 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - أنتي مهرة والمهرة ما تهاب غدر الليالي يا بنت رجال
(http://www.gsaidlil.com/vb/showthread.php?t=187571)
أنتي مهرة والمهرة ما تهاب غدر الليالي يا بنت رجال
سلام عليكم ورحمة الله وبركاته عدت لكم من جديد ... بروايه اخرى مادري اذا أحداثها قد تكون مكرره ام لا ولكنني احاول جاهده بتغير الفكره وان لا يتكرر الحدث لذلك حاولت اتوه بالافكار شرقا وغربا واتمنى منكم الدعم ومشاركتي بالافكار حتى اظهر بصوره مميزة ودمتم بخيررر :v9v9net_093::sm240::dohaup_905590474::13911337891 ::n2::dxyl550mna::dxyl550mna::dxyl550mna:
|
تعريف بالشخصيات ....
: عايلة بو سعيد بوسعيد(حمد)ريال خميسني راعي عزبه وبيت ام سعيد(شيخه) اربعينييه تحب تهتم بعمرها وشبابية بشكل وهدوئها راعية بيت سعيد عمره ٢٨ سنه يداوم في البلدية نايف :٢٧يداوم في الكهرباء شما٢٤سنه تداوم في البنك قسم التمويلات مهره ١٩ سنه تحب الفروسيه ومتعلقه فيها وايد وداوم في مدرسة تعليم الفروسيه وتكمل دراستها عن طريق المدرسة وتابع هوايتها وحب الفروسيه والخيول في النادي اللي تابع للمدرسه لطوف ١٧ سنه ثانويه عامه حاولت تقنع مهره تودر مدرسة تعليم الخيول بس مهره عاطتنها الاذن الصمخا . اعمارهن الحالية عايلة بو حمد بو حمد ريال خمسيني راعي عزبه وبيت ، ام حمد اربعينيه وهاديه وشبابية بشكل والرزانة وتحب توجب الناس اليازيه ٣٦ سنه متزوجة واحد من معارفهم اسمه شهاب وعندها بنت وولد البنت وديمه وعمرها ٢٠ سنه ومعرسه وماخذنها ولد عمها والولد بطي عمره ٢٣ سنه يدرس برى حمد ٣٢ يداوم في هيئة الهوية شخص مرح بس عصبي وجاد في أي شي ممكن يشوه سمعته او يوثر عليها ... راشد ٣٠ سنه يحب مهره بنت عمه ويموت عليها وما كان راضي انها تدخل الفروسيه ومدرسة تعليم الفروسيه ونادي الخيول كان رافض رفض تام بس سعيد ونايف قالوا له مهره مصره وهي ما تدري انك محيرنها نحن ما نبا شي يخرب عليها دراستها وسكت وكان وده يصارحها بحبه بس نايف منعه ... راشد يداوم في ابوظبي ويوم يروحون بوظبي يباتون عند اليازية اختهم عشان دواماتهم مبارك :٢٧ سنه يشتغل في ابوظبي ويبات عند اليازيه اخته بعد نفس شي يوم يكون عنده دوام ... سلامه: عمرها ١٧ سنه قد لطوف ثانويه عامه ملاحظه الاعمار تراها الحالية بغض النظر عن اللي في القصه لان في القصه بيكون في جزء قبل اربع سنوات فبتكون اعمارهن اقل بأربع سنوات عن اعمارهن الحالية عايلة عبيد (بو مايد) عبيد عمره ٥٩ ، عنده حرمتين فاطمه ام يابر وحياب وبنعرفهم بعدين ... وعنده حرمة ثانيه اللي هي لطيفه ( ام مايد) اكبر عيالها مايد عمره ٣٤ سنه ، وعبدالله عمره٣٣ سنه وسالم عمره ٣٠ سنه ، العنود٢٨ سنه ، عهود٢٥ سنه ، وعقبهم الريم عمرها ٢٢ سنه .. هذيل الأساس في القصه والافرع مايهم ذكرهم الا اذا تطلب الموقف ولزم الام .... |
البارت الاول ..
: يا بوي من قدگ وانا لك وفيه ،،، المهره اللي جبتها بنت رجال... : : في نادي تدريب الخيول الكبير في دبي كانوا الكل موجود مدربين فرسان وكان من ضمن هالفرسان فارسه ا وان صح التعبيره مهرة الفرس تحب الخيل بشكل جنوني جنوني وكان طموحهاو حلمها تكون فارسه وحققت حلمها بعد عناء طويل واقناع اهلها كان بنسبه لها حلم صعب يتحقق ولكن تحقق سجلت في هالنادي لتدريب ومحض صدفه لا غير انه النادي طلع مختلط بنات واولاد واحلى شي في النادي ان في مدرسة للبنات ومعاهم في الكلاس شباب وكانت تكمل مرحلة تعليمها الثانوي وبما انها مسجلة في النادى تدرس الثانويه في هالمدرسه ومستمتعه حييييييل فيها لان بعد الدوااام يكون عندهم تدريب ومراات في الفسحه يروحون يطمنون على خيولهم ... في الكلاس كانت حاضره ولكن عيونها على الاسطبلات كل شوي تروح عيونها مشتاقه حق خيلها وااايد ما تروم تصبر عنه ثواني بس انتبهت على ايد ربيعتها وهي تقرصها: اييي شو عندج هند: يا الهبلة انتبهي ترا المس كل شوي طالعنا اخر شي بنراغ وسببه انتى تنهدت مهره وحطت ايدها على خدها وهى طالع المس ومتمللها تعرف ابوها موافق الا يوم عرف ان هالنادي موفر مدرسه اافففف عنى بلاها من مدرسة انتبهت للمس وهي تقول: مهره مهره رفعت عيونها وهى تقول: نعم المس: اضن انا اشرح مهره: وحد قال غير جيه المس: انتي مب ويانا انا بسوي استدعاء ولي امر مهره: من اولها استدعاء ولي امر استهدي بالله ترا والله ما صار لي الا شهر مسجله في هالنادي المس: عيل انتبهي مهره بصوت واطي: الله ياخذج وافتك منج انتبهت مهره على حد يضحك لفت وشافت الشباب وراها ضحكت وقالت طول عمرك يا مطور عبيييط واللى اعبط عنك ولد عمك عبيد يالسين عدال بعض واربع وعشرين ساعه ضحك . رن الجرس وظهرت المس عنهم يلست مهره على طاولة وقالت: الله ينطبها فشلتنى ضحك مطر وقال: مب منج من اللى ما خذ عقلج عبيد: والله مطور من صبح يحش فيج مهروه شهق مطر وقال: اهييي انا جذاااب والله هو من صبح يقول لسانها طويييل عنلاتها مهره لفت لعبيد وقالت: وانته شله حاط دوبك من دوبي انا من حدرت المدرسه هاى وانا احسك مستخف بي عبيد ضحك وقال: تبين الصدق هيه كيف رضيتي على عمرج دشين هالنادي وهذا للشباب مهره: وهو كل شي لشباب محرم على البنات ترا حتى نحن نبا نستانس لا انى يايه ارابع شباب ولا انى يايه اسمع مواعظ منك عبيد انقهر بس سكت وقال لمطر: مب منك منى انا اللى عاطنك ويه وطلع من الكلاس .. تنهد مطر ولف صوب الدريشه قطع الهدوء صوت واحد عندهم من الاولاد: انتى هنيه لفت مهره طالعه وتاففت وردت طالع الاسطبلات وقالت: مطور المس ما يت هزرك غايبه مطر: يستوي لها والله المر عصب وجدم من مهره ومسك ايدها وقال: ليش طنشيني طالعته مهره وهي رافعه حياتها وقالت وهي تنفض ايدها من ايده: اولا ما اسمح لك تلمسني ثانيا سوالك غبي يعني انا في الكلاس انته شو تشوف شي ثاني المر تنهد: عديمة احساس طول عمرج بتمين عديمه احساس مهر تضحك:ههههههه شهاده اعتز فيها ودخلت المس وهي تقول: يلااا وين باقي الطلبه لف المر صوب هند وقال لها: سيري يلسي مكاني وانا اليوم باخذ مكانج هند ما صدقت واخيرا بتكون قرب حبيب القلب وشلت كتبها وسارت صوبه محمد اول ما لف انصدم وقال: انتى نعم ليش يالسه هنيه هند: لا بس لان المر يبا ييلس هناك وتاشر مكانها محمد عقد حياته وطالع المر بنظرات مافهمها اما المر فكان مطنش محمد .. مطر كان منتبه للحركات محمد والمر وقال في خاطره واحد من الاثنين ياهم الاثنين يحبون مهره يا المر يبا يقرب هند من محمد قطع حبل افكاره صوت صريييخ خاري ظهرت المس وبعض طلبه يت بتظهر مهره بس منعها المر: وين تبين مهره: اوووه المر هب وقتك خلنى اظهر ابا اشوف المر وهو يمسك ايدها: تعالى ماشي ضرابه يهالوه مهره بعصبيه: ايييه انته ترااك زودتها كل شوي ومسسسكت ايدي اذا تبا بنات تراهن وااايد في الكلاس الا انا تحتى ميت خط احمر اللى يحاول يقرب مني اوديه ورى شمس سلاااام ورفعه ايدها كالتحيه وراحت برى اما المر كان مقهور صراحه من اسلوبها في التفكير ابدا ما خطر في باله البنات كلهن يشوفهن يتمنن نظره منه الا مهره اللى تسولف وتكلم ويا الكل بس ماعندها هالسوالف قطع عليه لمسة ايد على جتفه لف وشافها تااافف وقال: شوتبين نعوم: مابا شي ابا حبيبي يرد لي نفس قبل المر : حبج يرب ياربي انا محد مخرب عليه اللي بسوية الا انتى نعوم وهى تمسك ايده: حبيبي انته متضايق عشانها المر يبتسم: انتى شو تشوفين نعوم: مادري انته متضايق لانها اول وحده ترفضك وانته ما تنرفض ولا لانك حبيتها المر في خاطره مستحيل اعترف انى احبها الا لين ما خليها هي تقول احبك يا المر نعوم وهى تهزه: وين رحت المرررر المر: وضرس ان شاء الله شو تبين نعوم: سكوت علامة رضا تحبها المر: لالالا بس افكر كيف خليها تتمناني نفس ما يتمنن البنات نظره مني نعوم بدلع: وانا يعني ما اهمك المر: ترومين تنجلعين من جدامي انتى ودلعج هذا ابدا ما يليق على فكره برى عند الضرابه اللي مستويه كان الموقف بين 2 شباب وكان مدير مدرسة النادي والاخصائي وبعض الطلبه متواجدين ومن ضمنهم مهره طبعا تموت وتحيا وتحقق في سوالف الضرابه المدير يكلم اول واحد : غيث شو سبب ضرابتك انته وعلي غيث لف طالع علي وعلي طالعه بنظره احتقار ولف ويه المدير: بتتكلمون ولا استخدم اسلوب ثاني وياكم طبعا الكل يعرف اسلوب اي واحد يكسر قوانين هالنادي يحجزونهم شهر ونص ومايردون لبيوتهم ويمنعون عنهم الفون كعقاب بس ياخذون حريتهم في النادي من تدريب وغيره عقاب حلو ههههه المهم غيث تكلم وقال: انا يا طويل العمر بديت المدير: اقدر اعرف ليش غيث تنهد وقال: اسباب خاصه اترفع عن ذكرها المدير: مهما كان قوة سبب ما يمنع انكم تضاربون انتوا هنيه على قلب واحد وايد وحده مب تضاربون وتسون لي حركات المراهقين غيث نزل راسه: ان شاء الله نطرت مهره وقالت: حتى علي لازم يكون اكبر من جيه وما يمد ايده على غيث لو ان غيث هو اللي بدى لازم ثاني يهدي الاول ويتفاهمون يالتي هي احسن من ضرب وغيره مهما كان تراهم ربع وايد وحده لف علي صوبها وقال في خاطره الضرابه كلها عشانج ويايه اخر شي تقولين جيه تنهد وقال: صحيح كلامها انا بعد المفروض اكون اكبر منه وما اتضارب وياه المدير: عالعموم انا هالمره بعفيكم لكن المره الثانيه ماشي العقاب بيمشي ويلااا كل واحد على كلاسه دخلوا الكلاس ... بعد ما قعد الجميع على كراسيهم المخصصه قالت المس: تتوقعون الضرابه اللي كانت بين زمللائكم عن شوه محمد تافف وقال بهمس: عنج ضحكت هند ومحمد لف صوب ثاني وقال حق ربيعه: تبادل ضحك وقال: لا دخيلك ماروم خلك على مينونك لا اييك اللى اين منه ضحك محمد ولف صوب المس وقال: استاذه شكل الحصه خلصت وانتي تريين السبب محد يعرف السبب الا هم اثنينه المس: اممم شي طيب بس خمنوا مطر: ليش انتى لهدرجة فضوليه تبين تعرفين المس سكتت قافطه ورن الجرس وكانت حصه تدريب الخيول ووسارر الكل صوب غرفة تدريب وبدلوا ملابسهم وطلعوا اما في غرفة تبديل ملابس البنات هند تقول: مهررروه احس محمد مب متحمل قعدتيه عنده مهره وهى تلبس جوتيها: يعني بالله عليييج انا متحمله العله هذا اللي ينقال له المر هند: حرااام عليييج المر اكثر واحد البنات ميتات عليه مهره: انا ماييت هنيييه عشان انعيب بشباب لا انا ييت هنيه احقق حلمى بسرعه بدلي لبسج ويلاااا بسرعه على الأسطبلات تنهدت هند وبدلت لبسها.. اما مهره فكانت تمشي في الممــر بس سمعت اصوات في غرفة تبديل الشباب كملت دربها بس انتبهت على غيث ياي صوبها ابتسمت وهي تقول: هلااا غيث غيث: هلاا فيج علومج مهره: تهمك علومي غيث ضحك وقال: انتى شرايج مهره: شو اللي صار اليوم غيث: لا تغيرين الموضوع انتى تدرين انج تهميني مهره: لو اهمك ما تضاربت ويا علي غيث: لانج ما تعرفين سبب اللي خلانا نضارب مهره: انزين قول السبب انا اسمعك غيث :مستحيل مهره :ليش غيث: لانه سبق وقلت سبب خاص مهره: بس مب عليه اقدر اعرفه انا غيث ان ما قلت لي سبب لا اعرفك ولا تعرفنيه غيث تنهد: مهره شو اقولج تضاربنا لسبب خاص مهره: افهم من كلامك ما تبا تقول غيث: حاليا لا بس اول ما احس انى ابا اقول بي عندج ابتسمت مهره ورد لها الابتسامه وقال: نسير مهره: يلاااااا ساروا وقفوا عند الاسطبلات ودخلت مهره عند خيلها العاشق الفارس المغوار البطل اللى تعشقه اكثر من نفسها مسحت على شعره وهى تقول: وووووووواااااااااااوووووو ما صدق انى بدخل البطوله ووووووووووووووااااااااااااااوووووو غيث وهو يركب خيله: شدي الهمه الكاس لنا ان شاء الله مهره: ان شاء الله ركبوا خيولهم وطلعوا من الاسطبلاااات وكان المدرب يترياهم وغيث ومهره يمشون بالخيل عدال بعض مهره تبتسم وتقول: نفسي اعرف ليش احس انه ها المدرب غير غيث ضحك وقال: تدرين ان حميد يصير ولد خالتى مهره: المدرب غيث: هيه مهره: يا بختك دووم تشوفه غيث بغيره: مهررره ترااااه خاطب مهره انصدمت من تفكيره وقالت: انته تفكيرك غببي غيث: لا والله عيل شو تسمين سوالج عنه ومدحج مهره تتنهد: لانه يذكرني بشخص غالي على قلبي مادري ارضه من سماه مادري وين هو مادري لفت وييهها صوب الثاني ومسحت دمعه خانتها وهى تقول عسى الليالي تجمعنا مره ثانية .... غيث : اسسسف مهره انا فهمتج غلط سامحيني غناتى مهره: غيث انته وعدتنى تكون اخويه من اول يوم دخلت فيه هالنادي لاتخليني اندم انى عديتك اخويه غيث: مهره كيف نكون اخوان ونحن ما تربط بينا اي صله مهره نحن زملاااء دراسه صح بس مافي رابط اخوه مهره سكتت وقالت: صحيح كلامك اذا انته ناوي تبعد عادى ابعد ترا غيرك كان شاطر يا غيث وسرعت بالخيل واجتازت الحواز اللى كانت مصفوفه وسط انظار الطلبه كلهم ... وبعد ما اجتازته حست انها بذلت جهد كبير بس يلا المهم انها تسوي اي شي عشان تنساه .. مسك المدرب المايك وقال لها : تعالي وسط المنصه يا مهره سمعت مهره الكلام وسارت وسط المنصه وقال المدرب: اليوم بنجري سباق تحدي بين طلبه اول متسابقه معا في الحواجز هي مهره ولازم يكون حد معاها ويتم القفز من الحواجز حتى يصل ارتفاع الحاجز عن الارض خمس متر ونص شهق الكل بخوف لان المسافه بتكون عاليه وااااايد واللى اخطر من جيه قفزهم من على المنصه اللي ارتفاعها مساوي لارتفاع الحواجز بشي قليل المدرب: والان من مستعد للمسابقه دخل المر بخيله الاشقر الى حلبة المسابقة ووقف على المنصه وصد صوب مهره وغمز لها وقال: اتمنى انج تفوزين مهره: ليش مستهين بقدراتي المر: فديييت الثقه دامنها منج مهره سوت له طاف وتريت تصفير المدرب وانطلقت على اصوات التشجيع من ربيعاتها ,,, والبعض متجه نحو المر ويشجعه وكان المر متقدم على مهره ولكن مهره في الاونه الاخيره تعدته واجتازت الحواجز الثلاثه وبدت في حلبة السباق تدور بالخيل حتى انها اجتازت الحواز الاخريات المتواجدات في حلبة السباق وكان من ضمن الحواجز واحد مب مركب زين فخافت انها تتعرقل بالخيل وتطيح وخصوصا ان المغامره صعبه واكيد العمال ما انتبهوا للحاجز ولكن كانت بتنزل عشان تعدل الحاجز ولكن حدث امر لم يكن في الحسبان ان المر سبقها في تخطي الحاجز وكانت خايفه عليه لانه الحاجز مب مركب عدل وخافت ان الخيل يتخرطف به واذا طاح الحاجز ينخصم منه نقاااط فوز المسابقه ولكن ريل الخيل نشبت في وسط الحاجزز بين الحاجز الاول والثاني وطاح المر من على الخيل وكان خوفها بمحله اسرعت اليه وهى تقول بخوف :المر المرررر انته بخير المر كان يووون وصلت عنده وهي تقول: المر تسمعني المر المر: ااااه ظهري تكسر مهره: تروم تقوم وشوي يا الطاقم الطبي وشله وياهم وكانت نعوم معصبه وقالت للمدرب: انا شفت مهره يوم وقفت الخيل واتجهت للحواجز ونزلت واحد منهن وتسببت في خسارة المر للنقاط السباق المدرب طالعها وقال: عندج دليل على كلامج ومهره شهقة لانها تعرف ان نعوم راعية مشاكل ونعوم قالت: اكبر دليل عندك كانت تقدر تفوز متقدمه بخمس دقايق على المر ولكن تباطئها دليل على انها حبكة الخطه عدل على انها تخسر المر نقاط المسابقه المدرب عقد حياته: لالالا ما ضن سبب غير كافي انا من صبح اراقب المنصه وحلبة سباق مافي اي شي كان بينهم غيث: يمكن العمال نسوا انهم يحطون الحواجز صح ومهره قالت: ومافي اي شي يخليني اسوي جي بالمر لانه ما تعرض لي ابتسم محمد وهو يقول وينكك يا المر تسمعها وتشوفها كيف خايفه عليك والله انك مب سهل يا المر سويت الخطه عشان تشوف ردة فعل مهره عليك محمد: خلاص يا جماعه اهم شي الريال الحين يكون بخير مهره صاحت وقالت للمدرب: عن اذنك بسير اطمن عليه ابتسم محمد وقال: وانا وياااج ظهروا محمد ومهره من حلبة سباق وخيل المر رده غيث وخيل مهره كان عند علي ركبه وداه صوب الاسطبلات اما المدرب كان معصب وسوى اجتماع للعمال وهد عليهم بس كانوا يحلفون انهم ما نسوا وانهم كانوا متاكدين من الحواجز كلها بس المدرب تغاضى عنهم وقال لهم: ما هو بسهل اللى صار لو صار للولد شي لكم عقاب ثاني يلا لو سمحتوا تفضلوا .... اما في غرف السكن للطلاب كانت خايفه تروح له لين الغرفه وقالت لمحمد: اممم يمكن هو في العياده محمد: نسير نطالعه مهره لا تحطين في بالج ان نحن يوم من الايام بنستغلج لا مهما كان المر عنيد وياااج بس في نهايييه والله ما يحط في باله انتقام وهالسوالف وانه بيسوي المستحيل يرد اعتباره لا في نهايه هو يعرف الحلال من الحرام مهره: محمد انا صح تيني فتره اخاف لان الشيطان شاطر وثاني شي انته ما تعرف كيف الانسان يفكر يمكن انته يكون تفكيرك خبيث والمر تفكيره عادى يمكن الطلبه ثانيين نظرتهم لنا شي ثاني وبعدين انا ما حب الشخص يتقرب مني محمد انا اعرف كل شخص من نظره عيونه والمر يبا يبين للكل اني وحده من البنات اللى تربع وراه وانا ابا ابين له ان مب كل البنات واحد في بنات حلوات صح بس ما يفكرن ابدا تفكير المر انهن يكونن علاقات محمد: تدرين بقولج شي المر يحب كل شي له يكون وخصوصا شي صعب وانتى اعتبري عمرج وحده من هالاشياء انج شي صعب المنال بالنسبة للمر تنهدت وصلوا صوب العياده ودخلوا محمد ومهره.... محمد: سلااامااااات يا ريال المر: ااااه الله يسلمك اااااه تكسرت يا محمد محمد: محد قالك حد ضاربنك على ايدك وقال لك سر تعبل المر لف يطالع مهره اللى كانت مستحيه وقالت بحيا: الحمد الله على سلامه ما تشوف شر المر: الله يسلممج الغالية مهره: شو هالتصرف الغبي حد يجتاز حواجز وحده منهن مب مركبه عدل هالمره الله ستر وطحت على التراب المره الثانيه شو بتسوي وبعدين ظهرك يعورك المر يوون: اااااه الحين انسسس المووت فيه تصدقين انى انا اللي منزل الحاجز شهقة مهره وقالت: ليشششش المر: عمداااا عرفت انج ما بتتخطيين الحاجز اذا كان جيه وكنت ابا اشوف غلاتي عندج اذا ياني شي مهره بدموع: الله يسامحك انته تسوي جيه وهاي الزفته نعوم تتحسب انى انا مسويه هالشي عشانك المر: تهبي نعوم تلمس شعره من شعرج انتى قولي لي غناتي خفتي عليه مهره: المر كيف ما خاف عليك وانا للحظه بس حسيت انى انا سبب في اللى انته فيه كنت خايفه تكون مقهور مني وتبا تشوف مهاراتك ثرك طلعت غبي تبا تجتل عمرك على حسابي انا المر: انزين انتى ما قلتى لي ليش الدموع كل هذا خوف عليه مهره تنهدت: المر انا يييت هنيه عشان احقق حلمي مب عشان اكون علاااااااااقااات المر الله يخليك فهمني انا اقنعت اهلى بصعووبه انى ادخل ما في داااعي ابدااا لحركاتك الله يخليك المر انته كل البنات اللى هنيه ميتات عليك شو تبا فيني انا المر اذا تباني اكلمك واغير معاملتيه لك انته بالاول غير اسلوبك معايييه المر انا ابدا ما تحمل انى اشوفك تتعذب على حسابي وبعدين انا اعتبر كل اللي هنيه اخواني المر عصب من كلامها وبعدها هدى شويه وقال في خاطره بيي يوم وبتحبيني المهم الحين اعاملج على انى اخوج لين ما افهمج وتفهميني وعقب بصارحج بحبي لج .. مهره: ليش سكت كلامي مب عايبنك المر: لا بالعكس كلامج وااايد ريحني مهره تبتسم: الحمد الله زين يلا انا بطلع انته بتم في العياده المر : لا بروح السكن بيلس في غرفتيه مهره: يلا عيل مع سلامه المر يبتسم: الله يحفظج ومشكوره على الزيارة مهره: العفو طلعت مهره ومحمد قال: انته غبي فعلا غبي ليش تقولها انك انته اللي منزل الحواجز المر: محمد مابا اظلمها ويايه محمد: ادري بس المفروض ما تقولها انك نزلت الحواجز تخيل سمعك المدرب والله ياويلك تتحسب انته الدنيا لعبه تخيل لسانها زل جدام الطلبه والله تروح في ستين داهيه المر: بعدك يا محمد ما تعرف البنات البنـــات حساسات ورقيقات ما بيسيرن يخبرن وبعدين انا خبرتها مب عشان تحن عليه عشان انى شفت دموعها وانا اضعف عند دموعها ما تهون عليه هالبنت يا محمد احبهااا محمد: ادري انك تحبها بس ياخى مب جيييه وبعدين البنت اجدت فيك يوم قالت لك انا مب يايه اكون علاقات المر: اااااه بس من هالبنت تعذبني وهي ماتدري محمد: ونعوووم المر: تهبييي نعوووم محمد انا مب عبيييط اخذ وحده لها علاقة ويايه فهمت محمد: والله مادري بك انته حر معني احس ان هالبنت حقوده المر: من اي بنت مهره حرااام عليك والله انها عسل محمد: يا الدب انا اقصد نعوم المر: الله بنطبها اسمها ما يخصها في اسلوبها هيه الله ينطبها اسميني ما ادانيها ولا اداني حتى شيفتها بس لازم اسايرها عشان اعرف اخبار مهره محمد: من اي ناحيه المر: من كل نواحي يعني اعرف شو تحب شو تكره شو الاشياء اللي ضايقها من اللى ترتاح له هنيه اكثر شي وجيه يعني محمد يهز راسه وسكت عنه دخل المدرب وبعض المدرسين وطمنوا على حاله وراحوا ... عند البنات بعد ماصلن المغرب لفت مهره بتطلع صقعه في هند.. مهره: اوووه هنوده شعندج تمشين وانتى مغمضه هند: ماشي مهره سارت المطبخ وسوت لها نسكافيه وقالت: بسير ارمس اهليه هند: سيري راحت مهره وشلت فونها ونزلت تحت دقت للبيت ومحد شله دقت لأمها وشوي وردت: هلا مامااااتي ام سعيد: هلا الغالية هلا بنتي حبيبة امها شحالج الغالية مهره: تمام يوم سمعت هالصوت يعني ما خلى يا ربي ام سعيد: ولا منج فديتج مهره: وييين عن البيت ادق محد يرد امها: هيه فديتج سرنا نمشي مهره: وباباتي وين امها: ابوج ساير المزرعه هيا عمج بيسيرون يشوفون صيانة البيت وبيسون لج اسطبل وبيبون لج الخيل مهره: واااااااااااااو صدق مامي امها: هيه يعنى افدى روحج مهره: وسعود وين امها: سعيد عاااااد خليها سبراااييز على قولته ضحكت مهره على امها وقالت : والله تطورنا نتكلم انقلش امها: شفتى عاااد مهره: هيه الا صدق امايه هو وين امها: مشكلة الفضول يقطعج تقطيع ماشي سار هو واخوج نايف واحد من عيال عمج سايرين مكان وين المكان مادري بس قالوا انّ بنعرف قريب انتى بتين الاربعاء هذا مهره: اكييييد ان شاء الله انا ما استغنى عنكم امها: زين فديتج شدي حليج في دراسسسه وتدريب الخيول شو هباته مهره: زييين مامي يلا انتى دعينا بس بالتوفيق امها: ان شاء الله الغالية موفقه دوووم ياربي مهره: زين عيل الغلا بخليييج سلمي عليهم امها: انزين سلامه بنت عمج بتكلمج مهره: عطيني اياهاااا سلامه: دبوووه لج وحشه مهره: هلاا سلومه وانتى اكثر حبيبتي سلامه: ها علوم النادي مهره :يسرج الحال وشوي قطع عليها صوت .. محمد: مهااااري مهره نقزت: بسم الله محمد روعتني شو مطلعنك من سكن محمد: ابا اكلمج في موضوع ضروري لوسمحتى توترت مهره وقالت: ان شاء الله ...لحظه بس ... اقول سلامه بكلمج بعدين سلمي على عمي والعيال اوكي سلاامه: ااااوووه طورنا من هذا واحد من زملاء الدراسه مهره: هيه يلا برايج وسكرت الخط .. محمد يلس على الدجه وقال: بدش في الموضوع سيده مهره: دش محمد: مهره قولي لهند تبطل حركات مراهقه وحب وخرابببييييط من صوبي انا ما عندي هالسوالف لانى اخاف يوم من الايام اجرحها ومحد بيضايج غيرها هيه ووانا احاول ابعدها عنى باي طريقه بس هي مب متقبله هاشي مهره: محمد انا لو قلت لهند ها شي بتحسبني انا احبك محمد تنهد وتوه بيتكلم بس اللي قطع هند وهي تقول: اووونج يايه مب للعشق وتقولين لمحمد انا احبك مهره انصدمت هي وصلت على اخر كلمه وماعرفت شو تقول محمد حس انها فرصه عشان يقول اللي في خاطره وقال: وانا بعد احبهاااا ومافي اي قوة في الارض تمنعها مني وتمنعني منها هند خنقتها العبره وقالت: عشان جيه انته تكرهني وما تحبني محمد: هيه مهره: لا هند انتي هند: جب ولا كلمه انتى اخر بنت تتكلمين عن الادب والحشمه يا قليلة التربية والمعاني انصدمت مهره وعصبت في نفس الوقت بس اللي سكت هند طرررراق من محمد وقال لها :ثمني رمسسسج مهره اشرف منج ومن عشره من اشكالج هند دمعت عينها: هيه لازم لانها حبيبة القلب وانا اللي احبك عطيتني الجفا وعطيتها الحب اوووك يا محمد والله يتندمون انتوا الثنينه وراحت عنهم محمد: تهبين الا انتى تندمينا ولف صوب مهره: سمحي لي مهره صحيح حطيتج في موقف محرج بس هي اللي وصلت على اخر كلمة انتى قلتيها وحسيتها فرصه مهره: هي بدله اصلن ما تفهم كلامي ميت مره اقولها كلام وهي تنحرف بكلام خلها تولى ما همتني محمد ابتسم: يلا عيل ودعتج الله وتصبحين على خير مهره ترد له الابتسامه: وانته من هله دخلت السكن ويلست اطالع التلفزيون وكم وحده من البنات اللى عندها وشوي رن فون السكن وطلوووق البنات كل وحده تبا ترد حمدت ربها وشكرته وقالت هيا: بنات المدربة تقول وقت العشا يلااااا نشن البنات وسارن صوب غرف الاكل وحطن لهن عيشه ويلسن ياكلن هيا: تتوقعون سكن شباب الحين شو يسون مهره: اكيييد يتعشووون دخلت المدربه وقالت: المدرب حمييييد يقول باجر تنسيق المسابقات من 8 صبح اللي عندها كلاس هالوقت يتاجل شوطها لين بعد الدوام مهره باعتراض: بس نحن نبا نشوف اداء المسابقات ليش ما يكون كله بعد الداوم المدربه: اذا عندج اعتراض غرفة المدرب دلينها مهره وهي تنش: هيه نعم ادلها مب محتايه مشورج المدربة : قليلة ادب مهره: انا مب قليلة ادب شوفي اسلوبج ويانا كيف بعدين تعالى رمسي ترا ردي عليج الا من اسلوبج يلا باااي ساارررت مهره صوب المدرب ودقت الباب ... المدرب: تفضل دخلت وهي ميته حيا اول مره تكلمه بطلت الباب وهي منزله راسها: السلاااام عليكم المدرب: وعليكم السلام ورحمة الله وبركاته مهره رفعت راسها وشهقت: انــــــــــــــــــــــــــــــته المدرب: مهـــــــــــــــــره مهره بتوتر: احم مدرب حميد وين المدرب: مهره سمعيني مهره تقاطعه: احمد لو سمحت اللي بينا انتهى من سنين قولي وين المدرب حميد احمد: ما بتروحين الا لين تسمعيني مهره: احمد احمد: مهره ارجوج مهره بعصبية مكتومه: احمدددددددددددددد ترااا والله المهم كلهم حولك احمد سكت ودخل المدرب حميد: هلااا مهرررره هلا بلي رفعت روسنا اليوم وان شاء الله دوووم مهره حاولت تبتسم: ا ن شاء الله اقولك استاد حميد من فضلك عااادي باجر يكون التدريب بعد الدوام حميد يبتسم: اكييييد عااادي افا عليج يا مهره بس لان المدرب احمد اول مره يتعييين هنيييه في هالنادي وكنا نباه يمسك شوط صبح وانا امسك شوط بعد الدوام مهره: انا كان نفسي احضر تدريب الاشواط عشان نستفيد من اغلاطنا واغلاط ربعنا حتى نتفااادها وتكون البطولة لنا حمييد: والله يا مهره اني افتخر بج لو انتى مب مسجله في هالنادي عادي تلقيني ادوورر على المدارس وسوي تدريب حصصص للبنات في الخيووول المهم انا بقول لج شي واحد بما انج ييتي وتعنيتي لين المكتب انا بوافق على اللي طلبتيه بس بالشرط مهره: امررر حميد: احمد يقولج الشرط انصدمت مهره وقالت في خاطرها لالا والف لالالا احمد كان مرتبك شوي بس سوى عمره مب عارف بس حاول يتفادي الارتباك وقال: شرطي هو ان ويطالع حميد غمز له حميد بمعني تكلم احمد سكت وقال: بعدين بقولج باجر الصبح الحين تقدرين تتفضلين مهره طلعت من دون ترردد حميد عصب وقال: احمد شو اللي سويته احمد: ما قدر يا حميد ما قدر حميد: ما تقدر لانك ما جربت احمد انا ادري انك تحبها انته اخويه مب شي غريب عليه انى اعرفك من نظرة عيونك وبعدين انا كل هالسنين اشوفك تعذب جدامي واول ماشفت اسم مهره في لسته قبلتها على طول علشانك لان حالتك مب عايبه حد في البيت واخر شي متعايز تقول شرطك احمد: افهمني يا حميد ما اقدر والله ما اقدر احس انى اطعن روحي لو بقول لها هالكلام حميد: انته ما بتقول لها شي محرم كل اللي بتقول لها انها تسافر وياااك في التدريب للمعسكر وهناك تقدر تتفاهم وياها اما هنيه ماراح تعطيك فرصه ورااح تتهرب منك وبعدين نحن كنا يراان وغلات سعيد اخوها في قلبي انا مابا اضرها ولا انته تبا ضرها بس ماشي غير هالحل عشان تسمعك اسبوع بس في معسكر اللي بنسويه تدريب الخيول اللي في الوثبة او اللي في دبي او حتى لو ضطرينا نخلي تدريب هذا برى دولة الامارات مثل مصر بس عشان تتقرب منها اكثر احمد حالتك تراها ميؤؤوس منها انته شفت كيف حالتك اول مادخلت احمد تنهد: ولا انى قدرت انساها حميد: عيل شو تريا يا احمد انته من متي تحبها وتباها يمكن صار لك تسع سنين او اكثر من يوم انتوا يهال الا من انتقلنا من العين لين الهباب تغير كل شي يا خوي انته سافرت تكمل دراستك وهي الله ساقه وهداها ويت هالنادي بس عشان اقول لك يا احمد ترا اللى تحبها بين ايديك وتحت عيونك احمد: حمييييد ما اقدر اقولها بنسافر انا وانتى معسكر ما يدخل العقل واصلا حراااااام نختلى في بعض ونحن مب محرمين لبعض انتهى البارت |
بكل صراحه ومن دون مجامله .. لازم تعطوني انطباعكم عن روايه كبدايه ولازم تقولون لي شو رايكم كمل ولا لا ؟؟شو تحسون رايكم يهمني نقدمم اقتراخكم مايزيدني الا شرف ورقي لذلك انا انتظر رايكم نقدكم
|
رواية جميله جدا
قلمك رائع كملي ي قلبي |
دائما متميز في الانتقاء
سلمت على روعه طرحك نترقب المزيد من جديدك الرائع دمت ودام لنا روعه مواضيعك |
مشكورين ع ارائكم ودعمكم اللا محدود انتظروني ف البارت الثاني
|
البارت الثاني ...
: : حميد ضرب ايده في طاولة وقال: يا الاهبل افهم نحن بنسير معسكر برفقة شباب وبنات النادي في المعسكر تقدر تاخذ راحتك وتتكلم وياها بس فهمت الحين احمد: وتتوقع ما بتصدني حميد: مليووون بالامية لانك انته بتكون المسؤول عن كل شي وانا بتم هنيه ومحد بيسير غيرها وغيرك ومدرب الخيول الفرنسي وكم واحد من طلبه بعد بنعدون يمكن 2 بس او3 الي بيروحون وياكم والله ان رديت من المعسكر وما قلت لي ان في تطورات والله يطلعك من النادي وحرمك شوفتها مثل ماحرموك ياها اهليه احمد: لا ترد على اهليه هم كانوا ما يبوني اخذها عشان العله بنت عمك بس الله فكني منها وعرست والحين ممحد فدربي حميد: ترانى انا اللي فاكنك منها وميوزنها غانم ولد خالى المهم انته الحين فكر في كلامي زين احمد: خلاااص باجر بقول لهم حميد: تمام عيل مر اسبوع المر تحسنت صحته واحمد قال لطلبه ان تم ترشيح اربع طلاب للمعسكر الليي بيتم في الوثبة ومن ضمنهم مهره وعلي وغيث وهيا ... والمعسكر ان شاء الله بيكون باجر ومهره مصدومه ان احمد هنيه وان هو اللي بيروح وياهم واللي صدمها اكثر ان حميد واحمد اخوان وغيث ولد خالتهم وقالت انا اقول شبه حميد مب غريب عليه طلع اخو احمد بس ابدا ما اذكر شكل حميد اللي كان ربيع سعيد اخويه ايي ويلعب وياهم ابدا انتقلوا من زمااان عنا ااااه يا احمد خدعتني بحبك الزاييف ... في بيت قوم بو سعيد.. نايف: سعيد انته متاكد سعيد: مليون بالامية نايف: وان ما طلع اليوم سعيد: والله اليوم يلااااا راشد ولد عمي يتريانا نايف: هو اللي بيودينا سعيد: هيييييييييييييه نايف : انزين اتصل بها قول لها بنخطف عليها سعيد: بيطلعونها لنا نايف: هيه عندنا اثبات انها اختنا وبعدين شسمه مسموح لها ساعه وترد سعيد: يا حياتي مهره البيت بلاها ما يسر نايف تنهد: هيه والله عيل شو تقول عن راشد سعيد: اكييييد متخشع نايف:هههههههههههههههه حليله بس عليه متحمل فراقها ما تشوفه ما يطب بيتنا ولا ايي صوبه ضحكوا وركبوا سياييرهم وساروا يلاقون راشد وركبوا سيارة راشد وظهروا بها وساروا صوب النادي ... وصلوا النادي ونزل نايف ودخل داخل وسلم على المدرب وقال له ان يبا مهره وعطاه اثبات شخصيه انها اخوها وقال له ان ساعه وبيردها مهره كانت متفاجاه ان فيه زياره لها ويوم طلعت شافت نايف حضنته بقو من اسبوع ما شافته: يا خووووي وينك اشتقت لك والله نايف حضنها وقال: وانا اكثر يا الغلا يا شمعة البيت ونوره مهره بحيا: احم احم اخجلت تواضعي انته وينك اليوم يوم دقيت لماية قالت اونها سبرايييز عندكم شو عندكم نايف يبتسم: تعالي بنطلعج ويانا اليوم مهره: وااااو لا يكون هي هاي المنااااااسبه سبرااااييز نايف يضحك: سيري يا الهبله عن العبط جدام ربعج مهره: عاااد حشم عمرك مب واحد من شباب تقول ربعج صحيح ان فيه اولاد لكن اختك ذيبه نايف : وانا اشهد سارت مهره تتلبس ولبست عباتها وشيلتها وفي دربها سمعت تنغيزات من هند وسوت لها طااااف وروحت ... وركبت سياره وسلمت على راشد ولد عمها وعلى اخوها سعيد وهي متولهه عليييهم وااااايد .... راشد يعدل المرايه : انتى وينج مررره لا حس ولا خبر ماا يسوى علينا هالنادي خذج منا مهره: لا والله بالعكس هالنادي غير طرطرررررر وزين انكم ييتوا باجر عندنا معسكر في الوثبة بروح لمدة اسبوع الكل انصدم وقال راشد: شو سوين هناك مهره: تدريب على اللياقه البدنيه وتمارين للخيول سعيد: وبطول رحلتكم مهره: مادري هو يمكن اسبوع يمكن اقل يمكن اكثر مادري بس المدرب قال على حسب ترفع قدراتكم نايف: موفقه حبيبتي سعيد: حطي بالج على عمرج بس لا يكون فيه حد من شباب مضايقنج مهره مستانسه : لا حليلهم كل واحد محترم نفسه وتقول في خاطرها استغفرالله ما ينيييت اقولكم عن سوايا الشباب داخل عشان طلعوني من نادي وانا داخلته بصعوبه وبهده وحشره .. وصلوا المطعم ونزلوا وكان المكان حلو وفخم ورااققي دشوا داخل ووصلوا عند الكبينه اللي كان حاجزنها راشد وتوهم بيفجون الباب والا انتبهوا على صوت فقاعات تتطاير في الهوااااء ورواايح عطر وشمووع مزييينه طاوله ومهره كانت مصدومه ما تعرف شو تقول بطلوا الباب ولا ييشوفون على طاولة شموع وكيك واكل استغربت ليششش شو المناااسبه حست انهم يبون يقولون شي وطالعتهم وقالت: في خاطركم كلام صح الكل هز راسه ويلسوا على طاولة سعيد قال: أولا : كل عام وانتي بخير بمناسبة يوم ميلادج مهره بفرحه: وانته بخير فديتك سعيد : ثانيا مهره انا اخوج العود وبما ان ابويه وامايه عندهم الخبر من زمان انتي لازم تدرين بها الخبر مهره ارتبكت وقالت: اللي هوه اصلا انا حاسسسه من هالجووو ان الموضوع خطيررر سعيد يطالع نايف وقال: اول شي الجو حلو يسساااعد ان نرمسسسج بالموضضضوع ولا زم تفهمييين ان مناااسببببه هالعزيييمه الكلاااام الللي بنقوووله .في يوم ميلادج ... وثاني شي الكلام اللي نبا نقوله لج هو ان احم احم ان راشد محيرنج من سنين وكلهم يعرفون ها شي مهره لراشد وراشد لمهره وانا ما كنت بقولج الا يوم تخلصين ثانويه بس تعلقج في هالنادي وهالفروسيه خلاني اخاف عليييج نحن ما كنا راضين بها شي بس دام انج اقنعتي ابويه ومثل ما تعرفين انها مختلط انا لازم اقولج هالكلام راشد يباج حليله له واللي اباج تعرفينه نحن موافقين محد معترض فحطي في بالج ان راشد من اليوم هو لج حطي في بالج هذا شي لا تخلين اي احد يتقرب منج في النادي ولا تعطينهم الفرصه يدخلون قلبج انا قلت اللي عندي عشان ما تتعلقين بحد مهره ككانت مصدومه وراشد كان يتريا رده فعلها في الموضوع خايف ترفضه هي حبيبته هي اللي سوى كل شي عشانها مايبا يسمع منها كلام يعور قلبه يبا يسمع رايها ان شاء الله لو تقول مب الحين بعدين تعطيه اشاره انها يمكن توافق مهره كانت منزله راسها وكل الاحداث دور في بالها غيث احمد المر محمد وكلهم تنهدت من خاطرها وهي حاطه في بالها مثل ما احمد باعها بتشتري ولد عمها اللى حبها من كل قلبه قالت: دامكم موافقين ليش قاعدين تخبروني جان زهبتوا المليج بعد يوم انتوا موافقين ومخلصين سعيد بعصبيه وحزم : مهرررره شو هالرمسه مهرة بغصه وقهر : لان انتوا مب يايين تشاوروني انتوا يايين تعطوني علم اانزين ع الاقل عطوني فرصه اخلص الثانويه وعقبها بصلي الاستخاره الحين انا مشغولة في الدوري اللي بيي راشد : اذا ما عندج شروط ترا انا عندي شروط مهره : حلو حلو ويا لد عمي من الحين شروط شو في خاطرك راشد: مهره لازم تعرفين انا ليش حاط شروطي واحد من هالشروط تقلعين النادي بعد الثانويه وثانيها نسافر برى نكمل دراسه وثالثها لج اللي تبينه مني مهره: كيييييييييييييف ؟؟ انته تدري ان حلمي الخيول والفروسيه راشد: ادري انا ما قلت لا بس المزرعه شو فايدتها بسوي لج اسطبلات خيول وبيب لج خيول وخيلج اللى من نادي بشتريه لج وبعد غيره امري مهره: خلاص ماشي بس خلونى افكر الحين ابا الرد النادي مب وقت هالكلام لكل حادثً حديث كان راشد معصب بسبب اسلوبها مقهور والمفروض كان يكون فيه اخذ وعطا وهي سكرت البيبان في ويوهم ... وردوا النادي .. وبالباجر راحوا الوثبه في الباص وكانت يالسه في اخر الباص متضايجه وتفكر وهيا عندها وغيث وعلي يالسين في الباص وماسكين المايك وكل شوي يغنون والمدرب كان في سيايير اللى ورى لانهم شاحنين الخيول وكان هو في سيارته ورى والخيول في الشااااحناااات ... اما في الباص انواع الطرب والاغانى وغيث ماسك المايك وكان يشل شلااات منووعه من القصااايييد غيث: اهدــــــــــــآآآآء حق عرب مزززززااااين شكلهم اليوم مب رااااايقييين ومعصبين صح يا حلوو هيا تضحك على خبال غيث وعلي مط المايك وقال: لحظه ترا نحن طربانيين والشيخه مهره معفوس حالها من عافسنه مهره حست انهم حاسين فيها حلو شعور ان الاخرين يحسون فيك قالت : ما فيني شي غيث بإصرار: لا فيج شي قولي مهره : عيل انته قلت لي سبب ضرابك ويا علي بس يعني اللي يقولون ناس والناس صح سكت غيث بعدين قال: انتى ما نسيتي ... مهره: لا ما نسيت غيث يطالع علي ، علي تنهد وقال: مهره لا تيلسين تفتحين جروح نحن والله نحاول نداويها مهره: احس انكم مضاربين على شي ما يسوي غيث شهق وقال : لا والله انه شي يسوي بس انتى ما عليج سوالف شباب مهره: عيل حتى انا شي عائلي ما قدر اقوله غيث تنهد وقال: انزين عيل سمعي ها شله مهره: غيث صوتك حلو ليش ما تروح نجم الشله غيث: مال اول هالبرنامج خليه يولي ماباه مهره: عيل شو تبا نجم القصيد غيث:خخخخخخخخخخخ لا ذاك ولا هذا مابا شي علي: تدرين ان غيث مسمينه شباب صاحب الحنجره الذهبيه مهره: جذبوا في وصفك لازم يسمونك صاحب الحنجره الخرافيه غيث: خرااافيه مره وحده المهم انتى سمعي ها شله انتى و حكمي مهره: سمعنا غيث يشل : لــــي حبيبن حيل حبيته وصار عمري وسيد خلانى انسى همي لو انا ييته وفز قللبي لو تلقاني كم انا من الحب عطيته وكم يا هو كم تفداني وكم انا بشوق خصيته ذابحني بسود الاعياني حب غيره ما تمنيته والله انى فيه هيماني ويل حالي يوم لا قيته خزني بالعين ورماني القلب والروح أهديته مثل ما هو حبه اهداني صاحبي في العين ضميته عن حسود وقول عدواني ليت خلي يرووف ياليته ويرحم اللي منك تعبانِ لي حبيبن حيل حبيته وصار عمري وسيد خلانى وسوالم... الكل :صح الله لسانك مهره: ماجذبوا ربعك يوم سموك صاحب الحنجره الذهبيه ما شاء الله عليك يا غيث غيث: تسلمين الغاليه مهره تغمزله: هاه بو شباب حق منوه هالقصيده اعترف غيث ضحك وقال: وين تبين حتى انتي علموج تغمزين والله دنيا مهره: لا تغير الموضوع اصلن تعودت لا ارادي على كثر ما اغمز استويت اغمز حق اي حد ههههههههههه غيث: عنبوه استحي شويه اوكي عادى انا طوفتها بس المره الثانيه تسوينها حق حد بيقول هاي قليلة ادب تغازل شباب ههههههههههههه مهره: ولو كلن يرى الناس بعين طبعه غيث: المهم خلاااص حشىىىى يا انتى ما تنغلبين مهره: طبعا بنت ريال ما يغلبني شي عيث: هاي خقه ولا ثقه مهره: اقولك شي غيث: قولي مهره: يقولون انى مغروره وشلون ما اغتر وعندي من يموووت فيني غيث ابتسم وقال: ويا بخت منهو يمووت فيييج مهره : واعتبر كلامك شووو غيث ارتبك يا ويلي انا مفضوح مفضوح وقال: تايييد على كلامج مهره تضحك:خخخخخخخخخخخخخخخخخخخخخخخخخخ غيثووه غيث: لبيييه مهره: لبيه حاااي غيث: ويااااج علي دح غيث على ظهره بقووو اصطلب غيث وعدل ظهره وطالع علي وقال: انته مينون دحني جيييه بغيت اموووت علي: اشوفك مب مثمن رمستك غيث طالعه من فوق لين تحت وقال: غيرررااان مهره وقفت في نص بينهم: حوووووو بس انتوا الاثنين نحن في باص وفجاه كان دواااار ومهره ماتوازنت كانت بطيح بس مسكت غيث وهيا تضحك عليهم وقالت: احسسسن محد ـقالكم ما تيلسون ليش وقفتوا ممهره استحت وبعدت عن غيث ويلست عدال هيا: هذا كله من علي الحين بيبدا يضارب ويا غيث علي سكت ويلس اما غيث طالع مهره وقال: شي يعورج مهره تضيجه: لا عاد بس لا تممون جيييه تضاربون اقسم با الله اني اكره هالحركات السخيفه اذا ما بتصطلبون انا بدق للمدرب وبقوله يطبق عليكم انتوا غلامين العقاب ويردكم وييب حد بدالكم غيث تم يطالع مهره حس ان مهره بدت تفهم انهم يضاربون علليها وهو ما يبا ها شي لان مهره اقرب واحد لها غيث من شباب وتعتبره اخوها وسندها في النادي اول مادخلت كانت هي وياه يدربون رباعه وكان الكل محتقرنها انها داشه بين شباب وفروسية الا غيث اللي كان وااايد وياها وعقب الكل احترمها يوم شافها حاشمه عمرها ... علي يرمس راعي الباص : محمد متى نوصل افففف راعي الباص: ما في زياده الهين وسل علي: الا جانه وسل زييين عيل غيث يلس عدال علي: علي اسف علي طالعه بنظره وصد ويه صوب الدريشه غيث حط ايده على ويه علي وصده صوبه: والله انته تدري بي ما اتحكم بأعصابي علي مقهور: البنت تعدك شرررات اخوها وانته شو تكن لها في قلبك غير انك تحبها وهاي بنت عالم وناس ولو يدرون هلها والله ما خلوها دقيقه في النادي وهي حاشمتنك وتسولف ويااك انته لانك شرات اخوها ما تدري انك راعي بنات وسوالف غيث: علي نحن مب ربع من يوم وليله نحن ربع من سنين وانته تدري انى ودرت سوالف البنات من يوم حدرت النادي علي يضحك بستخفاف: لانك بكل بساطه حصلت بديل غيث: عاد انا اشوف مهره شي ثاني علي: ومهره تشوفك اخوها وبس انا واحد ما بيضرني شي لاني ما ييت لسوالف وغرام ياي احقق حلمى وهي جيه بعد يايه تحقق حلمها والبنت مب معقوله بها الجمال والاحترام والحشمه ومحد محيّرنها اصحى يا ولد الناس البنت تعتبرك اخو فقط لا غير وانته مسوي فيها العاشق الولهان.. تنهد غيث وسكت وصد ورى يطالع مهره وشافها حاطه الايباد في اذنها وتسمع غيث صد على علــي وقال: شور عليه يا خوي ضاقت فيني الوسيعه ولا ادري وش الحل علي: الحل حبيبي انك تعتبرها اخت لا غير غيث: ما اقدر علي: كيفك غيث: علي ليتني سمعت نصيحتك من سنين علي : الحين عاااد اذا فات الفوت ما ينفع الصوت شوي وصلوا الوثبة ونزلوا من الباص ودخلوا المزرعه الكبيره وشافوا العمال ينزلون الخيول من الشاحنات الي الاسطبل وشوي وقفت سيارة المدرب ونزل احمد وكان غيث يرمس علي لف وطالع احمد وقال : ها يا ولد الخالة ياي ويانا احمد يبتسم وفي خاطره لعيونها يا غيث لعيونها بس وابتسم وقال: هههههههههه تحيد ولد خالتك عنده شغله انته غير البيت والعزبه والحواطه غيث: بصراااحه لا ضحك احمد ولف يطالع غيث وين ساير شاف مهره وهيا ... مهره كانت متوتره بس شو تسوي تبا تعطي غيث الايباد ماله وصلت عندهم وغيث ابتسم وقال: هلااااا مهره وهي تعطي غيث الايباد قالت له: شكرا غيثوه غيث: العفو احمد عقد حياته وقال: ممكن مهره شويه اباج على انفراد مهره استحت تقول لا اولا لان اللى حولها ما يعرفون ان بينهم حب ثانيا لازم تسير لانه مدربها سارت مهره وياه ويلسوا على راس العرقوب وهم يطالعون المزرعة من فوق احمد كان عاطى المزرعه ظهره ومجابل مهره ومهره مجابله المزرعه وعاطية ظهرها العراقييب اللي ورى يعني مجابله احمد .. يلست واحمد تم واقف قال احمد: تدرين ان انا وحميد اخوان وان غيث يقرب لي ولد خالتيه مهره: ادري احمد: تدرين انى متعذب مهره: وتدري انك ييت في الوقت الضايع احمد عقد حياته ما فهم وقال: كيف يعني مهره: بعني عشان ما تقول انى ما يلست وياااك وما فهمت اسبابك انا اقول لك قول اسبابك مستعده اسمعك وعقب بقول لك كيف احمد: تذكرين من روحنا من العين وسكنا في الهباب ما عرفت ان الدنيا بتلعب فيني المهم مره كنا سايرين ند الشبا عند قوم عمي وامايه من شافت بنت عمي وهى تحن فوق راسي خطبها خطبها وانا ما طعت ما بقولج لانى احبج لانى فعلا ما كنت احس بشعور صوبج صح كنت اشتاق للعين وااايد ولخوانج وابا ايلس ويااهم لكن من سافرت امريكا حسيت انى اشتاق لج اقول ياربي البنت كنت العب وياها صح بس ما كنت اعترف بحبج الا خلاااااف وكنت ادري انج تحبيني يمكن جدامج كنت ابين لج انى احبج بس من سافرت امريكا وانتي ما فارقتيني مهره: عيل سمحلي احمد انته ييت في وقت متاخر صحيح انى كنت احبك ومستحيل اكرهك لكن ابدا ما يمنع ان يكون في حبيب الثاني يباني وصاينني وحاطني في عيونه ولجله انا بخلي حبك صامت في القلب وانساك وابدا احبه وعيش حياتي معاه بحلوها وبمرها احمد عقد حياته: مهره كيف يعني انا كل هالسنين اتعذب عشانج مهره: وانا كل هالسنين كان ودي اعرف قدري عندك بس ياللأسف ما عطيتني حتى نبذه عن حياتك وانته بعيد او حتى خليت ححد من خواتك يطمني عليك او يتواصلون ويايه خلااص احمد انا من عقب هالكورس بطلع من نادي وبشوف حياتى احمد : يعني افهم من كلامج انج بعتي حبي مهره: انا ما بعت حبك هذا اولا ثانيا انا محيّره ولا ابا اخون الشخص اللي عطانى قلبه ويا غيره وسمحلي انا حبيبت احط حدوود بيني وبينك انا حبيت اقول لك خلااااص انتهينا واكبر دليل كلامك عني انك ما حسيت بحبي الا بعد رحيلك من الدار وشوقك لي احمد مصدوم وما توقع ردة فعلها وقال: مهـــــــــــــــــــــــــرررره انتي لي ومستحيل تكونين لغيري مهره: هـــه كلام يا احمد والله كلااام ما شوف فعل ليش خليتني اسيرتك ليششش احمد: مثل ما خليتيني اسيرج مهره: بس انته خدعتني وعدتني ما تبعد عني وبعدت ورحت دبي احمد: غصبن عني فلتنا خلصت شو تبيني اسوي وانجبرنا ننتقل لان شغل ابويه وعمايره وشركاته كلهن في دبي مهره: وانا احمد: انتى سكنتي هالقلب ولحد غيرج يقدر يسكنه مهره سكتت احمد اللى حاول يتفادى الوضع قال: عطيني رقمج مهره نطرت حوايبها وقالت: يوم بفكر اصيع وارمس شباب بعطيك عن اذنك احمد مقهور وقال: تفكيرج دووم خايس مهره: لا تفكيرك انته دووووووووووم صح احمد لا تستعبط على اخلاقي حشم عمرك احمد نطر حوايبه وقال: افهم من كلامج انى مضيع المذهب مهره: هذا اللي اشوفه تبا رقمي ما تباني اعطيك رقم الشله كامله احمد : مهره لا تخليني امد ايدي علييج مهره سكتت وقالت: ما عرف شو احساسي تصدق تجاهك ابدا ماعرف افهم شعوري تجاهك الحين كره حقد حنين حب ماعرف سكت احمد وتنهد وطالعها لف صوب المزرعه وشاف غيث وعلي مطلعين خيولهم لتدريب وقال: يلا قومي وقت تدريب مهره رفعت راسها وطالعت احمد: قولي بصراحه شو اللي خلاك تي نادي احمد: وجودج فيه مهره: حميد خبرك احمد: هيه مهره: ما كان المفروض يقول لك وهو يعرف تماما اخوه احمد: انتى غلطانه ما شفتي حياتي من بعدج كيــــــــف الانسان ما يحس بقيمة الانسان الغالي الا اذا فقده وهذا كان احساسي مهره سكتت وقالت له: احمد انته شو شعورك في الوقت الحالي احمد: اذا قلت لج مصدوم بكون جذااااااااب تبين احساسي صدق اول ما دريت بج موجوده في نادي انتابني شعور فرح شعور ان في امل يكون بيني وبينج شي وااايد اشياااء حطيتهن بوجودج وااااايد ــآآآمـــآآل حطيتهن فييج قلت بلقاها مشتاقة لي تحبني تباني اكون بقربها ابدا ما توقعت هالرد منج مهره: ما عرف شو ــاقول لك كل اللي بقوله لك اني كل ما اشوف حمييد يذكرني فيك احس انى احن لك بس ماعرف شو اللي بيخليني افهم احساسك وانته بعيد عني احمد: مهره انا الحين مابا غير قربج والله العظييييم صدقيني انا مقدر شعورج انج بتكرهيني وانج بتنصدمييين بس يوم بتعرفين انى بعدت وسافرت عشان ما اخلى حد يدخل قلبي كل هالسنين غيرج وقتلج ما تاكدت من مشاعري الا يوم سافرت امريكا ما هنتي عليه اخليج تتعلقيين فيني بلاااش كنت ابا اتاكد من شعوري صوبج وانى انا بعد اتمنى قربج احمد: عالعموم مهاااري تاكدي انى ابا قربج في كل وقت واباج تفكرين في السالفه مهره سكتت كل هالوقت بس بعدين قالت : تعرف راشد احمد عقد حياته: من راشد مهره تتنهد: ولد عمي احمد يحاول يذكره: ما ذكره زين ماعرفه كبري هو مهره: اصغر عنك بسنه كبر نايف اخويه احمد: ماعرفه ليش بلاه انا ماعرف حد من اخوانج اصلاااا غير سعيد نااايف ما لحقت على نايف وراشد مهره: المهم احمد راشد خطبني وسعيد اخويه البارحه كلمني في الموضوع والموضوع خاااالص عندهم قتلك ييت متاخر ما صدقتني احمد مصدوم: مهره رفضي ولا انـــي اتحمل فراقج مهره: المشكله الكل موافق اذا رفضت بيقولون لي شو اسبابج احمد مقهور: كملي دراسه صغيره على العرس اي شي مهره: لا يا احمد مستحيل يرفضون اهليه ومستحيل يصدقون خلااااص من اخلص الثانويه بتلقى راشد محدد الملجة والعرس احمد: مهاااري والله احبببببج مهره خنقتها العبره ومارامت تتكلم احمد: غلطان ادري ومن حقي اغار عليييج مهره انا من عقبج ينعافن العذاري مهره: احمد لا تزيد المواجع احمد يلس مجابلنها وقال: مهرررره قولي صدق ترضين بقرب شخص غيري نزلت راسها مهره وقالت بصوت واطي : مثل ما بعت حبنا احمد نزل المستواها ومسك ايدها: حياااتي انا ما بعت حبنا قتلج عذري انا ابا افهم منج الحين ترضين بقرب شخص غيري مهره قامت ومسحت دمعه خانتها وقالت: احم مادري يا احمد خلني افكر بها والله اذا حسيت اني ما بتقبل اي شخص غيرك تراني بقول لك احمد: وانا اتريا ردج حبي لفوا رباعه ونزلوا من العراجيب على المزرعه ودخلوا ومهره ما كاان لها بارض على تدريب يلست تشوف غيث وعلي وهيا يدربون واحمد واقف يشوفهم وهي طالع احمد لابس البدله والقميص والنظاره شمسية والصفاره ما سكنها بيده وكل شوي يتيم لهم الوقت ويصفر لهم يعيدون من اول لين ما اتقنوا خطواااات سرعة الخيل المحدده من اعلى المنصه لإجتياز الحواجز وعقب تدريب يوا وفروا عمرهم عدال مهره ضحكت مهره وقالت: غيثوه تعبان غيث يحط ايده على قلبه: بالقو يا مهاااري تعبت تعب حسيت انى انا اربع مب الحصان مهره: وانته علي علي: انا هههههههههههههه يا تموتين ضحك عليه لو شفتيني شوا سوي مهره: من بعيد ما قدرت اشوفك علي:ههههههههههههههههه تدرين كل ما اشوف احمد بيصفر اسوي عمري مندمج وياهم وابا احفظ قدرات الخيل لسرعه المخصصه ويوم اشوفه مطنش خذت الامور تسااهيل مهره تضحك لان احمد كان وراه غمض عيونه وسار صوبه ومسكه من رقبته من ورى وقال بمزح: من اولها غشششش صح ونحن نبا الكاااس علي انتفض وقال: هههههههههه خلاااص توبه بو شهاااب والله توبببه احمد : هههههههههههه يا ويلك يا عليوي جانك بتستهر بظهرك علي: لا خلااااااااص توووووووووووووووووبه احمد فجه وقال: يلا ارتاحوا وباجر ان شاء الله تدريب علي: واليوم احمد: لا يكفي بس اللي ياكم اليووم والفليل بنيلس نشوي علي: زين عيل تمام مهره لاحظت غيث اللي مطنشنها اليوم مب على العااده شفيه هذا شافت علي وغيث سايرين صوب سكنهم وقالت لهيا: وين ساروا هيا: بيسيرون يسبحون ويردون عشان نشوي تعبوا من الخيوول مهره: انتى وين كنتي هيا: كنت اتسبح عقب اللعب مهره: وبتردين تسبحين مره ثانيه عقب شوي هيا: هيه لازم اكيييد مهره: ما تلااااحظيييين ان غيث متغير عليه هيا: يتهيا لج يمكن مهره: لالا ما يتهيا لي هيا: مادري بكم والله برايييج انا بسير ايلس فوق راس العرقوب مهره: برايييج سارت مهره عند العرقوب اللى ورى الاسطبلات وشافت احمد تروعت وقالت: بسم الله انته من متى هنيه احمد يضحك: يايه دوريني مهره: عن الاستهبال احمد لالا كنت يايه ابا اقعد احمد يضحك: ههههههههه تعالى شلي حطب ويايه بنسير نوري ضو مهره: لالا اخاف على نعومه ايدي تستوي خشنه بعدين احمد:ههههههههههههههه يا ويلي على الخقه تعالى يلا شلي حطب ويايه بنوري الضو مهره شلت حطبه وحده وقالت: وين بتوري الضو احمد يطالع المكان: اممممم شو رايج هنيه على هالعرقوب مرتفع مهره: هيه هذا اللى في المزرعه اللى جدام الاسطبلات احمد: هيه وبينهم مساااااااااااافه زينه يعني هممم شو رايييج مهره وهي تفكر هبة نسمه هواء وطيرت قصتها وقالت وهى تعدل شيلتها: اوكـــي بس انا بوري الضو وصدت صوب احمد اللى كان مبهت فيها وقالت بخجل: احمددددددددددد احمد انتبه وقال: هيه يلاااااا وراحوا فوق العرقوب وحطوا الحطب وبدت مهره توري الضو واحمد يطالعها ويضحك: ههههههههههههههههه لو انتى بنت ابوج وريها مهره: والله يوريها وانا بنت ريال وبتشوف بعد احمد ضحك: هههههههههه اوكــــــــــــي مهره وهى مب حاسه بعمرها ولا حاسه بلي تقوله: مخلفه علينا فديتك هالأشياء ما تغلبنا هلها نحن قرب احمد منها وقال: شو قلتى مهره: قلت لك مخلفه علينا يعنى ما تغلبني بدويه ابا عن جد احمد قرب وقال بهمس: قبلها قلتي كلمه مهره وهى تعابل الحطب: شو قلت ان شاء الله احمد: قلتى فديتك مهره انصدمت وطالعته واحمد بدوره ما نزل عينه عنها ومسك ايدها وقال: والله ما جذبت عليييج انتى نطقتي بها مهره بعدت ايدها وقعدت توري الضو واخر شي بعدت عن ضو ويلست ويلس احمد عدالها: مب مصدقتــني مهره طالعته: احمدددددددد بس انسى احمد: الله يسامحج طول عمرج بتمين قاسيه عليييه قسي عليييه كثر ما تبين ترانى من عقبج ما حس باي شي وقام واقف مهره : احمد دخيلك يلس احمد: انتى شو تبين مني مهره خلاااص انتى قاسيه وانعدم منج الاحساس لا تحاولين مهره على كثر ما احبج الا احس اني كل محاوله وياج تفشل مهره: احمد ايلس شو تباني اسوي بك بعدك عنى كل هالسنين خلاني ما قهـــر منك شي بس تراني ارد واقول لك راشد اولى منك فيني احمد: واااااييييييييد علييييج هذا اللي ظهر منج ما تقدرين تقولين شي ثاني مهره سكتت ويوا كلهم غيث وعلي وهيا ويلسوا وياهم وشووا وسولفوا لين 12 وراحوا يرقدون... مررررررررررن خمسسسسسس شهوررررررررررر وخلصت المسابقه وحصلوا على المركز الاول وعلى الكاس ... وبدت امتحان اخر سنه عندهم وعقبها الكل يشوف دربه اللي يبا يدد عقد وياهم واللي يبا يلغي العقد المده مالت العقد انتهت 4 سنين وشوي مضوها حلوه ومره مع بعض ... واليوم اخر يوم امتحانات وبعد ماطلعوا من القاعه كانت مهره يالسه طالع المدرسة الداخليه للنادي وعيونه بدت تدمع كانت من احلى سنين حياتها في هالنادي وبتشتاق لربعها ولناسها ولربيعاتها كان اوفى ربايع لها غيث وهيا كانوا واييد وياااها والمر كان من الذ اعداها لكن بعد الحادثه اللي صارت تغير واصبح انسان رائع وياها ولكن تذهب رياح بما لا تشتهي سفن ... وداعية اهل النادي بعد الامتحان قرر المدير يسوي لهم حفله توديعيه لكن مهره مارضت تروح الحفله ودخلت السكن تلم اغراضها وجهزها لان اخوها بيخطف عليها وهي تحط ثيابها في الشنطه رن فونها : هلا سعيد سعيد: اهلييين خلصتي تنهدت من قلب وهي تقول: هييييه سعيد: شعندج ما اشتقتي لنا مهروه: الا اشتقت لكم بسسس يعنى انته عارف الوضع سعيد: هههههههههههه خايفه تروحين من بيتنا لبيييييييييت قووووم عمي مهره: سعود دخيلك سكت خلك رجل مسالم سعييد: حليله يحببج مهره تنهدت بضيقه: اه بس خلك من الكلام هذا ملحوق عليه الحين قولي انته متى بتوصل سعيد يلف دوارالنادي : قريب النادي فديتج عند الدوار . مهره تسكر شنطتها وتلف اغراضها كامله وتسحبهم على برى: اوك عيل انا اترياك سكروا الخط ... وشوي ياها السكيورتي وشل اغراضها ووداهن عند الباب وقاعده اطالع النادي لمحة المر ومحمد وهيا وغيث يايين صوبها تحنحنت حاولت تعدل صوتها وابتسمت وهي تشوفهم وقالت: ها شو شعوركم المر بضيقه: مرره لا تنشدين والله اني احسسس انى مفارق هليه ااحس ان نحن مخنوقين مب قادرين نتقبل فكرة ان كل واحد بيشوف حياته برى هالنادي وما بنعرف عنه شي تخيلى انتى اربع سنين ضمنا النادي عشنا فيه كل مراحل حياتنا الحلوه والمره وعشانا واحد ونلتم ونلعب في ساحة اخخ شعور ما يوصف صدق انى مكسورر غيث بهم : هيه والله انك صادق ياربي ع الأيام اللي جمعتنا هنيه مب متخيل انى بفارقكم احس انى مفارق اشخاص هم جزء مني مهره بعبرة كاتمتنها : فعلا يا غيث نحن كلنا أجزاء من بعض وكلنا نشوف الحياه مع بعض وبعيون وحده وقلب واحد وروح وحده فعلا نحن نشل هم بعض ونحاتى بعض وتحدياتنا كلها بشرف وقلب سليم مافيه لاحقد ولا غل على حد واللي يفوز منا اعتبرناه فوزنا كلنا واذا خسر واحد منا اعتبرناه خساره لنا كلنا يا الله شو نبا اكثر من جي الفوز واحد لنا ويطلع باسم كل المتسابقين وهذا بحد ذاته شرف عظيم لنا نحن بصراحه حبينا بعض حب الاخوه وبقوه بعد لدرجة لو واحد منا تالم كلنا نتويع ونحس بالالم فعلا انتوا نبلاء وشرفاء لا تخسرون بعض ولا تخسرون ربعتكم خلكمم ايد وحده مثل ماعهدتكم هنيه وتحنحنت تعدل صوتها وابتسمت وهي تقول : والله انى ماودي افارقكم احبكم والله واحب سوالفكم عسى الله يجمعنا ان شاء الله في الأيام اليايه ونستمر ربع واخوان انا حبيت هالمكان وايد لانه عرفنى عليكم وجمعني بكم ولأنه بعد علمنى وايد أشياء ترا صدقوني مب هاين عليه اطلع من هالمكان ابداً والله العظيم انه يعنيلي الكثير والكثير بعد ودمعت عيونهم كلهم حتى هي دمعت غصبن عنها حضنتها هيا وهي تقول : فديت روحج مهروه بشتاق لج والله العظيم مهره تحضنها وتبتسم : ان شاء الله بنتم على تواصل بعدت عنها يوم سمعت صوت تلفونها مسحت دموعها وشافت رقم سعيد وردت: هلا سعيد سعيد: فديتج وصلت مهره تمسح دموعها وقالت: يلا الغالي ثوانى وبطلع لك محمد : والله يا مهره انج اخت عزيزه وغاليه ولج قدر في قلوبنا كلنا ولج محبه والله ما يعلم فيها الا الله في قلوبنا كلنا انتى كنتي لنا كل شي الأخت وكنتي لنا سند والعون والله في كل شي في دراسه في تدريب في المسابقات حتى في تشريف كان الفضل بعد الله لج ولهيا يوم حطيتوا اسامينا في تحصيل سيف الشرف في المهرجان اللي صار وكنتوا تبدعون وتحطون اسامينا ونحصل على ميداليات وتفوق ودروع والفضل بعد الله لكم انتى وهيا اكثر هنتين كنتن تسون لنا الاحصائيات مهره: لا والله يا محمد مجهودكم كان مشهود فيه ولله الحمد والمنه والفضل نحن كنا سبب بس ولا انتوا ما شاء الله تستاهلون اكثر من جي ان شاء الله اسمع اساميكم واشوفكم واصلين للعالميه وانتوا قدها الشباب: جميعا يارب يا الغاليه مهره تودعهم : يلا عيل فداعه الله تامرون بشيء الشباب+ هيا: لا سلامتج فديتج والله يحفظج يارب ونسمع عنج اخبار طيبه مهره وهى تلوح بيدها: ان شاء الله فديتكم الله يحفظكم الغوالي وافترقوا كل حد راح مكان ... مهره راحت لين البوابه والشباب وهيا ردوا للمسرح عشان يحضرون الوداعية ... عند البوابة ... نزل سعيد من السياره وحضنها بفرحه وهو يقول : مبرووووك وأخيرا افتكيتي من ثانويه مهره تبتسم : الله يبارك فيك بس بعدني ترا ماخلصت رسمي باقي الشهايد لين الحين ماصدرت ... سعيد يركب السياره ولف على مهره اللي ركبت وقال: انتى قدها بنت محمد ادريبج فديتج. تنهدت بغصه المهر وسكتت .... اما في بيت قوم بو سعيد ... بوسعيد وبو حمد ومبارك وراشد وسلامه وشما ولطيفة وام سعيد وام حمد يالسين برى على المنصة حاطين فوالتهم وقاعدين يتريون سعيد ومهره ايووون ... لطوف تعابل الايباد وقالت بقهر : يخربيته معلق افففف لف عليها ابوها وهو يقول: انتي شبلاج استهدي بالله وبنديه وردي شغليه يمكن يشتغل لطوف تهز راسها بالإيجاب راشد رن تلفونه وحطه صامت شوي دخلوا حمد ونايف يايين من المطعم ويايبين عشا وياهم حمد سلم على امه وابوه وعمه وعمته ويلس ونايف زقر لطوف تي تنزل العشا وتوديه المطبخ قامت سلامه وياها تعاونها وسار نايف يقعد معاهم ... ثواني ودخل سعيد وقف سيارته ونزل هو ومهره وقال للبشكاره تنزل أغراض مهره من سياره تقدمت مهرة ولوت على ابوها وحبته على راسه وسلمت على عمها بو حمد وامها وعمتها والبنات وعقب سلمت على الشباب مبارك يطالع مهرة كيف تغيرررت جذريا وحلوت ابتسم بينه وبين نفسه وهو يقول من صغرج حلوه مهره رفعت عينها وشافت مبارك سمعته يقول : الف مبروك الغالية وعقبال المراتب العاليه مهره تبتسم: الله يبارك فيك يارب العالمين ، امييين ان شاء الله راشد كان مرتبك وايد بصراحه مايعرف كيف يضبط نفسه لان تلفونه ماسكت لف عليها وهو مبتسم وقال بفرحه من قلبه : الحمدلله انج خلصتي عيزت وانا اتريا اربع سنين مب شوي وغمز لها مبروك التخرج فديتج ابتسمت بضيق من كلامه وردت بهدوء : الله يبارك فيك .. الحمدلله الذي بنعمته تتم الصالحات راشد بنظرة حب قال: يلا عيل لازم الحين تشدين حيلج فديت قلبج وتستعدين لحياتنا اليديده وطالعت اللي قاعدين وشافتهم ساكتين عرفت انهم راضيين بكلامه قالت بتنهيده: على الله ان شاء الله ، عن اذنكم تعبانه والله بروح غرفتي راحت مهره الغرفه وهي تحس بضيقه من كلام راشد مب مرتاحه من كلامه دخلت تسبحت وتلبست بجاما ونامت على طول .... بعد مرور شهرين بالضبط مهره كانت رافضه راشد رفض قطعي والكل يحاول وياها قبل لا يقولون لراشد اللي محتشر ومضيق يبا العرس والملجة بسرعه ... في بيت قوم بو سعيد سعيد بعصبية : انزين ليش ممكن افهم مهره بضيقه: مب مرتاحه له احس بضيقه احس في شي جاثم على صدري مب غصب العرس بوسعيد اللي توه حدر الصالة قال: حسكم واصل لين اخر الفريج سعيد بقهر: مادري بلاها بنتك ما تبا ولد عمها بو سعيد يتنهد: ليش مهره شو شايفه عليه. مهره: ابويه ما بيخليني اكمل طموحي وبيوقف في ويهي وما بيطيع يخليني اشترك في الانديه ولا بيخليني اكمل حلم الطفوله . تنهد بوسعيد وقال : خلاص بقوله وبشوف شو رده فعله مهره هزت راسها وراحت فوق تنسدح .... العصر اتصل بوسعيد على راشد وقاله انه مهره رافضتنك وقاله شو الاسباب وراشد عصب واحتشر وقال والله اخذها وعمه يقول له انزين استهدى بالله كل شي بينحل اذا وافقت على طلبها راشد: شو طلباتها عمه: الانديه والخيول انته عارفنها راشد تنهد بضيق: الموضوع منتهين منه وهي عارفه رايي فيه انا مابا حرمتيه تظهر قدام الكل حرمتيه لي انا وبس ... تنهد عمه وقال: والله عاد تصرف ويا خوانها لعوزتوني انا بناتي ما يهونن عليه وانته ما بذنك ماي. راشد يتنهد: الله يعدي هالايام على خير وسكر من عمه واتصل بنايف عشان يقنعها وراشد من كثر ما هو ضايق شل ثيابه وراح بوظبي بيت اليازية اخته لانه زعلان من مهره ومضايق بالقو انها ما وافقت.... في بيت اليازية ... راشد يالس في صاله ويرمس في تلفون وكان معصب وهو يقول: الف مرره قايل لج اذا دقيتي ومارديت لا تحرقيين التلفون فهمتي ولالا يوم بفضى روحي بدق ثريا: انزين انته ما ترد من فترة وانا اتصل بك وانته ساحب عليه لا ترد ولا غيره ليش هالايام اسلوبك متغير شو فيك راشد بقهر: وانتي شو يخصج مالج حايه الا في نفسج وبس فهمتي ولالا ثريا بقهر: لا ما فهمت انته ع كيفك تبا تمشيني راشد اذا انته معصب يوم تهدى كلمني لين متى بيتم الوضع بيني وبينك على هالحال.. راشد بعصبيه: اطلعي من مخي الحين تراني مب متفيج لج ابدا يوم بهدأ روحي بتصل وبكلمج سمعتي .. ثريا هزت راسها بقل حيله وقالت: ان شاء الله فديتك راشد تنهد : يلا باي وسكر الخط ... شوي ويته اليازيه وقعدت عداله وهي تقولً: المهر مسويه فيك كل هذا راشد بغبنه: اه بس والله لو تعرفين ان بيني وبين الدموع شعره بس بموت يا اليازي لو ما تقتنع اليازيه: حبيبي انته عارف ان مهره بتموت عالفروسيه وانته ما بتخليها تكمل في النادي واكيد هي ما بطيع انك تحرمها من تحقيق حلمها راشد بغبنه بانت في صوته: اخخخ يا اليازي قسم بالله بموووت لو ترفض والله ما خليها وانا حلفت اليازي تنهد: راشد فديتك انته ليش رافض فكرة انها تروح النادي راشد يطالعها وقال بقهر: لاني اغاااار عليهاااا وتعرفين انه بيصير بيني وبينها مشاكل وبتم عايش وياها في مشاكل بسببت النادي والشباب اللي يدربون هناك وانا مابا حبي يضيع بسبب هالاشياء وانتي تدرين ان مهره تسوى عيوني ومابا حد يساومني عليها ... اليازيه تنهد : فديت عمرك حبيبي ان شاء الله انها بتوافق راشد يغطي ويهه بيده وهو يقول يارب الله يسمعها منج يا الغالية اليازيه تشوف توتر اخوها وتشوف الحب في عيوننه تنهدت بضيق .. في بيت قوم بو سعيد ... مهره يالسه مجابل تلفزيون يا نايف وقعد عندها وقال مهره لفت عليه وهي ساكته قال بجديه: موضوع راشد بعده ما خلص مهره ساكته تسمع لنايف اللي اول مره تشوف فيه ملامح الجديه نزلت راسها تحت وهى تسمع نايف يقول: اعتقد قبل كلمناج في يوم ميلادج من اربع سنين وقلنا لج كلنا موافقين ابويه ونحن وقلتى مالى راي عقبكم بس خلوني بفكر ؛ شو اللي تغير الحين ورفع حايبه وطالعها بنص عين مهره تلعب بقصتها وبضيقه قالت: مادري ياخوي راشد مافيه شي ينعاب مية بنت تتمناه بس هالضيقه ملازمتنى ليش ماعرف شو سببها ولا اعرف شو مصدرها نايف تنهد: مهره راشد يحبج ويموووت علييج بيشتري لج الخيل اللي كنتى تدربين فيه في النادي وبيسوي لج اسطبل في المزرعه وبيسوي لج ساحة كبيررره في المزرعه وبيخليج ترتبينها ع كيفج بس قال الانديه لا لانه مايبا تستوي مشكله بينج وبينه اذا تحرش حد فيج في النادي ولا يباج تطلعين في تلفزيون ولا في سباقات اللي بيطلعونها لانه غيورر وانتى بتطلعين ببنطلون وقميص وخوذه ولبس مرصرص وتعرفين راشد موته وحياته حد يدقق فيج ولا يتغزل بج فما بيرضى ان حد يشوفج بها اللبس ولا بيرضى انج تطلعين في القنوات التلفزيونيه ولا يباج تدربين عند الشباب وانتى تعرفين ان الفروسيه هوايه شبابيه لذكور اكثر من الاناث بس ما يمانع انج تنمين هوايتج بس بعد راعي ضوابط الشرعيه وراعي نفسج وقدري مشاعره كرجل وانج حلاله وهو مايبا حد يشوفج ومب غلط ترا هذا من حقه كرجل لانج عرضه وشرفه تنهدت مهره وهي تقول : انزين راشد مسكر كل البيبان في ويهي يعني حتى مركز الفروسيه االلي فاتح من كم شهر وعندهم مدربين فرنسيين ما بيخليني ادرب فيه معنهم مسووين أيام للبنات بس بدون شباب .. نايف تنهد: مهره حبيبتي الله يرضى عليج انسسسي سالفة التدريبات في الانديه خلاص شليها من بالج لان راشد عارف نفسه انه ما بيتحكم في اعصابه ولا بيتحكم في شعوره هو عارف نفسه زين مازين عشان جي هو من قبل قالج شرطه انج تنسين الانديه ومراكز الفروسية لانه مايبا يهدم حياتكم الزوجيه ولا يبا يصير بينج وبينه كره وعداوه بسبة التدريب والنوادي فعشان جي قالج الخيل اللي تدربين عليه فالنادي اللي كنتي فيه بيشتريه لج تبين مدربين بييب لج مدربه خاصه وبيسوي لها راتب شهري وبيسكنها فالمزرعه وبيسوي لج جو كامل للتدريب وبيهييء لج أجواء التدريب اللي تبينها وبيوفر لج الالات والمعدات اللي تبينها حق التدريب اكثر من جي شو تبين يا مهره مهره اللي ابتسمت بحيا لأول مره وهى تقول: بالله عليك لهدرجة راشد يحبني وبيوفر كل شي لي حتى المدربه لو أباها بييبها حقي . نايف: هي نعم وحبج فقلبه اكثر من جي انتي ما تعرفين شي عن حب راشد لج لو جربتي حبه بتعرفين لاي درجة يحبج ويغار عليج اكثر من روحه يخاف عليج يا مهره من نسمة الهواء الطاير . ابتسمت بحيا اول مره حد يكلمها عن شخص يحبها ويشرح لها كل شي لهدرجة يحبني وانا ما كنت حاسه بحب راشد لي ولا حاسه بغيرته نايف قطع حبل افكارها وهو يقول: يا حلوه وين وصلتى بها الابتسامات مهره بإحراج: مصدومه في العاشق الولهان فكنت يالسه افكر كيف ما حسييت بالحب هذا كله منه وليش انا ماشفت الحب بعيونه نايف تنهد وقال: لانه انتي ما تعطينه ويهه وماكنتي تسولفين وياه ساليني انا عنه انا وهو روحين في جسد واحد مهره تبتسم وعقب قالت: انزين عيل دق له بشره بالموافقة نايف بفرحه: في ذمتج ؟! ترمسين صدق!! مهره بإحراج من نظرة اخوها قالت: هي والله صدق فديتك ليش لا .. سوو له تلفون وبشره العاشق الولهان وقامت بتروح فوق سمعت نايف يقول: مابيرقد الليله من الفرحة ابتسمت بحيا وهي تدعي الله يسهل لها كل عسير... في بيت بو حمد ... حمد ومبارك يطالعون التلفزيون يت سلامه وقعدت عندهم وهي تقول : حمد حمد طالعها بدون ما يرمس يترياها تكمل كلامها سلامه بتوتر: في خاطري كلام أبا افضفض لك حمد عدل يلسته وقال: امري اسمعج سلامه تنهدت وبغصه قالت: من وين ابدى يا خوي والله ما عرف من وين ابدا مبارك اللي حس بضيقه من صوتها قال: والله محد يلمس شعره منج يا سلامه وانا حي سلامه ابتسمت بغصه وهي تقول: فديتكم عساكم ذخر بس والله اني مب عارفه من وين ابدا وخايفه وودي اصيح والله مب عارفه من وين ابدا ... حمد توتر وقال: سلامه لا يكون طحتي طيحه ومحد سمى عليج سلامه اللي شهقت من صايح وجان تقول : لا والله حشى عليه يا حمد ماقد سويتها وانته تدري ... حمد ومبارك رباعه قالوا: انزين انطقي شوفيج سلامه : تلفوني تهكر والهكر شل صوري كلهن والحين مب عارفه شو اسوي اخافه يهددني او اخافه يتبلى عليه او يركب الصور المهم اني بريت ذمتيه جدامكم .. حمد بعصبيه: شووو هكر !!! انزين تلفونج وين !! سلامه اطلع تلفونها من مخباها وقالت: ما ينفع يتصلح ولا يشتغل تراه لانه بنده لي كامل حمد : لا حول ولاقوة الا بالله العلي العظيم يعني ما نقدر نعرفه ولا تقدر نطلعه منو سلامه: ع حسب علمي انه لا لان الرقم يكون من خارج الدوله مبارك: طبيه سلامه فديتج لا تفكرين فيه يخسي يسوي بج شي شكل هذا يبا ايميلج بس مايبا لا صورج ولا غيره انا متاكد الحين موضتهم يهكرون الايميلات أي كلاود او غيره عشان سكوور اللي عندج وعقب يبيعونه على اشخاص ثانيين فلا تخافين تنهدت براحه وهي تقول: اشوى المهم كيف ع صوريه مبارك: ماعليج منه مايقدر يسوي شي وان ياج تهديد ولا شي ارمسي لا تمين بدله وتسكتين ... سلامه : تامر امر فديتك ورن تلفون البيت وسارت تشله سلامه بعد ما مسحت دموعها وقالت: الو لطوف: احلى الو والله كيفو الحلو سلامه: ماتسرررج لطوف: افا والله ليششش !! بيعيني في سوق ... سلامه: اشتريج بالغالي يا الغاليه لطوف: فدا المنطوق والله قولي لي بلاه الحب زعلان ومضايق سلامه تتنهد: والله يا غناتي شو اقولج تهكر تلفوني وشل صوريه كلهن كيف ياب ايميلي السبال ماعرف لطوف بصدمه: في ذمتج ؟؟ سلامه: والله وبقهر قالت: لو اعرفه بلعنه لعان لطوف بضيقه: تبين صدق سلامي انا اشك في اخو ميثوه لانه من هذاك اليوم اللي كنا في بيتهم وهو الجلب ما نزل عينه من عليج والايميل بييبه من ميثوه سلامه بصدمه وخوف: لا تقولينننن في ذمج تتوقعين هو لطوف بقهر: والله شيفته صايع وصراحه احس ان هو لعاب وراعي بنات بعد شو سلامه بغبنه: اويلي ويلاه من هاليوم اللي احس به ثجيل عليه ياختيه لطوف: اوووف منه انزين تعالي قولي لخوانج سلامه: قلت وخلصت بس مايا في بالي ويه العنز اللي ترمسين عنه لطوف: طبيه بتخبر لج عقب حد يعرف في الهكر وبخليه يرد صورج سلامه: في ذمج تقولينها صادقه يا توفي لطوف تبتسم: افا عليج ما يهمج انتي بس سلامه: انزين منو هذا لطوف تضحك: هههه مايد ولد خالوه لطيفة سلامه تضحك: ايواااا حركات شعرفج انه راعي هكر لطوف: مجربتنه فديتج ما يقصر الغالي في الخدمة يوم أبا شي يسوي لي إياه سلامه تضحك: ههههههههه معلوم بيسوي لج إياه مب هو الحب لطوف تبتسم: هو الحب الحين انا قلت هو الحب انتي بروحج اللي تحكمين على الموضوع ولا انا حشى عليه ما قلت انه الحب ... سلامه: امممم عيل ليش يلبي طلباتج لطوف: يدور اجر وخير الريال مب بفلوس يشتغل هو يسوي شي لويه الله سلامه : ايوووا انزين عيل شوفي شو يصير وياج وخبريني فديتج لطوف: تمام عيوني وانتى يوم يطلعون لج تلفون دقي لي سلامه: اوك فديتج اتريا حمد اييب لي تلفون وعقب بطلع البطاقه من ذاك التلفون على التلفون اليديد وبتصل بج... لطوف: تمام حبي سلامه: يلا غناتي فداعه الله مع سلامه .. وسكروا الخط وراحت سلامه فوق ... في بيت اليازيه راشد منسدح عالكرسي ومغبون ومتضايق ويحس هموم الدنيا ع راسه لف على تلفونه اللي يصيح ٢٠ مره ورد بضجر وارف وكره وهو يقول: عسى اصبوعج الكسررر ان شاء الله ما تسمعين الرمسه اشوف استويتي تعاندين ثريا بضجر: ليش تدعي عليه بالكسر يسد انى متحملتنگ ومتحملة نفسيتك الكريهه انا ماعرف شو ياك تغيرت انته... وقطع كلامها صرخته وهو يقول : جـٰــــــٰــــــــب ولا كلمة الله يقطع حسسسسج وافتك منج غثيتتتي يا حرمة يبتي لي نكد والله قتلج يوم بفضى عسى يفضون عليج بطارية السياره قايل لج مشغول ويا الاهل ما تفهمين ثريا بضيق: ليش تدعي عليه حبيبي انا شو سويت فيك انا حامل وانته قاعد تدعي عليه ترانى بستوى ام لضناك راشد قال بقهر : يعله ينززززل دم ان شاء الله وافتك من حمالج انا ما قلت لج كلي حبوب ما قلت لج مابا عيال انتي ما تفهمين ثريا بخوف: شو اسوي انزين ربك كاتب راشد: سبق وقلت لج زواجنا على ورق وبالسر وقتلج مابا عيال ومابا شي يربط بيني وبينج ليش تعاندين ثريا: احبك وابا ياهل منك أبا ضنا منك يشل اسمك راشد بقهر : وانا مابا منج عيال مابا قتلج انتي على ورق عيال مابا عنادج هذا ما بيفيدج تراه عنادج بيوديج لطلاق وانتي كيفج ثريا تشهق: انزين ششو اسووي حبيبي عاد صار الحمل الحين مب بيدي والله مب بيدي راشد اللي تمنى انه يموت ولايشوف الذل في عيون مهره عقب ولا يبا يشوف الخوف والاهانه في عيون حبيبته قال بضيم وقهر: نزليييه ولا ترا بطلاقج كيفج شارط عليج من قبل وقلت لج عيال مابا ثريا : كنت أقول هالياهل بيقربك مني وبيحنن قلبك عليه اثاريك حتى مب مهتم بي ولا دريت عني ... راشد : فكيني الحين منج انتي تدرين من يوم تزوجنا وانا عديم إحساس ومشاعر صوبج وتدرين ان زواجنا كان غلطه لكن انا اللي استاهل يبته لنفسي تنهد بضيق وقهر وقال: سمعي الحين جدامج خيارين مالهم ثالث يا تنزلين الياهل اللي في بطنج يا طلاقج يوصلج ثرياا وهي تصييح : لالا حرام عليك والله حرام كل خيار اصعب من ثاني انته ليش تسوي فيني جي ... راشد صرخ في ويهها: قتلج مابا منج عيال فهمى انا ما احبج زواجي منج غلطه يا حرمه افهمى غلطه وعيال مابا انا منبه عليج من يوم خذتج وانتى تدرين ان ابويه لو درى بزواجي منج تدرين انه بيخليني اطلقج وبيفر الولد في الايتام لانه ابويه يبانى لبنت اخوه فهمتي ثريا بصراخ: االالالالالاا تكفىىىىى راشد لالااااااا لا تسوي فيني جي ابوس ايديك وريولگ راشد بضيق : افففففف منج نكديه ترا اذا نزلتى اللي في بطنج محد بيدري لانه ما بيشل اسمي فهمتى ولالا ثريا تشاهق: فهمت والله فهمت بس مافي مجال تحبني يا راشد راشد: لا والله ما في مجال ولا فكرت بعد انى احبج ولا يت الفكره أصلا في بالي ثريا بقل حيله: بتزوج صدق راشد بطفره: الله يسمع منج خلاااااص عاد طفرتيبي ولوعتي جبدي ضقـتتت منج والله ضقتتتت ثريا : ما بتي بوظبي راشد تنهد وقال: انتى ما تفهمين الرمسه صح وشكله ما ينفع وياج الا تسكييير في الويييه وسكر في ويههها ولف وشاف اليازي وريلها شهاب مصدومين من كلامه ... راشد اللي توتر قال: شفيكم اول واحد يعرس بالسر اليازي تقعد على الكرسي وبصدمه قالت: ومهره راشد حس انه حد طعنه في قلبه اه يا مهره وقال بهم: مهره روحي وكل امالي فالحياه مهره حياتي وبهجة خاطري .. اليازي : راشد شو سالفه كيف عرست واسمعها تقول الحرمه حامل شو مهبب من ورانا انته راشد يعق تلفونه ع طاوله وييلس ع الكرسي وحط ايديه على ويهه وقال بضيجه: غلطه ياختيه زواجى منها غلطه وليتني ما تزوجتها اليازي طالع شهاب ريلها وتقول: فهمت شي شهاب تنهد بضيقه وقال: يا جماعه صلوا عالنبي وخلونا نفهم السالفه، راشد قول لنا سالفه الغالي يمكن نقدر نساعدگ ... راشد عيونه حمر من كثر ماحبس دموعه والعبره اللي واقفه وسط حلجه قال وهو يدمع: مهره لو يصير لها شي بسببي والله ما اسامح نفسي الدهر كله انا زواجي من ثريا زواج غلطه وطيش يوم مهره بعدت عني ودخلت النادي وما صرت اشوفها ابدا حتى في الاجازات ما كانت تنزل كنت اموت في اليوم الف مره خمس سنين ورى بعض ماشوف مهره ولا يوم لا في اجازه ولا في ويكند ولا غيره من كثر ما كنت احس بولهه مب طبيعي واحس اني ودي افرغ هالمشاعر اللي فيني لان ضاقت فيني الوسيعه والمصيبه ما صارحتها بحبي قبل لاتدخل النادي وعقب صراحه لقيت ثريا في ويهي وقلت ما دام اني متعطش خلني اروي نفسي واشبعها لين ما تخلص مهره ماحسبت حساب اني بطيح وياها فالمحظور من ثم صححت غلطتي بزواج منها بالسر وسكنتها فيً الشقق اللي في الخالدية وكنت بين فتره وفتره امر عليها لكن مالها بقلبي مكان وهي تعرف ها شي بس الحماره سوتها فيني وحملت وانا منبهنها حمال ما تحمل لكن صار اللي صار ... اليازي مصدومه وقالت: راشد حبيبي انته بعدك على بر لا خذيت مهره ولا مهره وافقت عليك ليش تظلم بنت الناس اعلن زواجك منها وانته تعرف ابويه مابيقول شي بس انته عاطنها انطباع غلط عن ابويه الله يهديك راشد ودموعه غرقت خده : لانها ما بتقدر تكسر كلمتيه وبتهاب ابويه عقب وبترضخ لزواجي من مهره غصبا عنها من دون اعتراض وبتاكل تبن وبتسكت... اليازيه: مهره كيف تاخذها وانته خادعنها راشد بحرقة يووف: اليازي هذي حياتي ومحد يتدخل فيها فهمتي ولالا ومابا اسمعج يايبه طاري لمهره او امايه او ابويه تعرفين انه عقب بيصير كلام ما يرضي حد ... اليازيه : الله يهديك يا خويه وهقت عمرك راشد يمسح دموعه بقهر ودموعه مب راضيه توقف شهاب قال: بالعكس يا راشد انته ما غلطت ولاهم يحزنون انته انقذت حبك من ضياع وصلحت غلطتك مع ثريا بزواج منها حتى لو ما تكن لها مشاعر على الأقل احسن من غيرك اللي يلعب ببنات الناس وانا عندي إحساس يقول لي انه مهره لو درت ما بتخلى عنك وبتوقف وياك راشد يتنهد وهو يقول: والله انه قلبي لمهره وحبي لمهره اما ثريا ما تشكل لي شي أبدا سوى زوجة على ورق شهاب: ماعليه يا راشد انته قلبك طيب وتبا تحافظ ع حبك والله بينصرك وبيتم زواجك على خير راشد: الله يسمع منك بس خلها توافق انا صار لي فتره اعصابي مب مضبوطه والله بسبب رفض مهره شهاب: ان شاء الله انهم بيبشرونك البشارة الطيبه .. راشد: امين يارب ... شهاب اللي شاف تعب في عيون راشد وشاف دموعه وصدق حبه لمهره لف لليازي وقال: نسير فوق وخليه على راحته ولا تدخلين بحياته شوفي دموعه بتعرفين صدق حبه لبنت عمج اليازي بضيقه: المصيبه انه كيف بيطلع من هالورطة لو تم حمالها وربت ويابت لراشد بنت او ولد ... شهاب: اليازي ترا انا معرس قبلج وخذتج الثانيه وانتي تشوفين حبي لج كيف وشفتي الاستقرار والهدوء اللي نحن فيه الريال هو اللي يرتب حياته ولف على راشد وشافه مغمض عيونه ودموعه ع خده مسك ايدها وراحوا فوق ... في العين .... عقب صلاة العشا نايف يتاففف صار لي فترة ادق عليه ويعطيني مشغول شو شاغل تلفونه هالكثر منو يرمس من العصر حشششى يا راشد شاف ابوه وسعيد وحمد وعمه يايين من المسيد قرب منهم وقال: البشاره ابوه: بشروك بالجنه نايف يضحك: ان شاء الله بس لازم واحد فيكم يعطيني البشاره يايب لكم خبر يسووووى الدنيا وما فيها عمه: تم مره بشارتك عندي نايف يضحك: زين عيل سمعوا البشاره تراه مهره موافقة على راشد بو حمد بفرحة : في ذمتك نايف : هي والله لكن هو وين ادق له من العصر أبا ابشره ولا يرد بو حمد: هي فديته زعلان الغالي ساير عند اليازي نايف يضحك وبو سعيد قال: الحمدلله اسميه الليله ما بيبات من فرحته حمد يضحك ويقول: والله ساعه خمس الفير بتلقونه هنيه ههههههههه من فرحته بو حمد : الشاهد الله انك صادق والحمدلله ما بغت المهر توافق اتغلى علينا يالسه بنت حمد نايف يضحك : يستاهل بو سنيدة فديته بو سعيد : ثره مفتاحها عند نايف ونحن لو درينا من الأول قلنا له يفتحها ضحك حمد وشاف نايف يبتعد عنهم وشكله بيتصل تلفون لراشد وساروا داخل البيت اما نايف قعد فالحديقة ولا مية مررره يتصل على هالانسان ومايرد وحاول محاوله اخيره ومارد عليه تنهد بضيق وشل عمره وراح البيت ودخل حجرته ... انتهى ✅ |
روايه جميله
بوركتي |
من اولها قويه اول بارتين فيه احداث
ونقاط تشد وودي اشوف المزيد ومااخبي عليك روعه كملي بنتي |
عيشتيني في بيئه ثاانيه حلوووووه
والشخصياات من البداايه شدتني يالله ماايبااان شي الحين بنتظررر كل جزززء واعررف اكثررررر بسسس حبيت الآكششن ياافنك واااصلي عموووو |
مشكورين ع المرور الطيب وجزاكم الله خير
|
ماشاء الله عليك
يا قلبي روايه مره حلوووه البارت الأول والثاني خيال وربي أنك كاتبه مميزه استمري في انتظارك البارت الثالث يا عسل |
البارت الثالث
: البارت الثالث : بالباجر الصبح في بيت اليازية الساعه عشر ونص نش راشد وهو يشوف نفسه راقد على الكرسي وبلبسه شل تلفونه اللي كان حاطنه صامت وشاف نايف داق له اكثر من 35 مره سار غرفته اللي في بيت اليازيه ودخل الحمام وتسبح وتغسل وطلع وتلبس وصلى صلواته اللي فاتته وسار يشرب له جاهي ويلس في صاله ومشغل التلفزيون وشل تلفونه واتصل بنايف ... نايف بنوم: الووو راشد يبتسم بتعب: احلى الو فديت هالصوت انا نايف يلس على الشبرية وقال بعتاب: انته وينك يا ريال البارحه حرقت تلفونك حراااق من العصر وانا ادق لك وانته كله شاغلنه راشد بضيق بان في صوته: ماعليه البارحه كنت مضايق وايد والله وما كان لي خاطر ارمس حد ورقدت والله حتى ماحسيت بعمري ولا صليت العشا الا توني نايف يبتسم ويحك شعره بيده قال: افا الغالي عسى ماشر ليش الضيق باين في صوتك الحلو راشد بحب: ياخي احبك والله نايف: هههههههه حبك ربك وملائكته والناس اجمعين بس لا تغير الموضوع وقولي بلاه صوتك ضايق راشد يتنهد بالم : شوي والله عندي أمور مخربطه تفكيري يبالها إعادة تمخميخ نايف يضحك وهو يتثاوب وقال: هههه اه اه منككك انته شو وراك لا يكون بتهاجر راشد يبتسم: لا وين اهاجر وانا داري ودار محبوبي وحده نايف: هي وصلنا خير متضايق عشان مهره صح راشد يغمض عيونه: افدى طاريها انا اللي معذبتني اخبارها الحلوه ... نايف: يسرك حالها فديتك بس شو قال لك ابويه امس راشد تنهد وقال: تراني اتصلت بك وخبرتك قالي تفاهم ويا خوانها انا بناتى مايهونن عليه نايف : هي ومحد اتصل بك من العايله راشد: لا بس انته اللي داق الغالي نايف: انزين وشو عن موضوع خطبتكم راشد قلبه دق من طاري الخطبة وقال بقهر وضيقه: والله الموضوع خليته عليكم واللي تشوفونه زين سوووه نايف بملل: راشد لا تيلس تتغلى علينا وتزعل ترا الزعل ما بيفيدك راشد يشرب شاي وقال بغصه: مخنووووق يا نايف والله مخنوق شارد منكم أبا انسىىى شوي أبا ارتااااح طول ما انا فالعين بعسكر في بيتكم ولا ما بلقى جواب عشان جي طلعت أبا اشوي احاسب نفسي واباها تفكر بدون ضغط مابا يكون حولها ضغوطات بسببيه فهمت…. نايف يبتسم وقال؛ راشد انا احبك والله ومارضى تقول هالرمسه عن عمرك وبعدين مهره ما بتلقى احسن منك راشد يتنهد وهو يحط كوب شاي ع طاوله ويشوف لبسه الجينز وتيشيرت اللي لابسنهن وشل سويج والكاب والنظاره الشمسية وقال لنايف: ولا انا بحصل مثل مهره لي شرف يوم انها تكون لي يا نايف بس تروف في قلبي وتوافق اختك والله بعيشها ملكة باذن الله ... نايف: ان شاء الله وانا واثق من هاشيء راشد يشغل موتره: انزين الغالي فديتك عيل بخليك شي في الخاطر نايف يبتسم بحب وصدق: هي نعم شي في الخاطر بس انته وين بتروح اول راشد: والله بظهر البحر نايف: خل عنك البحر وتعال العين راشد يحرك السياره وقال: ليش ؟؟ بي بعدين والله الحين محتاي اقعد مع نفسي نايف ببتسامه هاديه قال: انزين عيل اقعد مع نفسك حبيبي انا بغيت اخبرگ بس وأقول لك الف ترليووون مبروووگ على الموافقة راشد بعدم تصديق وفرحه عجيبه قال: في ذمتككككك ولا تقص عليه نايف: افا والله افا يا بو سنيدة تحيدني ما اجذب عليك انا .... راشد بفرحه : الحمددللله انهها وافقت ... فديييت قلبها يلا ياي العين انا وغير طريقه وحرك السياره بإتجاه العين وقال بفرحه: جهز أوراق الحب فديتها نايف يضحك: هههههه ليش ؟؟ راشد: بنسير نفحص حق الملجة نايف بحب: بيواحي تفحصون اليوم راشد يطالع الساعة: قريب 11 فديتك الحين بعدهم موجودين شل اختك والأوراق وسيروا انا يوم بوصل العين سيده بي هناك العيادة بفحص وخلاص .... نايف يتثاوب: اوك وسكروا الخط نش نايف تسبح وتلبس وشل مهره الي كانت واعيه من شويه وساروا يسوون فححص زواج عقب ساعه الا ربع وصل راشد اللي الأرض ما تشله من الفرحه ودخل وفحص وعقب تلاقوا عند الباركنات مهره في سياره وراشد ونايف يالسين يسولفون ونايف قال لراشد: غداك عندنا راشد يضحك من الخاطر واللي يشوفه ما يقول انه من شوي ضايق وحالته حاله قال: اوك بعد مرور يومين طلعت نتايج الفحص انهم سليمين ومافيهم شي ويقدرون ياخذون نتايج من المستشفى سار راشد ويابهن وحدد الملجة الخميس هذا .... مهره فالغرفة يالسه تكلم لطوف اختها وقالت: بلاه راشد مينووون جي ماصدق طلعن الفحوصات على طول ملجة لطوف تضحك: هي حبيبتي مخشعه ولد عمي تخشيع افدى بو سنيده اللي ياب راسج وسنعج مهره تضحك وقالت: خبله انتي والله امس اسمع ابويه يقول مضايق وزعلان وسار بيت اليازيه قعد عندها واليوم شفته فالمستشفى والفرحه ماليه عيونه لطوف: قولي ما شاء الله مهره ترا راشد بيموت لو صار فيج شي مهره تبتسم: الله يحفظه يارب بس صراحه من دققت في عيونه عرفت انه الفتره هاي كان تعبان والله يا لطوف من شفت عيونه بروحي خفت قلت بلاه سواد تحت عيونه بس شكل الخبر فرحه وغطى على التعب اللي كان فيه لطوف تعابل درجها طلع منه فرش الميكب قالت: هي حبيبتي بعدج ما شفتي حبه لج صبري هو مطفوق على الملجة الحين ومن يملج شوفي شو بيسوي فيج ما طلع لطوف ان ما دوخ بج وخلاج تنطقين اسمه حتى فالحلم استحت مهره واكتفت ببتسامه عارفه لطوف اختها ما بتسكت وبتم تحرجها قامت وطلعت برى وسارت غرفة سعيد دقت الباب بس ما سمعت جواب لفت وسارت صوب دري بس سمعت راشد ونايف يرمسون وشكلهم راقيين الدري وشردت غرفتها وسكرت الباب ، اما عند الدري راشد يكلم نايف ويقول: يارب يا نايف تحقق اللي في بالك مثل ما حققت حلمي نايف يضحك وقال: عاد ابوك قال بيعطيني البشاره راشد يضحك: تستاهل نايف يبتسم: تستاهل الخير فديتك. ولف عليه وقال بجديه راشد راشد طالعه وقال: هلا نايف يتنهد: قولي بصراحه شو شعورك الحين وشو احساسك اتجاه مهره راشد يضحك وبفرحه قال: اه يا نايف والله العظيم شعور ما يوصف والله قلبي يفرفر من الفرحة ماصدق اني سمعت الموافقه احس قلبي بيوقف من الفرحه شعوري صراحه ما ينوصف والله يا نايف نايف يضحك وهو يقول : الله يرزقنا احساسك وشعورك يا بن الناس راشد: انته ما تحب ؟! نايف : ولا افكر حتى احب خلها للايام هي اللي بتيبها وبتييب الحب وياها اعور راسي نفسك ليش ماعندي سالفة راشد يضحك: والله انه الحب عذاب يا حبيبي واكبر مثال عندك انا احب اختك من طرف واحد وهي ولا درت بي ولا سالت عني حتى نايف يبطل غرفته ويدخل: وشو استفدنا من هالحب غير ويع راس وزعل وتعب لين الله هداها ووفق بينكم .. راشد ينسدح عالشبريه وبفرحة قال: المهم انها وافقت واااااي افدى المهر يا ناس ضحك نايف وقال: الله يسعدكم وشوي رن تلفون راشد شاف رقم اليازي ورد : هلاااا والله اليازي: اهلييييين الحمدلله اليوم صوت رايييق راشد: طبعاً حبيبتي رايق ما دام ان الحب وافقت اليازي بفرحه: صدددق راشد مستانس: هي والله صدق والخميس هذا ملجتنا بعد اليازي بفرحه: حمدلله الله يوفقكم ويسر اموركم بالبركة الغالي راشد: الله يبارك لج فديتج اليازي: وين انته الحين راشد: في بيت الحب اليازي: ماعندك وقت على طول روحت العين حتى ما خبرتنا راشد : بعد ربج شو تبيني اسوي المهم انتي لا تنسين الخميس ملجتيه اليازي: ان شاء الله فديتك والحب وين عنك راشد يتنهدً بحالميه ويشوف نايف اللي طالع من الحمام ينشف شعره قال: ااااه من الحب ياختيه منخشه في الحجره ولا تبا تطلع اليازيه تضحك وهي تقول: هههه والله الله يعين مهره عليك راشد يبتسم: كلي فدا هالعيون السووود اليازي: هي زين عيل برايك الغالي راشد : في حفظه سكر الخط وسمع نايف يقول: هههههه انته عندك جرعة حب زايده والله الله يعين اختى عليك راشد: بعد شو اسوي ربك عطاني هالقلب وماسكنته الا اختك نايف يتعطر : الحمدلله انها في القلب لانك يننتبنا وطلعت عيونا لين ما وافقت عليك خفت انك تنتحر لو ما وافقت عليك وضحك ههههه راشد يضحك بقو وهو يشوف نايف يمشط شعره : ههههههههههههه لا تطمن فديتك القلب وراعيه لمهره اختك وبس نايف يتنهد: ادري بك والله الغالي عسى الله يهنيكم ويجمع بينكم بخير وحب ووئام ... راشد تنهد وهو يلعب بفونه: امين يارب العالمين ... صاح تلفونه وشاف رقم ثريا تضايق وعطاها مشغول ما يبا يعكر مزاجه وهو فرحان حط تلفونه في مخبأ الجينز ونش واقف وهو يقول: اترياك تحت ... نايف هز راسه بمعنى ان شاء الله اما راشد كمل دربه لين تحت وسمع لطوف تتكلم في تلفون ويا مايد وضحك عليها وطلع لسياره ... اما عند لطوف: يعنى رديتهن الصور مايد وهو مجابل لاب توب: هي نعم رديتهن ورديت الايميل بعد وحطيت له كلمة السر مايعرفها أي حد لطوف: بعدي والله منك يا ولد الخالة انزين الغالي قولي فديتك اللي هكر تلفون سلامه محتفظ بصور مايد: هي نعم فديتج محتفظ بصور في لاب توبه بس انتى قلتى انه اخو ربيعتج صح لطوف وهي تفتح ثلاجة وتشل غرشة العصير : والله انا أقول احتمال هو مافي غيره مايد: انزين فديتج عطيني اسم النت مالهم وخليه عليه بهكر أي بي مال بيتهم وبدخل على لاب توب ماله وبقدر احذف الصور اللى محتفظ فيهن لطوف وهي تصب العصير في قلاص: والله حلو هذ شبكة مالتهم ******•• مايد يسجل الاسم ويسوي اقتران من لاب على البرامج الهكر اللى تلقط له الشبكات الواي فاي وقال: تمام فديت روحج من اخلص بتصل بج لطوف وهى تشرب العصير وتطلع برى المطبخ: تمام فديتك عساك ذخر يا الغالي ولد الغالية الله يبرد على فوادك شرا ما بردت على فواد بنت عمي مايد يضحك من الخاطر: فديت منطوقج يا بنت الخالة لطوف استحت وهي تقول: ادري زودتها وياك صح مايد يبستم بصدق: عسل على قلبي لطوف تضحك: هههههه الله يحفظ لك قلبك الغالي مايد بحب: امينننن ويحفظظظظج وفي خاطره قال لي لطوف ببتسامه: يسلمو دياتك حبيب قلب الماما مايد : ويلكمووو الغلا يلا فداعة الله لطوف: في حفظ ربك مرت الأيام بسرعه و في هالايام اللي صار انه مايد قدر يعرف الاي بي مال شبكه ودخل على لابتوب اخو ميثوه وحذف الصور والمجلدات كلها وتاكد انه مافيه ولاشي يخص سلامه وطلع ورد صور سلامه كلهن مع الايميل وسسوالها كلمة سر صعب جدا انه حد يعرفها وطرشهن للطوف اللي طرشتهن لسلامه اللي تمت فرحانه وتدعي لمايد بكل خير... ثريا مازال الوضع بينها وبين راشد مشتت وراشد كله مطيح في بيت عمه ومطنش ثريا بقو وناسنها تماما .... راشد الدنيا مب شالتنه من الفرحة وقاعد يرتب للملجة وسار السوق اشترى أغراض خاصه له مثل غتر وعقال وكنادير طلعهن من الخياط وفوانيل ووزره ونعال للملجة وعطورات وغير الهدايا اللي خذاهن لمهره من عطور وسيع وقلب وعقد الخطبة ودبله .... مهره استعدادها للملجة كان على قدم وساق تحنت واشترت لها فستان مخصر على جسمها لونه فوشي كت وخذت لها صندل اسود كعب وحجزت كوافيره لشعر وللميك اب ...وبو حمد عطى نايف 15 الف درهم بشارة الخبر والفرحه ... يوم الخميس ملجـة ( راشد ❤ مهره) ... مهره كانت مسويه ميكب سموكي برز جمال عيونها وحطت مسكرا اللي كثفت رموشها وحطت روج وردي وبلاشر وهاي لايت وطلعت تجنن اما شعرها فخلته مفتوح كامل وما شاء الله شعرها واصل لين فوق ركبتها بشوي وسوت بف خفيف من قدام وحطت اكسسوار لشعر نفس حركة التاج طلعت غرام وتجنن على الفوشي اللي لابستنه وعلى بياض جسمها طلعت روعه لبست قلب خفيف لين عقب يدخل راشد ويلبسها الذهب وخلصت مهره وكانت مستعده للزفة بس بعد ساعه ياها اخوها سعيد وقالها: مهره تعالي ورى الباب الشيخ بيسالج سارت مهره ورى الباب وسالها الشيخ عن موافقتها وعطته الموافقة واعلن الشيخ زواج مهره وراشد وارتباطهم ببعض بعد تقريبا نص ساعه دخل راشد عشان يلبسها ذهب وانصدم يوم شافها تم يصرط ريجه وهو واقف مكانه وتحرك لها وهو يحس انه ثجييييل بحركته مصدوم من مهره وتفاصيل جسمها الفروسية برزت جسمها تقرب منها وباس راسها وهو يقول: مبروك يا عمري مهره بحيا منه:الله يبارك فيك راشد مسك العقد ولبسها ومسك الدبله ولبسها وباس اصبوع ايدها ولبسها الساعة ولبسها الاسوارة ولبسها الشغاب وقرب من اذنها وهو يقول: يا عذابي منج فتنتيني يا بنيه والفتنه اشد من القتل وباس خدها مهره اللي اختبصت من حركته ومن كلامه نزلت راسها بحيا منه حست ببرودة ايده وهو يمسك ايدها وسمعت عمتها تقول: بتزفها ولا بتصور وياها اول راشد: لا زفوها بعدين بتصور وياها ع راحتي وانزفت مهره على موسيقى كلاسيكية والكل كان يشوفها ويصلي عالنبي لين ما وصلت الاستيج وبدوا ينثرون عليها الورد ... وبعدين يووا يسلمون عليها سلامه وشما ولطوف واليازي وبنات خالتها ويباركون لها ورقصن شوي وعقب روحن وشوي ودخل راشد وقف عدالها مسك ايدها وقال بهمس : ليتني حنى على ايديج مهره استحت منه ومن جرآءته سمعته يقول : احبج والله الشاهد اني احبج نزلت راسها بحيا رص ايده على ايدها وقال بحب : ليت اليوم العرس جان والله ما خليج حرام هالجمال يروح مني وغمز لها انصبغ ويهها الوان متعددة مب عارفه وين تودي ويهها منه وين تشرد عن هالريال الجريء قطع حبل افكارها بوسته الدافيه اللي طبعها على خدها وبهمس ممزوج بدفء صوته قال: حظي يوم انتي لي قسمه ونصيب .. حظي يوم انتي لي يا فتنة العاشق الولهان .. ابتسمت بإحراج ونزلت عيونها تحت بعد تقريبا ربع ساعه دخل الميلس وياها عشان التصوير وراشد مستانس على التصوير وجراءته شغاله في التصوير بوس على دلع على كلمه وعلى لفته على حضن وغيررره.... بعد ما راحت المصورة يلس عندها في الميلس... راشد قرب من مهره وباسها على رقبتها وهو يقول: اححح مالذج يا مهره والله تيننيين الواحد طلعينه من طوره مهره منحرجه من جراءته هذا كيف ترده الحين لفت تبا تتكلم بس شافته يطالعها بهيام وسرحان فيها تفاجات ببوسته على شفتها وعقب على طرف شفايفها بعد عنها وهو يقول لمهره: حبيبي انتي لازم تتعودين على اسلوبي وياج ترا والله العظيم انى احبببج واموووت عليييج فديتج مسك ايديها وكل شوي يبوس اييدها .. مهره اللي انحرجت من حركته بعدت عنه وهي تقول بحييا : شوي شوي عليه الله يهديك انته تراك وايد جريء وانا مب متعودة على أسلوب الجراءة . راشد بهيام وحب: بتعودين غناتي مهره نزلت عيونها من الخجل وايد يطالعها بحب وغرام وهيام تنهد بحب وقال: ماودي اروح لكن مجبور اسير الحين الوقت تأخر وان شاء الله بينا اتصالات وزيارات مهره هزت راسها بالإيماء حضنها بشوق وختمها بوسه على شفه سريعه وراح بيتهم اما مهره راحت فوق مسحت مكياجها وتسبحت ولبست بجاما وارتاحت في لبسها ونامت نومه هنية ...... |
البارت الرابع
: بعد مرور أسبوعين احداث كثيرة صارت مهره من ملجة على راشد وهو اربع وعشرين ساعه يكلمها في دوام في البيت وقت النوم عند يزوي يوم يروح يبات عشان الدوام صارت حياته بس مهره وحتى ثريا تتصل به ولا يسوووي لها سالفة ابداً ولا قالها انا بعرس ولا قالها انا ملجت لدرجة ان مهره ما تسكر عنه الا وقت الصلاه او وقت تبا تسبح وانتوا بكرامه قرب راشد منها في فترة الملجة خلى مهره تفهم راشد وتفهم أسلوبه وتعرف شو يحب وما يحب مرات ينام وهي عالخط ويوم تحس انه أنفاسه انتظمت تسكر عنه ... ثريا بعد راشد عنها اتعبها تجاهله لها ولاتصالاتها اتعبها حسست ان هي اللي تسببت ببعد راشد عنها من كثر ما تتصل له وتسال عنه وتتمنى قربه حست ان مافي فايده في قربه ابدا لدرجة اتعبت نفسها وهي طرش مسجات له وهو ما يعبرها ابداً .. سلامه ولطوف يرتبن انفسهن لحفلة التخرج ثانوية العامه ويكملن استعداداتهن ... حب مايد يكبر يوم عن يوم للطيفه اللي مب حاسه بوجوده ولا حاسه بمشاعره وهو متضايق من شي هذا يخاف ان لطيفه ما تبادله الشعور وقال انه بعد ثانوية بيتقدم لها رسمي ... لطوف حبها لحمد يكبر يوم عن يوم وتموووت عليه لدرجة انها تنسى نفسها قدامه اما حمد يضحك عليها وهو يقول في خاطره والله انج مفضوحه يا بنت العم ... شما بعد ما ترجع من دوامها تنام لين العصر وعقب تنش ووتشوف الايميلات وتيلس ويا أهلها ... نايف بعد الدوام يروح للعزبه عند ابوه ويقعد هناك لين العشا ويرجع مع ابوه وعمه ... مبارك كل ما يروح بوظبي عند اليازي يشوف راشد يكلم مهره ومستانس وفرحان فيها وطاير للسما تنهد بالم وضيق صار له فتره كاتم حبه عن الناس عشان ما يقولون انه خان اخوه في حرمته ما يبا الرمسه له ولا يبا الرمسه لها يحاول يشغل نفسه بالدوام... احمد سمع عن ملجة مهره من حميد اخوه اللي ياب الخبر من سعيد يوم تلاقى وياه فالنادي عشان راشد يبا الحصان لمهره رغم انه كان من صعب انهم ياخذون الحصان لانه ملك لكل المتدربين مب لحد معين بس لانه مهره كانت متعلقه فالحصان ومتعلقه فالنادي فحميد عطاها الحصان كهدية لانها من المتفوقات في النادي ... مبارك كان راد من دوام ودخل البيت وشاف امه وابوه وراشد يالسين في صاله سلم عليهم وكان بيروح فوق غرفته بس وقفه صوت ابوه وهو يقول : تعال فديتك قعد ويانا شاركنا الحديث وترتيبات العرس مبارك يحاول يكتم ضيقته : فديتك يا بويه والله انى تعبان ياي من بوظبي ودي انام .. ابوه : زين الغالي معذور فديتك رقاد العافية .. سار مبارك وهو يتنهد بالم اما تحت فكملوا حديثهم عن العرس والترتيبات وراشد يرتب قسمه اللي بيسكن فيه عباره عن ثلاث غرف وحمامين ومطبخ تحضيري وصاله كبيرة يعدل فيها الديكورات الأثاث اللي فيها بيبدله بييب اثاث يديد وطاولات والكراسي كله بييبه يديد اللي في غرفة تلفزيون وبدل ستاير والحمام بدله كامل وغرفة النوم الرئيسية بدلها كامله وحطى افخم الأثاث عشان الحب ترتاح في مملكتها ... بوحمد: انزين الغالي وشو بعد غير تبا بعد راشد: بس وترتيب القاعه والعرس عاد ع اليازية وامايه ام حمد: الله يوفجك حبيبي ويرزقكم الضنا الصالح يارب راشد من قلب: اميييين يارب العالمين سلامه يايه من فوق قالت: راشد صدق اللي سمعته من لطوف راشد يطالعها يترياها تكمل وسلامه قالت: عقب شهر عرسك راشد يبتسم: هي سلامه تخصر: لا والله حبيبي يعني في وقت امتحاناتنا النهائية راشد تكفى اجل راشد بعبط : والله حلفي انتى بس سلامه شوي وبتصيح: تكفى رشود دخيلك كيف بحضر عرسك وانا بيكون عندي فاينلز عقب عرسك راشد يضحك عليها : انزين انتي شبلاج شوي وبتصيحين سلامه: مب معقوله يعنى اليوم عرسك وباجر انا مداومه امتحن لا تستهبل رشود الله يخليك مهره ما بطير تراك من ملجت وانته لاصق فيها ضحك راشد بالقو على تعابير سلامه اللي خلاص مقهوره منه: انزين يلا رحمتج باجله لين عقب امتحانج اخر يوم انتى أي يوم سلامه: 16/6 راشد يلعب بتلفونه: اوك ان شاء الله عاد القى مواعيد قريبه سلامه من الفرحة نطت عليه وحضنته وباسته ع خده وقالت: حبيبي جعلني فدا يارب وطارت فوق ... ضحك ع خبال اخته وقال: الله يعين اللي بياخذها ضحك ابوه وهو يقول: فديتها سلامه الله يحفظها يارب ام حمد: امين يارب راشد ينش واقف: يلا عيل فداعة الله بسير بيت عمي ام حمد وابوه: الله يحفظك الغالي ظهر من بيتهم سار صوب بيت عمه ... لقى لطوف وشما يالسات عند المريحانات ويتمريحن ويسولفن سلم عليهم من بعيد وراح داخل لقى سعيد وعمه سلم عليهم وقعد وقال: وين نايف سعيد يشرب جاي احمر مع نعناع : راقد راشد: صدق غريبه سعيد يلف عليه: والله ما غريبه الا الشيطان يا خوية تلقاه تعبان راشد يطالع تلفونه ويكتب مسج : جايز والله ... الا الحب وين سعيد يبتسم وهو يحط استكانت الشاي اللي ماسكنها على صحن الاستكانه صغير ويلف عليه وقال:قول من الأول وين الحب ضحك راشد وقال: ههههههههههه دومني مفضوح عندك سعيد يضحك: هههههه والله من عيونك باين راشد يتصل ع مهره وقال لسعيد: شو اسوي بعد مكتوب انى اموت عليها وعلى حياها وانتبه على مهره وهى ترد: هلا والله راشد بحب وبهمس: اهلين مليون ولا يسدن في ذمتيه شحالج مهروه تنشف شعرها بالاستشوار: بخير الله يسلمك ومن صوبك راشد بهمس واطي: ولهان مووت عليج حمرت مهره وسكتت سمعته يقول: نزلي انا تحت راشد بعشق خدر مهره: لا تبطين ان سكرت وما نزلتي تراني بيـيج مهره تستجمع قواها ما تبا تضعف قدامه قالت: خلك محلك بتعدل وبعدين بيي راشد عارف انها ضايعه علومها بس تسوي عمرها عاديه ومب متاثره قال: جدامج دقيقه ونص بعد النص بثانية انتي مسؤولة عن اللي بيصير ارتبكت مهره وقالت في خاطرها والله محد مضيعني الا انته تنهدت بتعب وقالت: صبر ما فيك وطلباتك أوامر انته من شو احساسگ ما تحس ... راشد يضحك: هههه شوفي العد التنازلي لدقيقة بدا ترا ها مهره تلطم بربكه وقالت: انزين سكر عشان اتمكيج راشد مستمتع بعذابها قال: لا سوري حبيبي مهره بقهر مكتوم خلت السماعه ع خدها واستشورت شعرها على سريع وحطت بي بي كريم فيه نسبة كريم أساس ووزعته بسرعه على ويهها وحطت بودره بشكل خفيف وحطت بلاشر وحطت أي شدوا خفيف وماسكارا وجحلت عينها من داخل وحطت روج نود سمعت راشد يقول خلصت الدقيقه مهره شوي وبتبكي : اففف انزين انا بعد خلصت بس لازم كان ع الأقل تعطيني خمس دقايق مب دقيقه يا الغشاش بس انا عارفه ليش تسوي كل هذا عشان اللي في بالك يصير راشد بحب : وانتي من يعافج يا ملاكي انتي من تكونين عنده ويرفض قربج مهره تعظ شفتها: قليل ادب راشد بهمس ضيعها: لعيونج اصير قليل ادب امري انتي بس مهره تلعب بعصابه: انزين تريا شوي الدنيا ما بطير راشد بحب : انا اللي بطير وبييج وبعلمج بعدين كيف الدنيا ما تطير مهره ماسكة الفرشه وتوزع قليتر خفيف ع العظمة اللى عند الخد قالت:المفروض انته ما تشوفني الا يوم العرس راشد بطنازه: ههه حلم بليس بالجنة ان شاء الله انا اصبر لين يوم العرس أقول لا تسببين لعمرج وترا كل هالدقايق اللي راحت محسوبة عليج لا تحسبين نفسج بتقصين عليه بكم كلمة وبتاكلين بعقلي حلاوة .. مهره تتعطر وتحط دهن العود ورى اذنيها قالت: شو يعني محسوبة عليه ترا حدودگ بس بما يرضي الله ورسوله في الشرع وغيره حلم بليس بالجنه راشد بفرحه من خاطره قال: ايووووووا وصلنا خير بما يرضي الله حلو انتي جي تعجبيني مهره تنطر حوايبها وبعناد : ما راح يصير اللي في بالك صدقني يا راشد راشد اللي يضحك عليها قال: هههههه بنشوف حبيبي انا ولا انتي مهره دب الخوف في قلبها وقالت: احم راشد ترا والله ما بطلع لا تقعد تلعب بعصابي والله ما يصير اللي في بالك. راشد بحب واصل حد النخاع:اطلعي انتي ولكل حادث حديث تراج خليتهن نص ساعه بدال الدقيقة ونص خليتيهن نص ساعه وكل ما تاخرين وانتي يالسه فوق بتتاخرين وانتي بين ايدية بدقيقه وثانيه اللي تاخرتيهم .. مهره تنهدت بتعب وقالت: امري لله مافي مفر منك اليوم انا عارفه لو ايلس الدهر كله فالغرفه اللي تباه بيصير بس عاد لا تمصخها رجاءً راشد بنذاله: فالج طيب وشاف رقم ثريا انتظار ضاق صدره مايبا يعكر مزاجه قال: يلا يا الحب تعالي فديتج عندي خط من ايي من برى أبا اشوفج في صاله او فالميلس مهره تنزل من دري : يلا نازله بتلقاني فالميلس راشد يظهر برى ويسير صوب النخل وزراعه: اوك حبي شغلي المكيف مال الميلس لين ما ايي .. مهره تلف المطبخ: تمام الله يحفظك ... |
البارت الخامس:
: عند الحديقه سكر من مهره ودق لثريا وهو متنرفز بس حاول يضبط اعصابه لانه مايبا يعكر مزاجه وهو قرب مهره سمع صوتها: الو راشد: نعم خير ما تفقنى يوم افضى اتصل ثريا بهم وتعب: معاك حق انا غلطانه بس كنت متصله اذكرك طرش لي جوازك وهويتك عشان افتح لي ملف في المستشفى عشان مراجعة الحمل.. راشد بضيق: ثريا انا ما بفقد اعصابي للمره الالف اقولج نزليييه ثريا اللي حست وجودها وعدمه واحد قالت: انا بشوري مخلتنه راشد تنهد بضيقه ومسح ع ويهه بيده وقال: اقولج شي ثريا دب الخوف فيها اكيد بيطلقنى قالت: تكفى لا تنطقها والله بحاول انى انزله واسوي أي شي عشان ينزل بس لا تطلقني راشد تنهد وسكت ثواني وقال: انزين اذا لقيت فرصه بمر عليج عشان اتفاهم وياج بموضوع الحمل الحين انا مشغول ويا الاهل .. ثريا تنهدت بالم وضيق وشافته سكر الخط في ويهها .... اما عند مهره حطت العصير والسويت فالميلس ودخنته ورشة عطرر وشغلت المكيف ويابت شموووع وشغلتهن وقفلت باب الميلس اللي يودي خاري وخلت باب الميلس اللي مفتوح على صالة الداخليه وبنددت ليتات والستاير وخلت الجو مظلم وهادي ويريح الاعصاب وحطت صوت لحن جمييييل يرخي الاعصاب وييب هدوء في نفس بما انه ريلها ومب غريب عليها فمهره كانت لابسه مخور مخصر من عند الصدر كله فصوص ومن عند فتحت الصدر على شكل حرف v ولابسه قلب ذهب خفيف وناعم وصدرها مرفوع باللبس فطالع عليها روعه ومخليه شعرها مفتوح كامل ومنزله قصتها على طرف وطالعه جميله قليلة في حقها وشيله حطتها ع اكتافها وكانت تتريا راشد اللي تأخر عليها وشافت فواحة غرشة العطر كيف مرتبتنهن على طاولة والقت نظره أخيرة على الميلس تشوف شي ناقص ولالا لفت انتباها صوت تسكير الباب بس انتبهت ان الباب اللي برى فقالت الحمدلله انى قافلتنه توها بتلف بس تفاجأت بحضنه الدافي من ورى وبوسته على خدها وحرارة أنفاسه وسمعته يقول: كل هالجو حقي وما تبيني اذوب ما تبيني اييب العيد الا بييبه وبخلص بعد استحت مهره منه وكمل كلامه وهو يقول: والله اني يوم اشوفج انسى كل عوق والله ان انتى الوحيده اللي عرفتي لي وعرفتي شخصيتي وفهمتيني تعرفين كيف تغيرين مزاجي وتنشق ريحة دهن العود والعطر وبحب وهمس قال: اويلي ويلاه منج يا بنت العم والله مالي على بعدج حيله ولا أبا افارقج دقيقة اباج وابا قربج لفها صوبه ورفع راسها بيديه وباس عيونها وباسها بين عيونها وحضنها بيديه اثنتين وهو يقول: ودي ادخلج بين ضلوعي شم ريحة شعرها وتم يمسح عليه وهو حاضننها ومغمض عيونه قرب من خدها وباسه وباس طرف شفايفها ونزل لين رقبتها وهو يبوس في رقبتها ويداعبها ويمصص فيها ومهره تتأوه من حرارة أنفاسه وهو عايبنه الوضع مهره تحاول تبعد عنه وهي تقول: راشد لا تنسى نفسك انته فالميلس لوحد يدخل علينا راشد قرب منها زود وبهيام قال : خليهم محد يقدر يقول شي زوجتي وحبيبتي وام عيالي ان شاء الله وحلالي وماظني حد يقول لنا شي وبعدين انا قافل الباب ورجع يكمل بوس وقرب من شفايفها وباسهااا بقووو ومص شفايفها مهره تتالم من مصاته وبوساته وتحاول تبعد عنه لكن راشد ثبتها على اليدار وقعد يبوس فيها بكل قوته ويمص شفايفها مص لدرجة ان قطع لها شفايفها وصب منهن دم شوي ونزل بحرارة أنفاسه لرقبتها وقام يعضها ويبوووس ويمصصصص في رقبتها لين ماغيب عن الوعي ودخل عالم اخر مهره حسته بييب العيد مسكت ويهه وقالت : بس راشد الله يخليك بسس راشد وهو مب حولها كان يبوس صدرها بكل قوته مسك صدرها ومهره كانت مستحية منه لانها خلاص ذوبها لعب فيها لعب هي روحها مدوخه منه قالت وهي تعدل نفسها وتستر عمرها: انته ما تنعطى ويه والله خلاص راشد تكفى خلاص راشد بعد عنها وانسدح عالكرسي وهو يقول: ملذ قربج متى بس تحنيين عليه وتسلميني نفسج مهره: اكثر من جي ترانى سلمت لك نفسي وانته رحت في خبر كان ويننت فيني بعد ما قمت احس بشي بسببتك... راشد يبتسم: لا حبيبي أباج تسلميني نفسج كامله وعقب برتاح .. مهره بحيا : تعال انته الحين شرب عصير وكل لك سويت عقب المجهود اللي بذلته ابتسم بحب وقام غسل ايديه وقعد ياكل من السويت ويشرب من العصير ... وعقب ما خلص باسها ع شفايفها وراح وهى حطت شيله على راسها وراحت غرفتها دخلت الحمام وشافت كيف شكلها استوى وشافت رقبتها ضحكت عليه بجنون وهى تقول مينون والله طالعوا شو سوى الله يهديك عيل شو بقى عن العرس يوم كل هذا يستوي بيني وبينك زين ما يبنا العيد انا وانته ... في بيت بوحمد ... سلامه ولطيفه يالسات على لاب توب يخلصن مشروع التخرج ولطوف كانت فوق في غرفة سلامه وقالت: انا يوعاننه بسير المطبخ باكل شي وبيي سلامه تفر لابتوب : دقيقه فديتج بسير وياج وهن نازلات من الدري صوب المطبخ يوم وصلن اخر الدري انفتح الباب وكان حمد توه داخل وبيسير فوق وسلم عليهن وشاف لطوف كيف مبهته فيه وطالعه رفع حايبه وقال بنرفزه: لطيييفه خلاص عاد بس من هالنظرات تراج مفضوحه وايد وصار لي فترة الاحظ نظراتج ترا عينج قويه كيف ترفعين عينج في عيني وانتى شوي بتاكليني بنظراتج وبحده مع عصبيه قال ترانى اتضايق من هالنظرات اللي اشوفهن في عيونج وبعدين انا ما في قلبي شي من صوبج ترا فضحتيني في كل مكان طالعيني ومبهته وسرحانه فيني وبعدين يعني ما تستحين على ويهج ما تعرفين الذرابه والحشمه ماتعرفين تكسرين عينج الحرمة ما ترفع عينها ع الريال الا الرخيصه شهقة لطوف وحطت صبوعها على شفايفها بصدمه من كلمته الرخيصه نزلت عيونها تحت بقهر وقلة حيله كمل كلامه بقهر وعصبيه: الزمي حدودج ويايه وحشمي نفسج ولا ترانى والله بقول لاخوانج عن نظراتج اللي فيها وايد أشياء بقولهم نظراتها نظرات وحده تبا واحد ونظراتها هيام في هيام وحب وغرام وتشهق باسمي قدام الكل فكي عني شوي وشوفي مستقبلج وبعدي عني ترا قلبي فاضي من صوبج محد فيه حتى امسات اخوج سعيد ومبارك اخويه عيونهم ما تفارقج من كثر مايشوفون نظراتج يطالعوني ويطالعونج وانتي خبر خير مب حاسبه حساب وجود أي حد فيهم وجنه محد الا انا وانتي بس فالكون هذا كله تعرفين انه اخوج سعيد نظراته كلها شك فيني انتي شو تبين تشوهين سمعتيه بينهم ولا تبين ياخذون فكره عني اني معشمنج في شي ولا تبينهم يحطون في بالهم ان بيني وبينج شي حتى مبارك اخويه نظراته لي نظرات عتاب جنه يقول لي حشم عمك وسمعته بس عاد ارحميني ترا من هالشك وهالنظرات رجاءً عاد لا عاد اشوفج تناظريني .وراح فوق غرفته ... سلامه مصدومه من اندفاع حمد ولفت على لطوف وهي تقول : لطوف ان... لطوف تقاطعها وهي تحنحن وتحس جسمها حار و وقالت: احم سلامه انا الغلطانه واستاهل اللي اييني انتي مالج ذنب تعتذرين انا اللي زودتها وياه وتنهدت بحرقه وقالت: يلا نروح فوق نكمل المشروع ... سلامه متلومه من لطوف والموقف اللي صار ومب عارفه شو تقول ... اما حمد دخل غرفته وشوي رن تلفونه شاف رقم سعيد تنهد بضيق ورد وقال: هلا بو عسكور سعيد بضيقه: اهلين حمد كيف الحال حمد تنهد وهو عارف سبب الاتصال: بخير يعلك الخير سعيد بدون لف ودوران: حمد شو اللي بينك وبين لطيفه نظراتها امس نرفزتني انته معشم لطوف في شي حمد تنهد بضيق: لا والله يا سعيد ما بيني وبينها شي والله العظيم واللي يشوّفني امايه وابوية والله يا سعيد ان مابينا شي كيف اثبت لك .. سعيد بضيق: مب معقوله يعنى حمد انته شفتها كيف طالعك حتى مبارك اخوك ناقمنك ؛ وقال سعيد بقهر والله العظيم ان عرفت ان بينكم شي ترا والله العظيم انه بيصير كلام ثاني وما بيرضي حد وخبرك بيوصل عند عمي حمد بعصبيه وقهر: انته شوفيك اذا ما تبا تصدق لا تصدق ان شاء الله عمرك ماصدقت اففففف منگ ومن اختك سير اسالها والله فاضي لكم انا تيبووون لي الرمسه ولا غصب يعني بتلبسني التهمة مب حمد اللي ينزل راس ابوه تحت مع سلامه وسكر التلفون وفره ع الشبرية بعصبية وقهر دخل صبوعه في شعره وهو يتنهد بضجر من وين يتنى هالمصيبه بعد يارب هالخبله ما يتصرف على كيفه .... بعد مرور يومين . الاحداث اللي صارت ان حمد تلوم في لطيفه وايد وخصوصا انها ماردت عليه يوم عق عليها كلام ومن ذاك اليوم اللي صار فيه الحوار بينه وبين لطوف وهو ملاحظ ان لطوف وايد تجنبه حتى يوم تكون في ببتهم يسوون المشروع.ويدخل حمد عليهم فجأه ما ترفع عيونها عليه ويوم يسلم وحتى يوم يتكلم ما تعطيه ويه نهائيا لدرجة انه لام نفسسه وايد على اللي سواه ويا لطوف وحس انه اهانها يوم سماها الرخيصة واحرجها وده يعتذر منها بس مب قادر عزته ما تسمح لانها هي بنظراتهاوصلتهم مرحلة شك واتهامات .. اما سعيد فكلم لطيفه اللي حلفت بالله انه حمد لا واعدنها بشي ولا سوى لها شي واعترفت بذنبها ان هي اللي تنسى نفسها قدامه وسعيد هزبها وحلف لها ان ما صطلبت يخبر ابوه عليها وهي بدوررها حاولت تدوس على قلبها ...ومايد كلم امه وخطب لطيفه له وسعيد وابوه موافقين وشاوروا لطيفة بس لطيفه من شافت نظرات سعيد اخوها اللي تتوعد لها أعطت موافقتها لابوها غصب عنها عشان تبعد عن موضع شك في عين سعيد ... مهره هاليومين وايد مشغوله بترتيب العرس لانه بقى عليه أسبوعين بس وهاليومين خفت اتصالاتها ويا راشد اللي كان متضايق من هاشي لكن مهره قالت له اغلب وقتي سووق ومشاوير وخياييط وغيره وتوصل البيت متأخر ... راشد وايد يعاني من موضوع بعد مهره عنه ويدق لها غصبن عنها ويخليها ترد عليه وهي تتكلم وياه وتسولف لين توصل البيت ومرات تسحب عليه تقوله أبا اخلص اغراضي وهو يعصب عليها وعقب يرد وياها عادي ... ثريا الحمل وايد متعبنها ما فتحت لها ملف في المستشفى باسباب وايد من هالاسباب رفض راشد بالحمل وأسباب أخرى ... بعد مرور أسبوعين على امتحانات الفاينل باقي يومين على عرس راشد ❤️ مهره ... مهره في هاليومين مضغوطه وايد حنى وترتيب اغراضها وبروفه الفستان وحد أييب الفستان والمسكة وغيره من هالامور وراشد الفرحة ماليه قلبه وده يخطف اليوم بسرررعه وايي يوم العرس ومرتب القسم احلى ترتيب واحلى اثاث واحلى ديكور وكراسي وغيره مبدع فيه وبقوه حتى اليازية متخبله عليه ... قبل العرس بيوم في بيت بو حمد ... مبارك كان ضايق ويحس بخنقه فتح باب غرفته يبا يطلع صوب صاله الفوقانيه بس سمع كلام صدمه حس انه في حلم مب في علم حس دقات قلبه تتسارع وانه قلبه بيطلع من مكانه رجع راسه وظهره على اليدار اللي قرب الباب وغمض عيونه بالم اه اه وتنهد بتنهيده طويله عسى انه يرتاح شو يقولون هذيلا معقوله ولا انا اتوهم ... |
لي عوده باذن الله بس ابا تفاعل قووي
|
فنانه حبيبتي
كل الباراتات تجننن ماشاء الله عليك اعجابي وتقييمي وتنبيهات |
كل الشكر والإمتنان على روعهـ بوحـكـ ..
وروعهـ مانــثرت .. وجماليهـ طرحكـ . |
آشتقت جداً لروايتك سعيده جداً بعودتك
عوده قويه والله اطلعت على اول بارتي مااخفيك شدني جداً سلم قلمك وفكرك يسعدك ربي ويحقق امانيك |
حبايب قلبي والله اسعدتوني والله بتواصلكم وتفاعلكم اللي عجبني انتظروني شويات وتنزلكم احلى البارتات بامر الله
|
ماشاء الله عليك
بارت جميل جدا وعوده حميده اشقنا لك مره دجى كتابتنا مميزه ابداعتي ماشاء الله عليك |
البارت السادس
: عند راشد واليازيه : اليازيه بعصبيه: انته تستهبل صح كيف ما قلت لها انك معرس شو يعني بتصدمها راشد بضيقه: تكفين الله يخليج يا اليازية والله مب مستعد اقولها الحين بقولها عقب العرس اليازيه بقهر: وانته قلت لثريا انك بتعرس راشد يتنهد: لا بقولها الحين بتصل بها عسب ما تيلس تتصل بي كل شوي ... اليازيه بضيقه: انا ماعرف انته كيف بتطلع نفسك من هالمصيبه فالع راسك بحصاتين راشد بعصبيه: انا اساساً ماحب ثريا قلبي لمهره وانتي تشوفين حياتي وياها كيف قتلج زواجي من ثريا غلطه اليازيه بقهر: وحمالها بعد بالغلط انته جنيت على نفسك يا راشد مب قادر تلقى حل لمشكلتك وغرقان بحبك لمهره لكن عقب بطيح على راسك وعقب لا تلوم مهره لوم نفسك وراحت عنه صوب غرفتها ... تنهد راشد بقهر واتصل بثريا ردت عليه بتعب: هلا حبيبي راشد بعصبيه وقهر : لاهلا ولا مسهلى ثريوه انتي شو سويتي فالموضوع ثريا تتنهد: ماسويت شي ربيعتي قالت بتشوف عياده خاصه عشان بسوون اجهاض بس قالت لها دكتوره ٥٠٠٠ درهم على الفحوصات وفتح الملف والإجراءات اللي قبل عمليه الإجهاض و٥٠٠٠ بعد العمليه .. راشد براحه: الحمدلله زين سويتي مب مشكله لووتبا ٤٠٠٠٠الف بعطيها المهم تنزله اللي في بطنج ثريا بهم: الله كريم ان شاء الله راشد : بكلمج بموضوع ثريا بحب: امر فديتك راشد: انا باجر عرسي ثريا بصدمة :شوووو حلف قول والله راشد يتنهد: والله العظيم باجر عرسي وانتي تدرين ان ابويه يباني لبنت عمي ثريا تبكي: واناااا شو بيصير فيني راشد بضيقه: انتي بلوى واابتليت فيها بعد شو اسوي وغلطه انا ادفع ثمنها وثمنها غالي وايد يا ثريا وانا ماريد اخسر ابويه واهليه عشان غلطه ثريا: يعنننني شو ؟؟ بطلقني ؟؟ راشد يتنهد: كيف اطلقج وانتي حامل خليني اطمن اول انه نزل وعقب بشوف حل واذا ما طلقتج بتكونين بالسر ثريا انا مابا اتصالاتج تكثر انا الحين مب مثل قبل بروحي ثريا بغيرة وقهر : وشو يعنى تخاف على مشاعرها واحاسيسها وانا طز فيني انته مب شايف نفسك ما تحس انك زودتها ويايه انا حرمتك بعد ولي حقوقي ومثل مالها انا لي بعد راشد بقهر : ها من الحين بدت الغيره صح ثريا بخنقه: بمووووت بعد من الغيره منو لي غيرك في هالدنيا يا راشد انا فتحت عيوني عليك تملكت قلبي واحساسي وتحملت جفاك وعصبيتك وبعدك شوف نفسك من متى متجاهلنى ومب معبرني وساكته عنك وغير الكلام اللي تعقه عليه لو بنت عمك تسوي كل هذا فيها ما بتتحمل ولا وفوق هذا كله بعد بتعرس عليه يعنى لو بنت عمك مكانى ما بتتحمل اللي انا اتحمله منگ راشد رحمها وبهدوء قال: خلاص ماعليه اعتبري اللي بدر مني قبل ماضي وانتهى وببدا وياج صفحةً يديده اتعامل معاج بهدوء وبخصص لج وقت وبيي عندج بس كل هذا عقب العرس سمعتي ولالا ثريا وهي تشاهق من صايح: ان شاء الله راشد: يلا خلاص الحين اهدي وغسلي ويهج وتراج بتمين زوجة لي طول العمر اذا احترمتي خصوصياتي وابتعدتي عن الشر والغيرة الزايده ... ثريا تمسح دموعها: زوجه على ورق بس ولا شو الفايده من تواجدي وانته بعيد عني راشد بهدوء: ماعليه يا حرمة كل شي بيتحسن للاحسن ان شاء الله ان ما خيبتي ظني وتميتي على اسلوبج هذا بس ان سويتي لي مشاكل بيصير كلام ثاني ثريا: لازم تقول لبنت عمك ان عندك زوجة عشان يوم تي عندي في ليلتي ما تتصل بك ولا تزعجنا راشد بحده: اشوف تبين تسوين مشاكل من أولها ثريا الحين فكيني من الكلام خليني اتزوج واشوف زوجتي وعقب بقولها انى متزوج ... ثريا بغيره وحسد وقهر : هههههه ماتدري المسكينه ان اول ضنا بيكون لك مني راشد يتنهد بضجر: لا حول ولا قوة الا بالله العلي العظيم ترا قلنا بتسوين اجهاض ثريا بقهر: اممم صح افكر بس عقب ماشوف العياده .. راشد بضجر وضيقه: عارف انه ما فيج فايده وانج ما بتسوين اللي اباه بس عقب العرس انا اللي بيج وبوديج يلا الحين برايج.. ثريا بقهر مكتوم من الخاطر: مع سلامه وسكر راشد الخط بسرعه قبل لا يسمع منها أي شي ثاني وتنهد بتعب… مبارك كان مصدوم سكر باب غرفته بهدوء وانسدح ع الشبرية وهو يفكر بمهره وحياتها مع راشد وفي نفس الوقت مصدوم ان راشد متزوج بالسر وخرت دمعه من عينه على خده يعرف ان مهره ما تستاهل اللي قاعد يصير فيها لكن تنهد بتعب وهو يحاول انه ينام... في بيت بو سعيد اما عند مهره فكانت تسولف وويا لطوف وشما خواتها شما: تحسين بالحب اتجاهه.. مهره: صراحه ، لا صح انى أتكلم وياه وايي عندي واقعد معاه وكل شي بس الحب صراحه لا ما حبه كيف احبه وانا ما عشت وياه في بيت واحد لايغركن المظاهر وحبه لي انا ماقدر اسلم قلبي لاي واحد وعقب ينكسر لازم ادرسه زين عشان اعرف انه يستاهل قلبي فعلا ويستاهل حبي اما عن طريق الكلام مافي فايده لانه الكلام وايد بس احترام احترمه استحي منه ومن تودده وقربه لي استحي من جرأته وحركاته لي استحي من همسه ولمسه وقربه مني .. حتى لو تلاحظن انى يوم اكلمه واسولف وياه كلامى عادي وياه مب غزل ودلع لاني ماقدر ادلعه وانا قلبي فاضي لازم امليه ... شما بحب: فديت قلبج يا المهر الله يسعدج غناتى مهره تبتسم: ويسعدكن كلكن يا خواتي والفال لكن ان شاء الله ... شما: فديت روحج غناتي لطوف تتنهد بتعب وصمت عقب كلام مهره عن الحب وحست بأن كلام مهره صحاها من غفلتها اللي هي فيه. مهره تبتسم لهن وهي تشوف اغراضها وترتبها وهن يساعدنها... اما في بيت بو حمد ... اليازيه تكلم ودوم بنتها: انزين متى بتون باجر عرس خالج؟ ودوم وهى تضحك ع حمدان: ههههه أي وتكلم أمها والله ماماه ما عرف صراحه يمكن أي باجر الصبح أي حمدان خلاصص توبه ماماه شوفي حمدان الدب مايباني ابات عندكم باجر عقب العرس اليازيه تضحك على ريل بنتها: عطيني إياه ودوم تعطي حمدان التلفون: ماماه تباك حمدان يضحك عليها : مرحبا الساع بعمتيه شحالج الغاليه اليازية تبتسم: بخير ونعمه الغالي فديتك انته شحالك حمدان: بنعمه ولله الحمد اليازيه: صدق ما بتون باجر عرس راشد اخويه حمدان: بني فديتج بس عالمغرب ان شاء الله اليازيه: ليش ماتون من وقت احسن لكم عشان تريحون من الدرب حمدان بحب: ماودي افارق بطتيه اليازيه تضحك: انزين بات عندنا حمدان وهو يحضن ودوم: لا عموه فديتج لا تحرجيني اذا هي خاطرها تبات عندكم برايها تبات بس انا بحجز لي في فندق واكون قريب منها ... اليازيه تنهد براحه: ع راحتكم الغالي كيفكم المهم انكم تكونون مرتاحيبن .. حمدان يبتسم بحب وهو يبوس ودوم ع خدها وقال: ان شاء الله الغاليه فديتج ما يهمج اليازيه : يلا عيل الغاالي في حفظ الله حمدان : ودعتج الله.... وسكروا الخط ... تفاجأت اليازيه بدخول راشد عليها قعد ع الشبريه وقال: ظنج يا اليازيه انى مجرم اليازيه تتنهد: حبيبي راشد ازهاق روح حرام والله اللي عطاك هالياهل وبعدين انته يبته من الحلال مب الحرام عشان تعقه انا بس خايفه من فعلتك انك لو اجهضته يعاقبك االله راشد بضجر: يعني انتى من صدقج بخلي حد من عيالي بعيد عن عيني يربى ولا يعرفني ولا اعرفه ويتم مجهول اليازيه: حبيبي راشد عارفه قدر مهره عندك وانك تحبها وماداني حد يخرب بينك وبينها بس انا أخاف من ربي يعاقبك اذا سويت فعلتك هاي فرض باجر يعاقبك بان مهره مافيها عيال او انه يادبك انته بفعلك هاي ويخليك انته عقيم تكون خسرت نفسك وخسرت حرمتك وضناك من ثريا راشد تنهد بضيقه : والله يا اليازيه ان مهره تسوى عيوني واحبها واموووت عليها وماقدر اصدمها فيني ما اتحمل اشوف نظرة الانكسار في عيونها ترا والله ما بسامح نفسي وانتي تعرفيني زين اليازيه تتنهد بضيقه: سكت بالله عليك انا بروحي ما بسامح نفسي لانى من دريت كان المفروض أتكلم واوجهك بس مادري شياني سكت قلت هو ريال وبرايه يتصرف حر في حياته بس للأسف يا راشد انا اشوفك تخسر حبك وتخسر نفسك وانته توك مابديت حياتك يكفي انك فرحان فيها لكن والله صعبه يا راشد جان صارحت مهرة بشي اللي سويته لا تعالج الغلط بغلط اكبر منه راشد بحيرة: يعني انتي تشوفين ان زواجي من مهره غلط اليازيه تتنهد: الواضح جي يا خوي راشد يتنهد بضيقه: زواجي من ثريا غلط اما من مهره فزواجي منها عين الصواب مهره محد يحبها كثري ومحد بيسعدها كثري تكفين اليازي لا تخربين فرحتي اليازيه تحضنه: فديتت عمرك يا الغالي والله اني احبك وأتمنى لك الحياه السعيده ويارب يسخر مهره لك في كل امورك وتكون لك عون في كل امورك يا الغالي راشد يبتسم: يارب العالمين يا الغاليه أتمنى من الله انه يسر خاطري وخاطرها ويألف بين قلوبنا ويقربنا من بعض اكثر ولا يفرقنا عن بعض اليازيه تبتسم: امين يارب العالمين والله من قلبي أتمنى لك حياة هاديه وسعيده راشد يشوف الساعه اربع وربع الفير سار قسمه بيرقد شوي بس ماهنا له بال يرقد اتصل بمهره وردت عليه من ثاني رنه: هلا والله راشد يبتسم بحب: صباحج حب يا اغلى من في الوجود مهره تبتسم: صباح النور ورضى من الله راشد يتنهد وقال: كيف النفسية مهره تتجاهل سواله وقالت: من شو هالضيقه اللي فيك يا راشد راشد انصدم من سوالها واحساسها وقال بهمس:ضيقه؟؟؟ مهره تبتسم: هي عبالك فاقده الإحساس تراني اعرفك من نبرة صوتك واحس انك شال هموم الدنيا على راسك فيك شي راشد متضايق ومتكدر لهدرجة هي تحس فيه رد عليها وقال: مهره ما تحسين ان من ملجنا ما اسمع منج كلام حلو كله رسميه ويايه مهره تبتسم: وهذا اللي مزعلنك شي طبيعي يا ولد العم الحب مايي الا بعد الزواج والعشره راشد يتنهد بضيقة قال: بس انا احبج واموووت فيج ومن زمان بعد ما ترييت العرس ايي عشان يجمعني فيج واحبج يا قلبي مهره تبتسم: لانه انته اللي بديت وقلبك تحرك صوبي لو مب قلبك وحبك لي ما كان انته اليوم لي صح ولالا راشد يتنهد بضيقه: صح كلامج بس كنت أتمنى اشوف الحب في عيونج مهره تتنهد ووببتسامه قالت : بي الحب انته ليش مستعيل صعب ااسلم قلبي بسهوله يا راشد راشد بضيقه: يعني لو شفتي مني شي يكدر بالج ما بتحبيني مهره: راشد بقول لك كلام وفهمه زين وريح بالك انا عندي إحساس ان في شي شاغل بالك ومضايقنك بس سمع كلامي الحب مب كل شي في الحياه الزوجيه التفاهم والاحترام والثقه اهم الأشياء بين الزوجين وبعدين الحب بي بروحه يا راشد لا تعذب قلبگ مردي تراني لگ وانته الوحيد اللي في حياتي وباجر لو استوى بينا شي لا قدر الله يكون بيني وبينك مب لازم الكل يعرف ولو شوه ما تسوي يا راشد تعال عندي وقول وتاكد اني ما باخذلك في شي مهما كان صغير او كبير ترى لا يروح تفكيرك بعيد يا بو سنيدة ما يستاهل شي ضايق فيه عمرك راشد يبتسم: والله يا مهره انج تشلين الاعواق |
حبيبتي ضاميه والله انا بعد اشتقت للكتابه
|
البارت السابع
: مهره: شو اللي مضايق بك وما خلاك ترقد لين الحين يا ولد عمي راشد بهم: ماشي بس شوي تعبان مهره: سلامتك من التعب جان عشان الحب صدقني الحب بي بروحه والله من دون شعور راشد يحاول يهون على نفسه : مهره والله انس روحي بتطلع احس اني مخنوق مهره: يعل الضيقه فيني ولا فيك ليتها ما تعرف دربگ ... راشد: فددداج انا يا روح روحي مهره: انته استانس اليوم كلها ساعات واكون قربك باذن الله لا تكدر بالك عاد اليوم لازم تكون اسعد شخص في الدنيا ... راشد بصدق: والله اني اليوم اسعد مخلوق فالدنيا ما دامني قربج بس حسيت اني متضايق مهره تبتسم: مب لازم الضيقه تيك اليوم تجاهلها وخذها مني عهد ووعد يا راشد والله لو يدور بيني وبينك أي شي صدقني يا بوسنيدة مب مهره اللى تخذلك راشد لو تجرم ما بخليك فهمت ريح بالك وماضيك بالنسبة لي ما يشكل أي أهمية اللي يهمني الحاضر يا راشد خلاص ارتاح لازم ترتاح نفسيا خذها مني وعد قطعي ع عمري انى ماخليك عشان ماضيك وصدقني راشد بكون لك مثل ما تبا انا عارفه ان كل ريال وراه ماضي وبلاوي زرقا بس ارتاح من هالناحية مب مهره اللي تخذلك ان ما كنت لك عون وايد تشل عنك الثقل ما راح أكون اليد اللي تخذلك صدقني وانا قد كلامي راشد طار عقله بكلامها وارتاح وبصدق قال: عساني ما انحرم منجج فديت قلبج والله اني ارتحت الحين مهره بصدق: عسى دوم يارب راشد بحب : وياج يا قلبي مهره تبتسم: هممم ما تبا تنام راشد: عقب ماسمعت هالصوت وكلامج اللي يداوي القلب برقد وبرتاح بعد مهره تضحك: عله رقاد العافيه يارب راشد: يعافيج يا روحي فداعة الله مهره: في حفظه ... وسكروا الخط ومر الوقت سريعاً ودخل وقت المغرب وكانت مهره جاهزه باجمل منظر واحلى طله الفستان سكري ومخصر على جسمها والمسكه طايحة على ايديها وحناها وميكبها وتسريحتها باختصار كانت لا توصف دخل راشد وتصور وياها وهو الفرحه مب سايعتنه وحضنها بحب وهو يقول: وأخيرا الليلة انتي لي ابتسمت بحيا على كلامه ورفعت راسها له انبهر بجمالها ولفها بين ايديه وهمس بعشق : اه يا مهره سلبتي عقلي وقلبي فديت حضنج وفديت قربج كم احبج يا بنت عمى احبج حب فاق الحدود واعشقج عشق القلب للجنون يا جنوني انتي ابتسمت وهي بين حضنه وقالت: الله يبارك في أيامنا ويجعله زواج مبروك راشد وهو بعده حاضننها: امين يا عمري ومبروك عليه انتي ومبروك عليج انا يا قلبي مهره تبتسم: الله يبارك لك ويبارك فيك يارب ... في القاعه ... اليازيه وشما واقفات عند استقبال الحريم ... سلامه ولطيفة وودوم عند الطاولة اللي عدال الكوشه لطوف تكلم ودوم: ياربي فديت البطه انا ولهنا عليج يا دبه ودوم تضحك: ههه لا تقولين بطه والله تحسسوني متينه لطوف : لا بسم الله عليج انتي ضعيفه عيل ودوم تضربها على جتفها: يا دبه هالمتن متن حمل بعدين من اربي كل هذا بيروح وبتشوفوني غزال سلامه تضحك: امبونج غزال بنت شهاب ما تخربين ودوم: افداج خالوه يسلم منطوقج سلامه: فدى الحلوه انا بنت اختى ودوم تضحك:ما عليج زود خالوه شوي وحضرن الريم والعنود وعهود بنات خالة لطوف اخوات مايد سلمن على البنات ويلسن ع طاوله لطوف تكلم عهود: وين هالغيبه عنبوه من زمان عنكن عهود : بعد شو نسوي فديتج الدنيا مشاغل الله يشغلنا بطاعته ولا يشغلنا بغيره لطوف تحضنها: بعد عمري انتى حبييبة اخوى عهود تضربها على كتفها بخفيف: يا دبببه محد بيكشف اوراقي الا انتى لطوف تيلس عدالها: في ذمتج حبيبته ولالا عهود تتنهد: والله مادري به بس هو بالنسبة لي حبيبي لطوف تغمز لها: وانتي بالنسبه له حبيبته عهود قلبها دق واستحت وقالت للطوف: مايندرابه اخوج الا تعالي صدق انتي علوم الحب وياج لطوف تبتسم: ههههه انتي تدرين اني من زمان اكلم مايد عشان يشل الهكر من تلفوني ويرد ايميلاتي من خطبني استويت مودبه عهود تضحك: هي قالي مايد قال من خطبتها ما سمعت صوتها لطوف باحراج: ههههههههه ياختي فشله قبل الخاطر مافيه شي الحين كل شي انكشف لازم اصطلب عهود: تدرين انه بيملج بج قريب لطوف بصدمه: قولي والله عهود: والله قالي اليوم ونحن يايين فالدرب وامي مستانسه قال بيكلم خالوه باجر هي تعالي انا ما قلت لج بنبات عندكم لطوف بفرحه: مرحبا الساع والله تنورون البيت العنود من وراها: منور باهله يا حلوه شو عندكم مجابلين بعض وناسين العرس لطوف تضحك: ولا شي بس يالسين نرمس عن مايد وعلومه العنود تضحك: هي العوق عند مايد لطوف ابتسمت بحيا والعنود قالت: بيموت ويشوفج ضحكت لطوف عليها والعنود قعدت عدالها تصورن السناب وطرشته لمايد ولطوف هزبتها وهى تضحك عليها ...دخل وقت العشا وصلوا العرب وقرب الساعه ١٠ ونص بندت ليتات القاعه وبدت تشتغل الموسيقى ويهيئون الزفة .. ورى الكوشة نايف ماسگ مهره ويبتسم لها من سمع زفة رفعت مهره عيونها له وبانت ملامح الخوف والربكة نايف قال: هدي مهره فديتج ليله وبتعدي لا تتوترين هدت ملامحها وقالت: لا تفجني نايف يمسكها بيرقيها الدري ويرفع فستانها رفعت ريلها وهي تركب الدري ونايف عدالها ماسكنها لف عليها وقال: ابتسمي فديتج خلي الخوف عنج مايسد انج تشوفيني عدالج ابتسمت مهره بحب ع كلامه طالعته وعقب بدت طالع الحضور وتتلفت وتمشي وتزيد ابتسامتها يوم طيح عينها على ربيعاتها وخواتها وبنات خالتها .. نايف بحب: نزلي المسكة شوي ورفعي راسج بشموخ وانتي طالعين خليج واثقه من نفسج تراها سويعات وتعدي ابتسمت ع كلامه وضحكت غصبن عنها ابتسم على ضحكتها وباسها بين عيونها وقال: الله يحفظج الغالية مهره تبتسم : ويحفظك الغالي عقبالك يارب نايف: الله يسمع منج يارب مهره طالع صوب أمها وخالتها وخواتها وبنات خالتها وبنات عمها وتبتسم سمعت نايف يوم يقول: خذي شهيق طويل وبعده زفير عشان توتر يخف مهره تسوي نفس ما قال وحست براحه تغمر صدرها وردت دورعلى الكوشة متجهة صوب الكرسسي .. نايف : بفجج مشي شوي شوي وانا عدالج اوك مهره تبتسم : اوك بعد عنها شوي وعدل غترته ولف ع طرف الكوشه وشاف لطوف تاشر له قرب منها ووخى عليها وهو يقول: لبيه لطوف تبا تعرف في خاطره شي صوب عهود ولالا قالت باحراج: لبية في منى فديتك خلاص عنى فداك بس كنت بقول نبا نرقص قبل لا يدخل راشد نايف يضحك: يلا غايته دامني موجود تعالي رقصي لطوف: حتى بنات خالوه لطيفه يبن يرقصن مب بروحي نايف يضحك: انزين عادي خليهن يرقصن عشان اتنقى لي عروس ما يصير ياختيه لين اليوم اخوج بلا حبيبه ضحكت لطوف وهي تقول: ياويلي ان درن بك بيجحوتني ضحك نايف ومسك لطوف من ايدها وهو يقول: تعالي رقصي ورفجه تين تعالي ركبي لطوف تضحك ع نايف اللي ركبها الكوشة وساروا عند مهره اللي واقفه عالكرسي وحطت الباقه على طرف الكرسي وتضحك عليهم ونايف راح عند دي جي وقالهم يشغلون حربية انا المغرم انا الهاوي ... وبدا يوول نايف ولطوف ترقص وياه والعنود تصور فيديو وطرش لمايد اللي حاشرنها حشره ونايف يضحك ويا لطوف لف صوب طاوله يدور شما طاحت عينه في عين عهود اللي استحت ووخت بحيا اما نايف قال للطوف بهمس: منو اللي يالسه عدال سلامه بنت عمي لفت لطوف وشافت عهود قالت بوناسه: هاي عهود بنت خالوه لطيفه نايف ابتسم: وانا أقول جمال خطيبج من وين العايله كلها جميله شكلها انتاج خالتي وايد حلو ضحكت لطوف عليه بالقوو وقال: زقري شما وشوي انه سعيد داق لنايف رد عليه: هلا سعيد: دخيلك حشرنا راشد يبا يدخل خلصتوا ولالا نايف يضحك : والله مبسطين الغالي يواله ورقص خواتي والحين بيرقصن بنات الخاله بطلع انا وعقب بنددخل رباعه سعيد يضحك: تمام دور على عروس لا تنسى وانا لاحقنك ضحك نايف وهو يلف على طاولة يبا يلمحها بس ما شافها تفاجا فيها راكبه على الكوشة هي وشما والعنود والريم ولطوف وياهن قربن من مهره وسلمن عليها وتصورن وياها نايف سمع سعيد يقول: الو ضاعت علومك شكلها يا ولد امي وابوي وسكر ماسمع رد من نايف .. نايف كانت عينه على عهود ولاحظ توترها ومن شافها مختبصه عرف ان الحلوه ميته فيه اطمن على نفسه وابتسم بينه وبين نفسه يوم شافهن نزلن دق لسعيد وقاله تعال انته والمعرس ونزلن خواته وشوي ودخل سعيد وراشد اللي الأرض مب شالتنه من الفرحه باس مهره على راسها : مبرووووك ي قلب راشد مهره بحيا: الله يبارك فيك سعيد قرب من مهره وسلم عليها: مبروك فديتج مهره: الله يبارك فيك الغالي وعقبالك سعيد: ان شاء الله نايف دخل ابوه وعمه وهو يضحك عليهم وخلاهم يسلمون على المعاريس وعقب مسك ابوه ويلس يرزف وياه على الكوشه وسعيد مسك عمه ورزف وياه ويلسوا يرزفون والفرحه ماليه عيونهم وقلبهم ومهره وراشد مستانسين عليهم والحريم مبسطين على نايف وامه كل شوي تقرى عليه في خاطرها وتستودعه الله من رمسات الحريم شافها نايف عند طاولة خواته وبنات خالته نزل من ع طرف الكوشه صوبها ويبس قدام امه والبنات ميتات عليه وعهود ترفع عيونها شوي وترد تنزلهن بتموت عليه تغااار شافته يمسك أمها وامه ويوديهن فوق الكوشه ويمسكهن بيديهن ويرزفن وياه وشاف عمته ام راشد ونزل ويابها وخلاها ترزف وياهم واستوى الجو كله فوق الكوشه ونايف ما شاء الله عليه كان ماكل الجو والكل يطريه ويطري جماله وجرأته وربشته هو الوحيد اللي اربشهم مسكته امه وتمت تقرى عليه باسها على راسها وساروا صوب مهره وتصوروا وتصور وياهم وعقب نزلوا سعيد ونايف عشان بنات عمهم وركبن اليازيه وبنتها وديمه وسلامه وسارن صوب مهره وراشد ... اليازي تسلم على اخوها وتحضنه: مبروك يا عمرى زواج الهنا يارب راشد يبتسم: يبارك في عمرج فديتج امين يارب ودوم تحضن خالها: مبروك خالي فديتك منك المال ومنها العيال الغالي راشد يبادلها الحضن: الله يبارك فيج كروشه امين الله يسمع منج يا الغاليه من زمان عنج فديتج ودوم تضحك: شو نسوي فديتك مالنا باليد حيله العرس وما يسوي عني فداك راشد يضحك: الله يوفقج ويسهل عليج يارب الولاده ودوم: امين يارب العالمين فديت دعوتك وراحت تسلم ع مهره وتحضنها: مبروك يا بنت العم عني فداج مهره تحضنها وتبتسم: الله يبارك فيج يا قلبي ودوم تبتسم: الله يسعدكم يارب مهره تبتسم: امين غناتي ومن يقول سلامه تحضن اخوها: فدا قلبه انا الغالي عله زواج العمر والهنا يا قلب اختك راشد يحضنها بحب اخوي : يا قلببي قلباه يا الحساسه الله يسمع منج يارب سلامه خانفتنها العبره: فديت عمرك يا راشد عسى السعاده تخاويك في حياتك يا قلب اختك والله يبارك لك في هالزواج يارب العالمين راشد بدفء حضنه: آمين يارب العالمين لا تصيحين فديتج عقبال ما افرح فيج وازفج بيديه الهنتين ... سلامه: افداك يا خوي عسى الهم والضيق ما يعرف لك درب راشد غمض عيونه بدعوتها ومسح على راسها وهو يبتسم وقال: امين يارب العالمين بعدت عنه وحضنت مهره وهي تبارك لها وتصوروا عندهم شوي وانتبه عالساعه ١:٠٠ وطلعوا من القاعة المعاريس اول يوم في الفندق ... لطوف وبنات خالتها ساروا البيت .. ودوم وريلها حجزوا فالعين وباتوا... اليازيه وخواتها سارن البيت يريحن.. مبارك من خلص عرس رياييل يا البيت وهو يفكر كيف شاف الفرحه في عيون عمه وعياله وابوه وامه وعمته وراشد هذا بروحه حكاية مصدوم من اللي سمعه وعرفه يطالع راشد ويشوفه عادي ولاكأن فيه شي ويشوف الفرحة في عيونه ومبارك شال هم الدنيا على راسه كيف تنزل روسهم في تراب وكيف عقب بتجابلهم يوم بتيب ضناك وكيف بتسلب فرحتهم وفرحة مهره تنهد بضيق مب عارف شو يسوي ... حمد حاول انه يتجاهل شعور الذنب اللي يحس فيه كل ما يشوف لطوف في بيتهم .. مايد واخوانه راقدين في الميالس ..عهود وعنود راقدين في حجرة مهره ... الريم راقده في حجرة لطوف ...وشما راقده في حجرتها... نايف في حجرته .. سعيد في حجرته.. بعد مرور أسبوع عالعرس راشد ومهرة من خمس أيام مسافرين النمسا والييوم طلعوا على المانيا بيقعدون كم يوم وبيرجعون ... في المانيا وعند الملاهي بالتحديد راشد يلعب ويا مهره ويخوفها في لعبه وهي متقبضه فيه وتحاول انها ما تصارخ ولا تشوف شي وهو يضحك عليها حضنها بيده وقربها منه باسها على خدها وقفت اللعبه ونزلوا مهره باحراج: اصطلب مب قدام الناس يضحك راشد بعناد ويرد يبوسها على خدها طلعوا يتمشون وهو ماسگ ايد مهره: احبببج مهره تبتسم وشدت على مسكة ايده وحطت راسها على جتفه وقالت: للسعاده عنوان وانته بدايتها لف عليها بحب وسحب ايدها وباسها بالقو وهو يقول في خاطره يارب ما يخيب ظنج فيني يا مهره بموت لو صار فيج شي بسببي وتنهد مهره تلفه صوبه: شو سالفة هالتنهيدة يا راشد في شي شاغل بالك راشد يطالع عيونها وبصدق:هي والله انتي يا قلبي اللي شاغله بالي وافكر بج وانتي قربي مهره بحيا: وانا وين اروح من طيب كرمك يا الغالي ومن معدنك هالطيب مافي منك اثتين في الدنيا انا متاكده راشد اللي اعجب بكلامها شلها ودار فيها ووعقب نزلها وقال بحب: احب كلامج يريحني وايد يثلج صدري والله عني هبلاج مهره : تصدق راشد اشوف الحب في عيونك وافعالك الله يقدرني واكون لك مثل ما تبا راشد ماسك ايدها: يارب تحبيني بس هاي اول امنيه مهره تضحك وباسته على خده وهي منحرجه وبهمس: ليش تحاتي الحب وايد اهم شي اني مرتاحه وياك فديتك راشد اقشعر جسمه من همسها وغمض عيونه قربها منه زود وقال: وغلاتج انج مذوبتني ورايح فيها.. انحرجت مهره وهي تشوف شكله كيف استوى وصلوا الفندق وساروا شقتهم اول ما وصلوا باب شقتهم فتح الباب راشد دخلت مهره ودخل وراها ولفها صوبه وحضنها ابتسمت مهره وهي في حضنه: انته مافيك صبر ما تتحمل مني كلمه ولا همسه على طول تذوب وتروح فيها راشد منغمس في حضنها ومغمض عيونه: يالله لا تتخبرين يا قلبي انتي لو حبيتيني مادري شو بيصير فيني اذا همسج ولمسج يوديني في ستين داهيه .... مهره باحراج تبعد عنه وبهمس جنن راشد:،انته أصلا خليت فيني عقل ولا انته تخلي الواحد يفكر ماخليت لي مجال للتفكير يا ولد العم بسرعه تدخل القلب أسبوع بس شفت الحب في كل شي في كلامك في فعلك في نظرتك في لمستك ماخليت لي مجال افكر بسرعة ادش القلب يا راشد اسلوبك ويايه خلاني اغير رايي في الرياييل يعني الريال يقدر بخلي الحرمة تحبه في ساعه وحين بس انته توددك لي من يوم الملجة لين اليوم وانا ماشوف حبك تغير لي بالعكس اشوفه يزيد رغم اللي اعرفة انهم يقولون الريال في الملجة غير وبعد العرس شخص ثاني ويهه ثاني يطلع عقب العرس راشد بحب: مب كلهم واحد انا احبج من زمان وانتي تدرين شو صار فيني يوم رفضتيني وشفتي فرحتي يوم وافقتي عليه بالنسبة لي كان يوم عيد مهره تبوسه ع خده: فديتگ الغالي عسى ايامگ كلها أعياد يا اغلاهم راشد اللي ذايب بكلام مهره ومستحاها قربها منه وباس شفايفها لاحظ ان مهره خذت عليه وايد وعايبنه الوضع بعدت عنه مهره باحراج وهي تقول بمستحى: انته مافيك صبر لين نوصل الحجره ضحك راشد وقال: خلي فيني عقل اول انتي بعدين قولي مافيك صبر ابتسمت باحراج وهي تبعد شيله عنها وتفج اللبس شافت راشد يدخل الحمام وشال ملابسه شلت اغراضها وراحت الغرفه ثانيه اتسبحت وتعطرت ولبست قميص نوم طويل احمر مع دانتيل من على الصدر وشفاف من تحت وفوقه روب ولبست سليبر وطلعت وهي شاله ثيابها اللي بطلتهن ودخلت الغرفه حطتهن في كيس وربطتهن وحطتهن في الشنطه طلعت كريمات وعطور ورشت عمرها وحطت من الكريم على ايديها وويها وفتحت البوكس الصغير وطلعت دهن العود وحطت ورى اذنها شوي ومسكت عطر الشعر ورشت على شعرها ردته في البوكس وحطته في الشنطه ولفت بتروح صوب التسريحه وشافته قدامها فاتح ايديه حقها استحت مهره وتقدمت له ببطء ويهها محمر من جرائته وهو يضحگ عليها حضنها بحب وقال: شو سويتي فيني يا مهره والله مب قادر ارد نفسي عنج والله يا غناتي مهره بين ايديه بس تبتسم حست بعيونه اللي تحرقها حراق وتتفحصها دفنت ويهها بحيا ع صدره وهي تقول: رحمني دخيلك من نظراتگ شلها بين ايديه وسدحها عالشبريه وهو يقول: حلالي وكيفي ولا عندج مانع يا عمري مهره بحيا من نظراته حطت ايديها على عيونه وقالت : عيونگ نظراتها تأسر الواحد وانا مابا أكون اسيرت عيونگ راشد بحب وصدق: ليش ؟؟ مهره تلف ويهها صوب ثاني: بس جي راشد يبوس رقبتها ويسسمع تأوهاتها : فيه سبب ولا مستحيل تقولين لي هالرمسه وانتي خاطرج مافيه شي مهره تضحك: بعدين بقول لك الحين استمتع بجوگ وعقب بقولك راشد بذوبان: أصلا انا احاسيسي كلها لج وقلببي لج ريحي بالج محد بياخذ مكانج مهره ارتاحت من كلامه وحست بشفايفه ع شفايفها وتمت تبوسه بحب وتخلل شعره بصبوعها وتتأوه بحب من حرارة أنفاسه ودفء حضنه وداعبه بطريقتها جننت راشد قلبت كيانه وراشد يتاوه بحب وهو يقول : احبج واموووت عليج انتي بالنسبة لي كل شي ولا حياة لي بدونج مهره مستمتعه بكلامه وراشد هيمان فيها وذايب وناسي الدنيا بوجودها لدرجة ان تلفونه لين اليوم ما فتحه ولا افتكر فيه عشان ماتزعجه ثريا ويبا يستانس بحبه الوحيد ... بعد مرور أيام راشد ومهره بيردون الامارات وفي المطار يتريون النداء على رحلتهم ... راشد بحب يقعد عدالها ع الكرسي : حبي ليش هذاك اليوم قلتي لي مابا أكون أسيرة عيونك مهره بمستحى وبتردد وخوف قالت: امممم شو تبا تعرف راشد يمسك ايدها ويشد عليها قال: أبا اعرف اللي في قلبج مهره بخوف منه قالت: عشان ما تشوف غيري ويحلالك الجو في عيونك راشد ايتسم وقال بصدق: والله العظيم انه قلبي لج وعيوني ما تشوف غيرج واحبج حب ما يعلم فيه غير الله ... مهره بجرأة: انزين قولي عن اللي في قلبك الشي اللي مضيق بك ومسبب لك هموم الدنيا على راسگ وكل شوي تتنهد .. راشد بضيق: صدقيني يا مهره وجودج عندي في الدنيا هاي كلها مغنيني عن كل شي ودامج بقربي انا اسعد انسان مهره تحط ايدها على ايده: تأكد يا الغالي ان صوتگ يوم كلمتني الصبح يوم عرسنا لين الحين يتردد على مسامعيه أحاول اميز نبرة صوتك وسبب الضيقه مالقيت سبب يخليك ما ترقد في هذاك اليوم الا اذا كان سبب قوي ومنعته عني لاسباب خاصه فيك بس على كلن راشد انا مستحيل اتخلى عنك واذا فيك شي أتمنى تقولي واوعدك انه يكون بيني وبينك ومحد يدري عنه نهائيا.. راشد يتنهد وشد على ايدها: مافيه موضوع ولا فيه شي انا اتنهد لسبب واحد بس اني مابا انحرم منج واني مابا اكون سبب ضيقتج في يوم من الأيام فهمتي مهره بصدق: فديت روحك يا الغالي عنبو يا راشد لا تفكر جي لو مهما صار بينا مشاكل او سوء فهم لا تفكر انى ببعد عنگ وبخليك واذا تفكر ان أي مشكله بتواجهنا بقول لك طلقنى فانته غلطان انا مب شرات باقي الحريم راشد اباك تعرف شي واحد دام ارتبط فيك ما راح يهمني أي مشكله تواجهني فهمت شوي ريح قلبك والله انى عارفه ان قلبك مشغول ويهويس بس انته خايف من شو راشد بضيق: أخاف اخسرج واخاف اطيح من عينج واخاف حياتي من بعدج يسودها ظلام وسواد فهمتي من شو خايف الحين ... مهره بحب ترص على ايده وبهمس قالت: انته مسوي جريمه عشان تخاف انك تخسرني ؟! انته مطالب قانونياً ؟ انته كاتب على نفسك شيكات بدون رصيد ومتبهدل؟ راشد يطالعها وبصدق يقول في خاطره ياليته صدق انى مطالب وعندي ديون ولا انى اصدمج عقب بزواجي اه الموضوع اكبر من جي تنهد وسمع صوت النداء على رحلتهم قام وقامت مهره وياه وقال ببتسامه: ماعليج الامور طيبه بس شوي ضغوطات في الحياة والدوام مهره تبتسم له وترص على ايده: يعلني ما ذوق حزنك راشد بصدق: ولا حزنج يا غناتى ... وتوجهوا لطياره ... |
البارت الثامن
: في الامارات عند بيت اليازيه تكلم مبارك اخوها: وانته شدراگ مبارك بقهر: سمعتكم هذاك اليوم تتكلمون قدام غرفتيه انتي واخوج وكنت بطلع بس من فتحت الباب وسمعت سوالفكم رديت على غرفتيه سيده اليازيه تتنهد: بس مبارك فديتك لا تخبر حد الحين انا وانته اللي ندري بالموضوع بس تكفى ياخوي طلبتك لا تقول لحد مبارك بعصبيه: لين متى لين تربي الحرمة وتييب ياهل لراشد وعقب تصدمون امايه وابويه وتصدمون مهره انتي تعرفين شو بيصير فيها لو عرفت اليازية الله يخليج فكري بعقلانيه سكوتكم عن الموضوع غلط واكبر غلط تسونه ما تبون تصارحون مهره وهليه بالموضوع ليش اليازيه بتوتر: لانها رغبة راشد مايبا يخسر مهره مبارك يقعد على الكرسي بعصبية وبقهر قال: هو أساساً قاعد يخسرها من دون شعور ولا إحساس اليازيه بضيقه: والله قلت له يا الغالي والله قلت له بس هو بنفسه مب عارف كيف يطلع من هالمشكله مبارك بعصبية: طبعا ما بيعرف يطلع منها لأن أيد وحده ما تصفق لو هو يأ وشاورنا جان عرفنا نحل الموضوع ونتصرف ... تنهدت اليازيه بضيقه وسكتت عقب قال مبارك: انا بسير البيت الحين ويوم بي راشد لي كلام وياه اليازيه : دخيلك يا مبارك لا تتصرف بتهور وتدخل بينهم حرام تفرق بينهم مبارك بحده قال وهو يلف عليها ويجابلها ويه بويهه: يا سلاااااام ومب حرام انكم غاشين البنت وسااكتين صح كلها كم شهر واوراق راشد بتنكشف وبعدين مهره شو بيصير فيها كلام الناس بيرحمها نظرتكم لها شو بتكون شفقه احساسها بخيانة راشد وتزعزع الثقه اللي بينهم تفتكرين انها بترد عقب تسلم قلبها لراشد وبكل ثقه ليش ما تفكرون في عواقب الأمور وتتحسبين هالبنت بتخلي مهره في حالها عقب ماتيب ياهل لراشد شوفي شو بتسوي فيها وبتذكرين كلامي عقب وبتقولين صدقه مبارك .. تنهدت بتعب وهي تقول: يعني في نظرك شو الحل مبارك تنهد وزفر بقوه وقال: يبالها تفكير طويل خليني اروح البيت الحين وعقب يصير خير اليازيه: اوك فديتك الله يحفظك وعن سرعه غناتي مبارك يتجهه للباب : ان شاء الله ... وطلع عنها اماا هي تنهدت ودعت الله يسهل الأمور .. في بيت بو سعيد .. ام سعيد تكلم لطيفه: انزين واستلم نتايج الفحص لطيفه: هي فديتج خلاص استلمهن امس ام سعيد: الله يوفقكم يارب فديتكم لطيفة بهدوء: امين يارب دخلوا سعيد ونايف : سلام عليكم ام سعيد ولطوف: وعليكم السلام سعيد يبتسم: مبروك لطوف لطيفه منزله عيونها بمستحى منه : الله يبارك فيك الغالي نايف يحضنها: مبروك فديتج لطيفه: يبارك فيك حبيبي ومبروك لك انته بعد الغالي نايف : الله يبارك فيج فديتج ام سعيد بفرحه: الحمدلله اللي الله هداكم وقلتوا بنعرس سعيد يضحك: هي عشان بنات اختج فرحانه ولا عشان عيالج ام سعيد تضحك: كلكم عندي غاليين سعيد: انا بعد امس طلعت فحوصاتي والحمدلله زين امه: الحمدلله والعنود سعيد: هي الحمدلله العنود اليوم بتطلع نتايجها ان شاء الله امه: يالله بالخبر الطيب ان شاء الله سعيد : امين يارب وشوي اتصل عبدالله وبلغ سعيد ان النتايج سليمه وكلهم بيملجون في وقت واحد مايد وسعيد ونايف واقترحوا انهم يملجون فالمحكمة مره وحده من دون حفله وغيرة وكان الراي عاجب الكل والكل مقتنع ... بعد مرور ساعات وصلوا المعاريس الى ارض الوطن وركبوا السياره متجهين للعين وصلوا بيت بو حمد ونزلوا ساروا داخل شافوا الكل متجممع سلامه مبارك حمد ام حمد وابوه سلموا عليهم وقعدوا عندهم.. ام حمد: ربكم ما تعبتوا راشد بفرحه: لا والله ما تعبنا ولله الحمد يا امايه بالعكس كنا مستانسين والله حمد: هي لدرجة انك غالق تلفونك من سرت لين وصلت راشد يضحك: هههههههه هي بعد شو مستانس وحط ايده ع جتف مهره اللي ابتسمت ام حمد: الا صدق ما خبرتكم سعيد ونايف خطبوا بنات عبيد ( ريل خال مهره) مهره بفرحه: صدق ام حمد: هي فديتج عقب عرسكم سعيد خطب العنود ونايف خطب عهود ومايد ولطيفه خلاص فحصوا وسعيد ونايف بعد وطلعت نتايجهم والحمدلله كلهم سليمين وبيملجون مره وحده مهره بفرحه: يستاهلون فديتهم عله بالبركة مابغوا يتحركون اخواني .. ام حمد: هي والله الحمدلله عقبال بو شهاب وبو العريج مهره: ان شاء الله يارب راشد ينش : يلا عيل يا جماعة انا استئذنكم تعبان بروح اريح نشت مهره وياه وراحوا فوق تسبحوا وناموا... بعد يومين مبارك كان على النار الا يتكلم الموضوع صعب ينسكت عنه دش الصاله وشاف مهره وراشد يالسين انتبه ان مهره طالع راشد اللي يالس يكتب مسجات في تلفونه ويراقب حركات مهره كيف تراقب حركات راشد وتعابير ويهه وتشوفه كيف يسكر الخط في ويهه المتصل حس ان مهره شاكه فيه بس ساكته تنهدت بتعب وحيره وجبلت طالع تلفزيون ومخها مب عندها تفكر بالف فكره وفكره وكل شوي تتنهد... مبارك يكلم راشد: راشد اباك في موضوع راشد اللي حس بالفرج ياه: اوك يلا مبارك طلع برى يتريا راشد ثواني وشاف راشد عنده يلس راشد ع طاوله وقال: هلا مبارك امر مبارك بضيقه: راشد بكلمك في موضوع ورجاءً لا تنفعل ممكن تسمع لين الأخير راشد: قول الغالي امر اسمعك مبارك يتنهد: راشد انته لين متى بتم خاش موضوع زواجك وحمل حرمتك راشد انصدم وحس ان لسانه نشل وتم يطالع مبارك ومارمش ولا رمشه كمل مبارك وقال: سرگ في بير الغالي لا تخاف محد يدري بالموضوع راشد تنهد بضيقه ولف صوب الثاني يتاكد ان محد يسمعهم ولف ع مبارك وقال: وانته كيف عرفت مبارك تتهد بضيقه: سمعتك هذاك اليوم تتكلم مع اليازية جدام غرفتيه وانا كنت بظهر من سمعت كلامكم رديت الغرفه الحين مب هذا المهم ، المهم انك تعالج الموضوع قبل لا يكبر وتدري مهره وتخسرها راشد بضيقه: اففف مب عارف اتصرف مبارك: كيف بتتصرف يوم انته مب قايل لحد واساساً ليش تاخذها وتحملها راشد: خذتها عشان اسلي نفسي لين ما تخلص مهره من فروسيتها ودراستها اما حمالها فاستوى بالغلط مبارك: وانته قاعد فالبيت ومستريح ولاهي ويا مهره صح اقولك خلص الموضوع بسرعه ترا باجر يكبر اللي في بطنها ويصير التخلي عنه صعب وكل ماله يزيد خطوره عليهم هم الاثنين خلص نفسك من هالبلشه اللي بلشت نفسك فيها قبل لا تخسر حب حياتك ترا صعب الحرمة تتحمل الكذب والخيانه من الريال والله عقب ما تعطيك الثقه ولا بتسلمك قلبها تصرف يا راشد لا تيلس واثق وايد فيها انها بتنزله ترا الحرمة بتركبها الغيره وبيركبها الحسد والكرهه والحقد ولا بتسوي شي من اللي انته قلته لها حتى قبل عرسك بيوم انته تكلمها انا انصدمت من اسلوبك وياها اونه بكون وياج محترم ببس لا تسوين مشاكل لي عطها ع راسها انته وقف لها وخلها تهابك مب ع أساس انها نزلة لك دمعتين كسرت خاطرك ترا هاي اللي نزلت لك اليوم دمعتين باجر تنزلك دموع مهره وتكسر قلبها وتتغير مهره من صوبك والفضل طبعا يعود لست الحسن والدلال وانته كيفك راشد ان ما تحركت فالموضوع تراني بسير لعمي وبقوله راشد بصدمه : لا دخيلك يا مبارك لا تسويها بحاول اني اكلمها واشوف شو صار عالموضوع مبارك بقهر: انا مادري وين مخك وين قلبك وين عيونك حد اييب لعمره بلاء حد اييب لنفسه شقى حد عنده مهره ويفكر في غيرها راشد بقهرروضيقه: قتلك غلطة يا مبارك وبعدين انا ماخذنها من سنتين مب من قريب مبارك بضيقه: المهم اتصرف فالموضوع قبل كل شي وقولي يدييدك نش واقف وشل سويج السيارة ونظارته وقال : يلا سلااام بو سنيدة وراح وخلاه بضيقته وقهره وبدى الموضوع ينكشف يا راشد المره الأولى اليازية والحين مبارك وعقب مهره وعقب الله يعين ... نش واقف وسار السياره اتصل بثريا وردت عليه بسرعه وبلهفه: هلاااااا وغلااااااا بالشيخ راشد يتنهد بضيقه: اهلين شحالج ثريا تبتسم: زينه من سمعت هالصوت راشد بضيقه مكتومه: شو سويتي بالموضوع ثريا بخبث : ولا شي لين الحين ما تحركت راشد تنهد بضيقه وبقهر قال: زين احسن بعد انتي في أي شهر الحين ثريا مستغربه أسلوبه وبفرحه قالت: يعني متقبل خبر حملي راشد بضيقه: نوعا ما يعني مب بالتمام سمعي باجر بييج ثريا بصدق وفرحه: صددددق راشد : ان شاء الله ثريا: واووووووو وناسسسسه واخيررررا بتشرفني حضرة جنابك خبر المسعده اللي عندك راشد ضاق صدره وقال: زين زين انتي فجي عني الحين وطلعي من مخي وتراج وايد ازعجتيني اليوم مسجات واتصالات بس عاد انتي ناويه تخربينها ويايه ولا شو ثريا بضحك: متعمده فديتك تراك ساير أسبوعين وشي وغالق تلفوناتك مايضرك لو حرقت تلفونك اليوم عشان تعرف المسعده ان عندك شي من وراها راشد بقهر: والله بزوالج وبطلاقج ثريا: ما يهمني مادام اني بحرق قلبها مايهمني المهم عنديً انته وبس راشد: شكلها ربيعتج غيرتج وطولة لسانج ... ثريا تلعب بشعرها: اكيد بعد شو انته تعال وبتشوفني وحده ثانيه بتعذر بتعافها حرمتك راشد يضحك: يخربيت غيرتج يعني اهون عليج تسودين حياتي ثريا : انته اللي بديت ولا انا طول عمري مسالمه راشد يتنهد: زين زين يلا برايج ... ثريا: فداعة الله وسكروا الخط ويلس في سيارة شوي يفكر ويعيد ترتيب أفكاره ... سمع اذان العشا وتنهد وسار يصلي ... اما مهرة فكانت مترترة منظر راشد مش عايبنها من صبح وهو متوتر وتعابير ويهه ماطمن وتلفوناته انا شاكة عنده شي وشي كبير بعد خاشنه عني ومبارك وملامح الجمود والجدية اللي في ويهه ماطمنت يوم زقره وقاله أبا اكلمك فضولي خلاني اروح القسم فوق واطالعهم من بلكونتيه كنت حريصة كل الحرص انهم ما ينتبهون لي ولا يفطنون لي كنت أتمنى اسمع شي يريح بالي يجتل الفضول اللي فيني مب مطمنه لراشد نهائيا حاسه فيه شي بس للأسف ماقدرت اسمع شي بس شفت ملامح الصدمه في راشد مارام ينطق بكلمه شفته يوم يتلفت جنه يخاف حد يسمع كلامهم يالس مب مرتاح نهائيا وقلبي يدق بسررعه مادري ليش قلبي مقبوض منه ومن حركاته عقب ماشفت الحوار كله بس ماقدرت اسمع شي بس ردة فعله صادمتني شو بلاه هالريال متمشكل في دوامه ولا مضارب ويا حد ولا حد مشتكي عليه افففف متى بتفصح عن اللي في بالك يا راشد يارب لطفك ورحمتك وتي العواقب سليمه… دخلت الحمام ووتسبحت وتلبست وفرشت سيادتها وصلت العشا ويلست تدعي لراشد بان يرتاح اللي في باله ويسر اموره ويقضي الله حاجته ارتاحت توها ناشه من صلاه انتبهت لفتحت الباب ودخول راشد لها ببتسامه عكس اللي في قلبه بادلته الابتسامه ولفت سيادتها بترفعها فوق التسريحة تفاجات يحضنها من ورى حساسها ما خاب فيه شي لفت عليه وحضنته: حبيبي شفيك والله مب مرتاحه راشد تفاجاً من كلمة حبيبي اللي حركت مشاعره وقال ببحه: اااه محلى الكلمه اللي نطقتي بها مهره تبتسم وهي في حضنه وقالت بهمس: شفيك حبيبي والله احاتيك تكلم قول لا تخليني مشغولة البال راشد بحب تنهد تنهيدة طويله وقال بصدق: عسى الله يطيب الفال يا قلبي ويسر الأمور مهره قلبها يدق: من قبل انا قايله ان فيك شي بس انته الله يهديك ما تتكلم غموضك هذا وين بيوديك ماعرف راشد تنهد وهو يسير صوب الكبت ويطلع ملابسه ويحطهن في شنطه: الظاهر يا حبيبتي بيوديني ورى الشمس مهره بتردد وخوف : وين بتروح ؟؟ راشد وده يبكي في حضنها ويطلب منها سماح لف عليها شاف الخوف في عيونها هذا اللي كنت خايف منه يا مهره اشوف ضعفج جدامي ولا اقدر اسوي شي مهرة تتقرب منه: حبيبي وين ساير في هاليل فيك شي صار شي راشد تكفى لا تخوفني ترا اعصابي فالته ما تمت فيني أعصاب راشد يسكر شنطه ويتجنب ييشوف عيونها: حبيبي عندي شغل ضروري اخلصه هاليومين مهره بخوف وربكة بانت في صوتها: شغل اخر الليل راشد حبيبي جان عندك مشكلة قولي ترا انا وكل ما املك فدوى لك .. راشد حضنها وهو يحس انه قاعد يخسرها وخايف من هالشعور اللي يراوده والخبر بسرعه انتشر ع الله ماتدرين يا مهره من غيري لين ماشوف حل لهذي المصيبه قبل لا يطيح الفاس بالراس باسها بعمق وهو يحس انه مخنوق مهره لفت عليه وباسته ع خده وبهمس قالت: يحفظك الله غناتي ... قلبي وياگ طمني عليك .. راشد يبتسم وهو خلاص العبره واصله حدها ويحس ان دموعه تهدد بنزول قال بصدق: فديت قلبج مدامه ويايه انا بالف خير وخير بس مهرة وعديني ان طال زمن ولا قصر وعرفتى شي اباج تعرفين شي واحد انه قلبي لج وبسسس وعن غيرج تسكر وخذيها مني انا ولا تاخذينها من غيري لان الغير مايبا لنا غير العثره والدثره ولا انا بدونج ترا مالي حياة ولا اعتبر نفسي من اعداد الحيين فهمتي كلامي مهره بخوف وفي عيونها لمعة من الدموع تهدد بنزول: يالله عسى ما تنكتب لي حياه بدونك اذا بفكر اخليك شهق راشد وحط ايده على شفايفها وقال: اوشششششش لا اسمعج تدعين على عمرج حبي تكفييين ترا حياتج هي حياتي لا تدعين على عمرج عشان ما اشقى انا دعيلي بالخير ... مهره ودموعها طيح: قتلك يا راشد مالي حياة من بعدگ وخذها مني لا حياة لي بدون حبگ فهمت ... راشد يمسح دموعها وطاحت دمعته غصبن عنه وقال: فديت مدامع عينج انا لا تنزلينهن على كل شي دموعج الماس وداماس بعد وغاليات وااااااايد عليه فوق ماتتصورييين بس انا شوي تعبان ومضغوط وعندي مشاكل فالدوام ومن عرفوا انى رديت من السفر وهم ما وقفوا اتصالاتهم ومسجاتهم عشان اباشر دوامي ولازم اروح لهم حبيبي عشان اشوف الشغل كيف ماشي مهره تمسح دموعها: بس اكيد انته بخير مافيك شي محد يهددك محد يطلب منك شي راشد تنهد ومصها على رقبتها بحب وقال: بشتاق لج وبشتاق للحب وياج ماعليج ان شاء الله انا بخير انتى ردي عليه يوم اتصل بج ترانى بولهه عليج وايد .... مهره بحب: اكيد حبيبي انته من تطلع كلمني لين توصل بوظبي عشان ااطمن عليك يا قلبي راشد يبوس خدها وعضها بخفيف وقال: ان شاء الله ما طلبتي ... مهره تحاول تريح عمرها: استودعتك الله غناتي راشد ماوده يفارقها يحس بعدها عنه عذاب وده ينهي هالمهزله جنه يالس في لعبه قال بصدق وحب: ومن قال يارب طلع ولف مره ثانيه على مهره وقال: مهره مهره اللي طالعه بعيونها ودها يقول شي سمعته يقول: قلبي بين ايديج امانه لا تفرطين فيه هزت راسها بالإيجاب وهي تبكي بصمت مب عارفه شو فيه خايفه عليه وايد من غدر الزمان وغدر الليالي خايف عليه من كل شي ... مهره تقوي من نفسها وهي تقول يارب تيسرها علينا وتلطف بحالنا تونا رادين البارحة من السفر ما وحى لنا نستانس مع بعض الله يسر لك كل امر عسير يارب نظر عيني انتبهت لتلفونها يرن وربعت تشله شافت رقمه وردت: هلا بنظر عيني راشد بحب وصدق وخوف: اهلين بلي سالبه قلبي وروحي وعقلي من مكانهم مهره تحنحن: الله لا يمتحني فيك ولا يختبر غلاتك في قلبي يا بعدهم ... راشد حس بخنقه ونفسه ضاق فتح الدريشه وقال: فديتتت روحج يارب والله يخليج لي طول العمر يا حبي ولا يحرمني منج ولا يحرمني من عقلج ورزانته وهدوء افكارج ... مهره تبتسم: ولا يحرمني من حنيتگ وحنانگ ودفء صدرگ ... راشد بحب وهو يتنهد: مهره خاطري اقولج شي اباج تعرفينه مني مب من غيري بس صدقيني يوم بي وقته.. مهره تحاول تخفف عنه وهي بروحها خايفه: قول حبيبي قبل قلت لك ما بتخلى عنك راشد بحب: أتمنى يا مهره والله أتمنى انج ما تبعدين عني مهره تتنهد: تراني قلت لكً قولي وبفهمك بس انته الله يهديك ما تبا تقول راشد بصدق: مب مستعد اخسرج بس بقولج شي وحطيها في بالج كل انسان في حياته معرض لمواقف واغلاط تجبره على أشياء هو ما يباها ولا فكر حتى فيها حتى الندم بعد ارتكاب هالاخطاء والافعال يصبح صعب ويتم الانسان محتار ما يعرف شو يسوي بس كل اللي يعرفه انه ما يبا يخسر حب حياته مهره فهمت عليه وقالت: تلمح لشوه يا قلبي تراني فهمت من كلامك بعض الأشياء وقلت لك ما دامك شاريني انا شارتنك ومدامك تباني انا اباك اغلاطك الماضيه ماتهمني كل انسان يغلط حبيبي نحن بشر مب ملايكه منزلين من السماء ولا معصومين من اغلاطنا وافعالنا وين المشكله يوم الواحد يعرف انه غلط ويعترف بغلطه راشدً يتنهد: بس غلطيه ما ينغفر يا قلبي بسبب هالغلطة عادي اخسرج الى الابد مهره تريح قلبه: مش انته اللي تحكم اذا كان غلطك بيخليك تخسرني ولالا انا اللي احكم لاني انا اشوف الحب واشوف مكانتي في عيونك وشو يعني جرمك اللي سويته يستاهل اني اتخلى عنك ترا الله يغفر ذنب عباده مهما بلغ من ذنوب ومهما عصى وسوا وفجر وبالاخير رد لربه وتاب يتوب الله عليه ليش انته تحكم عليه اني انا بخليك عشان غلطة فالماضي صحيح اني ماعرف شو عندك ولا شو وراك بس اللي متاكدة منه اشوف الحب في عيونك وهذا يكفيني راشد اللي بدى يرتاح شوي من كلامها: مهما كانت غلطتيه ومهما كان عذري يا غناتي متاكده انج مابتخليني مهره بتاكيد: متاكده اني ما بخليك انا مهره والمهره ما تهاب غدر الليالي وسود الأيام مهما كان راشد: وغدر الحبيب ينغفر ؟ مهره: على حسب الغدر عاد اذا كان ينغفر ولالا ، ليش ذنبك الوحيد ما ينغفر يعني راشد حبيبي انا مسامحتنك ع كل شي سويته وانا ماعرفه بس تكفى اطلع من هالجو اللي انته فيه خلاص انا بديت اتعب وأفكار تروح وتيبني خايفه عليك ودي اعرف شو فيك وانته ما تبا تنطق راشد بحب: احبج واموت عليج وانتي كل شي حلو لي في هالدنيا. وانتي أساس حياتي مهره بحب: لو انه قلبي مقبوض من كلامك واحسك تلمح لشي اعترف لي راشد من كلمك مبارك وانا حاسه كيانك مجلوب راشد يتنهد: كيف ما ينجلب كياني وانا بعيد عنج كيف ما ينجلب كياني وانا ماعرف شو بيصير فيني لو تخليني وشو بيصير فيج لو دريتي مهره تتنهد: راشد انا وعدتك ما بيصير غير اللي الله كاتبنه وخلاص لا تعذب عمرك اكثر من جي تطمن ريح قلبك وعيونك مالي في حب غيرك امل ولا لي بعدك حبيب فهمت راشد يبتسم: احبببببج وامووووووووت علييييج غناتي مهره تبتسم: ربي يحفظك بحفظه الغالي ويتاقي عليك راشد بحب: زين غناتى انا وصلت بيت اليازيه بنزل الحين عشان الصبح اروح الدوام مهره تتنهد: الله يحفظك غناتى راشد : تصبحين ع خير غناتي مهره: وانته من اهل الخير فديتك رقاد العافيه راشد ينزل من سياره: يعافيج يا قلبي مهره: في حفظ الله مع سلامه راشد ينزل الشنطه ويشوف الشقه والعماره وتنهد تنهيدة طويله وقال: كيف برقد ليله وانا بعيد عن حضنج مهره تبتسم بصدق : ان شاء الله شده وتعدي وتفتك من مشكلتك وارجع لحضني ضحك بحب وهو يدخل العماره ويقفل السياره بالريموت وقال وهو يرقى الدري: اه ماودي اسكرررر يا روحي مهره تضحك: حاول حبيبي بعد مجبور تراك عالسيرة عشان الدوام راشد يوصل عند باب الشقه وقال بحب: الله يصبرني بس ويقدرني الليله ع بعدج مهره تضحك: ههههه فديت عينك ربي يحفظك راشد يدقً الجرس: الله يحفظج ي روحي ... وسكروا الخط تتهد راشد وهو يشوف الباب يتبطل وانصدمت بوجوده وحضنته بحب: فدييييتك ما صبرت عنى صح راشد يبعد عنها ويدخل : مب قدام الناس يا الهبله وبعدين انتى شو مسويه بنفسج بسم الله الرحمن الرحيم ثريا بصدمه: ليششش مب حلو راشد بضحك: ههههه طبعا. مب حلو قاصه شعرج وصابغتنه اشقر وليش مسمره عمرج اكيد مسويه تان صح ثريا تضحك: هي بس خفيف بس طالعه حلوه صح حبيبي راشد يسحبها عند المرايه: في ذمتج هذي صورة حرمة تاملي نفسج شويه وين الحلاه فالموضوع لو انتي حنطيه او قمحيه بقول اوك اللون بيناسبج بس انتى مسمره نفسج بزياده بالتان فطالع شكلج مب حلو راشد يضحك: ههههه ياربي منكن يا الحريم الغيرة وين وصلتكن كل وحده تبا تستوي جميله ترا اللي محلنه ربه ومجملنه ما يباله هالخرابيط اقولج لا تتبعين شور ربيعتج والله خربتج احس انى قاعد ويا واحد من شباب ثريا بصدمه واحراج هي تعرف راشد ما يجامل انحرجت منه وايد وقالت: اسفه راشد وده ينفجر ضحك بس مسك نفسه لان عورت قلبه قال بجدبه: والله سوري ع تشبيه بس جنج افلبيني متحول انصدمت من رده فعله وكلامه وقال بجديه : وايد غيرتي ملامح ويهج احس ملامحج استوت رجوليه شعر ويهج مخلتنه ماشليتيه بس مشقرتنه انتي تعرفين اني ماحب البنت اللي تكون هبله وتسوي اللي يشورون عليها ربيعاتها خليتي عمرج غبيه تربعين ورى ربيعتج انا ماحب الشعر تعرفيني قايل لج احب البنت ناعمه وطرت في باله مهره ومرت صورتها في باله غمض عيونه بحب وهو يتفداها في خاطره ويقول شو ياب اللي ياب والله ماتي عند مهره شي رد على صوتها وهي تقول: اسفه والله توقعت بيعيبك النيولوك راشد بضيقه: وععععععع يعنى في ذمتج مشقره شنبج ومخليه شعر ويهج ومغلظه حوايبج المهم عقلي انتي وبطلي حركات ربيعتج الهبله خلتج ولد ماعلينا سمعي الكلام انتي باجر تروحين صالون تغيرين نفسج سمعتي ثريا: ان شاء الله راشد تنهد وقال: انتي في أي شهر ثريا تقعد ع الكرسي وبتوتر قالت: شهرين ونص راشد عقد حوايبه وقال: كيييف شهرين ونص ثريا بتوتر: شو بعد كيف ربك المعطي راشد بعصبيه: كيف شهرين ونص وانا من ١٠ شهور ما قربتج ولا ييت عندج ولا بيني وبينج قرب كيف حملتي في هالفتره هاه. ثريا بتوتر : مادري ماعرف شدراني سال الدكتوره راشد بقهر: انزين ماعليه بشوف كيف شهربن ونص الا اذا ابوه مب انا يمكن ثريا توترت من تفكيرة ودب الخوف في قلبها وهي تسب ربيعتها ام الأفكار السوده وقالت بدلع وهي تقرب منه :خلاص حبيبي لا تعصب ارجوك اهدا وباجر بتفهم من الدكتورة كل شي راشد بعصبيه: غبي انا غبي ولا ياهل جدامج شو تشرح لي انا ماييتج من ١٠ شهور وما قربتج كيف حملتي في هالشهرين ونص فهميني ثريا بخوف: وانا شدراني باجر نروح انا وانته ونشوف شو تقول الدكتوره تنهد بضيقه وقهر وهو يطالعها بطرف عينه : مصيري بعرف وين بتوديج ربيعتج ثريا مسكت ايديها بتوتر وتمت تفكر بكلامه: حبيبي يعنى بطلقنى راشد يلعب بتلفونه: الظاهر جي ثريا بندم: لا والله توببه ماعيدها والله توبه راشد بقهر: اصبري لين باجر لا تحنين عليه قومي نامي مابا اشوفج راحت وهي ضايقه ودخلت الغرفه اما راشد فاتصل على مهره وانسدح على الكرسي: هلا بالحب مهره: اهلين فديتك مانمت راشد: لا ما اصبر عنج ما اقدر انام بعيد عنج مهره تبتسم: صليت الصبح راشد يتثاوب: لا والله الحين بصلي مهره ببتسامه: الله يفرحك حبيببي ويسر امورك الحين صوتك احسن عن مساعه راشد بهمس: لانى تاكدت انى في بعدج ماقدر أعيش وانى ما اقوى على بعدج مهره بحب: فدييييت قلبك حبيبي عسانى ماذوق حزنك ياحظي يوم تحبني هالكثر راشد ببتسامه : واكثرررر والله يا قلبي فوق ما تصورين غناتي مهره: علني فداك انا من قدي يوم بوسنيدة يحبني هالحب كله راشد بصدق وحب : محد احتل هالقلب غيرج مهره: بس ودي اعرف اللي بقلبك واللي مخبنه عني راشد حس بحركه وراه وشاف ثريا يايه وبهمس قال: بكلمج بعدين باي حبي وسكر الخط ثريا تقرب منه وبغيره: تكلمها صح راشد طالعها بطرف عينه وقال: وانتي شو يخصصصج ثريا بقهر: شو اللي شو يخصني اليوم لي ماشبعت منها يعني انته راشد يرفع حوايبه : لا ما شبعت منها وانتي تعرفين اني الليله ياي عشان افصل الموضوع بنفسي واشوف شو اقدر اسوي ثريا بقهر وضيقه تهز ريولها بتوتر وتلعن ربيعتها اللي قصت عليها بنيولوك هذا وبتموت غيره من حب راشد لبنت عمه شافته قام ساير صوب الحجرة دخلت وراه شافته ساير الحمام دخل توضى وطلع وفرش سيادته وصلى ولف عليها وقال: وعيني قبل موعدج بساعه او نص ساعه عشان نتجهز ونروح الموعد هزت راسها بحب وقعدت عداله على الشبريه سمعت صوته: قومي سيري الغرفه الثانيه اليوم ماباج لين ماعرف كل شي من دكتوره تنهدت بضيق وبقهر قالت: انتتت شفيككك اليوم متضايق وزعلان راشد يطالعها بطرف عينه: يعني ما تبين تقومين قامت عنه وهي متضايقه وعارفه انها لو تمت ويا ربيعتها بتخسر راشد قررت انها تغير من نفسها حباً وكرامة وتبعد عن ربيعتها .طلعت عنه وسكرت الباب وراحت الحجرة الثانية عنه ترقد هناك ... |
البارت السادس والسابع والثامن
ما شاء الله عليك ابداع يا حبنا لك ولكتابتك جميله يا جميله رجع لنا ابداع من جديد البارت السادس والسابع والثامن كل بارت يقول شو زين وفن في كتابتنا مميزه دجي انتي ابداع وتميز |
البارت التاسع
: في بيت بو سعيد لطوف تكلم مايد عالتلفون: خلاص والله توبببه قلت مايد بقهر وضيقه: ليش ما تقولين لي شو السبب اللي منعج عني مب قبل كانت تلفونات ما تتوقف بيني وبينج الا من خطبتج قمتي ما دقين لطوف بضيقه: بصراحه خفت تأخذ فكره غلط عني وتنهدت بضيق نفس حمد ولد عمي مايد هدأ شوي وقال : حمد ليش شو صار بينج وبين حمد لطوف تصرط ريجها: مايدً اظن انته اكثر واحد تعرفني زين وتعرف تتنيحتيه هذاك اليوم كنا قاعدين ويا اخواني في الحوش وكان حمد عندنا وكنت اطالعهم وعقب حمد كان يرمس وانا اطالعه جان اتنح فيه عقب فهمني غلط وقال لي انتي رخيصه مايد بعصبيه قال:شووووووو هالرمسسسسه يا لطيفه قص الله لسان اللي يقول عنج جي خقاق ولد عمج يتحسبج ميته عليه مادرى ان قلبج اصفى من الماي اللي يشربه وان خاطرج مافيه شي لطوف بغصه تنهدت: عشان جي بعدت عنك قلت اذا حمد قال عني جي مايد شو بيقول يوم انا كل يوم ارمسه مايد بحب وصدق: مايد غير عنهم كلهم فهمتي ولالا مايد مايدنس عرضه وشرفه ولا يتكلم على هله لطوف انتي ينيتي ارمس عنج مينونه انتي حد يرمس عن عمره وعن هله لطيفه بضيق وهي تذكر نظرات حمد : بعد ربك شو اسوي انجبرت ابتعد عنه وعنك خفت الكل يفهمني جيه مااحيد عمري رخيصه ولا حيد عمري فاره نفسي على حد اكثر واحد كنت اشكي له كل شي في خاطري انته وانته اكثر واحد فاهمني وعارفني . مايد ينسدح ع الشبريه: فديت قلبج حبيبي انزين جان قلتي لي من قبل ليش تقطعين فجاه عني لطيفه بضيق وتتنهد: والله مادري حسيت عمري اسوي شي غلط وبعدين الموضوع تراه كبر وصل لين سعيد وتهاد هو وحمد بسبب نظرتيه سعيد عباله ان حمد معشمني بحب وزواج مايدرون ان طبعي جي محد يعرف اني انا جي اسلوبي خفت لو استمريت وياك يتحسبون ان بيني وبينك شي فهمت الحين ليش انا بعد عنك هذيج الفتره مايد بحب وضيق: فديت قلبج كل هذا صار فيج وانا مادري وانا أقول يا ربي بلاها قطعت فجأه والله العظيم انى قلت الحين لطوف لقت حب يديد وشبكت وياه. ضحكت لطوف بالم وقالت: طالعوا التفكير وين ؟؟! ليش الغالي تفكر جي ان كان في حد ترا محد احق منك حبيبي وعظت شفايفها لانها طلعت بالغلط وانحرجت من مايد مايد يضحك : احللىىىىىىىىىى يا جميييل فدييييييت الاغلاط انا الله يكثر من اغلاط قلبج يا قلبي لطيفه باحراج ساكته تنهدت بصوت مسموع ومايد قال بحب : انتي مب رخيصة لا تحطين شي هذا في بالج فديتج وانا اكثر واحد يعرفج ويحبج ويعرف شخصيتج ويحس بج لا تعبين قلبج غناتي الحين الكل يعرف ان انا وانتي مخطوبين لبعض فرجاءً خلج مثل قبل وأكثر محد يدخل فيج واللي بيتكلم عنج عطيني خبر انتي بس وشوفي شو بيصير . لطوف تنهد وببتسامه قالت : ادري انك تقدر تسوي كل شي.ومحد يقدر يوقف في ويهك بس بصراحه انا وسكتت مايد عدل قعدته على الشبريه وقاال: انتي شو حبيبي لطيفه مب عارفه شو تقول له انا اجاملك وماحس باي شي صوبك ولا تقوله انا احب حمد تنهدت بضيقه وسمعت مايد يقول: حبيبي فيج شي لطوف تنهدت وقالت بصدق:ًخايفة واللهً بس هذا اللي كنت بقوله مايد: خايفه من حبي لج لا تخافين مني حبيبي ما راح اضرج غناتى تعرفين اني احبج واموت عليج . لطوف اكتفت بتنهيده وهى عارفه بان مايد ومشاعره واحاسيسه لها بس هي ومشاعرها وواحاسيسها لحمد كيف تحولها لمايد ما تعرف رغم التجريح اللي شافته من حمد لين الحين مب قادره تمسح حبه من قلبها. مايد بحب: هممم الحلو بلاه ساكت لطوف: الله يسعدك يا الغالي على قد ما تسعدني وتخفف عني فديتك مايد بصدق وهو يضحك: محد اغلى عنج والله العظيم يا روح روحي ومناها لطوف تبتسم : قرب يوم الخميس مايد بحب: هي اليوم الموعود وترا مابخليج في حالج بنام في حضنج لطوف بصدمه : عادي ادريبك تسويها ما استبعد منك شي وضحكت مايد يضحك : انزين ليش في مانع ما اعتقد في شي بيحيل بيني وبينج ع كيفي اسوي اللي اباه وياج لطوف تبتسم: هههههه ادريبك والله تسويها وتنام في حضني وفي حجرتي بعد مايد بصدق وحب: بتشوفين بعد بيباركون لي بعد بدخله لطوف انحرجت وقالت: عاد انته شي مستحيل دخله في الملجة بعدين بتخليني لمنوه مايد : يالغبيه كيف اخليج لمنوه لقلبي بعد لمنوه لا تحسبين اني من الشباب اللي يدخل ويطلق هي اصحي لطوووف تراني عاشق عيونج وتراب اللي توطينه لا تفكرين اني مثل باقي الشباب ابتسمت لطوف وهي تقول: يوم بتدخل ليش تتريا العرس ماله لازم العرس مايد يضحك وقال: فديتج حبيبي خليني على كيفي. ضحكت لطوف وبضيق قالت: اه منكم انتوا يا الشباب ينخاف منكم مايد. يطلع من غرفته: لا والله حبيبي اصبوع ايديج هب سوى مب كلنا نفس شي ضحكت لطوف وهي تذكر مهره وراشد وقالت ؛هي صح صدقك راشد بعد نفس شي غير بالنسبة مهره له ترا انتوا الوافيين تنعدون مثلا انته واحد منهم وراشد بس اللي يخونون وايدين يا مايد مايد يقعد في صاله: اتفق وياج حبي في هالنقطه اللي قلتيها بس بعد البنات نفس الشيء يخونن وايد فديتج وهن اللي يحدن ريالهن على الخيانه واللي ماليه عين ريلها سار الله يحفظه ورد مرحبا به ما بيدور غيرها . لطوف تتنهد: صادق والله الله يهدي الجميع ان شاء الله وتموا يسولفون مع بعض .... نروح مكان اخر .... عند عهود والعنود يالسات يتشرن ويزهبن حق الملجة العنود: ليش نشتري كل هالاغراض وهم ما بيسون حفله الا ملجة فالمحكمة عهود: تراج بتيلسين عند ريلج اجباري العنود بضيقه: الله وريل الا سعود ولد خالتيه عهود بصدمه : انتي ليش تتكلمين عنه بها طريقه العنود بضيقه: تعرفين ماحبه ولا ادانيه تدرين انتي من قبل ان قلبي مب له عهود: وتفتكرين ان بطي بيحبج ولا بيموت عليج ترا بطي مافي خاطره حد العنود تتنهد: وانتي شدراج عهودً بضيقة: يعني امه وودوم اخته لو يعرفون انه يباج بيخلونج تروحين لسعيد فكري شوي العنود: ماحبه انزين شو اسوي عهود : ليش ما رفضتي العنود: مايد وعبدالله خلوا لي مجال كل شي صار قدامج عهود بضيقه: بس تراه ماينفع اللي قاعده تسوينه غلط العنود: يعني عهود: هذي عيشه طول العمر مب يوم ولا يومين ما تبينه رفضيه بس لا تغربلين الولد وياج العنود: انزين في المحكمة برفضه وبقول للقاضي اني مجبورة عهود تشهق: مينونه انتي يا الغبيه لا تفضحينا تراج بتسوين مشاكل انتي ليش ما تكلمين سالم يكلم سعيد تعرفين ان سالم الوحيد من اخواني متفهم . العنود تنهدت براحه: وهذا اللي بيصير عهود تعكر مزاجها وخذت إكسسوارات بسرعه وطلعن من المول وصلن البيت وكل وحده سارت غرفتها الا العنود توجهت الي غرفة سالم دقت الباب بعد ما سمعت اذن الدخول وقعدت مجابل سالم اللي قاعد عالطاولة وحاط سبيكر ويشرب كوفي وهو يقول: يا ريال في ذمتك بطي يضحك: والله العظيم يا سالم ما تمصخر سالم بصدق: وكلمت سلامه خالتك ولالا بطي بضيق: لا ما ردت ع تلفونها بتصل بالطوف اكيد بلقاها عندها سالم يضحك : بطي لطوف تلفونها بتلقاه مشغول من كثر ما تكلم ويا الحب بطي يضحك: ههههههههههه هي عاد ما صدق اخوك فديت لطوف يوم هي حظه ونصيبه سالم يضحك: ههههههه تخيل يسمعك مايد بطي : ويسمع عاد كله ولا لطوف عندي غير محد يسواها لا هي ولا خوانها سالم بصدق: والله ان صدقك ي بطي عيال خالتيه غير فديتهم الله يحفظهم بطي يتنهد: امين يارب الا تعال صدق قولي علوم معاريسنا نايف وسعيد مرتاحين ولالا سالم تنهد: والله نايف مرتاح ومبسط اما سعيد صراحة العنود اللي رفضت شوفته والقعده وياه فشلتنا بطي باستغراب: ليش لا يكون ما تباه سالم بشك وعقب تذكر وجود العنود قال بربكه: انتي هنيه وانا ناسي وجودج العنود بوناسه وهى تسمع صوت بطي: لازم بتنسى وجودي ما دامك تكلم بطي سالم عقد حوايبه وبطي قال: يمكن اختك ما تباه عشان جي رافضه تقعد وياه العنود تهز راسها بتاييد ع كلام بطي وقال سالم: ليش ما تبينه العنود: مادري مافي سبب معين بس مب مرتاحه قول لولد خالتك هالرمسة وانته تعرف انى انجبرت من عبدالله ومايد . سالم يتنهد: شفت يا بطي سمعت مابقى شي ع الملجة وحضرت عنود تقول ما تباه الحين بطي بقهر: وليش ان شاء الله سعيد الف من يتمناه اختك بطرانه سالم: هي والله شو أقول لريال اختى ما تباك بطي تنهد: هي نعم اتصله وقوله ولا يبتلي بختك وعقب يذوق العذاب أصناف والوان . العنود انصدمت من بطي عبالها يحبها وقالت بضيقه: خلاص سالم لا تكلم سعيد ولا تقوله برايه بحاول اتاقلم وياه بطي بعصبيه وقهر: لعب عيال هو ولا شو تتحسبه اختك.. العنود بضيقه طالع سالم: شبلاه عصب نسيبكم سالم: من سواتج العنود : شو اسوي انزين مابا سعيد وطلعت . بطي بقهر: سالم خبر سعيد افضل باقي ترا الا يومين لا تفشلون عماركم في المحكمة عقب الكل بيرمس عنكم انهوا الموضوع اليوم سالم يتنهد: بكلمه والله الا ماقلت لي شو كندا حلوه بطي يضحك: محلنها ربها وابويه فديته سالم تكلم بضيق وقال: ما تتواصل ويا نسيبك حمدان بطي يضحك: هههههه والله يوميا ما نقطع بعض بعد ولد اخوك مولع بودوم سالم تنهد بضيق ما يبا بطي يحس بهمومه قال: هي والله الله يسعدهم يارب بطي حس ان سالم في شي وقال: انته ما تتواصل ويا ولد اخوك سالم: ما كلمته والله من فترة بس المفروض اسال لان حمدان ما يقصر ويانا فديته بطي : اخوك يابر ساكن في دبي عدالكم ما تروم تروح له ولا بينكم شي سالم بصدق: لا والله ما بينا شي وانته تدري يابر اخونا العود محد يرد له طلب حتى لو مب من بطن وحده �� ملاحظة: يابر اخو سالم وعبدالله ومايد والعنود وعهود والريم من الاب يعني أبو مايد عنده حرمتين الأولى ام يابر وحياب وماعندها بنات وثانيه لطيفه اخت ام سعيد ،(لطيفة عندها مايد وعبدالله وسالم والعنود وعهود والريم) اما ام يابر فاطمه عندها( يابر وحياب بس ، يابر عمره ٤٧ وحرمته منيرة عمرها ٤٥ وعنده حمدان وحميد ومحمد وناعمه ، حمدان عمره ٢٣ سنه كبر بطي وماخذ ودوم بنت اليازية ، حميد عمره ٣٠ مب معرس ، محمد عمره ٣٥ مب معرس، نعوم عمرها ٢٢سنه مب معرسه .) يابر يستوي اخو شهاب برضاعه عشان جي حمدان يستوي ولد عم ودوم بس بالرضاعه ... وبذلك يستون عايله بومايد وبوبطي نسايب ��... اما حياب بعده لا تزوج ولا شي عمره ٤٢ سنه ، نرجع لمحور حديثنا ... بطي يتنهد: اشوى اتحسب بعد سالم : لا فديتك اخونا العود هذا محد يقوله شي ورمسته تمشي على الكبير قبل الصغير بطي يبتسم : تمام عيل الغالي برايك فديتك بشوف لطوف جان بترد . سالم يضحك: ههههه اوك تمام الغالي الله يحفظك وسكروا الخط .. واتصل سالم بسعيد عقب رنه رابعه رد عليه: مرحبا الساع سالم يبتسم: المرحب لا هان الغالي كيف الحال سعيد: طيبه ولله الحمد ومن صوبكم سالم تنهد بضيق وقال: ما تسرررك والله يا الغالي سعيد بصدمه:افا ليش عسى ماشر شو صاير ؟ سالم تنهد بضيق وقال: علوم ما تبيض الويه فديتك سعيد : افا والله يا ذا العلم قول شو مستوي شوفيكم سالم: بصراحه مالي ويهه اشوفك ولا أتكلم وياك بس يا سعيد انجبرت اخبرك ماباك باجر تندم سعيد بضيقه: خير عسى ماشر شو مستوي قول الغالي اسمعگ.. سالم تنهد بعد ما خذ شهيق طويل وزفره قال: العنود ما تباگ سعيد من صدمه سكت وماعرف شو يقول سمع سالم يقول: يتني مضايقه ماتباك تقول ان عبدالله ومايد جبروها عليك وهي تحاول تغصب نفسها عليك بس ماقدرت ويتني الحين وقالت لي هالرمسه بس قطع كلامه سعيد بضيقه وقهر وقال: ماعليه يا سالم لا تقول شي الحين انا شو بيدي اسوي الملجة عقب يومين وهي جهزت نفسها وانا جهزت نفسي كيف الحين أقول انا ماباها ليش هي من قبل يوم تحيد عمرها ما تباني ومجبوره جان يت وتكلمت وياك وقالت لك جان قدرنا نتصرف اما الحين عقب ما خلصنا اشغالنا والعرب كلها تعرف انى خاطب اختك شو بيقولون عني لو قلت انى ماباها شو بيقولون عني العرب المفروض هي اللي تبدا لانها هي صاحبة الشأن وخل عقب الكل يعرف ان منها مب مني وبضيق قال: الله المستعان سالم تنهد بضيقه وقال:والله بروحي متلوم منك يا سعيد مب عارف شو اقولك سعيد تنهد وقال: اذا هي ما تباني ترفض فالمحكمة اما انا ما برفض عشان ما تي العيبه مني والعرب يرمسون عني ... لكن لا تلوموني على اللي بسويه ولا تنصدمون مني تبا تبلغ اختك بلغها ان ما تي المحكمة لان في راسي شي بسويه ان يت المحكمة تراها بتشوف شي ما يعيبها وبتنصدم مني لكن سمعني سالم مابا حد يعرف انك قلت لي خلهم على عمااهم وانا بتصدى للكل يوم الخميس ولكم عين تنظر وتشوف شو بسوي .. سالم باحراج: سمحلنا الغالي كدرنا خاطرك سعيد ينهي المكالمة: حصل خير الله يحفظك ... وسكروا الخط ... وسالم قرر يسكت وما يتكلم لان ما فهم على سعيد وايد يحس كلامه الغاز .... |
حبيبتي ضاميييه فديتتتج من ذووقج اسعدتي كلامج والله وافرحتيني كثييير صراحه
|
البارت العاشر
: بيت بومحمد ( يابر) ودوم يالسه تاكل بطاط وطالع التي في انفج الباب وشافت حمدان داخل عليها قرب منها وحضنها وهو يقول: افدىىى بطتي الحلوه ج ودوم بحيا وهي تأكله بطاط: افداك حبيبي حمدان ياكل البطاط من ايدها ويبوس صبوعها وقال بحب: متي دلوعة ابوها تي ودوم تضحك وهي تعدل شعرها قالت: قريب ان شاء الله حمدان يتمعن في ودوم ويبوس خدودها قال: اعشششقج أبا بنتي تشبهج ودوم تضحك باحراج وحمدان يلعب بشعرها وقال: محلى اللون النحاسي عليج يناسبج وايد طالعه كيوووت .. ودوم بحب: فديت عيونك اللي تشوف كل شي حلو يا قلبي.. حمدان مسك ايدين ودوم وقال: تبينا نروح بوظبي عند امج ودوم: متى حمدان : هاليومين نغير جووو ودوم بوناسه: واوووو حلو والله اوك غناتى تمام موافقة . حمدان يبوسها ع طرف شفاتها: افداهم انا الحلوين انحرجت ودوم منه وقال حمدان وهو يحضنها: عادي ارتوي منج على راحتى ودوم اللي انحرجت صدق من كلامه واستحت منه وغطت ويهها بالمخده عشان مايشوف مستحاها سحب المخده وباسها قوووو ع خدها وعلى شفاتها ومصهن بالقو ودوم تتاوه من بوساته وعذاب حبه وختمهاا بمصه في رقبتتتها خلى رقبتها كله مصصصص ودوم تبادله الحب باحساس ومشاعر صادقه ... في بيت بو سعيد ... سعيد كان مقهور شو هالتصرف الطفولي والغير عقلاني في حد الحين يجبر خواته وفيه حد الحين يسوي هالسواة تنهد بضيق وقال في خاطره اكلم خالتيه وايد احسن أتصل بخالته وشوي وردت عليه: مرحبا بو عسكور سعيد بضيقه: مرحبتين كيف الحال ي خالتيه خالته: بخير ونعمه فديتك انته شحالك وربك بخير سعيد: بنعمه ولله الحمد بس لي طلب عندج خالته تعدل البرقع: امرر فديتك سعيد يضحك: ههههههه قولي تم اول خالته تضحك من ضحكه وقالت: تممم مرره بلي تباه فالك طيب سعيد يتحنحن وقال: أبا اخطب الريم خالته بصدمه قالت: شوووو الريم كيف والعنود سعيد يضحك وقال بنذاله: والله بنتج ماتبانى سايره صيح عند اخوها وتقول انها مجبورة اونه عبدالله ومايد جابرينها بس انا عاد أبا املج ويا اخوانى فأنا أبا الريم ومابا حد يعرف حتى العنود نفسها ماباها تعرف انى خطبت اختها وصل العلم يا خالتيه.. خالته مصدومه وقالت: والله يا بويه يا سعيد كيف جي انا ماعرف حتى شو أقول اتعذر لك بلي سوته العنود مب عارفه روحي شو أقول ولا كيف اتصرف ... سعيد بنذاله وده يرد صاع صاعين: انا اقولج شو تسوين تروحين عند الريم وتكلمينها بالموضوع اللي صار وان وافقت رفعي سماعة تلفون وكلميني وشرط لا تقولين لحد نهائيا حتى العنود يوم بتون المحكمة وبندخل عالقاضي وترفض العنود تطلع هي وتدخل الريم ولا تقولين لاي بني ادم الموضوع خالته تنهد: انزين والفحص لازم تبا فحص سعيد: باجر الصبح سيري بها العياده وقولي لهم فحص زواج واستعيليهم خالتيه فديتج ماشي وقت خالته: انزين وان سالونى ليش الريم سايره ويانا المحكمة سعيد بصدق: قولي انها تبا سوق عقب المحكمة وانتى ما ترومين تردين البيت مره ثانيه وخلي الباقي عليه .. خالته تنهد : زين بسير اكلمها وظهرت من حجرتها تبا حجرة الريم سعيد يبتسم بانتصار : فداعه الله ... وسكروا الخط ... عند الريم كانت يالسه ترتب غرفتها وسيديهات والكتب وطلع الأشياء الجديمه اللي ما تباها انتبهت على دخول أمها ابتسمت وهي تنش تبوس راسها : حي الله من نور غرفتي أمها تبتسم بضيق: تحييا وتدوم بنت عبيد الريم تقعد قربها وعلى ويهها ابتسامه: امري الغاليه فقدتيينيً هاليومين ما انزل تحت صح أمها تبتسم بضيق وبصدق: والله ماعرف شو اقولج الريم ممكن تسمعيني زين الريم بأنتباه : امريني الغاليه وعطتها وضعية الجديه وسمعت أمها تقول: باجر من االصبح جهزي عمرج بنروح نسوي فحص الريم باستغراب: فحص شو ؟! أمها تنهدت وقالت السالفه كلها لريم والريم مصدومه وقالت بحذر: والعنود ماتعرف ان سعيد خطبني أمها: هو مايبا حد يعرف من سواة اختج اللي ما تبيض الويه وسواة اخوانج عبدالله ومايد اللي جبروها عالموافقة عشان جي ما يبا حد يعرف ويبا يعرف انتي بتوافقين برضاج ولالا... الريم بضيق: كيف امايه اطعن اختيه يوم الخميس ملجتها وتتفاجأ اني انا بدالها ما تدخل مخي امايه تراها بتستوي حساسيه بيني وبينها ويمكن توصل للقطاعه.. أمها بضيق: شوفي الريم انا ولد خالتج ماقدر ارده وانتي تعرفين غلاتهم كيف عندي ومب هو اللي رافضنها هي اللي رافضتنه حق شو بعد تزعل والريال ما غلط عليها عزة عليه نفسه وبغاج انتي تكونين حليلته ما قال والله بدور لي حرمه تراه عنده بنت عم بس هو شاريكن انتن بنات خالته مايبا من اهل ابوه الريم تنهد: بصلي استخارة وبرد عليج يا اميييه أمها: بنتي ماشي وقت ترى باجر الأربعاء ورى باجر موعد المحكمة الريم تتنهد: الخيره في كتبة ربي أمها: مابا حد يدري يا بنتي ولا جنس مخلوق يعرف لين. ما سعيد روحه يصرح بشي هذا الريم: ان شاء الله ... طلعت أمها ودخلت الريم توضت وصلت استخارة ويلست تدعي ربها وبكت غصبن عنها ما تبا زعل بينها وبين اختها بسببت هالموضوع ويلست تدعي الله وعقب نشت وكملت ترتيب غرفتها وشلت سيديات ورتبتهن رن تلفونها وتفاجات باتصال لطيفه وردت بهدوء: مرحبا والله بالطيفه سعيد يبتسم: المرحب لا هان فديت هالصوت الريم بصدمه: سعيد سعيد يبتسم ويرسل عليها من تلفونه وقال: عيونه ...ردي على تلفوني سكرت الريم وردت على رقمه سعيد يحط تلفون لطيفه على طاوله ويظهر قبل لا تي لطيفه وتشوفه وحط سماعه في اذنه على كلممة الريم وهي تقول: الو سعيد وهو يدخل غرفته ابتسم وقال: احلى الو في ذمتيه شحالج الغاليه الريم بضيق: بخير يعلك الخير انته شحالك طمني عنك سعيد يبتسم: والله انى بالف خير من سمعت هالصوت وبكون عال العال اذا يتنى الموافقه تنهدت بضيق وقالت: بسسس ... قطع سعيد كلامها وهو يقول: مابا اسمع اعذار، العنود رفضت وهذا شي يرجع لها ماريد اعرف أسبابها بس الريم انا لما اخترتج من عقب اتصال سالم وقالي عن العنود ورفضها لي .. مافكرت في حد ثاني ابدا غير فيج ... الريم انتي متضايقه ادري لانه كل شي بيستوي بالخش والدس بس انا اللي بوقف في ويههم كلهم وانا اللي بقولهم كل شي بس ودي اعرف ليش صوتج ضايق الريم بصدق: خايفه والله يصير بيني وبينها مشاكل وتتحسسس مني لاني خذيتك منها ... سعيد يبتسم: انتي ماخذيتيني انا اللي ييتج وبرضايه وانا اللي خذتج العنود كانت اختيار امايه اذا تبين صدق اما انتي فاختياري انا واعتقد يفرق صح والالا.. الريم تتنهد وبهمس قالت: صحيح كلامك عسى أكون عند حسن ظنك سعيد بصدق: الريم انتي غير ترا عنهم كلهم لا تيلسين تقولين لي فلانه احسن واخير انتي اختياري انا فهمتي وانا مسوول عن كل شي يصير لج فهمتي حتى لو كان من العنود الريم: ولو وصل الموضوع بيني وبينها لزعل وقطاعه ومدت ايدها عليه سعيد: ان مدت ايدها بيصير كلام ثاني ما يعيب حد اما عن موضوع زعلها براااايه يا سلام على شو تزعل هي ما تباني وانا صح ضايقت من رفضها لي بس عقب تذكرتج وقلت فرصه اني املج وياهم وماتدرين الخيره وين يا بنت الناس .. الريم بهدوء: لعله خير ... كل ما يكتبه ربي لي خير وانا راضيه به... سعيد يبتسم: بعدي والله الغاليه جي اباج لا تضايقين من شي فهمتي فديتج . الريم تيلس عالشبريه: ان شاء الله سعيد ما وده يسكر قال: جهزي اوراقج صوره شخصيه والهويه والجواز وباجر ان شاء الله بيي العياده وبخلص الفحص بنفسي عشان املج وياهم يوم الخميس بتم على راسهم لين يسلموني الفحص . الريم بهدوء: تامر امر الغالي ما يهمك كله بجهزه وباذن الله بتلقاني عند حسن ظنك. سعيد يبتسم بحب: محلى منطوقج يا بنت الخاله استحت الريم وسمعت تنهيدته اللي طالعه من قلبه وهو يقول: تصدقين يمكن انتي خيرتيه وقدريه اللي مكتوب حقي الله يسر الأمور يارب العالمين . الريم بصدق: امين يارب العالمين سعيد : زين الغاليه شي في خاطرج . الريم: ابداً سلامتك الغالي الله يحفظك سعيد بصدق : ومن يقول وسكروا عن بعض وبالباجر الصبح سارت الريم ويا أمها صوب العياده سوت الفحص وياهم سعيد هناك وشل أوراق الريم وصورها وجوازها وهويتها وسولف ويا خالته شوي وهو كل شوي يرفع عينه ويطالع الريم اللي قاعده على الكراسي ومارفعت عينها صوبه من كثر ما تستحي هالبنت ابتسم بحب وحس انه خيرته شي هذا اللي صار لانه قاعد يشوف نفس المواصفات اللي كان يتمناها في البنت اللي بياخذها طبع سعيد يحب البنت اللي فيها مستحى واللي ماترفع عينها على الغريب واكثر شي يجذبه لريم هدوئها وطلع عنهم وهي من سحبوا عنها الدم على طول رجعوا البيت وكانت متوترة عشان باجر بعكس أمها اللي كانت فرحانه لبنتها الريم وايد ... عند العنود وعهود ... العنود تكلم عهود : شو البس باجر مغربي ولا شو؟! عهود طالعها وطالع اغراضها: لا تلبسين شي ثقيل لبسي مخور وعقب ما تملجون شوفي شو الترتيب اللي بيكون بينكم بتون البيت بتروحون مطعم بتحوطون ولا شو ترتيبكم وعقب قرري شو بتسوين . العنود بضيقه: احس انى تسرعت يوم قلت لسالم قوله العنود ما تباگ .. عهود تشهق: قلتي له ؟! العنود بضيقه وهم: هي والله قتله عهود: وكلمه سالم ولا بعده ؟ العنود تتنهد:والله ماعرف حتى كان يرمس بطي وما كان عايبنه كلامي وتصرفي واحتشر قال مب لعب عيال هذا ومادري شو،، حسيت اني غبيه كيف وهمت نفسي بحب بطي وهو مب مفتكر فيني أصلا .. عهود بضيقه: ياخوفي سالم يكون كلمه وقاله . العنود: تتوقعين لو قاله شو بتكون رده فعله. عهود: اكيد بيضايق وتنهدت بضيق وقالت بخوف: ياخوفي يا العنود يكون سالم كلمه ساعتها ما نعرف وين نودي ويهنا من خالتنا وابوه. العنود بهم: سكتتتي ان شاء الله ما كلمه عسىىىى فال خيرررر يارب ويكون سالم نسى .. عهود تهز راسها بلا����♀️: ماظني ياختيه انه كلمه اكيد بيخبرج بيقوله العنود ما تباگ لانه لو كلمه بتلقين نايف بيخبرني وامايه بتييج محتشره واخواني بيقومون عليج... العنود بضيقه وهم وهي تفر اللبس عالشبريه: انا ليش روحت أصلا غرفة سالم ليتج قبضتيني يا عهود ليتج منعتيني ياختيه . عهود تتنهد: انا مادري والله انج سرتي اتحسبج بتاجلين الموضوع شوي. العنود بقهر وضيم وهي تهز ريولها: يارب انه نسسسسى وما كلمه يارب ... عهود تنهدت بضيق وقامت تروح غرفتها وقالت: الله كريم ويسهل اموركم �� العنود متوتره: جميعا ان شاء الله ... في بيت بو سعيد ... وفي غرفة سعيد نايف يالس عند سعيد ومستانس ويكلم الحب سكر عن عهود ولف لسعيد اللي كان حاط سماعه على اذنه ويرمس بهمس وبصوت واطي انتبه لنايف وقال: علومك بو شباب شو طالع نايف بشك وفيه ضحكة: انته منو تكلم العنود؟! سعيد يضحك وقال: هههههههههههه وانته شو يخصك اكلم اللي اكلمة . نايف : لاني تونى مسكر عن الحب والعنود عندها كانت تسولف ويانا فاستغربت الحين يوم شفتك... ضحك سعيد وتنهد بحب وقال: خلك في غيضگ وفضولگ وحرگ حوايبه لنايف ابتسم نايف وقال: ادري انك اكثر واحد تعرف مصلحتك زين واكيد عقب الملجة بتودر اللي ترمسهن وبتشبك ويا العنود . ضحك سعيد بقوو وهو يقول لنايف: ههههههههههه يصير خير ما يهمكم انتوا انا اعرف نفسي زين. ضحك نايف وقام وهو يقول: يلا باجر ورانا نشه من صبح بنسير المحكمة زهبت أوراق حرمتگ... سعيد ببتسم: كله جاهز بامر الله .. شاف نايف وهو يطلع من الغرفه سكر الباب وراه ورد بهمس على السماعه ويلس عالكرسي وقال بهدوء: انزين يا الحب انتي وبس مثل ما قلت لج لا تحاتين شي ... |
البارت الحادي عشر
: الريم بتوتر: تخيل نايف يقول لعهود . سعيد : ويقول والعافيه يعنى عبالج متروع انا تراني ريال ومحد يقدر يوقف في ويهي يا حبيبتي محد يسترجى يكلمني ويقولي شي . الريم بخوف: شو بيصير باجر يا عيوني . سعيد بحب يهمس: باجر بتصيرين رسمي لسعيد بن حمد واللي فيه خير يتكلم . الريم بهمس: واذا عارضوا خواني ووقفوا في ويهي ويهك. سعيد بقهر: خليهم يوقفون في ويهي وشوفي بنفسج شو بسوي فيهم. الريم تنهدت وقالت بصدق: شوف مايد يمكن يوم اجبرها عليك له عذره انه ما يبا يخسرك عشان لطيفة بس عبدالله صدقني مستحيل يسويها ويغصبها ماحيد عبدالله من هالنوع من الشباب الا اذا هو شاري نسبكم فهذا شي ثاني . سعيد بقهر: وحياتج باجر تشوفين شو بسوي فيهم قبل لا ادخل عالقاضي نملج. الريم تنهدت وبضيق قالت: الله يسر الأمور. سعيد بصدق: لا توترين يا قلب سعيد ولا تتضايقين صدقيني بيكون حسابهم عسير اذا فكروا يضرونج الريم لا تحاتيين شي مدامني موجود. الريم بخوف وضيق: خالتيه ما تعرف وابويه واخواني ما يعرفون انا خايفه وايد يا سعيد اجذب عليك اذا قلت لك ما افكر وما احاتي . سعيد بحب وغلا: لا تحاتين فديتج ولا تضايقين نفسج الريم انا اعرف كيف اييب راس ابوج . الريم بخوف تحاول تخفيه عن سعيد : ان شاء الله يارب ادريبك ما تقصر وبتوقف ويايه. سعيد بحب: فديت قلبج انتي يا الخوافة ماله داعي الريم الخوف يا القلب انا اعرف اتصرف ما يهمج انتي حتى لو أضطر الامر اني اشلج ويايه ما بخليج تأكدي اني وياج اول بأول في كل خطوه وانا مسؤول مسؤولية تامه عن الموضوع اوك عيوني . الريم تنهدت براحه وقالت بصدق: الله يريحك دنيا واخره شليت عني هم الله عالم به . سعيد يبتسم: فديت قلبج يارب الريم بحيا: افداگ يا القلب . سعيد يضحك: هيه من الأول المفروض تتكلمين بالكلام اللي يشرح القلب والصدر . الريم بحب وصدق: الله لا يحرمني منگ... سعيد بحب : ولا مننج تعالي بقولج ما طلع الفحص تصدقين الريم بتوتر: قول والله سعيد: والله العظيم ، بس ما عليج من الصبح انا عندهم بطلع الأوراق. الريم: واذا ما طلعن.. سعيد يبتسم: بيطلعن افا عليج يا القلب انتي وان شاء الله من اظهر برمسج . الريم توها بتتكلم انفتح الباب وشافت ابوها يسكر الباب توترت وما رامت تتكلم تمت تصرط ريجها سعيد كان يسمع نفسها المتسارع ويبين ان فيها خوف توه بيتكلم سمع صوت عمه (ريل خالته) يقول: هالريم شيخة الحريم اخبارج الغاليه الريم بخوف ترد عليه : بخير فديت ويهك قربت منه وباست راسه وقعدت عداله انته الغالي شحالك طمني عنك شو صحتك . ابوها يبتسم ويحضنها: بخير يا الغناه فديت ويهج الحلو والله وكبرتي يا الريم وباجر ان شاء الله على ذمة ولد خالتج طالعت ابوها بصدمه ونزلت راسها تحت بخوف وتوتر وقال ابوها: اطمني يا الريم ترا امج قالت لي كل السالفة وطلبت مني مادخل في موضوع العنود عشان سعيد هو اللي بينهي الموضوع بس لازم تخبرني عن موضوعج لاني أنا بملج بج مب اخوانج هذيل اللي فشلوني حسبي الله على بليسهم حضنها بحب وهو يقول: يا بخت سعيد يوم ضواج يا بنتي . حضنته براحه وباسته على راسه وقال ابوها: انا والله مادريبهم انهم جابرينها الجلاب الا من امج يوم سالم كلم سعيد وقاله ودامهم حطوا نفسهم في هالموقف يستاهلون اللي بييهم من سعيد اختج واخوانج . تنهدت براحه وغمضت عيونها وهي تقول: مب زعلان فديتك؟! ابوها يمسح على راسها: من متى انا ازعل منج انتي عارفه نفسج زين انج غير عنهم كلهم وتعرفين اني بفقدج انتي غلاج غير يا الريم . للريم تحب ابوها على راسه: فديت قلبك الله يطول بعمرك ويخليك تاج على راسي يا الغالي. ابوها يضحك ويحبها على راسها وهو يقول: فديتت العروس انا محلاها ومغلاها. الريم بحب تبتسم وقالت: بس لا تخبر حد بالموضوع سرت عند العنود ابوها: لا ما سرت هم اللي فشلوا عمارهم وهم يستاهلون اللي بيصير لهم اما انا بسير بملج بج وبسلمج لريلج وضحك وهو يشوف مستحاها وباسها على راسها وهو يقول: يلا فديتج انا بخليج يا بنتي ارتاحي واباج باجر نشيطه. الريم بمستحى: ان شاء الله فديتك ... طلع عنها ابوها وانتبهت على صوت سعيد وهو يقول: ثرج غاليه عند عمي الريم بمستحى: هيه فديته ربي يحفظه ويطول في عمرره سعيد بحب: امين يارب وانا وين موقعي من الحب الريم بحيا : ههههه انته عاد يبالك وقت لين تملك القلب ولا شرايك سعيد بغياض: رايي طبعاً اني رافض كلامج لان انتي قلبي كيف انا ما استوي قلبج الريم بحب: انته الحياه كلها مب بس القلب سعيد: اووونه عدلي الحين كلامج شو الفرق بينهن الريم تضحك: تفرق فديتك سعيد بصدق: شو تفرق يلا قولي لي عشان ما ازعل واخذ بخاطري الريم: فديت خاطرك ما عاش من يكسر لك خاطر فدا ويهك سعيد يبتسم: انزين قولي لي شو الفرق الريم: القلب سموه قلب لانه متقلب بين الحين والأخر يكره يحب يومن يكفر يشرك يسلم وغيره من هالامور لانه مب مستقر على شي واحد كيف اخليك قلبي وهو متقلب اما الحياه فهي الحياه الحياه اللي بعيشها في عمري وحياتي واقدر اخلي حياتي بيدي سعيده واقدر اخليها شقيه طبعا الامر بالأول يرجع لله في ترتيب الحياه بس انا اقصد ان الحياه تقدر تتجاوز فيها وايد محن وضغوطات وصعوبات لو شو ماكنت وما بكون بروحي بكون ويا شريكي اللي هو انته اللي تقاسمني الحياه وايدي بيدك بنتخطى وايد صعوبات وامور كثيره بس القلب اذا كره او حب او صد او غيره يكسر نفسه ويربي فيه ضغينه والحقد والحسد والانتقام واذا مات القلب ماتت الحياه في عيون صاحبها عرفت الحين شو الفرق.. سعيد مستمتع بكلامها وقال: احبج يا نظر عيني محلى منطوقج يا الغلا ... ابتسمت الريم وقالت وهي تثاوب: يلا عيوني خلنا ننام ورانا نشه من صبح سعيد ينعس ويتثاوب: هي والله صدقج اوك الحب تامرين بشي الريم: سلامة روحك وقلبك ورضاك ... سعيد تنهد وهو ينسدح عالشبريه: الله يصبرني لين باجر واعضج من خدودج . الريم بحيا: يفدونك هن وراعيتهن.. سعيد يغمض عيونه: اه منج ومن عذب منطوقج يا القلب.. الريم بحب: ودعتك ربي يا غناتي ... سعيد : يحفظج الله يا غناتي ... وسكروا الخط ... يوم جديد يحمل كل ما هو جديد…. الصبح من ساعه ٧ ونص كلهم ناشييين في بيت بو مايد ، مايد وعبدالله وسالم والعنود وعهود وام مايد وبومايد ويلسوا على طاولة الريوق يتريقون ام مايد: طلعوا عيال خالتك مايد يشرب جاي: لطيفه ونايف طلعوا بس سعيد مب في البيت نايف يتصل لسعيد وسعيد مايرد عليه . ام مايد طالعت بو مايد اللي قال: الريم وين !! عهود: راقده بومايد بعصبيه قال: شووووو راقده ؟! لين الحين ولف على ام مايد وقال : قومي ووعي بنتج عهود باستغراب من عصبيه ابوها: شفيك ابويه ليش تقوم شو تباها محد فالبيت نحن بنروح طالعها ابوها بنظره من فوق لين تحت وسكتت اما العنود كانت خايفه ابوها متجاهلنها اليوم وشو يبا في الريم شو مستوي وشوي ونزلت الريم كانت متوتره ماتبا تخرب فرحة اختها شوي وبتصيح قربت من ابوها وباسته على راسه وهو بدوره حضنها وقال: لازم العب الدور ويا سعيد ولازم امثل اني انا جبرتج عالسعيد من بعد ماعرفت بسواة اخوانج فهمتي امشي عالخطه نفس ما نمشي عليها انا وامج عشان خواتج ما يكرهونج تنهدت بشبه ضيقه وهي خايفه قالت لسعيد من نملج برد البيت عشان تصفى نفوسكم وخواتي ما يشلن عليه سعيد همه الوحيد يملكها وبعدين بيعرف كيف يطلعها من البيت وعاها ساعه خمس الفير بعدت عن ابوها وقعدت عالطاولة الريوق وياهم والعنود وعهود مب مطمنات من عقب ما شافن ويه الريم كأنها صايحة لين قالت بس قال مايد : ليش عيونج حمر الريم فيج شي هزت راسها بلا وصبت لها كوب جاي سمعت أمها تقول: حطي ميكب خفيف محد يسيررعند العرب اغبر ولبسي لج شي حلو عهود: ليش امايه انتوا وين بتسيرون أمها: مالكن خص كل واحد يسير في شغله خالتكن ما بتي تراها لانها ملجة رياييل بس بتم في بيتها.. الريم خلصت ريوقها راحت فوق شافت سعيد يتصل ردت بدلع: هلا بالحب سعيد: فديت هالصوت وهالنفسيه الريم تضحك:والله طافك ابويه مخليني امارس دور الوحده المجبورة ومسوي عمره معصب والكل خايف منه وانا اسوي عمري ماعرف عن شي والله انى حقيره بلي بسويه سعيد بجديه: ترا هذا مب بكيفج انا اللي اجبرتج عليه يعنى بكيفي انا وصدقه عمي عشان ما تستوي كراهيه بينكن الريم تنهد: بشرني عن النتيجة سعيد : غناتى توني واصل العياده فديتج زحمه شوي في الدرب الحين بنزل وبشوف الريم: تخيل ما تخلص النتيجة اليوم سعيد يدخل داخل: وحياتج اقرقعهم لين ما تظهر الريم بحب: فديت قلبك يا الغالي والله اللي شراتك ما ينرد ما عرفت قدرك في ذمتيه ولا انته من يردك سعيد بحب: يا ويلي ويلاه عالكلام اللي يشلع الفواد ماعليه ان شاء الله كلها سويعات وشوفي شو بيسوي سعيد فيج وضحك سكتت بمستحى وسمعته يكلم الرسبشن عن النتيجة وعطاها الأوراق عشان تشوف النتيجة تحليل طلعت ولالا ... قالت له النتايج ما طلعت احتشر سعيد عليهم كيف ما تطلع اليوم اباهن ضروري ودخل على مدير العياده وكلمه وقاله انا عندي موعد فالمحكمه يتريون الأوراق ضروري اتصل المدير بالمختبر وطلب نتيجة تحليل تجهز بسرعه وصلت الساعه ٩ وسعيد يتريا النتيجة وبعد ربع ساعه عطوه الأوراق مع ختم الدكتور ومقارنة تحاليل ببعض طلع من العياده واتصل بالريم قالت له بعدنا ماظهرنا لان نايف ولطوف توهم واصلين تنهد براحه وقالها تمام سكر عنها ... اما في بيت بو مايد .. بو مايد سلم على نايف ولطيفه يلسوا في صاله وقال بحده: سعيد وين توتر نايف وقال: والله ياعمي مايرد علينا اتصلنا به انا ومايد مايرد لف على الريم اللي هزت راسها بمعنى اوك وقال : يلا عيل خلونا نتحرك يمكن نلاقيه في المحكمة سالم وعبدالله ومايد سياره ونايف ولطيفه وعهود وعنود وامهم سياره والريم وابوها سياره ... في سياره نايف العنود تكلم لطوف وعهود: اموت واعرف ابويه شو يبا في الريم وليش بتسير المحكمة ويانا لطيفه: عادي يمكن ابوج يبا ريم تسير مكان معاه عقب الملجة ومايروم يرد البيت العنود: اخوج وين !! لطوف تنهد : مادري به والله العنود: اول مره بشوفه من بعد الملجة لطوف تضحك: هيه بتحبينه يا العنود سعيد حبيب وراعي دلع العنود انصدمت: قولي والله لطوف: والله بروحج بتشوفين العنود بوناسه: واااو يا حظي عيل عهود: يا الهبله وانتى كنتي تبين تفرطين فيه العنود بوناسه : هيه والله اني غبيه ولا منو يفرط بسعيد احس انى بحبه بسرعه وبتعلق به عهود تضحك: زين انج حسيتي وفكرتي . وصلوا قبل سعيد ونزل الكل مايد خذ رقم ونايف خذ رقم وعبدالله سار عند العنود وقالها: وين اوراقكم باخذ لكم رقم لين مايي سعيد العنود توترت : أوراق شو عبدالله: أوراق فحوصاتكم وجوازاتكم وهوياتكم العنود لفت ع أمها وقالت: امي وين الأوراق أمها: عند ابوج لفت العنود وشافت ابوها والريم وسالم ومايد ونايف قاعدين على الكراسي اللى على طرف وقالت: نفسي اعرف الريم ليش يايه عبدالله بقهر: وانتي شو تبينها خليها تولي قولي لي وين خطيبج مايا العنود بتوتر: وانا شعرفني لفت على لطيفه وقالت: وين اخوج يت الريم ويلست عدال أمها وقالت بهمس لامها: سعيد برى توه واصل أمها بهمس وتوتر: مرحبا به فديت ويهه الريم بخوف: امى متوتره وخايفة والله من ردة فعل العنود أمها تتنهد: تعوذي من بليس ... يوووا الشباب صوبهم وقال بو الريم : سعيييد وين توتر سالم وقال ياخوفي مايي انتبه على تلفون الريم يرن ولف على الريم اللي شكلها اختبص وماطاعت ترد من الخوف فهم سعيد الحركه واتصل بعمه اللي رد وهو يقول: ويييينك يابن الحلال سعيد يضحك:ههههههههههه هههههه فديت المعصبين شوي شوي عمي تراك أبو الحب لا ينطر لك عرج وتروح علينا ترانى ما املجت ههههه ضحك عمه وهو يقول: رفعت ضغطي ياخي اظهر وبان وعليك الأمان سعيد ينزل من سياره متعطر ومتكششخ والغتره والعقال والنظاره الشمسيه واتنهد وهو يشل الملف بيده ويقفل السياره وقال: كنت اتاكد ان كل شي جاهز وكامل والكامل الله وان مافي شي ينقصنا ويعطلنا حتى الصور الشخصيه يايبنهن اتصلت على الحب ليش ماترد ... عمه: مندسه ومتوتره .. سعيد يضحك: ليش ساحبينها المقصبه اللي يسمع الحين مب جنها بتملج. عمه يضحك: تعال انته ولاحق على السوالف وياها ترا اول ما تدخل نحن عدال الكونترات اللي على اليمين بناخذ لك رقم .. سعيد يدخل من البوابه وقال: ما يحتاي فديتك بروحي باخذ لي رقم ولف يطالعهم وشاف من بعيد نايف وسالم يسولوفون وسار صوب الكونتر وطلب رقم عطوه رقم ونش وراح صوب سالم ونايف وقال لعمه : اوك الغالي برايك عيل فديتك انا وصلت وقف في نص قبل لا يوصل لسالم ونايف وانصل على الريم ماردت ورد اتصل مره ثانيه وردت بالغصب وهي تنطق: احم احم الوو سعيد بحذر: شفيج متوتره ترا ما نسوي شي حرام الريم متوتره وبخوف: نظراتها مب مريحتنى خايفه من ردة فعلها لودرت سعيد: حبيبي لا توترين عشانى تكفين وخليج عالخط لا تسكرين خلت الريم السماعه على الخط وسمعت العنود تقول حق لطوف: اخوج وين تأخر لطوف: مادري شبلاج انتى ليش متوتره صبري بي اكيد الحين . اما سعيد قال لريم: هاي مينونه ولا صاحية الحين بتيها صدمه سار عند عمه وسلم عليه وسلم على سالم ونايف اللي قال بعصبيه: انته وين فشلتنا وفضحتنا سعيد يضحك: ليش فضحتكم نايف بقهر: الكل يتخبر عليك سعيد يفصخ النظاره: سرت اخلص بعض الأوراق واجهزهن حق الملجة نايف : انزين رد الله يهديك سعيد يبتسم : حصل خير شو الحين بتصك عشر وشي محد ملج فيكم نايف : الحين دور لطوف ومايد سعيد اللي انتبه ان عبد الله ومايد يايين صوبهم لف لسالم وقال من دون ما يحسس نايف: اشغلهم عني مابا اشوفهم عشان ما اردهم بالسلام وقال؛ بروح اشوف خالتيه . تحرك باتجاه البنات وهو يسمع تنفس الريم اللي يتسارع وبهمس قرب سماعه قال: ليتني انفاسج وضحك سار صوب الحريم وتعمد يقول: احم السلام عليكم ردت خالته والبنات الا الريم اللي كانت تتنافض وكان حاس بها شي ويسمع أنفاسها من سماعه وده يضحك ويلمها قدامهم كلهم لوى على خالته وهو يقول : شحالج الغاليه ربج بخير خالته تضحك عليه: بخير ونعمه ولله الحمد يسرك الحال انته شحالك الغالي سعيد متعمد قال: بخير ونعمه يوم القلب بخير ومرتاح وبعد عن خالته وتفاجا بالطوف مقربه منه بتسلم وقال: هلا بالعروس وحضنها فديت قلبج الغاليه شحالج لطوف بتوتر: بخير ونعمه الغالي ومن صوبك سعيد يبعد عنها وقال ببتسامه: بخير فديتج ما دام القلب بخير .. ضحكت لطوف والعنود استحت وهمست لعهود وهي تقول: تشوفين فرحته ويقول عني القلب مادرى اني كنت بخسره بغبائي ضحكت عهود وشافت نايف ياي صوبهم وسعييد قرب من الريم وقال وهي عاطتنه مقفاها : جي العرب يستقبلون ضيوفهم الريم بهمس في سماعه: تكفى مب وقته والله انى انتفض بطيح من طولي سعيد يبتسم: تلفين صوبي بطيب ولا الفج انا الريم تترجاه: تكفى دخيل عيونك لا تسويها تكفى سعيد ابتسم وصد وراه وشاف مايد ولطيفه بيدخلون عالقاضي وشاف خالته وعمه لاهين بالكلام ضرب يبهته بنسيان وهو يقول خيبببه ابويه محد خبره رفع عينه والا يتفاجىء بأبوه وامه وقال : زين بعد الحمدلله يووا ... قرب من خالته وقال: منو ذكر ابويه بالملجه خالته تقعد فالكرسي عدال العنود وقالت وهي تضحك: عمك منو يعنى قال لبوك تعال وييب ام سعيد سعيد يطالع الريم اللي قاعده على الكرسي ومتوتره وقال لخالته: بتخبرج انتوا ساحبينها للمقصبه وياشر عالريم خالته تتنهد وقالت: شدراني بها يا بويه انتبه على عبدالله ياي صوبه هو وسالم وسعيد مايبا يسلم على عبدالله ولا على مايد ولف وراح صوب الثاني يبعد عن عبدالله وقال وهو يبعد عنهم : الريم حبيبي الريم وهي تقرب السماعه من شفايفها: لبيه سعيد رحمها: حبيبي بلاج متوتره ترا الوضع عادي والله الريم بتوتر وخوف ودمعت عينها غصبن عنها وهي تقول: والله ما كان عادي يا الغالي سعيد بحب: بس حبيبي ترا والله بي الحين بمسكج عشانى الريم شهقة: خايفه والله خايفه سعيد اللي صدق تضايق وقال: غناتي مايرومون يسوون شي اقولج شي انا بييج الريم بسرررعه: لالااالااا بعدين يطلعون علينا رمسه سعيد: اهدي انزين حبيبي الريم خذت شهيييق وبعدين زفرته وريحت عمرها ومسحت دموعها وقال بهمس: افدى هالعيون انا الحلوه لف وشاف نايف وعهود دخلوا وقال بهمس : مابقى شي ... الريم تنهدت وهي تقول: الله يستر سعيد بحب: اوك يا القلب برايج عيل الريم: الله يحفظك فديتك.. وسكروا الخط ... سار عند خالته وهمس في اذنها سيري يبي الحب قربي نشت خالته ولف على كلمة العنود وهى تقول: شحالك سعيد سعيد من دون ما يطالعها : بخير ما دام ان ولف يطالعها وهو يضحك القلب بخير ضحكت العنود باحراج وهو طالعها وضحك بطنازه وشاف خالته يايه ويا الريم وقعدت خالته وتمت الريم واقفه عدال سعيد بس بينهم مسافه شويه ... شاف الكل ياي ونزل عيونه يعابل تلفونه سمع أصواتهم رفع عيونه وشاف عبدالله ومايد وابوه وامه وعمه ريل خالته ونايف وعهود ولطيفه شاف ان مايد وعبدالله يايين بيسلمون عليه وقال بحده قبل ما يقربون: من بعيد السلاااام تفاجؤا عبدالله ومايد وقال مايد: افا بوعسكور شقايل سلام من بعيد ما تبا توايهنا ولا تبا تبارك لنا سعيد بغيض: مبروك مادبرتوا نايف ومايد. بس انته واخوك مابا سلامكم عبدالله باستغراب: افااا ولد الخالة شعنه سعيد يضحك: هههه شعنه ليش ما تعرفون السبب اللي يخليني ما اسلم عليكم مايد: افا عليك انته بس لو ندري جان ما كلمناك سعيد قرب من الريم ومسك ايدها وسط انظار الكل وصدمة العنود وقال: اللي يغصب اخته على العرس مب ريال وانا ما تنغصب عليه بنيه حط ايده على جتف الريم وقربها من حضنه وقال: اخذ شيختها مب انا اللى تردني حرمه وتنغصب عليه فهمتوا ولالا لف على عمه وقال: يلا عمي وشبك ايده بيد الريم وراحوا صوب القاضي .. العنود كانت مصدومه وعهود ونايف الكل تقريبا كان مصدوم من الوضع قطع هالصمت سالم وهو يقول : نسير البيت ويوم بيون الجماعه البيت بنرمس مب قدام العرب بعد نص ساعه وصلوا البيت ... نايف سار الميلس وأبو سعيد وام سعيد وام مايد ومايد وعبدالله وسالم وعهود والعنود في صاله .. العنود تصيح وهي تقول: فشلللني ولدج يا خالتيه فشلللني ام سعيد: ماعليه يا اميييه صبري بنفهم السالفه اول العنود تصيح وتحط ايدها على ويهها وعهود تكلم أمها وتقول: انتوا تدرون انها مجبوره أمها: اصصصص بنعرف سالفه يوم بيون رياييل نص ساعه ودخل ابوهم وسعيد ماسك الريم سلم وقعد على الكراسي لف طالع العنود وقال لعمه: بترمس عمي ولا ارمس عنك انا بو مايد: ارمس يا بوعسكور سعيد لف يطالعها وقال بغيض: ليش تصيحين مب انتي يايه عند سالم ومشتكيه وقلتى له قول لولد خالتك انا ماباه عبدالله ومايد جابريني عليه العنود سكتت لانها انصدمت وعبدالله ومايد يطالعونها بغيض وكمل كلاممه وقال: ماريت بنت تنخطب وتوافق وقبل ملجتها بيوم ونص تقول والله ماباه مجبوره ماحبه زين الحمدلله بعد ما خذتج ولا كنتي لي لان بصراحه أخير عن الريم ما بحصل وحب شرات حب الريم ما بحصل ولف على مايد وقال وانتوا يهال تغصبون اختكم على شي هي ما تباه جان انته عيل خذت وحده غير لطوف ولا حلال عليك وحرام على غيرك سكت مايد بلوم وهو يطالع العنود بلوم وبغيض لف سعيد على العنود وقال: وبعدين انتي اصلاً قايله لسالم فهمه خله يفهم انى ماباه ليش ما عندج أبو تروحين له وتقولين له انج مغصوبه ولا خايفه منه . قاطعته العنود وهي تصيح: بس انا قلت لسالم انى مستعده اتقبلك في حياتي واحبك بس لا يدق لك خلاص . سعيد بعصبيه: نعم وانا بتقبلج برفضج وتتحسبين انى بحبج لا بعدج عيل ما عرفتي سعيد منو ترا انا بسرعه ابيع الانسان اللي يكون رافضني . العنود بقهر::وانته ما لقيت غير اختى تاخذها سعيد بحب: هي نعم مالقيت غيرها لانها تأخذ القلب بسرعه العنود بقهر وغيظ: يعني لفت عليك لعبت بعقلك سعيد بعصبيه ممزوج بقهر: احترميييي نفسج وثمني كلامج العنود وهى تشاهق وتصيح قامت واقفه ولفت على الريم وهي تصفق لها: برااااافىوو عليج خربتي عليه يا الحقوده يا الحسوده خذتيه مني لفيتي عليه يا الخام.....،،وسكتها كف من ابوها وهو يقول: حسني الفاظج وحشمي عمرج الريم ماتدري عن شي انا اللي خلصت موضوعها وجبرتها ترضخ لسعيد العنود: هااااا يعني مجبوررره الريم كيف تاخذها.. سعيد يضحك: مجبوره منى انا مب منكم ولا من ابوها ما كانت تبا توافق انا اللي كلمتها واقنعتها باسلوبي والحمدلله وافقت عقب برضاها وصد صوب الريم وهو يقول : ولا شرايج حبيبي ... الريم بحيا: هي نعم صح كلامك العنود راحت فوق وهي تبكي وراحت وراها عهود اما الحريم فقعدوا مع بعض والشباب والشواب ساروا يصلون الظهر من بعد ما سمعوا الاذان ... ومر اليوم بسلام وحب ووئام |
البارت البارت التاسع والعاشر والحادي عشر
ما شاء الله عليك ابداع يا حبنا لك ولكتابتك جميله يا جميله رجع لنا ابداع من جديد البارت التاسع والعاشر والحادي عشر كل بارت يقول شو زين وفن في كتابتنا مميزه دجي انتي ابداع وتميز |
شكرررا حبيبتي ضاميه على كلامج والله اثلجتي صدري ابا توقعاتكم اتجاه الروايه كل حد فيكم يسدح لي توقعاتكم
|
البارت الثاني عشر
يوم جديد .... صباح جديد .... صباح مميـز كالتمـيّــز أبطــالــي �� في العين .. بيت بو حمد ... الساعه ٨ ونص حمد ومبارك وابوه وامه يتريقون في صاله نزلت مهره وسلمت عليهم وحبت عمها وعمتها على روسهم وقعدت ع طاولة صبت لها جاي حليب وبدت تشرب منه سمعت عمها يقول: عيل بو سنيدة وين ... مهره على النية قالت: سار الدوام فديتك البارحه مروح الفليل بو حمد: شو دوامه بعد راشد ماخذ إجازة تراه مهره تكمل: والله مادري عمي فديتك يمكن قطع الاجازه ورد داوم حمد حس ان فيه شي قال: مهره الغاليه ترا راشد ما عنده دوام كيف يداوم الحين هم عاطينه اجازه واصلا راشد شفته عقب أسبوعين انتى ناسيه ان دوامه شفتات مهره اختبصت وبان ع ملامح ويهها وقال مبارك : احم يمكن بدل هو وربيعه وانتبهت مهره ان مبارك يحرك حوايبه لحمد عشان يفهم ويسكت وقاعد يغمز له حست انه فيه شي يعرفونه وساكتين وهي شاكه ان مبارك يعرف شي لاحظت ان مبارك يطالعها ويبتسم وقال: لهدرجة انا جميل استحت مهره ووخت تحت وقالت: السموحه ما قصدت شي ابتسم مبارك ويبا يغير الجو اللي حس انه بدى يتكهرب: بالحل فديتج بنت العم اسولف وياج ابتسمت مهره وسكتت انتبهت ان عمها قام وقامت ام حمد وياه ... اما مهره تنهدت بضيقه وهي تشوف حمد يكلم مبارك بالألغاز ضاق خاطرها وقالت بصدق: فيه شي انتوا خاشينه عني انتبه مبارك عليها وقال: شي مثل شو مهره بتوتر: ماعرف بس انته من كلمت راشد امس وانا حاسهه وراكم شي بس شو ماعرف لا انته راضي تتكلم ولا اخوك راضي يعترف راشد عنده مشاكل ؟! عنده ديون ؟! قضايا ماليه؟! حد مشتكي عليه؟! فيه شي خبروني ترانى حرمته مب وحده غريبه سكتت لان خنقتها العبرة... مبارك اللي انصدم من تفكير مهره ومن العبره اللي فيها قال بسرعه: فديييتج والله مافيه شي والله انه مافيه شي من اللي ذكررتيه نهائيا والله وانا حلفت لج غير العافيه والخير والله مافيه شي يعني لو فيه شي فديتج نحن بنخليه تراه اخونا ما بيهون علينا نسكت اذا شفنا عليه شي او شفنا خطر حوله مهره تحاول تشتت نظرها عنهم عشان ما يشوفون دموعها اللي تيمعت وسط عينها وهزت راسها بالإيجاب مب رايمه تتكلم بسبب العبره اللي واقفه في وسط حلجها .. مبارك حس بتانيب ضمير وقال: صدقيني فديتج والله مافيه شي ساير شوي عنده موضوع لازم يخلصه . مهره تنحنح تعدل صوتها شافت سلامي نازله من دري قالت مهره: سلامى نروح المزرعه تولهت ع ركوب الخيل. سلامه بوناسه: وااااااو صدق يلا عيل نسير مهره تبتسم وراحت فوق تيب ثياب الفروسيه وسلامه راحت تحط لها بنطول وقميص تموا ع طاولة حمد ومبارك حمد: مبارك راشد شفيه وين ساير مبارك تنهد وقال بضيقة: ماعرف شو اقولك ي حمد يا غير انى وعدته ماقول لحد حمد تنهد بضيقه: تكفى لا تقول ان راشد فيه شي جايد وما يبا يقول لحد مبارك تنهد وقال: والله ي حمد هو مافيه غير العافيه لكن راشد الله يهديه غلط غلطة عمره حمد تنهد بضيق وقال: دخيلك قول ريحني انتوا اخواني اذا ماوقفت وياكم بوقف ويا منوه مبارك تنهد بضيقة وقال: والله ماعرف شو اقولك يا خوي حمد يربت على كتف اخوه: قول ي الغالي انا عضيدكم وبوقف وياكم مبارك بخوف وتوتر قال: راشد الله يهديه ويصلحه يارب من اربع سنين غلط غلطه ونادم عليها لين اليوم وانا سمعته هذاك اليوم بصدفة وقبضته عقب ماردوا من سفر وكلمته وتوه بيقول سالفة انتبه ان مهره وسلامة نازلات وتلفونه رن في نفس الوقت اللي رن فيه تلفون مهره ابتسم وهو يشوف رقم راشد: حيه بو سنيدة ولف طالع مهره وسلامه متلبسات وطالعات ومهره كانت تتكلم تلفون وحس انها ما انتبهت عليه ... راشد: الله يحييك الغالي مبارك بهدوء: شحالك الغالي ربك بخير راشد يطالع ثريا اللي تلبس عباتها: والله بخير ونعمه انته شحالك مبارك: بخير وتنهد بضيقه وقال: بشررر شو صاااار راشد : ماشي الحين بروح المراجعه مبارك يتنهد: مهره مختبصة وكله تفكر فيك اليوم ناشه من وقت وشكلها أصلا ما رقدت وخانقتنها العبرة وضايق صدرها وايد وايد الله يعدي الأمور ع خير راشد يضرب يبهته بنسيان : اووووف كيييف نسيتهاااا جعلنى افداها وافدى قلبها الحيران مبارك بتشكيك: شو اللي نساك مهره لا يكون حرمتك راشد يتنهد وينزل من دري بيشغل السيارة وثريا وراه قال بهمس وصوت واطي : لا مب هي افكر في شي شاغل بالي يا خوي سالفه الحمل شاغلتني ياخوي وتنهد بضيق وهو يركب السيارة وهو يشوف ثريا قربت من الباب كمل وهو يقول: بطلع من الموعد وبتصل بك مبارك تنهد بضيق: اوك الغالي ... وسكروا عن بعض ولف مبارك ع حمد وهو يتنهد بضيق… مهره وسلامه عقب ما طلعوا وركبوا السيارة مهره كانت تكلم المر وهيونه واستانست وايد باتصالهم لفت على الدريول وهي تقول: دقيقه شفيق بروح اييب الجراجه سلامه تمسك مهره من ايدها وقالت: خليج انتي ارتاحي انا بروح اييب لج الجراجة وبي مهره تبتسم: قديت قلبج سلامي بتلقيناها فالدرج اللي عدال الشبرية سلامه تنزل من السياره: ان شاء الله فديتج ما يهمج وراحت الصالة ودخلت قسم راشد خذت الجرج وطلعت وتوها بتنزل من دري سمعت حمد يصارخ بعصبية وقفت ع الدري بهدوء وهي تسمع حمد يقول بعصبييه: شوووووو معررررس يا مبارررك وما قال لحد مبارك تنهد: اوووص قصر حسسك لحد يسمعنا هي معرس من اربع سنين بس هو ابتلى فيها راشد ما يحبها ولا يدانيها راشد في قلبه مهره وبس هو غلط وياها واضطر انه ياخذها حمد بعصبيه وصراخ: راششششد مينووون والله مينووون مب عاقل كيف معرس من اربع سنييين ولا تكلم ولا قال شي وكيف خذ بنت عمييي من دون ما يحسسس انه ظلمها كيف يطالع عيال عمي كيييف يطالع في عمي وابووويه والله ويهه قوي حد يسسوي هالسوووواه مبارك بعصبيه: حمد لا تخليني اندم اني قتلك هو بروحه طايح في مصيبه بيموووت لو صار شي لمهره هو غلط وندمان ع غلطته وهو سار يفصل الموضوع حمد هدى شوي وقال: يعني بيطلقها مبارك بضيق: والله ماعرف ياخوي الحرمه حامل يقولون وراشد رافض هالولد وحاول انه ينزله دم وانه يجهضه بس اليازيه وقفت في ويهه حمد فتح عيونه ع كبرهن : شووووووو بعد اليازيه تعرف وساكته انتوا شو من قلب عليكم كيف تقدرون طالعون هليه وتحطون عينكم في عينهم عقب سواد ويهه اخوكم مهره لو درت بسواد ويهه ريلها شو بتسوي شو بيصير فيها وهي مسكينه نوم ماذقته يالسه تحاتيه وتخاف انه فيه شي وساري مسرى الليل بعد عندها وتقولي ما يحبها ومخلي مهره وهو بعده ما كمل من عرسه الا ثلاث أسابيع مبارك بضيق : انا اجبرته يرووح لها لان الوقت مب في صالحنا هي حامل ولازم تنزل حملها قبل لا ينفخ الروح فيه لازم راشد ينهي موضوع ثريا قبل لا يوصل الخبر عند مهره ولازم كلكم تعرفون ان راشد في قلبه مهره وبس ويحبها ويموت عليها واللي صار بينه وبين ثريا غلطة وسبب ان مهره كانت بعيد عنه وهو مالقى الا ثريا جدامه فرغ اللي في خاطره في ثريا بس هو كان حريص ع انه ما يستوي حمل بينهم بس ماعرف كيف حملت وانا هددته ان ما عالج الموضوع بسرعه بخبر عمي فانصدم مني وشل ثيابه وراح عندها عشان ينهي الموضوع حمد يهدي باله ويحط أيده ع ويهه وبتوتر قال: والله مهره ما تستاهل كل هذا وراشد طلع اناني اخوك ونذل كان المفروض يصارح البنت ويقولها تراها بنت عمه مبارك بقهر: وانته من صدقك راشد بيسوي جي ليش تباه يخسر مهره بطرفة عين حمد لا تنسى ان راشد كيانه وحبه مصبوب صب في مهره وانته روحك تشوف الحب اللي بينهم كيف وشفت يوم سافر كيف اغلق كل تلفوناته عنها وشفته كيف ويا مهره وشفت شو مسوي لها فالمزرعه وشفت فرحته فالعرس وشفت فرحته بموافقة مهرة كلنا نغلط ي حمد محد معصوم من الغلط بس لو مهره رخيصه عند راشد ما تلقاه مسوي احتياطاته كلها عشان مهره ما تعرف ونحن كلنا نعرف بحب راشد لمهرة ومافي شك في ذلك واحد بالامية. حمد بهدوء ييلس عالكرسي وقال: والحين هو شو يسوي هناك مبارك تنهد وقال: سار يشوف الدكتورة ويعرف الحرمة حملها بكم وعقب بيجهضه مستعد يدفع أموال الدنيا كلها بس ينهي العلاقه اللي بينهم حمد تنهد: يارب يسر الأمور ويصلح راشد ويهديه ع هالسواة اللي ما تبيض الويهه.. مبارك يشوف رقم راشد قال لحمد : راشد يتصل نش حمد واقف عدال مبارك ورد وهو يقول : هلا راشد بشر راشد تنهد وقال: شو أقول لك يا مبارك الحرمه حامل بس تبا صدق قلت لدكتوره تقولها انتي مب حامل وانه اللي فيها تكيس مبارك انصدم وقال: شو ؟؟؟شو تقول انته ؟! راشد بهم: يعني شو تباني اسوي مالي غير هالحل ياخوي يا فرحه ما تمت .. مبارك بقهر: وفي أي شهر راشد تنهد بضيق وقال: في شهر الخامس واسبوعين مبارك: بس انته تقول من عشر شهور ماسرت لها كيف حملت ؟! وكيف في شهر الخامس راشد بقهر: لا تذكرت قبل ما تتخرج مهره بربع شهور من الفروسية سرت لها بس ما كنت حاسب حساب انه ها شيء بيصير . مبارك بقهر وغيظ: يعني الحين الحرمه رسمي لك ورسمي حامل راشد بضيق الدنيا قال: واللي فيها ولد يا مبارك مبارك بضيق وشوي بيبكي على حال مهره: وكيف بتتصرف الحين وكيف قلت لدكتوره تقول فيها تكيس يعني هي بقره مابتعرف ما بتحس بلي فيها . راشد يشوف ثريا اللي يايه: اممم بكلمك بعدين يت ثريا سكر مبارك بهم ولف لحمد وقال: الحرمه حامل يا حمد وفي شهر الخامس واسبوعين انصدم حمد وقال بغصه: يا لقعج يا مهره يا بنت عمي شو بتسوين يوم بتدرين . مبارك بضيق وقهر قال: والله تمنيناها تكون عكس جي نتايج بس الولد ماله ذنب يعيش بعيد عن ابوه . حمد من صدمه ساكت وقال لمبارك : الظاهر ان راشد بيعاني وايد في حياته تنهد مبارك بضيق وقال : الله يستر الصراحه سلامه كانت مصدومه وماحست بدموعها اللي غرقت ويهها انتبهت ع تلفونها يرن وشافت رقم مهره مسحت دموعها بسررعه وردت وهي تقول : يايه والله دقايق بسسس وخطفت تربع من دري لين الباب فجته وراحت صوب السياره ومن ركبت السياره استلمتها مهره: شبلاج تاخرتي سلامه تعطي مهره الجرج من دون ما تشوفها وقالت: شدراني قعدت ادور لين عيزت مهروه تشل الجرج وتركبه في الفون قالت: أيوا وكلمت شفيق روح مزرعه سلامه تحس بغبنه ع مهره قالت لمهره: وين راشد مهره تنهد: عنده دوام سلامه تحنحن وحاولت تبتسم: ايوا شوي ورن تلفون مهره وشافت رقم نايف وردت: هلا بالحب لفت عليها سلامه عبالها راشد بس سمعت مهره تقول: بخير ونعمه الحمدلله فديتك انته شحالك وشحال امايه وابوية .. نايف يبتسم: كلنا بخير عني فداج انتي علومج وشو يديج مهره؛ والله ماشي يديد يا الغالي كله قديم نايف: ماخذنج حب راشد عنا مهره تبتسم: فديت حبه لي اللي ما يساويبي حد نايف: فديت الواثقين انا مهره تضحك: فداك قلبي تعال صدق مبررروك الخطبة ي حبيبي نايف يضحك وبفرحه: يبارك فيج فديتج مهره: شفت خطيبتك نايف يضحك وقال: وحياتج من خطبتها وانا مطيح في دبي وارمسها بالتلفون لين اشبع مهره: شعليك حبيبي استويت حبّييب نايف يضحك: والله ما خلت فيني عقل بنت خالتيه شلعت فوادي من يوم العرس مهره تضحك وهي تنزل المزرعه من سيارة وقالت: ههههههههههه فديت فوادگ انته يا روح قلبي ... نايف يتنهد : بعد شو اسوي بس يحيه ما بقى شي عالخميس بنملج فالمحكمة ما بنسوي حفله وعققب بحدد العرس سيده مهره تروح الاستراحة اللي مسوينها في المزرعه ودخلت غرفتها تبدل لبسها وتلبس لبس الفروسية وقالت: يعله بالبركة فديتك الغالي والله يتمم لكم اموركم ع خير وفرحة ان شاء الله نايف بصدق وهو يتنهد: امييين يارب العالمين ،،،الا ما قلتي لي اخبار الحب وياج مهره تضحك: فديت قلبه والله انه حبه أفعال مب بس اقوال يا نايف نايف: ما قلت لج راشد حبه لج غير مهره تبتسم: الله يخليه لي ولا يحرمني منه .... نايف يبتسم وبصدق: امين يارب العالمين ونشوف عيالكم مهره تضحك وطالع شكلها في المراية ومستانسه على لبس الفروسية حطت الخوذة ع راسها بدال شيله وشيله فرتها فالغرفة وطلعت صوب الاسطبلات : اميييين يارب الغالي نايف يتنهد: ومايد بعد طلع حبييب بيممموت ع لطووف مهروه تضحك: ههههههههه شالعين فوادكن فديت نسل خالتيه ونسل اميه نايف يضحك: مررره لاًتخبرررين يا مهره فدييت الحيا والجمال يوم من عهود مهروه طلع خيلها وتحضنننه وتبووس فيييه وتمسح عليه وتمشت فيه فالمزرعه شوي وعقب ركبته وتمت تمشي ببطء عليه ومستانننسه من هالجوو وقالت: الله يعينكم ويصبركم لين العرس ولا انتوا ماتأمنون تدخلون في الملجة عادي . ضحك نايف وهو يقول: انتيي بس تعالي شوفي مايد شو مسوي بالطيفة وعقب تكلمي الحبيب ماخذ راحته بقووو ولطوف حليها والله انها تموت وتحيا مكانها مسكينه مهره تتخيل لطوف وضحكت: ههههههههههه ياربي تعطينا خير هالضحكة عاد مايد ادري به جريييء الكلب محد اجرأ عنه الهرم. نايف: هي والله الله يعينها عليه ويقدر من مستاحاها شوي. مهره : لا ماعليك والله ما يحفلها اعرفه انا بيخليها تموت مكانها بس يبرد قلبه ماعرفه انا اجرأ واحد من عيال خالتيه ... نايف يضحك: ههههههه هي والله الله يحفظهم يارب مهره بصدق : ويحفظكم حبيبي انزين الغالي برايك الحين فديتك نايف بحب: اوك غناتي الله يحفظج مهره : فداعة الله وسكروا الخط .... وعطت تلفون سلامه وقالت: خليه عندج وانا بتمرن بالحصان شوي سلامه محروق قلبها ع مهره وقالت بحب وصدق: اوك عنوني مهره: اذا رن تلفوني ردي عادي اوك سلامه تهز راسها ومقهوره على الوضع هذا خايفه من كل شي خايفه اخوها يخسر حبه وفي نفس الوقت مقهوره من تسرعه الغبي شافت مهره تدرب مع الخيل وتركض به في المزرعه والفرحه في عيونها انتبهت ع رنة تلفون مهره وشافت رقم غريب ردت وهي تقول: الو الطرف الثاني: سلام عليكم سلامه: عليج السلام ... منو ثريا بقهر: انا زوجة راشد ثريا سلامه بقهر كانت بتصارخ بس تعاملت بحكمة وقالت: تشرفت والله انا بعد زوجته وبنت عمه ثريا بحقد: انتي من شوه مخلوقه ماعندج إحساس ترا انا ما اتمصخر والله العظيم انى زوجته واسمي ثريا سلامة ببرود: انزين تشرفت بج .. شو سبب الاتصال ثريا بغيرة: ما تغارين انه عنده زوجة غيرج سلامه تبتسم: ليش اغار مادام اني اشوف افعاله ثريا بكره: اكرهج يا الخامة يا الخايسه سلامه بقهر: محد خايس الا انتي خاس ينبج يالضبعة وانتي أساسا تعرفيني عشان تكرهيني ثريا: لا ماعرفج ولا أبا اعرفج يكفي ان رشود كان عندي توه سلامه تضحك: انزين شو اسوي يعنى اربطه مثلا ثريا بقهر : لا تمصخريين سلامه شافت مهره قربت صوبها سكرت في ويهها وحذفت رقم بسرعه وهي مرتبكه قربت مهره من سلامه وهي تشوف انفعالها سحبت تلفون منها وهي رافعه واحد من حوايبها وقالت : ليش منفعله منو متصل يوم شافت الصدمه في ملامح سلامة دخلت على سجلات ومالقت رقم وقالت لسلامه: كنتي تكلمين منوه سلامه: واحد قليل ادب هزت مهره راسها وهي مب مطمنه من كلام سلامه قلبها قابضنها مب مرتاحه تنهدت بضيق وهي تقول: بنرد البيت . تنهدت سلامه بضيق وهي تقول يارب هالكلبة ما تتصل راحت مهره عند الاسطبلاات وردت الخيل وباسته بحب وهي تقول قلبي ماكلني يا الغالي ردت للغرفه وبدلت ثيابها وهي تقول لسلامه: اتصلتي لدريول ايي المزرعه سلامه بضيق وقهر : هي ياي في الدرب ... مهره تنهدت واتصلت على مبارك اللي كان قاعد في صالة واستغرب اتصالها ورد وهو يقول : مرحبا مهره . مهره بشك: مرحبتين كيف الحال . مبارك: بخير ونعمه يسرج الحال يا الغاليه مهره بضيقه: يسرك ولا يضرك بغيت اقولك الغالي متى دوامك. مبارك: باجر الصبح بس بسير اليوم الفليل مهره: بتبات عند اليازيه مبارك: هي ان شاء الله مهره : انزين بروح وياك ممكن مبارك بشك واستغراب :ليششش؟؟ فيج شي؟؟ مهره تتنهد: لا والله بس عندي موعد باجر في بوظبي وببات عند اليازيه وراشد بيوديني الصبح مبارك براحه: اشوى وانتبه على عمره وقال اوك الغاليه فالج طيب فديتج مهره ظهرت تركب في سياره وقالت وهي تشوف سلامه: تمام الغاالي الله يحفظك مبارك يبتسم: ويحفظج فديتج .. وسكروا عن بعض .. اما سلامه مب عارفه شو تسوي اتصلت باليازي اول ما وصلوا البيت ... سلامه بخوف: يزوي والله العظيم انها اتصلت وانا كلمتها وقالت لي انها حرمة راشد وتقول ان راشد عندها بس انا سكرت في ويهها ومسحت الرقم من تلفون مهره عشان مهره ما تشك اليازيه بصدمه: في ذمتج سلامه : هي والله العظيم وحامل في شهر الخامس اليازيه تيلس على الكرسي : ولقعج يا بنت عمي سلامه : وانتي يوم تدرين ليش ما تتصرفين من قبل اليازيه : وانتي شدراج اني ادري سلامه بقهر وهي تصيح : بمووت قهررر منكم مبارك يدري وانتي وحمد اليوم درى خبره مبارك وانا هاي العنز اتصلت على مهره وانا رديت عليها ما تقوولون لي شوبتسون يوم بطيح المصيبه على رووسنا كلنا لا وحامل بولد بعد اليازيه بصدمه: وانتي من وين تعرفين كل هالاشياء سلامه تصيح: من مبارك يوم كان يكلم راشد الصبح كنا مروحين صوب المزرعه ومهره نست جراجتها وانا كنت راده بييب الجراجه وسمعت كلامهم . اليازيه تنهد وبضيق قالت وهي تيلس على الكرسي: والله يا سلامه ماعرف شو اقولج بس مالنا غير الصبر وهو اللي حط نفسه بهالمصيبه . سلامه تصيح: انتي متخيله ما كملت شهر وياه وهو عندها ومخلي مهره هنيه وهي في حاله ما يعلم فيها الا الله تحاتيه واااايد لدرجة انها راحت تسلي نفسها بالمزرعه ويا الخيل عشان تنسى . اليازيه بهم: اويلي عليج يا بنت العم شو بيصير فيج سلامه تصيح : بموت منكم انتوا شو من البشر ما في واحد منكم يدور حل يرضي الطرفين اليازيه بعصبيه: انتي شفيج كيف نحل الموضوع يوم هو بالسر سلامه بقهر: يعني مما دام عرفتي من الأخ راشد انه متزوج يعني تعرفين انه بي اليوم اللي بيعلنها للكل ما دام انها ام ولده ليش ما تاخذين رقمها وترابعينها وتخلينها تهدي الللعب وبنت عمج بعدها ما شافت الحياه ويا اخوج . اليازيه بتفكير: تصدقين فكره حلوه بس بشوف راشد بشاوره بالموضوع . سلامه تتنهد : حاولي ضغطي عليه اتصلي به الحين وقولي له يمنع حرمته من الاتصال بمهره قبل لا يصير شي لا يحمد عقباه . اليازيه تتنهد: تمام حبيبتي بحاول اتصل به باي وديري بالج على المهر سلامه: لا تحاتين المهر بعيوني انتي بس حاولي تعدلين الموضوع من صوبج اليازيه: تمام فديتج اوك الغلا برايج باي سلامه: في وداعه الله .. اندق الباب على غرفه سلامه وقالت: ادخل الباب مفتوح دخلت مهره وهي مبتسمه: مرحبا يا حلو سلامه تبتسم وتحضنها:هلا وغلا ومراحب ملاييين ولا يسدن مهروه تضربها على جتفها وتضحك:شفيج الحب توني كنت وياج فالمزرعه. سلامي تبعد عنها وتحاول تبرر الموقف: بفقد لطوف الكلبه ملجت ونستنا انشغلت ويا الحب مهره تضحك: ايووووا وانا أقول ليش الدموع والخشم احمررر والعيون تلمع �� سلامي تضحك: هههههههههههه شفتي مهره:يلا عقبالج يا سلامي تعرفين خاطري اخليج تاخذين عبود ولد خالوه والله بتعيشين في حب طول عمرج ومنها بتجابلين لطوف . سلامي تضحك: هههههههههههه يلا على ايدج يوزيني مهره تضحك: هههههه فالج طيب ما طلبتي سلامي تدقق في مهره ودها تبكي في حضنها وقالت بتنهيدة: الحب عذاب يا بنت عمي مهره تضحك وهي تيلس على كرسي تسريحه : ههههههههه الحب حلو يوم يكون من طرفين والاحلى يوم يكون فيه طرف يحب الثاني اكثر من الأول . سلامه تضحك وقالت: بياذن العصر الحين تبينا نروح مكان مهره تتنهد :لا بروح الغرفه اريح سلامه تهز راسه: ان شاء الله حامل مهره تضحك وهى تقول: وين بعدنا توني بكمل شهر مسرع ما حملت.. سلامه: ان شاء الله يارب تحملين مهره: ان شاء الله وطلعت عنها وسارت الغرفه وهي ودها تعرف ليش لين الحين ما اتصل يا ترى يا راشد انته بخير .. انتهى البارت ١٢ |
البارت الثالث عشر
: اما في بوظبي ...في شقة راشد ثريا قاعده في صاله تصب جاي لراشد وقالت له: كم يوم بتقعد عندي راشد يتنهد : مادري والله ثريا تقرب منه وقالت: شرايك الحين فيني عقب ماسرت الصالون الصبح راشد لف يطالعها وابتسم: حلوه ثريا بحياا: صدق فديتك راشد يبتسم: صدق ثريا: تحبني يا راشد راشد بصدق: بصراحه اجذب عليج ان قلت لج هيه قلبي لمهره وبس ومن عقبها تسكر ثريا بقهر: شو لاقي فيها راشد بعصبيه: ثريا الزمي حدودج لا اطلع من الباب ولا عاد تشوفيني ثريا بخوف، لا خلاص حبيبي بتادب المهم انى انا احبك راشد : يسد اني وعدتج بغير طبعي وياج مب لازم الحب ثريا تنهدت وقالت: حرمتك تدري انك عندي راشد تدكر مهره وقال: اوووه نسيييتتتت كيف راح عن بالي ثريا بخوف: شو بسم الله عليك راشد قام واقف وسار الحجره وقفل الباب وشغل المكيف وتلفزيون وطول عليه واتصل بالحب ثواني وياه صوتها الملهوف وهي تقول: واخيررررا اتصلت راشد دمعت عينه من الغبنه ومن اللهفه اللي في صوتها وقال: حقج عليه يا الغلا والله اسف المفروض ما انشغل عنج . مهره بصدق وحب: مب مشكله يا قلبي اهم شي راحتك طمني عليك اليوم كله ما سمعت صوتك كنت مشغوبه عليك .. راشد بصدق وحب: فدييييت قلبببج غناتتتي لا تحاتيني انا بخير والحمدلله فديتج. مهره تبتسم براحه: اليوم قلبي كان مشغوب وقابضني ما كنت مرتاحه حاسه بشيء بس شو ماعرف مشاعر مخربطه احاسيس غريبه بس ارتحت من سمعت هالصوت . راشد اللي دمعت عينه غصبن عنه وهو يقول : فديتج ، انا والله اللي ارتحت من سمعت صوتج عيوني . مهره تبتسم: لا تنشغل عني تكفى تعودت على صوتك اللي اييب العافيه . راشد : احبج احبببج ودي بقربج مب طايق بعدج يا مهره . مهره تبتسم: حبيي وانا بعد والله ضايقه من دونك ومب طايقه بعدك راشد محروق على اللي قاعد يصير وقال بصدق: مخنوق يا مهره والله محتاجج بقربي ودي احط راسي على صدرج واقولج شو مضايقني واحس بالأمان بقربج لان بعدج عذاب مهره اللي بكت من كلامه: قولي حبيبي بلاك راشد فيك شي راشد :متضايق شوي فديتج مهره تبتسم: احبك راشد ابتسم وبصدق قال: اموووت عليج يا غناتي يا شفى روحي من العله . مهره بحب: بسم الله عليك يا قلبي من كل هم وضيق ودعتك الله يا محبوبي راشد غمض عيونه بالم وقال: اه يا عذاب قلبي يا المهر ما حب حد غيرج ولا سكنه حد غيرج . مهره براحه: احس الحين برتاح انه محد بياخذك منى ولا بيسرق قلبك منى ولا عينك تشوف غيري. غمض عيونه بحزن والم وهو يتذكرها يوم تقول مابا أكون أسيرة عيونك أخافك تلف منيه او مناك سمع دق الباب وقال: لحظظظظه بي الحين ورد على المهر اللى قالت: منو عندك حبيبي راشد: بشكاره اليازي ادق الباب تقول انههم يبوني برى مهره: ريلها موجود ولا مسافر ؟ راشد يتنهد بضيقه: راح كندا فديتج يشوف أوضاع بطي . مهره تصرط ريجها وقالت بهمس: احبك راشد: وانا اكثر والله مهره طاحت دموعها وهي تقرى المسج اللي ياها ومصدومه من اللي تقراه قالت بضيقه وخنقه : الله يحفظك راشد اللي حس بصوتها قال: شفيج مهره كتمت دموعها وهي تقول: ماشي حبيبي ودعتك الله راشد ين ينونه وقال بقهر: شفيج تصيحين شو مستوي تكلمي مهره شهقت وهي تقول: الله يسر امورك بس احاتيك راشد بضيقه قال: لا تحاتين غناتي والله اني بقربج بالف خير مهره تنهي المكالمه وقالت : الله يحفظك تصبح على خير .. راشد بضيقه ومب مطمن لصوت مهره قال: وانتي من هله يا قلبي وسكروا الخط ... اما مهره فكانت مصدومه من اللي تقراه المسج مطرش من ثريا وكاتبه فيه (لين هنيه وبس مب كل مره يكون راشد عندي تقعدين تسوين تلفون واضني كلمتج العصر وقلت لج راشد عندي وقلت لج انى حرمته ثانيه مثل ما انتي حرمته وخذتي دورج الليله ليلتي وراشد من اامس عندي لا عنده دوام ولا عند اخته مثل ما يقولج فجي عنا شويه ما تشوفين انه طول اليوم ما اتصل بج ما كملتى وياه غير ثلاث أسابيع وماصدق انه يرجع ويلم اغراضه واييني حبيبي عمره ما خلانى والحين بعد بيتعلق فيني اكثر لانى حامل بولده وفي شهر الخامس يعني كلها كم شهر واييب له الولد ويعلني عند هله الحب أفعال يا مهره مب كلام ) تمت تصيح مهره وتشاهق من الحقيقه المره اللي عرفتها معقوله يا راشد عندك زوجة غيري وحامل بولدك اليوم بروح بنفسي ويا مبارك اتاكد من صدق كلامها اه لو كان كلامها صدق شو بيصير فيني شو بسوي لو رحت ومالقيته عند اليازيه معقوله حبك لي وهم وسراب يا راشد انزين ليش ما صارحتني تمت تصيح لين ما اذن العشا اتسبحت وتلبست وصلت العشا وزهبت اغراضها وهي تتصل بمبارك وماسكه نفسها بالقو عشان ما تنهار قدامه ابتسمت بتعب له وهي تقول في خاطرها اكيد كلكم تدرون انه معرس الا انا ومن ردات حظي دريت منها ليتك قايل لي يا راشد الحب اشوفه في عيونك بس ليش ما تتكلم ليش ما تقول قطع عليها لمسه مبارك لخدها وهو يقول بخوف وتوتر: مهره ليش هالدموع شوفيج مهره تبتسم : ما فيني شي خايفه على راشد مبارك بستغراب:ليش ماكلمج هو اليوم مهره تبتسم بين دموعها: كلمني فديته يعلني ماذوق حزنه بس ليتني اعرف شوفيه حسيته ضايق . مبارك: ماعليه باس ان شاء الله يلا تعالي بنركب السياره وبنروح بوظبي . مهره حاولت انها تهدي نفسها شوي وتتحمل الكلام اللي اييها انتبهت على فيديو ياينها في الواتس اب وركبت السياره قدام وحطت الجرج في الفون شافت مبارك يحط الشنطه في سياره ويشل كناديره وحطهن في السيت الوراني وفردهن وركب عدالها وهو يقولها : شوفيج مهاري ليش موخيه جي على الفون. مهره تبا تشغل الفيديو باي طريقه لان رقم الواتس اب هو نفسه رقم الحرمه اللي طرشت لها المسج قالت ببحه: أبا اشغل الفيديو ولكن مب طايع يتحمل . مبارك : يمكن معلق الفون عطيني بشوف الاعدادات . مهره عطته الفون بس مبارك من شاف عيون مهره وخشمها حس بشيء وقلبه مب مطمن ابدا شل تلفون اونه بيعابل الاعدادات شغل سياره وحرك صوب بوظبي وخلى تلفون مهره على طبلون ... كان الصمت بينهمً ما غير مهره اللي تفكر بالكلام اللي قرته من الحرمه يعني شو ببصير فيني ممكن يطلقني راشد عشانها اكيد اذا يابت له الولد بتغلى عنده وبيحبها واكيدد بتكون عنده الكل في الكل وبينساني طبعا بينساني اذا نحن ما كملنا شهر وراح لها اكيد توله عليها اكيد يحبها ويموت عليها ولا ما بتكون بهاي الثقه وهي طرش لي المسج اكيد راسد خذانى عشان امه وابوه اكيد حبه لزوجته وولده آكثر مني كيف اتصرف شو اسوي اه يا مهره يا شين الأيام يوم تغدر بك انتبهت على تلفونها يرن وشافت مبارك يعطيها تلفون وهو يبتسم : الحب متصل ابتسمت بينها وبين نفسها وقالت في خاطرها اكيد يحبني وردت ببتسامه وفرحه: هلا والله بس ما سمعت رد سمعت أصوات ضحك انتبهت انه صوت بنيه وهي تقول لراشد: راشششششد عن الدلع زايد هي صح حبيبي ترا بنسمي ولدنا محمد راشد : عكيفج انتي تسمينه محمد ثريا تشوف تلفونه وقالت بدلع وهي تشوف مهره بعدها عالخط: يعني حبيبي ما بتسميه محمد سمه اللي تباه ضناك هذا بجرك الأول سندك عضيدك فالحياه تنهد راشد وهو يقول: عاد تصدقين ثريا ما توقعت كل هذا بيصير غلطه بيني وبينج دفعتني ثمن عمري تعرفين اني لو خسرت مهره يا ويلج الا مهره خط احمر بالنسبه لي تنهدت بضيق وهى تقول: مب وقت كلامك عن مهره الليله ليلتى راشد : غلطه والله وادفع ثمنها غالي لو مب حامل جان طلقتج انا ماقدر اجذب على مهره تدرين اللي صار بيني وبينج غلطه ليتني ماعرفتج يا ثريا نبهت عليج ستين مره تاكلين مانع ليش تكسرين كلامى ثريا قلبي لمهره وبس ماقدر احب غير مهره ثريا تقرب منه وتبوسه : احبك راشد يبعدها عنه بضيق: خوزي عنى مابا قربج تكفين ثريا خلاص لا عاد تبوسيني وتقربين مني ثريا بزعل: يعنى نحن طول الليل بنتم على ذكرى مهره اوووف كرييهه راشد بعصبيه: احترمي نفسج يا الغيوره لا تقولين عنها جيه انتى الكريهه والحقوده اما مهره بلسم ينحط على الجرح يبرى انتى ماعرفتى مهره زين سكتي بس محد يسواها انقهرت ثريا وهي تشوف ان مهره ما زالت عالخط اكيد سمعت هذا كله قالت بقهر: هههه لو انته تحبها ليش يتت عندي وانته بعدك ما كملت شهر وياها راشد بضيقه: ييت اشوف حل عشان اجهض الجنين واتفرغ لحياتى لمهره وانتى تطلعين منها لكن للأسف ماقدرت اجهضه مادام انه بخمس شهور انا أصلا ماعرف كيف بواجه اهلي شو بقولهم والله اني بخسر مهره بيدي ليته يطيح من ربه من دون ما تدخل فيه واجهضه . ثريا بقهر: لو من مهره ما بتعقه راشد بقهر وعصبيه: بسم الله على مهره منج اكيد ما بعقه تعرفين اني احبها واموت عليها اكيد انى أبا عيال منها اه يا حب قلبي يا المهر اقولج شكله باجر بروح صوبها الشووووق صوبها مليوووون انتى مابا منج شي وانتي تدرين . راشد يقول لثريا: انتي في غرفه وانا في غرفه سمعتي قلبي عن غيرها تسكر واحبها فهمتي ولالا ثريا بقهر: فهمت فهمت. سكرت مهره تلفون من بعد ما سمعت الكلام ودموعها اربع اربع لف عليها مبارك وانصدم وقال: شو سمعتي فيه شي مهره تهدي نفسها : لا ما سمعت شي غير صوت تلفزيون يمكن بالغلط ارسل مبارك بشك ووقف السياره على طرف ومسك مهره من ايدها وهو يقول: وغلات راشد في قلبج تقولين لي شو سمعتي في تلفون .. مهره تبكي وتصيح من خاطرها ومبارك يقول في خاطره يارب ما سمعت شي ... مهره ببحه وهي تمسح وييها وخشمها بكلينكس قالت: سمعته يقول احب مهره وقلبي لمهره وعن غيرها تسكر . مبارك بدى يتوتر وقال: اانزين سمعتيه يتكلم ويا حد ولا روحه .. مهره بغصه وهي تشاهق من صايح قالت: سمعته يقول اللي صار بيني وبينج غلطه ويالس ادفع ثمن عمري عليها وانا مب مستعد اخسر مهره بيدي بسبب غلطه ما حسبت لها حساب انصدم مبارك وضرب يبهته بيده بغيض وقهر وقال لمهره بتوتر: ماعليج اكيد هاي نزوه كانت في حياته ويبا يصحح غلطته وينهي الموضوع اللي بينهم مهره مسكت ايد مبارك من دون إحساس وهي تقوله: يالسه تساومني فيها تقوله اذا انته تحبها ليش ييت عندي وانته ما كملت شهر وياها قالها ييت اجهضه لكن مادام انه في شهر الخامس ليته يطيح من رببه وانهى اللي بيني وبينج شهقت مهره ومبارك رص على ايدها وقال وهو يهديها : مهره فديتج ما عاش من يهينج ويساومج بحد تخسي الا هي راشد نفسه ما يساومج بحد وبعدين فديتج يمكن انتي فهمتي غلط سمعتي غلط خلينا نفهم سالفه من راشد مهره وهي تمسك مبارك من ايديه بقو وتقول: انتتته مستحيل تفهمني مبارك والله العظيم سمعته يقول ليته يطيح من ربه يعني هي حرمته وهو ريلها مب نزوى مثل ما انته تقول ولا كانت عنده مشاكل في دوام مثل ما كان يوهمني ولا عند اليازي هو مثل ما قالي اه يا مبارك تنهد مبارك وبغيص قال: حسبي الله عليها ونعم الوكيل مهره فديتج اهدي ولا تخربين بيتج بيدج مهره تتنهد وتمسح دموعها بيدها وتاخذ كلينكس تمسح خشمها وهي تقول : انته متخيل اللي سمعته انا هي منو تيلس تتفلسف على راسه ولا تعطيه أوامر مبارك بهدوء : دقيقه مهره فديتج اهدي ونحن بنعرف كل شي مهره تمسك مبارك بيده وتقول: والله ما تيب له طاري يا مبارك ولا تيب له أي موضوع يخص هالسالفة دخيلك طلبتك أبا اعرف منه هو مبارك والله ان رمسته والله لساني ما يخاطب لسانك مبارك يهديها : انزين عني فداج لج اللي تبينه والله ما بقوله شي بس انتي كيف بتتصرفين شو بتقولين لهم . مهره عقدت حياتها: منو هم اللي شو بقولهم ؟ مبارك بتوتر: هلج وهليه مهره : لا فديتك انا مابا حد يدري بالموضوع لا هليه ولا هلك هالموضوع بيني وبين راشد وينحل ودياً بينا نحن الاثنين من دون محد يدري انصدم مبارك من ردة فعلها وقال: يعني شو ما بتزعلين مهره: الزعل بيني وبينه وما اظهر من بيته انا اعرف كيف اتصرف وياه بس اترياه هو متى بيبادر يوم تربي حرمته ولا قبل بنشوف ... تنهد مبارك بضيقه وقال وهو يعدل سياره ويكمل سواقه ويلف على مهره: تبين نرد البيت ولا نكمل عند اليازي مهره تطالعه: انته شفيك قدنا وصلنا قرب ابوظبي الا عشان هاشي بترد خلها تولي والله انا بلاعبها ملاعب بس خل اخوك هذا يصرح عن اللي في قلبه وانا اراويه هو وياها بس كل شي بوقته حلو . مبارك تنهد: مهره تكفين لا اسوين شي تتدمين عليه مهره تبتسم: مبارك عمري ماخنته ولا افكر بالخيانه بس انته في ذمتك لو تحب بتخون اللي تحبها . مبارك غمض عيونه بالم وقال: ااه يا بنت العم ضربتيني على الوتر الحساس تكفين لا تفتحين المواجع والله اني احبها موووت واعشق عيونها لكن ما بيدي شي مهره : يعني تحب مبارك يبتسم : هي نعم احب مهره: يا بختها فيك يا حظها فيك والله انه امها داعيه لها يوم انته تحبها وهي تحبك ولالا مبارك بحب: ما صارحتها مهره: ليشششش ؟؟؟ مبارك بهيام: لاني اعشق عيونها وماودي اخسرها مهره طالعت عيونه وقالت بالم: لو هي تدري اظني بتحبك. مبارك يبتسم وبصدق: عارف نفسي ما بحب غيرها وعارف ان قلبها لي ان طال الزمن ولا قصر مهره تبتسم : الله يوفقك وياها مبارك من قلب قال: اممممين يارب ويجعلها نصيبي قولي امين مهره تضحك عليه: امين بس ليش ما تصارحها مبارك بحب: مب وقته فديتج مهره تكلم مبارك: لا تيب طاري لراشد عن هالزفته مبارك : ابشري من عيوني مهره اتنهد: الله يبشرك بحبها يارب وتسمعها منها وهي تقولك احبك يا مبارك مبارك انتفض من نطقتها وقال: يالله يارب الله يسمع منج الغاليه وشوي وصلوا بيت اليازيه مسكت مهره مبارك من ايده لف مبارك عليها بعد ما كان لاف يبا يفتح الباب طالع ايدها اللي ماسكه ايده وطالعها وقال بهيام : لبيه مهره بتوتر: لا تيب طاري لليازي عن أي شي اوك ولا تقول لحد اني عند اليازية اوك مبارك رص على ايدها بحب وهو يتنهد وقال: من عيونني يا الغالية ما طلبتي ابتسمت مهره له بمتنان ونزلوا من سياره ومبارك نزل ثيابه ومهره نزلت شنطتها وشنطة مبارك ودتها داخل عند اليازي اللي كانت طالع التلفزيون سلموا عليها مهره ومبارك واليازيه رحبت فيهم وكانت مصدومه من وجود مهره وزقرت اليازي البشكاره عشان تودي أغراض مهره ومبارك لين الحجره والبشكاره شلت الشنط والاغراض ودتهن حجرة مبارك اللي يرقد فيها... اليازيه تكلمه مهره وهى تقول : عيل يايه ويا مبارك وين الحب مهره تبتسم: الحب عنده دوام من يومين يقول عنده اشغال بيخلصهن وبي هالكم يوم . اليازيه: هييي وين يبات في دوام . مهره تضحك: هي عاطينه جناح خاص حق المبيت . اليازيه تبتسم: يحيه ولفت لمبارك وهى تقول : ان شاء الله يا مبارك تحدر عليه انته وحرمتك مبارك بحب: امين يارب مهره طالعه: ان شاء الله اللي يتمناها قلبك يا ولد عمي مب غيرها مبارك بصدق: يالله يارب يسمعها منج الكريم ابتسمت مهره وهي تقول: ان شاء الله . اليازيه نست تكلم راشد ضربت راسها بتوتر وقالت: ظنج راشد راقد ؟ مهره تضحك وقالت: ههههه وشدراني به مب وياه في دوام انا بس يمكن هي ويمكن لا اليازيه تبتسم بتوتر وقالت : عن اذنكم مهره: ممكن ما تقولين له انى موجوده عندج اليازيه اللي دقها فضول وتوتر الف قالت: ان شاء الله بس ليش ؟؟ مهره: ماباه يعرف وخلاص لانى مسويه له سبرايز ابتسمت اليازيه وراحت وهي مطمنه ان مهره ما تعرف شي وقال مبارك: مهره مهره: لبيه مبارك : لبيتى في منى ليش .؟؟ مهره: بس مبارك: موعد شو عندج مهره: ماقدر اقولك بس اذا تبا تعال وياي مبارك: بس غناتي انا عندي دوام الصبح مهره: اوك سير الدوام ويوم ترد بظهر وياك مبارك: موعدج وين مهره بضيق: البحر مبارك انصدم: البحر مهره بهمس قربت من مبارك وهمست في اذنه مادرت انها شلعت قلبه بقربها : بسير اغير جو وجدد طاقتي وفر سلبياتي في البحر طالعها مبارك بصدمه وهو مب بعقله من كثر ما مدوخ من قربها وقال ببتسامه: حاضرين مهره تبعد عنه وتزفر بضيق: الضيق ماخذ حيز من مكانه اليوم وظاهر ان ضيقه بتلازمني مبارك اللي حس على عمره وانتبه انه ذايب فيها صحصح وقال:ازمه وتعدي ابتسمت مهره بضيقه وهي كل شوي تزفر لعل ضيقه عنها تسلى وهي تبعد عنه بتروح الغرفه تأخذ الأغراض راحت الغرفه اللي تحت وشافت الشنط وقالت اكيد غرفة مبارك بطلت الشنطه بتاخذ اغراضها دخل مبارك وهو يقول: بتنامين في الغرفه هنيه عندي ؟! ولا شو؟! مهره: ماعرف ليش يايبين الأغراض هنيه يوم راشد ايي وين يرقد هنيه بعد مبارك يبتسم : يرقد فوق غرفه بطي مهره: انزين وانا ماقدر ارقد في غرفه ودوم يعنى مبارك يحس انه بيتهور قال: ليش نامي تحت وانا بنام عالشبرية مهره تضحك: ههههههه بيطلقني راشد مبارك قرب منها وقال وهو يلف مهره صوبه: ليش ماخذه الموضوع بضحك مهره بجديه: مش هو معرس من قبل ولا قالي خلانى احبه واحاتيه وهو عندها صح وانا ماتمت فكره سودا ما دخلت راسي صح انزين الحين شو ذنب قلبي اللي تعلق به وشو ذنبي انا اللي قبلته بين كل اللي تقدموا لي مبارك انصدم منها وقال: شقصدج مهره تبتسم: يعني وايدين تقدموا لي ونرفضوا عشان انى محيره لراشد مبارك تنهد بحيره وقال: مهره مهره تبتسم: نعم مبارك: انتي اكثر وحده تعرفين معناة راشد لين ما وافقتي مهره هزت راسها بصمت وهي تشتت انظارها بالغرفه مبارك بغيره من حبها لراشد: الله كريم وبتهدا الأوضاع ان شاء الله مهره: لو مصاررحني انه معرس من. زمان قبل لا ياخذني يمكن اتقبل لكن. في الوقت الحالي اترك الجواب للموقف ذاته ..وطلعت من غرفه مبارك انتهى ✅ |
البارت الرابع عشر
عند اليازي ... اليازي تكلم راشد وهي تنسدح على شبريتها: يعني شو يا راشد راشد بتنهيده: يعني مابا اظهرها لهلي خلها بعيد عنهم اليازيه: أبا اتعرف عليها راشد بعصبيه: تخسسسسسي الا هي تأخذ مكان مهره وتتعرفين عليها هذا اللي ناقص قتلج هذي غلطه يا المينونه فكري اليازيه بتنهيده: اففففف منك ومن تهورك تراك بتضيعنا وبضيع عمرك ما تخاف مهره تدري راشد ينسدح عالشبريه: لا ما أخاف لان قلبي وعقلي وروحي لها .. اليازيه بغصه: ما ينفع لو درت باجر لا بينفعك قلبك ولا بينفعك عقلك ولا بتنفعك روحك وانته كيفك . راشد: اليازيه تلمحين لشوه فيه شي اليازيه بغيض: هي فيه الحين ما تقولي ليش ما تقول لمهره عن وجود حرمة ثانيه لك في حياتك . راشد يتافف: اووووف منج يا الحشرررره قتلج بنام خلاصصص لا عااد دقين الباب ورد على اليازيه وقال: انزين كملي يزوي شو كنتي تقولين اليازيه تتنهد: كنت اقولك قول لمهره وافتك وريح قلبك راشد: الوقت ما يسمح الحين انتوا شبلاكم ترا ما صار لي ويا مهره الا شهر كيف ايي اقولها تعالي ترا انا معرس وعندي حرمه وحامل والحين بتربي وبييني ولد صح اليازيه: ابرك لك من انها تعرف من غيرك راشد تنهد: ما بتعرف لا اتخافين مسوي احتياطاتي اليازيه تتنهد: اوك انزين انته الحين من متى عندها . راشد : من يومين اليازيه: وانته قايل لمهره ان عندك دوام ولا شو ؟ راشد: هي اليازي: منو يدري بزواجك راشد شوي وبينام من كثر النعاس: الله قبل كل حد وانتي ومبارك بسس .. اليازيه تتنهد وفي خاطرها تقول وحمد وسلامه تكلم راشد وقال: اليازي اذا ماعندج شي مهم بنام عيزان من صبح واعيي اليازيه بحيره أقول ولالا أقول ولالا اففف مافيني عالمشاكل اسكت احسن قطع عليها صوت راشد وهو ينهي المكالمه: تصبحين على خير اليازيه بضيقه: وانته من اهله ... وسكروا الخط .. ورااحت تتسبح وتنام ... اما مبارك فتفكيره شغال انا أولى من كل حد يا مهره يعني شوفيها لو صرحت بحبي لج حتى لو انتي حرمة اخويه وشي هذا غلط لكن قلبي يحبج من زمان ومايطيعني غصب يرني صوبج اما مهره على الشبرية انتبهت عالتلفون يرن وشافت رقم الحرمه ردت بسرعه وهى تقول: الو ثريا اللي استغربت من نعومه الصوت قالت بحده: وبعدين يعنى مب ناويه تفجبن ليش تتصلين به تراها ليلتي اليوم ولا انتى ما قدرتي تبعدين عنه يومين . مهره تضحك باستفزاز: انااا اتصلت ؟! متىى تحلمين ولا شو ؟، غير الساعه عشر الفليل ما اتصلت يكون في علمج يا حلوه. ثريا تستفزها وهي تقول: هههههههههههه ولا غرتي ما تتخيلينه في حضن غيرج مهره ترفع ضغطها وقالت: والله هو من زمان في حضنج بس ترا انا ثانيه يعني انا اللي يايه عليج مب انتي ههههههه انقهرت ثريا وقالت: ماعنده سالفه راشد يوم خذاج ضحكت مهره وهي تقول: انا اللي ما عندي سالفه يوم خذته مب هو، ولا غيره كثار عاشقيني . ثريا بحقد: هههه والله بقوله مهره تضحك: قولي له فديتج اني عرفت عشان اعرف شو بيسوي يوم بقوله ما عندي سالفه انى خذتك ثريا بتردد قالت: انا قلت لج لا عاد دقين عليه وهو عندي ليش تعاندين ودقين مهره: يكون في علمج مب انا اللي تحرق عمرها بيدها لا انا بتبعه لين اخر درب وبشوف متى ايي الوقت المناسب ويقولي عن موضوع زواجكم وعن ولده اللي ياي فالدرب . ثريا تضحك بخبث: هذا الولد اللي بيغلى عند ابوه وبينساج مهره بلا مبالاه: مع سلامه وينساني وين المشكله بضيع بنسيانه يكون في علمج انا ماضيع انا اضيع اللي حولي ولج عين تنظر بس أتمنى توصلينه خبر انى عرفت بزواجكم شوفي ردة فعله بعدين تعرفين ليش هو ما يبانى اعرف ، وبعدين هو مب موجود عندج الحين ،عشان تعرفين يرمس منو في هالوقت .. سكتت ثريا بقهر وقاالت: باي وسكرت في ويه مهره ... مهره تضحك على غباء هالحرمة ... وتوهاا بتنام سمعت اذان الفير صلت ونزلت تحت دخلت المطبخ تسوي نسكافيه لفت على صوت مبارك وهو يقول ببتسامه: صباح الخير مهره تلف عليه وقالت ببتسامه: صباح النور والسرور مبارك بتنهيده: يابختي يعني بروح الدوام وانا مصحصح مهره تبتسم : افا عليك حاضرين للغالين قرب منها مبارك وهو يتاملها وقال: متى بتسيرين البحر أي وقت مهره تبتسم وهي تقول: وانته شفيك تحاتي الموضوع لا تستعيل من ترد من الدوام بنروح . مبارك يمسك كوب نسكافيه وقال بغصه: مهره قد حبيتي مهره تتنهد وقالت: حب حب لا قبل ما اخذ راشد بس كنت انعجب بشخصيات اما حب ماعرفته الا من خذت راشد تنهد بغيض ورفع حيّاته عرفت مهره انه يكن مشاعر لها وبعد تردد قالت : احس عادي اجرب الحب مع شخص ثاني غير راشد مبارك يشرب نسكافيه وارتبك من نبرتها ونظرتها سكتت عن الموضوع وطلع لدوامه . مبارك انقهر وقال لمهره : وانتي سايره له شو تبينه مهره ببحه وهمست في اذنه: حرام قلبه يتعذب كل هالسنين صح ولالا تنهد مبارك وقال بهيام : والله انج تعذبين كل حد انتي وتغربلين الكل الله يسامح القلوب اللي تعذبت منج . مهره تبتسم وبصدق قالت: ليش انا شو ذنبي يا مبارك مب كل حد يحب يتوفق ويا اللي يحبه ومب كل اثنين يحبون بعض يتوفقون في حبهم ومب كل اثنين خذوا بعض يستمرون مع بعض مبارك لف عليها وهو يقول بلهفه: بتطلقين مهره شافت اللهفة في عيونه وقالت: على حسب اللي بيصير ويايه اليوم في البحر بقدر احدد حياتي تنهد بغصه وقال: ودي اشوفه انا هذا اللي ميينن فيج وبعدج ما تحبينه ياخوفي شالع فوادج وانا مادري مهره تضحك: والله ان شلع فوادي من حقي ومن حقه اظني وضحكت عليه وراحت وصلت عند الباب ولفت وهي تقول : يلا بتي ساعه ٦ ونص وانته ما طلعت من البيت تنهد بحيره وطلع من البيت وهو تفكيره في مهره ... اما في شقة راشد الحبيب راقد ولا يدري عن شي قربت منه ثريا وشافته راقد شلت تلفون وفتحته تنهدت بضيق ما تعرف الباس بس ما شافت ولا شي من مهره تنهدت براحه وطلعت ... ساعه ١٢ ونص الظهر بعد الصلاه نزلت يزوي وشافت الخدامه مجهزه كل شي ومدخنه البيت ابتسمت برضى ورفعت تلفونها واتصلت ببطي وكلمته بكل لهفه : فديت قلبك يا حبيب امك بطي يضحك على ابوه اللي حاط سبيكر ويحرك ايديه ويقول لبطي: شوق لك بروحك مالنا في طيب نصيب بطي يضحك وقال لليازي: فديت قلبج يا ام بطي اليازي تقعد عالكرسي: تفداك روحي يا الغالي بشرني عنك وعن ابوك بطي يضحك: بخير ونعمه ولله الحمد ابوي ولهان عليج يقول خذت الشوق عني كله اليازي تضحك: فديت قلبه هو الأساس عني فداه . شهاب يسحب تلفون: الحمدلله طلع لي من الطيب نصيب . اليازي تبتسم: فديت روحك الغالي شحالك عني فداك شهاب: بخير ونعمه بشريني عنج وعن الودم اليازي: بخير ونعمه ولله الحمد الغالي يسرك حالها بيون اليوم هي وريلها بيقعدون عندنا كم يوم شهاب ببتسامه: زين والله يونسووونج اليازيه: هي فديتهم مهره ومبارك عندي بعد فديتهم مونسيننني شهاب: زين زين وراشد وين عيل اليازية تتنهد: هذا مينون مب صاحي الله يهديه ويصلحه شهاب: بعده وياها راعية بوظبي اليازيه : وين بيسير عنها شاله ولده في بطنها شهاب: ودرت مهره اليازيه: لا بس هذيج سباله دق على مهره وترد عليها سلامه وعقب تمسح الرقم شهاب: الله يهديهم ويصلحهم اسميه بلى عمره وهو معلق قلبه في مهره اليازيه: قلت لراشد أبا ارابعها ما طاع شهاب : بعدي عنهم غناتي خليهم في حالهم اليازيه: ان شاء الله فديتك تامر امر شهاب: زين فديتج برايج عيل الغاليه شي في خاطرج اليازيه: لا عني فداك الله يحفظك حبيبي شهاب يضحك: ومن قال عني فداج وسكروا الخط .... اما مهروه نشت وتسبحت وتلبست وحطت ميك اب خفيف ونزلت تحت عند اليازي ... حضنت يزوي من ورى وهي تبوسها على خدها وتقولها: مساء الحب يزوي تضحك على مهروه: هههههههههه شكلج متولهه على راشد مهروه تضحك: ههههههه لا هذاك بروحه غرقان في الحب وشبعان اليازي بصدمه طالع مهره وتقول: شو يعني ما فهمت مهروه تضحك: هههههههه يعني مشبعتنه حب قبل لا يروح الدوام لين قلت بس اليازي تضحك : ههههههه خس الله ابليسسسسج عليييييج علوم انتي مهروه تضحك: ههههههه تفكيرج انتي منحرف اقص ريوله لو يروح عند غيري اليازيه بصدمه وفي خاطرها تقول الله يستر يا مهره من اللي بيصير يوم تدرين بالمستخبي ابتسمت تجامل مهره وهي تقول: شو رايج نخليه ايي مهره تطالعها وهي تلعب بالتلفون وتقول: لالا شو تبينه خليه مرتاح في دوامه من يخلص روحه بيي اليازيه: يتصل بج مهره تعدل قصتها اللي نزلت على وييها وقالت ببتسامه: هي فديتج يتصل يوم يكون فاضي اليازيه: تحبينه مهروه مهروه تضحك: ههههههههههههه انتي شبلاج اليوم تحققين ويايه خايفه على اخوج ومشاعره هههههههه يزوي تضحك وقالت بصدق: فديتكم الله يسعدكم يارب واشوف عيالكم مهروه تبتسم : ان شاء الله يزوي تتنهد براحه وقالت: ياحلوه اليوم وديمه وريلها بيون وشكلهم على وصول مهروه تبتسم: صددددق مرحبا والله فيهم يزوي تبتسم: بيباتون عندنا مهروه: والله حلو زين تعالي ترا انا العصر بظهر شوي اوك يزوي: اوك فديتج تببين دريول مهروه: هيه فديتج يزوي تبتسم: الغاليه كلهم تحت امرج مهروه توقف وتحضنها : فدييييت طيبة قلبج يا بنت العم لا خليت منج يزوي تحضنها وتبتسم: ولا منج فدييييت عيونج يا بنت عمي ربي يحفظج غناتي مهروه تبعد عنها وهي تبتسم: ومن قال غنــاتـــي ويحفظج قعدت مهروه واليازي قالت: مهروه يلسوووا عندنا انتي وراشد سكنوا فالميالس اللي عندنا مهروه تفاجات وقالت: ليش اليازيه تنهد: اباج قربي والحين بتربي ودوم واباج عندي وبنيلس عندها انا وانتي وان شاء الله انتي بعد بتحملين وبنتونس رباعه يا مهره مهره عيبتها الفكره وقالت: والله حلوه الفكره يا غير بو بطي ما شاورتيه اليازيه تبتسم: ما يخالفني بو بطي في شي فديته ما بيقول لا بالعكس هو بيّعيبه. مهره: والله مادري يا اليازي الشور عند اخوج اليازي تبتسم: ماعليج ما بيقول لا ... مهره ردت لها الابتسامه وسكتت شوي ودخلوا ودوم وحمدان وسلموا عليهم اليازيه : حمدلله على شوفكم حمدان يضحك: هههههههه من طيب اصلج الغاليه جنج متولهه علينا اليازيه: هي نعم والله اني متولهه عليكم حمدان يقعد عدال عمته: فديتج تبينا نسكن عندج بعد اليازي تضربه على كتفه: والله العين أوسع لكم من البيت يا الغالي حمدان يبتسم: فديتج والله يا عمتيه ما تقصرين الله يطول عمرج ويحفظج اليازيه: امين فديتكم ومن يقول ويحفظكم الغالي . ودوم تقول لمهره: العروس ماشي في درب ضحكت مهره وقالت: هههه فديتج مستعيله على شو الغاليه بعدني توني عروس ودوم: ههههههههههه هذا وانتي خالي كان مايظهر عنج من يوم خذج ولا حملتي مافيج فايده. مهره ضحكت وهي تقول: ههههههه فديتج خالج داوم من كم يوم ودوم تضحك: ههههههه شو هالاجازه اللي ماخذنها أسبوعين وبس مهره تضحك وبقصد قالت: يمكن لاقي له حب يديد انصدمت اليازيه وحمدان رفع عيونه وطالع مهره وودوم لفت تطالع أمها مستعربه اما مهره ووخت تطالع تلفون وهي تضحك وتبتسم بس يزوي تقول ياخوفي يا مهره تدرين وساكته لفت تطالعهم وقالت لودوم: البشكاره ودت شنطكم فوق حمدان يبتسم : هي عموه من صبح فديتج رن تلفون مهره وكان راشد تعمدت ماترد ورفعت عيونها على اليازيه وابتسمت قامت راحت فوق دخلت غرفة ودوم وطلعت شنطة ملابسها وتلاقت ويا يزوي وهي تقول ببتسامه: وين موديه ملابسج مهروه: يا الفضحه حاطه ملابسي في غرفة الحرمه تبا تأخذ راحتها ويا ريلها .. يزوي تبتسم: انزين تعالي بوديج غرفة فاضيه زياده في البيت خذي راحج. لفت اليازي وشافت ميري وقالت: ميري شيلي أغراض مدام مهره ودي غرفة بطي وخلي ماري تسوي نظيف غرفه اللي جنب غرفه مال رياضه . ميري: ان شاء الله مدام مهره راحت غرفه بطي ويا اليازيه ودخلوا وقالت اليازيه: مهره شو قصدج لاقي له حب يديد مهره تضحك : هههههههه سوالف ليش انتوا ماخذين الموضوع جد يزوي تبتسم وقالت: بينكم شي مهره مهره تضحك: لا والله ما بينا شي لا انا ولا راشد بس اخوج كله يقول احبج وكلام مخربط مب مفهوم يزوي : مثل شو مهره: يعني مثل قلبي عن غيرج تسكر وعيني ما تشوف غيرج واباج تعرفين ان لو في يوم من الأيام عرفتي اني غلط في حقج اباج تعرفين اني كنت مجبور مادري يلمح لشوه يزوي انصدمت وقالت: خبله ريلج ولا شو هالرمسه اللي يقولها شو يعني مهره بدون اهتمام: يمكن حب قديم يزوي توترت من استنتاج مهره وقالت: ليش مهره تقولين هالرمسه انتي شاكه في شي مهره تبتسم: يزوي بقولج شي انا قلت لراشد قبل شو ماكنت مسوي مسموح ماضيك مالي حايه فيه بس المصيبه ان اخوج ما يصارحني بشيء يعني باجر لو طلع فيه شيء انا ماعرفه وفوق طاقتيه وماقدر اتحمله بتصرف تصرف ثاني ويا اخوج يزوي توترت وقالت: مثل شو تتوقعين يطلع يوم يقولج هالرمسه . مهره بدون مبالاه سكرت في ويهه راشد للمره الرابعه وقالت: والله يا اليازيه ماعرف مره يقول غدر الحبيب ينغفر ولالا ومره يقول ياخوفي انى اخسرج الى الابد ولاعرف بلاه خلاني من كم يوم افكر واهاذي مع نفسي شو عنده مشاكل ولا عنده ضغوطات ماديه ولا بينسجن ولا مطالب ولا قضايا خلاني اخوج بلا عقل يزوي قمت اتعب ماعرف بلاه .. يزوي تنهدت بضيقه وقالت: الحين من كم يوم هو مداوم مهروه تبتسم: من يومين تقريبا وهذا ثالث يوم . يزوي تنهدت بتعب وقالت: ماعليج منه راشد يموت عليج . مهره تتنهد وتبتسم: كل شي بيبن وصل لمهره مسج عالواتس وفتحته وكان فيديو من تلفون ثريا فتحته مهره وشافت الفيديو ان ثريوه مصوره راشد وهو قاعد يطالع تلفزيون ولابس فانيله ووزار وماسك تلفون بيده وشكله يدق لحد وكتبت تحت الفيديو فديته لين اليوم عندي الله يحفظه لي . طنشت مهروه المسج ويزوي طالعتها بصدمه وقالت : مهره مهره رفعت عيونها وهي تبتسم: لبيه يزوي بقهر: شو هالصور وشو هالفيديو مهروه تبتسم: عادي تعودت يزوي بعصبيه: انتي تعرفين مهره تبتسم بغصه: هي اعرف منها للأسف مب منه وادري انكم تعرفون وساكتين يزوي بجنون: مهررره وكيف ساكته وتبتسمين وتضحكين عادي عندج مهره تبتسم بقهر: جدا عادي لاني ضحيت بشخص اللي يحبني عشان اخوج ولا اخوج ما يستاهلني . يزوي: يالمينونه كلميه صارحيه مهره: لا عيوني اسفه خليه بشوفه لين وين يوصل والله ما تيبين له طاري خليه يولي يزوي: يا قو قلبج مهره تحضنها: حبيبتي اللي يعشقوووني كثار ما وقفت على اخوج لا تنسين انه ميت فيني بس بصبر على جذبه يوم يقول انه دوام وانا ما كملت وياه شهر خليه على جذبه لين اعرف جذبه وين بيوصله . اليازي تحضنها: فديييتتت عيووونج يا الغالية كم قلبج كبير وكم بتتحملين مهره: بشوف اخرة جذبته وين بيوصله بطوفها هالمره ان عنده اشغال أبا اعرف متى بيبادر وبيقول الحين ولا يوم بيشرف ولده . يزوي انصدمت وقالت: شووووو؟؟؟ تعرفين انها حامل؟؟؟ وساكته بعد !!! مهره: هممممم حامل وفي شهر الخامسسسس بعد وقريب بيكون اخوج أبو ولكن مب منى حضنتها يزوي ودمعت عينها وهى تقول: انتي كيف متحمله وساكته بعد يا قو قلبج . مهره تبتسم وتضحك: هههههههههه شفيج انتى جلبتيها دراما اليازي انا لو اطلق شوفي باجر كم واحد بيخطبني انا عارفه نفسي زين مب خقه ياغير ثقه بالنفس بس انا اللي مانعني من الكلام والرمسه شي واحد ان راشد اول شي ما كمل ويايه شهر ثاني شي انه لو درى انى دريت بيستوي عنده عادي وبيسوي كل شي جدامي انا أباه هو يخبرني اباه يبادر يقول عن مصيبته سودا بس هو ماعنده الجراءه ايي يقول لي لانه عارف نفسه انه بيخسرني وعارف نفسه ان الموضوع ضده مب لصالحه عشان جي ما يبا يرمس لانه ياحبيبتي لو هو يدري انى دريت منها بيلقاها حجه وفرصه عشان يطلقها ليش انا اييب له هالفرصه وبيلقاها فرصه ممتعه أيضا انه ييلس يضربها عشان يطيح اللي في بطنها انا ماباه يحصل هالفرص انا أبا اشوف ويهه عقب يوم بيي يقولي وبيعرف وقتها انى انا اعرف . اليازيه مصدومه من تفكير مهره وقالت: وكيف لج نفس تضحكين مهره: لانى صحت بما فيه الكفايه بس بعدين عرفت انى غبيه اصيح على واحد اناني راشد يحب نفسه ويحب ذاته ويحب يكون كل شي له الحين يوم صرت حلاله وهو يعرف بالسواد ويهه حلت في عينه حرمته القبليه وبعدين ترانى قلت لها يوم كلمتها قلت لها انا يايه عليج انا ثانيه وانتى الأولى بس أبا اعرف اخوج ليش ما صارحنى من قبل بسواته لانه اناني يبا كل شي حقه وانا بشوف اخوج متى ناوي يصارحنى بفعلته . يزوي تتنهد وقالت: قومي خلينا نسير نتغدا بعدين نكمل حديثنا. نزلوا يتغدون وياهم مبارك تسبح وبدل ملابسه ويلس وياهم على الغدا وعيونه ما تفارق مهره اللي كانت تلعب بالصحن قدامها وما تاكل شي لاحظت عليها يزوي وتنهدت بغصه ... يعد صلاة العصر في بيت بو سعيد لطوف تكلم مايد : انزين الله يهديك انته معصب على شو مايد بعصبيه يضرب ايده على السكان ويقول: مقهههور انه سعيد حز في خاطره وردني انا وعبدالله من السلام انحطيت في موقف بايخ كله من العنود لطوف : يا ويل العنود مسكينه ما يخص العنود حبيبي قاطعها مايد وهو يقول: الا كله منها هي سبب راحت لسالم وقالت له شو تباه تقوله ان انا وعبدالله جابرينها . لطوف تحاول تهديه: ماعليه حبيبي بيهدأ وبيرد يروحه وبيسلم عادي هو بس ماخذ موقف تنهد بقهر وقال: افففففف ما صدقنا ان البارحه يخلص الموضوع ويعدي لطوف: يلا ماعليه الله يالف بين القلوب الغالي لا تحاتي تنهد بضيقه وقال: عكروا مزاجي البارحه على كثر ما كنت فرحان واتريا اليوم بفارغ الصبر بغضته وكرهته من الموقف اللي نحطيت فيه . لطوف: ماعليه بيهدا الوضع وبترد الأمور طيبه ان شاء الله. مايد يلف لفة بيتهم : ان شاء الله ... برايج. الحين وصلت البيت... لطوف استغربت نبرة صوته وقالت: اوك برايك الله يحفظك.. مايد سكر من دون ما يرد عليها وفر تلفون في سياره ونزل ... تلاقى ويا سالم وعبدالله سلم وتخطاهم داخل سالم: شفيه هذا عبدالله: بعده مضيق من سالفة العنود سالم: ماياها خير الحين بيرقد عليها رقاد عبدالله: جالب على حرمته الغبي بعد سالم : وانته شدراك عبدالله: البارحه هو قالي عكروا مزاجي وحطيت حرتي في لطيفه .. سالم: مسكينه ماياها خير . عبدالله يطالعه وقال: وانته شبلاك كل ما قلت لك شي قلت لي مسكينه ما ياها خير بلاك معلق على هالكلمه سالم يضحك: صدق والله عيل حد يضيق بمايد ويسلم الحين بتسمع صريخ العنود صبر شوي . تنهد عبدالله وسكت... اما فوق العنود عند عهود ومايد حادر عندهم وقال: يالغبيه تفضحينا عند عيال خالتيه انتى ما تستحين. العنود وهي تصيح: سكت لا تلومني بروحي متحسفة انى ضيعته من ايدي وخليته لغيري. مايد بقهر يمسك شعرها: عيل يا الجلبه نحن نتفشل قدام اللي يسوى واللي ما يسوى ويرد سعيد سلامنا بسبتج. العنود تصيح وتترشاه يفك شعرها: مايد دخيلك شعري تكفى يعورنى والله فج ايدك. مايد بغيظ يمسك شعرها بقو وهو يقول: عايبنج الوضع الحين نزلتى قدرنا عند عيال خالتيه انتى ما تستحين فشلتينا حتى ابويه ما عطانا ويه كله من سواتج السوده . عهود تمسك مايد وقالت : فديتك يا خوي اللي صار صار ونحن عيال اليوم وهذا مكتوب ومقدر خلاص ياخوي فج ايدك عنها . تنهد بغيظ وبعد عنها بعد ما دفرها على الشبرية وهو يقول : ماعليه يصير خير يا العنود عقب اللي سويتيه لا تين وتفتحين حلجج ويايه مادور رمسه بيني وبينج سمعتي وراح عنهم وسكر الباب بقو غمضت عيونها العنود من قوة صوت وقالت: ليتني ما استعيلت ليتني سمعت كلامج يا عهود . تنهدت عهود وقالت بعتاب: الله يهديج تتسرعين بعدين تندمين خلاص لافات الفوت ما ينفع الصوت . سكتت العنود وبعدين قالت : شفتيه البارحه كيف طايح حب ويا الريم وماراح الا متأخر . عهود: الله يهنيهم ويسعدهم هو فرض الريم عليه مب الريم اللي فرضة نفسها عليه وسمعتيه البارحه شو قال شفتي البارحه يوم الريم سارت فوق وهو كان قاعد عند ابويه وامايه ويسولف وياهم شفتيه يوم قال زقروا لي الريم ولا بروح عندها فوق . العنود: لا تقهريني عهود تكفين بروحي مستغصه ما قهرني الا يوم مسكها من ايدها وظهروا برى . عهود ببرود : وليش انقهرتي . العنود تضحك بقهر: ما وداها برى وقعد في سيارته الا وفي خاطره شي . عهود تضحك ببرود وقالت: تراها حلاله هو جدام امايه وابويه ما حفل حد مقعدنها عداله ولاوي عليها واذا شلها برى فهذا شي بينهم هم الاثنين وخاص فيهم ... العنود بقهر تبكي: ليششش سوى فيني هالحركة السخيفة عهود تتجاهل بكاها وقالت: العنود تتحسبينه بيترجاج سعيد مب من نوع اللي يذل نفسه لحد كرامته فوق كل حد وانتي اللي يبتي لعمرج شي هذا فشلتي نفسج قدامه صراحه انا انحرجت من موقف المحكمة يوم فشلنا كلنا يوم شفته مسك الريم قبضني قلبي كنت مستغربه من روحت الريم ويانا لين المحكمه بس شفتي هبلج وتسرعج شو سوى فيينا شكل سعيد تعلق في الريم بسرعه . العنود طالعتها بطرف عينها وسكتت اما عهود فانشغلت بترتيب اغراضها ... في بوظبي قبل المغرب بساعه مهره كانت جاهزه بتروح البحرعلى موعدها بس قالت لليازي انها بتروح مشوار وبتي وراحت ويا الدريول في نص الدرب اتصل بها مبارك ردت مهره : هلاااا بلي نايمييين في العسل . مبارك بنعاس: وين عسل تعبان والله الفليل امس مارقدت زين قعدت افكر فيج عورتي قلبي مهره تضحك: ههههه عورت قلبك ولا تفكر بلي بقابله اليوم وخايف انه يأخذ قلبي مبارك اللي استوعب وضرب يبهته وعدل قعدته بسرعه وقال: انتتتتي وين وطالع الساعه اللي قربت على ٦ ونص قال: رحتتتتتتتي من دونتنننني يا الكلبه مهره تضحك: هههههههههههه شوي شوي على عمرك تبا تي تعال ركب سيارتك وتعال. مبارك تنهد بتعب وقال وهو يقوم من شبريه ويدخل الحمام: بشوف ينانج وين بيوصلنا لا تقابلينه لين ما أوصل فهمتي مهره تبتسم: ززززين ما يهمك هو بعده ما وصل . مبارك يغسل ويهه وقال: متحمسه اشوووفج على شوفه . ضحكت مهره وهي تقول: هههههههههههه والله لو تعرف منو هو بتحبه اكثر عني مبارك يغسل اسنانه قال: يعني تحبيييينه مهره تنهدت: انته تعال وبتعرف كل شي اترياك انا مبارك يتمضمض : وصلتي البحر مهره : قرب البحر الحين انا شوي وبوصل مبارك:اوك عيل بتسبح وبصلي وبيييج مهره: تمام وسكرت الخط .... وهي مستانسه انها مطنشششه راشد طول اليوم هذي عاشر مره تطنشه تنهدت براحه وصلت البحر وقالت لدريول يروح البيت تمشت وهي تشوف منظر البحر والناس اللي يسبح واللي قاعد ويا عايلته واللي يلعب على شاطيء من اليهال رن تلفونها وكانت اليازي ردت: هلا يزوي يزوي بوناسه: هلا مهروه بقولج شي مهروه تضحك: ان شاء الله دوم هالوناسه يزوي تضحك: ههههه وياج اقولج شكلكج مينننه راشد لين قلتي بس والله فيني ضحك بس ماشيه على خطتج . مهره تضحك وهي تقول: ليشششش شو استوى يزوي تتنهد: اتصل بي وقال عشر مرات اتصل لمهره وماترد مب من عوايدها قتله انته وين قال روحت العين قتله ليش شبعت من الحب قال خسسسس الله هالويه ومجابله والله بزووور بالع عمري عندها عشان تهدا قتله انته وين وليش مروح العين قال بروح اشوف مهروه مب من عوايدها ماترد عليه اكيد فيها شي تصدقين انه واصل قرب بيتكم شكله من صبح ظاهر عنها . مهره تتنهد: احسسسن خليه يولي عشان يعرف المهر منو يزوي تبتسم: انزين ما بيلقاج تتوقعين شو بيسوي مهره تضحك: بيرد يتصل بج بعد شو ما بيستوعب اني عندج لانى ما قلت له أصلا خليه شويه اباه يتحرقص ... يزوي : صراحه المفروض خلاص عاد يحط حدود لموضوعه مهره : ماعليج منه قلعيه شتبين فيه وبعدين انا مستانسه ومرتاحه. يزوي تضحك: لاقيه لج حب انتي بعد ضحكت مهره وهي تقول: والله قد شعر راسج بس يا حسافة ان الحظ ضدي . ضحكت اليازي وهي تقول : ههههههههه شكلج مغبونه والله مهره بجديه: والله من فعايل اخوج الغبي عيل ما تقولين لي في واحد يسوي هالسواة ترا انا ساكته لانه ولد عمي بس وقت الجد وقت ما يطيح الفاس براس الله يعينه على ردة فعل العايلة الكريمه. يزوي تنهد: الله المستعان اوك فديتج برايج متى بتردين مهره وهي تشوف مبارك عالخط قالت: ماعرف والله بس يمكن اتاخر يزوي : اوك برايج عيل فديتج خذي راحج مهره تنهي المكالمه: ان شاء الله عنني فداج سكرت من اليازيه وردت على مبارك اللي قال بغيض: ساعععه تردين كنتي تكلمينه صح مهره اللي حست بنبرة الغيره في صوته قالت بهدوء: كنت اكلم اليازي تنهد براحة وزفر بقو وقال: اه الحمدلله اشوى انتبه على عمره وقال بعتاب: انا مب قايل لج اني بروح وياج ليش تروحين من دوني مهره تنهدت براحه وهي تشوف منظر الغروب بدا وقعدت على الحصاة وهي مستمتعه باصوات البحر وامواجه سمعت مبارك يقول بتنهيده: ما وصل المحسوب مهره اللي حست بقشعريرة من نبرة صوته وحست بشي غريب في نبرته وقالت في خاطرها حبك واضح في عيونك وكلامك واسلوبگ يا مبارك تنهدت وهو قال: ليش ساكته انا اكلمج مهره تبتسم: وانا اسمع كلامك يا الغالي وافكر فيه مبارك من دون شعور قال: ما تفكرين فيني انا بعد مهره تضحك عليه ومبارك ماركز في اللي قاله جان يقول: هي ضحكي من طريت الحب اللي بتلاقينه وانتي الا تضحكين . مهره ضحكت: ياويلي منك تعال تراه وصل مبارك بقهر قال: ياي يلا الحين برايج باي سكرت مهره وهي تضحك عليه وتنهدت براحه سمعت صوت التلفون للمره الالف يصيح باسم راشد حقرته وطنشته وهي تضحك شوي ووصل مبارك لف عليها وفي ايده فيتامين سي وقال: هلا بالحلوين الرقم الشيخه . ضحكت مهره وهي تشوفه ياي صوبها وقال: ويننننه عيل ماشرف غناتج مهره تضحك: اقعد زين اول وخذ نفس وارتاح وهو بيوصل بدوبه(براحته). مبارك يطالعها وهو يشرب الفيتامين ونزل الغرشه وقال: والله يوصل بدوبه بياذن المغرب عليج وانتي يالسه تتاملين الغروب والشمس مسويه لج جوو رومنسسسي مع نفسج . ضحكت مهره وهي تقول: هههههههههه ياخي ما يليق عليك العصبيه لا تعصب . مبارك: حرق تلفونج راشد وسار يعق الغرشه في زباله ورد وقعد على الحصاه الكبيرة ولف لها وشاف ابتسامتها وقال بغيره: ها سعيد الحظ وصل مهره طالعته وهي تبعد خصله من شعرها اللي نزلت على ويهها وهي تقول: هذا اخوك المينون مية الف مسج على الف اتصال يبا يعرف انا وين وليش مارد عليه. مبارك يمسك حصى ويفرها في البحر قال: هي تراج لاهيه ويا هذا الحبيب اللي غربلج وشغلج عن اخويه لف طالعها وقال قولي له انا عند الحب اليديد . مهره لفت تطالعه وقالت بصدمه: مينون انته انا افضح نفسي عنده خلي يولي بس مثل ما هو ما قالي وعايش حياته انا بعد بعيش حياتى وقالت بحالميه وهى تحط عينها في عينه: ويا اللي يحبني ويستاهلني مب واحد مثل اخوك راشد لا حشمه ولا تقدير.. مبارك بغيره وهو يطالعها: هي صح يستاهلج ويحبج لدرجة انج يايه وقاعده وهو بعده مايا اكيد قص عليج . مهره تضحك وهى تحط تلفونها سايلنت ووقفت تتمشى على شاطيء وصدت عليه وهي تقول: والله انه ما يخون ولا يجذب عليه والله انه اصدق مني في الحب . مبارك قرب منها وقال وهو مجابلنها: انتى ليش تجذبين عليه وتقولين انج ما تحبينه والحب يبان في عيونج له . مهره تحط عينها في عينه وقالت بجرأة: ليش في عيوني حب له . مبارك يحط ايديه على كتوفها وقال : والله انهن يشعن حب له . مهره طالعته وقالت: تاكد في ذمتك ذمه في عيوني حب له ولا نزوه . مبارك يطالعها وبغيظ قال: نزوه تسميييين كل هذا نزوه يييتي عشانه وتترييينه وتتكلمييين عنه ومطنشه راشددعشااانه بعد تقولين نزوه وبغيره قال : وصدعتي راسي فيه وكل هذا تقولين نزوه .. بعد عنها واتجهه صوب الكراسي يقعد وزفر بقووو وغيظ قربت منه مهره توها بتتتكلم ولكن اذن اذان المغرب عليهم لف طالعها وهو يتنفس بسرعه وقال بغيره تاكل فواده اكل: وحق هالاذان انج ميته فيه بس تجاملين نفسج انج ما تحبينه وجاملين نفسج بحب راشد بس شكل حب راشد نزوه وحبه هو اللي ثابت في قلبج. قعدت قدامه مجابلتنه اثنت ركبتيها على تراب وحطت ايديها على ركبته وقالت: ان كان كلامك صدق اني احبه فأنا مستعده اتحمل كل شي عشانه بس هو اللي بيتضرر من حبي له وانا مب متاكده انى احبه كيف انته تاكد لي اني انا احبه . مبارك هدى شوي وقال بهدوء وهو يحاول يضبط اعصابه: مهره فديتج كل هذا وتسمينه مب حب مهره تنهدت وسكتت قطع عليها مبارك وهو يقول: قامة الصلاه وهو ماشرف ممكن اعرف وينه اذا ما بيي انا بروح مب مستعد اترياه . تنهدت مهره وهي تقول : ماعليه انته الحين صل المغرب وعقب بقولك هو وين موجود وبنسير رباعه صوبه . مبارك لف عليها وقال: انا مب ساير مكان مب ولد شيخ هو نترياه ونّزل من سيارته سياده واستقبل القبله وصلى .. مهره كانت تشوفه وهو يصلي وخايفة من ردة فعله خايفه والله من كل شي تنهدت بتعب وقالت بهمسس: الله يعين ويقويني وخليك اليوم تشوفه وانا اشوفه بعد ... عقب هدوء دام بينهم قام مبارك وعدل سياده وردها في سياره وقال: وين الحب .. مهره بتردد قالت: حاجز في يخت اذا ما بتسير انا بسير .. مبارك بعصبيه مسكها من كتوفها وقال وهو يهزها بغيظ: شوووووو يختتتت ناوي على شوووو هذا والله ما تسيرين وعل العين ما تشوفه ان شاء الله وانا الغبي اللي قاعد اسايرج في الكلام عاطنج ويهه ترانى والله بروح وبخليج .. مهره تنهدت بضيقه وقعدت عالكراسي سمعت صوت مبارك المتغيظ يقول: قوووومي اركبي السيارة احسن لج قووومي .. نشت بضيقه وركبت السياره وهي ساكته شافت مبارك كيف معصب ومضيق قالت في خاطرها كيف اقنعه يوديني اليخت سمعت صوت الباب يتسكر بقو وقال بعصبية: واااايد مسوووويه له سالفه تراج منو هذا اللي بتخاطرين بنفسج عشانه وبتروحين وياه اليخت ما تخافين يغدر بج لف على مهره وشافها ساكته تنهد بقووو وزفررر بضيقه وقال وهو يحاول يهدي نفسه: مهره أخاف عليج انتى وايد واثقه فيه لدرجة بتروحين له بريولج لين اليخت هو ليش حاجز يخت ما. ينفع تستسمحين منه بالتلفون او مسج بس لا تروحين له بريولج وانا مب بايعنج برخيص عشان تروحين له بريولج انتي لأي درجة واثقه فيه يا مهره .. مهره بصدق وصراحه قالت: لدرجة اني قاعده جدامه الحين وهو خايف عليه اكثر من نفسه ما استوعب مبارك الكلام وسمع مهره تقول وهى تتشتت انظارها في سياره : أدري انه غلط اقولك عن الإحساس اللي احسه صوبگ وادري ان المفروض ما تعدى حدودي وياك لانك محسوب عليه اخو ريل وولد عم بس شو ذنب الحب اللي في عيونك اللي قاعد تجتله بنظراتك وبعدك عنى ليش ما صارحتنى قبل انا اول مره اشوف نظرة الحب في عيونك من كم يوم فيها مشاعر هيّاضه وفيها صدق ووفى ما ينحكى من شفت نظرة عيونك ولمعة الحب في عيونك عرفت انى غلطانه بموافقتى على راشد لانه راشد انانى اما انته لا غير عنه مب من حقي اعتذر منك على السنين اللي ضيعتها في حبي وتعب قلبك ااتمنى احبك اكثر عن حب راشد أتمنى المشاعر اللي حسيتها صوبك اتمناها تكبر وتحبك وتعشق كل شي فيك انته ظلمت نفسك وانا ظلمتك شو ذنبك تشوفنى قرب اخوك وانته تحترق خوفك على بيت اخوك انه ينخرب من حرمته وتدخلك علشان تنقذ حياتنا تواصلك ويا راشد عشان تعرف شو صار بموضوع حمل حرمته ووايد أشياء لو اعدها ما توفي حقك نظراتك ما فاتتنى يوم كنت بروح المرزعه كنت اتحسب عنده مشاكل او قضايا ماليه او مهدد بسجن تعبت نفسي وتفكيري فيه ولكنه الحبيب ما كمل شهر وسار عندها بحجة شغل واكتشف حمالها وهي كشفت نفسها قدامي صح حبيت راشد ونظرة الحب في عيونه عاهدته ماخليه على ماضيه لكن للأسف زواجه من ثريا مب ماضي بس مازال حاضر ونعيشه بتفاصيله وكلها كم شهر وتيب له ولد ويعلنها عند اهلك وانا لين هنيه ينتهى دووري ويا اخوك انا فرط في كثير من اللي حبوني واولهم انته ، مبارك مصدوم ان مهره تصارحه بشيء هذا ومصدوم زود انها عارفه بمشاعره وانها تقصده هو مب غيره تنهد وقال بهدوء: افهم من كلامج انج مب مواعده حد اليوم ولا واحد في الفروسيه وياج ولا غيره اللي مقصود هو انا صح |
توقعاتتتكم يا جميلييين
|
ابدعتي قلبي تبارك الرحمن
اعجابي وتقييمي وتنبيهات |
ماشاءالله عليك
كاتبه مبدعه دائما يكون البارت أحلى من قبل مبدعه ومميزه يا دجي |
شكراً لك
بإنتظار الجديد القادم دمت بكل خير |
| الساعة الآن 10:48 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية