ردية
 

صباح الخير
أتمنى تحوز على رضاكم

ردية كانت بدايتها عند الشاعر(وله)

الوله



الهاجس اللي مزعل الناس شره
صرت اتقية عشان قلب الحبايب


الناس راحت والخوي صح عمره
وين الغنايم ياللي طولت غايب


( أسهل عليا الرد من أكل تمره )
ومن اول الرميات بالعون صايب

ومن قبل ما يبرد على الطرس حبره
تلقى القوافي غرور والوزن ذاااايب

.......

حبر

اللي على المعني يا لله دره
يكفيه مايشمل قصيدة ضرايب

و الناس تفنى قبل تفنى المجره
اما الغنايم غير كسب الغلايب

ترمي جنوب الناس مليون مره
و تجيك ميه و ما تسميك تايب

خل ذا الحبر عبدن جليلن ل حره
ول تقول هذي من غريب الغرايب

الحبر= القلم
....


الوله


يا مرحبا ترحيب غالي لقدره
اعداد ما هلت مزون السحايب

الذيب ما يسري بليات فكرة
والجو توه طاب والشعر طايب

والهاجس المجنون كره وفره
يعطيك نبذه عن زمان العجايب

أحيان يكتبي قصيدن بصدره
وأحيان فارق شملنا روح خايب

ولا تقرب المجنون في وقت حره
يمكن يجي لك سهم ابلا سبايب


.....


حبر

حييت يا شاعر على الجلب دره
في غبتن من نورها النور غايب

للذيب مسرى بس للذيب جره
يتبع أثرها معربين النسايب

مجنون ليلى باح للناس سره
وانته على النيران دايم لهايب

احيان اشوف الشعر زين و مسره.
واحيان ما يجلب ياكود الطلايب.

ان كنت مجنونن عليكم مضره
و علاجكم بشهار وشهار نايب

.......



الوله

يا راسك اللي ما بقى فيه شعره
الراس صلع وانت بالعمر شايب

ودك معايا اليوم في الشعر فره
لكن عزمك طاح ويش انت جايب

رغم ان قدرك يعلم الله مررررره
وانا رفيقك في السلى والنوايب

ببقى كما كادي ملئ الكون عطره
لـ السلم عطر .. وللحرايب حرااايب

.......


حبر

يا عقلك اللي ناقصن فيه نمره
عز الله اني منك ماني بهايب

انته صغير وخوتي لك تشره
وانا كبير و خوتك مال سايب

التغلبي سم الحياه ل ال مره
وش أنت جايب معه ويش انت جايب

مانت الرحى و ابتنطحن مثل بره
و اللي يعيب الناس يلقى المعايب


......

الوله

اللحم عمره ما طلع منه ظفره
الا انت باقصك وبنهي الغلايب

شوفه هجوسي حد يجرحك شفره
يا الشايب اللي بآخر العمر عايب

بينك وبين التغلبي الف سفره
وبيني وبينك ضعفها بالحسايب


لا تصدقونه ماني شايب واذا الله اعطاني عمر اشيب واشيخ واتزهمر

صح لسانك
ابيات اكثر من رائعة
سلمت
تنبيه. ختم

أرتواء نبض هلا بك و ربي يسلمك
ومشكورة حيل

حرُووف عَذْبه كَلمات نقيه
وَزاادَها جَمالا ًبانتقائك لها
دام نبض بوحك
مودتي

واصلو ابداعكم هناا
ودي لكم ولا ينتهي

لم تدعوا لغير الابداع اي مجال
يعحز لساني على المديح
النص يقدم نفسه سواء من وله او منك

الف شكر على هكذا عمل

مبدعين
تشكرات

اسمح لي ابدي اعجابي بقلمك وتميزك واسلوبك الراقي وتالقك

طلع معي شايب بالمنتدى يساندني وسانده
اجل على وله انا وياك
صح منطوقكم رديه فخمه

كلمات جميله جدا
صح لسانك
وعلا شأنك
اعجابي وتقيمي لك