صفحة 2 من 3 < 1 2 3 > عرض 40 مشاركات من هذا الموضوع لكل صفحة

البرق النجدي 04-26-2011 01:18 AM محمد بن فطيس المري   http://www.youtube.com/watch?v=5eFk_...eature=related

جنــــون 04-26-2011 12:42 PM طرح رائع http://images.nokiagate.com/albums/p...ictureid=34336 لاعدمناك واصلي ،، http://up.fr7.com/uploads/images/fr7-fbeb50363f.gif

جنــــون 08-08-2011 03:04 PM قصائد الشاعر محمد بن فطيس / الكتباية ، الصوتية   http://sqourelaqeeda.com/vb/uploaded...1280948817.gif الشاعر القطري محمد بن فطيس حامل لقب شاعر المليون في نسختة الأولى يحل ضيفا بيننا ونقرب كل قصائد الشاعر الكتابية والصوتية ويمكنكم تحميلها من هنا. دمتم بود http://sqourelaqeeda.com/vb/uploaded...1280948858.gif

جنــــون 08-08-2011 03:05 PM http://sqourelaqeeda.com/vb/uploaded...1280948817.gif للتحميل ،؛، شــــطـــر حفـــــظتــــــه ،؛، ماني بمن ياتي ولا يدري به .. .. شطرٍ حفظته ما أعرف كتابه شطرٍ يناسبني لمثل الليله .. .. وآشوفني في ذا المكان أولى به أبا أتكل بالله ونعمٍ بالله .. .. اللي ما يوصد دون خلقه بابه باقول واللجنه تقيم قولي .. .. ومن كثرة الشعار ماني آبه الحمد لله واثقٍ من روحي .. .. وإن كنت ذيب فالرجال ذيابه ما أقول أنا أشعر واحدٍ في العالم.. .. لكن قصيدي كفو وأنا أدرى به الشعر جمعنا لو تفرقنا .. .. حدودنا وظروفنا الغلابة الله يبيض وجه راعي الفكرة .. .. عز الله انها تنحسب لحسابه والله يبيض وجه من يرعاها .. .. محمد الله يحفظه لأحبابه محمد ولد زايد عريب المجنى .. .. ولي عهد الديرة الخلابة الشعر تاريخ لنا من مبطي .. .. وإعلامنا يوم السنين نهابه الشعر بيت والوزن عمدانه .. .. معناه طنب وقافيته حجابه الشعر وادٍ فيه صيد واجد .. .. وكلٍ على الوادي يهج ركابه والأفكار صيد وكل شاعر قانص .. .. وكلٍ يدسم شاربه مخلابه أحد خياله حر .. وأحد وكري .. .. وأحدٍ خياله كوبجٍ بقطابه وأنا خيالي كل ما هديته .. .. حول على الوادي وصاد عقابه شاركت أمثل ديرتي وربوعي .. .. وكل يمثل ديرته وأقرابه والله إلى الله راد والله قاله .. .. إني لا أسلمها الفخر وكتابه داري قطر .. وأنا هنا أمثلها .. .. المجد مطلوبي وأنا طلابه عهدٍ علي إني لا أشرف داري .. .. ترك صبي ما يعز ترابه شوفوا دمي من حبها عنابي .. .. وحماستي من ضوها شبابه شاعر خليجي والعروبة بيتي .. .. والبيت ما ياقف بدون أطنابه وإن عودت بين القبايل فزعه .. .. أنا أشهد إني في اللوازم لابه لي في القبايل ربع .. وأقدرهم .. .. ماني بمن يجهل مقام أصحابه وإن عودت لأصلي .. فأنا أصلي مري .. .. من صلب يام أهد القنا وخضابه قومٍ لنا فوق المعالي بيرق .. .. والسيف قوة سلته بنصابه الشعر طوقني وأنا طوقته .. .. قمت آتمشى به وأفك أبوابه يا بنت ياللي تفرقين بعودج .. .. ما ألومهم لو كثروا الخطابه لامر بج دربج على خلق الله .. .. قالوا كذا بالأصبع السبابه زينج يزينه فعل أبيج وجدج .. .. وإنتي بدورج للنقى كسابه قومي تباهي بي .. وفلي راسج .. .. عليج من ستر الشرف جلبابه وإن ما سترتج بالفعول وباسمي .. .. فعقبني الفنجال يا صبابه http://sqourelaqeeda.com/vb/uploaded...1280948858.gif

جنــــون 08-08-2011 03:05 PM http://sqourelaqeeda.com/vb/uploaded...1280948817.gif ابغاك وأباك للتحميل ودّي بك.. وابيك.. واباك .. وابغـاك جمّعتهـا لرضـاك واختـار فيـهـا شف ويش منها يتبع احكاك ورضـاك واللي لك اسقي مسمعـك لا ضميهـا غديت (افر)احكاي واسايـر احكـاك وانـا تشّـرف لكنتـي واهتويـهـا مضمونهـا ودي بشوفتـك واهـواك ياللي دروب اهل الـردى مـا تجيهـا صانك ولـي امـرك وحبـك وداراك ولاقـدر ردع الحـظـوظ ومجيـهـا نفسـك مهذبهـا وعـز الله ربّــاك مايدري ان جيـش الهيـام يغزيهـا والله قسم يبلاك بـي وانـت يبـلاك باللي سواتي فـي العـرب يرتجيهـا محبة (ن ) ذربه من القلـب تكسـاك محبة (ن) صـدق الهـوى يكتسيهـا يامرك قلبـك بالوفـا لـي وتنهـاك ناس (ن) على لاماك تفـرك يديهـا رزين عقـل ومـن مزايـا مزايـاك نفسـك تحـب وعفتـك تمتطيـهـا وتطيع عقل (ن) ما بعد زل واغـواك مشاعرك تعصـاه ..وانـت تعصيهـا ماشفـت منـك الا عيونـك ويمنـاك محبـة (ن) راع الـردى مـا يبيهـا يقبـض فـوادي لا تخيلـت فرقـاك ياشف عين (ن) ما سـواك يعنيهـا وياعزوة اخوانك ومطلـب هـذولاك نـاس (ن) محبـة والـدك تدعيهـا ناس (ن) تخدم ابيـك كلـه لعينـاك وهو يحسـب ان الله عليـه يهديهـا ياجعلها تفدى علـى الارض ماطـاك والله بمـن هـو مثلـهـا يبتليـهـا لكـن لعـب فـي ياوليفـي تـغّـلاك ونفسي غلاك من الصـدود يحديهـا تبطـي علـي وانـا هنـا واتحـراك وكبدي لواهيـب الصبـر تشتويهـا اجمّع علومـك امـن هنـاك وهنـاك والله لو انهـا تنشـرى لا اشتريهـا وعذرك (انا لاهي) يا ويش اللي الهاك لاهـي ومر(ن)منـت لاهـي تليهـا كانك مشكك في الوفـا والغـلا هـااك جوالـي اقـر القائمـه كـل ابيـهـا رقمك مع الصـادر ولا وارد اسـواك والناس في اللي ( لم يـرد عليهـا ). وايـاك واياني...وايـانـي ايــاك من غيبة (ن) من دون عذر يحميهـا http://sqourelaqeeda.com/vb/uploaded...1280948858.gif

جنــــون 08-08-2011 03:06 PM http://sqourelaqeeda.com/vb/uploaded...1280948817.gif مؤمن الريفي دكتور العيون للتحميل (يامؤمن الريفـي )انـا جيتـك زبـون جيتك على مدح اكثـر النـاس وعنيـت جيـت وتعالـى الله عمّـا يشـركـون لولاه (يامؤمـن) لطبـك مـا اهتديـت راضي بحكـم الله علـي مهمـا يكـون عالج عيوني لـو بعـد طبـك عميـت ودي اخاشر فالبصـر مـن يبصـرون واشوف دربي لا سرحـت ولا ضويـت والى قنصت اثبت مـع اللـي يثبتـون واشوف طيري كل ما اوميـت ودعيـت ياااكثر ما يضـرب خويـي (الطابلـون) من كثـر مـا اكلّتـه مطبـاات وكليـت وودي اشـوف اللـي علـي يعرضـون وبعض الليالي ودي اسـري دون ليـت وااشوف نـاس ٍ فالقفـا مـا يرحمـون امـا وقفـت لصاحبـي والا مشـيـت مـن دون نظـاره ولا هـم يحـزنـون يااا كثر ما كسّـرت كشمـات وشريـت لكـنٌ يـا دكتـور جعلـك مـا تهـون ابغيك كلمـت راس دامـك مـا بديـت اسمع......ولا ابغي اللي وزانك يسمعون ربي كتب يكشف لك اسـراري وجيـت صورة عديل الـروح عنـدك فالعيـون واخاف تقطعهـا بموسـك مـا وعيـت ولا عليك امر..اطوهـا تحـت الجفـون وعقبه لو تقطـع عيونـي مـا شكيـت هي راس مالي والعـرب مـا يدركـون اني على بـاب الممـات و مـا حكيـت ياقـو قلبـي يـوم قـفـن الضـعـون اللـي علـى ذاك المـوادع مـا بكيـت ويا صبر صبـري والعـواذل يحسبـون اني دلهـت مـن الهـوى والا سليـت اسكت عساهم مـن سكاتـي يسكتـون وانا عن اللي في ضميري مـا انتهيـت وادور الفرحـه مـع اللـي يسهـرون وان ذكرونـي خـذت فنجـال وسريـت اخذت من وقتـك يـا دكتـور العيـون عالج عيوني لـو بعـد طبـك عميـت واستر علي واللـي معـك لا يفطنـون انت الوحيـد اللـي بعـد ربـي دريـت http://sqourelaqeeda.com/vb/uploaded...1280948858.gif

جنــــون 08-08-2011 03:06 PM http://sqourelaqeeda.com/vb/uploaded...1280948817.gif الصقاقير للتحميل الله على الربطـة يعيـن الصقاقيـر اللـي تعـد الريـش وتعـد الأيــام يقطعـون اوقـا تـهـم بالتسايـيـر وشوف المقانيص القديمـة بالأفـلام تشوف راعي الطير عاف المظاهيـر ومن شوفت القمرا وعدً لهـا صـام قعد مابين أهـل البنـاء والنجاجيـر وفي دورته ماهتم في فـرق الاقيـام يبغي مقيظه مايجـي فيـه تقصيـر من خوف لوم اللي إلـى شافهـا لام ويجيب لطيـوره حليـب العصافيـر إلـى تباطـى حذفـه لريشـة العـام يويق صبح وظهر والعصر وعصيـر ويظهر عشاها عقب ماجا من الـزام يقسـم علفهـا بالتسـاوي بتقـديـر وقدامهـا كنـي بـه يكسـر عظـام كنهـا تزيـده لاتعـشـت دنانـيـر والى أدرجت مايفتكر في هل الشـام تمسي وهو مامسى روابـع وتفكيـر يرمي به الهاجس على جال الأحـلام ويذكر مكـان داجـه العـام بالخيـر ويطري علية أزين مقانيصـه أعـوام وذيك الوناسه والقنـص والمشاويـر وخوة رجال هل مقانيـص وحشـام الله جمعهـم كلهـم فــي سيـايـر وقدامهـا فرقهـم ظـروف وأحكـام على الوعد (ف)أول محطة طوابيـر وفي كل موتر عزبـة فـوق قسـام فلان ينطر له رفيـقً علـى السيـر وفلان خذ للربع مـن كـل الأنعـام وفلان عند البنشري يركـب اسبيـر وفـلان قدامـه يركـب لـه اسيـام وفلان عجـل ولايبـي زود تأخيـر شغـل وراح وواعـد الربـع قـدام فـي شفهـم ماحسبـوا للمخاسـيـر لو زادت أصفـار مياسيـره أرقـام في حلها (ف) الطيب ماهـو بتبذيـر يراقبـون الله وأحـكـام الإســلام وراعي القنص عمن يسب القنص غير شف ذا إلى ذهّن وشف ذا إلـى نـام يغط غطة ذيـب وان ذهّـن يطيـر ويقوم عاد اللـي معـه مابعـد قـام ويشب في اللي قبل يحتـاج تكسيـر فـي ليلـة مافـاد فيهـا التلـطـام وفي ماهي تفـوح الـدلال المباهيـر خـذ ركعتيـن بالخـفـا لله قـيـام والى قضـى ركـد دلالـه مساطيـر وأذن ولا يحتـاج للـربـع قــوام تمالـوا وركبـوا وراحـوا مداويـر للي يـروّع زولهـا كـل ضرغـام برقا الجناح اللي إلـى قامـت تسيـر أول مايطـري للـربـوع التشـيـام تشاوروا وصلـوا لخيـر الاشاويـر وهدوا غرام الشـارده عقـب لـزام هدوا معيـدً عوقهـا عقـب تذييـر أصله وحش مطروح في ديرة ألغـام مغتـر ولا طبعـه بطبـع المغاتيـر من يوم رب ووالـف الـدس ماحـام مطلق عمد صافي وسيـع المناخيـر كن دق صـدره دقـة شمـاغ بسـام عود ويخالى به على الفرخ والجيـر جسر وعلى المدخال في الجول عزام أعطاهم الصيده بعـد ماخـذ السيـر وعلم فـروخ كـان تحتـاج عـلام هدوا وصادوا والهدف هـدة الطيـر ماهمـهـم لـدهـام ولا لـعــزام تبدلوا (ف)الـزرع شـوف النواويـر وتبدلوا في الزحمـة فيـاض وخيـام على لحم صيد وحليـب المصاغيـر تبدلـوا بالسيـر والقـيـد درهــام وسجوا من همـوم البلـد والفواتيـر وهموم الأسهم ذاك عارض وذا سـام وتريحوا مـن قولـة صـار تفجيـر ومن شوفة الفتنة ومن كذب الإعـلام نشوف تفجيـرات ونشـوف تعزيـر ولاجهلنـا ماحصـل بعـد صــدام لكن شوف وحـر جـوف ومقاديـر وش الجهد غيـر الدعـاء والتهشـام الزبـدة ان البرمـن غيـرة اخـيـر لاصار مع ربـع صقاقيـر وحشـام وبعض الرجال اللي يلـوم الصقاقيـر ماهـو يعـد الريـش ويعـد الأيـام تراه مربـوطً مثـل ربطـة الطيـر ويقصر جريره حـده البيـت والـزام http://sqourelaqeeda.com/vb/uploaded...1280948858.gif

جنــــون 08-08-2011 03:06 PM http://sqourelaqeeda.com/vb/uploaded...1280948817.gif أصلها كايد للتحميل وش عليك إن همت في وادي مرادي ووش على فرَاج لا هوجس فرج لا تشك إني ليا ما صحت هادي خاف أبيَن لك من أنت وتنحرج النصيحه خلَها لك وأنت عادي ما أنت باللَي راح للقدس وعرج والعواذل عشره وأصبحت حادي عشرتن راحوا مراويح الدرج كيف أبطرح من على شفَي شدادي وأقتدي بأعمي وتايه وأعرج غادي وأنا لو أسمع منك غادي وأشهد إنك اللي مصابي لا هرج كيف أبنساها وأنا لا جيت أنادي أتمسَك بإسمها خوف إنه يخرج فكرت النسيان منزالن بوادي وطيفه سيلت مسيره يدَرج وقدرها في العين وإن حوَل فؤادي والغلا يطلع على مثل الدرج وحسنها وإسلوبها سرَن قيادي والوفا والصدق حدَث لا حرج ( أصلها كايد ) وهي تسكن بلادي إنشد اللَي بالمرابع قد درج روَحت بأسلوب مقبول وحيادي وخلَدت فالقلب عكس أحرف حرج وإنتها ضحكي وحاربني رقادي وإنقطع حبل الرجاء وقفت مرج عقبها الأبيض غدا مثل الرمادي وفي عيوني ضاقت فجوجن زرج وفَر هروجك وأنا هاذا مرادي لين ربَي زيد ياتي بالفرج http://sqourelaqeeda.com/vb/uploaded...1280948858.gif

جنــــون 08-08-2011 03:07 PM http://sqourelaqeeda.com/vb/uploaded...1280948817.gif البارحة ربي كتب لي للتحميل البارحة ربي كتب لي ومريت درب عليه بروق الأحباب لاحت جيت المكان اللي جمعنا وخفيت وقامت جروحي للجوارح وصاحت ياليتني في لفة الدرب زليت كان العيون من الدموع استباحت التم غيم الدمع من يوم لفيت وورقا القصيد لشوفة الغيم ناحت وضحكت ماأبغي الناس تدري يبالفيت لكنها غصب على العين ساحت حارت دموعي في عيوني وصديت وأرمشت مابيها تبين وطاحت وعقبه برق في العين براق واسقيت خدي ووناتي بصدري تلاحت وأنا أحسب إني في فراقه تشافيت وان عبرتي من مدخل الزاد زاحت اللي يحسب إني على البعد سجيت والا ان عيوني للرقاد استباحت ياليتني من قبل لا أحبه اقفيت والا ان دروبي عن دروبه تناحت أهون علي من البكا والتناهيت وأشلا من سدود على الناس باحت عرفت كيف الحي يفرق عن الميت وعرفت قيمة نعمتي يوم راحت قولوله اني عقب بعده تدانيت ورجلي عن دروب المعافين شاحت البعد نار وطاعة العذل كبريت يقصر على بعده ترى الكبد فاحت http://sqourelaqeeda.com/vb/uploaded...1280948858.gif

جنــــون 08-08-2011 03:07 PM http://sqourelaqeeda.com/vb/uploaded...1280948817.gif الدفع الرباعي للتحميل اقـول لـها وقـد طـارت شـعاعـاً مـــن الـشـعـار ويـحـك لاتــراعي تــرى اللـي كـاتبه ربـي بيـاتـي ولو ماسعى لحظي جاش ساعي عليش الصبر والباقي على الله وعلى التصويت ما للـخوف داعــي تحـزمت بـقـصـيدي والـقـبايـل وجا شعري على الدفع الربـاعي انا في مركب الشعر الحقيقـي وجـمـهـور الـشـر حسبة شراعي امـــامـي لـجـنـة كـفـو بـأهـلها وعلى الشاشات لي جمهور واعي ومدام ان ديـرتي دار الـتميمي فـانـا ماظنتي يـحـجـب شـعـاعـي تــربـيـنـا عـلـى حـب الـطلـيعه وندعـس للـوطـن رؤوس الافاعـي نعيش لرفعته ونعيش لأجـلـه ونـمـوت لـعـزتـه مــوت جمـاعــي قـطر داري ودار ابـن الـفـجاءه بـلاد(ن) نـبـتـها سـيـف ويـراعــي ظهر ابــن الفجاءه في زمـانـه وانا ابن فطـيـس تظهرني ذراعي http://sqourelaqeeda.com/vb/uploaded...1280948858.gif

الساعة الآن 09:51 AM

صفحة 2 من 3 < 1 2 3 > عرض 40 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية