 |
منتديات قصايد ليل
(http://www.gsaidlil.com/vb/index.php)
- قصايدليل للقصص والروايات "حصــري "
(http://www.gsaidlil.com/vb/forumdisplay.php?f=114)
- - روايتي / من المستحيل ان تهدم صرحٌ انته بانيهـ ...
(http://www.gsaidlil.com/vb/showthread.php?t=182762)
ي سلام على السرد الممتع
اسلوبك يذهب الى مواقف كثيره وترابطها مبدعه رسمتي لوحه احداث وحوار بلغة الحب بين شخصيات القصه نقلات جميله وسريعه بين فصولها أبدعتي وأستطعتي نقل فكرتك لنا ببساطه وعفويه روووووعه دجى ننتظر التكمله :0_c7f01_1194c319_S: |
تظهر جودة الفكرة والقلم هنا يا دجى
تقديري.. |
مشكورين حبايب قلبي ع الردود والحماس والاثراء اجميل ع الكتابه بفضل الله وفضلكم استمررر
|
مبدددعه وجداً دجى تسلسل فضييع بالسرد ماوقفت قرايه والله حسيت نفسي عايشه بالواقع معهم بطله واسم الروايه شي ثاني ابدعتي ابدعتي ابدعتي تطورتي بشكل أجمل ووملحوظ بالسرد سلم لنا فكرك وقلمك الملكي باانتظار البقيه قلبي بشغغغف يسعدك ربي ويحقق أمانيك
|
حبيبتي شموووخ فديتج والله من ذوقج الحمدلله هذا بفضل ربي ولله الحمد ومن ثم تشجيعكم الدايم والمستمر....
|
البارت الساذس ان شاء الله غذاً باذن الله
|
جاالس اقرأ وااعيد وازيد
روووعه ودااخل جووووووووو واحلل |
البارت السادس : بعد الصدمه اللي طاحت على راس عبد العزيز وابوه تموا ساكتين بعدها قال بو هادي : وما بنسى معروفك طول عمري ... انقهر بو عبد العزيز ووقف بعصبيه وهو يقول: سمحلي يا بو هادي ان كان في شي ثاني ساعدتك فيه ،، اما في هذا الموضوع انساه ولا كأني سمعت منك شي ولا يبت لي طاري. بو هادي برجاء: تكففففى يا بو عبدالعزيز طلبتك تساعدني ... هز راسه برفض تام وهو يقول: ما عندي عيال للزواج ولا عندي شغل لبنت اخوك اذا هي طايحه في جبدك نحن شو يخصنا !!!! تبلينا ً !!!! ردها من وين يبتها ولف على عزوز وهو يقول: يلا ولدية قوووم نسيرر وطلعوا بسرعه وهم تحت تاثير الصدمه وتفاجأ عبد العزيز بعبدالله اللي كان بيدخل ومسكه من يده وهو يقول : شبلاك عزوز ... عزوز هز راسه وبمستحى قال: الصراحه عبدالله ما توقعنا الموضوع اللي ابوك يبانا فيه عائلي ... طالعه باستغراب وهو يقول: شو فيك !!! واي موضوع؟؟؟! عزوز تكلم بسرعه عشان يلحق على ابوه: ابوك يقول يبينا نزوج بنت عمك او نشلها من بيتكم ونبعدها عنكم!!؟ طالعه بصدمه وهو يقول: بنت عمي !!!؟ بس نحن ما عندنا بنت عم!!! ولا عندنا عم أصلاً!!! طالعه باستغراب وكمل عزوز وهو يلبس نعاله: امبلا عندكم بنت عم ابوك كان حاطنها في دار الأيتام والحين اخوك هادي عرف عنها ويابها بيتكم وراح عنه وخلى عبدالله بصدمته... انصدم عبدالله ولف عليهم وين متيمعين وقال بحقاره : هذيل اهل هذيل !!! فشلونا عند الناس !!! حسبي الله وراح عند امه وهو يقول بعصبيه: يعني انتوا ما تستحون يايبين ريال عشان تيوزونه بنت عمنا اللي ما عرفنا عنها !!!! هااااااا !!! انتوووا شو من البشر شو من قلب عليكم خافوا ربكم الدنيا دواره!!!!!!!!!!!!! صدق لا ذمه ولا ضمير ورفع عينه وطالع هادي وهو يقول: وانته حضرتك تقول يايبنها من دار الايتام مربيه لولدك وهي بنت عمك !؟؟؟ افا والله !!! انك خليتها حالها من حال البشاكير هذي بدال ماترزها وتعزها بنت عمك وتحط صبوعك في عيون العدو خليتها مطنزززه لللكل اخخخ عليكم والله ما تستحون ولا تخيلون ابدا لا ذمه ولا ضمير !!!!!؟؟ وقعد يتنفس بسرععه وبقهر قال: بنتتتت عمي تكون مربيه لولدك !!! ليشششششششش ما تعزها وترزها شرات خواتك وتوقف وياها !!! بشوووه بجابلون ربكم!!! شو بتقوووول له خافوا الله (فأما اليتيم فلا تقهر) وين دينكم وين احسانكم جان في قلوبكم دين وإسلام تاثروا بكلام رب العالمين عن اليتيم وتعظووا عن العذاب اللي اعده الله للناس وانقهر وراح عنهم وهو يتحرطم... الكل كان مصدوم من تفاعل عبدالله فالموضوع الا هادي اللي قال: أي ريال بيوزها .. اشواق قالت بغصه: انته خليت كلامه كله وعلقت على كلمة الريال اللي يابه ابويه عشان يوزها!! قالها بقهر وعصبيه وهو يشوف ابوه ياي: اوووووه فكينننا بالله عليج انتي من هالرمسه!!!! سلطان يطالع اشواق وقالها بهمس: سكتي مالج خص مابا حد يسمعج كلام يعور القلب!!!... طالعته بقهر وهي مصدومه من اللي قاعد يصير وطنشت كلامه الحين هذا اللي همكم اسكت وما أتكلم،، رفعت عينها وهي تشوف هادي اللي يتكلم مع ابوه بعصبيه وصوتهم بدا يعلى ،، ومافهمت شي منهم بسبب ان كل واحد يعلي صوته على الثاني ... : شافت الصريخ وصياح وسمعت أصوات الحريم يحسبنون عليها ولا همها هذا كله شلت عبدالله وراحت داخل وقعدت في الغرفة فوق هي وعبدالله وقفلت الباب وانسدحت عدال عبدالله وهي تشوفه يلعب وماودها تعرف شو قاعد يصير بس هي متاكده ضرابه عسبتها... : اما هادي بعد الصياح والصراخ ويا ابوه حلف انه يبهدلهم ويسلم كل شي لشرطه اذا فكر يوزها واحد غيره ؟؟!!! الابو انصدم من ردة فعل هادي وتعلقه السريع ببنت عمه وما صار لها الا فتره بسيطه طلع هادي بغضب وعصبيه وهو يكلم حسام يطلع أوراق الحادث والأوراق اللي تخص ابوه في تورطه في الحادث واوراق الدار اللي تثبت ان ابوه حاط بنت اخوه في الدار وغير معترف فيها... : حسام اللي كان مصدوم من اللي قاعد يصير ويخاف هادي يشك فيه لانه عطاهم لبو محمد وعطاه أوراق الدار ونفقات المال عالدار واعطاه أوراق تزوير نقل أملاك راشد له وانه هو الوريث الوحيد ولا يوجد له بنت وكل شي ممكن ينجي اريام من اللي هي فيه عند بوًمحمد اللي حافظنهن بصون ومايبا يحسس بوهادي بشي ... توتر بخوف ،، الحين الكل بيشك فيه تنهد براحه من فكرة انها ممكن يسوي نسخه من بو محمد واييبهن ويتحجج لهادي انهن مغروسات بين الأوراق وبيدور عليهن ... : عند بو محمد اللي كان قاعد ويا فيصل في المكتب رن تلفونه وهو يشوف رقم حسام وحطه سبيكر وهو يرد: هلا بو محمد... بو محمد: اهلاً يا حسام كيف الحال؟؟! توتر حسام وهو يشوف هادي على الانتطار: والله يا سيدنا كلنا بخير بنحمد الله ونشكره،، بس في عندي طلب ممكن!!!؟ بو محمد يطالع فيصل اللي ارخى اذنيه بحذر وقرب من طاولة عشان يسمع صوت زين: خير شو فيه!!! حسام: والله يا سيدنا انته عارف انا عطيتك كل شي يخص الحادث والأوراق وتزوير وغيره الحين الأستاذ هادي بده اياهن فيك تعمل لي نسخه منهن... رفع عينه يطالع فيصل اللي ابعد كرسيه وسحب نفس عميق وخلل أصابعه في شعره وهو يقول لبو محمد بخفوت: ليش؟؟؟! يباهن!!!؟ ساله بو محمد لحسام: ليش يباهن!؟؟ حسام: ما بعرف والله بس فيه شي صاير بينهم وبدووا الأوراق ليهدد بيّه ... عقد حواجبه فيصل ما دخل راسه الموضوع واشر لبو محمد بمعنى لا توافق وبلغه بو محمد بعدم الموافقه حتى اشعاراً اخر لين ما يشوف فيصل شو الموضوع... سكر حسام وهو كله امل ورجى انه يوافق بو محمد يعطيه نسخه من الأوراق ... ظهر بو محمد وشاف تلفونه يرن ورد بكل هيبه واحترام:: ارحبي يا رويحة الجنه... امه بزعل وتعب: افا يا وليدي تارك زوجتك وكله بشغلك ما قلنا لك شي بس انك يومين ورى بعض ماتدري عن هوا دارها بعد ما هب زين يا وليدي ... تضايق من طاري زوجته وقال بقهر وكتمه: افا عليجج حاضرررين الحين بي واتغدا عندكم تامرين يا رويحة الجنه .. ابتسمت امه وهي تقول: ربي الله ونبي محمد يرضى عليك رضى ما بعده سخط ... ابتسم على دعوات امه هي اللي مربحتنه ومنجتنه وهي اللي مخليه كل شي حوله يصير مثل ما يبي وزود .... سكر عن امه واتصل بغناة روحه اللي ردت وهي تحاول تكتم ضيقتها وقال بحده: شنووو صاير عندكم... تضايقت اكثر وهي تقول: عرفت شي انته ... ضحك وهو يقول: كييييف ماعرف ،،، عرفت ان فيه أوراق يبيهن هادي لعمج واللي فهمته ان فيه شي بينهم... بضيق قالت: سمعت أصواتهم وانا فالغرفه ان عمي يبا يوزني ريال غريب او انه يشغلني في مكان بعيد عنهم وطلع له هادي وهو يقوله بطلع كل اوراقك وفضايحك اللي متورط فيهن وببلغ الشرطه اذا سويت بها شي انا تراني أبا اكمل نص ديني وهي تكون مرتي ... انصدم فيصل من الكلام اللي قالته وقال بعصبيه: تخسين انتي وهو ياخذج مني والله لادمر عمج وولده فوقه ،،، عيل انا بيلعبون فيني لعب لا يستريحون هذي خطه عشان تسكتين عن حلالج ... انصدمت وهي تقول: حلالي أي حلال!!!!؟ تنهد بضيقه وقهر مكتوم وهو يقول: انا بعرفج كل شي وبقولج كل شي بس سمعي مابا حد يحس فيج انا رايح للاهل بتغدا وبتصل بج وتخبريني بالضبط انتوا وين وتراني بييج وبشلج وبفهمج كل شي ... سكر منها واتصل على بو محمد وقاله لا تعطي حسام الأوراق ... : : هادي كان يدورفي مكتب ابوه اللي في البيت وجالبنه فوق تحت يبا يطلع أوراق تثبت له أي شي بعد ما بلغه حسام انه الوالد اللي شل الأوراق وما توجد أي نسخه عنده ،، فتح الملف الأسود وشاف أوراق تثبت أملاك عمه والعماير اللي باسم عمه وكيف ابوه نقلهم له عن طريق شخص مزور اسمه باسم عمه راشد وتاريخ كان بعد وفاة عمه راشد فانصدم ان ابوه لهدرجة باع دينه وضميره عشان الفلوس شاف رقم عدنان وخذذذاه ورجع كل شي مثل اول واحسن ... تنهد هادي واتصل لفيصل صاحبه يترياه يرد بس مالقى جواب وطلع من مكتب ابوه وهو كله قهر وندم يعني يايب شخص منتحل شخصية عمي ومزوره الأوراق بحجة ان الأوراق كلها احترقت ومافي اثبات يثبت انه هذا مب راشد طيب اذا كان هذا راشد ليش ما يطلع بدل فاقد عنبوه يا بويه جرايمك وايييد واتهاماتك وايده يعنى اخر شي توقعته منك تيب شخص ينتحل شخصيه عمي انا لازم اشوف هالعدنان واعرف كيف صار كل هذا شو هالعبه والخربطه اللي نحن عايشين فيها اوووف خلل أصابع يده في شعرررره وهو كله ندم واسى انه هذا ابوه وهذي شخصيته وجي قاعد يستوي الله يستر من الياي وطلع برى البيت بيرجع المزرعه ... : : يا رب لا تجعلنا باليأس الذي نتساءل به كيف تشرقُ الأرض والسماوات ونحن عاجزين على الإشراق يومًا واحدًا.. يا رب آتنا القوة لنكن جديرين بالأيام التي كتبت لنا أن نعيشها وآتنا الحكمة كي لا نُضيعها في هباء الحزن وإجعل لنا من لدنّك سلطانًا نصيرًا. : كانت متملله وهي تشوف كل شي قاعد يصير غصباً عنها ولا قادره تسوي شي يتها وضحى اللي قالت: اشواق تفكيرنا في المشكله ما راح يعالجها ولا راح يحلها حاولي تنسين ونسكت عنهم ونشوف شو اخرتها ... شوي وياهم سلطان: وضحى خليني معاها شوي.. رفعت عينها عليه ونزلتهن قعد على ركبه ومسك ايديها وقال: حبيبي انتى مالج خص في مشاكل الكبار .. كانت كاتمه عبرتها بين الحنجره والصدر ما تبي تظهرها الا من بعد ما شافت حنية حبيبها وبكتتت وهي تشهق ،، حضنها سلطان وهو يسمي عليها وقال: يا عمري يا أشواق ترا انتوا مالكم ذنب ... اشواقً اللي تشهق وتبكي: امبلا يا سلطان ابويه متورط في قضية قتل عمي هذاك اليوم سمعت هادي يقول لبويه كيف لك ويهه تأخذ وحده ابوها قاتل ،، وقاتل اخوه وناكر بنت اخوه ويعرضها على أي حد من رياييل ... حضنها يخففف عليها ويسمع شكواها وباس راسها وهو يقول: اشواق انتي مالج حايه في اللي يسويه ابوج انتي بريئه ولا تعرفين بشي هذا ومستحيل ياثر هاشي عليه وعليج علاقتنا بتم مثل ماهي فهمتي واحسن بعد ... سيف وسهيل كانوا توهم يايين من ليوا وقعدوا عند الحريم سيف خاطب وضحى بس مافي حب بينهم الا من طرف واحد بس اللي هو من وضحى اما هو ما درابها،،، كانت يايه مع شما ويايبين الاكل حق سيف وسهيل اللي كانوا ميتين يوووع ... العنود تكلم غلا بصوت واطي: سهيل اخوج بلاه نفسيه ما يعطي حد ويييه ... ضحكت غلا وهي تقول: شدراني به المهم انج تحبينه وبس وماعليج من الباقي... ام سلطان وام هادي يرمسون في سالفه بنت راشد وسيف وسهيل مندمجين وياهم وقال سهيل: وينننها أبا اشووووفها.. امه بعصبيه: استح ع ويهك يا قليل الادب .... سهيل يضحك: ما قلت شي غلط والله اني أبا اشوفها ليش كلكم محتشرين عليها وليش هادي معصب ومايرضى عليها وليش عبدالله سوالكم عرس أبا اشوفها مزيونه ولالا.. سيف يشرب جاي: قلبي يقولي انها رحيممممه وغرشششوب ... تضايقت وضحى من كلام سيف واشتعلت نار الغيرررره فيها تحببببه وهو ولا همه انتبهت على اشواق اللي همست: لا تبينين له خليه يولي ... سكتت غصباً عنها وهي تسمعه يقول: والله اذا ما طلعت صادق قص ايدي من نص ... عمته بنرفزه: بس يا سيف فكنا منك ومن كلامك الماخوذ خيره نحن وين !!!وانته ويننن!!! ضحك سيييف وقال: مقهورررين من الملكة ؟؟!! هههههههه طالعته العنود وقالت : وييييع أي ملكة واي قهر علشان شو ترانا نحن احلى واجمل تعال شووووفها انته بس بتفل في ويههها هالخدامه !!!... رفع عينه سهيل وقال بصدمه: خددددامه !!!!! قالت بقهر وضيقه: هيه نعم خداااامه لولد اختگ .... استغرب كل من سيف وسهيل وطالعوا بعض وشوي شافوا سيارة عبدالله داخله ولا يأ صوبهم يسلم وراح سيده الفله ... ازفرت ام هادي بغيظ وقهررر وقالت بحقد: حسبي الله عليها جلبت بيتنا جلاب الله يجلب عليها عقلها ... انصدم سيف من دعوه وسهيل ويلسسسسسوا مستتتتغربين من اللي قاعد يصير وشوي دخل هادي ونفس شي راح فوق وبعده بو هادي اللى قرب منهم وسلم وهو ساكت ،،، والجميع كان ملتزم الصمت ... نطقت ام هادي بعد صمت وهي تقول: رددددها مكان مايت هالعله اللي من يت جلبة بيتنا جلاب وخلتنا في مشتكل وهم يعلهما سم والهم اللي ما يخوز عنها ولا والله يا احمد اروح بيت اختي انا وبناتي ولا ارد لك لينوما تشوف صرفه معاها.... قالها بعصبيه وقهر : ماقدر اردها من مكان مايت هي بتم فالبيت وانتي السببب في هذا كله نكبتينا كلنا نكبه ما نقدر نبعد عنها ... قالت بعصبيه وحقد: انا نكبتك انا مالي خص وشافت اختها وهي تقول: قووومي نروح البيت مالي قعدهً عنده لين ما يتصرف مع البلوى اللي يابها لنا وبلانا فيها ... انقهر من كلامها وبعصبيه قالها: انجعمي كله منج يا حرمه ومن تخطيطج بليتيني حسبي الله عليج ... بعصبيه وقهر وحقد قالت: يعلك في هالحالة واردى يارب انا ماياك قنعت منك وسايرة صوب بيت اختي ورقتي تلحقني ... لفت على اختها بقهر وهي تقول: قووومي نرد البيت يلسسسه ما بيليسس هنيه .... وتش سهيل وهو يقول: أبا اشوووفها هاي اللي مسويه لكم زحمه .. بقهر جاوبه سلطان وهو يشوف حالة اشواق اللي بدت تنهار: شووو تباها خلها تولللي الله يفكنا من هالبلوى .... شل خالته واشواق ووضحى وامه وراحوا للبيت يبا يهدي الموضوع ...وكل شوي يرفع عيونه يطالع اشواق .... : اما فوق بعد ما سمعت بعض الكلام من أصواتهم العاليه حاولت تتصل بفيصل بس للاسف تلفونها طلع مغلق مخلصه شحنه انصدمت كيف تشحنه الحين ماًتوقعت ها شي ولا حسبة حساب شي هذا !!! انتبهت لدخوله المفاجئ عليها ويوم لفت شافته بس مب هادي اللي تعرفه ما كان بهدوئه طبيعي كان تعبان ويلهث وعيونه حمر لف عالشبريه شاف عبدالله راقد قفل الباب باحكام وتقدم لها بخطوات بطيئه اما هي كانت خايفه وتصرط ريجها وترمش بعيونها مب هذا هادي اللي تعرفه هذا اليوم غير اشبه باسد لقى فريسته من كثر ما ترجع على ورى اصطدمت بكبت تلفزيون وطاوله وهي تقول بهدوء:هههااادددي هادي اللي ابداً مب بوعيه ولا حاسسس فيها قرب منها ومسكها بقووو من معصمها وقال: انتتتي لي فهمتي ولالا!!! خافت منه وترمش بعيوننها اكثر من مره وهي تهز راسها بنفي ما تبا زواج ولا تباه ولا تبا أي شي منهم تبا تطلع تبا تتحرر هزها بقووو من كتوفها وطاح تلفون اللي كانت حاطته بصدرها ،،، شهقت بخوف لما شافت انظظاره تنزل لتحت وخى وشل تلفون وقال بصدمه: تلفووووون من ورانا بعد !!! انتتتي شوووو !!!؟ ناويه على شووو !!! سحبها بقووو من ايدددها وهي تتالم من الويع وهي تطالعه بعيون كلها رجاء انقهر منها وهو يقول هالتلفوووون شووو فيه تتواصلين فيه مع منو ؟؟؟! ردت بخوف من كلامه وضغطه على يدها بالم وهي تشوفه انه مب بوعيهه: مع الدار اطمنهم عليه .. مسكها من شعرررها وهو يقول: حلفي ما طلبتي منهم ايوون يشلونج.. ازفرت بالم من مسكته وقالت: والله من بعد اخر مره مادقيت لهم ولا كلمتهم ... قرب منها اكثر وانفاسه تلفح على ويههها وقال بحده وهو يخلل اصابع يده في شعرها: اذا فكرتي تسوين شي من ورايه ما راح يصير خير فهمتي !!! هزت راسها بخوف وهي تقول: طيب اهدى .. مسكها بقوو وحضنها: مستحيل اخليهم يدمرونج والله مستحيل انتي لي انا وبسسس وانا اعرف كيف اتعامل مع هالناس .. خافت من حضنه وهي تقول: هادي اهدأ شفيك انته اللي في المزرعه كلهم راحوا محد تم الا انا وانته وعبدالله انته ما سمعتهم يوم قالوا بنروح.. رص على حضنننها بقووو وهو يقول: اششششسش مابا اسمع صوت ولا همس خليني اسوي اللي اباه .. خافت منه يبين انه مب طبيعي الريحه واصله لين خشمها معقوله يا هادي تشرررب !!! ينخاااف منك اذا كل مره تسكررر وبتيني بتضيعني ؟؟ همست بخفوت بعد ماحست ببوسته على رقبتها: هادي طلبتك تحس بنفسك قبل لا تسوي شي يضرني ويضرك !!! مسك ايديها وخلاها تحاوطه وهمس بحب: مردج بتدورين حضني لان الوحيد اللي بيكون لج مصدر امان وبتذكرين كلامي ... خافت منه الحين هي شو تسوي بنفسها هو مب مدرك افعاله وتخاف النتايج تكون عكسيه باسها على خدها وقال: حضنيني ولا تعلقين اباج تعامليني اليوم غير .. ودها تعطيه كف يطيره أمريكا بس مب قادره هو مب بوعيه وتخاف انه يسوي بها شي وهم رواحهم ..حست بظفوره اللي انغرسن في كتوفها: انتتتتي هييييييب ما تسمعييين قتلج حضنيني ... بعدت عنه وهي تقول: ماقدر احضنك انته لازم تفهم موقف اهلك وتحترمه انتهى البارت ابا توقعاتكم ؟؟؟ |
أبدعتي دجى
اتوقع اريام بتهرب من البيت وبينجن هادي بيدور عليها اما أهله بيفروحون دجى بسلوبك في السرد سرقتي قلوبنا لمتابعة القصه وجمال تفاصيلها ودي لك وأحلى تقييييييييم |
مع بنتي ملكه توقعي
|
ممتعة جداً بطريقتها واسلوبها وأحداثها
لروحك السعادة |
ماابتووقع لانك تفااجئينااا باشياااء تشدناااا
فنااانه |
تسلمووون جميعاً والله اسعدتوني الله يسعدكم ويفرحكم ...انتظروا البارت السابع غداً يا اعزائي
|
سلم الله يمنااك
ع روعه طرحك نترقب المزيد من جديدك الرائع دمت ودامت لنا روعة مواضيعك كلنا شوق لجديدك القادم لروحك اكاليل الورد |
حبيبتي زمرد مششششكووووره على متابعج وكلامج طيب
|
مرحبا يا دجى..
يتضح التماسك في أطراف القصة وتتضح جودتها من خلال الأجزاء الحبكة يشار لها بالبنان اللغز الذي نترقبه يشد القارئ لرؤية المزيد حقاً أنت مبدعة وأكرر في هذه أنت أجدتي الكتابة بحق ننتظر القادم.. |
البارت السابع..
: بعد ما سمع جملتها وهي تقول ما قدر احضنك !!؟ حسسسس نفسسسسسه بيمووت !! ظلمت الدنيا بعينننه وهو برووحه طافييييي ومسسسسكررر على الاخر لا عقل يتحكم فيه ولا قلب يأنبه كيييف تجادلينه يا بنت وانتتتي. بروحج في مزرعه والليل ادلى ستائره وما بينج وبينه شي تلاصقت اجسامهم غصبا عنها وهي تسمعه يقوله: حلم بليسسسسس في الجنننه تصيرررين لغيري والله ان ما كنتي لي ما تكونين لغيري!!! فهمتتتتي ولالا!!!!؟؟ رمشششت بخووف اكثر من مره تبا تبعده عنه لازم تروضه معنها مب متقبلتنه في حياتها لو كانت متقبله قربه كان ممكن ،، بس مستحيل تستسلم له ابدددا ،، الخوف لاعب فيها لعب لفت لعبد الله اللي كان نايم واستجمعت قواها وهي تغمض عيونها وددددز هاددددي ببقوو اللي حس انه بيطيح ومسكها وطاحت فوقه وهي تقول: ما كانت النتيجه في الحسبان بس لازم اتصرف أبعدت ايدين هادي اللي قرب ويهه من ويهها وبدا يبوسها ويوزع قبلاته بعدت راسه بقو وضرب على الأرض وعضتتت يده اللي فجها اول ما حس بالالم وهو يسبها ويلععنها وهي طلعت على طول للحمام وقفلت الباب وهي تتحسسس بالأمان غسلت ويههها وهي تقول الحمدلله ،،، ان الله سترني وعطاني القوه مب صاحي هالولد يشرررب استغفر الله ياربي الشرب الحين استوى نفس الماي ،،، افففف يا كررره ريحتگ ويا كررره قربگ .... بعد ما حست بالهدوء طلعت بشوي شوي شافته راقد على الأرض مكان ما فرته لفت على عبدالله وهي تستودعه الله سمعت رن تلفوننن لفت تشوووف التلفون وين لقته في مخبأ هادي خافت تقررب منه بس مضطره تبا تلفون عشان تدق على حبيب قلبها ايي يشلها قربت منه بشوي شوي وهي تتاكد هل هو نايم او واعي خايفه تقدم خطوه وما تكون النتيجة على البال حطت ايدها قربه بس من شافته يتجلب غيرة رايها قربت من عبدالله ودها تنام النوم يداعب عيونها وجفونها بس خايفه منه تحسه ثعلب مكار تذكرت كلام حبيب القلب يوم يقولها لا تامنين فيه اكيد خطه عشان يستولون على حلالج أي حلال؟؟؟! وين بلقاك يا فيصل وكيف بوصل لك ؟؟؟! ولازم تفهمني كل شي ... حست بيد على كتفها فزززت بخوووف وتنهدت براحه وهي تشوف عبدالله اللي قام نيمته بسرعه ما تباه يشوف ابوه بها الحاله وكيف طايح تحت ونايم سمعت صوتتت شهيره يعلن عن تعمقه في النوم قربت منه اكثر وحطت ايدها في مخباه وطلعت التلفون وهي تبتسم بانتصار ... شافت التلفون فيه باسورد تضايقت بس من شافت اسمه يشع من شاشه فرحت ان فيصل يعرف رقم هادي ما تدري ليش عادت الاتصال من على شاشه ولكنها تفاجات بالتلفون مغلق فرت التلفون ع طاوله بقهر مب وقتك تغلق تلفونك يا فيصل تاففت وقعدت بقهر عالسرير.... : : : في اليوم ثاني نش فيصل متكاسل عقب مارقد على الكرسي بتعب اليوم قرر ما يروح الشركة ويريح نزل عند امه وساف حرمته سلم عليهم وقعد يتريق يابت له الخدامه تلفون وهي تقوله ان الفليل طاح منه يوم كان قاعد على الكرسي شله ودخله في الجرج يوم شافه مبند وأول ما فتحه شاف اتصال هادي عقد حوايبه غريبه اتصل به مرتين مارد عليه واليوم التالي اتصل به استغرب بس قال بكلمه بعدين انتبه انه حرمته حاطه الريوق له جدامه ابتسم وهو تفكيره بعيد ،،كل من الريوق وشرب الحليب وانتبه عالتلفون وصل عنده وشاف رقم هادي يدق عليه مره ثانيه ولا رد عليه طالعته امه باستغراب وقالت: غريبه يعني اليوم ماتبا تداوم شو ؟؟ ضحك وهو يشوف الأرقام ومستغرب ان غناة روحه مادقت له اليوم ولا امس الفليل العاده يكلمها في الليل يختم يومه بها تضايق من فكرة انها اكيد مالقت وقت !! اتصل ع رقمه وانصدم يوم سمع الهاتف الذي تتصل به مغلق او خارج نطاق الخدمة حاليا تضايق وفر تلفونه ،،وكمل ريوقه وهو يفكر ليش غالقه الفون لا يكون هادي سوى بها شي رن تلفونه مره ثانيه وشافه رقم هادي وشله ع طول : مرحبا بو عبدالله ... بهمس وخوف ردت: أي بو عبدالله واي زفت انا اريام الحق عليه ... بخوف وهو يفر اللقمه من ايده وقال من دون إحساس: اريااام انتبه ع نظرات حرمته وامه ونش وقام وهو مرتبك وطلع بسرعه وهو يقول: هلا وغلااااا بالحب انتي وينج... بهمس خافت وهي تطالع هادي اللي نايم: تعال مزرعتهم ورب الكعبه البارحه بغى يصير شي اللي مب الحسبان ... ركب سيارته بسرعه وهو يقول: وانتي كيف عرفتي الباسورد مال تلفونه ... بهمس : من بصمة صبعه تعال انقذني الله يخليك ... توه بيقول طرشي اللوكيشن انقطع الخط وحست بيد وراها لفت بخوف وهي تشوفه يضحك وساحب تلفون منها وهو يقول: توتو تو تو ما توقعتج تتسوين فيني هالحركة... صفق بيديه وحضنها: تبيييين فيصل ولا تبيني باس رقبتها بقووووو وهي تحاول تدزه وقالت بغصه :انته فاهم غلط يا هادي .... بقهر وهو يمط شعررررها : فاهم علط كيف غلط من وين تعرفين هالفيصل وشو اللي بينج وبينه .. جاوبته بقهر: باغبي ماعرفه كيف اعرفه اذا انا اكلمه من تلفونك انا بس كنت اباه ينقذذني منك حالتك ما كانت حاله امممس ضرب يبهته بصدمه وقال: شي سويت فيييجً؟؟! بخوف منه قالت: قول شو ما سويت انته امس لعبت فيني لعب خفت اضيع عمري بسبتك وانته في حاله يرثى لها صراحه شاف نظرات الخوف في عيونها والتمس صدق في صوتها يوم سمعها تقول الله يخليك انقذني !!!؟ فعلاً منت بجرم فيها!!! حضنها وهو يقول: اسففف شكيييت فيج شاف تلفونه يرن ورد هادي: هلا فيصل فيصل بخوف لا يصير بشي بحبيبته قال: هلا والله شو سالفه من اللى داق لي من رقمك تتهد بحيره وقال يغير الموضوع: لا تفكر ما فيه شي بس انا دقيت لك امس ولا رديت عليه.. بقهر مكتوم وخوف على حب قلبه قال: هيه شفتك حارق تلفوني.. كان حاضننها ومقربنها من صدره وهي متنرفزه من حركاته بس لازم تعطيه الأمان قبل لا يسوي فيها شي سمعت صوت عبدالله اللي قام وقرب منهم وقعد في حضن ابوه وارتاحت انها تحررت من اييده بس مسك يدها وهو يبتسم تاففت بس بينت انها عادي ... وهي تبتسم له بالغصب سمعته يقول لفيصل: تعال مزرعتنا وبنتفاعم على الأوراق اللي لقيتهن البارحه .. تحركت مشاعره بسررعه وكانه يبيها من الله عشان ينقذ حب حياته ومن سمع هادي يقولله عن الأوراق اللي لقاهن في مكتب ابوه وقاله تعال ماصدق كانه بزر وفرحوه بالعبه خذ الموقع وقال لهادي: بروحك في المزرعه ولا حد من الاهل موجود تكلم هادي: لا محد موجود بس انا انته من توصل تعال داخل الفله ع طول .. كانت تسمع المكالمه ومستانسه بس تفاجات يوم قال له ماعندي حد معناته هي وعبدالله بيصرفهم بس كيف ووين ؟؟!! عذا اللي ماتعرفه صرطت ريجها بخوف وهي تشوفه يشرب ماي ماتدري ليش فكرة انها تلعب بعقله لين ايي الحب وتروح وياه ... قربت منه ولفته صوبها وقالت بخوف وهي تحط يدها على خده: وين بتروح وتخلينا ونحن مالنا غيرك!!؟ حس بمشاعره اللي اجتاحت عليه مره وحده من لمستها وهدوئها في الكلام لف عليها وهو يصرط ريجه وقال بحب وهو يمسك يدها: ما بروح مكان غناتي بكون حولكم وحواليكم .. حطت راسها على صدره وحست برتجافه وهي تبتسم بانتصار: بس وين بتخلينا وانته بتيب ربيعك وبدخله الفله !! رفعت عيونها وطالعتهروهي تقول؟!:انته ضامننه ؟! انه ما بيسوي فينا شي !!؟ وبا وين بتحطنا... !!؟ باس خدها وبهمس لاذع وهو يعظ خدها: من الأول روضيني جيه ماله داعي العناد وقرب منها وهو يقول: انتى وعبدالله بتكونون فالغرفه ونحن بنكون في صاله !! بعدت راسها بقهر وهي تقول: لا والله رجع راسها لحضنه وقال: خليج جذيه انا مرتاح وبعدين شو لا والله دزته وهي تقول: بتقضي يومك كله ويا هذا وانا وين اروح ان شاء الله ابتسم بحب وقربها وهو يعظ خدها: ليتج مروضتني من زمان بطلي هبل انا من دون شي قلبي يبا قربج وين يوم تتدلعين وتستهبلين بتيبين العيد .. مدت بوزها بزعل وقالت: لا تطول وياه ويوم بيي قولي بسوي لكم عيششه تسدون فيه يوعكم لين ما تخلصون شغلكم ... هز راسه ببتسامه ودخل يتسبح زفرت براحه ان صدقها نزلت تحت وسوت اكل لعبود واكلته وهي ناويه تطله مع الحب بعد ماترقد عبدالله قلبها مب طاوعها تخلي عبدالله بس هادي شكله ناوي يطول فالمزرعه وخصوصاً بعد اللي صار بينه وبين هله. ... : : سـلاماً للمسـافة الفاصلة بين فكـرتين .. لفراغ بين كلمتـين قيلتا أثناء الحـديث .. لفراغ بين نغمـتي بيـانو أو ناي .. للأشيـاء التي لا ينتبهُ أحد لها �� : : عند اشواق اللي قاعده في غرفة شما وزعلانه على اللي قاعد يصير بين أهلها وبين بنت عمها وتخبط اللي صاروا فيه من بعد الهدوء والسكون الذي كان يحيط بهم اصبحوا اليوم يتخبطون في مشاكل ويكتشفون اموراً لم تكن في الحسبان وبانت لهم حقيقة ابوهم المره ابوهم اللي يحبهم ويحتويهم وما يخلي قاصر عليهم واللي شافو فيه طيبه والكرم يكتشفون انه قاتل عمهم اه يا الزمن ما اغدرك معقوله في ناس يلبسون ثوب الطيبه وهم ما يعرفون دربها تجردوا من كل شي للأسف لا دين ردهم ولا خوف الله طمع الدنيا والجشع اعمى عيونهم ودلهم على خساره اخرتهم من اجل دنياهم ازفرت بضيق بعد ماحست بيد وضحى على اكتافها ابتسمت لوضحى بالم وهي تقول: اسسسسسفه الوضوح ماقدرت اجامل نفسي اكثر واطلع من المود اللي انا فيه ما احس اني اقدر اطلع من الصدمه والواقع اللي نحن فيه الهروب مش حل ياختيه وتناسي امر صعب يا الغالية... ابتسمت وضحى وهي تشوف سيف اللي يكلم حبيبته ويضحك معاها حاولت تداري دمعتها وبغصه وهي تشتت نظرها عشان اشواق ما تلاحظ عيونها قالت وهي تحاول تضبط النبره: ياختي هذي الدنيا ان ما تعلمنا منها نتعلم من منو ؟؟؟! هي الوحيده اللي فارشه تجارب حقنا !!!؟ لفتها اشواق ما كانت تبا وضحى تشوف سيف اللي كان يرمس بالتلفون ويضحك مادرت ان وضحى شافته وانتهى الموضوع وقالت بهمس لاختها: وضحى !!؟ لفت عليها وضحها بعد ماخذت نفس عميق وغمضت عيونها وقالت بضحك: هههههه تخيليني فوزيه دريع اقدم لج نصايح ... تنهدت براحه اشواق وهي تحس انه ًوضحى ما انتبهت عليه وقعدن يتمصخرون على بعض لين سمعت وضحى حد يزقرها من تحت نزلت عيونها وغمضتهن بصدمه وقالت بهمس: علي !!!!! قالها علي بصوت عالي: نزلي شو ترييين !!! يلا !!؟ حركت عيونها على الموجودين واستحت يوم شافتهم كلهم يطالعونها تداركت الوضع اشواق : اووك يايين !!؟ وسحبت اختها وهي تقولها: شبلاج وضحى...!!!! وضحى وقلبها طبول: اقولج اللمعه اللي شفتها في عيون علي الجمتني صراحه.. بدفاشه قالت اشواق: حبيه يا ختي والله ميت عليج شو تبين بلي قلبه ما يباج ... وسكتت حست انها يابتها على العووق ... انتبهت على وضحى اللي قالت : مادري مع ان الدنيا عصر بس مادري كيف حسيت بلمعة عينه ... وراحوا عند الحريم سلموا وقعدوا وسيف حاط سماعه على اذنه وكل شوي يهمس للحب دققققه سلطان بكوع وهو يقول: ترانا كلنا نعرررف المغزى من هذا كله سكررر احسن لك ... انقهر من سلطان محد كاشفنه ومبهدل عيشته الا سلطان اللي يعرف كل نظره وكل حركة فيه ازفر بضيق وسكر في ويهها وهو يشوف وضحى مجبله عليه مع اشواق ولف يطالع علي اللي قال لامه: خلصوا كلموها الحين لا تيلسون تسووون لي فيها صغيره وما صغيره وبعدها عالعرس هكي اشواق انخطبت والحين بيعرسون ،، طالعته امه وهي تقول : مب وقتگ يا علي ابداً انته تشوف الحاله اللي فيها خالتك.. علي يأشر ع نفسه بقهر: وانا شيخصني وش ذنبي اصبر على مشاكلها مع ريلها ... تنفست صعداء وضحى يوم شافته مندمج ويا امه بالكلام ... انتبهت ع سهيل اللي قال لسيف: تراااا بسككك مطالع عيووونك طلعت وانته طالع البنت.. نزلت وضحى عيونها وهي كاتمه ضيقتها سمعت خالتها تقول لعلي: من الاخر يا علي انا خطبت وضحى لسيف من فتره والبنت تدري بها شي كيف الحين اقولها بخطبج لعلي .. انصدم علي اللي حرك عيونه على وضحى ورد نظره ع امه بقهر وقال: كيف خطبتيها وانتي تعرفين ان سيف ما يباها عكيفج هو ولا لعب عيال!!!؟؟ طالعه سيف بغصه وتنهد لف ويهه صوب ثاني وغمض عيونه حلو بتبدا الحين ضرابات والمزاعل بين امي وعلي وبيني طيب انا بعد شو ذنبي يوم انها ملكت القلب وابين عكسه ياربي سترك ... علي اللي كان قاعد وهو متغصص قال بقهر لخالته: خالتي فكينا من مشاكلكم وركزي ويايه شويه لفت عليه خالته وامه منصدمه طول عمرك يا علي مندفع وقال بقهر: بنتتتح وضحى ما بتكون الا لي تراني ما اخيركم انا اعطيكم امر سيف من قبل ما يباها بتفرينها في حلجه وعقب سنه تيج مطلقه لا ابويه بنتج انا ما ارخصها وان شاء الله ترتب الأمور واخطبها رسمي .. سلطان من صدمه فاج عيونه مقهورر من علي طول عمره اناني لف طالع سيف اللي زام شفايفه بقهر وماسك ايده بقووو وهو مكورها مسك سلطان اسده وقال بعمس: هدي سيف تكفى مافينا على المشاكل والزعل طلبتك تهدأ يا الغالي .. لف سيف لسلطان وانصدم سلطان من احمرار عيون سيف ومن القهر اللي فيه عيونه فيهن شر والله يستر منك يا سيف .. سهيل حاول يطلف الجو وقال: علي البنت لها شور ان كانت تباك ولا تبا اخوك من حقها تخير والحين نحنرمب فاضين لا لك ولا لسيف اصبر على خالتيه لين ما تهدا الأمور بينها وبين ريلها وعقب يصير خير ... انتهى البارت السابع توقعاتكم |
سرد جميلة و متكاملة بأحداثها
مبدعه دوما دجى لروحك السعادة |
البارت الثامنً... : : فررر ايد سلطان بقهر وهو يطالع علي وقال بحده ونبرة عاليه: لييييش ان شاء الله بضاعه هي عندك ؟؟؟! عكيفك انته تخطط وتامر وتقول ؟؟؟؟ ليش انته اناني وليش تحب نفسك وليش شي يوم يكون لسيف يحلى في عينك !!!؟ انتبهت وضحى عليهم وعلى الكلام اللي يقولونه وهي مصدومه منهم بغم عليهم سهيل وهو يقول: بسسسسسسسسسسسسس ولا كلمه حسبي الله عليكم انتوا مب رياييل اذا حرمه جي تسوي فيكم !!!؟ شو بلاكم !!! يهال !!! والله مب لازم تاخذون اللي تبونهن كل واحد يحب وحبه من طرف واحد البنت شذنبها تبتلي فيكم خلوها على راحتها وفكونا منكم ... ام سلطان بعصبيه قالت: اوووووًص ولا كلمه محد فيكم بيوز عمره ولفت ع وضحى بعصبيه وهي تقول: قووومي سيري فوق وفكينا من الحشره اللي قاعده تستوي بسببج .. قامت وضحى وهي كلها قهر منهم وراحت الحجره شما اللي كانت تشوف عبدالله اللي ساكت اغلب الوقت رفع حوايبه وهو يطالع شما بمعنى خير !!! شعندج تطالعيني ولف بوييهه صوب ثاني ... اشواق قالت بقهر: يعني وضحى شذنبها يا خالتيه تروغينها من القعده عشان نحن في بيتج ترا من الحين اروح انا واختى البيت ونفتك من الحشره وصدعه وقامت ورى اختها ... استغفرت ام هادي وهي تقول: حسبي الله عليها اللي من يت ضوت المشاكل وياها .. : : اما عند فيصل اللي كان في درب كان مقهور يعرف ان اريام بتساييير هادي وهذا اللي قاهرنه وده يعطيها كف وهو ناوي عليها نيه اليوم انتبه على رنة تلفونه وشله: هلا بالغاليه. امه بعصبيه: لا هلا ولا غلا يا ولد ابوك... فيصل باستغراب: افاااااا يا ميمتي من مزعلج يا الغاليه!!!! امه بقهر وعصبيه: من اريام اللي دقت لك وقمت بلا عقل هاه تارك زوجتك عشانها.. عض على لسانه لان زل قدامهم وقال بهدوءش تام وثقه بناها في نفسه وبصوته: يمممه انتي تعرفين ان مالي في هالسوالف وتشوفين اني مب لاقي وقت اقعد عندكم هالدور بحب وحده بعد شفيج يمه لعبت بعقلج بنت اختج تراني ادري ان ماكلتنها الغيره اكل هذا ربيعي بو عبدالله تعرفينه اعتقد دوم اطريلج إياه هذا سلمج الله عنده بنت صغيره اسمها اريام تحبني وتموت عليه ويوم يزعلها ابوها تتصل فيني اهزبه مسمنها طفلة قلبي جعلني ايييب بنت تشبههها يا ميمتي ... استانست الام اللي كانت حاطه سبيكر تسمع بنت اختها كلام ولدها وشب ويييها مستحى واحمرار وبهمس قالت لخالتها: يفكر ييب مني بيبي حمدلله الموضوع في تقدم يا خالتي ... هزت راسها بهيه وهي تقول: طيب يا عمري مادام جيه الله يحفظك ويسر امورك الغالي ... سكر وهو يبتسم ولف لفة المزرعه ايه والله انها طفلة قلبي لاعبه فيني اللعب نزل ودخل الفلة سيده ع امل انه يلقاها وشاف هادي اللي مزهب القهوه والشاي وقعد وياه وبعد السلام والاحوال قاله هادي: لقيت أوراق تخص واحد اسمه عدنان ابوي مخلنه ينتخل شخصية عمي راشد عشان ينقل كل املاكه باسمه. انصدم فيصل وصرط ريجه وهو يقول: قول والله يعني هذي غير الأشياء اللي ابوك مهبب فيها .. هز راسه هادي وقال: طبعاً هذا بعد ما نبشت مكتبه اللي في البيت.. فيصل وهو يشوف الأوراق : سمعني هادي نحن مانبا ابوك يشك فينا اللي بنيناه من سنين عشان نرد حق عمك مانباه يطيح في ثواني وباستهبال قال: بس عمك بنرد حلاله لمنوه؟؟؟! عنده حد !! بزلة لسان قال وانذفاع: هيه بنيه !! وسكتتت ورفع عينه لفيصل اللي كان يبتسم ويضحك وقال هادي : ليش تضحك ... هز راسه بلا وقاله: سير المطبخ ييب لي شي اكله ما تستحي ع ويهك يايب لي بس تمر وقهوه وجاي ... ضحك هادي وقام واقف ونزل عبدالله ولده بسرررعه وراح عند فيصل يسلم عليه ...اما فيصل صووور الأوراق بسرعه بتلفونه وتنهد ما يبا يخسر هادي بس الحين صار الرهان على من يملك اريام وهو ضحى بكل شي لجل اريام من يوم عرفها وشافها تكبر في دار صار المهم عنده انه تكون له وما تكون لغيره باس عبدالله على خده وهو يشم عطرها المميز عرف انها موجوده هنيه واستبشر بشارة خير .... ياه هادي يايب مكسرات وسندويشات وفطاير كانت مسوتنهن اريام اليوم وحطتهن في المجبات( طبقه،، الحراره) ...وقعد ياكل مع هادي وعبدالله اللي مستانس على وجودهن اذن العشا صلوا ورجعوا قعدوا شوي وده يشوفها يباها تنزل وخايف من فكرة ان هادي قافل الباب عليها وقال باستغراب: هادي انته وعبدالله شو تسون في المزرعه بروحكم سكت هادي ثم حك راسه مب عارف شو يقول لفيصل وقال: لا شوي صار تج بيني وبين هليه وييت المزرعه وتنهد .. بعد القعده راح هادي يودي عبدالله فوق وفيصل متحرقص مب علرف كيف يوصل لها.... اما فوق بعد ما دخل هادي ابتسم يوم شافها مخلصه صلاه باس يبهتها وقال: تقبل الله با عمري ابتسمت بمجامله وهي تقول : منا ومنك يا ولد العم ها عبود كل ... هز راسه بهيه وقال: سبحيه ورقديه بتساؤل قالت: ربيعك روح ؟؟! هز راسه بلاا تنهدت برتياح وغمضت عيونها باطمئنان انه حولها !! ابتسمت بتزييف وراحت تسبح عبدالله وبعد ما خلصت نومته وهي مندمجة ع تلفزيون سمعت صوت الباب لفت وشافته ابتسم وقال: راح ريال بدخل اتسبح اوك .. هزت راسها بخوف وقلبها طبول تدعي ربها ما يروح وصرطت ريجها بخوف شافته يأخذ ملابسه ويروح الحمام طلعت من بلكونه عبدالله تشوف السياره شافته الحين بيروح صفررررت واشرت له وهي تقول له بصوت واطي: ترياني ... ما سمعها عدل وقرب من البلكونه وقال: شو تقولين !!! قالت بخوف : ترياني برى عند اول شارع وانا بييك تكفى لا تروح هز راسه بهيه وطلع عنها تنهدت براحه وببتسامة فرح ..، دخلت الغرفه وشافته توه طالع حمدت ربها ما سمعها وقالت بطبطبه : يعطيك العافيه على جهودكم المبذولة في شغل .. ابتسم وقالها: تحبيني !! صرطت ريجها بخوف وقالت: تبا صدق ولا ولد عمه؟؟!! رد ببتسامه وهو يمشط شعره: الصدق...!! ردت وقلبها طبول: صراحه لاااااااا !!! ما حبك ولا حبيتگ !! ولا افكر احبگ عقب اللي سويته فيني !!! عق المشط بسرعه وهي مستقصده تستفزه قرب منها بعصبيه وهو يقول: بس انا احبج يا اريام قلبي ما مال الا لج ... غمضت عيونها بقهر وهي تقول: انتوا بالنسبه لي غموض وانا عايشه بينكم في دوامه امك وابوك يتناقرون عشاني حياتكم انجلبت فوق تحت من متى انته تعلي صوتك ع ابوك بسبت حرمه يا هادي !!! فج ايديها بصدمه وهو يقول: ماقدر اقولج يا اريام ... اريام تستغل الموقف لصالحها : قول واوعدك احط ايدي بيدك ... تردد هادي وعقب قال: سالفة طويله بقولج إياها بعدين الحين بروح انام تعبان وانسدح عدال عبدالله وقالها بندي الليت وتعالي نامي لا تخافين ما بسوي بج شي ... قالت بهدوء:بروح المطبخ تحت باكل شي وبي فوق يوعانه .. ابتسم وهو يقول: عله عافيه فديتج.. ابتسمت وهي تطلع: الله يعافي قلبك. نزلت تحت وهي في حيره اروح لفيصل ولا اتم عند هادي خايفه من قرب هادي وخايفه من اللي بيسويه فيصل فيها بعد ما يعرف انها قردنة هادي طلعت برى بعد ماً كتبت ورقة لهادي وحطتها تحت المزهرية وطلعت برى وهي تسمي بالله لا عباه ولا شي ماغير كندوره وشيله وهي تمشي وتتلفت وطالع فوق وحست ببرودة الجو هالفترة بدا يبرد الجووو وشتاء داخل تنفست بعمق وهي تطلع برى المزرعه وشافت اول شارع ولقت سيارته فديته حتى يوم تاخرت ما راح وخلاني قربت من الباب بطلته وركبت وهي تشوفه كيف معصب وقال بقهرر: سااااعه وضربها على كتفها بقووو كيييف روضتيه نطططقي .. زخت كتفها بقو وهي تقول: حبيبي والله غصباً عني لازم اروضه عشان اقدر افر منه خوفي منه كان بيوديني في ستين داهيه ... حضنها بقو وهو يقول: قرب منج !!! هزت راسها بنفي وهي تششد ع حضنه: يخسسسسي بس اليوم روضته عشانك مب عشان حد ثاني خفت انه يقفل عليه الغرفه وما يخليني اشوووفك حمدت ربي انى قدرت اروضه لو مجبوره بس المهم انه ما يقربني ولا يلمسني .. شد ع حضنها بقهر وهو يغرس ظفرره في كتوفها وقال: والحضن والبوس مب قرب .. تالمت من ظفوررره وقالت بحب : كله لجل عينك يهون يا مليك القلب... ارخى صبوعه وباسها ع خدها بقووو وهو يقول: فديت روحج ... بعدت عن حضنه وهي تقول: فديت قلبك حبيبي ... ابتسم وهو يقول: قسم بالله كنت ناوي عليج نيييه شينننه بس الحمدلله انج اعترفتى ... ابتسمت بحب وهي تقول:وين بروح... ازفر ببضيق وهو يقول: غناتي بقولج شي بس لا تزعلين.... لفت عليه بخوف وهي تقول: شو هو فديتگ.... قفل بيبان السيارة وهو يقول: انا وطالع عيونها وشاف الخوف فيهن مسك يدها وكمل ورب الكعبة اني احبج واخاف عليج وتدرين فيني اسوي كل شي لجلج ولاجل ارد لج حلالج بس سمعيني ان مارد حلالج ،،، حلالي حلالج واللي تبينه امري به ،، بس لا تخليني تكفين ،،، لفت عليه بصدمه وهي تشوفه: ليش تقول هالكلام حبيبي في شي صاير انا ما عرفه... هز راسه بهيه: انا أبا ابدا حياتي وياج بصدق مب بالجذب انا معرس وماخذ بنت خالتيه لكن وسمع شهقتها بخوووف وهي تحط صبوعها على ثمها كمل كلامه بسرعه والله غصباً عني امايه اجبرتني اخذها لكن قسماً عظماً اني ما قربتها ولا لمستها والله وانصدمت من كلامه وكانه حد عطاها كففف على ويهها ودموعها نزلت بدون إحساس لف عليها وشاف دموعها وحضنها بقو دزززته بقو وهي تقول: انتتته خاين وجذذذاب عمرك ما صدقت معاييه !!! اليوم تقولي الحقيقه المرررره ليش ما تقولي من قبل ؟؟! من عرفتك من كم سنه ليششش ما تفولي يا فيصل ليشششش !!؟ أي حلال اللي تتكلم عنه تبا ترده لي،،، رد لي قلبي اول بعدين فكر بالحلال !!! ضاق وهو يسمع صوت بكاها تنهد بالم وكمل سواقه يباها تهدا وتطلع اللي في خاطرها ... بعد ساعه وهو في درب حس بهدوء لف عليها شافها نايمه ودموعها على خدددها ... تالم عليها وهي حبيبته وعاشق عيونها كيف يخليها وهي طفلة قلبه المدلله ... : : : "يارب إني أحسنتُ بكَ الظَّن فاجبُرْني " : : : عند وضحى واشواق وشما يالسه عندهن : خلاص وضحوه امى ما تقصد اللي قالته ... وضحى بقهر: امج قاصده اصلاً تقومني من القعدة خافت عيالها يضاربون جدامي عبالها بستانس ... شما بضيقه وقهر: لا امي تعرف ان سيف ما يباج وان علي يباج ما كانت تبا تكسر خاطرج وهي تعرف انج تحبينه او بالاصح كلنا نعرف انج تحبينه حتى هو بنفسه يعرف انج تحبينه ... وضحى بقهر سكتت وقالت اشواق: هو حضرت جنابه يوم يعرف ان وضحى تحبه ليش ما يحاول يحبها او يتقبلها ع الأقل بما انها خطيبته ... شما بضيقه: انتن شوفيكن ترا اخويه مب ملزوووم يحبها كييييفه له قلب وعكيفه منو يحب ،، ومنو ما يحب ان شاء الله بعد بتحكمن في قلبه والله فاضيات مب صاحيات وراحت عنهن وهي مقهوره منهن ... وضحى قالت: شو بلاها هالهبله روحت..! اشواق تحرك ايدها بمعنى خليها تولي وقالت: طززز فيها اسفهيها ياختى السفيه اسفهه ... تنهدت وضحى وشلت تلفونها وافتحته لقت مسج من رقم غريب ( لأنك القريب جداً إلى قلبي .. أنا أحبك ودائماً ادعو الله بأن لايكون هناك شيء يبعدك عنِّي♥️��)... طنشت المسج وهي تقول لأشواق: منو اخر رقمه ثلاث اصفار اربعه ،،، علي ولا ؟؟! هزت راسها أشواق وهي تقول: هيه علي مطرش لج شي .. فرت عليها تلفون وهي تقول: قرررري وبروحج بتعرفين .. طنشت وضحى رساله وماسوت لها أي اهتمام ... : أهديتك الوفا واهديتني مُر العنا : : بعد ما وصلوا لين البيت لف عليها وبهمس حاني قال: ريومه ،، دانة قلبي .. فزززت على صوته بخوف وهي تشوف الصدق بعيونه نزلت عيونها بقهر وضيق وقالت: وين يايبني !! تكلم بهدوء وهو يقول : نزلي ندش داخل ونتفاهم .. نزلت وهي مقهوره ليتها تمت عند هادي على الأقل عارفه انه يحبها وأول وحده في حياته مب هذا ؟؟؟! اللي لقى الحب ولقى الأمان واخرتها يعطيني كاس علقم اشربه ... دخلوا الفله وقعدوا في صاله وقال: هذي فلتي اليديده طبعاً انتي اول وحده تسكنينها وانتى بتكونين الامره وناهيه فيها سمعيني باجر بنروح نفحص فحص الزواج وبعد النتيجة نتزوج وزواجنا يكون بالسر واباج تعرفين اني ما اقدر كل ليله ابات برى البيت لازم اروح عند اهلي بس اباج تعرفين شي واحدد قلبي لج ... ما اهتمت للكلام اللي يقوله لانها مصدومه منه ما توقعته متزوج وليت وحده غريبه وحده من هله يعني صعب يتخلى عنها عشاني تضايقت من كلامه وتمنت انها ما تسرعت ،،، تمنت انها عرفت من قبل عشان تعيد حساباتها من اول ويديد ... انتبهت عليه يقولها اوك هزت راسها بهيه وهي ما تعرف شو قال اصلاً ...قرب منها وبخوف أبعدته وهي تقول تعبانه أبا انام ... هز راسه بضيق منها عارف انها زعلانه عليه وداها الغرفه واستانست على الاطلاله وهي تسمع موج البحرر تنفست بهمق وهي تقول ابعدني عن المدينه والناس في مكان خالي وبعيد وبيخليني ساكنه بروحي ... قرب منها وهو يبتسم ويسمع تحلطيمها وقال : اولاً : انا بعدتج ويبتج هنيه لان محد بيشك فيييج وفيني ،، ثانيا: انا احب هالمكان وايد واتردد عليه كثير عشان اريح من شغل ،، ثالثاً: قلبي لج وما مال لحد غيرج بس ما اقدر اعترف فيج قدامهم الحين... تضايقت من قربه وبزعل قالت: طيب ،، ولفت عنه وهي تتطالع السما حست بحضنه من ورى: انتتتي شفييييج ماخذه الدنيا بحساسية .. بقهر مكتوم قالت: عيل انا تاخذني بالسر وتبا حياتنا كلها بالخش ودس ما تبا تعلني ،، تباني ضيفة شرف في حياتك انته من الأول تعرف حياتك كيف ليش عشمتني فيك ليش خليتني ادمنك وانا قاعده اخرب حياتك مع انسانه ثانيه ،،، انته تدري ان زواجي منك ما بيطول صح ولالا... هز كتوفها بقوو وهو يقول: انتي مينونه تعرفين ان قلبي لج واني احبج لا تينيين عليه بس ماقدر اغضب امي وتدعي عليه وتزعل لانها بنت اختها وراح تصير بينهم مشاكل وانا ماودي اخسرج انتي شو تبين دليل غير اني لين الحين مالمستها يلا قولي لي هذا بعد يعد خيانه لج ،، وهي ماتعرف عن شي غير اني مب متقبلنها في حياتي بسبب شغلي .. تضايقت منه ولفت على الغرفة بتدخل وقفها صوته العالي: قسما عظما اني ما اكن لها أي شعور انتي شفيج لو تشوفين امي كيف كل يوم تكلمني عنها بتصدقين.. لفت بضيقه وهي تطالعه وقالت بغصه: ما ودي حد يشاركك فيني انته لي انا وبسسس ،،، بس عالوضع اللي انته فيه جد صعب اني اقدر اتملك... دخلت تسبح وقعد ع البلكونه يخلل شعره على راسه بضيق الحين شو يسوي وشو يقول هي حبيبته وتباه وهو مليك قلبها وهي مليكة قلبه وعقله وروحه يحبون بعض فوق الخيال لازم كل واحد يقدم تنازلات عشان ثاني ... : انتهى البارت الثامن |
قصه رائعه وأليمه لـ هادي
أبدعتي بسرد الأحداث يلا دجى كملي بشوف ردت فعل هادي لك ودي |
ان شاء الله حبيبتي جاري التكمله
|
هل ياترى سيكون هناك تنازلات
من اجل ان تيتمر عجلة الحياه بينهم دجى احييك على فكرك والى الان كل شي جميل في تسلسل الاحداث |
يعطيك الف عافية والقادم احلا اسلمي ويانتظاااار التكمله |
البارت التاسع
: على سبيّل التملُك أرغب أن أكوُن إنشِغالك ♥🖇. : طلعت من الحمام وهي تنشف شعرها حست بيوووع قرصها تجاهلته لانها زعلانه لفت عليه يوم سمعته يقول بضيق: والله اني اباج لاًتيلسين تسوين فيها الانسانه اللي ماتعرف اني احبها واباها... لفت عليه وقالت: ما اشك في حبك لي بس انا أباك ملك لي مابا حد ثاني يشاركك فيني .... مسك كتوفها وهو يقول: ورب الكعبه اني ما قربتها ولا لمستها من يوم تزوجنا انتي اللي ماخذه القلب والعقل .... ابتسمت وهي تقول: الله يستر من تاليها لو درت امك بانك ماخذني بتجبرك تطلقني وساعتها... قاطعها وهو يحط ايده على شفايفها: اششششش لا تستبقين الاحداث يا قمر اصبري لعله خير ومحد يدري بزواجنا.. ضربته ع كتفه وهي تقول: انا مب مقهوره الا منك تعيشني بالخش ودس ومبعدني عن الناس والمدينه ويايبني مكان محد فيه... ضحك عليها وهو يقول: اكيد بطلع وياج وبي وياج وبشاركج الحياه بس انتي اصبري وانا متعمد لان المكان هذا محد يعرفه باخذ راحتي يوم بييج... بعدت عنه وهي تدخل تشغل دفايه وقالت: تعال برررد سكر البلكونه ... همس بحب: دفييييني !!! ضحكت بخجل وهي تضربه ع كتفه: مب وقت دلعك عالحين لما نصير لبعض ابتسم ورن تلفونه وقال بتاكيد : برد وبحطه سبيكر واباج تسمعين المكالمه كامله بحساسج اوك... رد وهو يقول: ارحبي يا ميمتي ... امه بزعل: وينك يا غناتي ايش طولت على مريتك تحاتيك وتتصل بك وانته ما ترد عليها .. جاوب وهو يطالع اريام: مشغوووول يمه والله ،،، ومن كثر شغل احس اني برقد في الدوام لان الصبح عندي شغل ضروري يمه... تنهدت بتعب وهي تقول: الله يصلحك يا وليدي حتى ما فكرتوتطيب خاطرها انا ادري بلي فيك بس مع الأيام بتحبها وبتتقبلها .. ابتسم وهو يقول: ايه اكيد يمه بس الواحد مب متفيق الحين لزواج وغيره انتي تدرين يا ميمتي ان عندي شغل .. بحب قالت: صادق يا وليدي عسى الله يوفقك ويسرر امووورك يا حبيب امك ... ابتسم بحب وهو يقول: ودعتج الله يا الغاليه ...وسكروا الخط .. حس بعيونها لوم وقال بزعل: صدقتي الحين ..!!!؟ هزت راسها وهي ملتزمه الصمت قامت من عنده وني تقعد عالشبريه وقالت بهمس : عيوني والله اسفه بس تراني مب قادره اتقبل الوضع والله يبالي وقت .. ابتسم بضيق وهو يشوفها بتنام وقعد على دفايه يلعب بتلفونه وانسدح لين غفى ونام... : : في جهه ثانيه ومكان ثاني ،، كان قاعد يراقب اللي طالع واللي داش وهو ضايق حياتهم انجلبت رأساً ع عقب شو اللي صار وشو اللي قاعد يصير مايد نطق: عبيد لا تفكر وايد .. عبيد بضيق: طالع البيت كيف غدى ابوك ايي يدخل ويروح ونحن قاعدين رواحنا وامك في بيت اختها وحياتها انتهت لين وين يبون يوصلونا مادري ... مايد بضيق وقهر: والله ماعرف ولا ادري شو الاي قاعد يصير بس عندي إحساس انه فيه شي ،، وشي جايد بعد .... تنهد بضيق وكمل يطالع الدنيا ...قطع عليه مايد : نسير نرقد ومن اصبح افلح ... هز راسه بضيق وهو يشوف المكان كيف استوى موحش... : اما في مكتبه قاعد ويفكر شو يسوي عايلته تشتة ومب قادر يوازن الأمور ومب عارفف كيف يحل الموضوع اتصل بعدنان وهو يقول: عدنان شو سواة الحين... رد عليه ولده: الوالد يطلبك الحل من أسبوع... انصدم بو هادي وبخوف قال: كييييف توفىى!!! الولد بتعب: جلطة دماغيهً.... سكر التلفون وهو خايف جلطه الله يتوب علينا بلي سويناه ... اما في الجهه ثانيه بعد ماخلص العزا بثلاث أيام ،، فتح ولد عدنان الصندوق اللي عطاه ابوه وشاف فيها وايد أوراق ومستندات ورقه مكتوب عليها اتصل على بو محمد وعطه هالاوراق ضروري شاف الرقم واتصل ع بو محمد اللي رد عليه: الو السلام عليكم الولد: وعليكم السلام ...كيف الحال. يا عم بو محمد.. بو محمد مستغرب صوت: بخير الحمدلله ،،، منو ريال وشو تامرني فيه!!؟ الولد: والله انا ولد عدنان ال.... توفى قبل ثلاث أيام وتارك أوراق خاصه لك ... بو محمد: الله يرحم الوالد،، ان شاء الله متى اقدر اشوف الأوراق !! الولد : باجر ان شاء الله اول الصبح عندك ... بو محمد: تمام بينا اتصال ...وسكروا الخط... : في اليوم الثاني نشت من رقاد وهي متكسررره من رقده حست ظهرها من دق تدقديق قامت بتعب وهي تشوفه نايم تحت ودفايه شغاله وتلفون طايح ع بطنه ونايم بتعب ... نشت تسبحت تلبست وسوت ريوووق وشوي ياها فيصل: صباح الخير .. ردت بهدوء: صباح النور تعال تريق ،،، قعد وهو يقول: يلا تجعزي بروح المستشفى .. بتردد قالت: ما بتردني لدار وايد احسن ... قطع كلامها بعصبيه وهو يقول: اصصصصص ولا كلمه مابا اسمع منج كلمه وحده فهمتي ولالا ... هزت راسها بصمت وسكتت بعد ما خلصوا ريوق لبست عباتها وشيلتها وراحوا المستشفى يسوون فحص ... : : اما عند هادي قام من نوم وماشافها عداله انصدم وراح يدورها في الحمام وفي المطبخ وتحت مالقاها تنهد وخاف من ففكرة انها شردت لقى الورقه تحت المزهريه وقراها: (هادي كنت أتمنى أعيش وياكم حياه هاديه فيها سلام وامان ومحبه بس للأسف حقيقتكم المره اجبرتني انى اشرد قريت الملف الأسود اللي كان عالكرسي وكشف لي كل شي صرت أخاف منكم وعليكم اضطريت اني اشرد ولا تدوروني ترااني ما راح ارجع للميتم راح اروح مكان ثاني ابعد عنكم خوفي منكم خلاني اتصرف تصرف غير عقلاني ) ... انقهر بعد ما فعص الورقه بيده هذا اللي كنت خايف منه وين رحتي يا اريام وين ؟!!! رحتى ونحن تونا نتحاسب !! بعدنا في اول المشاوير!!! ااخخخخ منكم هذا اللي ماحسبت حسابه عق الورقه عالارض وهو يقول غبي وطول عمري بتم غبي كيف ما رفعت الأوراق عقب ما خلصنا منهن وين بلقاها اووووف !!!!! اكيد شردت لمكان بعيد بس وين بحصلها !!!!! .....تاففف ورجع فوق تسبح مع عبدالله ولده وبدل له وشلوا اغراضهم وراحوا مطعم طلبوا ريوق وجاي وراحوا البيت.. : : " ومن الأرواحِ من إذا ملكَتك ملأتك وإذا آوتك داوتك وإذا أحبّتك أحيَتك" : بعد ما رجعوا من المستشفى وطلب لهم اكل من المطعم قال بقهر وهو ياكل: ما قدر اتخيل شكلج وانتي مع هادي ... سكتت وهي مصدومه منه وقال : ردي !!! عليه !!؟... قامت بهدوء وهي تقول: تبا تضارب ويايه شكلك!!؟ سكت وهو يقول: لا والله مابا اضارب وياج ولا شي بس غيران صراحه... ازفرت بضيق وهي تقول: والله ما بيني وبينه شي وما صار شي ابداً وبعد الفحوصات بتشوووف وتتاكد !!! قامت عنه وهي تروح فوق قفلت على عمرها الباب ما تبا تشوفه ولا تبا تسمع صوته ما توقعت انها تنخدع من اقرب الناس لها ،،، دخلت وبدلت لبسها لبست بنطلون وقميص هاي نك قطني وقعدت في الغرفه وشغلت تلفزيون وحاولت تتجاهل كل شي ... جاري التكمله |
مر أسبوعين كاملين وتزوج فيصل باريام وهادي ماخلى حد ما نشده عن اريام دور حول المزرعه وراح الميتم اكثر من مره تعببب انهد حييييييييله واااايد ما توقع النتيجة عكسيه ضاق صدره هالايام ما صار رفيقه غير الشرب وتفكير ضعف وعيونه أصبحت فارغه من الحياه اهمل ولده اللي خذته امه بها الفترة بعد ما شافوا حال هادي كيف الصمت كان عنوانه واليأس متمكن منه لازم يلاقاها لو يضطر يروح لاخر مكان تملم بعصبيه وهو يرمي الكاااس: يعنننني وين بلقاها اذا انا هذا حالي شرب وسكر وفاقد اربع وعشرين ساعه رييييين بلقاج يا ضي القلب وماي عيوني اه يا بنت عني كسرتي فيني هيبتي وكبريائي دخل عليه عبيد اللي شافه متسند ع طرف الشبريه وهو قدامه الشراب وطالعه وهو ياشر بيده : انا احبببببها يا عبييييد وين بلقاااها ودووني لها قرب منه عبيد بضيق وهو يقول: هادي تكفى لا تكسرنا من بعدك يا خوي بسك من هالزفت اللي تشربه وقوم صحثح وانا اوعدك وعد ريال اييبها لين عندك ..
ضحك هادي وهو يمسككك ايد عبيد ويقوم وياه بثقل وهو يترنح قال: تقولللها صااادق .. عبيد بضيق: ايييه والله ما كون ولد احمد ان ما يبتها لك بس اترك عنك هالسم ... ضحك هادي وقال ودموعه على خده: قولها هادي يحبج ويبيج له مو لولده خادمه وقولها اني بسجن ابوي عشانها ،، عشان تأخذ حقههها منه وزووود واني طول هالسنين بنيت احلامي وياها والسبب صوره يا خوي ... هز راسه بالإيجاب وقال: لك منى وعد اردها وارد البيت لوضعه السابق واحسن بعد انته تسبح بس الحين .. بعد عبيد عنه وهو يقول: تعبااااااان أبا انام مصدع وعق نفسه على سرير وسرعان ما راح بنومه طويله وثقيله ... طلع عبيد بقهر وضاربتنه الغبنه على اخوه وهو يقول لمايد : وش السواة الحين .. مايد: نراقب الميتم وتلفونات هادي يمكن تتصل ... هز رايه بضيق وقال لمايد: لمحت تلفون نوكيا عند هادي تتوقع ماله ؟؟ وشو فيه !!! مايد: مادري بس للاحتياط احتفظ به عندك يمكن نحتاجه بعدين لضرورة .. اما في مكان ثاني وضحى قاعده في الحديقه وهي تحاول هالفترة تجنبهم كلهم وكان الجو بادي يبرد لبست جاكيت يدفيها ومسويه لها كوفي شافت زوله من بعيد وتوها بتقوم تشرد زقرها من بعيد وهو متغيظ: وضحىىىىىىىىى !!! غمضت عيونها بخوف من صوته العالي خافت حد يسمعه لفت عليه وهي ماودها تشوفه من بعد اخر مره قرب منها وهو يقول: ليششش!!! مارديتي ع المسج .. بهدوء طالعته ونطقت بعد ماخذت نفس عميق: علي !! لف من دون شعور وهو يحس بان عصبيته كلها تبخرت من طرت اسمه وبهمس هادي قال: لبييييه !! غمضت عيونها بالم وهي تقول: السفينه اللي فيها ربانين عمرها ماترسي على بر وامان ،، تقعد الموج تتخبط فيهم ورياح تشرق بهم وتغرب بهم ... ما فهم وقال: شدخل السفينه في موضوعنا... نطقت بتعب: ما ودي اشرح لك لكن افهمني انتوا اخوان وعيب انها تفرق بينكم حرمه ما سمعت حامد زيد يوم يقول لا بارك الله في رجال تفرقهم مره.. عظ على شفايفه بقهر وقرب منها ومسك معصمها بقووو وهو يطالعها وانفاسها تحرق وييهها وشافها يوم غمضت عيونها خوفاً منه قال بقهر : ما يهمني هالخربطان اللي تقولينه لكن بفهمج شي واحد ان كان لج قدره تخلين هالقلب يعشق غيرج لج اللي تبينه وان ما قدرتي تعطيني قلب ثاني صار لازم نخوض هالمعركة ونشوف النصر لمنوه!!! جربتي شعور تحبين وتنزفضين!! ما جربتي صح !!! فلا تسالين عن العوق لانه محد لامسه الا اللي ذاقه!!! كان ودها تصرخ في ويههه وتقوله جربت اخس من هالشعرر جربت اني احب وحبي من طرف واخد وانرفض حبي بلاسبب !! اللي في قلبها وايد انها تتحمله ...قررت انا أتكلم بلساني اول مره انحط في موقف صعب علي وسيف واحد اباه وهو ما يباني وثاني يباني وانا ماباه وش هالحظ الردي اللي طحت فيه هذا اللي يقول اللي ما نبيه عييت النفس تبغيه واللي مانبيه عييا البخت لا يجيبه تنهدت وانا كلي ضيق شو اسوي انا احب سيف وسيف يحب غيري وانا ماداني علي مب قصوراً فيه بس ما ينجبر قلبن على قلب مادام قلبي ما هواه بس الظاهر هالعلي ما راح يرسيها على بر حسيت بالمطر اللي بدا يصب رفعت يدي وطالعت السما وانا فرحانه كانه ربي انزله يغسل به همومي ابتسمت وانا اطالع السما ادري انك وياي وانك ما راح تخذلني ادري انك في هالحظه تواسيني لك الحمد والمنه والفضل مقصرين يارب في حقك سامحنا يا حبيبي غفلنا عنك وعن ذكرك والحمدلله على كل شي دخلت داخل من بدا يشتد المطر شفت سيف وسهيل في صاله استغربت متو دخلوا ما لاحظت حد قبل المغرب بشوي سلمت وانا متجهها للدري أبا اركب استوقفني سيف اللي قال: وضحىىىى !!!!! دق قلبي طبول في هالوقت مادري ليش !!! بس الحب وعمايله وصوته بروحه يسوي فيني سوايا وين بعد يكلمني نطق بصرخه: اكلممممج انا !! من الخوف رديت عليه وانا اشد على الجاكيت وقلت: هلاااا!! قال بنظرة سخريه: ادري انج تحبيني وما تبين علي جان تبيني اخلصج منه بخطبج وبريحج من عذاب الضمير لكن باخذج بس عشان ان الكل يعرف ان امي خاطبتنج لي .. حسيت بالاهانه من صوته وقلت بهمس: ماله داعي تخطبني انا محد يسيرني على هواه ورحت فوق وانا ادعي عليه كلب عديم إحساس ضاق صدري من كلامه يعله استغفر الله بس مب وقته ادعي عليه دخلت الغرفه وتسبحت وتدفيت وانا اسمع همس اشواق تكلم سلطان بالتلفون ... : : كان طربان ويغني وهو داخل بيته : ضمني على صدرك ، بردان دفيني وإنت على كيفك ،، موتني واحييني ،، آه ضمني على صدرك،، بردان دفيني وإنت على كيفك،،موتني واحييني،،من دون كل البشر تعجبني يا عيني، يا عيني وقف بصدمه وتبلدت مشاعره من اللي يشوفه واقفه قدامه بكل هيبه وجمال توله عليها من تزوجها من أسبوعين ماشافها بسبب امه اللي اجبرته يأخذ أسبوع كامل اجازه ويحجز في الشاليه ويا زوجته ويختلي بها عسى يطيح اللي براسه ويقربها !... اما هي من شافته ابتسمت بلا مبالاه بعد ماعرفت انه قضى أسبوع كامل مع زوجته كانها هي اليديده وانا القديمه تقدمت بخطوات بطيئه فيها ثقه وانا اشوف عيونه بتاكلني اكل على برودة الجو اخترت لي دريس مخملي مرصوص على الجسم وفي فتحه من اول ساق لين تحت ولونه عنابي مايل ع ناري وكعب اسود ومسويه ويفي لشعري وحاطه ميكب هادي وكأني ادري بانه جاي وانا والله ماعندي علم يا غير قلت اغير النفسية اللي مستووويه خامه وخايسه حبيت اهتم بنفسي مو عشانه عشاني وهو برايه ليتني ما طاوعت هالقلب الخايس اللي انخدع باقرب الناس له ابتسمت له ونزلت وانا خطوات الكعب تسبقني وصلت اخر الدري وانا أقول له نورت بيتك يا الغالي حياك ولتفت للمطبخ وطلعت السويت والقهوه وطلعت من المطبخ وانا اشوفه بعده واقف مكانه لفيت عليه وانا أتقدم للصالة وانزل الصحن على طاوله وهو يقرب صوبي .. : كنت مقهور منها حسيتها بتلوى عليه او تبوسنى تعبر لي عن شوقها استغربت من برودها وفوق هذا اليوم هي طالعه غيرررر بالنسبه لي قمر مكتمل في نص الشهر حسيتها بتفرح بوجودي مب تقابلني برود قربت منها بعد ما شفتها تدخل المطبخ وقفت ابلغ ريجي ودي بحضنج هالساعه وهالحين وبذا الوقت ساقتني ريولي لها سوووق حضنتها من ورى وبهمس قلت: سقانــي الحـب من حـلوه ومُرّه،كـــأنــي جـــنته والـحـب ساقي،اقـــــول فْــ خــــاطــــــري لله درّه، ويقــول اجمل من اللي راح باقي ،، بعدت ايديها عني علامة انها زعلانه عليه لكن حالف ماخليها اليوم يومي وليلة ليلتى ولا اضيع منها شبر لفيتها لي ومسكت ويهها بكفوف ايدي وكملت كلامي وعيوني تعانق عيونها عرفت الحــب واهـــداني المسره،،ليالينا الـــجـــميـــله مســـتمرّه،، يسابقني الغلا واكسب سباقي،، ليالي الوصـــل ذكـــرى مستقرّه،، هداني الحــب واهديته عـــناقي،، مكانه فـــي نظـــر عــيني مـــقرّه،، وانا في مهجته لي عــرش راقي،، ابتسمت وانا اشوف الشووق في عيونها بست عيونها وخدودها ورقبتها وانا اتنشق ريحة شعرها ودخونها وعطرها فتنتي قلبي يا طفلتي المدلله كملت وانا العب بشعرها وحسيت برجفتها بين ضلوعي وقلت لها وانا اقعدها في حضني والعب بشعرها حــبيبي راق لـــي خـــيره وشرّه، غـــرامــه قـــيّد ايـــديّـــا وســـاقي،، لعب بي الشــوق في كـــرّه وفرّه،، ووصله طـب جــرحي واشتياقي،، حبيب الـــحـــب مـــركـــزه للمجرّه،، فلك وصلي،، نفى كـــوكب فـــراقي،، عشقنا الحـــب وكــرهنا المضـــرّه .. حضنتها بشششوق وكملت توقعت كل هالعالم ومافيه يتجاهلوني الا انتي حطيت راسها على صدري وقلت معاج حق تزعلين وتصايقين بس والله طلب الوالده انى ارضي بنت اختها واعوضها عن غيابي وشغلي اللي تكاثر ... : لفيت عليه بعد هالحب اللي شفته وشوق وانا أقول: الليله ليلتي مابا ازعج نفسي بنقاشات برى حياتنا بس ما توقعتك تفرني فرة الجلاب ولا تسال عني ولا حتى دق لي من رحت وياها الشاليه ،، منو اللي يستحق شهر عسل انا ولا هي حسيت بغبنه وعبره اخنقتني رمشت بسرعه مابا الدموع تجمع في عيني ولا ابا عيوني تحرقني وابكي بس قلت : الله يهنيك وياها هي مالها ذنب انا اللي ييت على راسها ضره قمت وانا أقول ما علينا منها انا ما بخرب حياتي وياك بس ضربته على صدررره بقهر ماقدر اتحمل والله ما قدررر اكذب ع نفسي لو قلت اقدر وانا بليس مخاوني هالفتره وعارفه زين ما زين اني ما بضويها في النور وهو يلعب براسي ماقدر اشوفك لغيري انا لك فهمت .. هز راسه بالإيجاب وهو يحضني وباس رقبتي وهمس: تكفين نلغي طاريها لجل أعيش احلى أيام عمري عندج .. هديتها وانا احضنها ومسكت ويهها بكفوف يدي وبستها على طرف شفه وهمس لها بحالميه : تكفين لا تضيعين مني نحن قلبين في روح وحده .. ابتسمت ورحنا فوق نسهر عالبلكونه ونشرب الجاي في برودة هالجو لفيت عليها وشفتها سرحانه تطالع فيني لمحت دمعتها في عينها وقلت بهمس: افااا ليش هالدموع .. مسحت دموعها بغصه وانا أحاول افهم شو سببهن شفتها تطالعني ولا اعرف شو سبب قتلها : فيني شي يضايقج او ضايقتج.. هزت راسها بلا وانا عارف دموعها مب عبث قمت ورحت الحمام وطالعت كندورتي وويهي شوفيه عشان تزعل شهقت بقووو وانا مصدوم من اللي على رقبتي اه يا بنت اللذين سويتيها فيني !! انقهر من اثارها على رقبته يخربيت اليوم اللي طاوعتج فيه يا امايه الحين كيف الومها ؟؟؟!! لا والله ماتنلام حتى لو قلت لها انا ما كن شعور لها شو يفهمها !!! انها صارت بالحظه ضعف منى شو اللى خلانى اقربها اصلاً اوووف ضرب بيده المغسله بقووو وعق كل شي فيها سمعت صوت تكسيير اللي ياي من الحمام ربعت بخوف وهي تفتح الباب وقالت: تعورررت حبيبي!!! لف عليها وهو ينافخ من تعب وعيووونه الحمر اللي باين انها فيهن عصبيه وتنفسسسه السريع قرب منها وهو يحضنها وباس رقبتها بقووو كانه يعوضها عن اللي شافته وقال بقهر مزيج بالعصبيه: قسم بالله انى ما سويت فيها ربع اللي سوته فيني انا عطيتها حقها بس ولا والله وربي يشهد ان ما كنت متوقع تسوي فيني جيه .. طبطبت على كتفه وهي تهمس: مب مهم حبيبي المهم انك لي وهذا يكفيني ... انتهى البارت التاسسسع |
بيض الله وجهك يادجى
واتوقع يعوضها عن كل شي |
كذاا دخلت جوووووووو
اناا مااتوووقع يسعدهاااا لاان نيته مدري كيف |
ويهكم ابيض وان شاء الله نشوف الاحداث كيف
|
البارت العاشر ..
: صباحيات : والعوضُ آتٍ وربُّ القلبِ أدرى بميعادهِ..صباح الخير✨�� : قامت من النوم بعد جهدٍ جهيد ولفت عليه وهي تتأمله ابتسمت وهي تذكر تفاصيل الليله الماضيه قربت منه بهدوء وباست خده أبعدت بسرعه يوم حست بإنزعاجه وتقطيبة حواجبه عضت ع شفايفها بقهر انها ازعجته وخصوصاً البارح كان تعبان لفت الصوب ثاني بتنزل من سرير حست بيديه تطوق خصرها وتسحبها له وقال بحب:،وين بتشردين عقب ما خربتي النوم .. ابتسمت وهي تقول: صباح الخير يا الغالي .. باس خدها وقال: يوم تقولين غالي اعرف انج زعلانه وشاله في خاطرج .. تبا تبرر بس مالقت وسيله غير الهروب وابتسمت له وهي تقول : قربگ عافيه .. بعد ايدينه عنها وهو يتنهد ملاحظ كل شي حتى يوم تزعل تعطيه ريج حلو انتبهه على تلفونه ورد بحده: نعممم ؟!! ردت باستغراب: وينك حبيبي ماييت من البارحه !!! رد بقهر واضح في صوته وهو يقول: ثاني مرره انتبهي على حركاتج معايه وركزي في مكانتي الاجتماعيه وحاسبي تخلين اثارج ثاني مره فشلتيني قدام الشباب والرياييل وبعصبيه قال: وبعدين الواحد يفضل يختار مكان ما ينشاف للعالمين وسكر الخط في ويهها .. كانت بتدخل الحمام وسمعت كلامه معاها تنهدت بالم ودخلت هي منو عشان يرد ع اتصالاتها وانا ممنوع عليه اتصل يوم هي عنده ،، انقهرت وحطت ريلها في الحمام وحاولت تعيش وتنسى .. : اما هو كان يتذكر تفاصيل الليله الماضيه كلها عوضها عن كل شي وشافته امسسس كيف منقهررر من اللي سواه ابتسم يوم تذكر حياها وهي بين ايديه مالوم قلبي لا فز لج وانا من غيرج ولا شي. ... : في بيت ام سلطان ،، كنت نازل من دري بسرعه استوقفني صوتها وهي تقول: نرجع البيت احسن وايد يا اشواق.. سمعتها تقول: مابا ارجع واخواتي هنيه .. غمضت عيوني بالم وانا اسمعها تقول لاشواق: امي البارحه تقول علي حدد الخطبه الرسميه وسيف رخصني له .. بصدمه جاوبتها: قولي والله صدق حسبي على ابليس سيف مادري شو يفكر فيه.. تكلمت بقهر وهي تقول: برايه سيف قلبه مب لي لغيري الله يهنيه ،، لكن علي صعب التفاهم معاه بعد ما قلت له اني متردده وانا كيف بجامله بالحب ماعرف اجامل وهو يباني ابادله هالحب غصب!!! قالت لها اشواق: سمعي علي ميت عليج ويحبج ووافقي عليه وايد احسن تنهدت بصوت عالي وانا رجعت فوق وضيقتي تلازمني ... : علَّمتني الحياةُ أنَّ عقارِبَ السَّاعةِ واعِظٌ صامت، يُعلِّمُنا أنَّ الزَّمنَ لا يعودُ و لا يتوقَّف.. : بعد ما قام بتعب ويحس بصداع براسه من شرب قام تسبح وتلبس ونزل تحت يتريق ويشرب حليب وبعدها يشرب قهوته ،،سووى اتصالاته لحسام يتخبر عنها نزل عبيد وهو يقول: هادي انته تبا اريام من قلبك .. طالعه بصدمه ورفع عيونه له وقال: احم احم منو اللي .... قاطعه عبيد وهو يقول: امس كانت حالتك حاله وما يندرى شو فيك ... تضايق من هالاسلوب وسكت مايبا يرد على حد ،، اما عبيد طلع برى وخلاه وسار بيت خالته يشوف امه .... : سالم وراشد كانوا في شركه لهم أسبوع كامل بنبشون كل الأوراق لقوا بعض الأوراق المهمه اللي ضد ابوهم سالم بتعب: عنبو مافي شي يطلع ابويه من اللي هو فيه كل أوراقه واعماله ضده ... خلل راشد أصابعه بيده: نفسسسي اعرف ابويه وين مختفى وين شارد ومخلنا بها الحالة .. هز راسه سالم بتعب وقال: والله مادري ... سالم: نحن اللي كلنا مغفلين الحين نعرف ان عندنا بنت عم هادي وين كان طول هالفتررره وكيف عرف عنها .... راشد بضيق: قوم قوم بس من هالاسأله ليتنا ما عرفنا عنها ضاعوا اهلنا وضعنا وياهم ... : في مكان ثاني بعد ما اتصل بو محمد في الولد عشان يتلاقون بومحمد كان في الانتظار وصل ولد عدنان وسلم على بو محمد وبدا يتكلم الولد: الوالد رحمةالله عليه مان موثني في فتوة مرضه ان صار له شي اعطيك هالصندوق بالاوراق اللي فيه بس شو فيه الله اعلم بس اللهم اني اخلي مسؤوليتي تجاه الامانه.. هز واسه بو محمد وطلع بعد ما سلم ع ريال اتصل بفيص لبس مارد عليه هالفتره مختفي هالريال ما اعرفه وين يسير ولا وين يرد بطل بو محمد الأوراق وانصدم بانتحال شخصيه لواحد لسمه عدنان باسم واشد وعن طريقه تم نقل أملاك راشد استغفر ربه وهو يقول والله يا بو هادي ورطت نفسك في قضايا مالها اول ولا تالي ازفر بضيق واتصل بفيصل وحصله مغلق قال بعصبيه :احسسسن خله مغلق ولا ترد اففففففف صاير غامض هالفتره ... : إن كتبتك قصائد وإن كتبتك عذاب تنكسر بالضلوع العوج زفراتهــــا، وإن نسيتك حقيقة وإن ذكرتك عتاب ،،خير الأوقات ليلة جيت وحييتها. : كنت اشوف نظرات العتاب اللي في عيونها طالعتها وانا أقول: والله ما اقوى على العتاب اللي في عيونج ابتسمت تجاملني وهي تقول: الله يحفظك.. ضميتها لحضني وانا أقول : يا شوق قلبي متى بتفهمين اني من غيرج ولاشيء.. بعدت عن حضني وهي تقول: ما يهمني الحين هالكلام اللي يهمني شي واحد اللي يمشي عليه يمشي عليها والعكس صحيح .. ضحكت عليها وعلى غيرتها قلت لها: زين بس المعامله تفرق ماقدر اعاملها نفسج ،،ضحكت يوم شفتها تطالعني بصدمه وقلت لها: لا والله اسولف ،، قالت بزعل:عادي بي اليوم اللي تعاملها فيه نفسي سكتها وانا الفعا عليه بقو وقلت : قسم بالله انج ترفعين ضغط مستووويه زعووول ياخي انسي اللي شفتيه منها فيني شوفي نفسج في المرايه وافرحي بلي انا سويته لج وغمزت لها وانا اضحك وطلعت عنها وانا ماودي اطلع… : بعد ما راح عني حسيت المكان فضى عليه مايبا يقعد اكثر من جي تضايقت منه ومن اسلوب امه كل شوي تتصل به اييي يشوف الحرمه جنها بقراطيسها تنهدت واحس بالم يعصر قلبي مادري ليش !! فكرة الزواج من ثانيه صعبه وين بعد عنده زوجه أولى تشوفه بكل حالاته حاولت ما افكر وايد واطنش دخلت المطبخ ويلست اسوي لي عشا اتصلت ع طيف وانا اقولها: طيووف ما بتين ... طيوف: خيبتج ايييج عشان يقصبني فيصل .. ضحكت بغصه: تعالي راح عند زوجته.... طيف : والله ماقدر ريومه ودي ايييج ... اريام: يا كلبه انتي ما قلتي انج قبل بتوديني عنده اشوف ييته بريولي يا الكلبه طلعتي تعرفينه وانا اتحسبج ماتعرفينه... ضحكت طيوف وهي تقول: هو منبهه عليه ما قول شي شفتي صرتي حلاله . بغصه قلت : حلاله بس ما يقوى على زعل امه !! ماتدرين شو بيصير عقب !!! .. طيوفه وهي تتنهد: ماعليج اريام فديتج ما بيصير شي باذن الله مادامه يحبج ويموت عليج ... اريام : طيوفه تعالي باتي عندي ناويه اليوم اسوي ورق عنب ومحشي كوسا .. طيف: والله يا الغلا ودي بس الهوى ضدي وضحكت وكملت أخاف بعلج المصون يشنقني .. اريام: تعالي ما بيقول شي انتي بينج وبينه صلة قرابه صح ... ضحكت وهي تقول: هيه ولد عمي بس ماعليج منه هو ماعنده هالسوالف في شغل شغل ماعنده هذا ابوي وهذا اخوي وعيني عسبة عيونج الحلوه ... ضحكت اريام وهي تقول: فديت معاليق قلبه اللي يدور رضى امه بس يقهرني والله يوم يخليني بروحي تخيلي امس ياني وراح اليوم.. تنهدت طيوف وهي تقول: بقولج شي عموه صراحه وايد تشك فيه لانه ما يسوي سالفه لحرمته ... تنهدت بغصه: اقولج غيري الموضوع ولاًتيبين طاريها تراني عايفه طاريها .. ضحكت طيوف وهي تقول: والله انج تضحكين يا الغيورره ... سكتت بقهر وهي تقول: وانا على حظي يعني قربها ... ضحكت طيووف وهي تقول: سكتي قتلج والله عموه ميننتننه واقفتله على القعده والوقفه ... سمتت بقهر وقالت: برايج انا بخلص عشايه وبسووي محشي كوسا ورق عنب وانتي برايج ... ضحكت طيوف وهي فراسها شي : اوكك باي ... سكروا عن بعض وقعدت ترتب أغراض المحشي وطلعهن وتشوف شو ناقص وشو موجود ... : : : ياكثرك بفكري ، و يابُعد إحساسك .! : : عبدالله كان توه داخل بيت خالته سلم عليهم وقعد مع هله وهو يفكر باريام الحين وين ممكن تكون وكيف ما نعرف عنها رن تلفونه وشله: مرحبا بو ليد ... الطرف الثاني: مرحب لاهان الغالي كيف الحال... عبدالله: طيبين طاب حالك شخبارك !!!! الطرف ثاني : يبت لك اخبار طيبه عن بنت عمك.. عدل يلسته وهو يقول : في ذمتك ابتسم : هيه نعم الغالي ... عبدالله زفر براحه: يالله يبشرك بالجنه وخيرٍ كثير ... الطرف الثاني : امين يارب ... تبا تشوفها .. فز عبدالله على حيله وقال: هيه والله كيف !!؟؟ وووين !!! الطرف ثاني بوناسه: ثواني وانا عندك وبشلك صوبها ... عبدالله مستانس لف وهو يقول لوضحى: لقيت روحي من بعد مالقيته وقام واقف ونفض كندورته وابتسامته ما فارقته .. اما وضحى واشواق مصدومات هذا شو فيه … وضحى تكلم اشواق: خواني تخبلوا ... ضحكت اشواق وقالت: تبين صدق من حقهم بنت عمهم واللي سواه ابويه كبير في حقهم ... هزت واسها بضيق وشافت علي مقبل عليهم هو وسيف وسهيل تنهدت بضيق وهي تقول لاشواق: مب وقته والله ... اشواق قالت: اقولج اسفهيهم كلهم ... تضايقت من قربهم ونظرات علي الحاده عارفه ان علي بيراويها الويل لانها ماردت على أمها ... : : : ابالغ بحبه لاني على يقين بأنه يستحق... : : دخل البيت وهو ميت تعب عق عمره عالكرسي وقال لامه: لبيه يا ميمتي ... امه بزعل: ترا يا فيصل مب عايبني وضعك هاليومين ... عدل يلسته وقال بحده: شوفي يمه مب مل مره بنت خالتج تمزرج وتيلسين تتكلمين بالسانها شوفي يا امايه انا احبج صح وابرج صح لكن كل شي له. حدود والقلب وما يهوى يا امايه بعد انا ما قدر اجبره ... بعصبيه قالت: تهوى حد غير حرمتك ... زفر بضيق وقال: عن اذنج يا الغاليه وراح فوق ... شافها توها طالعه من الحجره مسكها من معصمها بقو وهو يدزها داخل انتي شفيج كل مره تترسين راس امايه عليه قسم بالله ان كلمتيها ولا قلتي لها شي ابات برى ابات داخل اخذ أسبوع ما ايي عكيفي عاد ما بتم دوووم راضخ لج عشان امايه احششششمي تفسسسج ورفعي قدرج شوي واصطلبي وغدي حرمه واللي صار بيني وبينج هذاك اليوم ماهو غير غلطه وبسسس سمعي انا من اطلع من عندج ان اتصلتي بي بتشوفين شي ثاني فهمتي ولالا.... هزت راسها بخوف اول مره تشوفه جيه ويها طريقه صرطت ويحها بخووف وهي تطالعه ... : :قبل ساعه من زمن عند طيف كانت مع اخوها الوحيد تسولف وياه وتتكلم معاه وتقوله كل شي يخص اريام والدار وكانت تقوله عن فيصل وعشقه لاريام وين مسككنها وين مقعدنها وانه كان لها عيال عم وشردت منهم ويا فيصل المهم انه اخوها طلع ربيع عبدالله هذا اللي أبا اوصله لكم عشان تعرفون الطرف الثاني منو ( حميد اخو طيف الوحيد وربيع عبدالله وايد ..) : انتهى البارت العاشر |
احداث جديده
ماعجبني اريام تتزوج فيصل وهو متزوج شكله طمعان فيها وحلالها (يمكن) حتى طيف المفروض تعلم صديقتها اريام اكيد بنشوف أحداث جديده من اخو طيف هادي وهو عصبي بس يفضل على فيصل شعرت بتفاصيلها وكأني أحد أبطالها دجى لروحك الزكيه أجمــل الورد وأرق الود |
حياااتي فديتتتج والله ملوكة توقعاتج حلوه
|
البارت الحادي عشر ... : احتاج الى غريب ... اسرد له تفاصيل ..ألمي وأرحل دون ..أن يسأل من اكون : -عيونك صوتُك أو حتى عُبوسك كلها غلبتً ققلبيِ والله وإنتهيت فيكِ.���� : بعد ما دور له حجز وقعد في فرنسا اتصل على هادي يبلغه رد عليه هادي: ابويه الله يهديك هذي سواة تسويها كيف تسافففر ونحن غايصين بمشاكلك اللي خلفتها علينا... ابوه بعصبيه: ماني راد لين ما تتنازل بنت عمك عن كل شي لي ورسمي .. هادي بغيظ: خلنا نحصلها اول،، لين الحين ماحصلناها نحن ولا لقينا لهم اثر ... ابوه: سمعني يا هادي لو قدمتوا اوراقكم لشرطه بيستدعونها اكيد ... هادي اللي وقع في حيرة: ان شاء الله بنشوف كيف الأمور وان لقيناها انا شخصياً بقعد معاها ما بضيع هالسنين اللي بنيتها على زواج منها وابني حياتي وياها .. ابوه: زين شوف نفسگ وخبرني .. : اتصل هادي بفيصل بس مارد عليه تجاهله واتصل بسالم وراشد ايوون عنده .. : عبدالله اللي كان ويا حميد قال: كيف عرفت وين مكانها... ضحك حميد وهو يقول : سر المهنه !! ضحك عبدالله براحه وهو يقول: انته وين مودني شو هالمكان الفاضي !! ضحك حميد وهو يقول: والله العظيم هو اللي حاطنها في مكان الجني الأزرق ما يعرفه !! عبدالله بهداة بال وراحه: وانته كيف عرفته يا راعي الجن ... ضحك حميد وهو يقول: عاد انا غير ... سكت عبدالله المهم يوصلها الحين .. وقفوا عند فله كبيره وحولها سور كبير من الحديد لف عبدالله باستغراب: شو هذا !!! زززفر حميد بضيق: هنيه بتلقى ضالتگ ... عبدالله التمس ضيق في صوته : ليش بان ضيق في صوتگ وانا اخوگ ... حميد: مادري احس تعدينا على خصوصياتهم ولو ريلها يدري بنا كان جتلنا !! عبدالله بصدمه : ريلها!!! أي ريل!!! حميد صرط ريجه وقال: ولد عمي ماخذنها .. عبدالله بصدمه: شووووووووو؟؟؟؟ وانته كنت تدري ولا قلت لي !!!! حميد بضيق تنهد وحط راسه ع سكان: لا والله دريت اليوم من ختيه وخبرتك .... شوي ولمح سيارة فيصل وقال: هذوووه ريلها وصل .. انصدم عبدالله وبلع ريقه وقال: خلاص ما دام عرفنا المكان الحين نروح للبيت!!!! حركوا سياييرهم ... اما في بيت فيصل ما كان فيصل اللي ياي ،، اللي كان ياي هي امه اللي مخليه سايق يتتبع تحركات فيصل وين يروح بالضبط .. وصلت الام وهي تطالع الفله وشموخها نزلت من سيارة وهي تتفقد الحوي وانتبهت على البيت وانواره شغاله ... اما اريام كانت تلف المحشي وتجهزه وترمس فيصل اللي اتصل بها وقاعد يتغزل بها وهي تسولف معاه وقالت: باجر بطبخه المحشي مب اليوم .. رد عليها: ودي أكون قربج حبيبتي بس والله اليوم مشغول وايد في شركة .. سمعت صوت الجرس وقالت بخوف: فيصل في حد يدق الجرس ... فيصل بخوف: شوووو جذااابه قولي والله !! قامت بخوف وهي تقول: والله يا قلبي في حد يدق الجرس منو يعرف بفلتگ اللي صوب شاليهات محد صح... فيصل باستغراب : دقيقه بس بشغل الكيمرا خليج لا تطلعين ... شغل الكيمرا من لاب توب المكتب ودخل الباس ورقم الكيمرا وانصدم وهو يشوف امه واقفه ودق ع الباب.. بقهر قال : افتحي الباب وخليج عاديه ... وانا براقب كل شي صوت وصوره من الكيمرا .... هزت راسها بطاعه وسكرت تلفون ... واتجهت صوب الباب وهي تشوف لبسها كان عباره عن بلوزه باكمام طويله وبنطلون ليقنز رصاصي غامج وافتحت الباب وأول ما شافت حرمة كبيرة في سن انصدمت وهي تقول: مرحبا خالتيه... دزت الباب بالعصا اللي في يدها وهي تقول: لا هلا ولا مرحبا انتي منو وشو تسوين في فلة ولديهً!!!! انصدمت اريام من انها امه وقالت بتوتر : قربي يا خالتي حياج الله ... هزت العصا في ويههها بقووو وهي تقول: انتتتي منووو!!! وشو تسويننن !!! هنيه!!! وفيصل وين !!! كانت خايفه من الحقيقه اللي بتقولها شو تقول الله يسامحك يا فيصل هزتها بالعصا على صدرها بقووو وردت اريام من الألم على ورى وهي تقول انا ... وقطع كلامها اتصال فيصل بامه اللي ردت عليه وهي تقول: هلا وليدي !! بقهر قال حطي تلفون سبيكر يا الوالده... حطت الام سبيكر وهي تقول: امرني يا وليدي ... جان يقول بغصه وقهر: أولا يا امايه تتبعين اخباري ابدا ها شي مب عاجبني وتتجسسسين عليه تراني ريال مب ياهل وثانيا هذي زوجتي اللي قاعده في الفلة ايييه نعم يمه زوجتي حبيبتي غناتي هذي اللي القلب عنها ما يسلى ولا بيسلى ،،، اظني ريحت فضولج الحين يا الوالده العزيزه صح !!! امه انحرجت كيف عرف ان هي موجوده في بيته ... قالت باحراج: سامحني يا وليدي لكن والله من خوفي عليك ادووور وراك أبا اعرف شو شاغلنك عن مرتك وبيتك ... قالها فيصل بقهر: الحين عرفتي شو شاغلني اللي واقفه قدامج شاغلتني عن الدنيا ومافيها ... سكرت امه منه وهي منحرجه وطالعت اريام بقهر وهي تقول: حسبي الله عليج لحستي عقل ولديه لين خذاااج... ما قول فير حسبي الله ونعم الوكيل .. اريام بعدوء : سلمتي يا خالتيه ويزاج الله خير ،،، تفضلي استريحي تشربين لج شي ... قالت بقهر وضيقه: شربت هم وضيق لين قلت بس... ولفت صوب الباب وهي تقول : انا مروحه ...لكني برد وبتشوفين مني الويل!! يا ام الرياييل !!! ازفرت بضيق وهي تهدي نفسها غمضت عيونها بهدوء وهي تقول : في ودايع الله يا خاله.. : : : °• إن العيون لها بوحٌ ورَقرقَةٌ أسمى و أفصحُ مما قيل أو كُتِبا���� : : : إنما سُمي الرفيقُ رفيقاً ليُرافق ، لا ليُفارق !�� : : : سهيل وسيف يايين من العزبه وقعدوا برى وروا الضوو وقعدوا يديدون الحطب في نار .. نطق سهيل بعد صمت : سيف ليش تعامل وضحى بها الأسلوب واللي في قلبك عكس اللي تظهره ... جاوبه بضيق: شو تباني اسوي علي من استوى اناني اللي اباه انا هو يباه عاد من القهر بغيت احسسها اني متفضل عليها ماقدر اصارحها بلي في قلبي اخافها تخذلني !!! سهيل : تخذلك !!! وهي تحبك!!! كيف ؟؟؟ سيف بتنهيده: مادري !! لاني وايد كنت اتجاهلها وماسوي لها سالفه خفت اصارحها وتخذلني !!! سهيل يضحك: قصدك تخاف من العنود صح !! سيف فج عيونه ع كبرهن وقال : شدراك !! سهيل : نسيت الشتاء اللي طاف يوم يتك العنود وقالت لك احبك يا سيف شو رديت عليها !!! تلوم سيف وقال بعد صمت: كنت استهبل عليها والله العظيم ما كنت جاد يوم قلت لها انا بعد احبج كنت اتسلى والله ... سهيل : قول انك خايف تواجهها بعد طلعاتك ويا العنود وسوالفك وياها .... سكت سيف وبعدها قال: اسكت الله يخليك مالي بارض اواجهها ولا أتكلم وياها اخافها تذكرني بماضيه الأسود ... شوي واشواق وشما والعنود وعبدالله ولد هادي وغلا يوووا وقعدوا عندهم ... سهيل يضحك وقال: فريقكم ناقص اليوم ... ضحكت شما وقالت: وضحى ما تبا تنزل اليوم تقول مالها بارض ... ضحك سهيل وقال : هههه حليلها لاعت جبدها من مجابل ويوووهنا... مسك تلفونه وطرش لسيف وهو يقول: سيف سير يييب لي كوووت من داخل بدددا يبرررد الجوووو وضوو مب سادتني دفيني .. فهم سيف نغزته وقام ،، سهيل اشر بعيونه على تلفون وسيف فهم المعنى شوف التلفون وفتح المسج وكان عبارة عن( سيف ما دام هذي فرصه ويتك حرام تقتل فرحتك تكلم وياها وانا بغطي عليك هذي فرصه يا خوي ما تعوض وعلي اليوم بيتعشى في العزبه ويا امايه وخالتيه )... : : : رد تلفونه في مخباه وراح وهو عارف ردة فعلها شو بتكون راح ودق الباب وسمع صوت وضحى: دشي اشواق ... دش سيف وسكر الباب وراه وقفله قفلتين وتنحنح لفت وضحى بصدمه طالعته عدلت شيلتها وقعدت زين وهي تقول بصدمه : سيف !! قرب سيف منها وقعد على طاولة الكوفي وقال بدون ما يطالعها : ممكن تسوين كوفي وانتي هاديه ... سكتت ومن ثم استوعبت وقامت وهي تصرط ريجها وسوت له كوفي وقدمته له وقالت بحده : نعم سيف !!! سيف مسك الكوفي ولا عرف شو يقول تردد من اسلوبها وقال بقهر: وضحى!! ممكن تسمعيني من دون مقاطعه!! طالعته بقهر وكتفت ايديها وقالت له : تفضل ...!! انقهر من اسلوبها وقال: شوفي وضحى انا كنت حقير باسلوبي معاج ادري وايد خليتج مضحكه بس انا ورفع راسه ويوم شافها مقطبه حواجبها وطالعه بحده كمل كلامه بأنا اسف والله ما ريدج تاخذين في خاطرج عليه... طالعته وهي تضحك باستهبال وقالت: اسسسف !! اسف عن شو بالضبط يا سيف عن وقاحتك ويايه في الكلام ولا دقكك بالكلام عليه ولا عن علاقاتك ولاعن حبي لك !! غمض عيونه بقهر. هو يقول: وضحى دخيلج لا تفهميني غلط انا بس كنت اباج تكرهيني زوووود لاني اكتشفت ان لي منافس عليج !!! طالعته بصدمه وهي تقول: اكرهك لان لك منافس !! قصدك علي !! هز راسه بصمت وبعدها قال وهو يشتت ناظر عيونه في الغرفة: علي اللي حالف أي شي يخص سيف يملكه !! طالعته بقهر وهي تعدل يلستها وقالت: المفروض تحافظ على حبك اللي في قلبك اتجاهي مب تكرهني فيك وانته تعرف اني احبك واموووت عليك !!! لكن ما دام ان هذا ردك وهذي فعايلك خلاص عيل ما دام انك متنازل تنازل مررره وحده !!! سيف بقهر قرب منها ومسكها من معصمها: وضحى انا احبج !!! غمضت عيونها بقهر وهي تفول: ليت هالكلام كان من قبل مب الحين لما علي خطبني رسمي وانته رخصتني له ... لا دور على شي انته ضيعته بيديك ...!! بقهر جاوبها وهو يتامل ملامحها: انتي لين الحين قلبج ينبض باسم سيف !!! ... وضحى ببرود: ولييييين باجر بعد بس للأسف هذا اختيارگ وتحمل نتيجة افعالك على الأقل علي انته بروحك تشوفه شو يسوي فيني يوم اتجاهله او اتهرب منه يحسسني اني ملكه ... اما انته شو عطيتني التعليقات السخيفة ،،، علاقاتك اللي بنيتها عشان تكرهني فيك ،، حبك للعنود وعلاقتك معاها وغيره من الأشياء اللي كانت تصير بينكم وبعدك تباني اتم احبك صح انه مب بيدي الحب لكن سلبياتج اكثر من ايجابياتك لعله ايي يوم واحب علي ،،( وعسى ان تكرهوا شيئاً وهو خيرا لكم ) ... فلذلك انا راضيه بلي يكتبه ربي لي ... انقهر سيف منها وهو يقول: ابد عديمة إحساس حسيي فيني ... وضحى بقهر : جان حسيت انته فيني قبل ما تسوي كل اللي قاعد تسويه .... طالعها بقهر وطلع عنها وصل عند الباب ولف عليها وهو يقول: حساااافه اني يييتج أبا اصفي نوايا بينا لكن ما تستاهلين .... وضحى ضحكت ببرود: ما استاهل !! عقب اللي تحملته منك ما استاهل !!! مشكور والله !!! طلع من الباب ورضضضه بقووو سكرت عيونها وضحى من قوت الصىوت ومن القهر دخل حجرة علي ينبششش فيها عن أي شي يكون ضده ويطرشه لوضحى ... : : : عند هادي اللي كان قاعد ويا اخوانه دخل عبدالله وهو يقول : هادي اباك ضروري .. انصدم هادي من عبدالله وقال: شووو بلاك !!!! عبدالله مسك هادي من ايده وداه المكتب وسكر الباب وقال: لقيت اريام !!! انصدم هادي وقال : في ذمتك قول والله ... عبدالله : والله ؟؟؟ متزوجه من ربيعك فيصل ؟؟؟ هادي بعصبيه قال: شووووووووو؟؟؟؟؟ فييييييصل!!!!؟ قول والله انته بسسسس...!!!!! عبدالله وهو يحلف: والله العظيم... بجذب عليك انا !!! ... هادي بفرحه :قووووم ودددني !!! عبدالله : بوديك بس بشرط لازم نيييبها البيت ونرمسها !!! هادي : قوووم انته بسسس لاقي حب حياتي وبضيعه مني يا عمي قومم بيييبها هنيه وبشووف كيف بترد له ... عبدالله: كيف بتيبها !!! هادي: بنووومها وبشلها ماباها تتجاهلني او تصارخ ... عبدالله بتردد: بتييبها البيت !!! هادي بقهر: طبعاً لا بوديها فلتنا اللي في حزيرة ياس في نص البحر وبعيد عن ناس منو بيييها محد ولحد يقدر يوصلها الا بطيارة وقارب .. ضحك عبدالله وهو يقول : اوك باحر نروح الصبح ... هادي: لالا ماعندي وقت الحين ودننني صوبها !!! عبدالله زفر بضيق وتعب وهو يقول: يلالااا اوكك بس لا اعبني في درب ... هادي : اوك لا تهتم ما يهمك يلا !!!! راح عبدالله يشغل سياره وهادي راح معاه وحط المخدر في مخباه ... انتهى البارت |
تم رفع تنبيهات
|
شكررررا ارتوااااء ع رفع التنبيهات
|
اريام شكلها بيضق صدرها
في استعجالها من زواج فيصل الله يستر ياهادي مخدر ماتوقع بينجح بمهمته بيطب عليهم فيصل؟؟؟ ماشاءالله عليك أبدعتِ في سردك أبدعتِ برسم ملامح افراد القصه بكل تفاصيلها وزادها جمالا خيالك في السرد امتعتينا لك ودي |
حبيبتي ملوووكه
|
اما البارت هذا فيه اثاره
وشدني زياده بيض الله وجهك |
والله يالحووووسه
فيصل اشك فيه ومدري وش تواااليه هيااا ننتظر وش جاايناا فناانه |
ويهكم ابيض جميعا باذن الله البارت الثاني عشر قيد الكتابه
|
البارت الثاني عشر ..
: : : ولا يغرُركَ مِنَّا زَيفُ سَعدٍ فقد بِتْنَا بفَقدكَ آلِمينَا أنبسُم بَعد أنْ كُنَّا جميعا وصرنَا اليومَ دونكَ فاقدينَا لقد أضْحت حَياة لستَ فيها شَقاء، مَا أمِنَّا أوْ هَنينَا : : : عند هادي وعبدالله في سيارة عبدالله ينود ( يعنى فيه نوم) وكل شوي تغفي عينه لف على هادي وقال: يابن الحلال الليل طويل خلنا ناخذ فندق نام اليوم وباجر من اصبح افلح وبنروح لها .. هادي بحماس : لالا .. سوووري كمل دربك ... عبدالله وقف على طرف وقال: سمعني هادي قسم بالله مب قادر اكمل سواقه من كثر ما عيوني تغفي وفيني نوم ... هادي بتافف: انا بسوق مكانك... عبدالله مقفل خلاص قال: انزين ومنو بيدليك الدرب .. ضرب يبهته هادي بقهر وقال: انته صح ،،، صدقك يلا اوك نروح فندق قريب ،،، ساق وهو يفتح عيونه بالغصب وبعدها قال: هادي سوق انته لين الفندق انا والله مب قادر خلاص قيم اوفر.. بدلوا الأماكن وساق هادي وهو يتجهه صوب الفندق اما عبد الله حط راسه وغمض شوي لين ما يوصلون الفندق ... : : : فَلَم أَرَ غَيرَ حُكمِ اللَهِ حُكماً وَلَـم أَرَ دونَ بابِ اللَهِ بابا ! - شوقي : : : كانت تصلي صلاه العشا وتلفونها رن فوق العشرين مره بعد الصلاه راحت تشوف منو لقت القلب متصل فيها اكثر من ٢٠ مره ردت عليه بسرعه وخوف ... وشوي وسمعت صوته: هلا عيوني... ردت عليه: هلا يا عمري فيك شي خوفتني ..!!! ابتسم بحب: لا فديتج بس كنت احاتيج .. ابتسمت وهي تفصخ شيلة الصلاه وقالت: حبيبي فديت روحك ،، لا تحاتي غناتى تطمن يا قلبي انا بخير بس كنت اصلي يوم دقيت لي ومارديت عليك... ابتسم بحب وقال: رضيتي بعد ما درت الوالده.. بخوف يصحبه توتر قالت: كيف ارضى وامك امبين عليها معصبه ومب عايبنها شي...!! ازفر وهو يحس انه مخنوق وهو يقول: اريام انتي بخير !!! باستغراب جاوبت: هيه حبيبي ليش فيك شي .... غمض عيونه وهو يغير مسار طريقه للفله وقال: مب مرتاح !!! قلبي اليوم يحس بضيقه وايييد !! شي يعورج !! ردت بخوف وهي تقول: فيصصل حبيبي شو مستوي عليك ،، والله ما فيني شي !! فيصل كمل وهو يفتح عقم الكندورة يحاول يتنفس : احسسس اني غريق في بحر ودي اخذ نفس ومب قادر !! ردت عليه بخوف: بسم الله عليك يا روحي !! من شوو!! فيصل : مادري هالاحساس يوم اييني احس انه بيصير شي !!! ضاق صدرها من فكرت انه امه تخرب اللي بينهم سمعت صوته وهو يقول: خليج على الخط لين أوصل البيت ... ازفرت بعد ما خذت نفس عميق وقالت: يا عمري يا فيصل ما بيصير شي غير اللي الله كاتبنه... فيصل بضيق: وانا ما عرف شو المكتوب بس اعرف انه بيصير شي مب زين .. تعوذت من ابليس وهي بدا الخوف يتسلل لها وقفت على البلكونه وهي تقول: تعوذ من بليسس يا ريال والله مابي..... وصرطت ريجها بخوف وهي تلمح سيارة غريبه عند البيت بدا تنفسها يصعد وينزل وريولها مب شالتنها تحاول تشتت انظارها وسمعته يقول: عيوني !! فزززت على صوته وهي ترد داخل وتسكر البلكونه بخوف وتنفسها يصعد وينزل .. فيصل بعصبيه: ارررييييييام ليش قطعتي الصوت وما كملتي كلامج .. بخوف ردت وهي تغمض عيونها وتتنفس: ماشي حبيبي بس سرحت شوي ...وردت تطالع من البلكونه وشافته نازل وياشر لحد من بعيد بندت ليت الغرفه بسرعه واتخذت لها مكان عند البلكونه وهي تشوفففه نازل وياشر لشخص انه ايي وياه وبخوف وتوتر وغبنه فيها ودها تقول لفيصل بس السانها انربط من الخوف تسمع صررريخ فيصل وصوته العالي بس هي مب وياه لسانها انربط ومب قادره ترد عليه الخوف تملكها من شافتهم يدخلون الفله وريولها ما تشلها.... : : اما تحت بهدوء قال: لا تكسر قفل الباب خلنا نفتحه بهدوء وندخل ... طالع اخوه وهو يقول: لو درابنا هادي ماعييينا خير... لف عليه وهو يقول: هب مشكله هادي يوم بيعرف انها عندنا بتسهل عليه المهمه الحين المهم تتنازل عن كل شي لبويه ورسمي .... تنهد راشد ودخل وهو يقول لسالم : بس سالم تكفى ما نضرها... ضحك سالم وهو يقول: حد يضر شخص غالي ع قلبه يعني تباني اضر هادي ... ضحك راشد وهو يقرب من الباب وقال: مادري كيف تبعناهم لين وصلنا للفله ونحن نسوووق نبا نعرف وين نهاية الطريق ... ضحك سالم وقال بصدمه: صراحه كنت أقول في خاطريه وين بيروحون ... وفتحوا الباب بشوي شوي ... وبدوا يشوفون الفله .. : : : اما اريام حاولت توصل لباب الغرفة تبا تقفله ما تقدر انتبهت لتلفونها اللي يرن للمره المليون ومب قادره ترد من الخوف وينك يا فيصل ... حاولت تزحف لين الباب سمعت خرخشت أصوات من الخوف علقت بين الشبريه وستاره ماقدرت تنخش تحت الشبريه خايفه تنهزم من اول شي هي ماتعرف هذيل منو وفيصل حاطنها في مكان بعيد عن الناس مب قادره توصل لتلفون ريولها ما تساعدها ابداً ابداً غمضت عيونها من شافت باب الغرفة يتبطل دخل سالم بقو وهو يسكر الباب وراه: راشد يخربيتگ في صوت سياره برى ... راشد بصدمه: شووو جذاب من صدقك !!! تقدم سالم وشاف من الدريشه وقال بلا مبالاه: يا غبي يمكن هادي وعبدالله خوفتني يا ثور ... توه بيروح لمح شي على صوب الشبريه لف وهو يضحك وقال : اريام يخربيتج منخشه عنا ونحن عيال عمج .. ما تحركت بخوف وهي تطالع الأرض وتغمض عيونها ماتبا تشووفهم كيف عرفوا مكانها ياويلي ويا سواد ليلي من اللي بيسووونه فيني... قرب منها راشد وانحنى لها.... : : : اما تحت فيصل اول ما وصل انصدم من سيارة راشد اللي شافها موقفه في بيته كيف عرفوها وكيف وصلوا لها دخل داخل بسرررعه وهو متجهه للغرفة اول ما بطل الباب وشاف اللي شافه انصدم ... : : : تعالوا اقولكم شو سويت ببنت عمي صح ما كانت في بالي ولا في خاطري بس القهر اللي كنت فيه والوضع ما يسمح اني اجبر بخاطرها مسكتها بقووو ورفعتها لي اقومها وهي تقاومني حطيت ايدي على خصرها وثانيه رفعة راسها لي وانا اتامل ملامحها وفجأه تبطل الباب ودخل فيصل هذا اللي ما كنا حاسبين حسابه فجيتها وهي ربعت تحضن فيصل اللي لفها بخووووف وهو يغمض عيونه طاح ع ركبه تحت وهو يتفحص ويهها وبهمس: تعورتي !! ماردت عليه واكتفت بس بالبكاء رفع عيونه بقهر لراشد وهو يقول: انتوا شو تبون منها عقب كل اللي سويتوه ترا ما ضرتكم بشي .. 'سالم يتعذر بعد ما شاف المنظر وقال: السموحة منك يا فيصل نحن والله ما كنا نباها توصل لدرجه هذي بس نحن نباها في خدمه اذا ممكن !! رفع ناظر عيونه وقال: اللي هي !! نطق سالم وقال: انها تتنازل عن كل شي لبويه ورسمي وتتنازل عن كل شي يكون ضد ابويه ... فيصل بعصبيه: بس هذا ظلم وهذا حلال ابوها !! رفعت عيونها وهي تقول: اللي تبون تسوونه سووه مابا منكم لاحلال ولا غيره اباكم بس تخلوني ع راحتي أبا أعيش بدون خوف منكم .. تنهد سالم بضيقه وقال: انزين باجر العصر بنيكم عشان توقعين ع كل شي ... هزت راسها وطلعوا هم الاثنين اما فيصل رفع ويهها بكفوف ايده وهو يقول: شي فيج حبيبي ... هزت راسها بلا وحطت راسها ع صدره مسح ع شعرها وهو يسمي عليها لين نامت ومن بعدها شلها وحطها ع شبريه ويلاحظها كيف تفز كل شوي من الخوف ازفر بضيق وطلع عنها يقعد في صاله وغفى على الغنفه من دون إحساس... : : : أرَى النَّاسَ يَرجُونَ الرَّبِيعَ، وإنَّما رَبِيعِي الذِي أرجُو نَوالُ وِصَالِكِ - ابن الدمينة : : : من وصلت الساعه عشر الصبح اسبحت وتلبست ووعيت عبدالله بسرررعه يقوم يتسبح ويتلبس عشان نسير صوب الحب ،، سويت لي كوفي عالسريع وسويت لعبدالله طلع من الحمام ومديت له الكوفي قالي بضحكه: اصبر خلني اتلبس اول بعدين عطني الكوفي اسميك وايد متحمس حطيت الكوفي ع طاوله وانا اشوفه يتلبس بلوزه بكم طويل وبنطلون جينز اسود وشوز ابيض وفوقه حاكيت صح الجو صبح بارد ومثلج بس كلها لحظات ودفي عمري بحضنها فديت حضنها غمضت عيوني وانا أتذكر اخر حضن لها قبل لا تشوف الملف الأسود ازفر بضيق وشفته يشل سويجه والكوفي من ع طاوله وزقرني رحت وراه بعد ماخذيت جاكيتي والكاب ولبسته وقلت لسيف : اسميتي متحمس لشوفتها.. ابتسم عبدالله وماعلق كملنا الطريق ونحن في صمت .. : : : في الجهه الثانيه نشيت من نومي ورحت للغرفه لقيتعا توها قايمه بست راسها وقلت لها: ها حبيبي كيف اصبحتي.. هزت راسها بخوف وماردت عليه أبا اقولها فيج شي بس قلت : عمري بروح للشركه بييب ملفات مهمه وبييج يا عمري طيب ... هزت راسها بخفوت ولمحت في عيونها خوف وقلت لها: ما بتاخر كلها ساعتين بييب الأوراق وبيي .. هزت راسها واحساس امس ملازمننني بعده غمضت عيوني واستودعتها الله وحاولت اني ادرك الوقت واروح وارد بسرعه وتركت قلبي عندها يحرسها ... : : : ودي أتكلم أبا اصارخ من زيغة البارحه وانا مب قادره انطق معقوله انخرست وماحس فيني فيصل اني خايفه واني بعيوني اناجيه لا يروح ياعرب وشلون بصارخ وانا هرف البارح لاعب فيني لعب لا مب قادره اصارخ واطلع صوت ولا مب قادره أتكلم بصوتي طبيعي صواي وين راح !! حسيت بخرف ودي ابكي وانا بين هالمقطعه ازفرت بضيق وانا اشوووف شكلي في المرايه كيف خايفه وشكلي يخوووف بسم الله خلت الحمام اتسبح واتلبس لعلي اخفف من هالتوتر واقدر انطق احس ان يبالي صدمه ثانيه عشان انطق وضحكت بيني وبين نفسي ع تفكيري الغبي دهلت تسبحت بماي باررردي وغمضت عيوني وانا أتذكر كيف احتواني بحضنه ومسك ويهي بكفوف ايده بعد ما تنعوشت شوي حطيت كريم على جسمي وبودر وحطيت الخمريه ورى اذني وفي أماكن النبض ونشفت شعري بالاستشوار الموصل في الحمام وبعد ما انتهيت تلبست دراعه كويتيه وفيها خياطه على الأطراف مزينه بطرابيش خفيفه وربطت الحزام الموصل بطرابيش وتعطرت وطلعت وانا متجهه للتسريحه باخذ المشط من عليها وبمشط شعري سمعت صوت سياره واستانست انه وصل بها سرعه تمشط بسرعه وحطيت شيله ع راسي وانا اربع تحت اول ما تبطل الباب وشفته داخل طرت عليه بحضنه متجاهله شخص اللي وراه حضنته وانا احس اني أبا انطق وفعلا نطقت وقتله: واخيررراً وصلت والله فرحت بشوفتك فديتك ولهت عليك .. انصدمت من الريحة اللي باغتتني ريحة دوخه ممزوجه بعطر رجالي قوي وزود على ذلك حضني وهو يقول: مب انتي اللي شردتي عني ... حاولت ابعد لا مستحيل يوم نطقت نطقـت لشخص الغلط يا ويلي منك يا هادي رفعت عيوني وحاولت ابعد بالقو وانا اطالعها بصمت هو وعبدالله رجعت على ورى أبا اشرد بس من لمحت ابتسامته قلت على الدنيا السلام ربعت فوق وسمع صوت خطاويه ورايه حاوطني من خصري وكنت بصرخ بس كان اسرع مني وحط ايده على حلجي يكتم صراخي وشنيت ريحة شي قوي ومن بعدها ما حسيت بعمري .. : : : اما عند هادي كان يكلم عبدالله بسرعه وهو يقول: شغل سيارررره بسرعه تحرررررك... رمبها هادي في سياره بعد ما شغل عبدالله الموتر وطلعوا من الفله بسرررعه ،، لف هادي ع عبدالله وهو يطالعها : حرككك بسرعه ع ياس ولا أبا حد يعرف شي عن الموضوع فهمت هز راسه عبدالله بسكات لما سمع هادي يقول: ملعا أيام واملكها لي ويصعب فيصل للوصول لها الخسيسسس الننذذذل اللي خذاااااها عني لعب بشعرها وهو يقول: ع موتي تكونين له والله املكج وغصباً عنج بعد رضيتي ولا انرضيتي ... عبدالله كان يسووق بسرررعه عاليه لين وصل للجزيره وقال لهادي: انزل وخذ اليخت وروح لين الفله والحمدلله ع سلامتكم وانا بروح اييب لها ثياب من المول وبييكم .. هز راسه هادي وهو يقول ليعقوب يجهز اليخت له شلها بين ايديه وكانها طفلته ابتسم ع ملامحها الهاديه واللي باين فيها تقطيبع الحاجب بانها متضايقه من تصرفه ركب اليخت وقال ليعقوب يتجهه للفله الخاصه فيه وسط البحر يا اريام من يقدر يوصلج وحولج محميات طيور ومحميات الحيوانات النادره منظر. عيب وعجيب وتقدرين تشوفين منظر غروب شمس من وسط الفله دخلها الفله وقال لفوزيه تسوي لها اكل وترتب الأغراض اللي بييبهن عبدالله لها في الخزانات الخاصه بها لفت عليه وهي تقول: طيب والكشري مين بدو ياكله .. ابتسم هادي : حطي لي انا يوعان الحين باكل منه بوديها لغرفتها وبيي وداها للغرفه وحطها على الشبريه وباس خدها وهو يقول: شَوْقٌ إليْكِ تَفِيضُ مِنهُ الأدمُعُ ضوجَوًى عَليْكِ تَضِيقُ مِنهُ الأضْلُعُ بعد هالابيات طلع عنها وراح تحت وقال لفوزيه. : جهزتي الاكل .. هزت راسها بإيه.. : : : عبدالله بعد ما خلص من شراء ملابس لعا وفساتين ووايد ااغراض وصلها للفله ومن بعدها حرك على بيت خالته دخل وسلم وشافهم حاطين الاكل بعد ما تغدوا سال اشواق : وضحى وين !!! فز قلب سيف من طاريها نويت اعلن حالة الطواري على قلبي سمعت اشواق ترد وتقول: في الغرفه الحين بتنزل شوي ودخل علي وقعد عندهم وهو يقول لامه : وين الجاي !! امه ازفرت بتعب: اصبر يا بويه بيبوونه الحين دومك معصب حشى الله يعين بنت ناس عليك ،، رفع عينه ع وضحى اللي تنزل من دري واستقر مكانها عدال عبدالله اللي لفها بحضنه وهو يهمس: لقينا بنت العم بس اووووص لا تحمسين قدامهم... لمعت عيونها بفرح وقالت: صدددق هز راسه برضى وبوناسه سمع سيف يقول: علي ! لف عليه وطالعه بمعنى نعم ابتسم بسخريه سيف وهو يقول: في ابيات في خاطري ودي اوصلها لك ممكن ... هز راسه بهيه وقال سيف وهو يعدل قعدته : أتمنى تعيد النظر بععد الابيات اللي بقولها .. طالعه علي بحده وسيف قال: قم يا علي تب الحشا يدب أبي لهب والقلب متولع وذاب ... يوم اعربي ازعلوا عليه بلا سبب ما حيدني في حبيبي دست العتاب،،،اتنكر وعقب الموده والطرب .. تباعدوا عني ولا عرفت السبب.. عقب المواصل يا علي مر وجنب دربي ماشي سلام ولا سوال ولا خطاب.. سحري بطل وقول الله العجب من سحرهم شف يا علي قلبي مصاب .. يا ويل حالي من سحر سمر الاهداب ... ثلاث شطني من الحور الشباب .... وسلامة راسك .. وضحى اللي كان قلبها يدق دق طبول وفهمت رسالة سيف انتفضت ع صوت تكسير القلاص اللي كان في ايد علي وسمعته يقول بغيض: لو تطول السمما بيدك يا سيف والله يا وضحى ما تكون الا لي انا وبس واعلى مافي خيلك اركبه،،سيف بعصبيه قال: انتته مينون ما عندك كرامه وضحى قلبها ما ينبض الا بسيف وبس فهمت.. تقدم علي بعصبيه لسيف وهو يضربه بقهر وهو بقول: تخسسسسسسسي الا انته تحبك ما درت عن هوا دارك لا تيلس تتبلى على البنت .. دزه سيف بقهر وهو يقول : والله انها تحبني وتموت عليه ودليل الرجاء اللي في عيونها لف علي عليها بقهر وعو يتجهه لها بعصبيه بس عبدالله اللي اعترض دربه وقال: ايييييه لا تنسى نفسك تراك لين الحين ما استويت ريلها .. وضحى بقهر جاوبت وهى تحتمي في عبدالله: ولا بيستوي بعد ريلي انا أصلا ماباه وربعت فوق وسط انظار الكل وسيف طلع تسجيل صوتي لوضحى وقطع كل الكلام وخلى الجمله الوحيده يوم قال قلبج لين اليوم ينبض بسيف وردت عليه وهي تقول ولين باجر بعد والباقي حذفه من المقطع وشيي اللي زاد إصرار علي ياخذها يادبها اما عبدالله راح فوق وقالها جهزي اغراضج بنروح نبات عند بنت العم استانست وضحى عالاقل تطلع من جووو الكاااابه اخيررررا بقعد مع اريام وبتعرف عليها زين قعدت ترتب اغراضها في شنطه عشان تروح... انتهى البارت توقعاتكم ... لهادي واريام وفيصل .. وضحى وسيف وعلي !! |
| الساعة الآن 09:22 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية