السلام عليكم
اخباركم وش مسوين
انا بقولكم قصتي اانا نوره وعمري 17 سنه ادرس بمرحله
ثاني ثانوي
وكان خيالي واسع في القصص والمغامرات بحكم العاب البلاستيشن
والافلام الاجنبيه الي نشوفها كنت فاضيه يوم من الايام
وقلت بشوف جدول الافلام يمكن فيه فلم بينعرض يعجبني
وانا انزل واناظر في صور الافلام شد انتباهي صورة فلم وكان اسم الفلم ( لعبة ويجا )
وكان توقيته الساعه 1:00 صبآح
صابني شعور خوف قليل بس تجاهلت الشعور هذا واحاول اسيطر ع تفكيري
اني م اخاف لاني كنت متحمسه اني اشوفه
تعشيت مع اهلي وقلت اني بروح انام
لجل اتفرغ للفلم واشوفه
عيني تناظر عقارب الساعه
جت الساعه 12:58
جهزت نفسي اخذت بطانيتي وســادتي وانسدحت عند التلفزيون
وانا اناظر القناة من دعايه ل دعايه يوووهه خلصونا متى يبداء الفلم
شوي غمقت الشاشة
وطلع في الشاشه
تحذير يقولون!!
(ان هذا الفلم نابع عن حقيقه حدثت في احد الولايات والمشاهد
التي تدور حول هذا الفلم
واقعي ربما يحدث لك عزيزي المشاهد )
اصابتني قشعريره من كلامهم بس دار كلام ببالي
يقول ككلامهم غير صحيح
هذا فلم وخزعبلات ههههه وين ي حبيبي مستحيل يتحقق
وجلست اتهزاء بكلامهم
وبداء الفلم بدايته اثنين معهم لوح مربع وفيه احرف
ومعهم قطعة خشب صغيره ويلفون فيها على الاحرف
يتكلمون وانا احاول اقراء كلامهم بسرعه مابي أي كلمه تفوتني لجل ادخل معهم في جو الفلم
تكلم الولد الاول
ريد ماهذه اللعبه يبدو انها خوزعبلات
رد عليه اخووه شارلي انها تحضر اروواح الموتاا
وجلس يتمتم كلام وهو يدور في اللعبه
ويسال الروح وكان من كلامهم انه يتحدث مع امها المتوفيه هل انتي موجوده
وترك قطعة الخشب
وتحركت القطع الخشب وتشر على الحرب y e s
انا صابني خوف واحتريت وخفت واعصابي مشدوده
م ارتحت الا يوم جاء فاصل الفلم
جلست افكر بـ احداث الفلم م قاومت النوم ونمت
صحيت وامي تقومني للمدرسه على طول جاء ببالي الفلم وانا اقول ي الله الفلم راح نمت ولا حسيت بنفسي
اناظر حولي انا نايمه بسريري استغربت كيف كنت منسدحه هناك واشر على مكاني امس
وتقول امي والله منتي صاحيه قومي الباص بيروح عليكك قومي
رحت للمدرسه وانا افكر في احداث الفلم يوم رجعت للبيت دخلت غرفتي اشوف على سريري هديه
فرحت وبنفس الوقت مين الي مرسل لي الهديه غريبه
دفعني الفضول اني اشوف الههديه وش هي
فتحتها الا تفاجأت اقول لالا مستحيل كيف ومين
اقول الا هي والله هي
هي اللعبه ( لعبة الويجا )
جلست افكر واحترت رحت مسرعه لأمي قلت يمه اليوم احد جاء ارسل شيء قالت ايه جتك هديه
لاكن من مجهول ..!!!
يااهه انا استغربت
مين الي ارسلها لي مين جلست اللعبه عندي ثلاث ايام وفي اليوم الرابع اتصلت على وحده من البنات
قلت لها وش رايك نسوي جمعة بنات انا وانتي واختي الصغيره
وفعلآ جت جلسنا نسولف مع السوالف ذكرت لهم اللعبه ومن كلامي لها تحمسوو البنات
رحت اجيب اللعبه طبعآ بعد ما تاكد ان اهلي مو موجودين في البيت
جبت اللعبه بعد م علمتهم قوانينهاا جلسنا بوسط الصاله كل وحده بجهه هي المفروض 4 اشخاص
لاكن لعبنا قلت ها بنات مين تبوون نننادي قالت صديقتي انا ابي جدي قالت اختي لا
فيه شخص مفقود قبل 19 سنه فاقدينه اهله ولا يعرفون وش الاسباب
وقلت تعرفين اسمه قالت ايه تشاك اسمه
المهم شبينا الشموع وطفينا الانوار وجلست ادور القطعه على الاحرف وحنا نردد
ي تشااكك هل تسمعناا إذا انت تسمعنا حرك القطعه على يس
جلسنا ولا تحركت قالت صديقتي انتي تلعبين علينا اللعبه ذي مو حقيقيه وكيف تكلمين ميت
اصلاً انا خبله اني صدقتك
قامت تبي تمشي وتحرك فعلآ ناديتها ي ساره تعالي تحركتك القطعه بسرعه والله
جت مسرعه انصدمت قالت انتي محركتها صح قلت لا والله هي تحركت بس على اول حرف
من اسمي انا
يا الله كيف المهم ملينا من اللبعه وخليتها بالصاله وكل وحده راحت
انا نمت
يوم جت الساعه 2:30
شيء صحاني بالغرفه أي متاكده انا قمت شغلت النور ابي اتاكد م حصلت شيء
حصلت اللعبه بالغرفه استغربت انا قلت يمكن امي شافتها وحطتها عندي
رجعت نمت حلمت بولد في غابه يطاردونه شباب كني اعرفه الولد
اناديه لاكن اختفا قمت من حلمي خايفه يااه وش الحلم ذا
جلست افكر في حلمي واحاول اتذكر الاحداث برغم انها قصيرهه وكأنها رؤيا
بعد معاناه تذكرت الاسم ايه الا هو الولد الي تكلمنا عنه وحنا نلعب يا الله مستحيل هنا تذكرت رسالة الفلم تحذير
بان ممكن يحصل لك عزيزي المشاهد
يالله جلست بين حيرتي وخوفي وش سويت انا
انا ليش مشيت بالطريق ذا ليش عرفت اني دخلت دوامه ماله أي حل جالسه افكر وقطع حبل افكاري اتصال استغربت
الساعه 3:33
الا صديقتي تتصل علي تردد اني ارد عليها تبون الصراحه خفت لاكن اصرت تتصل وتتصل لين رديت
رديت عليها الوو ساره شفيكك لاكن اسمع كلام ماافههمه وصوت مو صوت ساره يالله وش هذا
سكرت الخط مسكت راسي وانا اقول انا اللي جبتها لنفسي انا اللي جبتها لنفسي
انا اللي دعيت روحه انا السبب بعد تفكير عميق استسلمت للنوم ونمت
صحيت على شيء ماسك رجلي وجسمي مثبت على السرير م ادري مين ولا اقدر التفت اشوف مين
كنه جاثووم انفاسي بدت تقل, شيء ضاغط على صدري
ابي اتكلم ابي انادي امي ابي اصارخ اقول أي شيء بس م اقدر والله م اقدر
الا وشوي احس القوه الي مسيطره علي خفت
واسمع صووت صوت ريحني ايه صوت اذان الفجر نمت تلقائي
صحيت على صوت امي وشكلي تعبانه ذابله امي تقول شفيك وجسمي عليه اثار اظافر
كن فيه احد هجم علي صرت وحدانيه
تردى مستوى تعليمي في الدراسه صرت وحدانيه ولا ابي اقابل احد من اهلي ولا صديقاتي م ابي احد جلست على
هذا الحال شهر وامي بين حيرتها واستغرابها نزلت بالليل للمطبخ ابي اشرب مويه
دخل علي بالمطبخ لاحضت ضوء بالمطبخ ألا باب الثلاجه مفتوح واحد واقف عندها صابني تجمد باطرافي تجمدت بمكاني
وانا اتكلم بصوت خووف ممميين هنااكك وانا ارتجف
وقف التفت علي انصدمت من شكله ولد متشوه وشكله يخوف ايه هذا الي شفته بحلمي أي هذا هو
يقترب مني وانا ابعد يقترب وانا ابتعد تعثرت برجل الطاوله طحت احاول اسحب نفسي
احاول اجمع قوتي اقوله مين انت ممين قال انتي الي دعيتيني باللعبه قبل شهر وانا اعرف انتي راح تحررين روحي من اللعنه الي استوطنت
جسمي يمد يده لي وانا خايفهه وقال كلمه
( من يلعب هاذي اللعبه تلقائي يصبح منا ولا يستطيع تحرير نفسه الا بعد حل لغز اللعبه)
انصدمت انا يعني انا منهم على طول قلت له وكيف احل اللغز
( قال عند اكتمال القمر يكون وقت ظهور القائد جبار )
اختفا الشخص بعد م عطاني كذا لغز وتركني بحيرتي وحدتي كيف اقدر كيف احل اللغز
بعد م حليت لغز لازم اخذ معاي شخص لجل اقدر احرر ارواحهم من سيطره السحريه
ونلعب اللعبه عند اكتمال القمر رحت مسرعه لجوالي ابي اتصال ع اخر رقم رقم ساره
رقم ساره مو مسجل بسم استغربت انه رقــــــــــم وبداية الرقم من برا المدينه اللي حنا فيها
استنيت الصبح لين يطلع لجل اروح لبيت ساره واقولها يوم طلعت الشمس من غير تفكير نزلت مسرعه لبيت ساره ...
طقيت باب بيتهم طلعت لي امها وين ساره قالت بنتي مسافره لها شهر لها شهر كيف شهر وهي متصله علي
هنا انا عرفت الرقم اللي اتصل علي برا مدينه ساره ايه بعد م لعبة معنا دخلت في دوامة
الويجا صارت منهم ساره رحت للبيت ودمعتي على خدي واردد اانا السبب اانا اللي جبتها لنفسي وخسرت اعز ناسي
انسدحت ونمت ......<
.
.
صحيت على صوت يهمس بأذني نوره ليه سويتي كذا ليه خذيتيني معك في دوامة الويجا
انا رحت وانتي اللي بعدي انتي ابي افتح عيني ابي اعرف مين بس صوت ذا مو غريب علي ايه مو غريب
ذا صوت ساره ساره حسيت شيء دخل بجسمي وصحيت التفت بالغرفه وانا انادي ساره سارهه
سمعت صوت تحت رحت اسرع للدور الاول ابي اشوف وش هو حصلت كائن غريب بالصاله حاولت ادور شيء
لجل ادافع عني نفسي رحت مسرعه للمطبخ م فيه الا سكّينه المطبخ التفت الشخص الغريب قدامي
كيف ايه اشوفه قدامي احاول ادافع عن نفسي رميت عليه السكين الا اسمع صوت امي تصرخ
ها حصلت امي مرميه على الارض وغرقانه بدمها لا لالا مستحيل كيف انا كنت اشوف شخص غريب
كيف امي لا لا
جلست على ركبتي وانا اندم على نفسي امي ذبحتها بيدي امي جت الشرطه للبيت واخذو جثة امي
واخذو البصمات واخذوني
صرت اشوف ساره من بعيد تناظرني نظراتها نظرات خبث ايه وجاء موعد القصاص موعد النهايه
معقوله خلاص معقوله انتهت اللعبه ..
وجاء وقت القصاص وهم يسحبوني للموقع التنفيذ جلسوني على ركبتي
بينفذون فيني الحكم
جاء صوت يهمس بأذني يقول
انتي الي دخلتي عالمنا برجلك وهاذي نتيجة الي يتعدى حدوده وذي جزاته انتي تحديتي جبار
ولا قدرتي تتحدينه والحين تشوفين نهاية فضولك وغمضت عيني .........
