 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي السادسة: العمر لحظة
(http://www.gsaidlil.com/vb/showthread.php?t=178021)
هيه الحيييين الواحد له خلق يكمل بعد الحماس وهالردود اللي تفتح النفس ...
اللع يعطيييكم العافيه والله عالردود والحمااااسً |
حلو الخبر وزواج راشد وحمده
وفرحت ل سعود في العلاج لوجه مروه وسرور فرحانين وكمان حامل وبسمه ومشعل الله يتمم فرحتهم رائعه دجى روايه متسلسه وجميله |
تسلمين ي الجوررري ع التشجيع
|
جمالك قلبي
بارتت روووعة اعجابي وتقييمي |
: البارت الثاني والثلاثون ... : : . ما هو عيب الحضن يا ولد البدو ... : : : كانوا يجهزون ترتيبات الملجة اللي قائمه على قدمٍ وساق ،، حمدوه كانت في صالون هي ومزنه اتصلت ببطي ايي يشلهن... حمدوه لابسه فستان نعيم فوشي وميكب خفيف وفاجه شعرها .. مزنه لابسه فستان كت ناعم بحري كله كرستال من فوق ومن تحت طبقات شيفون وكعب ابيض ومسويه شعرها فير مع تسريحه بسيطه ومع ميكبها السموكي طالعه غرام سارت عند حمده وهي تقول: منو بيي يشلنا .. حمدوه بزله قالت: راشد اعتقد لان بطي مشغول شويه مادري بلاه هالايام كله سرحان .. تضايقت مزنه بس ما حبت تبين اكيد الحب زعلانه عليه وعشان جيه متكدر باله سمعت حمده تقول: يلا راشد تحت ... لبسن عبيهن ووحطت شيله من فوق وتغشن بخفيف عشان الكشخه ما تخترب ونزلن من صالون عند الباركنات قالت حمده: بعد ياي بسياره بطي مزنه اركبي عدال اخوج .. مزنه بضيق فجت الباب وركبت وفجت غشوتها وهي صاده صوب الباب مضايقه ... اما حمده ركبت ورفعت عينها للي يسوق وانصدمت وهي تشوفه يشوف مزنه وعلامات صدمه مبينه ع ويهه ،، تحنحنت تبا مزنه تحس ومزنه مب ع بعضها .. حست انه لين الحين واقف جان تلف عليه مزنه وتقول: خلاصصص راشد حررر.... وقطعت صوت وهي تشوف اللي يسووووق وتنفسها يتسارررع ونظرات صامته دامت بينهم فيها عتاب شوق حب خيانه وايد كلام قالوها بالنظرات.. حرك السياره بعد ما حس انه مغلول منها زعلانه شو زعلها اكيد متضاربه وياه رن تلفون مزنننه مره ومرتين وثالث مره جلبت تلفون ع ويهه انقهر بطي وسحب التلفون من بين حضنها وشاااف المتصل الغالي رص تلفون بيده بعصبيه لدرجة عروووق ايده بانت واللي قاهرنه زووود مسجات الواتسس اللي ما وقفت وقرى كلمه وحده سامحيني فديتج ماحبيت احطج في هالموقف بس ترا غصبن عني فررر تلفونن ع دركسسوون بعصبيه وضرب بيده السكككان ومزنه من الزيغه تحس انها بتستوي المرحومه ماتعرف منو يتصل ما شافت حتى الاسم هي جلبت التلفون من دون حتى ما تشوف منو المتصل بس حست انه بطي شاف شي خلاه يعصب ... تمالك اعصابه بالقوو لين وصلوا البيت لما نزلت حمده بسرعه يت بتنزل مزنه مسكها من معصمها بالقو وهو يقول: الباسووورد بسرررعه .. طالعته بقهر وهي تقول: ما يحق لك تفتش تلفونات الناس اذا ودك تفتش فتش تلفون حبيبتگ وتوها بتنزل يرررها من ايدها بقو وهو يقول بعصبيه: قسممم بالله تراننني اجتلج افتحي التلفون وذلفي عن ويهي يتتببع بامر الله |
تابع البارت الثانى والثلاثون
مسكت تلفون وفتحته ونزلت من دون ولا كلمه ... مسگ تلفون وهو يقرى مسجات الواتس اب وتنفسسس صعداء يوم عرف ان راشد هو الغالي وشاف المسجات ولفت انتباهه مذكرات يوميه دخلها وقرى اللي فيها... : : : اما نواف اللى رجع للامارات بعد ما مشعل سواله تلفون عشان يحضر ملجته ووصل بنفس الوقت اللي وصلوه فيه بطي والبنات وكان يشوووف بطي كيف معصب وقف سيارته ودخل للميلس اما بطي فمات من القهر بعد تكتب له خواطر وتشتكي منه والله يا مززززنه يا اعلمج الادب والاحترام ولج عينن تنظر يا خايييينه ورصصص ع تلفوووون وهو يفررره طبلووون،،، نزل من القهر وسار الميلس وسلم ع الجماعه وبارك لمشعل وهو من داخله نار تشتعل اكيد حمدان لين الحين عايش بالقلب ،، اه منج ي مزون عمرج ما راح تتغيرين ولا راح تصيرين كفو انا لازم اشوف وقت وكلم الوي يخخطبج وبعدين اعرف كيف اتفاهم معاج... انا بانسبة لام مشاري كانت فرحانه ليسمه وتخبر بنتها وحريم عيالها ان اليوم ملجة بسوم .. غدير ما مشى عليها الموضوع قالت: شاون رفيج مشعل يمه كيف يعرف البنت .،، انصدمت الام وقالت:هوووو شلون يعني منال بعدوء: يا عمه عي قصدها وشلون رفيج مشغل يعرف اهل البنت ويخطب من عندهم قصدها تقولج ااموضوع فيه شي .. سكتت الام وهي تقول: شنووو يعنيي ما فهمت.. غدير بعصبيه: والله الظاهر ولدج مشعل اللي خطبها وقاص عليج وعلينا مان المفروض نحضر ملجته ... امه بعصبيه : اص وقصصص ان شاء الله ما يكون مشعل ولفت ع شمس بسم الله عندنا عين سيح وياخذ غيرها ... بعصبيه وتوتر اتصلت على ام فهد وهي تقول: يارب ترد المره عشان نعرف الحقيقة... كان الكل مرتبش مخد رد عليها الا بعد ماتعشوا العرب وملجوا ردت ام فهد عليها وكلمتها: مرحبا بام مشاري توترت وهي تقول؛ مرحبتين يا ام فهد شلونج ام فهد؛ بخير يعلج الخير انتي شحالج ام مشعل متضايقه: والله يا خيه ماني عارفه شنو اقولج بس اسمحي لي والله مادريت بملجة بسوم الا من مشاري ولدي الحين ودقيت اباركً لكم ي غناتي ايتسمت وهي تقول: لوني شاله بخاطري عليكم انكم ما جيتوا لكنكم معذورين ومبروك علينا وعليكم ومشعل ولدنا بيحطها في عينه .. ارتبكت ام مشعل وهي تقول : شنوو مششعل ولدنا وضحكت بربكة ايه ايه ههههه الله يبارك لكم يارب اجل انا اخليك الحين ي خوييه ام فهد : الله يحفظج وسكروا الخط ... شمس طالعتها وهى تقول: شنو خالتى سالفه... قامت وهي تقول: بروح داري انام تعبانه مابا ازعاج سمعتوني ... الا شمس اللي قالت: سووواها ولدج يا خالتيه صح وتزوج عليه صح .. قالت وهي تروح غرفتها: ما واح يتهنى بها دقيقه خليج عاقل والزمي بيتج ... طارت شمس فوق تبكي.... انتهى البارت |
نحن في انتظار التتمة يا دجى..
|
لما اشووووف حمااااس العرررب وين مختفية
|
:
: البارت الثالث والثلاثون..لعييييبوونج كتوووفه : : : يا نبرة الشوق هاتي ما ورى صوتك .. : : ما نجبر اللي ما يبينا علينا �� حنا عزاز انفوس ما نجبر الناس واللي يقدرنا .. وجانا يبينا ��♂ عزيز ومقدر على العين والراس.. : : : بعد يوم طويل وشاق والمعاريس راحوا الفندق هو حفله وهو عرس اما مشاري وابوه ونواف فباتوا فالفندق ومشاري يكلم امه وهو يقول: ايييه يمه خلاص طيب شنو تقدرين تسوين هو يبيها من زمان وخذاها خلاص خليه يعيش حياته ،، حرام يمه تهدمين كيان ولدج وحياته ويا وحده هو ما يبيها شلون يطاوعج قلبج عشانها بنت اختج بس حرام يمه اللي ما ترضينه يصير بغدير لا ترضينه ببنت الناس بكرا ترا تزوج بنتج ويصير فيها نفس ما تسوين في بنت الناس خلاص يمه اسمحي لي صار لازم اقفل منج مع سلامه ... اما نواف فكان مطنش الحوار اللي دار بين اخوه وامه كامل وهو في راسه شي ومايدري ليش تعلق به لف على ابوه وهو يقول: يببببه .. لف عليه ابوه بتعب وهو يقول: لبيه يبه ... عدل قعدته وهو يقول: لبية حاج يا الغالي بغيت اطلب منك طلب.. زفر براحه وهو يقول : امر يبه ناقصك شي تبي فلوس ... باس راسه وهو يقول: خيرگ سابق يبه ،، بس بغيتك تخطب لي .. تهلللت اسارير ويهه بفرح وهو يقول: تقولها صادق يا ولدي ... هز راسه بفرحه وهو يقول: نعاااااام يبه صادددق.. ضحك ابوه وهو يقول: من اهل الامارات ... هز راسه وهو يقول: من اهل أبو فهد ... ضحك وقال: من تبي لا يكون اخت بسمه.. ضحك نواف وقال: لا يبه ابي بنت بو راشد .. هز راسه بفرح وهو يقول: حاضرين نكلم لك بو راشد باجر ان شاء الله والحين تصبحون ع خير ... ردوا عليه : وانته من اهل الخير ... بعد ما اراح ابوه لف عليه مشاري وهو يفر تكيه عليه: انت واخوك شنو سالفتكم مستوين حبيبه .. ضحك نواف وهو يقول: مادري مب راضيه تروح من بالي من يوم سالفتها مع بطي واخته .. هز راسه وهو يقول: الله يثبتني ولا انجن نفسكم امي قاعده هناك تفكر كيف تخلي مشعل يطلق بسمه وانته هنيه تبي بنت عمتها ... ضحك نواف وهو يقول: ايييه لا حجت البقر ع اذونها يطلقها مشعل... ضحك مشاري وهو يقول : الله يا الدنيا .... طالعه نواف بنص عين وقال: اقلب وجهك يا شيخ انا رايح انام وقام عنه ... : : : ما ضر شمسُ الضحى والشمس طالعة أن لا يرى ضوءها من ليس ذا بصرِ.! : : : والله في صدري حنين .. أقسى واشد من الحروب .. : : : " إذا أنتَ لَم تَزرَع وأَبصَرتَ حاصِدًا نَدِمتَ على التفرِيطِ في زَمَنِ البَذْرِ" #أبو_فراس_الحمداني : قعددعلى الشبريه وهو يسترجع الموقف لما وصل من الكويت وعند الباب ويشوووف بطي يايب البنات استنتج ان بطي معصب على مزون بسبت الكلام اللي قالته قبل لما اثرت نفسها على بسمه وقالت له انا اللي واقفه على الباكونه مب بسمه قاالها ما تخونين اللي تحبينه وقاها اهتز عرش قلبي من دون إحساس مادري ليش كلامه لامس قلبي وحسيت اني انا المقصود بكلامي اليوم من شفتها ولمحتها نازله من سياره بطي حسيتها طاؤوس وهي تمشي فاردة ظهرها ونفنووفها يسحب من ورى شوي ولونه بحري مادري ليش قعدت اتخيلها لي وغرت من انظار بطي اللي تلاحقها وخفت امون احبها او حبيتها او لعلي أكون معجب بها بس ما دام قلبي يرف كل ما يشوووفها والعين ما ودها تكسر ناظر عيوني عن عيونها معناته مرحبا بلي سررق القلب ... : : في صباح اليوم التالي عند المعاريس كلن مشعل يرمس امه وهو يقول: ايييه ويعني انزين كيفي يمه انا مرتاح لحد يجبرني على شيء انا ما بيه.. بعصبيه ردت: اجل لا تيبها البيت عندي فاهم ولالا ولانته ولدي ولا اعرفك وسكرت في ويهه .. فر تلفون عالكرسي وشاف بسمه اللي قربت منه وهي تقول : ماله داعي ترفع ضغط امك سحبها قربه وهو يقول : اسكتي بس ماريد اقلب مودي خليني مستانس وباس خدها وهو يحضنها وهمس بذنها ماني مصدق انج بين ايدي وأخيرا تحررت من قيودد بطي ومخاوفي منه.. ضحكت بسمه وهي تقول: فداك روححي ... ابتسم وهو يشدها له زووود وقال بعد صمت: نروح اليخت والبحر ولا تبين مولات ... حضنته على طرف وهي تقول : البحرر طبعاً تحيدني احب الطبيعة وياك .... اشر ع خشمه وهو يقول: ابشششررري ع هالخشم يلا نجهز ونروح ... : : : ياجميل الوجهّ ياشمس النهار ، يا مليح الصبح ياصُبحي أنا �� : : : بعد ما قامت الصبح وحست بالنشاط تذكرت تلفونها عند بطي تضايقت منه ومن أسلوبه السووقي وياها نزلت وشافت أمها وابوها يتهامسووون القت سلام وراحت المطبخ سوت لها شوفان بالحليب وقعدت تشرب رفعت راسها على وجود ظل شافته واقف يبتسم : صباح الخير يا وجه الخير .. ابتسمت وهي تقول: صباحك انا يا بعدهم .. قعد مجابلنها وقال: شفتى حمده امس.. هزت راسها بهيه وهي تقول: فيه شي بينكم .. زفر بضيق وقال: عمي طلب مني املج واشل حمده وياي وهي رافضه بحجة انها تبا تكمل دراسه وتبا عرس .. سكتت وبعد صمت ليس بطويل قالت: والله ي غناتي هذا شي يخصكم وماقدر افتي فيه سووا شي اللي يعيبكم يا حبيبي... بعد فترة صمت قال: احس حمده ما تباني او ملت مني ،، او يمكن ما تحبني رفضها واعذارها مب مقنعه ابداً ... سكتت مزنه وهي ترفع كتًفه بعدم المعرفه ياها ابوها وهو يقول: مزنه بقولج شي ممكن تسمعينه.. هزت راسها بصمت اردف كلامه بالعرب مكلميني يبونج حق ولدهم شو قلتي ... طالعت ابوها بصدمه ونقلت نظرها لاخوها وهي تقول: الراي رايكم بس اشوف اني صغيره عالزواج ومب وقته حالياً ... طنش كلامها وهو يقول: عيل انا برد على ريال وبقوله البنت من صوبكم... طنشت ابوها وكلامه لانها تحس انها مب مالت زواج وما بيتخذون قرار بها سرعه قامت وراحت فوق وفتحت الاب توب ودخلت على البوابه التعليميه وطرشت بحثها لدكتور وسكرت الاب ونزلت شافت بطي وراشد قاعدين يتكلمون وراشد زقرها ،، قربت منهم وهي ما تشوف بطي وقالت: نعم راشد... مد تلفونها وهو يقول: هذا تلفونج لا قنه بطي طايح في سيارته ... سوووت عمرها متفاجئه : اوووه والله ولفت على بطي شكررررا واييد والله تعبتك معاي الله يعينن اللي بياااخذني بس جان ما انسى نفسي بعد .. انقهر من اسلوبها اللي حس فيه نوع من الاستهزاء والمصخره عليه ،، طالعها بنظره بمعنى مردودة الحركة ... كُلما سألوه هَل تؤمن بالمُعجزات ؟ أخبرهُم أنهُ يؤمنُ بها .�� : اما نواف فكان ساير بيت بو فهد وشاف زولها من بعيد وهي يايه من بيتهم وده يكلمها بس ما يقدر يبا يفهم تركيبة هالمره وشلون مب عارف ،، تم معلق يطالعها لين دفه ابوه وهو يقول : يا حبيبي اركد ترا ركاده زينه مافينا تأخذ مكان بسمه بعد .. ضحك مشاري على تعليق ابوه ونواف نزل عيونه على البلاط يطالعه ويحس قلبه يدق ياربي ودي اعرف شنو هالشعور وليش بالذات يوم اشوفها ... : انتهى البارت |
جميله جدا
|
شكررا عالرد السرييع ��������
|
لتسلم العينين يا دجي الليل
رائعة أنتِ.. |
صراحه تسلسسل رهيب دجى مبددعه
امتعتي سلم لنا فكرك الانيق يسعدك ربي ويحقق أمانيك |
امييين ي قلبي انتي ي شموخ حبيييت اطرائج
|
رووووعه دجى
مبدددددعه احداث جديده ننتظر التكمله |
ننتظرررر وش شعوووووره
ونشووووف فنااانه عمووووو |
اشتقنا للقادم بنتي
|
شكررا عالمروررر الطيب جميعاً
|
مننحرم من جديدك دجى الليل مبدعه بكل معنى الكلمة
ب انتظار البارتس الجديدة موفقة |
شكررراً ع مرورك الطيب
|
: البارت الرابع والثلاثون ... : : : مرت ثلاث شهور واللاحداث اللي صارت هي كالتالي .. مشعل واجهه زوجته وامه بزواجه ويابها الكويت رغم رفض ام مشعل لها الا ان بسمه صايره سياسيه معاها اما زوجته الأولى فام مشعل خلتها تلزم بيتها ووعدتها تأخذ حقها من كثر ما تسفل فيها قدام شممس.. : نواف خطب الخطبه الرسميه ورد عليه بو راشد بالموافقه .. : : : ومزنه خبر خير ماتدري ان ابوها خذ الموضوع بجد ومب متوقعه منو هو أصلا فناسيه الموضوع ... : : حمده وراشد زادت علاقتهم صلابه وقوه بتفاهم والصراحه وصار لهم شهر من تملكوا رسمي وباقي الحفله الكبيره ... : : : سعود خطب شموخ خطبه رسميه بعد ما تم علاج وجهه بالكامل وصراحها بموضوع العيال وقالت لها موافقه اخذك وباقي عيونه وحول على اسبانيا لاستكمال العلاج .... : : : سرور ومروه ينتظرون بيبيهم الجديد ولا جديد في حياتهم سوى انتظار مولودهم ... : : : _ "تسير بك الدنيا لما لا تريده كأنك في سجن الحياةِ أسير وأصعب ما في العيش أنك واحد وأن الذي يجري عليك كثير .. : : : في الكويت الجميله كانوا قاعدين بالحوش وفارشين وحاطين قهوتهم والجو بدا يبرد شمس ومنال ومشاري ونواف وممشعل كلهم يالسين الا بسمه كانت فوق .. ام مشعل ترمس مشعل: وينها المسعده مالها صوت ولا لها شوف ... ضحك مشعل وهو يقول: شنو اللي جابها على بالج يمه كافيه خيرها وشرها ولا ضايقه وتبين تسوين ري فريش للجو عندج بالبيت ... طالعته وهي تقول: بل بل عليك محامي دفاع عينوووك عنها .. سمعت صوتها من وراها وهي تقول: ما يحتاي يا خالة احط محامي لي انا مب غريبه انا بين ناس حسبةً هلي الا مشعل يبالغ شوي بالكلام ودنقت وباست راسها وهي تتقول : احد يزعل منج يا ام مشاري .. دفرت ايدها عنها وهي تقول: وجعع ان شاء الله يوجعج وما تنامين منه الليل كله انتي يا ملعونه يا خطافة رجال ... قعدت بسمه وهي تبتسم رغم انها انجرحت لكن قالت: والله يا خالتي لو تمسكين نعال وتضربيني على راسي والله ما قولج ليش ضربتيني انتي ام وانا عارفه احساسج واللي تبينه يصير يا خاله .. الكل استغرب ردها وانحرجت ام مشاري من تظرات منال ومشاري اللي كلها لوووم ونواف اللي طالع امه بعصبيه وهو يقول: كفووو والله يا بنت الاجواد ماعليج منها ام مشاري وهاليومين تعبانه وهي ما تقصد شي .. رفع عيونه مشعل اللي انجرح اكثر من بسمه وسحب شهيققق وزفره .. اردفت كلامها ببتسامه وهي تقول: سمعي يا خاله قدام الحاضرين انا ادري ان زواجنا انتي مب بالعتنه ولا راضيه فيه أساساً انا مالومج لان هذا ولدج وهذي بنت اختج،، لكن يا خاله ان سمحتي لي اناديج يمه ترا انا يشرفني اناديج به وان ما بغيتي لج اللي يرضيج لكن سمعي يا ام الغالي حمده اختي وراشد ملجتهم قريبه ونحن لازم ننزل للامارات وانتي الوالده والوالد موصين ع حضورج ويشهد الله انه محد يدري بلي بيني وبينج ولحد يدري بكيف انتي تتعاملين معايه وهذا شي خاص فيني ومحد له الحق يدري او يعرف لذلك يا خاله انا أتمنى انج تقبلين عزيمتهم وتلبين دعوتهم وتحضرين ... هنيه صدق انحرجت ام مشاري من نظرات عيالها وخص من نظرات مشعل لها شاح بنظره عن امه وهو مغمض عيونه ويعد لين العشره ويدعي ربه يثبته حس بيدهاا على كتفه وهي تقول له بهمس : اهدى وخلها عليه وشوفها مع الأيام تلين لا تبين انك معصب .. حاول يجاملها ويضحك بس ماقدر ابعد ايدها عنه وقام صوب سيارته وشغلها وصيح لها هرن وهو ياشر لها تعالي قامت واتجهت صوب سيارته وهي واقفه عند سياره وتقول له: مشععل من دون ما يناظرها قال: اركبي سياره من دون نقاش بسرررعه .. تنرفزت منه وهي تركب السيارة وياه وطلع من البيت بكبره ... اما اللي في الجلسة كلهم صابهم صمت وذهول من كلام بسمه وكيف وازنت كلامها وتقبلت كلام امهم ... غدير : يمه شنو هالكلام اللي قلتيه ترا ما يرضي حد فينا شنو خطافة الرجاجيل هذي نغمه جديده يمه... سكتت الام بعد ما شاحت بنظرها ونطق مشاري: عيب يمه انتوا تميتوا فتره في دارهم واستقبلوكم احسن استقبال وضيفوكم وما قصروا في ضيافتنا يمه جيه نعامل بنتهم ونطلق عليها القاب... شمس: ايه تستاهل هي جابته لنفسها صايره يا حليلها لما كنا عندهم ما نسمع صوتها وكله سرحانه في عالمها الخاص ماندري وش فيها اثاريها تحب والحبيب في بيتها ودارها .. بعصبيه وتقطيبة حواجب قال : تخسيييسن وخسىىى ينبج يا رامه احشمي نفسج ولسانج عن بنات الناس... لف مشاري على نواف اللي فلت لسانه بالفاظ اول مره يقولها وقال: نواف اهدى السفيه سفهه.. تكلمت بعصبيه وهي تقول: شنو سفيه سفهه انا بنت خالتكم وهي غريبه بيننا المفروض تكونون بصفي .. منال ساكته ارمقت غدير بنظره بمعنى وقفيها عند حدها تكلمت غدير بعصبيه وهي تقول: انتتي شنو فيييج هبله ولا تستهبلين هذي مرة اخونا واجب علينا كلنا نحترمها من صغيرنا لين كبيرنا وبعدين بسممه محترمه وحبوبه صراحه وماودنا نخسرها.. ياهم صووت من وراهم كلهم: اييييه والله انج صادقه ياخيه ليتها كانت مليك قلبي جان الحين انا وقلبي في راحات وانسجامي على ما قال عيضه وزفر بضيقه .. لف عليه نواف ااخوه وطالعه توه بيتكلم نطقت غدير: والله يا خوي خذ من بناتهم كلهم ونعم والله .. قعد عدال امه وهو ضايق: بس محد فتن القلب الا هي .... نواف ومشاري طالعوه بعصبيه بمعنى مب قدام مرة اخوك ،، اما شمس فابتسمت عالفكرة اللي جت في بالها وقامت عنهم ... بعصببيه قال: يا اهبل شوف الحين شو بتسوي فيكم بتتكلم عن البنت وبتتقول لمشعل كل شي طيب وبعدين يعني كلوا تبن واكل البنت وياك تبن ماتعرف تتكلم.. ازفر بعدم اهتمام وضيق وقال: النجوم السما اقرب لها مشعل واعرفه زين بيضحي بالكل لاجل بسمه ... يتتتبع البارت غدا ان شاء الله |
تسلسل جميل وسرد اجمل
استمري كاتبتنا المميزة والمؤلفه المبدعه في سرد المزيد من روايات لروحك السعادة |
شككككرررا ارتووواء فديت حماسسسج القادم افضل باذن المولى
|
تسلسل ممتع
سلم لنا فكرك ونبض قلمك يسعدك ربي ويحقق أمانيك |
مشعل شجاع
ناضل من أجل حبه وناله بالرغم من العقبات الكثيرة التي كانت أمامه تعايش سعود مع حاله هو الحل الأمثل والجدير بالذكر أن هناك فتاة تحبه بكل احواله وتمسك يده للسير في الطريق عن خطوبة مزنة لا أعلم كيف تمضي امور كهذه بلا محاورات جدية هناك بعض العوائل تفعلها مع الأسف موقف بسمة هي أيضاً شجاعة في سبيل هذا الحب تتحمل كل المتاعب والنتائج حتى تعيشه وافياً.. رائعة يا دجى الليل.. |
شكرررا لمروركم الطيب
|
[COLOR="LemonChiffon"]
: : لا تحكمَنَّ علىٰ شـيءٍ بمَظـهَرِهِ إنَّ الحَقائِقَ قد تُخفىٰ عنِ العَلنِ كبَائعٍ باعَكَ التُّفاح قِشرتُـهُ تُغريكَ لكِنْ أصيبَ اللبُّ بالعفنِ..�� : : : في الامارات الحبيبة كانوا يالسين في بيت بو فهد ومتجمعين شموخ واخوانها وامها وابوها وعيال اخوها كلهم بطي وحامد منسدح على ريلها ويسمعهم وبطي قاعد عدالها يتهم حمده ومزنه وقعدوا معاهم رفع عينه بطي لمزنه ورفع حايبه بمعنى خير شو مطلعنج هالوقت اما مزنه طنشت نظراته وقعدت وهي تقول لحامد: يا حليلة دادا يبا حنان ضحك حامد وهو يقول: غيررررانه.. حضنتها مزون ع طرف وهى تقول: هيه نعم اغار هذي خالتي ان ماغرت عليها بغار على منو ... بضحك قال: طبعا ع ريل المستقبل اما عمتي هذي غسلي يدج منها ترا حبيب القلب ما يسمح لحد يشاركه فيها لذلك تجنباً للاحراج خليها له وانتي عليج بريل المستقبل تغارين عليه نطق بطي بغرور وهو حاسس بنظرررات عيووونها صوبه وقال: طبعاً بتغار عليه لانه شيخ العرب كلهم .. محد فهم قصده الا شموخ وابتسمت له اما مزون اللي انحرجت وكرهته وهي تهمس لحمده: اخوج صاحي .. اشرت براسها بمعنى لا وهي تقول: شكله يقصدج دق قلبها بقووور وهي طالع حمده بنظرات صدمه وذهول حمده انتبهت لنظراتها وقالت: شفيج انا قلت شكله ما قلت صدق يقصدج هو مجرد تخمين ترا لا اكثر ولا اقل ... غيرت نظراتها وجهتها لبطي وهي ترمقه بعين حاره وهو غمز لها بعينه وقال بشفايفه : انتي لي .. حاولت تقرى شفايفه شو يقول بس ما فهمت شي وضحك بصوت عالي وهو يقول: عمتتتي والله احب هبالج شموخ انصدمت منه وبعد ما شافت تعابير ويهه هو ومزون عرفت انه يقصد مزون وضحكت ورن تلفونها وقامت ... : : : لفت مزون على بطي وهي تقول بغرور: اكيد اللي بياخذني شيخ العرب بس انته تعرفه ولا ... رد عليها بضحكة يصاحبها غرور: عز المعرفة نفس ما عرف نفسي ... طالعته بصدمه وتذكرت كلام ابوها وهو يقولها في عرب مكلميني يبونج وانا الهبله قتله شوركم وانا ما عرف منو ولا سالت ياررربي ودددق قلبها خوف وارتباك وقالت بنفس متسارع وبنغمة تساول : انتتتته ؟! طالعها بتعجب بمعنى شو انته بس فهم منها انه انته يعني اللي بتخطبني فرد عليها وقال: اخسسسيسي اخذذذذذذذج انا اقصد شيخ العرب بعلومه وفضايحه وفضايحج يا المينونه يلي تكتبين له اشعار وخواطر ودفرها من كتفها بقووو وراااح عنها ... ردت ع ورى من قووو الدزززة وهي تقول: وجججع ان شاء الله بيدك يعلها كسر بليا وسر ( جبر) ان شاء الله ... : : : في الكويت الجميله وعلى شاطيء البحر اثنينهم ملتزمين الصمت ومتكيين على السياره ازفرت بضيق وهي طالع عيونه اللي يطالع البحر وقالت: يعني انته يايبني هنيه عشان تسكت .. مارد عليها واكتفى انه يقدم خطواته جدام للبحر ويسحب هواء وهو مغمض عيووونه حط ايديه في جيوب بنطلونه اما هي تمت تطالعه وسكتت ما ودها تشوفه متضايق بس هي ما تبا تخسر اهله وتخسره لازم تسايس امه لجله هو ازفرت بعدم راحه وتقدمت خطوتين عداله لف عليها وهو يحط ايده على شعره يرتبه ولف طالع البحر ورد وطالعها وقال بهدوء عكس براكين قلبه: راضيه بلي صار والكلام اللي انقال .. حطت عينها في عينه وهي تقول: الطيب عايا بالطبيب مردة بي يوم وبتلين امك الكلام طيّب يلين الصخر فما بالك بالقلوب .. حط ايديه على كتوفها النحاف ولفها عليه وهو يقول: هالكلام ماخوذ خيره وما ييب العافيه للإنسان انا عندي طاقه معينه اقدر اتحمل فيها امي وكلامها بس اللي ما اقدر اتحمله انها تقول عنج خطافة رجاجيل هي وين شافتج مع حد غيري ؟! عشان تقول هالكلام ...!! لمحت عيونه اللي فيها حزن وضيق وهي تقول: طيب شو تباني اسوي اراددها واتلاسن وياها وخلي الكل يشهد ضدي وما يشهد معايه حبيبي انته لازم تفهم شي واحد بس امك ماخذه بنت اختها لك عشان تقولها كل شي يصير بالبيت وتحركات الكل وشو الكلام اللي ينقال بين الحموات عن امك او عن بيتكم عشان جي انا متجنبه اسوي علاقة حتى مع منال لاني عارفه ان باجر راح يطلع عليه كلام فمن الأول انا الم ثمي ولا أتكلم احسن لي ولكم كلكم انا ماشوف انك لازم تزعل لان هذا شي طبيعي ومتوقع امك ما تبا تخسر المصدر الرئيسي لها واللي اييب لها علوم البيت كله صح ولا انا غلطانه.. هز راسه بهيه وهو ساكت ويطالع البحر لف عليها وقال: بس ما اتحمل اسمع عنج هالكلام واسكت والله لو مب امي عرفت شلون ارد عليها بس لانها امي مسكت نفسي ... طبطبت على كتفه وهي تبتسم وقالت: ما عليه حبيبي كل شي يهون والله ما ينسى عباده وبتلين امك بس اصبر عليها ماشي يتغير بيوم وليله يا قلبي لازم تصبر .. رن تلفونه اللي قطع جوه وهو يحضنها على طرف ورد : هلا نواف ... احتار ما يعرف يقوله ولالا بس في نهايه قرر يسكت وقال: هلا الغالي انتوا بخير ابتسم على سوال اخوه وهو يقول: ايييه بخير الحمدلله لا تحاتي .. تنهد وهو يحبس الضيقه في صدره خايف على اخوه من اللي ممكن تسويه مرته فيه وفي بسمه وقال: عيل استودعتكم الله حبيت اطمن عليكم... سكر مشعل بعد ما أسّره اتصال اخوه وافرحه وقال: تصدقين نواف اول مره يتصل يسال عني اذا انا بخير ولالا ... ابتسمت وهي تحط راسها ع كتفه: مافي شي اسمه اول مره هو اخوك ويحس فيك ومحبتكم وحده الله لا يغير عليكم انته خلك مع امك احسن من قبل،، قبل راسها ويدها واقعد معاها واحتضنها واشوف انته بتعاملك هذا كيف بتلين اما تيلس تشد وتزعل وتنفر ترا بتحسس وراح تحس انى ماخذتك منها وبتخلي العذال اكثر يجرجونها عليه ،، وفي شي أبا أتكلم معاك بس ترا انا ما يخصني فيه .. لف عليها وهو يقعدها في حضنه وقال: امري شنو هو. ردت عليه بدلع وهي مستحية من نظراته وقالت : اللي بقوله اني انا ما يخصني بعلاقتك انته كزوج مع مرتك وتاكد انى مب زعلانه ولا بضايق من ها شيء المهم انى احقق السلام الذاتي لي ولنفسي .. حضنها من ورى وهو يقول: لا تعكرين مزاجي بطاريها خليني مرتاح واسوي اللي يريحني ... سكتت وهي تشوف البحر وظلام الليل اللي بدا يشتد والهوى البارد غامرنهم بجوهم ... : : اما في بيت بو مشاري بعد ما الكل دخل راحت عند خالتها وهي تدخل: شلونج خالتي... ابتسمت وهي تشوفها:،هلا يمه شمس تعالي شنو فيج... قعدت عدال خالتهاعلى الشبرية وهي تقول : خالتي شو رايج نمسك فيصل ونكلمه ان يحاول مع ... وقطع كلامها خالتها وهي تقول: اووووش ولا كلمه ينيتي انتى تبين عيالي يضاربون على كبر ع سبة مرة .. ازفرت بضيق وهي تقول: خالتي تعبت ترانى وانا افكر هذي النتيجة اللي طلعت وياي ... بس انتي ساعديني.. سكتت خالتها وبعدها قالت : شوفي نحن ممكن نشكك مشعل فيها في تصرفاتها بس ان نحن نحط اخوان في الواجهه لا هذي ما تصير مابا عيالي على اخر العمر يضاربون قدامي عسبة مره .... سكتت وهي تقول: طيب تصبحين ع خير وقامت وطلعت برى سمعت همس عند دري وحاولت تتبع الصوت بس ما شافت شي قربت اكثر من صوت شافت فيصل قاعد مع وحده ويهمس لها بكلام غير مسموع حاولت تلفت انتباهم اذا كانت بسمه او لا بس اللي قطع عليها أصوات ضحك يايه من صوب الباب لفت وهي تشوفهم داخلسن من الباب توهم وشوي شافت فيصل وغدير ظاهرين من نفس المكان اللي هي كانت تشوفهم منه وانصدمت وراحت فوق وكان فيصل خايف انها تدبر لبسمه مصيبه ولا مكيدة فعشان جي غدير كانت وياه يالسه تتكلم معااه ... سلم مشعل وحاوطها من كتوفها وهو يقول: اشوفكم سهرانين مب على عوايدكم.. حاول فيصل انه ما يطالع بسمه وقالت غدير: ايييه والله يالسه مع فصول ونسولف وكنا نطالع فلم والحين قلنا خلاص بنروح نام... هز راسه مشعل وتخطاهم وهو ضام بسوم ع طرف وراح معاها فوق ،، اما فيصل غمض عيونه وهو يقول في خاطرة يعل ربي ما يكتب حرمان [/شوفتج ونزل راسه لانه حس بالمشاعر الهياضه اللي هيضت قلبه وراحاته وزفر بعدها وطلع فوق بسرعه لغرفته COLOR] انتهى البارت الرابع وثلاثون |
تم رفع تنبيهات
لي عوده |
بطي مستفز جداً
رائعة يا دجى كعادتك في انتظار البقية .. |
طيب وش طلع. يسووووووي
نبغى نشووف وردة فعله وتصرفه وش يحس فيه فنااانه عموووو |
سرد جميل جدا ...
تخيلك للشخصيات والمواقف استمري دجى ب العطاء |
رووووعه دجى
سرد متسلسل ممتع ننتظر التكمله .. |
اكيييد ان شاء الله بالبارت القادم راح تشوفون التتمه بامر الله وراح تشوفون فيصل راح فوق ليش بس امس ما قدرت اكمل قلت اليوم ان شاء الله ابدا بالبارت الجديد وبروحكم تشوفون الاحداث
|
العمر لحظه
[SIZE="7"][
: البارت الخامس والثلاثون... : : : اقتربت النهايات ولكن بقربگ كانت البدايات .. : : : بعد ما طلع لفوق وقعد بغرفته بدا يكلم نفسه انا جذاب ايييه جذاب لما قلت لغدير ما راح اقربها وانا من شفتها واجتاحتني المشاعر حقدت على اخوي وتمنيت موته عشان اخذها حليله لي ،، ليش جذبت عليهم وقتلهم ان مشعل ما راح يصدق ببسمه بس لو يشوفني وياها راح يصدق عيونه وراح يبدا يشك فيها انا احبها ايه صح مب بس حب الا عشق ماله نهايه الحين وشلون اتصرف وانا شيطان ما زين لي الا زوجة اخوي قلبي يدق مب قادر اسيطر عليه وعلى مشاعري الهياضه ودي بقربها لو يوم بينما هو في دوامة أفكاره سمع دق عالباب وفتح الباب وقال بصدمه: شمسس ابتسمت وهي تقول: كنت ادري اني بلقاك في هالحالة .. لف عليها بصدمه وهو يقول: أي حالة .. ردت عليه بابتسامه: حالة العاشق الولهان اللي ما بيده حيله غير يتهرب... عصب عليها وهو يقول: انتتتي شنووو تخربطين شقاعده تقولين انا ما احب احد ولا حتى اللي في بالج انا بس كنت استهبل ... اتكأت على التسريحه وهي تقول: عبي اذا كنت بتجذب وبتخسر حبك عشان مشعل يغيش براحه معاها وانته اقعد تعذب لين تشوف ولدها على كتوفها وبغدين متقابل انا وانته واشوف ردة فعلك لكن أتمنى انك تتخذ قرار لمصلحتك ما دامهم على بر وطلعت عنه وهي تضحك.. قعد عالكرسي وانفاسه تتسارع وتذكر ذاك اليوم اللي شافها فيه وغمض عيونه بالم يحاول يطرد صوره من راسه لانها مرة اخوه لكن الشيطان زينها في عينه اكثر وقعد يفكر بكلام مرة اخوه ويحس نفسه متناقض ونفسه متسارع قام ودخل الحمام يأخذ له شور ... : : : اما عند مشعل وبسمه ،، بسمه وقفت عالبلكونه طالع انوار شارع وتذكرت أهلها تولهت عليهم وايد وخصوصا مزنه اللي كانت تداري ع سوالفها هي وحمده اضحكت بعد ما تذكرت كلام مزون انا بوافق عليه لا تخافين ابتسسمت للذكرى الجميله وتنهدت بشوق لها لفت على مشعل اللي قال: وش ورى هالتنهيده يا عمري .. ضحمت وهي تشد الشال عليها من البرد: ابد يا الغالي تذكرت المزن وتولهت عليها .. ضحك وهو ينشف شعره وقال: طيب حاجيها عان ترتاحين.. ابتسمت وهي تلف على الشارع وتشوف انواره والهوى اللي يحرك اغصان الشير قالت: برايها بعدين اروخ الامارات واخذ علومها هي وحمده .. لف عليها وقال: صج متى حفلتهم سحبت شهييق طويل وهي تقول: بعد يومين.. طالعها وهو يقول: طيب جهزي الجناط بكرا الفليل رحلتنا .. طالعته بثدمه وهي أقول: شنووو تقول طيب وامك لازم تجي معانا ع الأقل اكسب رضاها يا مشعل لا تروح قبلها وتتركها هنيه بروحها ... مط خشمها وهو يقول: جعلني فداج يا بعدهم طيب يلا انا بروح لها ماظنتي تكون نايمه ... : : : طلع من غرفته وهو ماجهه لامه ولا يلقاها قباله قالها: زين يمه اني لقيتج كنت جاي لح الغرفة.. ابتسمت وهي تقول: هلا هلا بوليدي يا بعدهم شنو فيك زعلان مني يمه.. باسها على راسها وهو يقول: لا يمه ما ازعل منج انتي الغاليه بس بغيتج بموضوع .. قعدت معاه ع كنبات صاله وقالت: امر يمه شنو فيك.. ازفر بعدوء وقال ببتسامه: ولا شي بس بفيتج جعزين جنطتج باجر راح تروحين معانا للامارات وابوي وفيصل ونواف طيارتهم بكرا الظهر وانتي معانا الفليل ومشاري ومرته بيجون ثاني يوم .. افرحت انه ما نساها وقالت: جعلني ما بكيك يا وليدي حان خليتني اروح مع ابوك ابرك لك ... باس ايديها وهو يقول: يمه انتي الخير والبركة وانتي حلوة اللبن وشلون اسافر عنج واهدج بالبيت بروحج .. قالت ببتسامه: طيب الصبخ اجهز جناطي ... هز راسه وراح لغرفته بعد ما قبل راسها ... : : : في صباح اليوم التالي وتساقط الندى على أوراق الشجر والورد وعلى زجاج السيارت والنوافذ ،، استيقظوا ابطالي وكلهم نشاط وحيويه وعلى اكمل الاستعداد للانطلاق تعالوا نشوف ويا بعض.. : فيصل كان لابس وجاهز وايد مستانس انه بيروح الامارات وفي راسه أفكار مايعرف وين بتوديه بعد ما لبس وخلص طلع تحت وشاف ابوه استقبله ببوسه ع راسه وقعدوا يتريقون ويت ام مشاري وتريقت معاهم وهي تقول: انا اليوم بليل طيارتي ويا مشعل ومرته .. الفرحه كانت بتطلع من عيون فيصل الحب بتكون الليله قربي وناسه اذا الله قدرني اسوي اول خطوه وأول فكرة واتجهه لها بكل اخلاص وموده قطع عليه سرحانه امه اللي قالت: يمه فيصل حليبك برد .. ابتسم لامه وخذ حليبه يشربه بكل حماس انتبه على دري وشافهم نازلين مع بعض وصل مشعل باس راس امه ومن عقب بسمه اللي باست راس أبو مشاري ومرته وقعدت انتفض فيصل من قربها يوم باست ابوه وغمض عيونه وحاول يضبط اعصابه اللي بتفضحه قعدت قرب مشعل وهي تقول: شنو تبي حليب ولا شاي رد عليها بهمس: ابي شاااي راسي مصدددع وعيونه تطالع باخوه اللي عرف نظراته وافكاره اللي تداهمه وقال لامه: يمه مافي قهوه ... ردت امه : الا فيه يا عمري تبي قهوه ... هز راسه بصمت قالت له بسمه: مو قلت تبي شاي حرتها ام مشاري بنظره بمعنى انقلعي سووي له وراحت وهي تقول: طيب ثواني واجيبها لك ... راحت للمطبخ وبنفس الوقت قام فيصل وهو يقول: الحمدلله يبا انا انطركم بالمجلس ... هز راسه وهو يقول: وين اخوك نواف ... مزل من دري وهو يقول : كاني يبه هنيه انا ويعدل ازارير قميصه ونزل وباس راسه امه وابوه وقعد وصب له حليب وخذ له توسته ودهنها بمربى اما مشعل شرب من. شاي لين ما تي بسمه وتسب القهوه له وخذ من توست ودخنها بزبدة وحط فوقها جبنه وكلها وشرب شاي وراها ... : : : اما في المطبخ بعد ما خلصت القهوه سوت ثلاث اكواب وحطت قلاص ماي وشلته ولفت بتروح اتجاه الباب وتفاجأت فيه واقف قدامها قرب منها وخذ الكوب وقال: تسلم ايدج ابتسمت له وهي تقول: بالهنا يا فيصل .. ارجفت ايده من ذكر اسمه ع لسانها وراح على الميلس وهو يبتسم لها وطلعت من المطبخ وهي تقول: تفضل يا الغالي كاهي القهوه وصلت ... التسم وخذ القهوه وشربها وقالت: وين اهلك.. قالها: ابوي راح يغير عشان بيجهزون لسفر ... ابتسمت وهي تأخذ خبزه ودهنته بزبده ومربى وكلته وصبت لها حليب يأ نواف وهو يأخذ القهوه وقال: تسلم ايدج بسمه على القهوه جت في وقتها وخذا كوبه واتجهه للصالة ورن تلفونه ... اما نواف انشغل بالقهوه وتفكيره بنظرات فيصل ما نسى ان امه كانت تباها لفيصل يعني لو ماخذها فيصل المعامله كانت بتكون حنه وحنان بس لاني انا خذيتها فصارت من المغضوب عليهم زفر بعد تنهيده طويله وهو يقول: الله يستر من تاليها ... سمعته ولفت عليه وهي تقول: الله يستر من شنو حبيبي في شي ابتسم ومسح ع شعرها وهو يصد صوبها: لا يا قلب مشعل وعمره بس شوية أفكار ماخذتني ولكن لا تشيلين هم الأمور طيبه بامر الله ... /size] يتبع بامر الله |
نزلت غدير ومنال وشمس وقعدوا عالطاولة قامت بسمه قبل لا يقعدن ومشعل قام وراها ع طول وراحت تتغسل وراها مشغل وهو يقول: حبي اذا في شي مضايقنج بالبيت قولي لي. ..
هزت راسها بنفي وهي تبتسم ... نشفت ايديها بالمنشفه وراحت لعند مشعل الصاله ويمعت نواف يتكلم وهو يضحك: لا من من جدك يا راشد تتكلم .. ضحك راشد وهو يقول: أي والله اهبل بطي مادري شلون استفزها وهي تقول لبويه انا منو خطبني بطي ههههه ضحكت ع شكلها وهي تقول لبويه اذا هو قوله ما نبيك محد ميت عليه هالكرييه البطران ... ضحك نواف وهو يقول: وليه ما تقولون لهاا اني انا شدعوه عاد راشد ... ضحك راشد وهو يقول: والله يابن الناس مادري وش اللي في خاطر ابوي .. تكلم بحديه وهو يقول: ممكن انها ترفضني اذا عرفت يعني ...ودق قلبه بقوو وهو يتريا الحواب من راشد اللي سكت ومن بعدها قال: لا ما ظن ترفض بس ممكن تنصدم وهي ماتبا تروح برى الامارات ... زفر براحه وقال: يقطع شرك خوفتني تحسبتها بترفضني لا ان شاء الله مقدور عليها .... ضحكً راشد بصوت عالي وهو يشوف مزنه تربع صوبه وتقوله: راششششششد لف عليها يباهاً تسكت بس عفدت فوقه وهي تبوسه وتقوله: فديتك ودني السوووق فديتتتك يا احلى معرس ... دفرها راشد عنه وهو يقول: بسج بووووس شو تبين سووق... تكلمت وهي ترمش: باخذًاغراض بسرررعه ارجوك ... ضحك عليها بعد ما سمع نواف يقول: الله يغربل شرك ولد قوم ودها والله حرام عليك تقطع االقلب وهي قاعده تترجاك ... قالها بجديه: طيب يبا روحي اجهزي عشان نروح اسميجج يوم بتعرسين تعرفين كيف تسايسين الريل .. تذكرت كلام ابوها وهو يقول يا بنتي اللي خطبج واحد محترم وحشيم ومو من الاهل ردت على راشد وهي تقول: راشد منو اللي خطبني. ؟؟ يصير اعرف ؟؟ وهل هو فعلا رجل وكفو ويستاهل انه ياخذني ولا واحد زامط بنفسه علينا ... جاوبها وهو يقول: كفو ونص ورجال ابن رجال وتعرفين ابويه زين ما زين ما راح يوافق على أي حد والاهم من هذا كله بينهم صداقه قويه وانا اعرف الريال شخصياً حشيم ومحترم... ابتسمت وهي تقوله بحيا: حنون ولا ... ضحك عليها بقو وقال: عاد مادري والله من هالناحيه لاخذتيه بتعرفين ان شاء الله .. بعدت عنه وهي رايحه فوق وتقول في خاطرها عسى انه يقدر ينسيني حب بطي الخايس اللي نفرني منه ياخوفي يطلع حمدان اللي خطبني بس مستحيل حمدان قايل لي اللي بينا مجرد صداقه لا تفكرين باخذج وبحبج تنهدت وحاولت تطرد هالافكار وتروح تلبس وتروح السوق ... |
انتهى البارت الخامس والثلاثون
|
جميلة ي دجي
مبدعة سيناريو واحداث ننتظر منك رواية قادمة دمتي بخير |
مبدعه بمعنى الكلمه
ننتضر روايه اخرى تحياتي واشواقي |
بعدها ما انتهت الروايه باقي لها كم جزء واختمها ع خير ان شاء الله كانكم حتسين انها بتنتهي قريب
|
: البارت السادس والثلاثون... : : : في عالمي غربه بس عيونك لي وطنً... : : : كان في اسبانيا يتابع علاج عيونه وتم سحب الماي الأزرق من عليهم وزراعه قرنية له وتم فحص شبكيات العين وعدسة العين فقال له دكتور: والله يا سعود انته شخص مومن بالله وقضاءه شوف عين وحده راح نسوي لها زراعه ونشوف ميف يطلع معاها الترتيب والعين ثانيه راح نرجع لها بعدين لانها فيها مشكله في الشبكيه ومثلك عارف ما راح ينفع علاجها الا بزراعه عين ولازم زراعه غين كامله تنطبق مع انسجة الجسم وتتوالم معاه حتى لا يتاثر جسدك منها ... تاثر بكلامه وهو يقول: والله لو تصلح لي عين وحده يا دكتور انا راضي أبا اتزوج واشوف زوجتي واعيش معاها ... طبطب ع كتفه دكتور وهو يقول: خلك قوي ومومن ونفسيه عال العال عشان نقدر نتجاز هالحالة اللي انته فيها وبقوه... ابتسم ع كلام دكتور وهو يقول: ان شاء الله ... رن تلفونه وقال للدكتور: طيب انته متى بتسوي للاولى عمليه.. رد عليه دكتور : قريب جدا راح نشفط منها الماء الأزرق ونشوف العدسه والقرنية الشبكية زينه ولله الحمد ... رد عليه سعود : الحمدلله ي دكتور المهم الواحد يتعالج بلي يروم عليه ... طلع عنه دكتور ولف على تلفونه وشاف المكالمه فايته من القلب ورد اتصل عليها : هلا والله ... ردت عليه بحب: هلا عيوني شحالك يا الغالي رد ببتسامه: بخير جعل الله يسلم عيونج يا روحي انتي ... بحيا ردت عليه: بشرني عنك عساك طيب .. رد عليها بكل حب: والله اني طيب ولو اشوفج بستوي بخير ياروحي ... ابتسمت وهي تقول: يا عمررري ان شاء الله بنتشاوف بامر الله،، اذا مطول هناك بييگ لين اسبانيا... ابتسم بفرح وعدل يلسته وقال: صددددق بتيييييني... ابتسمت لفرحه وهي تقول: ايه والله جد بامر الله بس نخلص من حمده وراشد باجر حفلته ... استانس وهو يقول: احسن والله يعله بالبركة يستاهل راشد فديته خدمني خدمة العمر ما انساها لي ... ابتسمت وهي تقول: هيه راشد فديته غير دومه سباق للخيرات ... ضحك وهو يقول في خاطره مادريتي شو مسوي وقال بهمس: يلا يا جميلتي بخليج الحين عندي موعد الدواء ولازم انام من وقت... ردت عليه : الله يحفظك غناتي وسكروا الخط .... : : : في المطار بعد ما وصلوا الجميع اتفقوا على التوزيع التالي مشعل ومرته بالفندق غرفه لهم لحالهم ،، وفيصل ونواف غرفه لهم لحالهم في الفندق أيضا،، والام والابو غرفه لحالهم ،، والكل دخل يريح عشان يستغدون للحفل باجر ... : : : فيگ امان وعيونگ لي راحة وقلبگ لي وطن ... : : : بعد ما رجعت من السوق وقفت تسوي بخور وتبخر ملابسها اللي بتلبسها في الحفل مب مصدقه ان حمده بتكون عنذها وأخيرا بتفتك من قيود بطي وانظاره اسرحت فيه شوي وهي تزفر غربلات قلبي اللي مب راضي يكرهك مادري على شو يحبك على خيبتك ونيلتك ع قولة خوانا المصريين صحت على صوت تلفونها وهو يرن وردت من دون ما تشوف الرقم : الو وهي تشوف فستانها البحري المعلق والكرستالات اللي عليه سمعت صوته : الو انتفضت من صوته وقلبها يتسارع بدقاته على طول علقت الفستان وهي تنطق بخوف: بطي ؟! ابتسم على خوفها وقال: شبلاج خايفه.. ردت عليه بحقد: شو تبا داق مب انته قايل ما تشرف فيني ضحك بصوت عالي: عادي مثل ما تكلمين حمدان كلميني اعتبريني معجب وحبيب .. قالت بحده: انته شو غيّرك يا بطي ما كنت جي وبعدين حمدان ماضي بالنسبة لي وانتهى امره... تكلم بحده اكثر عنها وهو يقول: جب جب لا عاد اسمعج تتيبين طاريه الخايس .... ازفرت بضيق وقالت: مريض نفسي الله يشفيك .. وسكرت في ويهه ... تضايق من ردة فعلها وعصب على تسكيرة التلفون وهو يتوعد لها : : : وتتلاشى المستحيلات عندما أقرأ إنّ الله علَى كُل شيءٍ قَدِير. : : : بعد ما قعدوا وريحوا في الفندق كان نواف مب مرتاح لنظرات فيصل وتبسمه ويوم يسرق نظراته لبسمه كان حاسس ان في راسه شي وبيسويه بس اللي مب قادر يفهمه مشعل ملاحظ ولالا ؟! هو مب قادر يسوي شي ولا بيقدر يمسك مشعل ويقوله تنهد بضيق وانتبه على صوت فيصل وهو يقول: شنو فيك يا خوي ... هز راسه بنفي وهو ساكت ويدعي في خاطره انك ما تضر بنت الناس... قعد قباله وهو يقول: تحب ياخوي ... ابتسم نواف وهو يقول:: قريب خطبتيه ان شاء الله ... ابتسم فيصل وهو يقول: من وين ؟! لا يكون من اهل الامارات !! هز راسه بنعم وهو يقول: بتعرفهم قريب ... انتفضت مشاعره وهو يتخيل البيت كله معجب بنفس الناس ... هز راسه وهو يقول: ان شاء الله بعد الوالده ماتعرف... هز براسه وهو يقول: ايوا ما تعرف لين تصير خطبة رجال وبعدين نقولها عشان ما تسوي بي سيناريوهات المعتاده ... اكتفى ببتسامه وعدل يلسته وكتف ايدينه وهو تفكيره منحصر ببسمه وبسس... : : : انتهت عروق الوصال مال الدنيا وصل ما دام وصلك قطعته ... : : : كانت تغني بحالمية وشاعرية اكثر وهي قاعده فالحديقه وتشوف لابتوب وترفع نظر عيونها للسما ... قطع عليها صوت خوفها نقزت من مكانها بخوف وهي تدور صاحب صوت وماشافته بس تسمع صوته كانه فيه صدى وسمعت صووووته مررره ثانيييه وخافت وينه هذا اففف شو ها الصوووت يت تبا تربع صوب البيت جان تدعم في حامد وهو يضحك عليها وضربته على كتفه وهى تقول: سخييييف طيحت حمامة فوادي ... ضحك من الخاطر على شكلها المتروع وقال: سيري بيتكم بسررعه لحد يشووفج ويضحك عليييج ضحك بصوت عالي وردت ضربته وهي تقول: ما يضحك كنت بموت غربلاتك حتى ضيعت درب بيتنا كنت بروح صوب بيتكم افففف وراحت صوب بيتهم وهي حااطها ايدها على صدرها ودمعت عينها من زيغه وتمشي وتتعوذ من بليسسس حست بشي يمشي تحت ريولها وهنيه صاحت بخوف وهي تقول يا ويلي شو هذا بعد وحسسست بشي يلف ريلها خافت لايكون حنيش صرخت صرخه وهي تربع شافت راشد وتعلقت فيه وهو حاضنها بصدمه: شفييييج بسم الله عليج ... صاحت من الخوف اللي فيها وسار معاها للمكان اللي صرخت منه وشاف قطوه تلعب بذيلها وقالت له: لفت ذيلها ع ريلي ... ضحك عليها وهو يقول: خوفتيني الله يهديج تحسبت صار لج شي ولا طالع لج ضب .. ردت عليه وهى تمسح دموعها: لا والله مب ناقصه ضبان بعد ... باس راسها وهو يقول : خلاص فديتج دخلي البيت وتعوذي من بليس ... دخلت وهي قلبها بعده يرقع من الخوف... انتهى البارت |
| الساعة الآن 08:07 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية