رغم كل شيء . . مشتاق وابيك !

_





















يالغايب اللي غابَت سنيني معاك !
ياجعل ماجاني من الفرقا . . يجيك
استغفرالله . . . جعل ماجاني فداك
حتى لو انّ نهايتي على يديك !
مسامحك واللي بقوُله في قفاك :
خيرك كثير . . . ويرحم الله والديك !
ماصار شيء بلا رضايّ الا رضاك
اللي مهُو فيني وابيه! ألقاه فيك
كنت السّما في عِيني،وعِيني سماك
كانت حياتي كلها " منك وإليك "
كنت بِ يديني بس مدري من خذاك !
حسبي على تقصِيري وحسبي عليك
علمتني وش الحياه . . . من الهلاك
في موادعك هذا وفي جيّتك ذيك !
ياكيف ابلقى شخص يسواني سِواك
كل مانويت انهِيك في شخص،ابتديك !
وابدا اقارن مُستواه بِ مُستواك
واخاف لاتزعل،وابيعه واشتريك
والمشكله رُغم محبّتك . . . وغلاك
واني رغم كل شيء .. مشتاق وابيك
ماهوب من حقي يضايقني جفاك
ولا اعشقك ولا ألمحك ولا احتريك !
لكن مايخفاني ولا اظن يخفاك
حقي عليك انك تطمنّي عليك !

- محمّد جارالله السهلي .

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

طرح جميل
عوافي

فيِض من العُذوبه أغرقتنا بها
نبض يلامس الوجد
وأنسكاب مِدجج بالجمال واللغة وألاحساس

بعيد كل البُعد عن التكلف
سلمت يمناك ياقدير/ة
وكُونـــ/ ــي بخير وسعادة

مودتي

*،




آنتقاء مميز .. مَ ننحرم من جديدك

؛؛ الجَمَالُ مَسْكُوبٌ مِنْ غَيمِك
شُكْراً و رِيْحَانَةٌ لِنَبْضِكْ ؛؛

آبيات رائعه شُكرا لك على هذهِ الذائقه
سَلمت آناملك ودآم عطـآئك
بِ آنتظآر تميزَ آخر . ..

‏اختيار جميل جدا
يدل على ثقافه عاليه

‏شكرا من القب
على هكذا طرح




احترامي
‏محمد الحريري

يعطيك العافيه

سلمت يمناك
طرح جميل جدا