 |
منتديات قصايد ليل
(http://www.gsaidlil.com/vb/index.php)
- [ابكتب من قصيدي الوزن وغيرهـ من شعر منثور]
(http://www.gsaidlil.com/vb/forumdisplay.php?f=10)
- - طفلة يتيمة
(http://www.gsaidlil.com/vb/showthread.php?t=1526)
طفلة يتيمة
منقــولة على لسان...طفله ...فقدت ..كل فرحه وكل أمل ... مع فقدانها ..والدها ...فـي حادث مروري , كلمات الشاعر البحريني إياد المريس ثقيله ه الدقايق اذا كان الوجع ب عمر ..انسان ثقيله يا ثواني هي بداية.. (تمر ازمان ) بغيضه يالدموع اللي على خدين طفله بعمر الورد/ وكبر الجرح حزينه يا الاماني ..ليه ؟ّ ليه ؟ّ انا مدري وش اللي ماخذينه بس!! انا مدري من المسؤل ؟! عن الحصه / عن التلميذ / وآخر درس انا مدري .. انا ليه اكتب حروف اللحين؟!! احاول...اشرح ..الحزن الدفين بثرثرات ...حروف ...وغصت عين حكاية من حرم طفله.. تحس بضحكة الاطفال.. صباح العيد حكاية (آآآآآه )..في حلق حيرتها ورجفة أيد .. و تتنهد في جدار القبر...ساعة كنها ظلم الليالي .. بوحشة بيد ومع أول دقايق سالفتنا .. على شارع ...حمل ثوب الحداد وحشرجات ..القبر .. بسرعه مر ... مع الوعد الذي ...ما قدر يوفيه مع اسماع طفله ...ما تعرف الحزن ! لا .. لا .. لا .. كانت ما تعرف الحزن .. تغرد له بصوتها النعسان .. وتعزف أعذب الالحان .. (يبه ..عمري ..حبيبي لا تْأخر ... ابي ترجع قبل ما انام .. ابي اتلحف حنانك...في تصبحين بخير .. مع بوسه على خدي.. يبه وانام .. وقبل ما انسى ..يايبه اسمع .. ابي دفتر رسم أحمر وابي اقلام للتلوين .. وابي فستان ...مثل لون الشموس اصفر .. وابيك انته .. انته .. انته ..تلبسني .. تحمل يا يبه ارجوك .. تمهل يا يبه ارجوك .. شوي /// شوي ) وكان آخر ..وصاياها .. وعلى غفله ...تهور.. مع سرعة ...بدون حساب .. ينادي هالرصيف الموت .. ينادي له .. تعال ... تعال ... تعال ... تعال ... وانتهت قصة...عمر ..انسان وابتدت ...حيرة.....يتيمه .. ما اكملت عامها التاسع.. يضيق بدمعها .. صمت الشبابيك.. الكئيبه .. على الجدران .. تحاول ...تنحر اجابة هالسؤال اللي تفجر ...في قصيدة حزن ... بلا..عنوان .. .......... . (يبه وينك؟! تعبت انتطر .. تعبت أتخيل ايدينك .. يبه وينك؟! تعبت أسأل زوايا البيت.. تعبت أسأل ثوبك المكوي تعبت آشم عطرك واحضن غيابك .. يبه وينك؟! تعبت اكذب على دمعي وارتب عيني وثيابك ... يبه وينك؟! الف الدار ..واتذكر.... هنا..يمشي ... هنا يجلس .. هنا يضحك .. هنا كنا على شانه نجي نسهر .. يبه وينك ؟!.. ويقطع حزن هالافكار .. باب الدار ... واصيح بصوت ...واتحشرج .. منو بالباب ؟!.. منو اللي دق هذا الباب؟! انا مابي لعب ..واقلام ... انا مابي هدايا انا ما ابي اشوف اصحاب.. يبه وينك ؟! يبه .. يرضيك حالي اللحين ؟! كرهت المدرسه ...والدرس .. ولا حد فيني حس ... تذكرني بغيابك... شهاداتي .. معلمتي ... وباب المدرسه ... والدرس اصحابي وعلاماتي .. يبه وينك ؟! كلامي يا يبه حارق كلامي مر ... وانا اقرا في الدفاتر .. . . هنا .. (يوقع ولي الامر) . . . يبه ..وينك ..؟! من اللي فرحتي تتكحل بعينه ؟! وضحكاته .. يبه ..وينك ..؟! نجحت ..وتختنق فرحه وسط صدري .. تجيني الناس وتبارك .... وهذا الحزن بي حارث .. ولا تدري ... باني يتيمه .. والسبب حادث..) وبدت تذرف دموع تشق صدر الليل سواده ...حيل يشبه له شعرها .. يشبه له غياب...الاب.. غيابه .. ما وراه غياب.. ولا يمكن يعوضه .. القريب / الاخ / والاصحاب ثقيله هالدقايق اذا كان الوجع..ب عمر ..أانسان بغيضه يالدموع اللي على خدين طفله بعمر الورد حزينه يا الاماني ..ليه ؟ّ حزينه يا الاماني ..ليه ؟ّ |
كلمات جميلة جدا لها وقع عميق في النفس
جمعنا الله بهم في جنات النعيم اثرتي شجوني بمشاركتك الراقية وحياك الله في اسرتك وبين اخوتك اختك : ريحانة غلا |
كلمتا جميلة من أيدي كاتبها الله يعطيكي العافية تقبلي مروري البسيط للموضضوعك الولـــــــــهان |
مميزه يالتيمه
ربي يحفظكـ ونقل جميل ومميز احترامي |
هذه احدى ابداعات الشاعر البحريني إياد المريس التي تدخل المشاعر عزيزتي كلمات تحرك المشاعر وتصف حال كثير من ابناء المجتمع بما فيهم انت رحم الله والداك واسكنه فسيح جناته |
اشكر الجميع على مرورهم
|
كلمات رائعه
ونقل اروع من انسانه رائعه تقبلي مروري |
| الساعة الآن 01:52 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية