 |
منتديات قصايد ليل
(http://www.gsaidlil.com/vb/index.php)
- …»●[دواويــن الشعــراء والشاعرات المقرؤهـ المسموعهــ]●«…
(http://www.gsaidlil.com/vb/forumdisplay.php?f=37)
- - الشاعره نبض الحياري
(http://www.gsaidlil.com/vb/showthread.php?t=182432)
الشاعره نبض الحياري
في قليله قنوع
شوفته في ثواني يعلم الله غنايم حي زولن يهيض نايحات الضلوعي فز قلبي كما حرٍ على الصيد حايم صايمٍ له ليالي بين بردن وجوعي إيتمايل كما غصنٍ يهبه نسايم وانا من مال قلبي في هواهم بطوعي ويل حالي لا صار القلب مولع وهايم لو نصحته ماكنه للنصايح سموعي اهلك القلب حبه ولا استمعنا للايم طامعٍ في كثيره في قليلة قنوعي |
بدفن احساسي
خلوني بوحدتي تكفون ونسوني الصدر من ضيقته مايحمل انفاسي اللي خفى ينقرا في نظرة عيوني كفوا المجامل ولا احد يمثل يواسي كان العشم بالكثير وخابت ضنوني واليوم وحدي اجابه واقعٍ قاسي علمني وقتي ماغير الله في عوني اسر له شكوتي وله ينحني راسي ولا البشر لو وفيت برخص باعوني ماعاد فيكم عشم ياصحبتي وناسي تكفون في وحدتي روحوا وخلوني بغتال بعض الدقايق ودفن احساسي |
قناع الزيف
بعض البشر لو سقت له الطيب يطعنك تلقاه من عثرات الأيام مسرور إليا تردت حالتك إبتعد عنك في مسرح أحزانك مع الكل .. جمهور تعيش في وحده مضيع مواطنك مزحوم لكن .. تمتلي إحساس مهجور كثر التغاضي ما صقل غير معدنك اسقط قناع الزيف عن كل مطيور إللي كذا همش وجوده لا يشحنك ما تثمر ورود الأمل و ارضهم بور اذخر شعورك والخطأ لا يجي منك وعن ما تصادف من اذا الخلق مأجور |
ضايق صدري
ضايقٍ صدري ماكنه في مدا عيني براح وان بغيت اخفي ملامح ضيقتي بانت علي كم تجاوزنا صعاب وقلت ماقد راح راح البس ثياب التصنع و اتباها إني خلي عشرة اسنينٍ ما عانق ليلنا المظلم صباح والسنين تمر عجله والحزن ما ينجلي ياتناهيت الضلوع اللي توهج بالجراح ارفقي بحالي لا يقرا كسرتي ناسي وهلي يامداهيل الفكر اروي من العذب القراح انظمي حرفي بقافك والبسي حزني حلي واسرجي همٍ طواني لا يقل ولا يزاح واستري عارِ الجروح اللي لضاها يصطلي |
تعبت دربك على النيه
انا الذي في حبكم هايم وتبعت دربك على النيه ماهمني لو حكى لايم ولا همني وش حكو فيه لك منزلن عامرن قايم عرشك سماء في محانيه تعال طير العشق حايم ضمه لقلبك بحنيه اهواك والشوق لك دايم عنا القدم في مساريه سنين والحرج ما تلايم على الرجاء قلوبنا حيه لو قيل لي ف الوهم عايم قلت الفدا دون منيه اهيم به صاحي ونايم فيه اتركو الروح منسيه |
التمس لك عذر
كنت اشوفك غايتي واغلا حبيب لين حس القلب شيٍ يجرحه وابتعدت ادعي عسى ظني يخيب التمس لك عذر وافي تشرحه في سماك الباهته شمسي تغيب وين قدري ؟ .. وانت عامد تطرحه اه يا قلبٍ من اسبابك عطيب من غيابك ما بقى ما يفرحه ذي دروبي لا تودي ولا تجيب عاثرٍ حظي ملازم مطرحه |
جيت لك في وقت الضايع
ادري اني جيت لك في وقت ضايع يوم قلبك ضج بالي يشغلونه وادري ان الحب خلف بي لوايع يوم اداري لهفة احساسي وجنونه جابني لك دافع الأشواق طايع يا متاهات الخفوق وحد كونه لعبة الأقدار سوت بي بدايع عشت متفرج وحلمي يدفنونه ذي بقايا الشمع بالكفين مايع يوم ليلي ما عطاء للفجر لونه انحر اهجوسي وغذي فكر جايع ولارتخاء عزمي دعيت الله عونه |
يكفي خلاص
يكفي خلاص مليت من كثر السهر يكفي خلاص مليتني ضيق وقهر مابين صمت الانتظار مر العمر وضاعت حياتي ..بختصار وانا وحيد ارسم حلم ازرع امل اعكس عقارب ساعتي واغفى اتم تم لك واعيد بكره لنا فجرٍ جديد بس الأمل لا ينطفي ياقلبي خلك له وفي واغفى على حلم اللقاء وافيق .. ما شيٍ بقى غير اشتياقي والحنين وغصة الم بين الضلوع تعطي دوافع للدموع تفضح بوجهي خيبتي واتظاهر القوه وانا كلي ونا انسان متشبع عنا حتى اكتفى واقفى يردد لك خلاص بلقى من اوهامي خلاص يكفيك ياقلبي .. كفى والله كفى يكفي خلاص |
يارب تيسيرك
يارب تيسيرك وتسهيل الاقدار يارب عدلها على ماتمنى تعبت من وقتي على كثر مادار افقى العمر مدري متى بتهنى اضحك واجامل لو بالاعماق منهار كفي على كثر المواجع تحنا احترت في دنياي واخطاي تحتار حايلتها منا وتحتال منا ماعاد لي مطمع ولا آمالٍ اكثار غير السكينه لقلبي اللي تعنا انسى بها من جاير الوقت ماصار و طير السعاده بالمحاديب غنى في ظل عرشك منزلٍ بين الابرار جنات خلد قطوفها لي تثنى |
موطني كانت عيونك
موطني كانت عيونك قلتلي وتذكر متى ! ؟ يا جنوني ما اخونك ولا لي بغيرك رجاء وعشت انا كذبة جنونك احترى موعد لِقَاء ومرت سنيني بدونك وراحت ووعودك سدا ••• لا تعاتبني والومك وكلن بدربه غدا مايفرحني قدومك ولا بقى لشوقي ندا ادري ان اليوم يومك ياعسى جرحي فدا افرح وعانق نجومك انا لليلي ما بدأ ••• لو طفى بالعين نورك ولا بقى لضيك مدا وانتهى بالعمر دورك وجرحك الغاير سطا كل همي .. ارضي غرورك ولا حتري منك عطا غايب او معلن حضورك انا لك ستر وغطا |
احبك بس لو تدري
ملكت القلب لو تدري وش اللي عنك خبيته ما ضاعت فرحتي بدري وداع الشوق لبيته بدونك ضايقٍ صدري وعمري زاد تشتيته سؤالي .. حبنا يطري ؟ وطيفي قد تحريته ؟ خيالك للقاء يسري ولا لغيري سريته ؟ أحبك بس لو تدري وش اللي عنك خبيته |
حبيس الدواوين
ليت الزمن وقف بنا حيث كنا ولا حدني وقتي على واقعٍ شين وليت الليالي لا حزنا طونا في كفها الحاني تبعثر عنا البين يالي خفوقك ضاق وضلعك تحنا اطلق سراح القلب لا تسأله وين خله مثل حرٍ جناحة تثنا بين السحايب مالقاله عناوين سنين اكتب قافي ولا تغنا الا بوصفك ياحبيس الدواوين الين عافك خافقٍ بك تعنا باح الصبر وقسوة زماني بلا لين وين العوض في كل ماضاع منا عمرٍ دفنته ما سعوله معزين غير الجروح وعبرتينن بكنا وعيون ليلٍ عايشت قصتي سنين |
احساسي راقي
الشعر صدق احساس وشعور راقي ولا كل من يملك شعورٍ يقوله احيان ودي في سماء الليل راقي متفردٍ في ركن ماشي حوله ماغير انا وحرفي ودمعٍ يراقي يفضح خفايا القلب يرسم ميوله كن الصدا شيخٍ بالذكار راقي يمسح على جرحي ويبدي حلوله حتى اهزم الهم واملك مراقي وارجع وانا كسبان بالحرب جوله |
بلابل صبحنا
يا بلابل صبحنا الغافي سنين غردي وزفي مواعيد اللقاء اسكبي لأفراح في قلب الحزين واروي العطشان قطرات الندا لو تبين حبهم ادمى الجبين في مداهيلٍ مساريها نقاء ماترك في غيبته غير الحنين يحصد افراحي ولبي له فدا اتغافل والحقايق لي تبين الامل يعطي دوافع للبقاء انثريني حزن واقفي لا تجين غردي له وخذي إحساسي صدا |
رحلة الغياب
على موت الشعور الي فنى في رحلة الغياب خذيت من الزمن جرحه وعطيته كل مافيني اغني قصتي لحنٍ تتوه بنشوته لأسباب وبقيت بسطرها غزفٍ يرقصهم ويبكيني تعالت بين صرخات الآلم ترنيمة الأحباب تمايل من سلا قلبه وانا اردع مايل سنيني الا ياحرفي الوافي تعال وامطر الاهداب ابي أتنفسك بوح ٍ عن همومي يسليني |
اغتراب
وش يهدي ثورة احساسٍ شغوف ياخذ الملهوف لحدود السراب من عرفتك وانا اصفق بالكفوف ولا خذيت بحبكم غير اغتراب قلت اببعد واتعذر بالظروف يمكن النسيان في وضعي صواب اثر عيني غير زولك ماتشوف واثر جوفي لا خلا منك خراب حتى قلبي خانني ماهو عطوف كل نبضه تفتح من الويل باب صرت تايه فيك واللون مخطوف ومت بك أزود من اول ياعذاب جيت لك ميت وله مقوى الوقوف اخذني لك قبل لاسمع جواب |
كل معنى يحترق
كم كتبنا فوق صفحات الورق وكم عطينا ولا ذخرنا من شعور ولا لقينا غير حسرات وأرق عادة الدنياء تلف ابنا وتدور ان حكينا كل معنى يحترق وان سكتنا ماعرفنا من سرور ليت قلبي في هواكم ماغرق ولا تملكني من اللوعه كسور وليت فجري بعدكم ماقد شرق ولا تكاثرت الدقايق والشهور |
اخر قصيده
آخر قصيده في متاهات من غي قررت الحنها على جرح دامي مادامني بقفي ولا بالعمر شي بقطع وريد الحزن واموت سامي لا خير في دنيا خلا منها الضي ولا خير في سحبٍ تخلف ضوامي ولا خير في بعد المسافات ياخي لا فرقتنا .. و ارتخا بي حزامي وحدي اسير الدرب ما مال لي في محدٍ درا عن هم ذوب قوامي أضحك واجامل .. و اتكفن وانا حي شفي بعيد وجلد الأقدار حامي |
حالي كما هي
ودي بسجة عن زحام المدينه بين الربوع الخاليه مالتقي حي ضي القمر ما يترك الا سكينه في وسط جوفٍ يتعبه زايد الغي ضاع العمر وانا بحزني سجينه تتشابه ايامي وحالي كما هي الله يعين القلب الله يعينه اطرد سراب وتاليتها ولا شيء |
نكون اخوان
نكون اخوان .. دام الحب مارجحت موازينه وليلٍ خلد الذكرى حرام يزورنا عدوان ترا صدق الشعور ابلغ ولو غير عناوينه وقلبٍ ساق لك وده نذر لو تهجره ما خان انا عونك اذا وقتك يخالط قسوته لينه وانا لك بالعمر قصة وفاء تتمثل بانسان انا لا قلت انا فعلم من الي ضاعة سنينه مثل كبش الفدا لجلك نحرها و احتقن حرمان ابي اغفى على هامش حلم منسي وله حينه اذا شفت الزمن قاسي ذكرته وقلت كان وكان هذاك الي .. لجل عيني نسى اهله ومحبينه هذاك الي .. نذر يبقى وفي واهديته الخذلان هذاك الي .. عطاء كله وشكتني له دواوينه ولا عمره شكى صدي ولو قلبه صريع احزان حبيبي .. وصها طيوفك ( في ليله لا تخلينه ) آمانه لا غفت عيني الاقي بك سماء ووطان تعب قلبي من اشياءٍ بقت لك مستفزينه وغلاك الي تخلد بالحشى وتملك الوجدان حبيبي .. دامها القسمه محبك ربه يعينه نكون اخوان من اجل الوصل راضي ( بلا خلان ) |
ما للمحبه يوم العيد
اغرقو بالحب واحلا الأمنيات ولا تخصو للمحبه يوم عيد المحبه نبض لإحساس الحياة حاضره لو كانوا احبابك بعيد المحبه شعور يملاك الغناة كل يومٍ اعذب اشواقك تزيد اصدق الإحساس يبقى للممات لو يموت الحي إحساسك بريد يعلم الله في عيونٍ ما تبات لين تحضن زاير الحلم العنيد الخوافي ماوراها الا الشتات دايم الأقدار عكس اللي نريد خلها الدنيا تجيلك كيف جات كل يومٍ للأمل فجرٍ جديد |
ياشمس عمري
ياشمس عمري وين راح إشراقي خبري لك أول طلةٍ جذابه اقفوا وخلوني صريع اشواقي اموت في رجوى الوصل واحيابه بالله قولي لي هواهم باقي ولا مشاعر حبهم كذابه اطوي دروبي سنين واجبر ساقي ويطول ليلي وترتخي لي اهدابه سر الغلا متمكن بأعماقي متساوين في حضرته وغيابه |
الغياب
ودعيني وتركي همسك يهدي لي حنيني وتركيني بعدها اغفى على جفن الغياب لو دروبك تنتهي بي وش بقى ياضي عيني معلنن بعدك رحيلي في متاهات العذاب اه يامقسى دروبٍ ضيعت اجمل سنيني معتزي بالصبر واثره رمد بصدري وذاب ايه احبك وادري انك بالمحبه تحتويني وادري ان الحظ لقشر حول امآلك سراب وادري ان البعد مهرب بس ليتك ضعتي فيني ولا تركتي في حنايا الجوف مملكتك خراب |
وتبلد الإحساس
ولا بقى للهمسه سطور تتلخبط الأنفاس حتى تضيق بها الصدور واهرب ادور عن وطن ارضٍ خلا منها البشر عمرٍ ما يشبه ما مضى واقع يحسسني برضا وارسم على الشاطىء طيور أرض وسماء .. وسكة عبور واتخيلك .. طفلٍ غيور تبكي اذا تترك يدي دربك لدربي يهتدي وحدي وطن وحدي ملكت اصدق شعور وضيع بين الناس ميت جسد متبلد الإحساس في عالمي فكري أسير وانا من أحزاني كسير همي ادور عن وطن ما يحتوي غيري بشر ! |
العيد
العيد ما قرب طويل المسافات دام القلوب أبعاد ما لمها قرب العيد فرحه وابتهاج ومسرات على المواصل نلتمس للرضاء درب لكن مع الأيام إحساسنا مات اغلا الحبايب للأسف أصبحوا غرب نسعى ولا ندري من العمر كم فات آمالنا تكبر وأحلامنا سرب الله يكافينا دروب المتاهات والله يفرجها على من شكى كرب |
على ذكرى .. تفاصيل المواجع
تعبنا نلتقي ونرجع نوادع تغربنا مشاعر مالها تعبير نحير بصمت .. مانلقالها تبرير ونسأل وش بقا فينا أمانينا حلم منسى أغانينا ولا إحساسنا الغايب ولا .. ما بقى فينا سوى دمع ولهيب الجرح وحالٍ ما وفابه شرح وش الي ما بقى فينا !؟ على الذكرى نثرت الليل استجمع من انفاس الندى .. عطرك على الذكرى تبعت سهيل عسى يوفي وعوده ليه .. ويمرك على الذكرى انا والليل ابعثر بعضي و ألمك |
مواعيد الجروح
للسهر معني حقيقي في مواعيد الجروح وللقاء لحظه تضيع بزحمة اوجاع وقهر قلت الحيله ولا أدري وين أولي وين أروح والهموم إليّ غزتني تسلب أفراحي جهر المحك بين الوجيه العابره طيفٍ شحوح ليت وصلك لي تهيأ ولا طيفك ماظهر ياقليل الحظ أحذر من سرابٍ لك يلوح ماورى طرد الأماني غير آهات وسهر |
الَا لَيْتَ الليالِ تُدَارِي وَجَعٍ
يُعَرِّيهِ الصَّبَاحُ وَلَا يُبَالِي تَعِبْتُ مِنَ الضِّيَاعِ المُّ ذَاتِيّ يَطُولُ الْأَمَدُ مَا نُلْتَ مَنَالِيُّ الَا يا لَاَئِمٍ حُزْنِيٍّ تَرَفُّقَ فَمَا ادراك عَنْ بُؤْسِي وَحَالَيْ وَمَا فِعليّ اذا حَزَّنِي تَمَرُّدٌ ؟ وَنَكْبَاتُ الظُّروفِ عَلَى تَوَالِي آأبقى صَامِتٍ وَالْمَوْتِ مُحْدِقَ ام أَشَكَوَا باليالِ مَاجرالي فَلَوْ ان الْبُكَاءَ يطفي نارنٍ لَمَّا جَادَ الرِّثَاءُ بِفَقْدِ غَالِي ولَوْ كَانَ السُّكُوتُ بِهِ مَلَاَذٍ لِبِيعَ الصُّمَتُ لَا الْكَلِمُ بِمَالَيْ |
انهمر من عين يأسي وانكتب شطرٍ يتيم
وارسم احلامي طيورٍ ما تلاقي بي سماء واندهك يانجم شارد في دجى الليل العتيم مركب اشواقي خذاني في دروبك يالظمأ ما سلكت بهالحياة إلا الطريق المستقيم وما خذيت من الحياة إلا المضره والعنا ما بقى فيني معالم توحي ان بعضي سليم من سنين اجمل الدنيا وتملاني فناء يانسايم صبحنا الغافي على كفين غيم ازفري حزن الليالي موعد اللقيا دنا |
الفصول العابره
مثل الشتاء والصيف برد و دفا صدقٍ وزيف وتبقى الحكاوي شارده ما تحتمل تأليف وانا على جال الرصيف شنطة غيابي فارغه ضايع وضاعت وجهتي مدري ابتدي ولا انتهي حتى انت مدري وش بغيت ! نظرة عيونك حايره وانا بتفاصيلك سهيت صرنا نخاف من الحكي وخلف الحسايف ألف ليت و اقفيت وكانت رحلتي وللحين فيها ما أنتهيت مثل الفصول العابره برد و دفا صدقٍ وزيف |
تفاصيل الزوال
يضيق الصدر لين ازري ابعثر فيه انفاسي وتثقل في طرف عيني دموعٍ مالها سبه تغيب الشمس واعانق غروب الشمس بحساسي وارسم في تفاصيل الزوال أمال منكبه اعيش بوحدتي اتبع خيالي وقلبي اواسي اناقض واقعي وادعي يا ربه صدق يا ربه اثاري احلامنا كذبه تذوب بواقعٍ قاسي وانا مابين كان وكنت اطفي شوقي واشبه تعلمت اخفي احزاني ولو عرق الألم رأسي واعلي هقوتي باللي خفايا روحي اعلم به |
مراسيل الغرام
يمتلي صدري كلام ولا حدٍ يسمع ويوحي يا مراسيل الغرام زوري لي صدق بوحي ابتدي هم بالسلام واستري عاري جروحي رميةٍ من غير رام تذهب انفاسي وروحي في متاهات الظلام مابقى لدربي وضوحي نومي لعيني حرام ساهرٍ اشكي وانوحي |
أنتهينا و أنتهينا
ولا بقى فينا دموع لجل نبكيها علينا وانتها درب الرجوع : كان حلمي تعيش لامسي حتى في قلك .. قنوع مايهم ان كنت منسي مسكنك وسط الضلوع : لكن الدنيا غريبه ما لنا فيها إختيار أدمت جروجٍ عطيبه والفراق اصبح قرار : و أنتهينا و أنتهينا و انطفت كل الشموع ما شرقت شمسك علينا والمساء لونه يروع : آه .. يا أنا ويا انتا عامنا شاحب وشتاء ماتفتح ياسمينه ولا على موجه سفينه والحياة تموت فينا وما لنا فيها نصيب |
تعال وضمني داخل عيونك
وخل العمر يتوقف شويه ابي اتنفسك ضايق بدونك اموت وداخلي لاشواق حيه رحلت وكل مابي يرتجونك وعشت اليتم عقبك .. واعليه تعذب حيل آمالٍ تخونك وتقطع حبل وصلك من يديه تعال وشوف حالي .. يا جنونك تقفي وتترك احبابك ضحيه |
على وين مدري
امس انتهى واليوم اقفى على ماش واحايل الضيقه وتكبر بصدري اضحك وهمي بين لأضلاع نهاش واسري معا ليلي على وين .. مدري حاولت اماشي واقعٍ صعب ينعاش وخانتني عزومي وسلمت بدري |
غيمة الاحزان
قسوة الدنيا وتلويع الليال والعزيز اللي نظر حالي وقفى وامنياتٍ ما سقاها إلا المحال وفرحةٍ تقبل وعن عيني تخفى ونبض متهالك مهدد بالزوال وغصةٍ تغتال عبراةٍ تجفا كلبوها امطرت حزني وسال سطرت بعضي ياليت البوح كفى غيمةٍ ما سرت اعناق التلال لو زلالٍ من خفى روحي تصفى |
ضجه .. وصمت
تخرسني وكلي حكي قد كان .. وكنت علي ومني اشتكي ادري الخطأ ماهو خطاي اسخي ولا من بعطاي وادري الوفاء صد .. وجفاء وتلقى من احبابك جروح الين ما تصرخ كَفَى هذا .. انا على دروب الانتظار حزة غروب ويختفي فيها المسار أحمل في يدي شنطتي وحزمة وجع وباقي شظايا مرايتي اللي بزواياها عمر اقفى ويا ليته رجع |
ياجنوني
تعرف حكايه سكوني ؟ .. اخم طيفك واضمه كنك معي يا جنوني .. عطرك بكفي اشمه معقول عيدك بدوني .. ماعدت انا لك مهمه ؟ أشواق قلبك نسوني .. ولا ملا القلب همه ؟ عادي تخيب ظنوني .. ممشي طريق ن واتمه ! قرب وناظر عيوني .. ترجم شعوري و سمه واقفي مع اللي جفوني .. وترك لي حزني ألمه |
دمع الحزين
ما سألت الليل عن دمع الحزين وعن عيونٍ ساهره حتى الصباح ولا سألته عن تفاصيل الآنين لا تنفس نايها همي وباح من سنين وهذا حالي من سنين غالبٍ حزني وهمي ما يزاح شانت بعيني ولا زالت تشين دنيتن ما جودها إلا بالجراح وين صبحك في عيوني ما يبين تهت في ظلمتك ولا الشوف راح |
حدثني ..
عن حكايات المطر عن ترانيم الطيور عن صباحٍ ما يشابه صبحنا .. بعد الرحيل في عيون الشمس .. كانت لي حكايه امتليها همس وتغادر سمايه وينها من أمس ؟ ضج في صدري سكوتي / والكلام ماعرفت ابوح / واشكي و لا عرفت إلقاء سلام طال ليلي وانا في عرض السماء أحرق فتيلي ولا انتهيت بدرب وانت .. وينك ؟ البعد .. ما هد حيلك ؟ |
| الساعة الآن 09:46 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية