منتديات قصايد ليل

منتديات قصايد ليل (http://www.gsaidlil.com/vb/index.php)
-   …»●[دواويــن الشعــراء والشاعرات المقرؤهـ المسموعهــ]●«… (http://www.gsaidlil.com/vb/forumdisplay.php?f=37)
-   -   ديوان الشاعره : ابعاد التركي (http://www.gsaidlil.com/vb/showthread.php?t=90835)

غزلان 01-02-2016 09:10 AM

ديوان الشاعره : ابعاد التركي
 
ديوان الشاعره : ابعاد التركي


ظنون اليأس

ياليل مسـراك الهجـوس المديـدة
وانا على مسـراك مديـت شوفـي
طويت ياسـك فالـدروب المكيـدة
وامهلت في سطوة ظلامك وقوفـي
اسرى معك مثـل النديـد ونديـدة
وارجع مع ليلك وخطـوة احتوفـي
وين ابتدي والجرح نقضـة يزيـدة
ياكسرة الخاطر وقـل امعروفـي!
البارحـة عـدّت ولاهـي بعيـدة
هذى معاذيـري وهـذي احلوفـي
ظالـم ولوّعنـي علـى مايريـده
وطيت برده واحرق الجمر جوفـي
سلّّمت له قلـبِِِِ حصونـه عتيـده
مبعد عن الشكّـة جفـولِِِ عزوفـي
يذل مـن كثـر الكـلام وزهيـده
ويخاف لا تكثر عليـه الحسوفـي
واهديت له حشمة غـلاي ونشيـدة
وارخصت له عمِرِِ بوصله شغوفي
ياجرح قلبي كـل ماذكـر وعيـده
وياوجد حالي يوم ابـرّق واشوفـي
قيدّنـى بحبّـه وسايـرت قـيـده
قربه رضاى ومنهْ جرحي وخوفـي
بوّاّق في ستـر العهـود الوكيـدة
خوّان بحسـاس الغـلا مايروفـي
اصبـح وذكـراه القديمـة جديـدة
وامسي وينزع طاري البعد جوفـي
كنت احسب اني في غرامه وحيـدة
وانكفـت منّـه خاليـاتِِ كفوفـي
استر ظنون اليـاس لوهـي بليـده
واقول غلطة والسبايـب ظروفـي
ماعـاد تقليـب المواجـع يفـيـده
ولاعاد وصف الامس يشبه وصوفي
تعبـت ياليـل الهجـوس المديـدة
جفّ الكلام 0وضايقتنـي حروفـي
رد الزمـان لخافقـي واستعـيـده
الدرب مجهم ,,, والنوايا انكوفـي

غزلان 01-02-2016 09:11 AM

الخطا مردود
الا يالله لا تقطـع رجـا داعيـك يـا رحـمـن
يا علاّم الامـور الخافيـة والضيـق.. والشـده
على بابك واناشدك العفـو يـارب ..والغفـران
وفيضٍ مـن عطـاك ورحمـةٍ ماهيـب منـرده
خذتني لوعة الوقت الصعيـب مفـرق الخـلان
وقلبـي ضامتـه سـود الليـال وبيحـت سـده
انادي بالوصال احيان وادعـي بالفراق(احيـان)
واخفي غايـةٍ فـي داخـل الوجـدان منضـده
احسب ان الخطا مردود والاحسان (بالاحسـان)
واحسب الجرح يبرى والسنيـن تقصـر المـده
واحسب ان "العهد" بيتٍ قـوى شامـخ البنيـان
عسير الوقت لـو هـد الجبـال الصـم ماهـده
واحسب البعد تجفاه القلوب ويسكـن الاوطـان
واحسب ان المفارق يتعـب المشتـاق (ويـرده)
واليا مريت "يالصوت البعيد" وجابـك التحنـان
معك قلبٍ يتـوق ومعـك قلـبٍ (مخلـفٍ وده)
تواعدني مواعيـد السـراب لخافـق الضميـان
و تتل الـروح منـي والنظـر فدروبـك الـده
واجيك بخاطرٍ يشري رضـاك بغالـي الاثمـان
وعنك والله اني.. ماعرف الهجـران والصـده
ابد ماكن به غيرك على وجـه البـلاد "انسـان"
عليـك الـروح تولـه والنوايـا معـك منشـده
الين ارخصتنى ياصاحبي فالموقف( الخسـران)
وذقت الغـدر منـك بطعنـة فالصـدر ممتـده
عسى ربي حسيبك كيف قلبي في يدينك (هان ).؟
وانا مثل اليتيم " اللي نثر دمعـه علـى خـده "
خذاك الزود واعماك الغرور وجابك "النقصان "
تقول الحق .؟ ولا تنكره .؟ ولاّ تجي ضـده .؟
على ماتشتهي روّح ركابك والعـذر لـه شـان
مثل ماقيـل " كـل يلبـس ثيابـه علـى قـده "
عسى لى منك مسرا يقتفيـه البعـد و(النسيـان)
وهجرٍ ماتجي لـه فالضلـوع النايحـة ( رده)
وعسى قلبٍ (يميل) وينتزع لك داخل الوجـدان
تمثناه الرمـاح النافـذه فالصـدر ... (وتلـده)

غزلان 01-02-2016 09:12 AM

ضي وشعاع
ليت ذنبي غير فرقاك واستغفـر واتـوب
كان ماخيّم بصدري مـن الفرقـا نـزاع
سقت قلبي من شمالـه وسيّرتـه جنـوب
كيف اوادع وانت اخذت المودّع والـوداع
خافقن يلبس لك العشـق والتحنـان ثـوب
مارضالك بالمهونـه ولا جـاك بخـداع
كل شي غيـر داعيـك ماهـو بمحسـوب
شمس ماتشرق بوصلك مهى ضى وشعاع
وان حكوا في سيرة ابعاد عميـان القلـوب
ضمّنى في وسط عينك وخل القـاع قـاع
وان خذانى فكري النـازح الغـر اللعـوب
ناد باسمى ويتحدّر غروري لـك ضيـاع
وان غفا ليلـي بليـاك واعيـاه الهـروب
لك معى صوت ومواثيق وهجوسن تشـاع
قد غلبتك وانت ماعشت في يـوم مغلـوب
قل نعم وانا اعترف لك واقول انك شجاع!!
والله انى جنتك وانت راضى ومغصـوب
ذبت فعروقك وغيرت بـك كـل الطبـاع
سم باسم الله فـي قلبـي وعـد الـدروب
كيف يتبعثر خفوقي واجي لـك بانصيـاع
وكيف لاخطيت بشعوري وشفت انى كذوب
التزمت الصمت وعيونـى حكايـة نـزاع

غزلان 01-02-2016 09:12 AM


نشـاد
دعاك الشوق ياطيف الغلا ولا الجروح اجداد
او انك مالقيت من المواجع غيـر ذا السيـرة
تذكّرني عذابي وانتحـى لـك طايـع منقـاد
وتروى من عروقي لين اموت ويالله الخيـره
طلبتك خلنى ماعاد جرحـي دمعـة وسهـاد
كبرت وكبرت جروح الغرام وشان تدبيـره
ولانى طفلة تزعل وتضحك للرضـا بعنـاد
يمرجحها الغرور وغرها الوقـت ومقاديـره
سرت فعيونى طعون الفراق وخاطرى ماهاد
بكيت ولا ذبحت البعد والهوجـاس والحيـرة
انا ياصاحبي غنيت جرحي لين صوتي بـاد
اسنّـد لـه طروقـي واتعدانـي محاديـره
وانا اللي داعي الاشواق صافحته عنا وجهاد
ولا حصّلت من وجه الزمـان الا مخاسيـره
تذكرني او انك جيت يا طيف الغـلا نشـاد
وتدرى مانسيته من خطـاه اليـا معاذيـره
سريته لين ماصارت عيوني له مسا ورقـاد
وصار الليل مسرى خوّته والعهـد والجيـره
احبه وان ذكرته ضاعت بلاد ونسيت بـلاد
ولادري عن مكاني وين انا والناس والديـره
كتبه الله لعمري جرح ولغيري كتبـه مـراد
وتذبحني ظنوني لاصحت بي جمرة الغيـره
يقول انتي واقول انت الغلا ياروح روح ابعاد
عليك الله وامانه وش يضف الدمع ويجيـره
دريت انه لغيري واقتنعـت ولابقـى مقعـاد
تفارقنا ويامكثـر غـلاه وكثـر تقصيـره
خذا كل العمر واقفى بلاعـذر وبـلا ميعـاد
وانا قفيت ما والله في قلبـي سكـن غيـره


غزلان 01-02-2016 09:13 AM


غــرّتك نفسك
مالصوتى يالمشاريه حيـل ولا عـزوم
وان تعديتي عتب خاطـري لا ترحلـي
هوّدي عن ثورة الشك واقبـال الهمـوم
ليـن يجنـب تايـه الفكـر ولا يشملـي
سامح الله جرح الاحباب يوم وكـل يـوم
جرح تبريـه الليالـي وجـرح يعتلـي
وانت ياللي كل ماامسيت جابتك الحلـوم
مرني طيفك وفزيت يـوم اقبـل علـي
ماغدت عنك المساري ولا بالنـوم نـوم
السهـر عيـت دروبـه وعيّـا ينجلـي
اسالك بـالله وامانـه وغيـره مايـدوم
وش علامك يومك ارخصتنى ماقلت لي !
مانويتك نيـة الغـدر وانكـار السلـوم
الغدر ماهـو بسلمـي ولا سلـم اهلـي
هد طيشك لايجي منك تجريحـن ولـوم
الله اللـى عـز قـدري وثبّـت منزلـي
غرتك نفسك وغررت بالقلـب الرحـوم
لين حلت اقصى طموحي على باب اجهلي
وانت لو تمشى دروب الغلا مع كل قـوم
ماحدن مقفـي بقلبـك ولاحـدن مقبلـي
والله انى قـد وسمتـك بكفّينـي وسـوم
ماتركت منك المياسم ولا ضلعـن خلـي
كم سنه مرت وانا اشرى بخفاقك واسـوم
والطعون اللي بصدرك تغيض وتمتلـي
قلت لي لا تجرحين الشعور ابـلا لـزوم
قلت لك : مايونس الجرح غير المبتلـي
ايه احبك ايه احبـك ولا فالحـب لـوم
والله ان لامااك شفّـي وصـدك مقتلـي
وان تباطيت الليالـي وعديـت النجـوم
انت خابر وش رضايه وتدري بزعلـي
رح وانا ياصاحبي منك لو عشت محروم
والله انـي حبـك اللـي بقـى والاوّلـي


غزلان 01-02-2016 09:14 AM


وان لمحت اسمي
لا تسل عن ضيقـة ايامـي وقلبـي لا تمـره
ضاعت دروبك على اخر ليل وجروحي عطايب
وان لمحت اسمي ترفّـق بـه وبادلـه المبـره
كثر مابادلك شوق وكثر مـا ودّعـك هايـب
لك على يمة عروق القلـب يالمغـرور جـره
ماتواريهـا السنيـن ولا تغيرهـا النـوايـب
والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب
ماقدرت اتوب عن ذكرك وعن حلـوك ومـره
ليه عن ذبح الغلا ياصاحبـي مانتـه بتايـب؟
هـاك ميـزان الجـروح وقيسهـا ذرة بـذرة
ماوزنت الا غـلاك ولا طعنـت الا الحبايـب
كل مايطري علي ظلمـك تشـب الكبـد حـره
كن في صدري رماح القوم وسيوف وحرايـب
كيف ابنسى ليلة زعزعـت قلبـي مـن مقـره
انفرت كبدي وخفاّقـي غـدا قبـر ونصايـب
هلت دموعـي وحلّفتـك بربـك الـف مـره
يابن آدم خف من الله مـاورا ذبحـي كسايـب
أنت شخصٍ ماقدرت استوعبـه خيـره وشـره
من عرفتك والدموع دمـوع والخفـاق ذايـب
لا تصدق كذبـة الايـام فـي وجـه المسـره
بسمة في عين طفل ودمعة فـي عيـن شايـب
وان تذكرت الهنوف اللي على صوتـك تشـره
ضمها في صدرك الموحش وعرّضه الهبايـب
انكسر حلم الليـال وطاحـت نجـوم المجـره
أبتدت شمس وتوارت شمس وجروحي عطايب
انت ماتدري ولاعنـدك مـن الاحسـاس ذرّه
أشهد ان مصيبتى بك من عظيمات المصايـب


غزلان 01-02-2016 09:14 AM


هيبة أمير ورقة طفل
كنت بين الحضور أحمل عفيف الغزل
وأشربه عشق مايرويني إلا ظماه
جيت على طموح يعتريه الخجل
وقلت برجع لنفسي وأثري أمشي وراه
وابتدى سيدي..ولحن الخلود أكتمل
ولفني غيم لايمطر ولا أحد يراه
وابتدا يرضي أحبابه ورمشي غفل
بين صحوة منام وبين حلم دعاه
ارفع الصوت ياشاعر وخل الأمل
يذبح المستحيل ويدفنه في ثراه
لا غدى صوتك الفارس وشال الحمل
أوقد الحرف نار..وتشتعل ألف آه
وهاك فل الجديل الضافي المستهل
وزينه بالقصيد وخل يبرق سناه
وهاك عود رفيع تلمسه يشتعل
يحترق في هواك ولا شعرت بدفاه
تسقي الضيف هيلك والدخيل انقتل
في حماك احتمى ولا بيح اللي خفاه
كيف ترميني اقداري بسطوة رجل
أدري أني فقدته قبل لا أبدا معاه
فيه هيبة أمير وفيه رقة طفل
يحتضر ألف معنى قبل يوصل مداه
جيت له طفلة حذرة ةقلب سهل
مانويته ولكن كل عمري نواه



غزلان 01-02-2016 09:15 AM

مغرورة التيه
بدع القوافي جنون الشعر همسة مدااااااه
مغروورة التيه واكتب ياا سمااا؟ ياا؟ بحر
الغطرسة صنعتى والدرب تلهث خطاااااه
ان ماارويته ضماا كفنت ؟؟؟ فجره سهـــــر
والعاذل الي نوااابي واستبد بذكاااااه
عز الله انه يخيب ولا لفاااااه الخـــــــبر
الجدى ثابت وعين الارض ترصد سماااااه
وابليس يرثع على كف الندم 0000والقهر
بنت بدوين يســــج وراس ماله عصااااه
يستجدى الغــيم ويعيد الندى للنهر
يمد كفه وتزهـر فالدروب الحيااااااه
لو يبتسم ؟ ااه يابخت الفضا والشجر
من هيبته تنتشي حايل بنبض السرااه
وياعانق الموج من شط الكويت؟ الخبر؟
يسعد صباحه 0000يســعد صبااااااااحه الياااهيجن ؟؟
ويســــــــعــــــــد؟؟؟؟
مســــــــــــــــــااااه
في مجلسه كل شمسن يحتفيها قمر
يفدااه روح القصيد وكل عمري فداااه
وش لي بهرجن لعينه مايسوق العذر ؟؟
ياراعي الذود؟؟؟ياراعي الذود بنتك لا كذااا لا كذااه
تستاذنك كل حرفن 00وانت كلك نظر
ماجيت للشعر غلطه واستظل بعطااه
جيته جنون الريااح؟ وعاصفاات المطر
سطرت له ملحمة شاعر وكلن قراه
ابعاد صدق ؟ اختصرت الكل وابعاد شعر
طفلن يكن الكلام اليا تحدر بكااااااه
يموت حرفه على صدره وتحياااا بشر
ياراعي الذود مثلك وان بخل في نبااه
ياكيف تمسى ليالي نجد باحلى فجر؟؟
يابوي والعمر جاه من العنا ماكفااه
وحكاية البدو واهل الخيل كانت عمر
نغفى بنبض الخيال ويستدير برحاااه
ننذكر؟؟؟ وننسى ؟؟؟ وتفنينااا صــنــــــوووف الدهـــــــر000

غزلان 01-02-2016 09:15 AM

ياصاحبي
ليل حـوى هـم القصـيد وغـاب فحـدود الجـفاف
وأبطـيت أدور فالبحـور السـبع لـيل ماحـوى
كم جاد فـكر ولا نـويت الا مـن البـيدا ضـفاف
انكـفت عن درب الحـنين وضعـت في درب النوى
ما كل قـاف يسـتـوي له شاعـر يكــتب بــقاف
ولا كـل من كسـر بيـوت الشـعـر دون المستوى
ودعـت عـشر سـنين من عـمري بتسع من العـجاف
والطـرقـة اللي من ثلاث سـنين وارقــها ذوى
الطـير جنـحانه حــدر مـد الشـمـوس ولا يشاف
كـنه يظـن اللـيل مايـمسـي عـليه من الغوى
عـينه تـقـيس الـقاع فـي ضلع وقلب ما يخـاف
سـبحان من ثـبت ثبات الكـون وأرســاه وقوى
لاصـارت أطـراف الـمديـنه خوف من ذبح الكفاف
ضـم بجناحينه محـيط الشـمس وأدماهـن ســوى
ياصاحــبي كانك تحـسـب ان الثقال من الخفاف
عـز الله انـك ماصحـيت النور وأخطاك الضوى!
كم قـلت لك ذاك الـطـريق اللي يـودي للمطاف
أمـد لك ضـوح البيـاض وقـلت لــي:مالك لوى
قـل للغـرير اللـي سرا فالليل فثياب العفاف
مايسـتره هـندام مـلبـوسـه وشــيطانه عوى!
الخـوف ذنـب مسـتقـره مـن حـدر عــوج رهـاف
والطعـنة اللي فـي وريد الصدر جابت له خوى
أمـد كـفي للسـما واضـيق مـن حـمل الكــتاف
حـزن بنبـض الـقاع صـوته في رهـف قلبي دوى
أخايل أطـراف السـنين اللـي ثنـتني بنعـطاف
فـي لحـظـة تضـحـك شفاف الدهر لرماح الجوى
يارب ترفـعـني عـن الـزله وعـن ذل الســفاف
وعـن موقـف يـدرج ضعيف النفس مع نزع الهوى

غزلان 01-02-2016 09:16 AM


فيك أختصرت المسافة
صـرت اجهـلك عـقب ماني أعرفـك واحـتويك
فـيك أخـتصرت المسافـه وأنت طـولتها
رسمـتك أبـعاد ماتخـطـي واخـطــيت فـيك
ارضـيت نفسـك عـلي برضـاك وازعـلتها
هالـذاكرة سـيئة تـنـسى أو تـرجـع تبيك
نصـحـتها عـنك وأن ما طاعـت أغفلتها
وإن صار به يشـبهك واشـبهت أنا ذي وذيك
ودعـتـها رحــلة حـلـوة ولا عـــشتها
وقـتي مـدار وفـلك فـي غـير أوانه يجيك
وإن ما لقيـتك معي ب ألقاك في وقتها


غزلان 01-02-2016 09:16 AM

ضعت!!
يارفيق الذات منت برفيق ولا خوي
كان ماتكسر ضلوعك وصدرك تشعله
أحسبنك يانبض حرفي تجوع وتنكوي
لين شفت أن القوافي دروب مهمله
وان فقدتك والخطا منك عذره مرتوي
جيت تاخذني لغيب السنين الممحله
بعثري ياغربة الطرس بوح المهتوي
كيف يظما من عروقه ويروي مقتله
وانشدي عن عاتيات الزمان الفوضوي
كل ماباتت مراقيه حدر لاسفله
صاحبي واقصى الحنايا لظلمك تحتوي
وانت ترميني بكبد الطعون الموغله
أتفيا بك وقلبي تناهيد ودوي
نتزعته لاول الموت والموت أوله
واتجاهل بك زماني وحيل الله قوي
ضعت من شي تعرفه وشي تجهله
آه كيف الدمع يرقا العيون وينزوي
ماقويت اخفي مواريه وازريت اسبله
مابقا لي صوت والصدر ضيقات بدوي
كل ماهامت يمينه زمانه يخذله
يطوي سنينه ورا اللال والبيدا طوي
لين صارت خطوة القاع ذل ومهزله
ومن غدا مقبل حياته وموته مستوي
مافرق في وسط عينه رضاه من زعله


غزلان 01-02-2016 09:17 AM


شاعر التوباد
يا(هـدى)لاطـال بـي مسراي والهـقوه حـسافـه
عـثري بعـض البـكا فـي ناظري جهـر وخفيه
واننشدتـيني عـن التحـنان والحـر وجـفافـه
اعـرفـي يابنت كـيف ان البحـر يعـشق سميه
لعـنـبو كثر الجهـود ولعـنبو قـل المسافـه
لا وصـلت أقـصـى طـموح ولاخـسرت أكـبر قضيه
للحـزن مـيعاد ودمـوع النهـر تـرمي ضفافـه
والعـيون اللـي نكـفنها بجـرح البعـد حيه
يوم تغـريني عـيونـه للقصـيد وللـطــرافـه
شـفـت عـذرك يا الغـياب بخافـقي حب وحميه
شاعـر يطـوي حـدود البحـر والبـيدا بقافـه
كـل ما حـدر بـه الطاروق قــلـت:الله حيه
كان بعـض الهـرج مايـاطا عـلى درب الكلافـه
السـوالـف مـالـها فـي حـسـبتي ذنب وخطيه
قـلـت لـه(شاعـر التـوباد)قـلبك وش يخافـه؟
سـم واكـتـبـني بحـرف ماقـريـته فأبجديه
دامـني كـنت الغـلا والصـدق والعشق وعفافـه
ماعـلي اخـلاف فـبحـور الـقصـيد السرمـديه
يا(هـدى)مالـي بقـيعان العـرب ياكود قافـه
لاتغـنى راح قـلـبي بيـن ذيــك وبيــن ذيه


غزلان 01-02-2016 09:17 AM


سيرة ابعاد
ليت ذنبي غير فرقاك واستغفر وأتوب
كان ماخيم فصدري من الفرقا نزاع
سقت قلبي من شماله سيرته جنوب
كيف أودع وأنت أخذت المودع والوداع
خافق يلبس لك العشق والتحنان ثوب
مارضى لك بالمهونة ولا جاك بخداع
كل داعي غير داعيك ماهو بمحسوب
شمس ماتشرق بوصلك مهي ضي وشعاع
وإن حكوا في سيرة أبعاد عميان القلوب
ناد باسمي ويتحدر غروري لك ضياع
وان غفى ليلي بلياك واتعبه الهروب
لك معي صوت ومواثيق وهجوس تشاع
قد غلبتك وانت ماعشت في يوم مغلوب
قل نعم وانا اعترف لك واقول انك شجاع
والله اني جنتك انت راضي ومغصوب
ذبت فعروقك وغيرت بك كل الطباع
سم بأسم الله في عمري وعد من الدروب
شوف كيف اشري وصالك بعهد مايباع
اذكرك واذكر خفوق على ذكرك طروب
والله اني ما أتناساك وأمر الله مطاع!!


غزلان 01-02-2016 09:18 AM

دموه وضياع وامكنه
حـلم مقـفي بي عـن الناس وارخـيت رسنه
مانشـدته لـيه يطـوي مـساحات البعيد
وسـط صـمان المـعـاليـق ألمـح مـوطـنه
لو يبيد الحـلم تبـقى دروبه ما تبيد
والـفياض اللـي روت مـن عـيوني بيــنه
ما تشـابها فـياض روت مـن ســر مديد
كان يسـكـني وانـشـد عـنه مـن عـــينه
كنت أخاف من النمـيمه على شـفة بليد
كم جـمعـني فـي كفوفـه بلحـظـة شيطـنه
وكم نثرحزني على الما وصفحات الجليد
كنت ألـقـى فـي عـيونه فـراشي واسكـنه
واغـزل النجـمات عقد غفى له وسط جيد
ألـمس بصـدري دمـوع وضـيـاع وأمـكــنه
طـفـل هـارب مـن يدين تنامت ألف ايد
رحـت أطـعـن فـي ضـلـوعـه ولا أدري عنه
واكتشفت اني ذبحته وهو طـفلي الوحيد
ليه أقـتل عـمر عـايـش بنـبضي وادفـنه
كـيف أبـدا والبـدايــه عـمـر جـديد؟
والربـيع اللـي بصـدري تـعــرى سـوسنه
والجـفاف يعانق الريح وأنفاس الجريد
ذنب لا شـفـت أعـظـمه قلت ما أصعب هينه
داخـله في رحـمة اللـي ترجاه العبيد
يا كـبر ذنـبي ورحـمة إلهـــي ممــكنه
أتعـب الكـفار صــدري أبي مسلم عنيد
ماتـزحـه مـن مكانـه رمــــاح مســننه
لو تـسلط سـيف عـنتر على حبل الوريد

غزلان 01-02-2016 09:19 AM


ليل وماحوى
ليلن حوى هم القصيد وغاب فحدود الجفاف"
"وابطيت ادور فالبحور السبع ليل ؛ وماحوى
كم جاد فكر ولا نويت الا من البيدا ضفاف"
"انكفت عن درب الحنين وضعت في درب النوى
ماكل قافن يستوي له شاعرن يكتب بقاف"
"ولا كل من كسّر بيوت الشعر دون المستوى
ودعت عشر اسنين من عمري بتسع من العجاف"
"والطرقه اللي من ثلاث اسنين وارقها ذوى
الطير جنحانه حدر مد الشموس ولا يشاف"
"كنّه يظن الليل مايمسي عليه من الغوى
عينه تقيس القاع في ضلعن وقلبن مايخاف"
"سبحان من ثبّت ثبات الكون وارساه وقوى
لا صارت اطراف المدينه خوف من ذبح الكفاف"
"ضم بجناحينه محيط الشمس وادماهن ! سوى
ياصاحبي كانك تحسب ان الثقال من الخفاف"
"عزالله انك ماصحيت النور واخطاك الضوى
اشير لك يم الطريق اللي يودي للمطاف"
"امد لك ضوح البياض وقلت لي : مالك لوى
قل للغرير اللي سرا فالليل بثياب العفاف"
"مايستره هندام ملبوسه وشيطانه !عوى
الخوف ذنبن مستقرّه من حدر عوج ارهاف"
" والطعنه اللي في وريد الصدر جابت له خوى
امد كفّي للسما واضيق من حمل الكتاف"
"حزنن بنبض القاع صوته في رهف قلبي دوى !
اخايل اطراف السنين اللي ثنتني بانعطاف"
"في لحظتن تضحك شفاه الدهر لرماح الجوى
يارب ترفعني عن الزلّه وعن ذل السفاف"
"وعن موقفن يدرج ضعيف النفس مع نزع الهوى


غزلان 01-02-2016 09:19 AM

ماكل عذر يساق
ياهاجسى والعنا في خاطرك وفّه"
" ان درهمت سقتها وان طحت مابالي
تعبت اسافر بصدر البحر والضفّه"
" واروي ضعونك من البيدا وترحالي
وان شفت ندب القلوب السود ملتفّه "
" اعوذ بمنزّل التوبه والانفالي
ماقلت له ليه يوم الهرج ماكفّه؟"
" ابووه للنار كانه دوم يبرالي
والله ليبطي ويبطي مابلغ شفّه"
" كود المراجل تموت بصدر الابطالي
اغسل يديني بماى الطهر واسفّه "
" وارقا سنا النجم واعرف وين منزالي
والدفّه اللي تقود مراقب الدفّه "
" ماسايرت هقوتن يم اشهب اللالي
كلن يداعي جموعه واحتزم صفّه "
" واستنفروا حزبهم رجلي وخيّالي!!
ياحيف طاحت كبار القوم مختّفّه "
" ولا كل عذرن يساق لبعض الاقوالي
دون الحيا والعقل والدين والعفّه "
" الموت رحمه وستر فكل الاحوالي
شمس الحقيقه بصدر طويق وتشفّه "
" وعن مسرجات الوغى تنبيك الاجيالي
اما بصدق الحكي ولا الحكي ضفّه "
" ماكل فزعة كريم تريّح البالي
ياحي رجلن يعرف يعدّل الكفّه "
" ماهي سواليف ياعمي وياخالي !!
نكسر جناح الزعل لوزايدن رفّه "
" لعيون بيض الوجيه وبيض الافعالي

غزلان 01-02-2016 09:20 AM


مد الفضاء
ياهاجسى كيف اتوب وعبرتك ماتهاب
تطغا بعين الحزين وترتمى في يده
وان غابت الشمس وعيونى ملاذ السحاب
يزهمنى الفجر وآخذ منه واسترفده
للبحر يمة وللرمضا مواطي سراب
والليل قفّا وفز الحلم من مرقده
والبعد ذبح القلوب ونزف جرح الغياب
ادمى من الشوق نبضى ماقويت انشده
اثر الهوى باب مادونه عن الموت باب
والله يسامح فؤادي كان ضاع اجهده
ياحادي البيد غنالك قتيل الصواب
صوته تناثر (وليل الصّب متى غده )
عين تضمه غلا والعين الاخرى عتاب
ياقرب طيفه على روحي ويامبعده
وان جابو اسمه تلعثمت الحكى والجواب
احسد عذولى على طاريه قبل اجحده!
امشى له الخطوة اللى ماتضم التراب
كنه على مد جنحان الفضا موعده
اضما لصوته واحبه وابتسم له عجاب
وان خلّص الهرج قلت ارجوك تكفا عده!


غزلان 01-02-2016 09:20 AM

مضاوى
في الزااويه هـذيك تجلس مضاااوي
وهناك ناس وليل وانفاااس عرقااا
مـشيت خطوة وأتبعـتها خـــطاااوي
وصافحت مـن تفرق عن الخلق فرقااا
قالت زحام قلت :والصـدر خاااوي
مدينة الغربه والاحـلام خـــرقااا
قالت تعبتي ؟ قلت :والعود ذاااوي
في حال من يطرق به الهم طرقااا
ودى اعيش بوسط رجمن خلاااوي
في منزلن تضحي به الشمس شرقااااا
يمرني سـرب الحمـــاام امـتخاااوي
واحس روحي كـــل مـا طاار ترقااا
بارض عـذيه حدر لونن سمــــاااوي
وكفوف من عــذب التقاطير غرقااا
وأختار لي شخصن شـفوقن وهاااوي
نسـل بدوين ماوطاا الدرب سرقااا
عـقيـد قــوم مبعدين الهـقـــاااوي
عـدوهـم ما سـبل الجفـن حــــرقااا
هذي مـناتي للعمر ياا مــضااااوي
ترااب وحــدوده سمااواات زرقااا

غزلان 01-02-2016 09:21 AM


خفقة جناح
ياذيب مامر بعواك الخوف وطعون الرماح "
" وان صوتت لك غربة البيدا على الموت تعدي
كنك تشوف الليل دربن في مجااهيمه براح "
" مداك صوت القاع وحدودك نزح عنها الردي
لي صاحبن ياذيب لو تعطيه قلبك ماستباح "
" قلبي ولا غرّر بضحكات العفيفات اجودي
لي صاحبن ياذيب متن الليل في كفه صباح "
" لو ينقض شعوره يموت سهيل في صدر الجدي
في لحظتن مرت بي الدنيا على خفقة جناح "
"مدري وطيت القاع ولا القاع ماهي موعدي ؟
سميت باسم الله يوم ان الرضا درب الفلاح "
" وابكيت صدري من ذنوبي والحنايا مسجدي
يارب جيتك من عنى فكرن وقلبن مااستراح "
"اذل واخضع يا الاهي وانتهي بك وابتدي
ارفق على عبدك وخذنى من مساليكن شحااح "
" عجزت اصحيها على قبري وتدفن مو لدي
وعجزت من جرح اليتيم اللى غدا يتمه مباح "
" يارب وش عذري اليا زليت واخطيت اجهدي
ناسن تعيش الموت في نبض الحياه بلا كفاح "
" وناسن تموت وللحياه كفوفها صدرن ندي
ياصاحبي لاتنشد النسيان عن نقض الجراح "
" دامي حفظتك حفظ منهاج الحروف الابجدي
والله ليفنيك احتضار الروح وعظامك صحااح"
" واعيش في نبضك مثل حلم الخيال السرمدي
وان هل دمع ابعاد كل الكون لو يغريك طاح "
"لا تامن الدنيا ولك قلبن يتوب ويهتدى
رح يافقيد الروح مالك في وسط عيني سماح "
"والله يساامح عبرتن طاحت وغطتها يدي


غزلان 01-02-2016 09:21 AM


ثار وقتيل
الشوف من عبرة الخافق يلد ويفوح"
" والدمعه اللي بجفن الليل ثار وقتيل
تضما سراب النهار ويعتريك النزوح "
" ومزاحم الوجد في طيّات قلبك نزيل
تروى عبث لحظة الماضى وفكرك شطوح "
" كم تاه بك عن جديل الغيم كف البخيل
ماجاد به وقت ضيعه الزمان اللحوح "
" واطلق خطاويه في صدر السقيم العليل
لاصرت ماعاد انا مخطى ولانت بسموح"
" صافح وداعك ودوّر للحنايا بديل
فقلوب الاحرار ماتلقى للاسرار بوح "
" يفنى بها العمر عن غدر الزمان الطويل
يتوه عقبك سلام الحال واحياك روح "
" مثلي يحدّه على دربك كثير وقليل
لك هيبتن تعتلي في نايفات الصروح "
"واسمك تمثّل به المجد المسما مثيل
مرقابك النجم هامة مبعدين الشبوح"
" عليك اثبت دروبي وانتحى لك واميل
الله ومرني على داعيك اسج السروح "
" وانكفت بين الرجا والياس صبرن جميل
الشمس ماهي صباح لمدميات الجروح "
" ياليل ماسقت فجرك من ثلاثين ليل
البحر واهج زراقه برتحالك يلوح "
" تضيع به يمة الدنيا ودربك سبيل



غزلان 01-02-2016 09:22 AM


تلميح
ابعثرك لحدود العتب واجمعك تلميح"
"واليا قلت لك لا تدري القوم ؟فانت ادراا
طوى الليل ليلي وانتهت عنوة التبريح"
"وسلامن يخالط ناظرك لين مايبراا
احسب ان دارك صدرها للنوايا شيح"
"اثر مالعمرى غير كيفان والجهراا!!
ولى خاطرن اسرحه للرضا تسريح"
"ولا يقبله في عرش قيصر ولا كسراا
ورجلن بخل فى ماقفه والزمان مريح"
"عسى عرضته لى ماهي العرضه القشراا!!
اسميه نجمن واثر بعض النجوم تطيح؟"
"تمنيت موته قبل مااطاح له قدراا!!
وانا لو نويت ابلغ العاقل التصريح؟"
"كشفت الغموض بليلتن مابها مسراا
ولكن وراية لابتن تكره التجريح"
"اصد وعسى من لامنى خافقه يذراا
رجالن متون الموت في يدينهم تطويح"
"يسوقون دم العمر في غايتن تشراا
اليا ضاق مجد الارض ماناخذه تلويح"
"لمجد السما سقنا البشاير ورا البشرااا
وابحرمك من لذة جنونن ورا التوضيح!"
"اليا طافت الاولى تمعّنت فالاخراا
وخلك على قولة؟ جبل مايهزّك ريح!"
"وانا ادري كيانك ينزعه طاري الذكرا


غزلان 01-02-2016 09:22 AM

تساؤل
قال يـا بنـت المعنـى عـن غرامـك وش يـرده؟
قلت ربك وان عطاك اكرم0000من جـزال العطايـا
قال يا اخت النجم انتـي 0تقصديـن الرمـل اعـده؟
قلت وش يمنع000واسولفها على كل0000الصبايـا‍‍!
ان صدق ظنك تخيرتك0000000 غرورن فاق حـده
ان صدق ظني منعت الغيم000000واسقيتك ظمايـا
قال من يجمع خيوط الشمس0000000والفيـه بيـده؟
قلت من عاش المسا والصبح0000في هـاك السمايـا
انتبه سلـك الحريـر الـي تمـره 00000لا تشـده
طف نجمك في عيوني 000000واستلم عذب الهدايـا
قـال يـا بنـت الغـلا قصتـك وانتي00مستـجـده
والعيون الـي علـى خبـري تسـوي بـي سوايـا
ناظري0 كيف المواني تحضن البحـر 0000 وتهـده
وانتـي البحـر ان سترتـه نامـت اطرافه0عرايـا
لـو تكونيـن السـراب الصـدق يطلبـك الـمـوده
من يكذب بك يشوفك صورة الكون 00000000فمرايا
قلت يا صـوت المـدى واخـر حـدود المجرهـده
عانقتك الريح0000000 واستوطنت بي كـل الحنايـا
يـا تباريـح الجنـوب 00استيقظـي لا بـاح سـده
ياا لشمال العـذب لا تخفـي علـى المغـرم خفايـا
عاشـقـك مجـنـون ودروب اليـالـي مستـبـده
ول يا ذنبن تمثناني0 000000000وتكفيـره خطايـا


غزلان 01-02-2016 09:23 AM

الحر...تسعاله الحره
ياحر ياللي على المشراف لك جره
تعاف نزل الوطى وتعانق القمه
تموج حد السما والأرض مخضره
يدله معاك الحزين وينجلي همه
جزم عزوم تريح البال وتسره
في هدتك تنثر الخفاق وتلمه
قلب الهواوي معاك يغادر امقره
لاشاف جولك دعاك ولوح بكمه
لا اقبلت شيخ يحب الشعب ويبره
ولا ادبرت برق لمع في طارف اليمه
ولا فعت من ماكرك ثم أخذت لك فره
يزمك الوجد للصمان وتزمه
الديره اللي بوبل الغيث مسمره
ريحة نفلها يتل القلب ويخمه
داري ولاجالها النسيان لو ذره
لها سلام جميل وافين كمه
ياطير روحي مع راعيك من جره
هاك السنافي كريم الاصل والذمه
أهيم لو ينذكر طاريه مغتره
ويفز قلبي على طاري بني عمه
ياطير قله يشوف الحال لو مره
راعيك ماهوب يمي مير أنا يمه
الجمر يصلي بصدر ضاق من حره
والعاشق اللي يوده فاير دمه
لبست ثوب الغرام وقلت له زره
ويمد كفه ولا كن ما نطق فمه
ياذا النداوي ابيه بخيره وشره
سمه هبال وجنون زايد سمه
الحر هوغايت تسعى له الحره
والنايفه تعشق النايف وتهتمه


الساعة الآن 12:08 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية