جنــــون 12-05-2011 08:04 PM ديوان الشاعر : مساعد بن حمود   ابوس راسك ابوس راسك يا زمن ماعاد فيني للجراح ماعاد فيني للجراح ابوس راسك يا زمن غيرت اسلوبك معي ماكل ذنب لك يباح ان زعلت وش تستفيد وش مكسبك من ذا الحزن والله اني مقتنع من اللي يصيب من الرماح اصغر رماحك صابني يوم اكبر رماحك طعن ورغم هذا ما سلمت اسمح ولا القا سماح كل يمن بجيته ... حتى الدمع لا جا يمن استسلمي يا عزتي لا صارت ايامي سلاح كان نفسي اخدمك ... بس الليالي طولن شرع دنياي الصبر وشرع هالدنيا كفاح لا قلت يوم وتستوي مرت سنين وما استون احاول اشعل شمعتي بس المصيبه في الرياح لاهي اللي نورت .... ولاهي اللي انطفن اخترت في الدنيا ثلاث الستر وانصاف وصلاح وكرهت في الدنيا ثلاث _لا_ ولا يمكن_ ولن وحبيت في الدنيا ثلاث الشعر وامي والصباح واقسمت ما اخون الثلاث انتي وجاري والوطن

جنــــون 12-05-2011 08:05 PM يا ظالمة يا ظالمة زينـك بشيـن السوايـا من وين لك قلبٍ على طول جاير ما أبغى الدوا لا صار جرحك دوايا باكر على الظالم تـدور الدوايـر اخر علاجي الكي و إنتي الكوايـا للحب عبره وإنتي قربـك عبايـر لو هو على زينك بنلقـى صبايـا المشكلة في الحب تعمى البصايـر الصبح واضح والخطايـا خطايـا والربح من بعض الأوادم خسايـر يا نفس قومي عن غرام البقايـا ويا قلب قبل تحب شاور وخايـر أولاد نـاس ولا نحـب الوصايـا وكلٍ يرى نفسه يعـادل عشايـر ما كـل قلـبٍ ينشـرى بالهدايـا ولا كل كسر تفيد فيـه الجبايـر المعطي الله مـا لخلقـه عطايـا لو هي على خلقه سقتنا المرايـر عزاي ربٍ يعطي حسـب النوايـا يرحم عزيزين الذمـم والضمايـر ناسٍ تدس الهـم بيـن الحنايـا وناسٍ وربي ما درت ويش صاير هذاك حظه مثـل بيـض الثنايـا وهذاك حظه مثل سـود الظفايـر

جنــــون 12-05-2011 08:05 PM ارحم عيوني ارحم عيوني لو عيونك تبيني حرام هذا الحب تقتل معانيه مو حب هذا اللي تسويه فيني في فرق بين الحب واللي تسويه ياساكن ما بين عيني وبيني لاتصدم اللي صرت اغلى امانيه جيتك بقلب شايله في يميني كلمهـتجيبهـلك وكلمهـتوديه ارجوك باللي باقي من حنيني حرام من يسعد عيونك تبكيه بالله شوفوا الفرق بينه وبيني همه يزعلني .. وانا همي ارضيه هذي قيودك حلها من ايديني حب يذل القلب ياناس .. ما ابيه مو حب هذا اللي يسويه فيني في فرق بين الحب .. واللي يسويه

جنــــون 12-05-2011 08:05 PM شفته البارح شفته البـارح حكيـت وحكالـي وعجبني اسلوبه وصدقـه وقلبـه بعدها ماادري وش اللي جرالـي الله يستـر قلبـي لايكـون حبـه الوضع مايطمن وانا ادري بحالي الجمر رمد ليـن جانـي وشبـه ياانه نوى يسهر عيونـي ليالـي ولانـوى ياخـذ فـؤادي بدربـه راح من عندي ووجهـه قبالـي شتت افكـاري ولاخـاف ربـه ماهو بذنبي لو سرحـت بخيالـي مـن يشوفـه كلمتيـن ويحـبـه اسوي نفسي قاسـي مـا ابالـي وانا مـن الهفـه تميـت قربـه راح من عندي ووجهـه قبالـي شتتلي افكـاري ولاخـاف ربـه طول عمري عايش العمر سالـي عايش بحالي ماعرفـت المحبـه واليوم انا مدري وش اللي جرالي الله يستـر قلبـي لايكـون حبـه

جنــــون 12-05-2011 08:05 PM حبيبتي حبيبتـي مانـي معلـم باسمهـا علمتنـي مـا اعـلـم باسمـهـا واسمحتلي بس اوصـف حسنهـا تخاف يـدري خالهـا او عمهـا من زينهـا يحقـد عليهـا زينهـا ومن حسنها كـل البنـات تذمهـا تضحك على طول ماتحب الزعل وشهو العسل لوقلت يشبه دمهـا اذكر في مرة اهديتها ورد وزهور جت تشمـه ذاب فيهـا وشمهـا قلتوا القمر قلت القمر بدري عليه وان قلتوا الشمـس ماهـي يمهـا مدري وش أحلى شي فيها شدني الله عليهـا لا تمايـل جسمـهـا حبيبتـي ماعانقـت واحـد ابـد بس النسيم اللي تجـرى وضمهـا حبيبتي ما حبـت غيـري احـد وما باسها فـي فمهـا الا امهـا

جنــــون 12-05-2011 08:05 PM حبيت اسلم عليك حبيت اسلم عليك وآخذ اخبارك واعلمك اني باقي حافظ اسرارك لا قلت بكره بتمطر شاحت امطارك غيري سكن جنتك واسكنتني نارك ويش اسوي بقلبٍ ساكنن دارك خيرتني نفسي مابين الناس واختارك واذكرك بالغرام اللي تناسيته حفرت له داخل عيوني وخبيته ذاب غصن المحبه وانت ما رويته حتى اللي مايستوي وياك سويته جاك بيتك وعاف قلوب في بيته لا قلت يا قلبي ابعد قال حبيته

جنــــون 12-05-2011 08:06 PM مانسيت مانسيت الدقايق والزمـن والشهـور مانسيـت انـه اسمـا هـم حبيتـه مانسيت السوالف والعشق والبخـور مانسيتـه ابـد يمـكـن تناسيـتـه البارح اقسم ماناديـه بـدر البـدور ونسيت حلفي لـه البـارح وناديتـه اي وربي احبه كثر مابـه غـرور كثر ماهـو بخيـل وكثـر معطيتـه كثـر دلـه عيـال النشامـا تفـور كثـر مانـي تقهويتـه وقهويـتـه كثر طولة ثيابه كثر قصر الشعـور كثر شده لحزنـي كثـر مارخيتـه كثر ماقلبه الابيـض عليـه يجـور كثير ماني عطشتـه كثـر مارويتـه كثر مافي القصايد من طروق وبحور كثر صدقه وكذبـه صـدق حبيتـه

جنــــون 12-05-2011 08:06 PM يامرحبا يامرحبا عد المطر عد الشجر عد الرمـال يامرحبا ببنت الشيوخ اللي تصون وصنتهـا يامرحبا عد الكـلام اللـي يقـال ومايقـال يامرحبا عد الخشوك اللـي لعينـك خنتهـا يامرحباً الف اقلطي زينتلك صفـر الـدلال جاتك دلال مهيله مـن ضحكتـك زينتهـا الطين طينك والنخل والبيت بيتك والحـلال وعيـون تحسـد جيتـك بحقادهـا كفنتهـا في ذمتي ياجيتك يا انهـا تسـوى رجـال ثمنتهـا بغـلا ثمـن واخـاف ماثمنتـهـا في ذمتي منتي مره في ذمتي انـك هبـال تمشي وترفع راسها ام مـن انتـي امهـا فيها الزمان المتسخ تبقيـن للطيبـه مثـال ولو ينتهي كل البياض انتي بياضك مانتهـا اول ابحك بالعقل واليوم صرتيلـي خبـال كنت اشربك قهوه ضيوف وتاليتها ادمنتهـا ماخفت من نظرة حسد تنظر لوجهك بانفعال قهـر نـون عيونهـا واهدابهـا جننتـهـا خوفي انا من نظرتي لو ناظرت لم الجمال اخاف لحسـد لوحتـي وتـروح مالونتهـا

جنــــون 12-05-2011 08:06 PM قالوا جماله قالوا جماله كامل الحسن وافـي شوفه عسى تكتب قصيده جديـده شفته وقلت الله يعيـن القوافـي وشلون ابكتب في القصيده قصيده كل الكلام الزين ماهـو بكافـي والشعر وان مانقصـه مايزيـده هذا يخلي برد الاشـواق دافـي والعمر لوهو راح شوفـه يعيـده لعيونه امشي الدرب لوكنت حافي تحت امر عينه بس يشـر بيـده كب الشتى فوقي وشقق لحافـي علمني انه تاج عصـره وسيـده الشعر ضاع وقال رمشه عوافي كنه يقول اسكت وفرصه سعيـده

جنــــون 12-05-2011 08:06 PM اكبري اكبري مابغى جسد ماكل حاجـه عاطفـه مليت اداعب وجنتك واكذب على حجانهـا ارتقي ابغى حوار ابغى ضجيج وعاصفـه ابغـى مدينـه واعيـه والاسئلـه سكانهـا يابنت انا ماشاقني شوف النخيـل الواقفـه مادام ماتثمر رطب وشلي بطول اغصانهـا ماوالف العشق الغبي والكذب صعب اوالفه ليه افترش لحظه فرح ثم التحف بحزانهـا تعبت ادلـل هالطفـل واجاملـه والاطفـه تعبت اصلح لعبته هو في الاصل ماصانهـا لو كان جلدي من خشب كانت تهون السالفه لكن اخاف العاقبه من نخوتـي واخوانهـا لاجيت بصنع دمعتي قالت عيونـي اسفـه من صدقها تبكي قهر جعلك فدى لجفانهـا ادريبها تبغى تقول وشلـك بنخلـه واقفـه مادام ماتثمر رطـب لاتنخـدع بغصانهـا

جنــــون 12-05-2011 08:07 PM لك يوم لك يوم ياحارم عيونـي مـن النـوم نفسي اشوفك تسهر الليـل حسـره ليت الهوى في داخلك يشتعـل يـوم ليتك تحس الوجـد لـو بـس مـره كافي تعيش افراح واعيـش مهمـوم كفك بوسـط المـا وكفـي بجمـره مدري الاقيها مـن الحكـي واللـوم والا الاقيها من احضـوض قشـره كنت احسبك من فرحة العمر مرحوم لين اكتشفت انـك بؤنـس ومسـره حلفت قلت انك على الوصل محكوم وانته حياتـك مثـل ماتريـد حـره مومشكلـه كذبتـك ياسيـدي اليـوم المشكلـه وشلـون اصدقـك بكـره

جنــــون 12-05-2011 08:07 PM يحبونه يحبونه وانا يتعـب فـؤادي يودونـه مثـل شوقـي ودادي بعذر اللي يحبه يوم حبه خفيـف الـدم واحبيـب وهـادي اشوف الناس تبغى كسب وده سئلته ليه قال الامـر عـادي يحبوني وانا ماحب غيـرك بـوادي كلهـم وانتـه بـوادي اجاملهم بكلمه وابتسامـه وتبقـى غربتـي انـت وبـلادي ولو فكرت اغيب عنك لحظه اشوف الكون يسعى في عنادي سئلته ماحصل يوم وجرحتك وقال اجرح مدام انته ضمادي وانا صدقت خلي في كلامه اعرفه صاحبـي كلـه مبـادي

جنــــون 12-05-2011 08:07 PM يصير خير يصير خير الوعد لاصرت محبوبـك لاصرت همي عسى الله يسرع بهمي احيان اقول انت عادي واصنع اعيوبك واحيان اسبح لمـن زينـك واسمـي لاصارت الشمس شالك والقمر ثوبـك هي وش تقول القصائد غيـر ياعمـي والنعم فيه وفي صـدك وعذروبيـك مافارق النـور عتمـه جابتـك لمـي لاصرت ناهبك والا صرت منهوبـك وش يزعلك طالمى ان النزف من دمي

جنــــون 12-05-2011 08:07 PM يتحول مكاني امـي ويتحـول مكانـي فراشـات امـي ويطلـع شفاتـي عصافيـر امي يعيبهـا انهـا تكـره الـذات امـي تحليهـا العيـون المساهيـر تلمس يديني التقـي الكـون وردات تزعل القي ضحكة النـاس تكشيـر تزعل يصير الكون صرخه ودمعات ترضى يصير الصعب املا وتعبير ياكثـر ماتسهـر وياكثـر مابـات فيها الحنان اشجار وعيوني الطيـر اموت في ذيك التجاعيـد بالـذات وحنـا يديهـا الله يمسيـه بالخيـر احب ابو ولـو سلملـي سلامـات لكن امـي ياعـرب حبهـا غيـر

جنــــون 12-05-2011 08:07 PM حي الله اللي حي الله اللي يواعدنـي ولاجانـي وانا معـك ياحبيبـي مـا اسويهـا ادريبك انك تبي قربـك وتهوانـي بس المصيبـه وعـودك ماتوفيهـا لاصرت ماني بلول ماابي الثانـي هـذي طباعـي ولايمكـن اخليهـا باقي معك وقت عوض كل حرماني ماراح شي ياحبيبـي تونـا فيهـا اول ياروحي تقول العمر يفدانـي تقوللـي كلمـه ماكنـت تعنيـهـا هذا جزاتي ومعروفـي واحسانـي امد ورده لكفـك وانـت ترميهـا مدري بقلبك نسانـي او تناسانـي بس الاكيد المـوده انـت ناسيهـا اخذت مني احاسيسـي ووجدانـي تشرب من البير وتقط الحجر فيهـا

جنــــون 12-05-2011 08:08 PM ياظالمه ياظالمه زينك بشين السوايــــــا ,, من وين لك قلب على طول جاير ماابغى الدوا لاصار جرحك دوايا ,, باكر على الظالم تدور الدوايــر اخر علاجي الكي وانت الكوايــا ,, للحب عبره وانت قربك عبايـــر لو هو على زينك بنلقى صبايـــا ,, المشكله بالحب تعمى البصايــر الصبح واضح والخطايا خطايــــا ,, والربح من بعض الاوادم خسايـر يانفس قومي عن غرام البدايــــا ,, وياقلب قبل تحب شاور وخايــر اولاد ناس ولا تحب الوصايــــــــا ,, كلن يرى نفسه يعادل عشـــاير ماكل قلب ينشرى بالهدايـــــــا ,, ولاكل كسر تفيد فيه الجبايـــــر المعطي الله مالخلقه عطايــــــا ,, لو هي على خلقه سقتنا المرايـر عزاي رب يعطي حسب النوايــا ,, يرحم عزيزين الذمم والظمايــــــر ناس تدس الهم بين الحنايـــــــــا ,, وناس وربي مادرت ويش صايـــر هذاك حظه مثل بيض الثنايــــــا ,, وهذاك حظه مثل سود الظفــــاير

الساعة الآن 05:29 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية