير .. تربح وعلم النفس القناعه .. وعلم القلب الشجاعه .. ولاتغطي العين وتحلم وتخدع الرآي بخيالك .. ماكذبت أمي عليّ .. يوم قالت .. ياجنيني ... إنتبه .. لاتبني دارك قبل ماتختار جارك وفكر بحق المجوره!!! لايحس إنك ظلمته .. وإلا إنك يوم خنّته .. وإلا توذيه بصغارك .. ماكذبت أمي عليّ .. يوم قالت .. ياجنيني ... إن وعدتَ وعد .. فاصدق إحذر تزل بلسانك .. أو تقلل يوم شانك .. عش عزيز النفس تسلم .. حاجتك للناس .. علقم .. لاتبين ضعف حالك .. أو يغرك زود مالك .. ولاتهين إنسان .. تندم .. ماكذبت أمي عليّ .. يوم قالت .. ياجنيني ... خلك إنسان بكرامه .. لاتغرك هالأمور .. المناصب .. والقصور .. فكَّر بيوم القيامه .. فكَّر إنك ماأنت خالد .. رحلة الدنيا قصيره .. تلقى نفسك في سلامه .. ماكذبت أمي عليّ .. يوم قالت .. ياجنيني ... إحذر تصير البخيل .. واحذر تبذر وتطّغى واحذر تعيش بخساسه .. أو ذليل .. ولاتنام بيوم خالي .. لاتنام بدون لاتفعل جميل .. تلقى نفسك في معزه .. تلقى روحك في شموخ .. ياجنيني .. عش أصيل .... ومت أصيل .. ماكذبت أمي عليّ .. يوم قالت .. ياجنيني ... كل ماسويتْ فيني .. أو في أبوك .. تبي تشوفه من عيالك .. ياجنيني .. بر فينا تلقى بِرك .. ياعسى الله لايضرك .. والله الله .. لاتلين بضعف تعصر وإلا تقسى بشر تكسر ياجنيني إصحى .. وإحذر زوجتك تشكى وتكدر .. لاتدقق في خطاها .. وإنتبه تكشف غطاها .. تسعد بنعمة وفاها .. وتلقى منها مايسرك ... ماكذبت أمي عليّ .. يوم قالت .. ياجنيني ... لاتمل هموم حملك .. ولاتظن الناس مثلك .. واصنع أمرك من يمينك .. لاتدور من يعينك .. بين ربعك .. ولاأهلك .. لاتعامل باللي تكره .. ولا تجارم وإلا تشره... ياجنيني .. .. هذي وصايا .. لاتفرط في بعضها .. ماتتوه الشمس عينك .. أو تتوه الأرض رجلك .. ياجنيني ها لامانه حاول تحمّلها طفلك .. راقت ليـ كثيرا.. |
وصايا الام لجنينها
فهي قاعدهـ بنتها لنا من صغرنا لنستفيد منها في الكبر الف شكر ريحانه على الطرح |
شكرا لهذا التواجد الرااائع اخي عود .. تسلم ربي يحفظك
|
موضووع في قمة الرووعهـ اختي ريحانهـ يعطيكـ الف عاافيهـ على روعهـ ماطرحتيهـ لاهنتِ |
من اجمل الوصايا وصايا تحمل المثل العليا سلمت يداك على المووضوع |
الرائع مرورك اختي من اجازي..شكرا لهذا التواجد
|
تشرفت بمرورك اخي سراب..لك الشكر
|
تسلمي ريحانه على هالطرح ولا اكذب عندما اقول بانك مبدعه غلاتي .......
|
طرررررررررح رائــــــــــــــــــــــــع بما تعنيه الكلمهـ من معنـى شكرا لك |
| الساعة الآن 03:19 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية